جلسة تداول يوم الخميس 16/2/2023

[السيلاوي]

السلام عليكم ورحمة الله وبركاته

تداول موفق للجميع وان شاء الله سوقنا يعكس اتجاهه الهابط

اسواق العالم كلها خضراء في خضراء

سوقنا للأسف لا ينفع معاه ارباح ولا خسائر وفي النهاية لا يصح إلا الصحيح

والله يعوض علينا جميعا ويرزقنا الرزق الحلال من عنده

[معماري قطري]

عليكم السلام ورحمة الله وبركاته

حتى الصحيح كأنه ما يصح .. بعد زلزال تركيا سوقنا نزل وايد كأن الزلزال هدم مشاريع قطر هناك .. اليوم التركي 9.88% ألحين سوقنا بيسوي نفسه ما له خص

[ابومبارك]

السلام عليكم
صباح الخير ياعرب

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[alkaldi]

السلام عليكم ورحمة الله وبركاته
بالتوفيق ورب يرزق الجميع ان شاء الله

[alkaldi]

اليوم خميس شكله في شركات بتواصل لمت داون
او ان شاء الله مواصله ارتفاع امس
الله كريم ان شاء الله

[qatar 86]

سكروا الشاشة وكل واحد يروح يسويلة شي مفيد

[ابو جود]

السلام عليكم ورحمة الله وبركاته
صبحكم الله بالخير

اليوم أكيد إرتداد طيب بإذن الله
لكن المستفيدين منه قله قليله

[alkaldi]

صحيح شكله

[القادم افضل]

عتيق يقول 500 نقطة ارتفاع في هذه الموجه ان كنت فهمت كلامه

[كلمة طيبة]

اي موجة اخي ، شايف بس المصرف والوطني وصماعات والاسهم الثانية نزلت فوق 30% ما تحركت

[عبدالعزيز 9]

صبحكم الله بالخير
استثمار متى الوقت المناسب للدخول ؟

[السيلاوي]

صباح الخير للجميع

[القادم افضل]

اي موجة اخي ، شايف بس المصرف والوطني وصماعات والاسهم الثانية نزلت فوق 30% ما تحركت

والله ما ادري ايها الحبيب نقلت كلام عتيق بالامس قال في هذه الموجه 500 نقطة

[ابومبارك]

بعد شوي بتجينا رياح عاتيه غبراء لونها احمر فاقع

[Abjalsulaiti]

دام الوطني رجع لسعره قبل التوزيع يعني السوق مقبل على ارتفاع

الاسهم الخسرانه الي صعب توزع ابتعدوا عنها

لان اي هزه بالسوق بتروح لمت داون

[alkaldi]

ازدان ارتفاع مايوكل عيش ابدا
بدون اي طعم او اكشن

[ابومبارك]

تبديل الالون فقد من احمر لين اخضر بدون حركه تذكر
البديل لين الحين مش عاجبته الاسعار
لابد من نزول شوي
حتى تكون اللقمه كبيره

[ابو جود]

إرتداد في الطبيه .. راح تعود للهبوط اليوم او الاحد

[Qtr37]

اشتقنا لحركات استثمار
ذكريات :oops:

صباح الخير

[alkaldi]

كفو الدوليه
مبروك للملاك
عقبال قامكو

[Al-Mezan]

ان شاءالله الاجاره تتحرك معاهم وتلمت

[ابومبارك]

سبحان الله
استثمار اذا بغوا يرفعونها ارفعوها
عندها واسطه

[ابو جود]

مخازن .. علومها

[ابومبارك]

ماتلاحظون ان استثمار طول اعلانه ؟

[بو نواف 2003]

شرايكم في الريان

[ابومبارك]

قامكو والدوليه تحركاتهم طيبه

[ابومبارك]

شرايكم في الريان

الي سمعته ان ماظن ينزل اقل من 2.600

هذا والله اعلم
لكن ك سهم بنك مامنه خوف في هذي الاسعار
لان اعتقد نزل مافيه الكفايه
وشهر 3 وقت انتهاء الانتخابات
وحرية الراي لك
الله يوفقكم

[السيلاوي]

الحمد لله الى الان الارتداد طيب نوعا ما

[السيلاوي]

الحمد لله الى الان الارتداد طيب نوعا ما

وخاصة الاسهم الصغيرة

[alkaldi]

