جلسة تداول الأربعاء 30/11/2022

[بوجبر]

السلام عليكم ورحمة الله وبركاته

[عبدالعزيز 9]

عليكم السلام ورحمه الله وبركاته
الله يرزق الجميع ويفرح جميع الملاك

[بوبدرvip]

السلام عليكم صباح الخير للجميع
اللهم لك الحمد والشكر والثناء

[بورصاوى]

السلام عليكم
اسعد الله صباحكم
نتمنى استمرار إيجابية امس

[ابومبارك]

السلام عليكم
صباح الخير ياعرب

[بورصاوى]

اليوم 9:30 مساء توقيت الدوحة موعد كلمة رئيس الاحتياطي الفيدرالي

[alkaldi]

السلام عليكم ورحمة الله وبركاته
بالتوفيق للجميع
وربي يرزق الجميع ان شاء الله

[ابومبارك]

يالليل الفيدراليه الي مايخلص

:sneaky:

[alkaldi]

تطلع من الفايده يطلع لك الفدرالي تطلع من الفدرالي يطلع لك التضخم تطلع من التضخم يطلع لك فوتسي
ورانا ورانا

[alkaldi]

نتمنى اليوم السوق يواصل الارتفاع نقول يارب الله يكتب لنا الخير ان شاء الله

[ابو جود]

السلام عليكم ورحمة الله

بالتوفيق ان شاء الله تعالى

[ابو جود]

11777
رقم مميز

[ابو جود]

اليوم أزدان سيتخلى عن 1.1

[mohamed9933]

تطلع من الفايده يطلع لك الفدرالي تطلع من الفدرالي يطلع لك التضخم تطلع من التضخم يطلع لك فوتسي
ورانا ورانا

بيزعلون عليك المحافظ المحلية ماذكرتهم عقب كل هذا النزول افاااا

[ابو جود]

أسهم تفعيل فوتسي منسمه

[ابومبارك]

مسلسل يوم حلو وايام مره

[بو هيا88]

ان شاء الله الامور تتحسن اليوم

[محمد مأمون]

السلام عليكم ورحمة الله وبركاته

ممكن حدا يشرحلي شو يعني مورجان اللي رح يتفعل اليوم

[adell]

اغلاق الطبيه فوق 13.60 جيد والافضل تكمل باغلاق فوق 14.50 بكره

[alkaldi]

صار سوق ممل امس او يمكن قبل واحد في تويتر منزل تقرير لقناة تلفزيونيه تتكلم عن السوق وان السوق يمر لاول مره بركود وان من يسعى هناك الى تطفيش المحافظ وجعل السوق خالي من المستثمرين وكيف صار وضع السوق ممل ومحبط

[Stars]

إنماء

[Stars]

إنماء

هل من تحليل لها

[ابومبارك]

ورجع التنافس بين قامكو والدوليه

:tooth:

[بو درين]

صار سوق ممل امس او يمكن قبل واحد في تويتر منزل تقرير لقناة تلفزيونيه تتكلم عن السوق وان السوق يمر لاول مره بركود وان من يسعى هناك الى تطفيش المحافظ وجعل السوق خالي من المستثمرين وكيف صار وضع السوق ممل ومحبط

اتوقع تقصد cnbc .. لكن عندي استفسار .. للي يعرف الجواب او التوضيح

ليش وقت يرتفع سهم بنسبة كبيرة يتم الاستفسار عن السبب فقط؟!

[alkaldi]

اليوم أزدان سيتخلى عن 1.1

ابشرك تخلى عن 1.1 الحين 1.102
في تطور

[alkaldi]

اتوقع تقصد cnbc .. لكن عندي استفسار .. للي يعرف الجواب او التوضيح

ليش وقت يرتفع سهم بنسبة كبيرة يتم الاستفسار عن السبب فقط؟!

