جلسة تداول يوم الثلاثاء 21/2/2023

[السيلاوي]

السلام عليكم ورحمة الله وبركاته

صبحكم الله بالخير

تداولات موفقة للجميع ان شاء الله وربنا يعطيكم من واسع رزقه

اليوم موعد ادراج سهم بنك دخان وبالتوفيق للملاك

واعلان النتائج المالية لكل من: الرعاية وقطر للتأمين والخليج التكافلي وبيمة

وأمس عقدت الجمعيات العمومية وتمت المصادقة على توزيعات فودافون 10%

والاجارة تأجلت جمعيتها العمومية للأسبوع القادم بسبب النصاب

[داود بن شطان]

اليوم ادراج بنك دخان

بحسب توزيعات البنك للسنوات الماضية والي كانت اعلاها 1.50 ريال

اتوقع ان السعر العادل للسهم هو بين 2.5 الى 3 ريال

واذا تم افتتاح السعر على 4 ريال فأنها فرصة ممتازة لبيع السهم وليس شراءه

[Abjalsulaiti]

اليوم اتوقع نشوف شراء محافظ اجنبيه وقطريه قوي على بنك دخان

وممكن بعضها يطلع اسمها 1% واكثر

33% من الاسهم فقط بيطرح للتداول الباقي عند كبار الملاك ليست للبيع

[ابومبارك]

صباح الخير ياعرب

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[mohamed9933]

من يتراهن اليوم ان السستم الخاص بالتداول لبعض شركات الوساطة راح يتعطل ههههههههههه
طبعاً كالعادة عند أي ادراج او شغل فيه فايدة سبحاااااااان الله يتعطل

[mohamed9933]

2.50-3 بالضبط لكن راح يتم رفعه ورشششششه

[Stars]

اعتقد سيفتح تحت ال4

[alkaldi]

السلام عليكم ورحمة الله وبركاته
بالتوفيق للجميع وربي يرزق الجميع ان شاء الله
اتوقع اليوم سوقنا ان شاء الله بيلعلع والله اعلم

[alkaldi]

وين اخونا عادل نبي كمن لمت اب

[عبدالعزيز 9]

السلام عليكم صبحكم الله بالخير

[كلمة طيبة]

ترى الإجارة ما وزعت ليش لتنزل كل هالنزول؟

[Qtr37]

في ناس قالوا بنك دخان بيوصل اسعار اعلى من جذي لانه بنك قوي

[بوخميس]

ترى الإجارة ما وزعت ليش لتنزل كل هالنزول؟

يحسبون ان الجمعية صارت وبيستلمون التوزيعات

[ابومبارك]

ادراج دخان في هذا الوقت مش في صالحه

[داود بن شطان]

مثل ما توقعت تدحرج بسرعة

صراحة من عقب ما شفت كمية التغطية الاعلامية الي عليه من قبل افراد السوشل ميديا وانا حاس ان الموضوع في ان

[alkaldi]

دمرووووووه
ان شاء الله سوقنا يقلب اخضر

[mohamed9933]

في ناس قالوا بنك دخان بيوصل اسعار اعلى من جذي لانه بنك قوي

قالوها للتصريف

لان قلنا الاسهم كانت تنباع فالبنك من فترة بسعر ريالين ونص

[القناص]

في ناس قالوا بنك دخان بيوصل اسعار اعلى من جذي لانه بنك قوي


وضع السوق العام ما يساعد البيع اليوم افضل من غدا

[Qtr37]

طيب اللي شروا اليوم بيستلمون ارباح سنة 2022؟

[السيلاوي]

صبحكم الله بالخير

خلينا واقعييين

بنك يوزع ارباح بين 10% ل 17% المفروض يكون سعره مثل ما قالوا الشباب بين 2.5 - 3 ريال والسوق فعلا مش مساعد وممكن ينزل تحت هالارقام

[السيلاوي]

طيب اللي شروا اليوم بيستلمون ارباح سنة 2022؟

اكيد لانهم ما اعلنوا ارباح وتوزيعات عام 2022

[.:: القيصر ::.]

