Last Cover جلسة تداول الخميس 30 مارس, 2023

[السامر الأسود™]

السلام عليكم ورحمة الله

من دراسة السوق يبدو ممكن احتمال بإذن الله ان ان يستمر تداولات السوق ب زخم متوقع
وباقي صعود باذن الله الى محطة ال 10480-10515 تقريبا ..

انوه هنا الى انه توقعنا بالامس ان يكون فيه جني ارباح في صورة تصحيح.. عارض في مسار الموجة الصاعد في جلسة امس. وهذا ماحصل فعلا في جلسة الاربعاء.

يبدو انه جني الارباح والتصحيح سيستمر الى جلسة اليوم باذن الله يتبعه متوقع الارتفاع المطلوب

من معطيات تداولات ال 6 جلسات الاخيرة بدأ جليا ان السوق :
1. قيد التصنيع باتجاه ال 12 ابريل
2. يمر بفترة تاسيس مويجي مخالف للاسواق المرتبط بها سابقا


و الله اعلم
موفقين خير

وش توقعاتكم؟!

[السيلاوي]

الله يسعدك اخوي السامر في هذه الايام الفضيلة وان شاء الله تداول موفق للجميع

جلسة اليوم اغلاق اسبوع وشهري وربع سنوي وربنا ييسر الأمور

[عبدالعزيز 9]

الله يعطيك العافيه يالسامر على جهودك الطيبه بارك الله فيك

[LiverC00L]

صباح الخير

شكرا اخوي السامر على المجهود الكبير اللي تقدمه

و باذن الله سوقنا يصعد في شهر ابريل

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[alkaldi]

السلام عليكم ورحمة الله وبركاته
بالتوفيق للجميع ورب يرزق الجميع ان شاء الله
الله يعطيك العافيه السامر العزيز
توقعي ان شاء الله اليوم مواصلة الارتفاع بقيادة الريان لليوم الثالث على التوالي
وبعد اعتقد اليوم اغلب الاسهم ببتفاعل مع الارتفاع والله اعلم
نتمنى اليوم انشوف لمت اب لعدة شركات

[ابومبارك]

السلام عليكم
صباح الخير ياعرب

[.:: القيصر ::.]

السلام عليكم

صباح الخير

[القادم افضل]

وما غرني إلا خضاب بكفها* وكحل بعينيها وأنوابها الصفر
اتعلمون ما هي؟

[ابومبارك]

من هي ايها الرجل المغوار

[ابومبارك]

السكون قبل العاصفه

[alkaldi]

ابومبارك فالك 2.1 ان شاء الله
اني اراها اليوم باذن الله

[القادم افضل]

يستاهل ابو مبارك مع لزوم الحذر
ينام بإحدى مقلتيه ويتقي* بأخرى المنايا فهو يقظان نائم
الذيب هكذا
ابو مبارك خليك ذيب

[عبدالعزيز 9]

يستاهل بومبارك

[ابومبارك]

جزاكم الله خير يا اخوان والتوفيق للجميع

[معماري قطري]

من هي ايها الرجل المغوار

ههههههههههه صباح الخير

تعبت وانا اضحك شكلك تتابع مسلسلات عربية فصحى تاريخية .. باقول لك منهي .. قطوة ماكلة ضفدع أصفر ولازق في أنيابها

[القادم افضل]

ههههههه احسنت لك جائزة

[ابومبارك]

المواصله اهم شي ماتكون فزت عراوي ههههههههه

[ابومبارك]

ههههههههههه صباح الخير

تعبت وانا اضحك شكلك تتابع مسلسلات عربية فصحى تاريخية .. باقول لك منهي .. قطوة ماكلة ضفدع أصفر ولازق في أنيابها

ههههههههههه لازم رمضان كله مسلسلات تاريخيه

[كلمة طيبة]

تداول المستثمرين برفع الراس .

