جلسة تداول الثلاثاء 27 ديسمبر ,2022

[السامر الأسود™]

السلام عليكم ورحمة الله


قدر الله وما شاء فعل
معوضين خير يا شباب وما بعد الصبر إلا الفرج بإن الله

اطلب مع اخونا الكبير السامر افتتاح جلسة يوم غد ويا رب العوض للجميع

سبحانك اللهم وبحمدك استغفرك واتوب إليك

نغلق الجلسة


ابشر يالسيلاوي واشكر من نبهني عالمشاركة اعلاه
_ كل مطلوب معان,, نسال الله التوفيق,,,,

متوقع جلسة خضراء اليوم,,
والله اعلم بطولها وش مداها,,, اكرر متوقع ,,, مش اكيد.

نسال الله ان يعوض كل خاسر وان يبارك لكل كاسب

[Breakaway]

السلام عليكم وصبحكم الله بالخير . .
صباح الخير يالسامر، الموجة الخامسة باقية وتتمدد :unsure: ، امزح معك
فيه أمل كبير إن شاءالله . .

[alkaldi]

السلام عليكم ورحمة الله وبركاته
بالتوفيق يارب نسال الله الطلوع الحلو
وربي يرزق الجميع ان شاء الله

[alkaldi]

السلام عليكم ورحمة الله




ابشر يالسيلاوي واشكر من نبهني عالمشاركة اعلاه
_ كل مطلوب معان,, نسال الله التوفيق,,,,

متوقع جلسة خضراء اليوم,,
والله اعلم بطولها وش مداها,,, اكرر متوقع ,,, مش اكيد.

نسال الله ان يعوض كل خاسر وان يبارك لكل كاسب

هلا اخوي السامر نتمنى الارتفاع صراحه ملينا من هالوضع كل يوم نزول في نزول
شكل سوقنا يبي يكون جنب السعودي مب راضي يخليه بروحه
باقي له حوالي 500 ويصف معاه
الله المستعان

[السامر الأسود™]

السلام عليكم وصبحكم الله بالخير . .
صباح الخير يالسامر، الموجة الخامسة باقية وتتمدد :unsure: ، امزح معك
فيه أمل كبير إن شاءالله . .

ويصبحك بالنور. هلا ومرحبا محللنا الفاضل

شدعوة قطن ولا ذهب؟ لا يسمعك ذاك ينجلط بس.

اعزز تفائلك واتفق واياك ان هناك قفزة مضاربية ارتداديه وهميه خصوصا للاشاوس اللي دخلوا السوق امس للمتاجرة بالارتداد.

نقول يا كريم

[السامر الأسود™]

هلا اخوي السامر نتمنى الارتفاع صراحه ملينا من هالوضع كل يوم نزول في نزول
شكل سوقنا يبي يكون جنب السعودي مب راضي يخليه بروحه
باقي له حوالي 500 ويصف معاه
الله المستعان

اررحب. هلا ومسهلا.

صحيح صحيح. ونسأل الله الارتفاع ولا نتمناه فقط. بخصوص الاسواق فعلا سوقنا عكسهم في الاونه الاخيرة.

حاليا يحتاج تصحيح صاعد للوضع .حاليا محتاج السوق 243 نقطة. ارتفاع

و الله كريم.


سؤال: لو صار هبطة اليوم وزادت. شالعمل؟
او شاللي نقدر نسوي؟ سؤال للجميع

[ابومبارك]

السلام عليكم
صباح الخير ياعرب

[ابومبارك]

اررحب. هلا ومسهلا.

صحيح صحيح. ونسأل الله الارتفاع ولا نتمناه فقط. بخصوص الاسواق فعلا سوقنا عكسهم في الاونه الاخيرة.

حاليا يحتاج تصحيح صاعد للوضع .حاليا محتاج السوق 243 نقطة. ارتفاع

و الله كريم.


سؤال: لو صار هبطة اليوم وزادت. شالعمل؟
او شاللي نقدر نسوي؟ سؤال للجميع

هلا يالسامر الطيب
مانقدر نسوي غير نطق صبع

[ابومبارك]

اذا ازدان اليوم كسر الريال شريت فيه بقوه وخليته

[الأستثمار]

السلام عليكم ورحمة الله وبركاته
صبحكم الله بالخير والسرور

[alkaldi]

اررحب. هلا ومسهلا.

صحيح صحيح. ونسأل الله الارتفاع ولا نتمناه فقط. بخصوص الاسواق فعلا سوقنا عكسهم في الاونه الاخيرة.

حاليا يحتاج تصحيح صاعد للوضع .حاليا محتاج السوق 243 نقطة. ارتفاع

و الله كريم.