السلام عليكم



صباح الخير

[mohamed9933]

طيب اللي شروا اليوم بيستلمون ارباح سنة 2022؟

أي نعم يستحق حامل السهم حتى تاريخ انعقاد الجمعية العمومية

[.:: القيصر ::.]

دخلنا دخان

3.4

المضاربة مب غلط

تضبط ولا ما تضبط متعودين على الاصابات ههههههه

[ابومبارك]

دخلنا دخان

3.4

المضاربة مب غلط

تضبط ولا ما تضبط متعودين على الاصابات ههههههه

اهم شي ماتكون مثل اصابات بيمه اول مانزلت

هههههههههههه

[mohamed9933]

بحسب البيانات المالية المعلنة للربع الثالث والخاصة ببنك دخان يظهر ارتفاع العائد على السهم من 1.73 وحالياً 1.98 اي بنسبة ارتفاع 15% والمتوقع نهاية السنة يحقق أكثر من 2.5 ريال كعائد
اتوقع يوزعون 2 ريال السنة

[.:: القيصر ::.]

اهم شي ماتكون مثل اصابات بيمه اول مانزلت

هههههههههههه

ههههههه
لا الله لا يقول ان شاء

[القناص]

دخان اخر سعر تحديث 10:14 ص : 3.100 ريال .

كسرها نزول الأن 3.050 ريال .

[alkaldi]

بنك دخان
لا يكون ريان نمبر 2
او لشا نمبر 2

[mohamed9933]

بنك دخان
لا يكون ريان نمبر 2
او لشا نمبر 2

يقولك بنك قوي !!

قوة البنك من قوة دعم ملاكه له من خلال دعم السهم ولنا في استثمار مثال
وهذا ينطبق على كل الشركات المدرجة

[كلمة طيبة]

وين الطلب اللي ب 4 مليون عالسلام ؟

[ابومبارك]

اتركوا استثمار في حاله مانبي تصيده عين
ههههههههه
كفايه قامكو مبنجر

[Qtr37]

مافب اكشن اخضر اليوم

[بو هيا88]

حاسس انه في اخضر جاي لكم سهم

[Stars]

دخلنا دخان

3.4

المضاربة مب غلط

تضبط ولا ما تضبط متعودين على الاصابات ههههههه

دخلنا معاك وشكلها تعليقة قوية

[بو هيا88]

اول ما المؤشر يتعدل اتوقع اسهم كثيره حطير خاصه الي مش متأثر بالهبوط

[ابومبارك]

اهم شي الاسعار مافيها تغير ملحوظ

[بو هيا88]

اهم شي الاسعار مافيها تغير ملحوظ
لو تلاحظ في اسهم ثابته نوعا ما
ليش ؟
تنتظر المؤشر يستعدل

[ابومبارك]

دخلنا معاك وشكلها تعليقة قوية

مثل تعليقتي في بيمه بس طلعت بسرعه قبل لا انربط فيها
بخساره لكن عوضتنا استثمار طال عمرها هههههههه

[ابومبارك]

لو تلاحظ في اسهم ثابته نوعا ما
ليش ؟
تنتظر المؤشر يستعدل

لان فيه بعضها مربوطه بالمؤشر

[بو هيا88]

لان فيه بعضها مربوطه بالمؤشر

خل استثمار يقلب اخضر وفي اسهم بتلحقه

[alkaldi]

يقولك بنك قوي !!