ارتداد اليوم وارتفاع السوق حلو وغير عن كل الايام
ما شفنا حركة نفس حركة السوق من زمان

[alkaldi]

ارتفاع الريان اعطى روح للسوق والاسهم الصغيره

[ابومبارك]

ملاك الريان يستاهلون كل خير

اخسروا وايد وان شاء الله يرتد ويعوضهم شي من الخساره

[ابو عبده]

ارتفاع الريان اعطى روح للسوق والاسهم الصغيره

ومطنش ازدان ليه
بتخزى عنها العين ولا ايه
:happy::happy::happy:

[alkaldi]

ومطنش ازدان ليه
بتخزى عنها العين ولا ايه
:happy::happy::happy:

ههههههههه
قلنا نسكت عنه يمكن يحس
ازدان حبيب الشعب
واكيد له يوم ابوعبده ان شاء الله

[alkaldi]

ملاك الريان يستاهلون كل خير

اخسروا وايد وان شاء الله يرتد ويعوضهم شي من الخساره

مهما ارتفع لين الحين
نطلب من الله الزود ان شاء الله
رب ان شاء الله يوفقنا في كل الاسهم

[ابومبارك]

استثمار
غار من قامكو والدوليه
قال الحقهم بالمت اب على اقل تقدير اسبقوه فوق
الحق ماتلحق

[عبدالعزيز 9]

اشهد ان استثمار سهم حالياً لمت اب ومافي عروض بيع الله يوفق ويبارك لملاكه

[Qtr37]

الحمدلله بعت استثمار على لمت اب

[ابومبارك]

استثمار اتوقع له بيطوف الدوليه واستثمار
اذا بغوا شلوه شل فوق لكن مركدينه ليوم ما
بس الغريب تأخر اعلانه الاخير

[alkaldi]

كل الاسهم تحركت الا بلدنا
ليش ما يغار من استثمار

[alkaldi]

خلوا الواحد مايدري يشتري او يبيع
تشتري تخاف الاحد تنزل كلها لمت داون
ما تشتري تطلع زياده ههههه
الله المستعان

[adell]

دلاله من لمت داون للمت اب هل بنك ليشا بيلحقه

[adell]

اظن دور مجمع المناعي يلمت

[ابومبارك]

دلاله من لمت داون للمت اب هل بنك ليشا بيلحقه


دلاله من 2 الحين قدها ادور المت اب تحت الريال
دولاب الزمان

[alkaldi]

لاول مره الريان من زمان يرتفع هالنسبه
يسويها لمت اب نشوف ان شاء الله

[ضحية البورصة]

متى توزيع وقود يالربع

[القادم افضل]

[QUOTE=adell;10895050]دلاله من لمت داون للمت اب هل بنك ليشا بيلحقه[/QU
لشا حظه انه كان في هذا اليوم الذي فيه صعود للسوق

[ابومبارك]

استثمار يستحسن ان يسكر السوق قبل المت اب
عشان الاسبوع الجايه يسوي له حركه خنفشاريه
ويحرك قدامه قامكو والدوليه
الثلاثي القوي المتردي

[السيلاوي]

متى توزيع وقود يالربع

وقود وزعت امس وعقدت الجمعية العمومية

[حكاية عطر]

السلام عليكم

مبارك عليكم عودة الروح للسوق

سهم قامكو والدوليه رالي محترم من اسبوعين

قامكو سينطلق قريبا جدا

[ضحية البورصة]

تسلم يالسيلاوي ما قصرت

[حكاية عطر]

سهم المستثمرين :court:

[alkaldi]

استثمار يستحسن ان يسكر السوق قبل المت اب
عشان الاسبوع الجايه يسوي له حركه خنفشاريه
ويحرك قدامه قامكو والدوليه
الثلاثي القوي المتردي

ههههههههه خنفشاريه

[حكاية عطر]

الريان لمووه من قنص الفرصه

نتابع الاسبوع القادم اسهم التوزيعات الجيده لا للبيع

[حكاية عطر]

هاااا قد سبق السيف العذل .