سؤال: لو صار هبطة اليوم وزادت. شالعمل؟
او شاللي نقدر نسوي؟ سؤال للجميع

مافي الا نحط اليد على الخد ونغني ياليل ياعين
هو أول نزول اصلا متعودين خلاص تعودنا على الصدمات هي الصدمه الاولى اللي يا تذبح أو تخليك تصمد لين يفرجها ربك
الحين أحنا ما بيدنا شي غير بس الصبر والامل في الله والانتظار
ما باليد حيله وكل تاخيره فيها خير
وربي يعجل في الفرج والارتداد قريب ان شاء الله

[alkaldi]

اذا ازدان اليوم كسر الريال شريت فيه بقوه وخليته

بو مبارك انا ايام كورونا وصل السهم تقريبا 0.7 قلت خلني اشتري شريت فيها كميه قلت خلاص مستحيل السهم ينزل اكثر
السهم بعد كان له نزول لين أعتقد وصل 0.586 بس ماكانت ذيج الخساره بعدين تم تقريبا فتره وبعدها عينك ماتشوف الا النور
لين وصل 2.3
ازدان عنده صانع يتحكم بالسهم متى ماحصل فرحه مايوقف عنده السهم وكريم
ربي يرزقنا واياك الخير من وراه

[ابومبارك]

بو مبارك انا ايام كورونا وصل السهم تقريبا 0.7 قلت خلني اشتري شريت فيها كميه قلت خلاص مستحيل السهم ينزل اكثر
السهم بعد كان له نزول لين أعتقد وصل 0.586 بس ماكانت ذيج الخساره بعدين تم تقريبا فتره وبعدها عينك ماتشوف الا النور
لين وصل 2.3
ازدان عنده صانع يتحكم بالسهم متى ماحصل فرحه مايوقف عنده السهم وكريم
ربي يرزقنا واياك الخير من وراه

اعتقد تحت الريال مافيه خوف لذيك الدرجه
مدام انك مش محتاج المبلغ هذا اذا كسر الريال
على الاقل نعوض خساير الفايده الي ارفعوها
عساهم يرفعون شسمه معاهم هههههههه

[السامر الأسود™]

السلام عليكم
صباح الخير ياعرب


وعليكم السلام


هلا يالسامر الطيب
مانقدر نسوي غير نطق صبع

فعلا ما باليد شي. عالمؤشر والسوق ولكن بيدنا ادارة المال والفلوس. مثلا انا دشيت واياكم قبل اسبوع اتوقع او اسبوعين. خذت بريك 5 جلسات ليش؟ لان بعت بخسارة. وتحوط. ودشيت امس. شوف الفارق. بين سعر بيعي وسعر شرائي.

هالشي بيدنا باذن الله. ان شاء الله وصلت الفكرة


اذا ازدان اليوم كسر الريال شريت فيه بقوه وخليته

اذا ةكسر ال 1.02 لا سمح الله راح يكون 0.95 سعر مناسب . ترى ال 1 و ال 0.95 بينهم فرق كيير بالحساب. حاسب





السلام عليكم ورحمة الله وبركاته
صبحكم الله بالخير والسرور
وعليكم السلام. صباح النور


مافي الا نحط اليد على الخد ونغني ياليل ياعين
هو أول نزول اصلا متعودين خلاص تعودنا على الصدمات هي الصدمه الاولى اللي يا تذبح أو تخليك تصمد لين يفرجها ربك
الحين أحنا ما بيدنا شي غير بس الصبر والامل في الله والانتظار
ما باليد حيله وكل تاخيره فيها خير
وربي يعجل في الفرج والارتداد قريب ان شاء الله
ونعم الكلام. ونعم بالله.

[Breakaway]

إذا هبط فوق المئة نقطة فأمامه مستوى دعم وأرتداد مرتقب وهو 10647، والعلم عند الله

[السامر الأسود™]

رقم حكاية عطر.


مشهور هالرقم يا بريك اوي.
معلوم وان شاء الله مانجيه اليوم..

يمكن عقب الارتداده الوهمية مالت اليوم نزوره.

للعلم هالارقام والمستويات مشهورة يعني الاغلب يشوفها .. لكن قبل 3 شهور. كنا نبي ارتداد عاكس ثم ينزل عالاقل كان يجي السوق فرصة للي متعلق. يطلع ذاك الوقت

[.:: القيصر ::.]

السلام عليكم


صباح الخير

[.:: القيصر ::.]

اذا ارتد السوق و سكر اخضر 1000 نقطة بعد ما يرضينا


لان الهبوط اللي صار محزن

[السامر الأسود™]

وعليكم السلام,, يا هلا صباح الانوار

يمكن عقب اخوي القيصر السوق حاليا يا دوب يوقف عالرجول
نسال الله ارتفاعات جزلة

[Al-Mezan]

ان شاءالله خير باقي يومين علي نهايه الاسبوع والشهر والسنه.

[السامر الأسود™]

وش تقولون في بروة

امس الف لف ي شارتات الشركات,,, وحللتها وجدت فيها شي,, او زخم,,او تحرك قوي

تتوقعون فوق ام تحت؟

[ابومبارك]

انا نفسك يالسامر الطيب
سحبت مبلغ بعت بخساره وماسكه عندي لحين تجي الفرصه وادخل ثاني
لو ماطلعت وسحبت مبلغ ولو بخساره كان زادت الخساره زياده
نقول الحمد الله

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[السامر الأسود™]

انا نفسك يالسامر الطيب
سحبت مبلغ بعت بخساره وماسكه عندي لحين تجي الفرصه وادخل ثاني
لو ماطلعت وسحبت مبلغ ولو بخساره كان زادت الخساره زياده
نقول الحمد الله

كنت عارف انك ذيب,,, موفق يالغالي الله يبارك لك

[السامر الأسود™]