قوة البنك من قوة دعم ملاكه له من خلال دعم السهم ولنا في استثمار مثال
وهذا ينطبق على كل الشركات المدرجة

اكيد بس اول شي السوق ما يساعد
والكتاب يبان من عنوانه اغلب الاكتتابات اول يوم تكون فيها السيوله قويه واغلبها على الاقل السهم يروح اول يوم فوق وبعدين ينزل بك دخان اول يوم نزول قوي
كنت ناوي اعطي امر قبل السوق على سعر الافتتاح بس الحمدلله قلت خلني انتظر والا كان تدبست فيه
بس ننتظر وانشوف
ورب يبارك للي عنده فيه

[Abjalsulaiti]

تم شراء دخان على 3.10

واتمنى التوزيع والارباح بعد كم يوم ويعطونا 1.70 او ريالين

[Abjalsulaiti]

الي يشتري اليوم بيستحق ارباح سنة 2022 لان البنك لحد احين مااعلن

[alkaldi]

خل استثمار يقلب اخضر وفي اسهم بتلحقه

بيهدي شوي عشان الكتاب وبعدها بينطلق لاهداف فوق 2 والله اعلم

[ابومبارك]

انا اشوف ان الاسهم الي قدامها مستقبل ان شاء الله

الريان
قامكو
الدوليه
استثمار

اما الاسهم الثانيه ماعندي درايه عنها
هذا والسلام ختام

[alkaldi]

انا اشوف ان الاسهم الي قدامها مستقبل ان شاء الله

الريان
قامكو
الدوليه
استثمار

اما الاسهم الثانيه ماعندي درايه عنها
هذا والسلام ختام


ههههههه خطير ابومبارك كلها اسهمك
رب يبارك لك وللجميع

[ابومبارك]

السكون قبل العاصفه
بطولة
………و………و………

[ابومبارك]

ههههههه خطير ابومبارك كلها اسهمك
رب يبارك لك وللجميع

لا والله الريان والدوليه مالي حاليا فيها اسهم بعتها

[بو هيا88]

ارفع القبعه لاستثمار
سهم جبار
الله يبارك لملاكه
ولا املك بالسهم

[ابومبارك]

ارفع القبعه لاستثمار
سهم جبار
الله يبارك لملاكه
ولا املك بالسهم


والدوليه بعد ماشاء الله
هذا سهم القيصر المدلل

[معماري قطري]

مثل ما توقعت تدحرج بسرعة

صراحة من عقب ما شفت كمية التغطية الاعلامية الي عليه من قبل افراد السوشل ميديا وانا حاس ان الموضوع في ان

إن وأخواتها بس ما عليك ألحين اللي يبيعون اللي هم سجينين السهم من زمان ويبون يطلعون وغالبيتهم محتاجين بيركد فترة وبيرتد وعادي يوصلونه لأرقام ما نتوقعها

[ابومبارك]

استعداد
:nice:

[داود بن شطان]

إن وأخواتها بس ما عليك ألحين اللي يبيعون اللي هم سجينين السهم من زمان ويبون يطلعون وغالبيتهم محتاجين بيركد فترة وبيرتد وعادي يوصلونه لأرقام ما نتوقعها

اتوقع الطلوع صعب في ظل الاوضاع الحالية

حاليا سعر السهم ممكن يستقر بين 2.5 الى 3 ريال

[القناص]

تم شراء دخان على 3.10

واتمنى التوزيع والارباح بعد كم يوم ويعطونا 1.70 او ريالين

صعبة 1.7 التوزيع

[معماري قطري]

اتوقع الطلوع صعب في ظل الاوضاع الحالية

حاليا سعر السهم ممكن يستقر بين 2.5 الى 3 ريال

كل شيء ممكن بس ما يستوي الريان والا لشلوشة

[qwerty]

مبروك لملاك سهم صندوق الريان
ماشاء الله ارتفاعات حلوة

[داود بن شطان]

دخان اتوقع بنكسر الـ 3 ريال نزول في الوقت المتبقي

[Stars]

31% هبوط الله المستعان

[ابومبارك]

الظاهر واحد جالس عظم في حلق قامكو مايبيها تروح فوق
حتى اشعار اخر ولكن طرق طرق بتروح فوق يوما ما

[ابومبارك]

استعداد استعداد ياللي في بالي حان الوقت

[مستثمر درويش]

