اعلان المناعي عن البيانات المالية السنوية ديسمبر 2022

[بن الخطاب]

أعلنت مجمع شركات المناعي عن البيانات المالية السنوية للفتره المنتهية في ‏31 ديسمبر‎ 2022حيث بلغ صافي الربح 202,460,000 ريال قطري مقابل صافي الربح 276,076,000 ريال قطري لنفس الفترة من العام الذي سبقه.
كما بلغت ربحية السهم 0.444 ريال قطري في السنوية من العام ‏31 ديسمبر‎ 2022 مقابل ربحية السهم 0.605 ريال قطري لنفس الفترة من العام الذي سبقه.
يقترح مجلس الإدارة توزيع أرباح نقدية بمعدل 0.10 ريال قطري للسهم الواحد تمثل نسبة 10% من القيمة الاسمية للسهم

[مستثمر درويش]

أعلنت مجمع شركات المناعي عن البيانات المالية السنوية للفتره المنتهية في ‏31 ديسمبر‎ 2022حيث بلغ صافي الربح 202,460,000 ريال قطري مقابل صافي الربح 276,076,000 ريال قطري لنفس الفترة من العام الذي سبقه.
كما بلغت ربحية السهم 0.444 ريال قطري في السنوية من العام ‏31 ديسمبر‎ 2022 مقابل ربحية السهم 0.605 ريال قطري لنفس الفترة من العام الذي سبقه.
يقترح مجلس الإدارة توزيع أرباح نقدية بمعدل 0.10 ريال قطري للسهم الواحد تمثل نسبة 10% من القيمة الاسمية للسهم

لاحول ولا قوة الا بالله الربع الأخير في خسارة كبيرة

[مستثمر درويش]

ارباح الثلاث الارباع كانت فوق 500 مليون شو صار معهم

[بن الخطاب]

خسارة 310 مليون تقريباً

[مستثمر درويش]

خسارة 310 مليون تقريباً

في هوامير كانوا يعرفون بالخبر ورفعوا السهم اليوم وصرفوا سلملي على الشفافية في البورصة القطرية

[adell]

وهل التوزيع جيد ام لا

[مستثمر درويش]

التوزيع سيء جدا مثل توزيع الخليج الدولية والريان وغيرهم شوف اسعارهم وسعر المناعي كم

[qews]

كم توزيع هل هو 10 ريال او ريال شاريه ب 97 ريال ومتفائل فيه

[بن الخطاب]

في هوامير كانوا يعرفون بالخبر ورفعوا السهم اليوم وصرفوا سلملي على الشفافية في البورصة القطرية

ده صحيح ارتفاع وصرفوا اسهمهم علي المضاربين الصغار
بس اتمني افتكرت كلامي عند 8.800

[مستثمر درويش]

كم توزيع هل هو 10 ريال او ريال شاريه ب 97 ريال ومتفائل فيه

يا أخوي توزيع 0.1 عن كل سهم الله يعوض عليك وعلينا ليش اشتريت بالسعر

[مستثمر درويش]

ده صحيح ارتفاع وصرفوا اسهمهم علي المضاربين الصغار
بس اتمني افتكرت كلامي عند 8.800

للأسف مابعت توقعت نتائجهم ممتازة وطمعت خصوصا مع الارتفاع اليوم تطمنت أكثر بس للاسف أكلت يوم أكل الثور الابيض هههههههههه

[فارس السوق]

نتيجة متوقعة

بقراءة البيانات المالية للربع الثالث، يتضح أن أرباح المناعي كانت نتيجة بيع احدى الشركات (غير متكرر) أما العمليات الاعتيادية كانت في خسارة.

أتوقع أن تدخل الشركة في عام 2023 في سلسلة خسائر، ويبدأ السهم رحلة الهبوط على مدرج 2 ريال.

[ابومبارك]

بكره بيطيح على وجهه الا اذا

[مستثمر درويش]

بكره بيطيح على وجهه الا اذا

للأسف طايح والله يستر ما ينزل لمت داون من بداية السوق

[معماري قطري]

ما توقعنا هالكبوة بس السهم مضاربي واللي صار اليوم تصريف

[وحش التداول]

معوضين خير.. وش حادكم تدخلونه بهالاسعار.. صناعات و مستثمرين يعطون توزيع 8 ظ¨ اضعاف المناعي

[معماري قطري]

