جلسات التداول ليوم الاحد 29/1/2023

[لـبـيـه]

السلام عليكم ورحمة الله وبركاته

[ابومبارك]

السلام عليكم
صباح الخير ياعرب

[Qtr37]

السلام عليكم
هل يوجد رابط لتواريخ الاعلانات؟

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[فارس السوق]

مجموعة مقدام القابضة : الإفصاح عن البيانات المالية السنوية للعام 2022

أعلن / أعلنت مجموعة مقدام القابضة عن البيانات المالية السنوية للفتره المنتهية في ‏31 ديسمبر‎ 2022حيث بلغ صافي الربح 34,254,490 ريال قطري مقابل صافي الربح 28,555,792 ريال قطري لنفس الفترة من العام الذي سبقه.

كما بلغت ربحية السهم 0.504 ريال قطري في السنوية من العام ‏31 ديسمبر‎ 2022 مقابل ربحية السهم 0.42 ريال قطري لنفس الفترة من العام الذي سبقه.

قرر مجلس الإدارة التوصية الى الجمعية العامة بتوزيع أرباح على المساهمين بنسبة 45.29% من رأس مال الشركة، بحيث يوزع أرباح نقدية على المساهمين بنسبة 35% من رأس مال الشركة ويوزع أسهم مجانية على المساهمين بنسبة 7 أسهم لكل 68 سهم (أي مايعادل 0.1029 سهم تقريباً لكل سهم).

[مضارب متعور]

السلام عليكم ورحمة الله
أسعد الله صباحكم بكل خير ومحبة
كيف أصبحتم؟ وكم لمت أب اليوم ؟

[فارس السوق]

مبروك للمساهم الذي اشترى سهم مقدام بتاريخ 01-01-2022، كان السعر حينها 6.9 ريال، يعني الى دفع 10 الف ريال حصل 1450 سهم.

بشهر 3-2022: حصل توزيعات نقدية 507.5 ريال وصار عدد أسهمه 1972 سهم وقيمتهم اليوم 16367 ريال.

هذه السنة حصل كاش 690 ريال وعدد الأسهم بيكون 2175 سهم.

[][ الوحيد ][]

تستاهلون يا اهل مقدام ..
شركه تحترم كل شي ماشاءالله..
المفروض لمت اب وهو مغمممممض

[بوNasser]

السلام عليكم
هل يوجد رابط لتواريخ الاعلانات؟

نعم في بورصة قطر , الافصاحات، التقارير المالية، مواعيد الافصاح والتقارير المالية ، ثم تختار العام 2022

https://www.qe.com.qa/documents/20181/1610733/Net+Profit+31-12-2022

[ابومبارك]

حركاتك هذي ياقامكو ماتمشي علينا خلاص

هههههههههه

[alkaldi]

السلام عليكم ورحمة الله وبركاته
بالتوفيق وربي يرزق الجميع نتمنى يكون يوم أخضر واسبوع اخضر

[alkaldi]

انقول ان شاء الله قامكو لمت اول
ان شاء الله

[limited]

شراء ماركت خشن في قامكو

[vip1982]

السلام عليكم, سؤال يا اخوان الله يجزيكم الخير, اللي يشتري الحين في مقدام يضمن 14% باذن الله ارباح؟ لانه السهم تفاعله جدا غريب انا توقعت يومين ورا بعض ليمت اب عالخبر

[بو درين]

موقع دلاله للوساطة والبرنامج فيه مشكلة ما يفتح

[ابومبارك]

شراء ماركت خشن في قامكو

ان شاء الله الاعلان عن الارباح توصل مليار
وان شاء الله نشوف ارقام خرافيه صبرنا على السهم وايد
كلها بالتمني بإذن الله

[القادم افضل]

السلام عليكم, سؤال يا اخوان الله يجزيكم الخير, اللي يشتري الحين في مقدام يضمن 14% باذن الله ارباح؟ لانه السهم تفاعله جدا غريب انا توقعت يومين ورا بعض ليمت اب عالخبر

توقعك في محله لكن من سمع الخبر واشترى من قبل يصرف على الخبر فاذا انتهى سيرتفع السهم باذن الله هذا هو المتوقع

[بو هيا88]

شكله في بطن قامكو شيء كويس

[Qtr37]

قامكو مثل كل سنة

[ابومبارك]

عرض مليوني على 1.820 في وجه قامكو مايبيه يرتفع الان
لكن على مين تلعبها مفيش خوف

:tooth:

[.:: القيصر ::.]