[معماري قطري]

حد منكم تابع سي ان بي سي عربية

من شوي مراسلهم خالط المواضيع يقول سوقنا ارتفع في الربع الأول 1.2% وهو نازل في موقع السوق للآن فوق 4% من أول السنة يعني من بداية الربع الأول .. شهالمراسل ما يحطوني بدونه

زين والنكتة الثانية يتكلمون عن توزيع الرعاية الطبية وحاطين الألمانية الطبية وسعرها 0.97 لا ويقولون وزعت 93% من ربحها البالغ 80 مليون وكان توزيعها 20% من القيمة الإسمية .. زين إذا سعر الشركة الحالي تحت ريال اللي هو تحت القيمة الإسمية توزع 20% وتبقى على هذا السعر شلون .. هالناس من وين يجيبونهم حتى لو إن رمضان بس المخ يشتغل في كافة الظروف

[معماري قطري]

ههههههههههه لازم رمضان كله مسلسلات تاريخيه

والله يا اخوي انا كلش 0 متابعة ولا لين شفت ناصر محمد وايد مبتذل يبي يضحك غصب .. الله يرحم عبدالعزيز جاسم ذاك فنان وغانم السليطي كذلك يضحك غصب وبدون ابتذال زايد

[ابومبارك]

والله يا اخوي انا كلش 0 متابعة ولا لين شفت ناصر محمد وايد مبتذل يبي يضحك غصب .. الله يرحم عبدالعزيز جاسم ذاك فنان وغانم السليطي كذلك يضحك غصب وبدون ابتذال زايد


راحوا الطيبين خلاص معاد فيه مسلسلات مثل قبل
يازين فايز التوش عقب الفطور وعقبها نركب السياكل ودواره
ويوم كبرنا كنا عقب الفطور نكشخ ونروح سوق العلي دواره ههههههههه

[ابومبارك]

استثمار وده يرتفع بس خايف يناقشونه لماذا ولماذا هههههههههه

[السيلاوي]

اللي عنده مقدام

هل نزلت له الأسهم المجانية على حسابه؟

لان لسا ما نزلت عندي

[ابومبارك]

قامكو تداول طيب بس محلك سر
سرا الليل ياساري

[ابومبارك]

نبغي اي سهم يسوي اكشن في السوق
يحرك السوق شوي وتغار منه بعض الشركات

[ابومبارك]

الدوليه ثابته تنظر يمين ويسار

[ابومبارك]

حد منكم تابع سي ان بي سي عربية

من شوي مراسلهم خالط المواضيع يقول سوقنا ارتفع في الربع الأول 1.2% وهو نازل في موقع السوق للآن فوق 4% من أول السنة يعني من بداية الربع الأول .. شهالمراسل ما يحطوني بدونه

زين والنكتة الثانية يتكلمون عن توزيع الرعاية الطبية وحاطين الألمانية الطبية وسعرها 0.97 لا ويقولون وزعت 93% من ربحها البالغ 80 مليون وكان توزيعها 20% من القيمة الإسمية .. زين إذا سعر الشركة الحالي تحت ريال اللي هو تحت القيمة الإسمية توزع 20% وتبقى على هذا السعر شلون .. هالناس من وين يجيبونهم حتى لو إن رمضان بس المخ يشتغل في كافة الظروف


يمكن مأثر عليه الصيام هههههههههه

[alkaldi]

الطبيه ولع اليوم
والعوده الحميده فوق الريال
عقبال اللي في بالي ان شاء الله قريب

[أبو الطيب 4]

قد نرى لمت اب في الطبية

[ابومبارك]

قد نرى لمت اب في الطبية

عشان اتحرك السوق شوي

[القادم افضل]

شكله لمت اب لكن مضاربينها يكتفون بشوي ويبيعون ابسرعة هذي عادتهم من فترة اول ما اقرب لمت اب يبيعون فيخربونها

[ابومبارك]

شكله لمت اب لكن مضاربينها يكتفون بشوي ويبيعون ابسرعة هذي عادتهم من فترة اول ما اقرب لمت اب يبيعون فيخربونها

يبي يحصل له منفذ عشان يصرف له كم يوم يحاول

[معماري قطري]

يمكن مأثر عليه الصيام هههههههههه

وايد يخربطون دوم حتى تلفزيون قطر صج شيء غريب ما فيه ثقافة ولا متابعة

[ابومبارك]