السلام عليكم ورحمة الله وبركاته
بالتوفيق للجميع ان شاء الله

وعليكم السلام ,,,, واياك عزيزي رماح

[ابومبارك]

شكلي بنتهز الفرصه في الريان بس بشوف النزول لوين
وعقبها ننقض عليه هههههههههه

[alkaldi]

وش تقولون في بروة

امس الف لف ي شارتات الشركات,,, وحللتها وجدت فيها شي,, او زخم,,او تحرك قوي

تتوقعون فوق ام تحت؟

بروه من ضمن الاسهم العقاريه أمس تداولها ملفت اذا بدت يمكن بتسحب معها الاسهم العقاريه ونفس الشي صار لها اكثر من شهر ونص تقريبا في تداول خفيف ونفس المكان
أمس تداول وبهبوط مايندرى هو نهاية الهبوط أول بعده هبوط وان شاء الله نششوف الارتداد
الله كريم

[معماري قطري]

صبحكم الله بالخير

النفط مرتفع وأسواق العالم الحرة مرتفعة وسوقنا ولا له خص في شيء يبيع شمشون وجورج ويواصل نزول

[alkaldi]

بدايه تخوف الله المستعان

[معماري قطري]

شكلي بنتهز الفرصه في الريان بس بشوف النزول لوين
وعقبها ننقض عليه هههههههههه

الريان ثقيل وشكله مب مترقع بسرعة شوف المستثمرين واستثمار شكلهم وراهم خير سريع يعني مال بو شهرين

[ابومبارك]

ومازال للسقوط بقيه
بطولة اصحاب رؤوس الاموال

[كلمة طيبة]

السلام عليكم وصبحكم الله بالخير جميعا

[معماري قطري]

يبي لنا ما خفي أعظم للبورصة يخوض في خبايا الشركات

[ابومبارك]

الريان ثقيل وشكله مب مترقع بسرعة شوف المستثمرين واستثمار شكلهم وراهم خير سريع يعني مال بو شهرين

بعد موغلط نشوف ان شاء الله استثمار على مشاريعه مب سهل

[alkaldi]

الريان ياقوم البورصه واهل الريان ينزف هل من منقذ
خفوا عليه حرام

[عبدالعزيز 9]

الريان دوخنا حسبي الله عليهم

[adell]

الظاهر في ارتداد فوق 150 نقطه واسهم حتلمت هههه عشان ما يزعل القيصر بس اولهم الطبيه واستثمار والمناعي

[ابومبارك]

مدري ازيد في قامكو
قامكو في التوزيعات انا متاكد بيرتفع وبيوزع توزيع زين
اممممممم افكر

[كلمة طيبة]

معقول المؤشر يقلب اخضر بعد غياب 10 جلسات

[مضارب دوسري]

بوادر روح ايجابيه بس يا رب تستمر

[كلمة طيبة]

بوادر روح ايجابيه بس يا رب تستمر

هو بس الريان وصناعات يشدو شوي ، والله تخنوها

[limited]

ان شاء الله يسكر اخضر زاهي بسيوله ملياريه ويسكر الريان فوق 3.4

[ابومبارك]

استثمار يكسر 1.800 ممكن ندخله

[كلمة طيبة]

ان شاء الله يسكر اخضر زاهي بسيوله ملياريه ويسكر الريان فوق 3.4

الله كريم .

[ابو جود]

السلام عليكم ورحمة الله
صبحكم الله بالخير

الف شكر يالسامر
ونسأل الله التوفيق

[limited]

تم شراء الريان 3.180

[alkaldi]

انا كان عندي ااحساس ارتفاع ما يوكل عيش

[ابومبارك]

على قولة شريفه فاضل الله يرحمها

الليل الليل الموال

:waiting:

[atiq]

نقول ياالله تعينه

متفائل اليوم

[ابومبارك]

تم شراء الريان 3.180

الله يوفقك

[limited]

الله يوفقك

الجميع الله يسلمك

[limited]

نقول ياالله تعينه

متفائل اليوم
انا كذلك ونقول يالله يا كريم

[معماري قطري]

المطلعين كلهم شراء ما فيه بيع وهذا دليل إن الارتداد قريب .. فوق هذا بعض الشركات نازلة هبوط كبير بأسهم قليلة جداً وهذا دليل التلاعب المقصود وتنزيل السوق وبث الخوف

[ابو جود]

الابهار الاحمراني لا يتوقف
ونهاية الطريق المنحدره تبدو كسراب لا متناهي
وخسايرنا تتعاظم
ولا حول ولا قوة إلا بالله

[ابومبارك]

ننتظر السنه الجديده لعلى وعسى تتعدل البورصه ويضخون
المبالغ المخشوشه ليوما ما

[alkaldi]

نقول ياالله تعينه

متفائل اليوم

اخونا عتيق متفائل نقول ان شاء الله
الخير مقبل
يارب

[الطيف المهاجر]

السلام عليكم ورحمة الله وبركاته

سؤال للمحللين هل صحيح اذا كسرت الخليج الدوليه 1.46 سيدهب بالسهم للسعر 1.1 واللي انشوفه حاليا هي طلبات تصبريه وتوه ما حقق اللي براسه من يضغط على السهم

السامر وعدتنا بتحليل الاسهم ومنتظر رايك القني

[الأستثمار]