يمكن هي ماانتبهت
اكيد يسالون بس عن الارتفاع النزول لا
السبب اللي يخلي السهم هل مشاريع ارباح تغيير مجالس اداره اي اضافات
عشان اذا مافي سبب في قوانين ممكن يتعرضون للعقوبات والغرامات

[alkaldi]

هاي اللي اعرفه في شي او انا غلطان الله اعلم
اضفتها من عندي

[بوجبر]

اداء مايشجع على الشراء ويسد النفس

[ابومبارك]

ابشرك تخلى عن 1.1 الحين 1.102
في تطور

يتخلى عنها ويرجع لها
تيتي تيتي

[معماري قطري]

صباح الخير للجميع

الشراء على بعض الأسهم وأكثره من الأفراد الكبيرة والمؤثرة عليها شراء وبيع من المحافظ وبإذن الله القادم أفضل كارتفاعات محققين نتائج جيدة ومتوقع أفضل آخر السنة

[بورصاوى]

تفتكروا الريان ممكن يختبر 3.6 اليوم؟

[ابو عبده]

هو ايه الموضوع اليوم .... تداول 100 مليون والاسهم والمؤشر تقدر تقول محلك سر ... لاتدرى هى عاوزة تطلع ولا تنزل
نقول يارب

[حكاية عطر]

سلام عليكم

السوق مريض ويجب تدخل سلطات عليا مختصة بالاقتصاد القطري .

الاسهم الحلال ما يلتفت لها فقط ابغي اعرف اي سبب مني مناك

هالأسهم من فترة انلاحظ العزوف عنها من المحافظ الكبرى

العدل مطلوب

[alkaldi]

ان شاء الله القادم اجمل باذن الله
الصبر الصبر شهر وشوي يمكن تبتدى الاعلانات يعلنون عنها
وربي يرزق الجميع ان شاء الله

[ابومبارك]

فيه سهم جالس يسخن على نار هاديه

[كلمة طيبة]

تفتكروا الريان ممكن يختبر 3.6 اليوم؟

للاسف للسهم عند قاع وسهم قيادي واعلى سيولة بالسوق من شهر للحين وللاسف ما في اي تفاعل ، ونازل 40% من قمة هذا العام

[roma27]

السلام عليكم ورحمة الله وبركاته الاجاره سهم حقق أرباح الآن سعره اقل من القيمه الاسميه

[حكاية عطر]

السلام عليكم ورحمة الله وبركاته الاجاره سهم حقق أرباح الآن سعره اقل من القيمه الاسميه

هذا السهم تخصص السامر الأسود هو ادرى به الله يرزقكم ما تتمنون

انا قلت تحت 0.8 وحققها وقلت لازم يحافظ على 0.785

لكن بشكل عام هذا السهم اللي يصير فيه غير مقبول ابدا ولا هو متوقع والشي المؤسف انهم ما وزعوا العام واتمنى لكم التوفيق

[ابومبارك]

اي وبعد وش العلوم

[حكاية عطر]

المؤشر لازم يعدل ويعمق في الأخضر ويعمل غزوة واشعال حرب عليهم بعد لكن الواقع مر ومادري على شنو خافسينه لهذي الدرجة وبهذا الاسلوب حتى لو المؤشر هابط لابد من الحركة فوق تحت ولكل الأسهم

[مضارب دوسري]

الامور طيبه
هذي كلها مناطق بناء ثقه
لين يصير اختراق ال 11935
والاغلاق فوقها

[حكاية عطر]

مضارب دوسري اي نعم السوق هابط ومن فترة لكن التداول بهذي الطريقة لا يجوز

المفروض يسلم ويستلم ويبادل الحركة

رفعت القيادات لاسعار خرافيه وتاريخية بالمقابل ثبت اسهم اخرى حاليا لازم اتقرر اتبادل

خذ واعطي لا تآخذ بروحك هههههههههه

كل شي راصدينه يا صانع السوق وصدقني ما اتروح بروحك ولا تلعب علينا

جاهزين في كل الاحوال واذا خذيت مني في ازدان فانا حاليا ربحان منك كميات اسهم وسأربح عدد اكثر وانت الخسران

[مضارب دوسري]

اليوم المزاد اتوقع بيكون مجنووووون مع تفعيل مورغن

[adell]

اليوم المزاد اتوقع بيكون مجنووووون مع تفعيل مورغن

خصوصا المناعي حاس بيسكر فوق 84 والله اعلم واذا سكر فوق 84 بيروح لفوق 94 مري اخري

[adell]

والطبيه احتمال تغلق قريب لمت اب

[السيلاوي]

اليوم المزاد اتوقع بيكون مجنووووون مع تفعيل مورغن

اليوم تفعيل فوتسي ولا موجان اخوي مضارب؟

[كلمة طيبة]

الاجارة تقول ما اله خص ، عامل حاله ميت هو ومزايا

[مضارب دوسري]

اليوم تفعيل فوتسي ولا موجان اخوي مضارب؟

الي اعرفه مورغن

[حكاية عطر]

الاجارة تقول ما اله خص ، عامل حاله ميت هو ومزايا

زيد عليهم ازدان وبروه

اسهم الشركات حلال وهنا علامة الاستفهام .