اهم شي استثمار يثبت نفسه فوق 2 ولا يكسرها

[ابومبارك]

وايد يخربطون دوم حتى تلفزيون قطر صج شيء غريب ما فيه ثقافة ولا متابعة

امس قناة الريان القديم جايبين مخيم كشفي ملون
كاتبين عام 1966
وهو تقريبا في السبعينات

[الاسطوره]

الدوليه ثابته تنظر يمين ويسار

لها طلعة حلوة باذن الله الدولية

[ابومبارك]

الريان مصعب عليه ال 3 ولا وش العباره مش قادر يوصل لها
وهي قريبه له من امس

[alkaldi]

الريان الى 3 اليوم ان شاء الله

[alkaldi]

الريان مصعب عليه ال 3 ولا وش العباره مش قادر يوصل لها
وهي قريبه له من امس

لو راح فوق الثلاثه ابومبارك
اتوقع انشوف السوق غير ان شاء الله مثل ماقال اخونا السامر العزيز عن 12/4 والله اعلم
مادري اذا عن السامر شي ثاني الله اعلم

[ابومبارك]

لو راح فوق الثلاثه ابومبارك
اتوقع انشوف السوق غير ان شاء الله مثل ماقال اخونا السامر العزيز عن 12/4 والله اعلم
مادري اذا عن السامر شي ثاني الله اعلم

ان شاء الله يوصلها ويتعداها

[فيصل99]

صباح الخير على الجميع

[معماري قطري]

امس قناة الريان القديم جايبين مخيم كشفي ملون
كاتبين عام 1966
وهو تقريبا في السبعينات

يبون يعطون عمق للتاريخ .. سنة 1969 دخلت مدرسة عين خالد كانت عبارة عن مخيم بيت متهالك فيه صفين صف حق خامس ابتدائي فيه طلاب وايد بعضهم شياب وصف حق بقية الفصول من اول لين رابع كل سيد كراسي صف .. طلعت الثامن في الصف لأن الموجودين 8 وعلي يمكن 5 دوائر حمر سنة بس ونقلوني مدرسة بو بكر الصديق وكانت فرق كبير

كانت عين خالد وقتها جنغل

[ابومبارك]

يبون يعطون عمق للتاريخ .. سنة 1969 دخلت مدرسة عين خالد كانت عبارة عن مخيم بيت متهالك فيه صفين صف حق خامس ابتدائي فيه طلاب وايد بعضهم شياب وصف حق بقية الفصول من اول لين رابع كل سيد كراسي صف .. طلعت الثامن في الصف لأن الموجودين 8 وعلي يمكن 5 دوائر حمر سنة بس ونقلوني مدرسة بو بكر الصديق وكانت فرق كبير

كانت عين خالد وقتها جنغل

اهم شي جنغل هههههههههه
كراسينا قبل 2 في طاوله وحده

[معماري قطري]

لو راح فوق الثلاثه ابومبارك
اتوقع انشوف السوق غير ان شاء الله مثل ماقال اخونا السامر العزيز عن 12/4 والله اعلم
مادري اذا عن السامر شي ثاني الله اعلم

مصطلح 12 / 4 هذا ما فهمته بس أحس فيه شيء زين .. أووه تعالوا اليوم 30 / 03 هبي بيرسداي تو مي نسيت بس احس بشعور واحد قرب من الستين شكلها باقي سنة من 64 عليكم الحسبة دخلت الستين يعني

[معماري قطري]

اهم شي جنغل هههههههههه

المنطقة كلها كانت بر هذا قصدي تركيبة السكان شيء ثاني وغالبيتهم جايين من مناطق بعيدة .. كان طريق سلوى مسارين واحد في كل اتجاه وطرق متعامدة عليه

[ابومبارك]

المنطقة كلها كانت بر هذا قصدي تركيبة السكان شيء ثاني وغالبيتهم جايين من مناطق بعيدة .. كان طريق سلوى مسارين واحد في كل اتجاه وطرق متعامدة عليه

انا درست 1973 في عمر بن الخطاب في وادي السيل
قبل ماعندنا مدارس في مدينة خليفه
1975 سوو لنا مدرسه في مدينة خليفه

