جلسة تداول الأحد 11 ديسمبر, 2022

[السامر الأسود™]

السلام عليكم ورحمة الله__
صبحنا الله وإياكم بما يفرحنا في المال والحال والبال والعيال

جلسة تداول الخميس. وجلسة اليوم وجلسة غدا
هم ثلاث جلسات تداول اسهم شركات السوق
في غاية الأهمية السعروزمنية للمؤشر العام

ننتظر الإفتتاح في تمام ال 9.30 وبإسم الله نبداء

[عبدالعزيز 9]

عليكم السلام
ان شاءالله بعد صبرنا تفرج ولا حول ولاقوه الا بالله

[alkaldi]

السلام عليكم ورحمة الله وبركاته
ماشاء الله عليك اخوي السامر نشيط مفتتح الجلسه بدري
ان شاء الله تكون جلسة خير وبدايه لاسبوع يكون في الخير والرزق للجميع ان شاء الله*

[السيلاوي]

شكرا لاخونا السامر وقوفك مع اخوانك في هذا المنتدى وربنا يعوض على الجميع وتبدأ جولات الصعود للمؤشر ان شاء الله

[ابومبارك]

السلام عليكم
صباح الخير ياعرب
يعطيك العافيه يا السامر الطيب

[السامر الأسود™]

وعليكم السلام ورحمة الله جميعا.
منورررين.

واللهم امين جميع . موفقين يا رب

هلا ومرحبا

[Breakaway]

اليوم مصطفين على خط المنتصف وننتظر صفارة الحكم !

[معماري قطري]

صبحكم الله بالخير

شفيكم تحسبون البورصة حرب

[السامر الأسود™]

escapeescape

[السامر الأسود™]

يا هلا صباح النور اخوي معماري.

منورين يا هل خط المنتصف. نتنومس بشوفتكم وإيانا وبهالظروف.

نسال الله التوفيق والسداد

[السامر الأسود™]

مبروك عليكم فوز المغرب الليلة البارحة


تتوقعون .. تفوز بالكاس؟

[ابومبارك]

يستاهلووون
لحد اهنيه ماقصروا واذا الله عطاهم وتجاوزوا فرنسا عقبها
مباراة كسر عظم ولو ان منتخب فرنسا شرس ومتمكن
اهم شي وصلوا بين الاربع الكبار ولهم ميدليه ان شاء الله

[السامر الأسود™]

يبدو الجلسة راح تبداء بهدوء ومراقبة بين الاطراف

[ابومبارك]

نحب الهدوء الي يسبق العاصفه ولا نحب النزول

[.:: القيصر ::.]

السلام عليكم


صباح الخير

[ابومبارك]

حي الله القيصر

[.:: القيصر ::.]

حي الله القيصر

الله يحييك و يبقيك


وحياكم الله جميع

[alkaldi]

تداوال فيه هدوء وسيوله خفيفه
ننتظر ونشوف ان شاء الله يكون فيه مواصلة الطلوع
وربي يرزقنا جميع ان شاء الله

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[.:: القيصر ::.]

السامر


قطاع التأمين احس فيه هجمة مرتدة

[ابو جود]

السلام عليكم
وصباح الخير
وبالتوفيق

[عبدالعزيز 9]

السيوله للاسف

[بو هيا88]

العين على الوطني
هل حيصمد ويقود السوق أو بيعطيها ريوس

[السامر الأسود™]

السامر


قطاع التأمين احس فيه هجمة مرتدة

مرحبا بالجميع ,,, رماح والخالدي والقيصر


شايف صفقة ضخمة بالعامة للتامين حول 60 مليون

[السامر الأسود™]

اتصور السوق ينتظر اختراق ال 11555 كخطوة اولى
ارتفاع 40 نقطة يعني

[ابومبارك]

الان اكتتاب 50% حق استثمار اخر الشهر
بيكون في صالح السهم ولا ضده

[.:: القيصر ::.]

