جلسة التداول ليوم الخميس 24/11/2022 [الأرشيف] - منتديات شبكة الأسهم القطرية

متفائل فنان

24-11-2022, 08:38 AM

وعليكم السلام ورحمة الله وبركاته
وضع بورصات العالم متتاز،
أعضاء الفيدرالي امس أعلنوا انهم راح يبدأوا بتبطيء وتيرة رفع الفائده وان في انخفاض ملحوظ للتضخم لكن نفس الوقت يقولون الهدف بعيد للحين، لكن بعد تصريحهم السوق الامريكي قلب من الاحمر للاخضر 0.28% أعتقد،
ومؤشر الدولار هبوط واحتمال ينزل لارقام جديده.
عوامل الضعف هبوط برنت لكن للحين سعره يعتبر ممتاز 84.9$

لـبـيـه

24-11-2022, 08:45 AM

أخوي لبيه، ملاحظة بسيطة على عنوان الجلسات اليومية، هو الصح أن يكون: جلسة يوم الخميس 24-11-2022، وليس جلسات يوم الخميس . .

تم التعديل

Breakaway

24-11-2022, 08:59 AM

تم التعديل

تسلم . .

رمــــــاح

24-11-2022, 09:15 AM

السلام عليكم ورحمة الله وبركاته
بالتوفيق للجميع ان شاء الله

السامر الأسود™

24-11-2022, 09:17 AM

السلام عليكم ورحمة الله

صباح الخير جميعا

الحمد لله وصلت للدوحة فجر اليوم.

نتابع سويا جلسة اليوم... وبعد الاغلاق وترحيل البيانات نجدد قراءة السوق بعد الكسور اللتي صارت على المؤشر.. ونشوف وش لنا وش علينا
ان شاء الله.

جاري قراءة مافات واخر الاخبار والجديد

للعلم انا بالسوق 100% هدفي حاليا معرفة هل اتخارج من السوق ام انتظر ارتداد معتبر يقلص ويقلل من الخسارة. نفس الكلام ينطبق على مثل من هم في قراري ونفس وضعي. حتى الساعة انتظار هو الافضل

السامر الأسود™

24-11-2022, 09:19 AM

بريك اواي وش الجديد فنيا ؟
طبعا المشهور حاليا القوطري ولكن لم يثبت حتى الساعه الا اذا انطلق السوق بقوة الى اعلى ظ£ اربع ايام

ابو جود

24-11-2022, 09:30 AM

السلام عليكم.. وصباحكم تفاؤل
اللهم بشرنا بما يسرنا

alkaldi

24-11-2022, 09:34 AM

السلام عليكم ورحمة الله وبركاته
بالتوفيق للجميع
وربي يرزقنا جميع قريب ان شاء الله

ابو جود

24-11-2022, 09:36 AM

alkaldi

24-11-2022, 09:37 AM

مازال الوضع مبين نفس كل
مازال السوق يبحث عن نفسه
مازال الكل بعيد
الله فرجك وصبرك

السامر الأسود™

24-11-2022, 09:43 AM

هلا بو الجود.. امين

هلا بالخالدي.. حاليا هناك انقسام.. واضخ لي وعلى عجل بين قطاعات السوق

قطاع الصناعة يقول انا بانتظر وبكمل تصحيح حتى يكمل قطاع البنوك.. نتجية هذا الارتداد..

قطاع البنوك يقود الا التجاري معاكس ختى الساعه

السامر الأسود™

24-11-2022, 09:43 AM

عند الاغلاف وترحيل البيانات تتضح الصورة اكثر.

اليوم تجديد شامل وجديد.

ولكن بشكل عام ومن سابق تجارب هالاوضاع نتيجتها ايجابية

وتبداء شوي شوي مش فجاءة.. لو قبل اسبوع نعم فجاءة تصير.. وضع الحين لا.. شوي شوي ونظام الحبة حبة

السامر الأسود™

24-11-2022, 09:47 AM

حاليا كما تعلمون واضح من المخطط السعري للسوق ان مستوى 11992 نقول للتبسيط 11999

قريب وهام ومفصلي.. اختراقه الى فوق

وعقب نشوف ان شاء الله

واضح قطاع البنوك ناوي عليه

Breakaway

24-11-2022, 09:48 AM

بريك اواي وش الجديد فنيا ؟
طبعا المشهور حاليا القوطري ولكن لم يثبت حتى الساعه الا اذا انطلق السوق بقوة الى اعلى ظ£ اربع ايام

سلامة الأسفار يالسامر، المؤشر يحاول اختراق خط المقاومة 1و3- ونتأمل يغلق فوق قمة شمعة الأمس 11992، الخوف هو النزول تحت 11750
104484

السيلاوي

24-11-2022, 09:48 AM

سيولة اليوم افضل من سيولة امس مثل هالوقت
ان شاء الله خير للجميع والحمد لله على السلامة محللنا السامر

السامر الأسود™

24-11-2022, 09:50 AM

https://www2.0zz0.com/2022/11/24/06/124490105.jpg (https://www.0zz0.com)

على اللحظي 10 دقائق..نحلي بطعم الارقام جلسة اليوم ومن الجوال

ابومبارك

24-11-2022, 09:51 AM

وش ناويه عليه استثمار اليوم
هل تعيد ارتفاعاتها بنفس الشهر العام الماضي كانت المت طول الاسبوع
الله اعلم وش بيصير