السوق يحتاج العوده فوق مستوى 10950
سهم صناعات مستوى 12.670 دعم مهم
منقول من قروب بورصة اهل قطر

[الطيف المهاجر]

عتيق شنو الحكمة الاسهم تهبط لمستويات قريبه من قاع كورونا وهي محققه ارباح طيبة

هل هو استباق للحرب المتوقعه على ايران

[atiq]

اخونا عتيق متفائل نقول ان شاء الله
الخير مقبل
يارب

باذن الله

اهم شي الوطني 18.5 و صناعات 13.5

[limited]

شكلنا متفائلين بدري جدا

[atiq]

عتيق شنو الحكمة الاسهم تهبط لمستويات قريبه من قاع كورونا وهي محققه ارباح طيبة

هل هو استباق للحرب المتوقعه على ايران

الحرب على ايران من 2003 اسمع عنها

[الطيف المهاجر]

الله لا يجيبها لكن ما حصلت اي سبب لهذه القسوة في الهبوط ليه في شي غلط

[limited]

باقي qnb يصير احمر ويطيح المؤشر بقوه

[limited]

بدا صناعات يكشر عن انيابه

[حوت الأسهم]

104487

المؤشر العام قريب من تكون نموذج الوتد الهابط ... الي الان لم يكتمل نراقب

[الطيف المهاجر]

حال الاسهم حاليا انه يوهمونك بالارتداد للتصيد من عنده كاش بالشراء ثم يعطونه على راسه ويهبطون اكثر هذا الحال صار له فتره

وكأنه تكسير اصابع من يريد الشراء للاطاحه به في كمين الخساير

[atiq]

الله لا يجيبها لكن ما حصلت اي سبب لهذه القسوة في الهبوط ليه في شي غلط

مزايا و الاجارة بالأخص كان لازم يكون عندهم دور فعال في ال 10 سنين الأخيرة لكن للاسف تغيير الإدارة متأخر جدا

[Al-Mezan]

ونا متفائل السوق يقلب اخضر جميل

[بو هيا88]

الكمبيوتر الشغال في الريان رائع
ولا نفس يعطي لغيره

[معتز الكويت]

لاتشتري الا اذا شفت المؤشر تجاوز 12 الف نقطة……..

[السامر الأسود™]

https://www13.0zz0.com/2022/12/27/07/542541562.png (https://www.0zz0.com)

السلام عليكم ’,,, عدنا

اللي بالاطار الابيض هذة كانت القفزة اللي صارت اول شي.
واللي بالصندوق العنابي,, متوقعه تصير قفزة خلال الفترة القليلة القادمة,, يعني اليوم قصدي
ممكن من ال 10720-10730
طبعا كلها ارتدادت صاعده مضاربية وهمية وممكن شوي قوية

و الله اعلم

[atiq]

104487

المؤشر العام قريب من تكون نموذج الوتد الهابط ... الي الان لم يكتمل نراقب

لو يتجاوز الحين ال 10800 يعطينا قاعيين ونموذج جميل

[limited]

الكمبيوتر الشغال في الريان رائع
ولا نفس يعطي لغيره

رش قوي في الريان … تحسفت اني شريته

[الطيف المهاجر]

اخوي عتيق اسهم الحلال مقصوده والشاشه تثبت هذا الكلام اكثر من سنه ونص تثبيت ثم هبوط ويغاوص في مستنقع الفيعان والله خسارتي في اجاره اكثر من النصف من راس المال وحسبنا الله ونعم الوكيل في اللي ضحك علينا واوهمنا تيجي من اللي اعلى منه ان شاء الله الله كريم

[limited]

لاتشتري الا اذا شفت المؤشر تجاوز 12 الف نقطة……..

✌ï¸ڈ✌ï¸ڈحن ناشبين ونشتري بالهامش وانت تقول 12000

[atiq]

اخوي عتيق اسهم الحلال مقصوده والشاشه تثبت هذا الكلام اكثر من سنه ونص تثبيت ثم هبوط ويغاوص في مستنقع الفيعان والله خسارتي في اجاره اكثر من النصف من راس المال وحسبنا الله ونعم الوكيل في اللي ضحك علينا واوهمنا تيجي من اللي اعلى منه ان شاء الله الله كريم

المصرف حلال وحقق اعلى قفزة بين البنوك

[حوت الأسهم]

لو يتجاوز الحين ال 10800 يعطينا قاعيين ونموذج جميل

ان شاء الله محللنا تقارب القيعان وانخفاض الحدة هو المطلوب حتي تكون في SC وبعدها نشوف ردت فعل Ar مضاربيا

[معماري قطري]

الخبير مال المحافظ بو الشماشيم يقول أهل قطر بيبعون وبيطلعون لو ارتفع السوق وبيلعبون في الفلوس خلوا السوق تحت أحسن

[الطيف المهاجر]

اخوي السامر هل تأكد ان هدف الخليج الدوليه 1.1 شفت شارت لك ينطق بهالشي

[معماري قطري]

ان شاء الله محللنا تقارب القيعان وانخفاض الحدة هو المطلوب حتي تكون في SC وبعدها نشوف ردت فعل Ar مضاربيا

ما دام الآراء التحليلة كلها متفقة إن الهبوط غير مبرر خطورة البيع بخسارة الآن كبيرة والصبر مفتاح الفرج