السلام عليكم


صباح الخير

[ابومبارك]

هلا بالقيصر

يالله يبه شغلك تأخر نبي تحفيز

[ابومبارك]

عندي احساس ان استثمار تغلي على نار هاديه

:whistling:

[.:: القيصر ::.]

هلا بالقيصر

يالله يبه شغلك تأخر نبي تحفيز

مافي تحفيز


اليوم استراحة محارب


:yu:

[alkaldi]

بلدنا سبات عمييييييييق
اعملي اي حركه
حبه فوق
حبه تحت
يمين او يسار

[alkaldi]

الريان على وضعه اليوم يعني اعلانه الله يستر
ان شاء الله يكون حلو ويكون انطلاقه له هالاسبوع
الله كريم

[finaldist]

صباح الخير
ليش موقع المجموعة عند عرض الأسعار من جهاز الكمبيوتر بيطلع فقط شركة واحدة "بيمة"

من الموبايل شغال زين

[.:: القيصر ::.]

السلام عليكم, سؤال يا اخوان الله يجزيكم الخير, اللي يشتري الحين في مقدام يضمن 14% باذن الله ارباح؟ لانه السهم تفاعله جدا غريب انا توقعت يومين ورا بعض ليمت اب عالخبر

عليكم السلام

كل سهم له ناسه و صناعه

انا اشوف زين انه مرخي عشان اللي يستاهله يقدر يدخل فيه


و توجه الشركة من قبل الادراج و الاعلان ممتاز


تكنلوجي وهذا المستقبل القادم



بالتوفيق لملاكه


لا تحاتي بتشوفه كم مرة لمت اب


بس واضح ان اللي فيه راكدين و مرتاحين :thumbup1:

[ابومبارك]

استلمتا استلمتا

[.:: القيصر ::.]

استلمتا استلمتا

بو مبارك

شرايك دام مقدام لين الحين ما ارتفع

انا و انت ندخل و نتقيرد عليهم و يصير احمر ؟


نبط جبد مضارب دوسري شوي


شرايك ؟

[جفى الجوارح]

وين السيوله خرخشو مخابيكم

[vip1982]

عليكم السلام

كل سهم له ناسه و صناعه

انا اشوف زين انه مرخي عشان اللي يستاهله يقدر يدخل فيه


و توجه الشركة من قبل الادراج و الاعلان ممتاز


تكنلوجي وهذا المستقبل القادم



بالتوفيق لملاكه


لا تحاتي بتشوفه كم مرة لمت اب


بس واضح ان اللي فيه راكدين و مرتاحين :thumbup1:

انا بصراحة بدي استخدمه لاخلص من سهم تاني عندي خسارة فيه 12%

[ابو موسى]

صباح الخير
ليش موقع المجموعة عند عرض الأسعار من جهاز الكمبيوتر بيطلع فقط شركة واحدة "بيمة"

من الموبايل شغال زين

في اعلى يسار شاشة صفحة تداول السوق العادي توجد علامة صح خضراء(لعرض الشركات) اضغط عليها ثم اختار الكل وفالك طيب

[ابومبارك]

بو مبارك

شرايك دام مقدام لين الحين ما ارتفع

انا و انت ندخل و نتقيرد عليهم و يصير احمر ؟


نبط جبد مضارب دوسري شوي


شرايك ؟

لا حنا قبس ههههههههههه بنقردهم

[ابومبارك]

هذا هو اظنه بيحمر مجرد ماقلت شرايك ههههههههه

[.:: القيصر ::.]