مرحبا بالجميع ,,, رماح والخالدي والقيصر


شايف صفقة ضخمة بالعامة للتامين حول 60 مليون

حتى الخليج التكافلي


فيه صفقة ب 4 ريال

ارفعته فوق 2.50%

هههههههههههه

[كلمة طيبة]

لازم نشوف ردة فعل بالريان بكفيه اللي صار فيه

[السامر الأسود™]

الان اكتتاب 50% حق استثمار اخر الشهر
بيكون في صالح السهم ولا ضده

من سابق تجارب اكتتابات سابقة تكون في صالح السهم اذا السوق في مسار صاعد. وتكون ضدة اذا كان في مسار هابط

السوق للحين مسار هابط زي منت شايف

[ابومبارك]

من سابق تجارب اكتتابات سابقة تكون في صالح السهم اذا السوق في مسار صاعد. وتكون ضدة اذا كان في مسار هابط

السوق للحين مسار هابط زي منت شايف

يسلموووووو

[Stars]

omenomen

[alkaldi]

مرحبا بالجميع ,,, رماح والخالدي والقيصر


شايف صفقة ضخمة بالعامة للتامين حول 60 مليون

هلا اخوي السامر الله يعطيك العافيه على النشاط والتواصل والتفائل والتفاعل
والله يرزقنا الخير قريب ان شاء الله وتتعدل احوال السوق للاحسن والكل يفرح

[Breakaway]

إن شاءالله على الأقل يحافظ على المستوى الحالي11497

[السامر الأسود™]

حتى الخليج التكافلي


فيه صفقة ب 4 ريال

ارفعته فوق 2.50%

هههههههههههه

من تحليله,, قطاع التامين لازم يصحح اكثر.. ممكن تكون صفقة العامة للتامين جزء من هذا التصحيح المطلوب


يسلموووووو

الله يسلمك بو مبارك


omenomen


امين امين :)_


هلا اخوي السامر الله يعطيك العافيه على النشاط والتواصل والتفائل والتفاعل
والله يرزقنا الخير قريب ان شاء الله وتتعدل احوال السوق للاحسن والكل يفرح

الله يعافيك وانت شعلة تفاؤل وامين الله يرزقنا


إن شاءالله على الأقل يحافظ على المستوى الحالي11497

ايوه _ ضروري باذن الله يتماسك. حولها وحول ال 11411 تقريبا
من متابعة المسار السعري اللحظي كان الاكشن بيكون حول 11 او 11.30 جعله الله اكشن صاعد يا رب

[.:: القيصر ::.]

انا لين الحين اشوف الخليج الدولية و الاجارة و مزايا و المستثمرين والمتحدة



اسهم رخيصة


اولهم الخليج الدولية

[كلمة طيبة]

شو قصة هال 3000 سهم اللي مش قاعدين بخلصو بالريان

[كلمة طيبة]

المؤشر السعودي اخضر

[ابومبارك]

بدال سكون الليل صار سكون الصباح

:waiting:

[معماري قطري]

يا هلا صباح النور اخوي معماري.

منورين يا هل خط المنتصف. نتنومس بشوفتكم وإيانا وبهالظروف.

نسال الله التوفيق والسداد

صباح الأنوار والله يوفق الجميع

دخلت شوي وطلعت في شغلات والله ييسر لنا ولكم

[الطيف المهاجر]

صباح الخير اخونا السامر الاسود وباقي الاعضاء الكرام

الشيخ ابسألك وش سالفة السوق هل يعقل ان يملكه شخص ومتحكم فيه صعودا وهبوطا

ان قال صعود صعد والعكس

كل شي بخير والأمور طيبة بإذن الله شنو اسباب الهبوط ما ندري وليش ينزله بهذي المستويات الهدف شنو ؟

[adell]

الظاهر الموشر وبعض الاسهم راح يرتفعو الان

[السامر الأسود™]

https://www4.0zz0.com/2022/12/11/08/869632865.png (https://www.0zz0.com)



ايوه _ ضروري باذن الله يتماسك. حولها وحول ال 11411 تقريبا
من متابعة المسار السعري اللحظي كان الاكشن بيكون حول 11 او 11.30 جعله الله اكشن صاعد يا رب