[حكاية عطر]

صلاة الظهر موفقين وانشوفكم بعدين

[مضارب دوسري]

خصوصا المناعي حاس بيسكر فوق 84 والله اعلم واذا سكر فوق 84 بيروح لفوق 94 مري اخري

بيكون الشغل بشكل اكبر على اوريدو والتجاري لان تم ادخالهم في شركات راس المال الكبير

[مضارب دوسري]

ودام لمت اب

[معماري قطري]

سلام عليكم

السوق مريض ويجب تدخل سلطات عليا مختصة بالاقتصاد القطري .

الاسهم الحلال ما يلتفت لها فقط ابغي اعرف اي سبب مني مناك

هالأسهم من فترة انلاحظ العزوف عنها من المحافظ الكبرى

العدل مطلوب

خلونا نقنع عمال بالاستثمار في البورصة ولو نزلت يطلعون يسكرون الطريق ثاني يوم بيرفعونها لعيونهم

[كلمة طيبة]

ودام لمت اب

الله يبعث الخير لجميع الاسهم ،الجميع يستحق ، صراحة النزول كان قاسي ، والوضع يحتاج لرد فعل قوي حتى ترجع الثقة

[حكاية عطر]

خلونا نقنع عمال بالاستثمار في البورصة ولو نزلت يطلعون يسكرون الطريق ثاني يوم بيرفعونها لعيونهم

فيه شي غلط

مطلوب ارتفاع اليوم لا يقل عن 400 نقطه ممكن يسويها بالمزاد

[ابومبارك]

يستاهلون ملاك ودام

[alkaldi]

ودام لمت اب

على الاقل سوى لمت اب اعقد من الاسهم الخدمية اللي استفادة و راح تستفيد من الحدث
تعال شوف الاسهم العقاريه محلك سر الله المستعان
نصبر وعلى ربك

[معماري قطري]

فيه شي غلط

مطلوب ارتفاع اليوم لا يقل عن 400 نقطه ممكن يسويها بالمزاد

سوق حراج يا اخوي واستغلال هالسنة ذي بالنسبة لي ما قدرت الأمور صح والا يوم احلم كم حلم ورا بعض إني بعت وان فيه حد يحاول يسرق مني وكانت محفظتي واصلة رقم عمري ما حلمت به كان المفروض ابيع واصبر لين ينزل السوق بس طمعت في ال 16000 ولا حصلت لكن سوقنا يستحقها وبإذن الله جاية قريب

عمري ما خططت للخروج الكامل بس شكلي هالمرة ناوي عليه بس بربح مناسب بإذن الله

[بوجبر]

يستاهلون ملاك ودام


الفال حق مخازن

[حكاية عطر]

المفروض يجي مطرررررر

لا حول ولا قوة الا بالله العلي العظيم الله المستعان

[معماري قطري]

يستاهلون ملاك ودام

سعر السهم تقريباً نص سعر معدلي فيه وكان المفروض أعدل المتوسط بس حتى ارتفاعه ولا شيء شوف الأسهم شكثر المباعة بكرة بتحصله حول

[حكاية عطر]

سوق حراج يا اخوي واستغلال هالسنة ذي بالنسبة لي ما قدرت الأمور صح والا يوم احلم كم حلم ورا بعض إني بعت وان فيه حد يحاول يسرق مني وكانت محفظتي واصلة رقم عمري ما حلمت به كان المفروض ابيع واصبر لين ينزل السوق بس طمعت في ال 16000 ولا حصلت لكن سوقنا يستحقها وبإذن الله جاية قريب