السامر الأسود™

24-11-2022, 09:52 AM

سيولة اليوم افضل من سيولة امس مثل هالوقت
ان شاء الله خير للجميع والحمد لله على السلامة محللنا السامر

الله يسلمك يالسيلاوي.. سفرة سريعه للسعودية.
المشكلة السعودية عاملة حجب للمنتدى للحين من ايام الحصار.. ولا كان ودي اكون معاكم.. امس وقبله

ابومبارك

24-11-2022, 09:53 AM

الحمد الله على السلامه يا السامر الطيب

بو هيا88

24-11-2022, 09:57 AM

تداول الريان ملفت

السامر الأسود™

24-11-2022, 10:12 AM

وش ناويه عليه استثمار اليوم
هل تعيد ارتفاعاتها بنفس الشهر العام الماضي كانت المت طول الاسبوع
الله اعلم وش بيصير

http://www.qatarshares.com/vb/showthread.php?641567-%D3%C8%ED%E1-%C7%E1%D3%C7%E3%D1-%C7%D8%E1%C8-%D3%E5%E3%DF-%E6%D4-%E6%D6%DA%E5-%C8%C7%E1%D3%E6%DE%BF&p=10882648&viewfull=1#post10882648

شدعوة يا بو مبارك بعنا بالسوق يا هامورنا...

شوف الرابط ادناه وركز عالارقام
وصل لل 1.6666 الحين هدف 18.999

حاسب.. منطقة جني ربح وبريك تايم.

السامر الأسود™

24-11-2022, 10:13 AM

الحمد الله على السلامه يا السامر الطيب

الله يسلمك.. يالغالي

بو هيا88

24-11-2022, 10:13 AM

مافي ثقة بالسوق بتاتا للاسف

ابومبارك

24-11-2022, 10:18 AM

متماسكه ام اللبن ههههههههه

ابومبارك

24-11-2022, 10:19 AM

مافي ثقة بالسوق بتاتا للاسف

على مزاجهم السوق

محمد مأمون

24-11-2022, 10:23 AM

عملو فينا رعب لما شفت المؤشر نزل بعت اسهمي ب استثمار خفت ينزل والسهم حاليا عم يرتفع ماعم ينزل

السامر الأسود™

24-11-2022, 10:25 AM

http://www.qatarshares.com/vb/showthread.php?641567-%D3%C8%ED%E1-%C7%E1%D3%C7%E3%D1-%C7%D8%E1%C8-%D3%E5%E3%DF-%E6%D4-%E6%D6%DA%E5-%C8%C7%E1%D3%E6%DE%BF&p=10882648&viewfull=1#post10882648

شدعوة يا بو مبارك بعنا بالسوق يا هامورنا...

شوف الرابط ادناه وركز عالارقام
وصل لل 1.6666 الحين هدف 18.999

حاسب.. منطقة جني ربح وبريك تايم.
https://www10.0zz0.com/2022/11/24/07/326997145.jpg (https://www.0zz0.com)

بو مبارك

بو هيا88

24-11-2022, 10:27 AM

اخوي السامر
ايس الي قاعد يصير الحين في السوق
الوضع ما يطمن

بو هيا88

24-11-2022, 10:28 AM

اشوف الاسهم تنزل بسيولة قليله
بينما عشان تصعد يبيلها سيولة كبيرة؟

السامر الأسود™

24-11-2022, 10:28 AM

https://www2.0zz0.com/2022/11/24/06/124490105.jpg (https://www.0zz0.com)

على اللحظي 10 دقائق..نحلي بطعم الارقام جلسة اليوم ومن الجوال
https://www10.0zz0.com/2022/11/24/07/571464144.jpg (https://www.0zz0.com)

يصحح حاليا. و واضح انه تصحيح عابر وليس بداية موجة تحت.. حتى الساعه. باذن الله

طبعا لحظي وجلسة متابعه توقعوا يتغير المسار الى مسار اخر .. بين لحظه واخرى..

لكن جميل متابعه جلسة مع عين عالمؤشر

ابومبارك

24-11-2022, 10:30 AM

https://www10.0zz0.com/2022/11/24/07/326997145.jpg (https://www.0zz0.com)

بو مبارك

احسنت يالسامر الطيب

السامر الأسود™

24-11-2022, 10:33 AM

اخوي السامر
ايس الي قاعد يصير الحين في السوق
الوضع ما يطمن

ارحب يا بو هيا.. و الله علمي علمك يالغالي.

تو جاي وحالي حالكم..

خل تتابع وانصح نفسي واياك ناخذ نفس. وثانيا

توقع نقول السوق باقي فيه.

ليش؟ السوق رجل . صادق. اذا بيقوم بيكون واضح واذا بيطيح بيكون واضح واذا نص نص فهو مستحي يكسفنا واحنا مفروض ما نزيد عشمنا به

ننتظر اي برايس اكشن او تحرك وجدية سواء فوق او تحت

شابق كان فيه بصيص امل وتابعناه وشفتوا وش اللي صار..

ابومبارك

24-11-2022, 10:36 AM

انا دخلت شوية سيوله في استثمار بداية السوق وعلي وعلى اعدائي ههههههههه

السامر الأسود™

24-11-2022, 10:41 AM

انا دخلت شوية سيوله في استثمار بداية السوق وعلي وعلى اعدائي ههههههههه

كلمة طيبة شفت بو مبارك.