أرباحه للربع الثالث كانت 1.12 شلي قلصها هالكثر .. التوزيع الإستثنائي كان 0.35 لو افترضنا من الربح بيطلع الباقي 77 درهم نصفي على 10 درهم بس توزيع .. صراحة شيء غريب

[السيلاوي]

أرباحه للربع الثالث كانت 1.12 شلي قلصها هالكثر .. التوزيع الإستثنائي كان 0.35 لو افترضنا من الربح بيطلع الباقي 77 درهم نصفي على 10 درهم بس توزيع .. صراحة شيء غريب

في الربع الرابع خسائر 309 مليون حسب ارقام بس مش عارف هل هي مخصصات ام خسائر

[معماري قطري]

فوق هذا ربحية السهم جيدة 0.444 ريال قطري حسب الإعلان بيوزعون منها بس 0.1 هذا تدمير للسعر السوقي للسهم 22.52% فقط من الربح بيوزعونه .. 0.77 - 0.444 يعني خسارة الربع الثالث للسهم تساوي 0.326 ريال وهذي تعتبر خسارة كبيرة شأسبابها؟

[معماري قطري]

في الربع الرابع خسائر 309 مليون حسب ارقام بس مش عارف هل هي مخصصات ام خسائر

شكله بكرة لمت داون وبيرجع تحت بمقدار معين وبيرتد والفرص فيه ما توقف بإذن الله

[مستثمر درويش]

شكله بكرة لمت داون وبيرجع تحت بمقدار معين وبيرتد والفرص فيه ما توقف بإذن الله

من خبرتك الطويلة في هذا السهم اخوي معماري ممكن ينقذ الصانع السهم بكرة من اللمت داون ولا رح يتركه

[مستثمر درويش]

فوق هذا ربحية السهم جيدة 0.444 ريال قطري حسب الإعلان بيوزعون منها بس 0.1 هذا تدمير للسعر السوقي للسهم 22.52% فقط من الربح بيوزعونه .. 0.77 - 0.444 يعني خسارة الربع الثالث للسهم تساوي 0.326 ريال وهذي تعتبر خسارة كبيرة شأسبابها؟

نحتاج لخبير مالي يقرأ البيان ويكشف التفاصيل ياريت حدا من الإخوان اصحاب الخبرة يوضح الأسباب

[alkaldi]

نتائج غريبه وسيئه هل له علاقه انهم وزعوا ارباح قبل فتره
طيب ليش وزعوها في وقت مب نهاية السنه هل حاسبينها مع هالارباح
الحمدلله انه مب من الاسهم القياديه والا كان الموشر اليوم سلم لي عليه

[رمــــــاح]

صدمه في التوزيع وخسارة الربع الأخير
بالتوفيق للملاك

[qews]

انا بعترض بالجمعيه على توزيع نبي توزيع 5 ريال أقل شي

[داود بن شطان]

للاسف تدبسوا فيها صغار المستثمرين

بعض الشركات تتبع سياسة طعم التوزيعات السخية في البداية لتغري فيه صغار المستثمرين

(( جمع اكبر عدد من صغار المستثمرين في شبك واحد ))

وبعدها اعلن عن خساير وارجع اشتري السهم مرة ثانية وهكذا دورة حياة الهامور

كل شي يجيه على الجاهز

[مستثمر درويش]

للاسف تدبسوا فيها صغار المستثمرين

بعض الشركات تتبع سياسة طعم التوزيعات السخية في البداية لتغري فيه صغار المستثمرين

(( جمع اكبر عدد من صغار المستثمرين في شبك واحد ))

وبعدها اعلن عن خساير وارجع اشتري السهم مرة ثانية وهكذا دورة حياة الهامور

كل شي يجيه على الجاهز

على أساس مجلس إدارة محترم وعنده شفافية قال شفافية قال هههههههههه شوف الطلبات لمت داون من البداية

[فارس السوق]

نحتاج لخبير مالي يقرأ البيان ويكشف التفاصيل ياريت حدا من الإخوان اصحاب الخبرة يوضح الأسباب


المفاجئة في أخر ثلاث شهور كانت بسبب إعادة تقييم شهرة احدى الشركات الزميلة (أكسيوم). وهذه الشركة تعمل في الاستيراد والتجزئة والبيع بالجملة لمختلف العلامات التجارية للهواتف المحمولة وملحقاتها في الامارات والسعودية.

تم تخفيض الشهرة بمبلغ 200 مليون ريال (تخفيض الشهرة من 741 مليون ريال الى 541 مليون ريال).