عمري ما خططت للخروج الكامل بس شكلي هالمرة ناوي عليه بس بربح مناسب بإذن الله

انا ما عندي مشكله انه يهبط بالسوق ابد بس العيب في انتقاء الصانع اسهم معدوده ويلعب اورقه بروحه في البار
استفدنا من الهبوط لكن السوق معدوم النشاط يبي له تنشيط

[alkaldi]

سوق حراج يا اخوي واستغلال هالسنة ذي بالنسبة لي ما قدرت الأمور صح والا يوم احلم كم حلم ورا بعض إني بعت وان فيه حد يحاول يسرق مني وكانت محفظتي واصلة رقم عمري ما حلمت به كان المفروض ابيع واصبر لين ينزل السوق بس طمعت في ال 16000 ولا حصلت لكن سوقنا يستحقها وبإذن الله جاية قريب

عمري ما خططت للخروج الكامل بس شكلي هالمرة ناوي عليه بس بربح مناسب بإذن الله

نفس شعورك بوعبدالله قبل كمن شهر قاعد اشوف المحفظه واحسب واقول الحين عندي هالكمييه على كاس العالم بتوصل لارقام وببيع وبخلي هالاسهم ولو كنت ادري ان هالوضع بيكون كان بعت ومخطط نفسك بيع الكميه كلها والعوده من الصفر الله المستعان
الله يوفق الجميع ان شاء الله

[مضارب دوسري]

فيه شي غلط

مطلوب ارتفاع اليوم لا يقل عن 400 نقطه ممكن يسويها بالمزاد

400 نقطه مره وحده
طبعا مستحيل وطبعا راح يكون سيء جدا لو حصل


الوضع الان في السوق زي الوووورد

[مضارب دوسري]

سعر السهم تقريباً نص سعر معدلي فيه وكان المفروض أعدل المتوسط بس حتى ارتفاعه ولا شيء شوف الأسهم شكثر المباعة بكرة بتحصله حول

بالعكس اذا صمد عاللمت اليوم ممكن يروح لل2.8_3.0

[alkaldi]

مسيعيد في المنحه الاولى لاسهم الاكتتاب المجانيه كانت 2018 الثانيه كم سنة 2023 او متى خمس سنوات صح

[adell]

الطبيه والمناعي بيلحقو ودام ان شاء الله

[مضارب دوسري]

مسيعيد في المنحه الاولى لاسهم الاكتتاب المجانيه كانت 2018 الثانيه كم سنة 2023 او متى خمس سنوات صح

نهاية 2023
يعني مع بداية 2024

[alkaldi]

ان شاء الله نشوف قريب 100 نقطه قبل الاغلاق

[معماري قطري]

المفروض يجي مطرررررر

لا حول ولا قوة الا بالله العلي العظيم الله المستعان

ناس نحب الشو وايد والفشخرة وحتى قوانينا تطبق على حسب الشخص وجنسيته .. مثال اللي دخل الملعب حامل علم ملون وقاصد ويعرف إنه مسوي جريمة يعاقب عليها القانون ولو في بلاده انسجن .. هذا لو عربي حكمه غير وحسب دولته ولو قطري بعد حسب من ولده ومن يكون .. ما عدلنا بلادنا عدل ولا التفتنا لبعض فرجاننا بس ركزنا على مناطق الأجانب

حتى معدات الحفر بدون صوت تشتغل في مناطق الأجانب والدبلوماسيين لكن فرجاننا ما يسمعون ولا بمهم

[مضارب دوسري]

اشوف ودام لمت اب

وعيني على الخليج التكافلي اقول يااااخي تألم خل عندك شوي دم
هههههه

[معماري قطري]

بنك رشا نازل يعني أمس ارتفع ارتفاع خارق

[حكاية عطر]

400 نقطه مره وحده
طبعا مستحيل وطبعا راح يكون سيء جدا لو حصل


الوضع الان في السوق زي الوووورد

غير سئ واتمناها الحوت يبلع مع كل هبوط اللي يبغيه راقب عدل

[مضارب دوسري]

غير سئ واتمناها الحوت يبلع مع كل هبوط اللي يبغيه راقب عدل

المهم ان نظرتك للسوق اليوم ايجابيه بعد ما حصل امس

[alkaldi]

مبروك ملاك الطبيه الله يبارك لكم
الله يرزق الباقين ان شاء الله

[مضارب دوسري]