محمد مأمون

24-11-2022, 10:42 AM

اخي السامر انا خفت وبعت اسهمي باستثمار تنصحني ارجع ادخل ولا انتظر للاحد لتوضح الصورة

السامر الأسود™

24-11-2022, 10:42 AM

عملو فينا رعب لما شفت المؤشر نزل بعت اسهمي ب استثمار خفت ينزل والسهم حاليا عم يرتفع ماعم ينزل

لعله خير عزيزي محمد لعله خير

قطر 2030

24-11-2022, 10:43 AM

صباح الخير اخوي السامر الاسود

ابغي اسال ؟

السوق من يتحكم فيه ؟
هل فيه جهه تطلع على ممتلكات الأفراد ؟
هل انزال السوق متعمد ؟
هل تحرك الأسهم المنتقاه اتكون بعلم جهات معينة ؟
هل فيه اطلاع من الدرجة الأولى في الدوله على السوق ؟
هل الاخبار اللي تنزل بالجرايد تكون مهدوفة من جهات معينة بقصد الاطاحة بالافراد حالنا ؟
هل الاسهم نفسها فيها تمييز عنصري وواسطات ؟
هل تداولنا بالسوق وتسليم فلوسنا للشركات الحلال لادارتها لنا يكون مقصود منه الاطاحة بنا بعد التغرير فينا بامتلاك اسهم الشركة ؟
ليه يرتفع السوق بعدد اسهم محدود والباقي تكملة عدد ؟
من هو الصانع وشنو هدفه ؟؟
هل واجب ما يربح احد ؟
ليه انلاحظ سوقنا يمشي على المزاج ولا يتأثر الا فقط عند حدوث اخبار سلبية حولنا ؟

والله اني مقهور حدي

من الآخر فيه شي غلط !!

السامر الأسود™

24-11-2022, 10:43 AM

اخي السامر انا خفت وبعت اسهمي باستثمار تنصحني ارجع ادخل ولا انتظر للاحد لتوضح الصورة

شوف تحليلي لها.. رابط بعثته لابومبارك

السامر الأسود™

24-11-2022, 10:46 AM

صباح الخير اخوي السامر الاسود

ابغي اسال ؟

السوق من يتحكم فيه ؟
هل فيه جهه تطلع على ممتلكات الأفراد ؟
هل انزال السوق متعمد ؟
هل تحرك الأسهم المنتقاه اتكون بعلم جهات معينة ؟
هل فيه اطلاع من الدرجة الأولى في الدوله على السوق ؟
هل الاخبار اللي تنزل بالجرايد تكون مهدوفة من جهات معينة بقصد الاطاحة بالافراد حالنا ؟
هل الاسهم نفسها فيها تمييز عنصري وواسطات ؟
هل تداولنا بالسوق وتسليم فلوسنا للشركات الحلال لادارتها لنا يكون مقصود منه الاطاحة بنا بعد التغرير فينا بامتلاك اسهم الشركة ؟
ليه يرتفع السهم بعدد اسهم محدود والباقي تكمل عدد ؟
من هو الصانع وشنو هدفه ؟؟
هل واجب ما يريح احد ؟
ليه انلاحظ سوقنا يمشي على المزاج ولا يتأثر الا فقط عند حدوث اخبار سلبية حولنا ؟

والله اني مقهور حدي

من الآخر فيه شي غلط !!

ارحب يا قطر 2030

نزل عشمك فيني .. قل ليش؟

لان ما اعرف. ولا عندي اي جواب لاسئلتك فعلا مهمة.. واسئلة جوهرية

بس حالي حالك ما اعرف اي جواب ..

سامحني على قولة المغاربة

بس سؤال لك. هل انت بالسوق؟ ام خارج

اذا خارج احسن لك. واذا داخل انتظر معاي ومع بو هيا

السامر الأسود™

24-11-2022, 10:47 AM

وبعدين شباب لسه بالسوق وقت جلسة خل ننتظر الاغلاق

يبدو باقي ارتداد مضاربي وهمي خل نشوف شو نتيجته

قريب عال بعد 13 دقيقة اتوقع

محمد مأمون

24-11-2022, 10:48 AM

شفته بس مافهمته

قطر 2030

24-11-2022, 10:48 AM

والله اني متعلق في السوق وداخل الاسهم حسب تحليل اخونا عتيق توهمت صراحة وحطيت احلام وقتها الا اشوف العكس صاير !

مثل الصافي المتعلق في الشبك اعوذ بالله خلاص كلونا

السامر الأسود™

24-11-2022, 10:50 AM

شفته بس مافهمته

خل برا السوق حاليا .. واطلع من جلسة اليوم
.. نورنا مرة ثانية الاحد
هذا شوري عليك .. كما طلبت

محمد مأمون

24-11-2022, 10:52 AM

خل برا السوق حاليا .. واطلع من جلسة اليوم
.. نورنا مرة ثانية الاحد
هذا شوري عليك .. كما طلبت

الله يجزيك الخير

حسن الخاطر

24-11-2022, 10:54 AM

السوق يطلع جلسة واحدة
و يهبط ظ،ظ*جلسات

السامر الأسود™

24-11-2022, 10:55 AM

والله اني متعلق في السوق وداخل الاسهم حسب تحليل اخونا عتيق توهمت صراحة وحطيت احلام وقتها الا اشوف العكس صاير !