برأي الشخصي، أتوقع ان تقوم شركة المناعي باستكمال إطفاء الشهرة في عام 2023 وعام 2024 بسبب الخسائر التي تحققها شركة اكسيوم خصوصاً ان تجارة الهواتف اصبحت غير مربحة.
الامر قد يؤدي الى تلاشي ارباح المناعي في السنوات القادمة.

والله أعلم

[مستثمر درويش]

المفاجئة في أخر ثلاث شهور كانت بسبب إعادة تقييم شهرة احدى الشركات الزميلة (أكسيوم). وهذه الشركة تعمل في الاستيراد والتجزئة والبيع بالجملة لمختلف العلامات التجارية للهواتف المحمولة وملحقاتها في الامارات والسعودية.

تم تخفيض الشهرة بمبلغ 200 مليون ريال (تخفيض الشهرة من 741 مليون ريال الى 541 مليون ريال).

برأي الشخصي، أتوقع ان تقوم شركة المناعي باستكمال إطفاء الشهرة في عام 2023 وعام 2024 بسبب الخسائر التي تحققها شركة اكسيوم خصوصاً ان تجارة الهواتف اصبحت غير مربحة.
الامر قد يؤدي الى تلاشي ارباح المناعي في السنوات القادمة.

والله أعلم

الأن تذكروا بند الشهرة ليش ما تذكروا من بداية السنة وإدارة البورصة في سبات عميق لاحسيب ولارقيب

[متفائل فنان]

كان الله في عون المستثمرين الجدد اما الي من زمان فراح يطلون بربح،
الصفقه كان اخر ما قدمته شركة المناعي واخر ايام العز.

تخيل نفسك عندك شركه تاجير سيارات فيها 4 سيارات
3 منهم سيارات متواضعه يالله تجيب لك ربح اخر السنه،
والرابع فراري يحقق لك ربح ضعف هال 3 سيارات اخر السنه،
تروح تبيع الفراري عشان تسدد ديون شركتك وتاخذ باقي الربح
مع الوقت راح يبين الاثر السلبي وراح تقل الارباح والقيمه السوقيه لشركتك،
هذا الي صار فالمناعي باختصار.

وقد تكلمت عن هالشي من يوم صارت الصفقه والتوزيع الفصلي انها مجرد فتره بسيطه
وبعدها خلاص..

[معماري قطري]

من خبرتك الطويلة في هذا السهم اخوي معماري ممكن ينقذ الصانع السهم بكرة من اللمت داون ولا رح يتركه

الجواب واضح الله يسلمك وانا اشوف انها المفروض تكون لعبة ذكاء يخلون السعر ينزل براحته وبعدين يلمون برخيص .. خلاص بالنسبة لي ما لي الا التعديل والدخول من القاع حول ال 3 ريال أتمناه .. وخبرتي الله يسلمك في هذا السهم ضعيفة دخلت فيه أول مرة من قريب ب 7.9 ريال بحدود مبلغ 100 ألف ريال كانت باقية من توزيعات العام .. لو وصل 3 فرضاً وخذت بنفس المبلغ بيطلع لي عدد أسهم أكبر ومعدل الشراء بيستوي أقرب لل 3 منه لل 7.9 .. حول 12000 سهم وشوي مردودهم بيكون حول 1200 ريال 1% تقريباً ما تفيد بس خلال شهر ونص يمكن مقبولة .. 100000 على سعر 3 ريال بيطلعون لي 33333 سهم تقريباً ناقصين شوي بسبب العمولة بيكون المجموع ما يقارب 45000 بسعر 200000 وبمعدل 4.444% وبيكون السهم مجدي مضاربياً وممكن حتى استثمارياً سالفة شهرة هذي اللي دخلوها تعني لعبة والسهم يستحق وقوي

الله يعين اللي خذ وايد وسوقنا مليء بالمطبات والخدع

[معماري قطري]

آسف المعدل بيكون 4.444 ريال للسهم بدال % بشرط يوصل 3 ريالات

[معماري قطري]

من خبرتك الطويلة في هذا السهم اخوي معماري ممكن ينقذ الصانع السهم بكرة من اللمت داون ولا رح يتركه

بعد شيء ثاني السهم سلوكه واضح يتركونه يوصل لقاع سحيق وبعدين يشترون ويرفعونه لقمة جيدة .. وإن شاء الله يستمرون هالمرة ودخولنا يكون من القاع السحيق

[معماري قطري]