هههههههههههههه


احس ان فيه شخال قبل ما يبتدي الجد فيه

[ابومبارك]

واضح من سكونه

بس شوي العرض حنا نحب الهمشه

[مضارب دوسري]

بو مبارك

شرايك دام مقدام لين الحين ما ارتفع

انا و انت ندخل و نتقيرد عليهم و يصير احمر ؟


نبط جبد مضارب دوسري شوي


شرايك ؟

هههههههههههه
جربوا يمكن يعكس طريقه للاخضرررر الغامق

[الاسطوره]

السلام عليكم


بالتوفيق ان شاءالله

[Qtr37]

تتوقعون كم ممكن يوصل سعر قامكو

[.:: القيصر ::.]

هههههههههههه
جربوا يمكن يعكس طريقه للاخضرررر الغامق

هههههههههه

اطراء جميل منك

[مضارب دوسري]

تتوقعون كم ممكن يوصل سعر قامكو

تبي الصج
شوفة عينك اسهم توزع توزيعات سخيه وفي المقابل تحصلها محكوووره
هذا الشي يؤثر نفسيا على المتداولين
تخيل شركه توزع 14% من قيمة السهم السوقيه والحين على وشك تقلب احمر

وفودافون قبلها 6% والسهم محكووور
والاسمنت نفس الحال وزعت حول ال5.7%

[.:: القيصر ::.]

اتوقع اللي وده يركب قطار مقدام قراره عنده

اشوف الثبات و الركود و الثقة ممتازة من تداول السهم


موفقين ملاك مقدام

وجهة نظر فقط لاغير

[ابومبارك]

الله يستر على الريان اليوم

[مضارب دوسري]

اليوم اعلان الريان وهو اللي اعتقد بيعطينا توجيه للمؤشر العام لفوق او تحت

[محمد مأمون]

اليوم اعلان الريان وهو اللي اعتقد بيعطينا توجيه للمؤشر العام لفوق او تحت

بتوقع ارباح حلوة وتوزيع قوي ومن بكرا رح يبدأ طلوع ان شاء الله

[.:: القيصر ::.]

اتوقع اللي وده يركب قطار مقدام قراره عنده

اشوف الثبات و الركود و الثقة ممتازة من تداول السهم


موفقين ملاك مقدام

وجهة نظر فقط لاغير

خلاص اغير وجهة نظري


هههههههه

[مضارب دوسري]

مقدام وصل متوسط سعر شرائي

ولكن معصصصي لن ابيعه

[.:: القيصر ::.]

مقدام وصل متوسط سعر شرائي

ولكن معصصصي لن ابيعه

كفو عليك

موفق يا بو محمد

[مضارب دوسري]

وياك يالحبيب

[.:: القيصر ::.]

تسجيل دخول في مقدام على 8.2


الله يستر


escape الحين بشوف انا مقرود ولا مبروك

[مضارب دوسري]

الخليج الدوليه بالنسبه لي ما قصرت ممكن المضارب يحفف لان ممكن تدخل في تصحيح ممكن يكون طبيعي وصحي

صرنا نخاف من اي تصحيح انه يكون غير طبيعي المؤشر صاير ما يلاعب

[كلمة طيبة]

اليوم اعلان الريان وهو اللي اعتقد بيعطينا توجيه للمؤشر العام لفوق او تحت

للاسف الريان نزل مع اعلان جميع البنوك وبشكل قاسي ولم يصحح حتى الآن ، الوطني ، والمصرف ، تقريبا رجعو لسعر افضل مما كانو عليه قبل الإعلان او قريب من سعر الإعلان بينما الريان لم يتوقف عن النزيف

[مضارب دوسري]

تسجيل دخول في مقدام على 8.2


الله يستر


escape الحين بشوف انا مقرود ولا مبروك

مبروك مبروك ان شاء الله

انا بعد قلت للمستثمرين باي باي وبزيد فيها اذا جات فرصه تحت 8.200 عالاقل التوزيع طيب حتى لو اتعلق راضي هههه

[ابومبارك]

تتوقعون كم ممكن يوصل سعر قامكو

اتمنى يوصل على الاقل اقل من العام
العام وصل 2.740
السنه لو وصل 2.500 مع استلام ارباحه
نقول الحمد الله

[ابومبارك]

تسجيل دخول في مقدام على 8.2


الله يستر


escape الحين بشوف انا مقرود ولا مبروك

الله يوفقك وتربح منه

[.:: القيصر ::.]