مثل الصافي المتعلق في الشبك اعوذ بالله خلاص كلونا

ايوه الحين محاورنا الاقتصادي/ عتيق هو المشكلة .. قصدك. الحين

من مشاركاتك باثبت لك ان الخطاء عليك انت كمستفيد ومتابع تحاليل السوق والاسهم.

فرجاء لا تجي عامل نفسك عندك سؤال

وانت بين الفينة والفينة.. تخرج فجاءة على محللين الشبكة

وللعلم ولا تزعل اسمك و4 اسماء اخرى مرصودة
تشويش وتشويه على المحللين .. بهدف ضرب سمعتهم عندما تتفرد المؤوسسات وعصابات السوق.. تطلع تقول والله طنشوا له وخلوا يولي.. تحليل فني مش صح وخرافات وهرافات.. واضحه عاد

معليش .. بزعلك.. وايضا اتحداك تجد من يتابع السوق والمؤشر بهذا الصدق والوضوح كما تراه هنا

وبعدين سؤال. هل عتيق محلل فني؟ وش مكتوب تحت اسمه

السامر الأسود™

24-11-2022, 10:56 AM

فرجاء خل نتابع الجلسة وحياك الله بس ما تضرب في احد ولا تعتب على احد

اعتب على نفسك وعلى من اوهمك هنا او
خارج هنا

محمد مأمون

24-11-2022, 10:59 AM

العامة للتامين اسهمها حلال ؟

السامر الأسود™

24-11-2022, 11:02 AM

العامة للتامين اسهمها حلال ؟

نشاطها حلال وتعاملاته ربوية او كما يسمى تجارية

قطر 2030

24-11-2022, 11:03 AM

انا ما اقصد التشويه له ابد هو يشكر على جهوده وما اشوف فيه مثله نشيط بالتحليل ولكن انا شخصيا شريت على تحليله وقتها واش دخل شنو تحت اسمه كل الاعضاء فيهم خير ونسمع للكل ونفهم اشوي اشوي وش يقصدون من الواقع اللي انشوفه

وبعدين انا اتكلم عن نفسي مالي شغل بحد ثاني

انا دخلت المنتدى لأستفيد نعم من وجهات النظر بس ليش الخطأ علي

ويهمني ما تربطني بحد ثاني

واذا ضايقتك او حد ثاني بالمشاركة اللي في خاطري رجاء لا اترد علي واعتبره مب موجوده

السامر الأسود™

24-11-2022, 11:05 AM

براحتك. وجاك الكلام. وحياك الله

السامر الأسود™

24-11-2022, 11:07 AM

https://www10.0zz0.com/2022/11/24/07/571464144.jpg (https://www.0zz0.com)

يصحح حاليا. و واضح انه تصحيح عابر وليس بداية موجة تحت.. حتى الساعه. باذن الله

طبعا لحظي وجلسة متابعه توقعوا يتغير المسار الى مسار اخر .. بين لحظه واخرى..

لكن جميل متابعه جلسة مع عين عالمؤشر

https://www5.0zz0.com/2022/11/24/08/886611395.jpg (https://www.0zz0.com)

ناخذ نفس.. يبدو باقي.. وممكن تنقطع وتعكس

a.alahmad

24-11-2022, 11:13 AM

السيلاوي

24-11-2022, 11:17 AM

قطر 2030

24-11-2022, 11:17 AM

خارج المنتدى حتى اشعار آخر

alkaldi

24-11-2022, 11:19 AM

الوضع اللي عليه السوق يجبرك على الصبر والانتظار
صحيح الكل متعلق وخسران بس مالنا الا الصبر وان شاء الله فالنا الخير
وربي يرزق الجميع قريب ان شاء الله

السامر الأسود™

24-11-2022, 11:23 AM

السلام عليكم والله يعوض كل متعلق

معلومة :-
المحلل اسمه محلل يعني يعطي توقعات سلبية واجابية حسب ما يراة وقراءته لما تعلمة وخبرته فيه يعني مب اسمه صاحب قرار يرفع وينزل بكيفة
اتمنى على كل واحد ياخذ دورة في التحليل ترا تنفعك ماتضرك تعلمك الاساسيات واخوانا المحللين يساعدونك بوجهه نظرهم وانت صاحب القرار تعرف متى تدش ومتى تطلع

هلا بالاحمد. صحيح . واشكرك عالتوضيحات .

التحليل التقني له مصطلحاته ومعانيه وشغله متخصصه لازم نتثقف فيها عشان نستفيد. اكثر استفادة.

وايضا المضاربة ومضاربات السوق نزاعات. خاصة بالاسواق الهابطة .. قل ممكن وبحذر في صعودات الاسواق.

السامر الأسود™

24-11-2022, 11:25 AM

يعطيكم العافية جميعا وانصح الجميع بالصبر والتمركز في اسهم العوائد وما باقي لنهاية العام إلا القليل ومتوقع توزيعات جيدة ان شاء الله ولا تخلوهم يلموا الاسهم برخيص وكل شخص حر في قراره بارك الله فيكم

السيلاوي كلام خبرة.