انا بعترض بالجمعيه على توزيع نبي توزيع 5 ريال أقل شي

ممكن 40 درهم حسب نتائجهم المالية لكن بيحطون أسباب ثانية ضغط الديون وغيرها مثل ما سووا مخازن من 40 وزعوا 10 بس مخازن نزل من 4 لين 3 فقد حول 25% ورجع بسرعة وراه أشاوس المناعي وراه أشاوس بطمع أكبر بيخلونه لين حول ال 3 وبيرفعونه لين ال 10 ان شاء الله

[qews]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

[مسافر1]

لو أنهم ابقو من أرباح الصفقة لآخر السنة ووزعت نص وخلو نص كان انقذو السهم

[رمــــــاح]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

عليك بالعافيه طب قد ما تقدر وراح تحصل الكمية اللي تبغي

[معماري قطري]

لو أنهم ابقو من أرباح الصفقة لآخر السنة ووزعت نص وخلو نص كان انقذو السهم

شكلها حركة مقصودة لتنزيل سعر السهم وأخذه برخيص .. السنة طويلة لحد يستعجل

[معماري قطري]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

هذي السنة وضع استثنائي توزيعهم بيكون 10 دراهم والسهم بيواصل هبوط الا تكون لكبار ملاكه أو مجموعة مضاربين كلمة ثانية .. على سعر 3 ريال وتوزيع 10 دراهم بيكون معطيك نسبة 3.33% بعد نسبة متدنية حتى ال 3 وايد عليه بكرة تشتري الله أعلم بعد بكرة بتشوفه ممكن أقل من شرائك

[adell]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

يخوي اصبر الاول يطلع من غرق اللمت داون وفكر تدخله الله يستر لكم يوم لمت داون للخميس او للاحد الجاي الا اذا تدخل الصانع مع ان اذا تدخل كلهم يشتري 3 مليون سهم يقدر ينقذ السهم من اللمت دوان ويثبته

[السيلاوي]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

اخوي اصبر شوي ممكن وهذا السهم ما يدعمونه بسرعة ممكن مثل ما قال اخوي معماري يوصل 3 ريال
انت يفضل تبدأ تعدل السعر من 6 ونازل بكميات بسيطة لحد ما يتعدل حال السهم

[متفائل فنان]

عيل بكره نشتري ونعدل اذا ناوين يطلعونه نفس المخازن انا اجوف السهم استثماري وسعره لازم ماينزل عن 90 ريال اذا يوزع نص السنه بيكون تاخذ ارباح مرتين بالسنه
انا بكره بطب فيه عدل

حرام تدخل السهم اعلى من 3 ريال
على توزيعه الحالي ممكن يروح 2 بعد
لكن تبدا الدخول من اليوم راح تحمل نفسك خساير كبيره
الصبر زين والسهم ماراح يطير هالفتره مستحيل،
ينزل ويستقر تحت بعدها توكل على الله.

[معماري قطري]

اليوم شيء بسيط زاد الشراء عن أمس بس شراء استباقي ولا تحرك عن اللمت داون .. أكيد اللي دخل اليوم استعجل كمية الأسهم اللي تم تداولها وايد أكبر من الكمية اللي تم تداولها أمس ( 792,188 ) بس كلش ما فيه لا شراء ولا بيع من المطلعين وبسعر اليوم 6.903 نسبة الربح 1.4486% تقريباً 1.45% ما تسوى ومغامرة من الجهتين استثمارية ومضاربية

[مستثمر درويش]

اليوم كذلك لمت داوون يا ترى بكرة رح يكون تغيير ولا نفس اليوم

[فارس السوق]

Falling Knife
هذا المصطلح (هبوط السكين) ينطبق تماماً على المناعي.

غالبًا ما يكون استخدام هذه العبارة مصحوبًا بتحذير بعدم محاولة اصطياد مثل هذه السكاكين عن طريق الشراء في خضم الهبوط.
يصبح السؤال بعد ذلك، متى يكون الوقت المناسب للشراء؟
على الرغم من عدم وجود إجابة مثالية على هذا السؤال، لكن من الافضل أن ترى إشارات على حدوث انتعاش وتعافي محتمل.
لذلك، يفضل الانتظار افصاح نتائج الربع الأول قبل الدخول.

[ابومبارك]

اليوم كذلك لمت داوون يا ترى بكرة رح يكون تغيير ولا نفس اليوم

بكره بينزل لكن مايوصل لمت داون
ممكن يسكر على 5 وشوي

[adell]

الدعوم واضحه كانت ع 65 وكسرها الان في ال 55 وال اظن 48 و 45