[ابومبارك]

تحرك شوي استثمار بين مد وجزر

[معماري قطري]

سوقنا يكسر الخاطر أسواق اوروبا غالبها فوق ال 1% وأمريكا المستقبلي وايد زين وأمس 1% والنفط مرتفع فوق 78 دولار شباقي غير يواصل سوقنا بدون تردد

[معماري قطري]

انا درست 1973 في عمر بن الخطاب في وادي السيل
قبل ماعندنا مدارس في مدينة خليفه
1975 سوو لنا مدرسه في مدينة خليفه

عرفت مدينة خليفة سنة 1978 رحنا لها مشي في عز الحر من القيادة في رميلة .. كنت انا وحمد بن محمد العطية الله يغفر له وعبدالرحمن بن أحمد البادي يضحك معانا المدرب قال محجوزين وقعدنا في المكيف نسولف وكان حر ونسينا نفسنا لين الساعة 3 العصر ويوم طلعنا كان المكان خالي وموحش .. كنا قاعدين في مكتب حرس الزعيم الله يرحمه .. يوم طلعنا متورطين وين نروح اللاندروفر راح عنا وحر موت قال حمد ما لنا الا بيت اخوي في مدينة خليفة وبدينا نمشي شوي الا مر علينا واحد من عيال ذياب نسيت والله إسمه بس شكله أذكره عدل كانت عنده جيتي وقال اركبوا وزين اقتنعنا وقتها نادر اللي تمر سيارة ووصلنا

ثاني يوم الزعيم سوى تحقيق ووين كنتوا .. كنا تحت ال 14 كلنا آخر واحد سئله كان انا نادوني من الطابور ورحت ركيض ووقفت متلعثم كانت له هيبة قال لي انت اللي باصدقك وين كنتوا أمس الظهر قلت كلام مطابق لكلام ربعي شكله ما عجبه بس عرف اننا صادقين

[alkaldi]

يبون يعطون عمق للتاريخ .. سنة 1969 دخلت مدرسة عين خالد كانت عبارة عن مخيم بيت متهالك فيه صفين صف حق خامس ابتدائي فيه طلاب وايد بعضهم شياب وصف حق بقية الفصول من اول لين رابع كل سيد كراسي صف .. طلعت الثامن في الصف لأن الموجودين 8 وعلي يمكن 5 دوائر حمر سنة بس ونقلوني مدرسة بو بكر الصديق وكانت فرق كبير

كانت عين خالد وقتها جنغل

ههههههههههااااااااااي

[محلل استثمار]

اسعد الله صباحكم بكل خير وعافية

هل فيكم حد استلم ارباح المستثمرين

[Qtr37]

اسعد الله صباحكم بكل خير وعافية

هل فيكم حد استلم ارباح المستثمرين

لاني ما حدثت البيانات الى الان، دخلت موقع بنك قطر الوطني وعبيت النموذج مع المرفقات المطلوبة وارسلت لهم بالايميل وان شاء الله ينزلونه في حسابنا

[ابومبارك]

عرفت مدينة خليفة سنة 1978 رحنا لها مشي في عز الحر من القيادة في رميلة .. كنت انا وحمد بن محمد العطية الله يغفر له وعبدالرحمن بن أحمد البادي يضحك معانا المدرب قال محجوزين وقعدنا في المكيف نسولف وكان حر ونسينا نفسنا لين الساعة 3 العصر ويوم طلعنا كان المكان خالي وموحش .. كنا قاعدين في مكتب حرس الزعيم الله يرحمه .. يوم طلعنا متورطين وين نروح اللاندروفر راح عنا وحر موت قال حمد ما لنا الا بيت اخوي في مدينة خليفة وبدينا نمشي شوي الا مر علينا واحد من عيال ذياب نسيت والله إسمه بس شكله أذكره عدل كانت عنده جيتي وقال اركبوا وزين اقتنعنا وقتها نادر اللي تمر سيارة ووصلنا