اضف الى ذلك الشركات والبنوك ذات العوائد والفوائد .. والمتحركه في السوق يعني مثلا بعض الاسهم استثماريا روعه لكن ماتتحرك مثلا نفس استثمار وقامكو وازدان و و... بعضها يجبرك تستثمر.. وتنتظر شهور.. مش متابعه يوميه يعمل تعب واحيانا قرارات خطاء للاسف في سهم روعه

alkaldi

24-11-2022, 11:27 AM

الظاهر الدور على المصرف والله اعلم في تنزيل الموشر
الاسهم القياديه بالدور والله اعلم

alkaldi

24-11-2022, 11:29 AM

اخوي السامر على وضع السوق مالنا الا الانتظار الى التوزيعات وان شاء الله مايطول الانتظار الى التوزيعات ان شاء الله انها تتحرك قبل

كلمة طيبة

24-11-2022, 11:31 AM

على ما اظن الصبر في كل شيء مفيد الا بالاسهم في وقف خسارة ضرب وقف خسارة بيع لانه بعدها ما بكون اسمه صبر بكون اسمه حرق اعصاب .
فلذلك تحديد وقف الخسارة والقناعة بالمقسوم مهمين لتجنب خساير فادحة .

السامر الأسود™

24-11-2022, 11:33 AM

سلامة الأسفار يالسامر، المؤشر يحاول اختراق خط المقاومة 1و3- ونتأمل يغلق فوق قمة شمعة الأمس 11992، الخوف هو النزول تحت 11750
104484

الله يسلمك. ومسامحه تو اشوف مشاركاتك

اتفق معاك عالصورة 100% والله يستر

بس المختلف حاليا عزوم وقوى السوق ضاعفه ينزل تحت.. فالاغلب باقي فيه ارتداد .. مؤشر الى اعلى..

وله تشكيلته الخاصة .. بكن ننتظر حتى الاغلاق ونشوف

السامر الأسود™

24-11-2022, 11:36 AM

اخوي السامر على وضع السوق مالنا الا الانتظار الى التوزيعات وان شاء الله مايطول الانتظار الى التوزيعات ان شاء الله انها تتحرك قبل

و الله يالخالدي.. انا اتفق معك وفيه كلمه مشهورة وقديمة.. من هذة نيته فلا يتابع يوميا وجلسات متابعه بعد.. من اراد ان يبعد.. فهناك من اهل الحنكة والخبرة .. قدام عينك.. مش موجودين ليش؟

نفس كلامي وكلامك.. اترك الشاشة

المتداول لازم يعرف متى يترك الشاشة ومتى يبطلها.

محلل؟ لا.. مشرف؟ لا. متعلق؟ عملت قرار خطاء سابقا؟ نعم.. انت صح. في سهم صح بس وقت دخولك.. قدر الله يكون مش صح

الكلام بشكل عام مش لك يالخالدي.. للجميع بس مشاركتك ذهبية وحبيت اضيف

السامر الأسود™

24-11-2022, 11:38 AM

صلاة تايم نشوفكم لاحقا ان شاء الله

Al-Mezan

24-11-2022, 11:47 AM

السلام عليكم , ان شاء الله يرتد السوق ويكمل الطريق

ابومبارك

24-11-2022, 11:51 AM

إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا

Breakaway

24-11-2022, 11:55 AM

الله يسلمك. ومسامحه تو اشوف مشاركاتك

اتفق معاك عالصورة 100% والله يستر

بس المختلف حاليا عزوم وقوى السوق ضاعفه ينزل تحت.. فالاغلب باقي فيه ارتداد .. مؤشر الى اعلى..

وله تشكيلته الخاصة .. بكن ننتظر حتى الاغلاق ونشوف

اتفق معك، السوق الآن في قاع ولا بد له من ارتداد مجزي، اما حاليا فهو يتذبذب بين صعود وهبوط يسير في بطن هذا القاع، ولن يهبط إلى ما دون مستوى 11750 إلا إذا أراد صانع السوق ذلك بعد مشيئة الله

السامر الأسود™

24-11-2022, 12:00 PM

هلا بالشبيبة والشباب..

نعم نعم اتفق معكم وخاصة السيولة لازم قوة ولازم سرعة.. معليش.. خل نخفض عشمنا بالسوق.

ويكند وسوق ميت وظروف خارجية متعددة.

اذا ماصار اليوم او الاحد بقوة وسيولة وسرعة.. فهذا مش كويس هالمرة . احنا مش في تاسيس لسه. نحن بصدد ارتداد واضح وقوي وسريع

اذا مافيه فهو ارتداد وزي ماشفتوا صار. بس يبقى وهمي ومضاربي.

عن نفسي بانتظر الاغلاقات وبشوف وبتخذ قرار ان شاء الله

a.alahmad

24-11-2022, 12:01 PM

واضح رفع السوق ب وقود والتجاري

كلمة طيبة

24-11-2022, 12:05 PM

ان شاء الله نشوف ارتداد اليوم ، ويكون مجزي ، ان تأتي متأخرا خي ا من ان لا تأتي

السامر الأسود™

24-11-2022, 12:05 PM

https://www5.0zz0.com/2022/11/24/08/886611395.jpg (https://www.0zz0.com)

ناخذ نفس.. يبدو باقي.. وممكن تنقطع وتعكس

https://www5.0zz0.com/2022/11/24/09/837722825.jpg (https://www.0zz0.com)

تحديث لمسار السوق وين راح.. والارتداد اللي صار

السامر الأسود™

24-11-2022, 12:06 PM

واضح رفع السوق ب وقود والتجاري

صيااااد

كلمة طيبة

24-11-2022, 12:08 PM

يبدو صناعات في طريقه للاخضر

السامر الأسود™

24-11-2022, 12:09 PM

السامر الأسود™

24-11-2022, 12:09 PM

نغير الجو شوي. بأسئلة ونقاشات سريعه.

a.alahmad

24-11-2022, 12:11 PM

لو شلنا سيولة استثمار كم تبقى سيولة السوق........

a.alahmad

24-11-2022, 12:12 PM

السامر الأسود™

24-11-2022, 12:14 PM

لو شلنا سيولة استثمار كم تبقى سيولة السوق........