السلام عليكم ورحمة الله_ عدنا!! بخصوص الاكشن والصورة العامة للسوق - المؤشر العام
من متابعة اللحظي يبدو لي و الله اعلم ان الاكشن بيصير ثابت كجلسة يوم ,, يعني نفس جلسة الخميس.
مع تكرار العملية للمرة الثالثة,, هالمرة الاسهم اللي باقي فيها تصحيحات ,, تعطى فرصة وينتظرها السوق

تصحيح ثابت يعني تصحح بنزولات بس السوق يكون ثابت, واعتقد ان المؤشر بيزور 11408 او 11444
يعني والحمد لله نطاق ضيق ونقاط قليلة تعتبر عاليومي ثبات,,

حطيت لكم الرسم للمهتم اوضح له وش المقصود. الصندوق الابيض هو الصفر تبع السوق والصناديق العنابية مناطق يبدو لازم يلامسها السوق

بالنسبة لي وضحت الصورة ,, حاليا انا استاذنكم صلاة ونشوفكم ليلا ان شاء الله بعد الاغلاقات

[السامر الأسود™]

صباح الخير اخونا السامر الاسود وباقي الاعضاء الكرام

الشيخ ابسألك وش سالفة السوق هل يعقل ان يملكه شخص ومتحكم فيه صعودا وهبوطا

ان قال صعود صعد والعكس

كل شي بخير والأمور طيبة بإذن الله شنو اسباب الهبوط ما ندري وليش ينزله بهذي المستويات الهدف شنو ؟

ارحب وهلا ومسهلا

اخوي الطيف وعليكم السلام,,, سؤالك جوهري ومنطقي وعقلاني ,, ولكن يبين لي ان لديك اسس في التداول ضروري اخبرك عنها
لان واضحه,,, مش عندك. ان شاء الله برد عليك الليلة وان كان فيه من اهل الخبرة من يقدر يوضح لك ياليت ايضا الشباب خير وبركه

[الطيف المهاجر]

الله يطول لنا بعمرك يالطيب وزين ان انحصل حد يوضح لنا شرواك بيض الله وجهك

الصندوق تقصد فيه السيوله اللي ادخلت عند 11411 نقطه نعم كبيره ورفعت السوق زين يا محافظنا الكرام حافظوا على الارتفاع اللي سويتوه بفتره ليست قصيرة ليش اتدق ريوس مره ثانيه خلك صامل وحافظ على المكتسبات وخل اللي يبي يدخل يدخل فوق

والله حظنا طايح والسامر الاسود وضح شارت الشركة مع المؤشر ظالمينا انتوا قسم بالله

اليوم الوطني قدامه اسبوع معقول ما يرفعون السوق ما ندري اش اللي يصير

[alkaldi]

ارحب وهلا ومسهلا

اخوي الطيف وعليكم السلام,,, سؤالك جوهري ومنطقي وعقلاني ,, ولكن يبين لي ان لديك اسس في التداول ضروري اخبرك عنها
لان واضحه,,, مش عندك. ان شاء الله برد عليك الليلة وان كان فيه من اهل الخبرة من يقدر يوضح لك ياليت ايضا الشباب خير وبركه

اخو السامر من وجهة نظري ان اللي يمر فيه السوق صحي وهالنزول عادي اعتقد ان السوق ينتظر الاعلانات للانطلاق والله اعلم
لانه مب معقول ان السوق لو انطلق من فتره واستمر بالطلوع ووصل الى مستويات مرتفع شبيخلي ليوم الاعلانات
يعني مثلا الموشر اعلى قمه له تقريبا ان ما خاب ضني في حدود 14600 يعني لو انطلق من فتره ووصل لهالرقم يوم الاعلانات ما يقدر يروح اعلى يوم الاعلانات
ومثال الوطني اعلى قمه له 27 لازم ينزل تحت لقيعان عشان ينطلق الى هالرقم او قريب منه او يكسره بشوي
مادري اخوي السامر هل تصوري صح او غلط ياليت تفيدني او تصحح لي ان كنت غلطان
وربي يرزقنا جميع قريب

[الطيف المهاجر]

المشكلة والقهر ان اذا ارتفع السوق يرفعونه باختيار كم شركة في خاطرهم هم طيب شركاتنا اشفيها مالها حظ عندكم اقل شي احفظ لنا حقنا حازه في الخاطر ما يمر صوبنا شي يطيبه اعوذ بالله