[الطيف المهاجر]

عاد الاجاره محسوبه على القطاع البنكي ما وصل صوبها شي ابدا

وبعدين المصرف يساوي اقوى رجل سياسي محنك ومخضرم على مستوى العالم

[atiq]

https://www13.0zz0.com/2022/12/27/07/542541562.png (https://www.0zz0.com)

السلام عليكم ’,,, عدنا

اللي بالاطار الابيض هذة كانت القفزة اللي صارت اول شي.
واللي بالصندوق العنابي,, متوقعه تصير قفزة خلال الفترة القليلة القادمة,, يعني اليوم قصدي
ممكن من ال 10720-10730
طبعا كلها ارتدادت صاعده مضاربية وهمية وممكن شوي قوية

و الله اعلم

وعليكم السلام بو محمد

نعم قفزة وتهدئة واتوقع قفزة أخرى تتجاوز ال قمة اليوم بإذن الله

[alkaldi]

الخبير مال المحافظ بو الشماشيم يقول أهل قطر بيبعون وبيطلعون لو ارتفع السوق وبيلعبون في الفلوس خلوا السوق تحت أحسن

نفس اللي افكر فيه بيقول هم ينطرون الطلوع لانهم ملو من البورصه والكل بيبيع اذا كان ارتفاع حلووالكل بيروح للبنوك
هم حابين الوضع هالشكل احسن

[كلمة طيبة]

السعودي شد واخضر الفال لسوقنا ، بالفعل ابو عبدالله اجماع تقريبا انه في ارتداد مضاربي

[aaqatar]

وعليكم السلام



فعلا ما باليد شي. عالمؤشر والسوق ولكن بيدنا ادارة المال والفلوس. مثلا انا دشيت واياكم قبل اسبوع اتوقع او اسبوعين. خذت بريك 5 جلسات ليش؟ لان بعت بخسارة. وتحوط. ودشيت امس. شوف الفارق. بين سعر بيعي وسعر شرائي.

هالشي بيدنا باذن الله. ان شاء الله وصلت الفكرة







لو نعرف نسوي هالحركات ماكان خسرنا نص راس المال, كل مانقول خلاص تعلمنا نلقا نفسنا أسوأ من أول

[Al-Mezan]

اخوي عتيق اسهم الحلال مقصوده والشاشه تثبت هذا الكلام اكثر من سنه ونص تثبيت ثم هبوط ويغاوص في مستنقع الفيعان والله خسارتي في اجاره اكثر من النصف من راس المال وحسبنا الله ونعم الوكيل في اللي ضحك علينا واوهمنا تيجي من اللي اعلى منه ان شاء الله الله كريم

معوض خير أخوي , اجارة لها يوم وبتعوض لك الخساير ان شاءالله , أملنا في الادارة الجديدة.

[الطيف المهاجر]

المصرف محسوب على المؤشر ورقة جوكر اما الاجاره ورقه بااااااص ولا تسوي شي بالمؤشر

الموضوع انه ما يصير اكتتاب على 29.5 ولهدف تنشيط الشركة واستثمار الاموال وبعدين يروح السعر للاسعار الحاليه هذا غش اسمه وليش اتطالبنا باكتتاب بسعر عالي وتهبط فينا لهذي المستويات

الله المستعان ونتمنى اندماج الاجاره مع المصرف

[الطيف المهاجر]

معوض خير أخوي , اجارة لها يوم وبتعوض لك الخساير ان شاءالله , أملنا في الادارة الجديدة.

والله اعوض خسارتي واسوي دعوه عامة على شرف تعويض حلالي عسى الله يبارك لنا فيه ماتدري من وين جاتنا الخساره بهذي الطريقة والله احس عين ما صلت على النبي او في شي ما عرفنا له اعوذ بالله

[كلمة طيبة]

والله اعوض خسارتي واسوي دعوه عامة على شرف تعويض حلالي عسى الله يبارك لنا فيه ماتدري من وين جاتنا الخساره بهذي الطريقة والله احس عين ما صلت على النبي او في شي ما عرفنا له اعوذ بالله

اخي ما اصابك لم يكن ليخطئك ، كله مقسوم ، والرزق مقسوم مقسوم ، فقط استعن بالله ، واحمده على السراء والضراء

[كلمة طيبة]

للعلم المعظم خسران هذه السنة قاسية على المعظم ، فلذلك اخي الصبر لعل الله يحدث بعد ذلك امرا ،

[مضارب دوسري]

اشوف بروه على 2.870
اقول وين هالاسعار كانت
كانت ايام 2013
بعض الاسهم رجعت 10 سنوات للخلف

[كلمة طيبة]

اشوف بروه على 2.870
اقول وين هالاسعار كانت
كانت ايام 2013
بعض الاسهم رجعت 10 سنوات للخلف

الريان منهم

[مضارب دوسري]

الريان منهم

صحيح اخوي

[السامر الأسود™]

https://www13.0zz0.com/2022/12/27/07/542541562.png (https://www.0zz0.com)

السلام عليكم ’,,, عدنا

اللي بالاطار الابيض هذة كانت القفزة اللي صارت اول شي.
واللي بالصندوق العنابي,, متوقعه تصير قفزة خلال الفترة القليلة القادمة,, يعني اليوم قصدي
ممكن من ال 10720-10730
طبعا كلها ارتدادت صاعده مضاربية وهمية وممكن شوي قوية