ملاحظه جديرة بالذكر .. وعشان كذا اشوف الوضع مش كويس حتى الساعه. والاغلاق بيجي حول وحوالي الرقم الهابط... دقيقة بوضح.. بريك اوياي شوف؟ ..

كلمة طيبة

24-11-2022, 12:15 PM

سؤال وفائدة

هل شراء السهم وهو مولع وطاير وعند مقاومة واخترقها ..واخضر ورايح الى فوق.. صحيح

ام شرائه وهو احمر وعند دعم ونفسية تعبانة واحجام قليل واسعار سفلية؟ ومخاطرة اقل وكما يقال في قاع سعري

اعتقد عند قاع ولكن ذلك يعتمد على امكانية تحديد القاع ، اذا كان هناك سهم مولع يعتمد ايضا على الايجابية والسيولة والزخم اللي ممكن يساهم بتحقيق قمم جديدة .
من ناحية نفسية يتم التصريف بالقمم والتجميع بالقيعان لانه نفسية المستثمر هي اهم نقطة في عملية البيع والشراء .

السامر الأسود™

24-11-2022, 12:17 PM

https://www2.0zz0.com/2022/11/24/09/991152814.jpg (https://www.0zz0.com)

شوف المنطقة دائرة حمراء وشوف مساؤ السوق الاخضر وشوف السيولة وقوة الارتداد ضعيفة ومافيش وقت لنهاية الجلسة.

عبدالعزيز 9

24-11-2022, 12:19 PM

الريان بيكمل صعود؟ ممكن اهدافه

السامر الأسود™

24-11-2022, 12:19 PM

اعتقد عند قاع ولكن ذلك يعتمد على امكانية تحديد القاع ، اذا كان هناك سهم مولع يعتمد ايضا على الايجابية والسيولة والزخم اللي ممكن يساهم بتحقيق قمم جديدة .
من ناحية نفسية يتم التصريف بالقمم والتجميع بالقيعان لانه نفسية المستثمر هي اهم نقطة في عملية البيع والشراء .

خبير خبير .. يالكلمة الطيبة

ولكن: خلاصة الدراسات والتجارب وكلام خبراء التداول اجانب وعرب... امش عالقانون.. اريح لك يا متداول.. ليش؟ لان كل تعليقة سببها لو ولو وفيةحال وزخم و و و..

السامر الأسود™

24-11-2022, 12:20 PM

الريان بيكمل صعود؟ ممكن اهدافه

38.2

بس لسه شوي يا بو سعود

خذ نفس

السامر الأسود™

24-11-2022, 12:22 PM

الشراء عند دعم افضل
نسبة المخاطرة قليلة ونسبة الارتداد اعلى

روعة.. قليل كلام عميقة المعاني.. وهذة القيعان .. نوعين صغيرة وكبيرة نحن بصدد متوسطة .. وفيها صغيرة وكل نفسياتها حاصلة ونعيشها سويا.. والله الموفق.

سؤال اخر مرادف:

من الاحق بالسيطرة او قيادة القيعان؟ كبار مضاربين افراد ولا صغار صناع؟ مؤوسسات

عبدالعزيز 9

24-11-2022, 12:24 PM

لاهنت يالسامر

السامر الأسود™

24-11-2022, 12:25 PM

لاهنت يالسامر

ولا انت.. بس اذا باقي برا خلك.

اذا جوه.. انتظر او قرر اللي يريحك وسياستك المالية

مضارب دوسري

24-11-2022, 12:25 PM

نحتاج في اسوأ الاحوال اغلاق فوق 11950 لاستمرار الايجابيه

a.alahmad

24-11-2022, 12:26 PM

نحتاج في اسوأ الاحوال اغلاق فوق 11950 لاستمرار الايجابيه

ماضنيت والله

السامر الأسود™

24-11-2022, 12:27 PM

مش كفاية بو محمد

مش كفاية يا ليت و الله بس مش كفاية

لازم الل 11992

كلمة طيبة

24-11-2022, 12:27 PM

خبير خبير .. يالكلمة الطيبة

ولكن: خلاصة الدراسات والتجارب وكلام خبراء التداول اجانب وعرب... امش عالقانون.. اريح لك يا متداول.. ليش؟ لان كل تعليقة سببها لو ولو وفيةحال وزخم و و و..