[ابومبارك]

الله كريم ويعوض كل خسران

[مستثمر درويش]

البارحة بعت الدولية ووزدت في قامكو و المستثمرين شوفوا شو صار اليوم طلعت انا يلي قارد الأسهم ههههههه

[alkaldi]

هههههههههههههه

[ابومبارك]

البارحة بعت الدولية ووزدت في قامكو و المستثمرين شوفوا شو صار اليوم طلعت انا يلي قارد الأسهم ههههههه

الدوليه تطلع منها وهي توزيعها حلو
وهي وقامكو يمشون في خط واحد
لكن ان شاء الله انه خير ويعوضك ان شاء الله

[بو نواف 2003]

الريان والمصرف بدعوا تبارك الله

[أبو الطيب 4]

لو البورصة بهذا الارتفاع كل الايام كان صرنا مليارديرية :d

[alkaldi]

يمكن اخر التداول نروح 300 نقطه والله اعلم

[ابومبارك]

اليوم السوق حلو ولو ان احنا خسرانين بالهبل
لكن على الاقل فيه امل في الصعود ولو كان تكه تكه

[مستثمر درويش]

الدوليه تطلع منها وهي توزيعها حلو
وهي وقامكو يمشون في خط واحد
لكن ان شاء الله انه خير ويعوضك ان شاء الله

الله كريم ان شاءالله تعوض الجميع مبروك لكل ملاك الأسهم يلي لمت اب او قريب لمت اب

[السيلاوي]

الف مبروك الارتفاع وان شاء الله التعويض فالكم جميعا

[السيلاوي]

السلام عليكم ورحمة الله وبركاته

تداول موفق للجميع وان شاء الله سوقنا يعكس اتجاهه الهابط

اسواق العالم كلها خضراء في خضراء

سوقنا للأسف لا ينفع معاه ارباح ولا خسائر وفي النهاية لا يصح إلا الصحيح

والله يعوض علينا جميعا ويرزقنا الرزق الحلال من عنده

الحمد لله وان شاء تكون بداية الانطلاقة

احتفظوا باسهمكم وخاصة الاسهم اللي اعلنت عن توزيعات ممتازة لانه من المتوقع بعد التوزيعات ترجع ترتفع لانه عوائدها فوق الممتازة

وخاصة الاسهم اللي ريع سهمها فوق 5%

[أبو الطيب 4]

الحمد لله وان شاء تكون بداية الانطلاقة

احتفظوا باسهمكم وخاصة الاسهم اللي اعلنت عن توزيعات ممتازة لانه من المتوقع بعد التوزيعات ترجع ترتفع لانه عوائدها فوق الممتازة

وخاصة الاسهم اللي ريع سهمها فوق 5%
ممكن ذكر اسماء هذه الشركات ومن كان الأكرم في التوزيع

[السيلاوي]

ممكن ذكر اسماء هذه الشركات ومن كان الأكرم في التوزيع

تفضل

توزيعات ممتازة
مجموعة المسثمرين القطريين 8.02%
الصناعات القطـرية 7.85%
شركة الدوحة للتأمين 7.14%
شركة بروة العقارية 6.36%
شركة قطر الوطنية لصناعة الاسمنت 6.25%
مجموعة مقدام القابضة 6.12%
شركة الخليج الدولية للخدمات 5.97%
فودافون قطر 5.88%
شركة قطر لصناعة الألمنيوم 5.55%
مجموعة الإسلامية القطرية للتأمين 5.42%
شركة قطر للوقود 5.28%

توزيعات جيدة جداً
شركة المتحدة للتنمية 4.82%
البنك الأهلي القطري 4.71%
Ooredoo 4.69%
بنك الدوحة 4.65%
الشركة الوطنية للإجارة 4.50%
الشركة القطرية للصناعات التحويلية 4.28%
البنك التجاري 4.21%

توزيعات جيدة
بنك قطر الدولي الإسلامي 3.94%
مصرف الريـان 3.83%
بنك قطر الوطني QNB 3.70%
ناقـــلات 3.55%
مصرف قطر الإسلامي 3.46%
شركة الخليج للمخازن 3.41%

توزيعات سيئة
انماء 1.64%
شركة قطر للسينما وتوزيع الأفلام 1.62%
مزايا قطر للتطوير العقاري 0.00%


منقول لكن هذه الاسعار لاغلاقات يوم 12 فبراير

ادخل على حساب وساطة على تويتر وينزلون الجدول كل يوم بعد التداول وهذا حسابهم
https://twitter.com/wasataqa


سبحانك الله وبحمدك استغفرك واتوب اليك

نراكم الاحد ان شاء الله