و الله اعلم

https://www8.0zz0.com/2022/12/27/08/404854140.png (https://www.0zz0.com)

تحديث لمسار جلسة اليوم,,, و الله كريم والله يعين

طبعا مسار متوقع ورؤية شخصية ممكن تضبط وممكن لا,, السوق حي وكل شي يتغير

نشوفكم بعد الصلاة,,, جاري قراءة مافات

[ابومبارك]

الظاهر اعادة جدوله للاسهم كلها

[الطيف المهاجر]

الاسباب شنو لهذي الاسعار هنا المشكلة من اللي ينزل الاسهم لهذي الاسعار وشنو تبريره في حال المساءلة
اروح اصلي ابرك لي

[alkaldi]

المؤشر هرب للاسفل

[Al-Mezan]

كل 5 دقايق اروح السوق السعودي اشوفة اخضر اطمن ارجع لسوقها اتحطم.

[مضارب دوسري]

اعتقد هناك استسلام وقناعات يودونه حول ال10500_10300
خاصه فالريان والمصرف وصناعات هم اللي بيدهم الوضع حاليا

[كلمة طيبة]

اعتقد هناك استسلام وقناعات يودونه حول ال10500_10300
خاصه فالريان والمصرف وصناعات هم اللي بيدهم الوضع حاليا

عبندور ارتداد ابو محمد رحم الله والديك ، ىكفينا

[مضارب دوسري]

الحين الوطني قاعد يحارب بروحه اذا بيقدر ينطلق بيخف الزخم على الاسهم القياديه الاخرى وتبدا تقلص بشكل ملحوظ

[مضارب دوسري]

عبندور ارتداد ابو محمد رحم الله والديك ، ىكفينا

والله ياخوك هذا انا من الصبح ادور اسهم هتي هناك ولكن كل شوي كان ينزل
كلنا ندور ارتداد وانتعاشه والله

القشه حاليا اعتقد بيد الوطني خاصه اذا اخترق 18.30_18.35 بيكون شي طيب وبيحفز السوق

اما في حال كسر 18 ف معناه خلاص نستسلم للامر الواقع وننتظر

[كلمة طيبة]

للاسف الوضع سلبي ، بس اتطلع حواليك تشوف الاسواق الاوروبية خضرا النفط اخضر الاسواق الخليجية خضرا ، شو اللي قاعد يصير ما تفهم تقول لعل وعسى يكون الغد اجمل نروح ننعفس بزيادة ، لعل الفرج قريب .

[كلمة طيبة]

والله ياخوك هذا انا من الصبح ادور اسهم هتي هناك ولكن كل شوي كان ينزل
كلنا ندور ارتداد وانتعاشه والله

القشه حاليا اعتقد بيد الوطني خاصه اذا اخترق 18.30_18.35 بيكون شي طيب وبيحفز السوق

اما في حال كسر 18 ف معناه خلاص نستسلم للامر الواقع وننتظر

والله يا ااخوي بدها تكافل من جميع القيادات ، نحنا ندور نرجع فوق 10900 ما بكفي الوطني وان شاء الله يفعلها

[مضارب دوسري]

انا مقضيها كل يوم اشتري شوي في هال ودام وصلت 10% شراء فيها
والسهم نااايم ههههه

بس يارب يجي ارتداد للسوق وتنتعش الشركات شوي

[atiq]

اشوف وتد على فاصل5 دقايق

النص ساعة الجاية تأكد لنا

[limited]

اشوف وتد على فاصل5 دقايق

النص ساعة الجاية تأكد لنا

الوتد سلبي ولا ايجابي ولا تعادل

[atiq]

الوتد سلبي ولا ايجابي ولا تعادل

ايجابي باذن الله

[مضارب دوسري]

ثلاث مرات يحاول الوطني
ينطلق يروح ويتم تركيعه بالكمبيوتر !!

[كلمة طيبة]

ايجابي باذن الله

الله يكتب الخير ان شاء الله

[كلمة طيبة]

ايجابي باذن الله

اخوي عتيق شفت تحليلك يقول 10700 ان ارتدت ارتدت والا رايحين لل 9300 لا قدر الله

[ابومبارك]

الواضح مافيه ارتداد

ننتظر السنه الجديده

كل شي ممسوك حتى حين من الدهر

[مضارب دوسري]

محاوله رابعه فالوطني وشكله هالمره انفك اللحام

[atiq]

اخوي عتيق شفت تحليلك يقول 10700 ان ارتدت ارتدت والا رايحين لل 9300 لا قدر الله

باذن الله لا

احنا في مستوى ارتداد حتى لو كان مضاربي

9300 اشوف اذا كان عندنا حرب او وضع اقتصادي دامر

[Al-Mezan]

حرام صناعات والريان يضيعون تعب الوطني اليوم

[atiq]

محاوله رابعه فالوطني وشكله هالمره انفك اللحام

بيقلص الكل

[كلمة طيبة]

اخوي عتيق طمن شو وضع الوتد هالنص ساعة حاسسها يوم

[ابو عبده]

ازدان دخلوا شرو فوق ال1350000 على 1.023 ومثلهم على 1.029

[ابومبارك]

الريان لازم يتعدل عشان مايضغط على الوطني

[atiq]