من بعض ما عندكم حبيبنا .
بس ايضا تحديد القاع في حالة السوق الهابط للسهم ليس بالأمر السهل ، من كان يتوقع انه السلام بتوصل 2. ، ومن توقع انه الطبية توصل 3.5 طبعا قاع جديد وقمة جديدة .
لو الواحد كان شاري السلام على 4. بكون خسر 50% ، ولو الواحد باع الطبية على 9. وهو ربحان 100% بكون فوت 4 ادبال .
فمثل ما تفضلت الموضوع توفيق من الله مع التسلح بأدوات كالتحليل وغيرها

السامر الأسود™

24-11-2022, 12:28 PM

ماضنيت والله

ظن * ظنيت

a.alahmad

24-11-2022, 12:29 PM

شرايكم نسوي قطية مثلا كل واحد مليون ونسوي محفظة :fight: ونلعب بسهميين ونسوي مجلس ادارة وانتخاب وحركات

مضارب دوسري

24-11-2022, 12:29 PM

مش كفاية بو محمد

مش كفاية يا ليت و الله بس مش كفاية

لازم الل 11992

لولا تاثراته باللي حصل امس ونزول القوي كان ممكن اكثر من 12100

ولكن الامل بالله كبير وان شاء الله يتم احياء آمال هالموجه في آخر الوقت

a.alahmad

24-11-2022, 12:30 PM

ظن * ظنيت

مشكلة يوم تكون ما تحب مدرس اللغه العربية :omen2:

السامر الأسود™

24-11-2022, 12:30 PM

من بعض ما عندكم حبيبنا .
بس ايضا تحديد القاع في حالة السوق الهابط للسهم ليس بالأمر السهل ، من كان يتوقع انه السلام بتوصل 2. ، ومن توقع انه الطبية توصل 3.5 طبعا قاع جديد وقمة جديدة .
لو الواحد كان شاري السلام على 4. بكون خسر 50% ، ولو الواحد باع الطبية على 9. وهو ربحان 100% بكون فوت 4 ادبال .
فمثل ما تفضلت الموضوع توفيق من الله مع التسلح بأدوات كالتحليل وغيرها

صدقت .. وحلو الكلام.

الله عز وجل يقسم الارزاق.

لا سوق ولا صناعه ولا احنا مهما كنت مدجج بالادوات وكلها توافيق..

احب اضيف شغله اكيد الكل عارفها بس اذكر يها

المستثمر سنوي وشهري ونصف سنوي
المضارب نوعين. مضارب يومي.. وهم اكثر الزاين على قولة المثل المصري.. ومضاربين او متاجرين موجات.

اختر السهم صح ماليا واساسيا.. وتداول به موجيا بالسوق..

وليش العكس مفروض ما نستثمر سنوي ونتابع لحظي..

بس هالنقطة حبيت اضيفها

Not Qatari

24-11-2022, 12:31 PM

الي يضحك ان التكافلي قاعد يتصرف وكأنه خسران لعشر سنوات على التوالي ومجمع الخسائر تجاوز راس المال!
مع انه ربحان وفيه نمو واموره المالية فوق الممتازة!

a.alahmad

24-11-2022, 12:32 PM

بدا تنزيل وقود والتجاري شكلة لاحقة بعد

السامر الأسود™

24-11-2022, 12:32 PM

مشكلة يوم تكون ما تحب مدرس اللغه العربية :omen2:

عجفاك سمين وضنك بعيونا ظن يالاحمد افا عليك..
ههههه

السامر الأسود™

24-11-2022, 12:33 PM

الي يضحك ان التكافلي قاعد يتصرف وكأنه خسران لعشر سنوات على التوالي ومجمع الخسائر تجاوز راس المال!
مع انه ربحان وفيه نمو واموره المالية فوق الممتازة!

بالنسبة لي من افضل الاسهم الاستثمارية.

ولكن حال حال الميرة والاسمنت واسلامية تامين..

تحركاته قليلة اخوي

كلمة طيبة

24-11-2022, 12:34 PM

لولا تاثراته باللي حصل امس ونزول القوي كان ممكن اكثر من 12100

ولكن الامل بالله كبير وان شاء الله يتم احياء آمال هالموجه في آخر الوقت

ان شاء الله استثمار ب10 دقايق رفعوها 4% ببساطة

Not Qatari

24-11-2022, 12:35 PM

بالنسبة لي من افضل الاسهم الاستثمارية.

ولكن حال حال الميرة والاسمنت واسلامية تامين..

تحركاته قليلة اخوي

والله يالسامر لو الواحد داخل سهم السينما يمكن ماصار فيه مثل الي صار مع التكافلي.
البارح بعد اخبار تخفيف وتيرة رفع الفائدة اعتقدت ان السوق بيولع، لكن الشكوى لله، قدر الله وماشاء فعل

مضارب دوسري

24-11-2022, 12:39 PM

محاولات الان
ان شاء الله تضبط ما باقي وقت

السامر الأسود™

24-11-2022, 12:39 PM

والله يالسامر لو الواحد داخل سهم السينما يمكن ماصار فيه مثل الي صار مع التكافلي.
البارح بعد اخبار تخفيف وتيرة رفع الفائدة اعتقدت ان السوق بيولع، لكن الشكوى لله، قدر الله وماشاء فعل

كل كل كل الايجابيات مرت علينا في المويجة اللي حسبتها انا بتطلع.. والحين انتةاضفت زيادة امور ايجابية

باختصار وبشهادتكم ايضا وشوفتوا الوضع داخلي بين صناع السوق

لديهم خطة عمل باختصار. وهذا محترف و شغل مش بسيط و الله يوفقهم لاسعادنا ويوفقنا معاهم

واجبنا واللي بيدنا اصلا نقراء تحركاتهم المالية والنقدية والزخم والاحجام وتحرك السيولة الداخليه.. فقط ونتوقع

الحمد لله على كل شي

ولكن هناك شي واحد ..هو حقيقة وجميلة

قل شنو؟

Not Qatari

24-11-2022, 12:39 PM

على طاري المصايب، التداول بالهامش وش حكمه الشرعي؟

Not Qatari

24-11-2022, 12:40 PM

كل كل كل الايجابيات مرة علينا في المويجة اللي حسبتها انا بتطلع.. والحين انتةاضفت زيادة امور ايجابية

باختصار وبشهادتكم ايضا وشوفتوا الوضع داخلي بين صناع السوق

لدينم خطة عمل باختصار.