[مضارب دوسري]

اعتقد المصرف وصناعات للحين ما بدأ التصحيح فيهم

[كلمة طيبة]

اعتقد المصرف وصناعات للحين ما بدأ التصحيح فيهم

ابو محمد المصرف اتفق معك بس صناعات نزل من سعر 20 ريال قريب 30% برغم نتائجه الطيبة

[alkaldi]

المشكلة والقهر ان اذا ارتفع السوق يرفعونه باختيار كم شركة في خاطرهم هم طيب شركاتنا اشفيها مالها حظ عندكم اقل شي احفظ لنا حقنا حازه في الخاطر ما يمر صوبنا شي يطيبه اعوذ بالله

الله يعني يااخوي والله كلنا خسرانين بس شنسوي ما باليد حيله
بس الصبر انا الحين مالي الا الصبر وبفرجها ربك وبتزين ان شاء الله

[alkaldi]

اعتقد المصرف وصناعات للحين ما بدأ التصحيح فيهم

اخوي مضارب الصناعات لين وين بعد اصلا هو نازل نزول قوي من 20 تقريبا يعني ممكن يروح لين 11

[الطيف المهاجر]

اعتقد المصرف وصناعات للحين ما بدأ التصحيح فيهم

يبي يصحح مب مشكلة اقل شي عطا حركة تداول على السهم فيه صعود وهبوط وواضح كل شي مب مثل بعض الشركات اتحس انهم قاصدينهم

صحح من شركة او شركتين وخل باقي الشركات اتعاكس

[Stars]

اعتقد المصرف وصناعات للحين ما بدأ التصحيح فيهم

تصحيح المصرف سيكون مع اعلان النتائج السنوية والله اعلم

[الطيف المهاجر]

الله يعني يااخوي والله كلنا خسرانين بس شنسوي ما باليد حيله
بس الصبر انا الحين مالي الا الصبر وبفرجها ربك وبتزين ان شاء الله

الله يعينا كلنا على بلوانا والله ندمان شريت اسهم انا اللي ابغيه حلالي بس رجع الحلال اللي هو اساساً حلال من الله عزوجل ومشكور وجزاكم الله كل خير وبيض الله وجيهكم ما نبي شي زياده بس رجع الحلال لهله والله قهر

[مضارب دوسري]

ابو محمد المصرف اتفق معك بس صناعات نزل من سعر 20 ريال قريب 30% برغم نتائجه الطيبة

النتايج الطيبه احنا اللي نفكر فيها
هم يحسبونها على اسعار النفط المتوقعه للعام القادم في حال اسعار النفط كانت كذا وكذا .

ولكن انا اقصد فنيا مبين عندي مستهدف للسهم اول 13_12.8

هل بيتم تاجيلها للمستقبل او حاليا الله اعلم

المصرف اذا كسر 22.40 بيصير فيه دربكه

واذا راح فوق 23.50 يعطي هدوء وانطباع جيد

[كلمة طيبة]

السعودي قلب احمر

[معماري قطري]

النتايج الطيبه احنا اللي نفكر فيها
هم يحسبونها على اسعار النفط المتوقعه للعام القادم في حال اسعار النفط كانت كذا وكذا .

ولكن انا اقصد فنيا مبين عندي مستهدف للسهم اول 13_12.8

هل بيتم تاجيلها للمستقبل او حاليا الله اعلم

المصرف اذا كسر 22.40 بيصير فيه دربكه

واذا راح فوق 23.50 يعطي هدوء وانطباع جيد

هل يستاهل المصرف سعره؟ كبار ملاكه عادي يوصلونه 40 لو حبوا ونفس الشيء صناعات في المسار الهابط بس لو حبوا يرفعون السهم بعد شوية تركيز وتحصله رجع 20 وممكن فوقها

[مضارب دوسري]

كبنك وارقام ونمو وعائد نعم يستحق
كمستثمر كم بيوزعون؟
0.5 ريال ما تبل الريق لواحد صابر سنه على اساس مستثمر
نفس التوزيع كانوا يوزعونه ايام ماكان البنك تحت ال120 ريال او 12 بعد التجزئه