مبروك مبروك ان شاء الله

انا بعد قلت للمستثمرين باي باي وبزيد فيها اذا جات فرصه تحت 8.200 عالاقل التوزيع طيب حتى لو اتعلق راضي هههه

الله يبارك في عمرك

بس شكلي شسمه ههههه

[.:: القيصر ::.]

الله يوفقك وتربح منه

اللهم امين اجمعين ان شاء الله


بس قاعد الاحظ شي من بعد مادخلت


انت ملاحظ ولا بس انا بروحي هههههههه

[حكاية عطر]

السلام عليكم ورحمة الله وبركاته

بعض الاسهم لا زالت شراء ومن يخرج هو مضارب .

امسك سهمك ولا اتخاف من يدعمك هو البيانات الماليه … مجرد ارقام مقاومات وستصبح دعوم بإذن الله

[مضارب دوسري]

مبروك مبروك ان شاء الله

انا بعد قلت للمستثمرين باي باي وبزيد فيها اذا جات فرصه تحت 8.200 عالاقل التوزيع طيب حتى لو اتعلق راضي هههه

شيل يا عبدالصبور شيل

[.:: القيصر ::.]

تمت الزيادة و نزلنا المتوسط الى 8.165 تقريبا

[حكاية عطر]

لا يلعبون عليكم المضاربين بحركاتهم وتتفاجؤون نفس ما سوا فيكم الخميس صانع الدوليه .

[حكاية عطر]

سهم دلاله تحدثنا عنه سابقا وحدث التفاعل المضاربي ولا زال تحت التجميع وسهم السلام نفس الموضوع

[بوجبر]

لا حد يخدعكم بكلامة الحلو

ترى هذا حد اسعار الاسهم مقارنة بالفائده البنكية

[.:: القيصر ::.]

لا حد يخدعكم بكلامة الحلو

ترى هذا حد اسعار الاسهم مقارنة بالفائده البنكية

منورنا يا حلو

هلا و رحب مطر و سحب

[حكاية عطر]

سهم قامكو اعلان ارباحه بإذن الله توصل 1.8 ريال كعائد عن عام 2022 اما ما يخص التوزيعات هذا قرار بيد مجالس الادارات .

[.:: القيصر ::.]

الخليج الدولية


القنبلة ان شاء الله قربت


بس يبي لها نفس

وخذ وهات

[ابومبارك]

اللهم امين اجمعين ان شاء الله


بس قاعد الاحظ شي من بعد مادخلت


انت ملاحظ ولا بس انا بروحي هههههههه

ملاحظ ملاحظ
بس غمض وبيرتفع

[.:: القيصر ::.]

ملاحظ ملاحظ
بس غمض وبيرتفع

:funny:

[حكاية عطر]

الخليج الدولية


القنبلة ان شاء الله قربت


بس يبي لها نفس

وخذ وهات

الله يرزقك ما تمنيت .

[.:: القيصر ::.]

الله يرزقك ما تمنيت .

اللهم امين اجمعين

[حكاية عطر]

سهم مستثمرين لا زال فرصه لمن فاته قطار التعويض .

[حكاية عطر]

لا حد يخدعكم بكلامة الحلو

ترى هذا حد اسعار الاسهم مقارنة بالفائده البنكية

عطنا اشوي من كلامك الأحلى يالحلو .

[.:: القيصر ::.]

سهم دلاله تحدثنا عنه سابقا وحدث التفاعل المضاربي ولا زال تحت التجميع وسهم السلام نفس الموضوع

سهم مضاربي بحت

اللي يدخله لازم ما يخاف


سريع في الارتفاع و الهبوط


لكن سعره مغري

والسيولة تدخل عليه شوي شوي


الله يوفق ملاكه

[حكاية عطر]

ملاحظ شراء بكميات ثابته على بعض الاسهم ويتغير يوميا واي عرض وان كان مخفي يشله ويقول اتفضل خذ فلوسك وانا عيني شماااااال .

خل عينك شمال نصيحة حتى هذا اليوم .

[.:: القيصر ::.]

التجاري مخربها


تداول مب طبيعي

[.:: القيصر ::.]

ممتاز رجعنا فوق

11150



موفقين


نراكم غدا ان شاء الله