الطبيه ثاني الواصلين لمنصة اللمت اب بعد ودام

[حكاية عطر]

ناس نحب الشو وايد والفشخرة وحتى قوانينا تطبق على حسب الشخص وجنسيته .. مثال اللي دخل الملعب حامل علم ملون وقاصد ويعرف إنه مسوي جريمة يعاقب عليها القانون ولو في بلاده انسجن .. هذا لو عربي حكمه غير وحسب دولته ولو قطري بعد حسب من ولده ومن يكون .. ما عدلنا بلادنا عدل ولا التفتنا لبعض فرجاننا بس ركزنا على مناطق الأجانب

حتى معدات الحفر بدون صوت تشتغل في مناطق الأجانب والدبلوماسيين لكن فرجاننا ما يسمعون ولا بمهم

نعم فيه تحيز بس عساه خير اخوي ربك كريم

[alkaldi]

في سهم في بالي ان شاء الله بينفجر قريب
انا حاس فيه وهوه ان شاء الله حاس فيني ههههههه

[alkaldi]

الطبيه ثاني الواصلين لمنصة اللمت اب بعد ودام

شرايك اخوي مضارب ومن خبرتك هل السوق ماشي صح
والا ممكن هاليومين ويرد لعادته القديمه

[مضارب دوسري]

ملاييييين تتحذف من كل صووووب

[محمد مأمون]

اول مرة بشوف كمية هلطلبات بالملايين

[مضارب دوسري]

سيولة قبل المزاد 372.6 مليون

[ابومبارك]

صارت حرب الملايين في استثمار والريان وقامكو هههههههه
طلب وعرض

[مضارب دوسري]

اول مرة بشوف كمية هلطلبات بالملايين

هذا مورغن
اذا اول مره معناه توك جديد على السوق اخوي

[qatar 86]

ودام

ههههههههههههههههه

[مضارب دوسري]

الريان يحتاج الفزعه والدعااااء ان يضبطونه
عقب ممكن نشوف اغلاق جميل ويسعدكم

نقول يا رب

[qatar 86]

اغلاق بيكون ايجابي

[مضارب دوسري]

ههههههههه ضبطوا الريان خلاص ما يبي فزعه
شكرا شباب

[حكاية عطر]

المهم ان نظرتك للسوق اليوم ايجابيه بعد ما حصل امس

لا اخوي السوق سلبي ولا زال
ما تشوفه فرص مضاربيه وقد تكون فرصه لخروج من هو متعلق او تقليل الخساير

[ابومبارك]

اشهد ان فيه فلوس بس ماسكينها

[مضارب دوسري]

الحين من صجكم انا اللي صدت القاع 11500

ولا مسوين فيني كاميرا خفيه ههههههه

[معماري قطري]

شكله بينزل شوي عن قبل المزاد

[مضارب دوسري]

شكله بينزل شوي عن قبل المزاد

لحد الحين شكله قاعد يقول

Metro is their

[مضارب دوسري]

كفوووووووو يالاغلاق الشنب

الحين عادي بكره حتى لو نزل شوي لين 100 نقطه عادي

[معماري قطري]

الحمد لله خيب ظني

[roma27]

شي غريب الي اشوفه

[مضارب دوسري]

سيولة قبل المزاد 372.6 مليون

سيولة الاغلاق 1.494 مليار ريال

[معماري قطري]

لحد الحين شكله قاعد يقول

Metro is their

نشوف نسب الشراء وأكيد المحافظ الأجنبية ولازم محافظنا تبيع حتى توفر أسهم بس إن شاء الله يرفعون السوق في باقي السنة

[مضارب دوسري]

شي طبيعي نسب التملك بتكون اجنبيه

اليوم كان يوم مورغن

وان شاء الله القادم اجمل

[معماري قطري]

ودام خقت

[مضارب دوسري]

خلاص نسمي الموجه هذه سواء كانت فعليه او مضاربيه بموجة
Metro is their

هههههه

[alkaldi]

ياجماعه على قولت اخوااانا الهنود ( كياااااا وااااااا ) يعني شنو صاااااار
طلعت شوي رديت اشوف فوق السيوله مليار ونص
السالفه احلوت والقادم اجمل ان شاء الله
وربي يرزقنا الخير قريب ان شاء الله