حد جرب مكيفات كولكس.. يفيدنا

[ممنوع اللمس]

السلام عليكم ورحمة الله وبركاته
انا قررت اركب فالبيت كامل مكيفات دكت
سعرت عند جنرال
وعند كولكس وكان في فرق فالسعر
ومستوبيشي كان الاغلى
فاذا حد جرب مكيفات كولكس ياليت يعطينا تجربته من مميزات وعيوب مثل الصيانه والتبريد والصوت وكل الامور
شفت فرق كبير فالسعر ومتردد
ونصايحكم للدكت
وجزاكم الله كل الخير

[سعود.]

اول مره اسمع عنه . خذيت لفه سريعه في جوجل كنه صناعه كويتية ؟؟؟

[ممنوع اللمس]

صحيح صناعه كويتيه ووكيلهم فالدوحه الجابر

[sara jsm]

خذ عرض سعر من Gree ..
ولا تغامر مع شركات جديدة توها جم سنه بالسوق باجر يسكرون ويروح حقك ..
ولا تسترخص في بيتك ..

[سعود.]

خذ عرض سعر من Gree ..
ولا تغامر مع شركات جديدة توها جم سنه بالسوق باجر يسكرون ويروح حقك ..
ولا تسترخص في بيتك ..


بالضبط اذا تقدر تدفع خلك ع المضمون

[معماري قطري]

الجابر جيدين كإدارة وشركاتهم ما شاء الله .. وممكن كولكس تجميع خاص بدول الخليج .. أهم شيء هو المواصفات تفرق من شركة لشركة والتركيب قصة ثانية والصيانة أكيد

أرسل لي رقمهم لو سمحت أو حطه عام عادي ما يعتبر فاحشة

حبيت نظام الدكتات المخفية والجبس الخفيف وتجي الفتحة في تجويف في الجنب بس ما ادري يعرفون يسوونه في قطر والا لا .. باشوف كم عرض وباعدل على التصميم شوي حسب التكييف ممكن أسوي النوع الواقف المخفي في الجدران بدال المعلق في السقف هذا هدفي والوحدات الخارجية في البيسمنت كلها بإذن الله لسهولة الصيانة ولحمايتها

وخلاص مقتنع بالدكت سبلت بدون في ار في وهالسوالف مجزأ ولكل منطقة بروحه

[ممنوع اللمس]

¬ هذا رقمه 30880220
للامانه كل ماكلمت حد عن شركه مركب عندها يعطيني عيوب ومميزات فحسيت كلهم نفس الشي

[معماري قطري]

جزاك الله خير باشوفهم بإذن الله

[ممنوع اللمس]

الله يجزاك بمثله

[معماري قطري]

أحد عيال عمي اتفق معاهم ويركبون له حالياً ومرتاح لتعاملهم وسعرهم زين والحلو قريبين منا صوب تقاطع محطة الجزيرة طريق سلوى