دراسة الفرق في الأرباح والتوزيعات بين الشركات بين2021 و 2022

[معماري قطري]

ترتيب الشركات بيكون عشوائي وبابدأ بمقدام .. وأكيد المقارنة من حيث ربحية السهم حتى لو وزعت الشركة مجاني العام وهذا يضغط ربحية السهم السنة باذكر التوزيع العام والتوزيع السنة

بابدأ بشركة مقدام ربحية السهم 0.504 ريال قطري والعام كانت 0.42 ريال قطري .. هذا حسب الإعلان لكن حسب جداول السوق العام ربحية السهم في 2021 كانت 0.571 ريال وهذا جيد لو خذنا في الحسبان زيادة عدد أسهم الشركة 40% العام وزعت الشركة .. 40% أسهم مجانية + توزيع نقدي 0.35 ريال .. السنة توزيع الشركة المعلن بيكون 0.35 ريال نفس النقدي للعام + 10.29 % أسهم مجانية

أكيد العام التوزيع أفضل بسبب نسبة المجاني والنقدي نفسه لكن زاد حسب زيادة الأسهم للي بقوا محافظين 40% + 10.29% أسهم مجانية .. نفترض شخص حط 100000 العام في مقدام وتوفق في السهم بسعر 7 ريالات بيكون حصل 14000 سهم وشوي زود حسب نسبة العمولة .. بيربح معاها العام 4900 توزيع نقدي + 5600 مجاني .. هذي لو عنده السنة بتكون 19600 سهم وبتعطيه ربح نقدي = 6860 ريال وبتزيد أسهمه للسنة الجاية بتكون 21616 سهم .. بتكون زيادة التوزيع على راسماله الأساسي 100000 وصلت 6860 تعادل 6.86% + الأسهم المجانية ال 10.29% لو باعها بأي سعر مجمل بتكون معطته ربح اضافي ولنفترض بيبيعها ب 5 ريالات بيحصل 2016 سهم في 10080 ريال .. هذي نقسمها على راسالمال المستثمر 100000 ريال نكون طلعنا 10% إضافية فوق ال 6.86% ولو صبرنا خلال السنة وارتفع سعر السهم السوقي لين 10 ريالات وهذا جايز ولا بمستبعد بنكون طلعنا 20% من الأسهم المجانية لهذي السنة فقط

[معماري قطري]

اللي دخوله جديد السنة ولنفترض توفق في السهم ب 8 ريالات .. بمبلغ 100000 بيطلع له عدد 12500 سهم + مبلغ العمولة بيدفع أكيد فوق ال 100000 .. 12500 سهم بتعطيه 4375 + 1286 أسهم مجانية .. هذي الأسهم المجانية لو باعها ب 5 ريالات في أسوأ الأحوال بتدخل له 6430 ريال وبتكون ال 100000 دخلت له ربح يعادل تقريباً 11% وأسهمه عنده المجاني باعه بس الأساسي موجود

[بو هيا88]

اللي دخوله جديد السنة ولنفترض توفق في السهم ب 8 ريالات .. بمبلغ 100000 بيطلع له عدد 12500 سهم + مبلغ العمولة بيدفع أكيد فوق ال 100000 .. 12500 سهم بتعطيه 4375 + 1286 أسهم مجانية .. هذي الأسهم المجانية لو باعها ب 5 ريالات في أسوأ الأحوال بتدخل له 6430 ريال وبتكون ال 100000 دخلت له ربح يعادل تقريباً 11% وأسهمه عنده المجاني باعه بس الأساسي موجود

تسجيل متابعه
الموضوع جدا رائع ومفيد أحييك اخوي معماري

[معماري قطري]

تسجيل متابعه
الموضوع جدا رائع ومفيد أحييك اخوي معماري

حياك الله إخوي بو هيا والله يوفقني في الحسابات هذي بدون أي أخطاء وإن أخطأت وضحوا لي

مقدام تطور ربحها كمبلغ كامل بغض النظر عن ربحية السهم .. من 28,555,792 الى 34,254,490 بنسبة 19.956% زيادة عن العام وشركة عقودها مستمرة وفي ازدياد وخدماتها غالبها تشغيلية ومستمرة للسنوات القادمة هذا شيء يخلي السهم على الأقل يكون سعره قريب من الثابت

ناخذ شركة ثانية فودافون .. هذا ما كتبته في موضوع الخبر

العام توزيعه 6 دراهم والسنة 10 الفرق 4 دراهم وبنسبة 66.666% ونسبة النمو في الربح 53% .. درجة السخاء عالية وكان توقعي بين 8 و 10 درهم والحمد لله وصل للحد الأعلى .