المصرف لو يرجع فوق 19.5

[كلمة طيبة]

المصرف لو يرجع فوق 19.5

الله كريم ، والريان فوق ال 3,25

[atiq]

اخوي عتيق طمن شو وضع الوتد هالنص ساعة حاسسها يوم

حاليا زين بس نخترق ال 10770 ونستقر فوقها

[كلمة طيبة]

اوبا التجاري شعللها

[كلمة طيبة]

الريان هل يفعلها ويسحر فوق 3.4 وقتها نضربله تحية

[كلمة طيبة]

بدنا حركتين ثلاث مثل التجاري لعل وعسى

[معتز الكويت]

✌ï¸ڈ✌ï¸ڈحن ناشبين ونشتري بالهامش وانت تقول 12000

والله انا مثلك ولا عندي كاش كله اسهم والخسارة نصف راس المال .
لكن انصح اخواني اللي عنده كاش يمسك الى ان يتاكد لان التحليل الفني لم ينفع مع السوق
واقول الحمدلله الحمدلله الحمدلله .

[السامر الأسود™]

https://www8.0zz0.com/2022/12/27/08/404854140.png (https://www.0zz0.com)

تحديث لمسار جلسة اليوم,,, و الله كريم والله يعين

طبعا مسار متوقع ورؤية شخصية ممكن تضبط وممكن لا,, السوق حي وكل شي يتغير

نشوفكم بعد الصلاة,,, جاري قراءة مافات

https://www12.0zz0.com/2022/12/27/09/441006639.png (https://www.0zz0.com)

عدنا ثالثلة,, تحديث للمسار ويالله يا كريم

[ابومبارك]

والله انا مثلك ولا عندي كاش كله اسهم والخسارة نصف راس المال .
لكن انصح اخواني اللي عنده كاش يمسك الى ان يتاكد لان التحليل الفني لم ينفع مع السوق
واقول الحمدلله الحمدلله الحمدلله .

سيم سيم يا معتز بس انا باقي عندي شوي سيوله ولكن اهم شي الصحه

[ابومبارك]

انا دخلت الريان من شوي على 3.190 وعلى الله

[ابومبارك]

اشدعوا يالريان ترضى التجاري يسبقك

:tooth:

[السامر الأسود™]

https://www12.0zz0.com/2022/12/27/09/441006639.png (https://www.0zz0.com)

عدنا ثالثلة,, تحديث للمسار ويالله يا كريم

https://www6.0zz0.com/2022/12/27/09/331862056.png (https://www.0zz0.com)

تحديث 4 ,, بعد ما صكه بو مبارك بعين

[alkaldi]

الوطني محدد موعد الافصاح عن البيانات السنويه يوم 11/01/2023

[ابومبارك]

https://www6.0zz0.com/2022/12/27/09/331862056.png (https://www.0zz0.com)

تحديث 4 ,, بعد ما صكه بو مبارك بعين


هههههههههههههه

[ابومبارك]

الريان في المزاد بتدخل فيه الملايين

[محمد مأمون]

شو صعبة تشوف الاسعار مغرية ومامعك كاش وخسران ومطفر

[كلمة طيبة]

الريان في المزاد بتدخل فيه الملايين

عفوا كيف عرفت ؟

[ابومبارك]

عفوا كيف عرفت ؟

كلها توقعاتي الخاصه

[ابومبارك]

مزايا والاجاره كسروا 7 هذيلا السهمين مهملين ليش مدري

[كلمة طيبة]

كلها توقعاتي الخاصه

الله لا يخيبلك ظن

[ابومبارك]

الله لا يخيبلك ظن

تسلم يا ابوكلمة طيبة

[القادم افضل]

بعض الشر أهون من بعض والقادم أفضل بإذن الله

[alkaldi]

تأتي الرياح بما لا تشتهي السفنُ
الحمدلله على كل حال
سبحانك الله وبحمدك نشهد ان لا إله إلا انت نستغفرك ونتوب إليك

[السيلاوي]

ان شاء الله تكون نهاية الاحزان ويرتد السوق قريبا وركزوا على اسهم العوائد وفي النهاية ما يصح إلا الصحيح وفالكم التوفيق جميعا

[السامر الأسود™]

صبحكم الله بالخير


هلا بو عبدالله ,, صباح النور والسرور


بروه من ضمن الاسهم العقاريه أمس تداولها ملفت اذا بدت يمكن بتسحب معها الاسهم العقاريه ونفس الشي صار لها اكثر من شهر ونص تقريبا في تداول خفيف ونفس المكان
أمس تداول وبهبوط مايندرى هو نهاية الهبوط أول بعده هبوط وان شاء الله نششوف الارتداد
الله كريم
طلع زخم هابط,, قابلة التقاط للكميات


السلام عليكم وصبحكم الله بالخير جميعا

وعليكم السلام


السلام عليكم ورحمة الله
صبحكم الله بالخير

الف شكر يالسامر
ونسأل الله التوفيق

وعليكم السلام ,, ياه هلا


السلام عليكم ورحمة الله وبركاته

سؤال للمحللين هل صحيح اذا كسرت الخليج الدوليه 1.46 سيدهب بالسهم للسعر 1.1 واللي انشوفه حاليا هي طلبات تصبريه وتوه ما حقق اللي براسه من يضغط على السهم

السامر وعدتنا بتحليل الاسهم ومنتظر رايك القني

هلا بالطيف المهاجر,, لا اخوي مش تحليل الاسهم لان احللها بموضوعي,, وعدتك بتفسير واجابات لاسئلة هامه جدا حطيتها انت.
والحقيقة يبي لها شرح وافي,, واسمح لي يالغالي عالتاخير ومازلت على وعدي لك,, ولكن باختصار ,, الاسواق تتحرك داخليا بايادي
المستثمرين وخارجيا وبكميات كبيرة بالمؤوسسات الحكومية العاليمة الاقتصادية,, وليس هناك مؤامرة.