يا اخوان حدا عنده معلومة شو الإجراءات المفروض اعملها عشان تنزل ارباح الأسهم في حسابي البنكي مباشرة

[داود بن شطان]

الي باع بسعر 4 ريال اول تداول دخان هذا بطل

ما اتوقع رايح نشوف 4 ريال مرة ثانية خلال هذا العام

[القناص]

الي باع بسعر 4 ريال اول تداول دخان هذا بطل

ما اتوقع رايح نشوف 4 ريال مرة ثانية خلال هذا العام

معروف دام الوضع العام هبوط واحمر الافضل البيع الان ، من وضع تداوله الحالي 12:26 م واضح انه بكره نزول في بنك دخان ف الرابح الي بييع اليوم قبل بكرة

[ابومبارك]

استعداد استعداد ياللي في بالي حان الوقت

:victory:

[محمد مأمون]

متى توزيع قامكو ومسيعيد ؟

[Qtr37]

قامكو اعتقد 15 مارس

[Stars]

صعبة 1.7 التوزيع

العائد في التسعة الاشهر 0.248

[.:: القيصر ::.]

والله استثمار صح


الله يبارك لملاكه صمود

[.:: القيصر ::.]

الحمدلله شردت من دخان على 3.3

[ابومبارك]

متى توزيع قامكو ومسيعيد ؟

اعتقد بعد تاريخ 15 تقدر تبيع لو حبيت
لان هذا التاريخ الاجتماع

[Qtr37]

الحمدلله شردت من دخان على 3.3

يكسر الخاطر

[ابومبارك]

والله استثمار صح


الله يبارك لملاكه صمود

اي انا خذيته ب 1.55

ومسك معاي لحد الان صح

[ابومبارك]

الحمدلله شردت من دخان على 3.3

زين سويت خساره بسيطه ولا خساره قويه

[.:: القيصر ::.]

اي انا خذيته ب 1.55

ومسك معاي لحد الان صح

الله يبارك لك

شغلك صح

[.:: القيصر ::.]

زين سويت خساره بسيطه ولا خساره قويه

:nice:

[ابومبارك]

عندي احساس قوي ان قامكو يتعمدون ان مايرتفع هذي الايام
كل مارتفع اضربوه على قرعته هههههههههه

[ابومبارك]

:nice:

نفس ماسويت انا مع بيمه شردت قبل لا اتزيد الخساره
وهذا حنا عوضنا فقط بيمه وزياده ولكن التعويض الكلي
لحد الان يبيله

[Stars]

الحمدلله شردت من دخان على 3.3

افا ليه ما تكلمت نشرد معاك

[القناص]

العائد في التسعة الاشهر 0.248

بعد صعبة توزيع 1.7 ريال

[القناص]

دخان قفل على 3 ريال

[.:: القيصر ::.]

افا ليه ما تكلمت نشرد معاك

من الصدمة ما كتبت

[.:: القيصر ::.]

الله يبارك لملاك استثمار


شكل الفترة القادمة حفلة والله اعلم

!

[محمد مأمون]

اكيد ارباحها قوية وتوزيعها قوي رح يكون

[alkaldi]

صراحه ماشاء الله استثمار الله يبارك لملاكه عنده صانع صح الصح
المره الثانيه يفاجئ الجميع المره اللي طافت من نص ريال لين العلالي
والحين شكله بيواصل
بالتوفيق قبال باقي الاسهم ان شاء الله

[][ الوحيد ][]

توزيع فودا اليوم ؟

[رمــــــاح]

[ الوحيد ][;10895528']توزيع فودا اليوم ؟

امس كان التوزيع

[السيلاوي]

تقليص المؤشر في نهاية التداول واليوم الكل مشغول في اسهم بنك دخان

ان شاء الله غدا افضل

انتبهوا لاسهم العوائد وفي النهاية لا يصح إلا الصحيح

نراكم غدا ان شاء الله

سبحانك اللهم وبحمدك استغفرك واتوب إليك