نسبة التوزيع زيادتها واضحة ونسبة النمو في الأرباح اللي حققته الشركة .. مع إغلاق أمس 1.715 وبهبوط بسيط يستوي توزيعه 0.1 لسعره يعطينا نسبة 5.83% نسبة معقولة واللي متمركز فيه على أسعار تحت بيعطيه نسبة أكبر .. مثلاً على سعر 1.4 بيعطي 7.14% والشركة توها ما توسعت عدل في السوق يعني نتوقع الاستمرارية لخدماتها وارتفاع الربح

[معماري قطري]

التجاري .. إعلانه زين ومتناسب مع سعره بس توزيعاته كنسبة من المحقق من ربح ضعيفة العام موزع 0.16 ريال والسنة 0.25 ريال النمو في التوزيع كبير 56.25% بس نسبة الموزع من الربح المحقق للسهم 40.32% .. سعر إغلاق أمس 6 ريال بالضبط والنسبة تطلع 4.16666% .. أشوف فوق ال 4 للبنوك وايد زين شفنا بنوك وصلت نسبة التوزيع لشوي اقل من 3%

[معماري قطري]

بركز في الفترة القادمة على التوزيع المقترح الحالي وسعر السهم ونسبة التوزيع للسعر للشركات المعلنة خلونا من المقارنة مؤقتاً

من الأعلى نسبة لإغلاق الخميس للأقل

رقم 1 المستثمرين بسعر 1.891 ريال وتوزيع 0.15 ونسبة 7.932%

رقم2 تجي شركة صناعات بسعر 14.02 وتوزيع 1.1 ونسبة 7.846%

رقم 3 الدوحة للتأمين بسعر 2.1 وتوزيع 0.15 ونسبة 7.14%

رقم 4 الاسمنت بسعر 4.85 وتوزيع 0.3 ونسبة 6.185%

رقم 5 مقدام بسعر 7.395 وتوزيع 0.4529 ونسبة 6.124%

رقم 6 فودافون بسعر 1.705 وتوزيع 0.1 ونسبة 5.865%

رقم 7 قامكو بسعر 1.674 وتوزيع 0.09 ونسبة 5.376%

رقم 8 وقود بسعر 17.15 وتوزيع 0.9 ونسبة 5.247%

رقم 9 البنك الأهلي بسعر 4.05 وتوزيع 0.2 ونسبة 4.938%

رقم 10 المتحدة بسعر 1.196 وتوزيع 0.055 ونسبة 4.598%

رقم 11 بنك الدوحة بسعر 1.646 وتوزيع 0.075 ونسبة 4.556%

رقم 12 التحويلية بسعر 2.9 وتوزيع 0.13 ونسبة 4.483%

رقم 13 الإجارة بسعر 0.69 وتوزيع 0.03 ونسبة 4.347%

رقم 14 التجاري بسعر 5.799 وتوزيع 0.25 ونسبة 4.311%

رقم 15 الدولي بسعر 10.25 وتوزيع 0.4 ونسبة 3.9 %

رقم 16 الوطني بسعر 16.28 وتوزيع 0.6 ونسبة 3.6855%

رقم 17 المصرف بسعر 18.31 وتوزيع 0.625 ونسبة 3.413%

رقم 18 مخازن بسعر 3 ريال وتوزيع 0.1 ريال ونسبة 3.3333%

رقم 19 السينما بسعر 3.378 وتوزيع 0.06 ونسبة 1.776%

رقم 20 إنماء بسعر 3.225 وتوزيع 0.05 ونسبة 1.55 %

ذكروني لو نسيت شركة

ما توقعت المستثمرين فوق لكن طلعت رقم 1 وإن شاء الله ما يكون توزيع استنائي ويستمر ومع باقي الشركات متوقع نتائج جيدة لكن مثل هذي النسب ما اتوقعها

[معماري قطري]

الجدول متغير حسب سعر كل يوم والمفروض إدارة السوق تسويه ويكون ثابت ويتحدث تلقائياً عن طريق إكسل وانا شغلي بدائي أكيد

[معماري قطري]

السهم اللي نسيته الريان الظاهر كرهته سعره 2.612 وتوزيعه 0.1 ونسبته 3.8284% يجي رقم 16 وينزل الوطني 17 وتزيد مرتبة كل سهم بعده

[بوجبر]

متابع معاك

[السيلاوي]

ما شاء الله عليك اخوي المعماري شغل عدل بارك الله فيك وجزاك الله خير

[معماري قطري]

حياكم الله إخواني بو جبر والسيلاوي

كلما نزل سعر السهم تزيد نسبة توزيعه هذا شيء معروف .. وعندنا توزيع الوطني في 13 ووقود في 15 الأسبوع هذا

ومتوقع تحرك قوي لصناعات والمستثمرين بإذن الله وأكيد الشركات اللي أسهمها تعطي فوق 7% و 6% وحتى 5% وهي للآن 8 شركات من 21 شركة أعلنت