الحرب على ايران من 2003 اسمع عنها

هلا بالغالي محللنا\ عتيق.. منور الجلسة,, ومنور رقمك ومستوى ال 10700 ,,,


104487

المؤشر العام قريب من تكون نموذج الوتد الهابط ... الي الان لم يكتمل نراقب

هلا بمحللنا الحوت,, سلمت يدك والله كريم


لاتشتري الا اذا شفت المؤشر تجاوز 12 الف نقطة……..

كلام عقلاني,, كلام خبير يبحث عن الاستمثار الامن والعقلاني.

[السامر الأسود™]

اخوي السامر هل تأكد ان هدف الخليج الدوليه 1.1 شفت شارت لك ينطق بهالشي

هلا بالطيف مرة اخرى,,, لا اخوي غير صحيح,, يمكن قبل سنين يمكن,, حاليا اخر تحاليله يمكن ما انتبهت انت انه في مناطق ارتداد ان شاء الله.
ونصحية لك لا تدش شي حاليا خل الاجارة تضط واياك,, ان شاء الله قريب,, وبعدين تابع واياي. وضعها بالسوق


والله اعوض خسارتي واسوي دعوه عامة على شرف تعويض حلالي عسى الله يبارك لنا فيه ماتدري من وين جاتنا الخساره بهذي الطريقة والله احس عين ما صلت على النبي او في شي ما عرفنا له اعوذ بالله

ياليف يالغال يمثل ماقالوا لك الزملاء هنا,, ما للادارة ولا لاي شخص دخل في تحركات الاسهم بالشاشات فديت قلبك افهم شوي وانتظرني باشرح لك لاحقا وعدتك بس مفي وقت شوفة عينك
وسوؤالك مهم جدا يبي له شرح ورسم وتفسير,, او اسال احد غيري يمكن يساعد,, عالاقل وجهة نظر اخرى,, ااسال من جديد في موضوع خاص بك احسن عشان ينتبهون الاعضاء يساعدون


والله انا مثلك ولا عندي كاش كله اسهم والخسارة نصف راس المال .
لكن انصح اخواني اللي عنده كاش يمسك الى ان يتاكد لان التحليل الفني لم ينفع مع السوق
واقول الحمدلله الحمدلله الحمدلله .

صدقت الحمد لله ,, وللعلم يال معتز التحليل الفني في الشاشات ودراسة تحرك الاسعار ينفع ويضبط وهو مصدر رزق وكسب للكثير
ولكن اقول لك ان المحلل احيانا ما تضبط معه,, مش التحليل الفني مايضبط.. وللعلم فيه ناس ضابطه معاهم,, اللي يحلل شهري اسبوعي وسنوي ,,

ولكن انا شخصيا ,, ماضبط واياي. في المتابعه اللحظية واليومية امتا الشهرية والسنوية ,, عادي واضح ونشوف الهبوطات جايه
ولكن ,, تعاطفا مع الاعضاء ومتابعه اليومي ,, ومحاوله رصد المويجات المتوسطه للتخارج وكذا؟؟ ما تركنا السوق نشوفها,, وكان محرك السوق
معانا هنا بالمنتدى,,, لدرجة ان سوقنا صار هو الوحيد اللي معاكس العالم,, كانه يقول مثل ماقال بو عبدالله,, يدرون بيبيعون الناس وبيتحوطون
لان صاروا اكثر ذكاء,,, المستثمرين صاروا اكثر ذكاء فنيا ,, فقام السوق يعاكس,,, سلوكيا طبعا مش ناس يعملون كذا,, سلويكا يصير كذا,,

عموما ,, كل ماضاقت ,, يحلها الله ربنا فكاك العقد

[السامر الأسود™]

https://www12.0zz0.com/2022/12/27/18/949566162.png (https://www.0zz0.com)

ملخص جلسة اليوم,, شايفين المؤشر العام والارتداد كل مابغى يقوم,, جاه ضغط بيعي من فوق

طقتين خلال الجلسة,, مسامحه اليوم غادرت بدري لظروف خاصة ةلضيق الوقت كان عندي

[السامر الأسود™]

https://www6.0zz0.com/2022/12/27/09/331862056.png (https://www.0zz0.com)

تحديث 4 ,, بعد ما صكه بو مبارك بعين

https://www12.0zz0.com/2022/12/27/18/339781263.png (https://www.0zz0.com)

اعلاه هو ملخص جلسة اليوم وتحرك المؤشر سعريا,, كما نشاهد الاطار العام والتذبذب او القعقعة اللي صارت بالسوق

موفقين خير جميع


وتغلق الجلسة