صناعات من الشركات السخيه فالتوزيع على حسب نتايجها المحققه

[عبدالعزيز 9]

الريان خيب الظن

[مضارب دوسري]

كبنك وارقام ونمو وعائد نعم يستحق
كمستثمر كم بيوزعون؟
0.5 ريال ما تبل الريق لواحد صابر سنه على اساس مستثمر
نفس التوزيع كانوا يوزعونه ايام ماكان البنك تحت ال120 ريال او 12 بعد التجزئه

صناعات من الشركات السخيه فالتوزيع على حسب نتايجها المحققه

يقال ان وقت رفع الفائده البنوك تحدد متوسط سعر السهم خلال العام وتوزع نسبه تكون اقل من نسبة الوديعه بشي بسيط جدا او معادله له

لان رفع الفايده يعني سياسه نقديه متشدده وهذي السياسه تكون لجذب الناس نحو الودائع بشكل اكبر من الاسهم

تجي بعدين كمستثمر تقول في نفسك بدل ما اخذ هالنسبه واكون متحمل لتقلبات اسعار السوق

خلني اخذ هالنسبه كوديعه واريح راسي من تقلبات اسعار السوق

[مضارب دوسري]

زماااااااااان ما شفنا المزاد يكون اقل من 9 مليون

هذا يعني ان الدببه والثيران (اهل العروض والطلبات) في مرحلة سبااات

[vip1982]

سنتين في السوق لم اجد سهم ادائه سيء مثل سهم الريان! لايمت لاسهم البنوك باي صلة, المستثمر يشتري سهم البنوك لانها قوية ولاتهبط بقوة اما هذا السهم سيء بكل المقاييس

[alkaldi]

والله حرام اللي قاعد يصير في الريان من سيء للاسوء

[alkaldi]

الحمدلله رب العالمين على كل حال
سبحانك اللهم وبحمدك نشهد أن لا إله إلا انت نستغفرك ونتوب إليك

[بو هيا88]

اتوقع والله اعلم بينزلوا البنوك لأسعار بحيث تصبح الودائع نسبتها مقاربة للتوزيعات

[السامر الأسود™]

https://www4.0zz0.com/2022/12/11/08/869632865.png (https://www.0zz0.com)

السلام عليكم ورحمة الله_ عدنا!! بخصوص الاكشن والصورة العامة للسوق - المؤشر العام
من متابعة اللحظي يبدو لي و الله اعلم ان الاكشن بيصير ثابت كجلسة يوم ,, يعني نفس جلسة الخميس.
مع تكرار العملية للمرة الثالثة,, هالمرة الاسهم اللي باقي فيها تصحيحات ,, تعطى فرصة وينتظرها السوق

تصحيح ثابت يعني تصحح بنزولات بس السوق يكون ثابت, واعتقد ان المؤشر بيزور 11408 او 11444
يعني والحمد لله نطاق ضيق ونقاط قليلة تعتبر عاليومي ثبات,,

حطيت لكم الرسم للمهتم اوضح له وش المقصود. الصندوق الابيض هو الصفر تبع السوق والصناديق العنابية مناطق يبدو لازم يلامسها السوق

بالنسبة لي وضحت الصورة ,, حاليا انا استاذنكم صلاة ونشوفكم ليلا ان شاء الله بعد الاغلاقات

تركتكم اثناء الجلسة مع الرسم اعلاه قبل الاغلاق,, عند الدائرة الزرقاء ,,, وبعد اغلاق الجلسة وتحديث البيانات,, اقدم هذا الرسم ادناه.
ويبدو لي و الله اعلم باذن الله لدينا قرابة 120 نقطة تقريبا صعود قادمة نتيجة هذا التشكيل السعري اللي بالرسم. بشرط عدم كسر ال 11408

https://www12.0zz0.com/2022/12/11/16/623359391.png (https://www.0zz0.com)

باختصار جلسة ثانية ايجابية,,, وغدا ان شاء الله نتبعها سويا

[السامر الأسود™]

و الله اعلم ,,, وبالتوفيق

تغلق الجلسة