ثاني يوم الزعيم سوى تحقيق ووين كنتوا .. كنا تحت ال 14 كلنا آخر واحد سئله كان انا نادوني من الطابور ورحت ركيض ووقفت متلعثم كانت له هيبة قال لي انت اللي باصدقك وين كنتوا أمس الظهر قلت كلام مطابق لكلام ربعي شكله ما عجبه بس عرف اننا صادقين

اثرنا مغبرين انا وياك
ايام الزمن الجميل ههههههههههه

[alkaldi]

مصطلح 12 / 4 هذا ما فهمته بس أحس فيه شيء زين .. أووه تعالوا اليوم 30 / 03 هبي بيرسداي تو مي نسيت بس احس بشعور واحد قرب من الستين شكلها باقي سنة من 64 عليكم الحسبة دخلت الستين يعني

ماشاء الله عسى ايام طويله في طاعة الرحمن بوعبدالله
انا الله يسلمك درست الابتدائيه في الغرافه النموذجيه للبنين وكانوا يدرسونا مدرسات من صف اول لين صف سادس تعال شوف قمت الادب والتعامل مع المدرسات ههههه
وفي الاعداديه رحت الغرافه الاعداديه وكانت وراها ابوعبيده طبعا الحين المكان المدينه التعليميه
الثانويه جاسم بن حمد اللي في الدفنه
والكليه توني مخلص اهملت في الجامعه بس الحين الحمدلله خليتها في كلية المجتمع مع مرتبة الشرف والله الحمد

[alkaldi]

اثرنا مغبرين انا وياك
ايام الزمن الجميل ههههههههههه

انا بين وبين ابومبارك شوي وبصدي الله يعطينا واياكم طولت العمر ان شاء الله

[محلل استثمار]

لاني ما حدثت البيانات الى الان، دخلت موقع بنك قطر الوطني وعبيت النموذج مع المرفقات المطلوبة وارسلت لهم بالايميل وان شاء الله ينزلونه في حسابنا

ان شاء الله وجزاك الله خير
سالت لان بياناتي محدثة وللان ما نزلت في حسابي
وحتى الناس اللي تستلم مباشرة من البنك ما اعتقد استلموا

[alkaldi]

اسعد الله صباحكم بكل خير وعافية

هل فيكم حد استلم ارباح المستثمرين

انا مااستلمت مع اني محدث بياناتي الله المستعان مادري شالسالفه
كل ارباحي الحمدلله انزلت الا المستثمرين باقي الميره متى اجتماعهم

[Qtr37]

ان شاء الله وجزاك الله خير
سالت لان بيانتي محدثة ولان ما نزلت في حسابي
وحتى الناس اللي تستلم مباشرة من البنك ما اعتقد استلموا

الله المستعان
ورانا عيد ان شاء الله ما يتاخرون :d

[محلل استثمار]

الله المستعان
ورانا عيد ان شاء الله ما يتاخرون :d

يدورون اي سبب عشان يطفشون الناس من السهم

[بو هيا88]

صباح الخير جميعا
استثمار شكله بيصعد من تداوله

[بو هيا88]

الحق ما تلحق استثمار

[ابومبارك]

الحمد الله ظني لم يخيب في استثمار للمره الثالثه

[القادم افضل]

بعت ول لسه انا نزلت من قطارها

[ابومبارك]

لا لين الحين وياها معارك هههههههههه

[بحر شرق]

لا لين الحين وياها معارك هههههههههه
بو مبارك رايك في قامكو

[بو درين]

لاني ما حدثت البيانات الى الان، دخلت موقع بنك قطر الوطني وعبيت النموذج مع المرفقات المطلوبة وارسلت لهم بالايميل وان شاء الله ينزلونه في حسابنا

لليوم ما استلمنا الارباح، كثير تأخروا في التحويل الى الحسابات

[ابومبارك]

بو مبارك رايك في قامكو

حلالي كله فيها
ان شاء الله انا متأمل فيها خير
تنام بس ماتموت

[القادم افضل]

نحن على مذهبك القديم ما نصبر طويل

[ابومبارك]

عنده مقاومه استثمار مد وجزر

[ابومبارك]