واجبنا واللي بيدنا اصلا نقراء تحركاتهم المالية والنقدية والزخم والاحجام وتحرك السيولة الداخليه.. فقط ونتوقع

الحمد لله على شي كل شي

ولكن هناك شي واحد ..هو حقيقة وجميلة

قل شنو؟

شنو..

مضارب دوسري

24-11-2022, 12:40 PM

بصراحه عشان الشمعه الاسبوعيه تكون فناااااانه نحتاج اغلاق 12015

ولكن خلاص ماهمنا الشمعه الاسبوعيه نبي حتى لو اغلاق فوق 11950

Not Qatari

24-11-2022, 12:42 PM

بصراحه عشان الشمعه الاسبوعيه تكون فناااااانه نحتاج اغلاق 12015

ولكن خلاص ماهمنا الشمعه الاسبوعيه نبي حتى لو اغلاق فوق 11950

اعتقد بيكون انجاز اذا اغلقنا فوق ال 11850، وينا ووين ال 11950

السامر الأسود™

24-11-2022, 12:43 PM

شنو..

ان الله جعل الصناع كبار.. والكبار حجمهم كبير

يعني فيزيائيا.. يسهل توقع توجهم.
واحنا افراد صغار .. نتنقل في خلال تحركاتهم

و الله اكبر

و الله ربنا وربهم

السامر الأسود™

24-11-2022, 12:44 PM

اراكم لاحقا الليلة وبكرة ونجددوا القراءات

وانصح نفسي واياكم نخفض من عشمنا بالسوق

في امان الله

السامر الأسود™

24-11-2022, 12:46 PM

https://www13.0zz0.com/2022/11/24/09/575956514.jpg (https://www.0zz0.com)

تحديث اخير قبل المزاد ب ربع ساعه

نراكم لاحقا

السامر الأسود™

24-11-2022, 12:49 PM

https://www8.0zz0.com/2022/11/24/09/980660514.jpg (https://www.0zz0.com)

بو سعود شوف الريان وال 3.6666

اذا ما اخترقها.. مش كويس.. لازم يخترقها

مضارب دوسري

24-11-2022, 12:55 PM

فيه احجام جيده وطيبه

حتى لو ما ضبط اليوم بننتظره الاسبوع القادم ان شاء الله

alkaldi

24-11-2022, 12:59 PM

خلاص راح هالاسبوع بخيره وشره
امل في الله باسبوع جديد يكون فيه خيره غالب على شره
الامور تسر ولاندري الى اين ولكن الله يعلم ونحن نمشي بامر الله
وكل امور الله فيها الخير ولا بد ان ياتي الخير حيث ما كان
فنسال الله ان كان بعيد ان يقربه وان كان مخفي ان يظهره وان كان ممسوك ان يحرره
وربي يرزق الجميع ان شاء الله قريب

Not Qatari

24-11-2022, 01:01 PM

اراكم لاحقا الليلة وبكرة ونجددوا القراءات

وانصح نفسي واياكم نخفض من عشمنا بالسوق

في امان الله

الله يعطيك العافية، تواجدك في مثل هالاوقات شجاعة منك وثقة، الله يكتبلك الاجر.

ابومبارك

24-11-2022, 01:05 PM

ماقصر استثمار معاي

الشرده احسن

alkaldi

24-11-2022, 01:12 PM

ماقصر استثمار معاي

الشرده احسن

تستاهل والواحد ان شاف انه عنده ربح زين لا يطمع
صراحه استثمار من بداية السنه وهو كريم ماقصر
عقبال الاسهم الثانيه تحس فينا

مضارب دوسري

24-11-2022, 01:13 PM

ماقصر استثمار معاي

الشرده احسن

تستااااااهل وكفووو القناعه كنززز

مضارب دوسري

24-11-2022, 01:15 PM

اغلاق عادي ولا باس بعد هبوط برنت امس 4%
حصلت شوي لخبطه ولكن السوق متماسك وصناعات متماااسكه لين اخر لحظه في احترام للدعوم اللي وصل لها السوق من يومين وفيه زيادة شراااء ومواجهة اي خبر سلبي كبير ولكن يظهر فالتداول وكأن خبر كان عادي او انه سلبي خفيييف
هذي مؤشرات جيده

مضارب دوسري

24-11-2022, 01:16 PM

الخوف يكون لما يكون خبر سلبي عادي وخفيف ويتم تضخيمه في تداولات السوق ويظهر كأنه خبر سلبي كبير

اللي حصل اليوم برأيي كان العكس

ابومبارك

24-11-2022, 01:20 PM

تستااااااهل وكفووو القناعه كنززز

تسلم يا مضارب دوسري
الخساره لين الحين موجوده لكن العوض شوي شوي
ولا نطمع ونجلس وتزيد الخساره
لان مضاربات قويه في استثمار وماقدر اغامر
الحمد الله
ويسلم السامر الطيب