نحن على مذهبك القديم ما نصبر طويل

اخذ منه واحول على شركه ثانيه ورجع وزود فيه
ان شاء الله مايخيب الظن

[بحر شرق]

حلالي كله فيها
ان شاء الله انا متأمل فيها خير
تنام بس ماتموت
باذن الله ،جزاك الله خير

[معماري قطري]

اثرنا مغبرين انا وياك
ايام الزمن الجميل ههههههههههه

الحمد لله يا اخوي جالس الشباب تستوي شباب

[ابو جود]

السلام عليكم
ما شاء عاجبتني اليوم سوالف الزمن الجميل وأيام الدراسه
الله يعطيكم العافيه وطولة العمر يارب

[ابومبارك]

الحمد لله يا اخوي جالس الشباب تستوي شباب

الشباب شباب الروح لا الجسد ههههههههه

[ابومبارك]

اسلم يا ابا جود

[معماري قطري]

ماشاء الله عسى ايام طويله في طاعة الرحمن بوعبدالله
انا الله يسلمك درست الابتدائيه في الغرافه النموذجيه للبنين وكانوا يدرسونا مدرسات من صف اول لين صف سادس تعال شوف قمت الادب والتعامل مع المدرسات ههههه
وفي الاعداديه رحت الغرافه الاعداديه وكانت وراها ابوعبيده طبعا الحين المكان المدينه التعليميه
الثانويه جاسم بن حمد اللي في الدفنه
والكليه توني مخلص اهملت في الجامعه بس الحين الحمدلله خليتها في كلية المجتمع مع مرتبة الشرف والله الحمد

الله يبارك فيك ويحفظك .. العلم ضروري وين ما يكون وفي أي مكان والضروري أكثر هو تطبيقه

كنت وما زلت أتمنى من حكومتنا تطوير جميع أبنائنا وبناتنا بما ينفعهم في دراسات عليا ودراسات تخصصية مهمة لكن للأسف يرسلون واحد لدراسة ادارة مستشفيات وعندنا عشرات المستشفيات نستورد لها من يديرها والمفروض يرسلون 100 .. ما ادري ليش الاقتصاد في حق القطري والتبذير في حق الغير

حتى لو واحد فشل يعطى فرصة ثانية وفرصتين وثلاث ويدرسون الحالات دراسة أبوية

[السامر الأسود™]

الله يسعدك اخوي السامر في هذه الايام الفضيلة وان شاء الله تداول موفق للجميع

جلسة اليوم اغلاق اسبوع وشهري وربع سنوي وربنا ييسر الأمور
ويسعدك الله .. جزاك الله خير


الله يعطيك العافيه يالسامر على جهودك الطيبه بارك الله فيك

بارك الله فيك.. وجزاك خير


صباح الخير

شكرا اخوي السامر على المجهود الكبير اللي تقدمه

و باذن الله سوقنا يصعد في شهر ابريل
وعليكم السلام. .. موفق موفق اخوي


السلام عليكم ورحمة الله وبركاته
بالتوفيق للجميع ورب يرزق الجميع ان شاء الله
الله يعطيك العافيه السامر العزيز
توقعي ان شاء الله اليوم مواصلة الارتفاع بقيادة الريان لليوم الثالث على التوالي
وبعد اعتقد اليوم اغلب الاسهم ببتفاعل مع الارتفاع والله اعلم
نتمنى اليوم انشوف لمت اب لعدة شركات
وعليكم السلام و الله يعافيك.

فنان ما شاء الله.. مشروع محلل

[ابومبارك]

تم بيع استثمار بربح طيب

[alkaldi]

الله يبارك فيك ويحفظك .. العلم ضروري وين ما يكون وفي أي مكان والضروري أكثر هو تطبيقه

كنت وما زلت أتمنى من حكومتنا تطوير جميع أبنائنا وبناتنا بما ينفعهم في دراسات عليا ودراسات تخصصية مهمة لكن للأسف يرسلون واحد لدراسة ادارة مستشفيات وعندنا عشرات المستشفيات نستورد لها من يديرها والمفروض يرسلون 100 .. ما ادري ليش الاقتصاد في حق القطري والتبذير في حق الغير

حتى لو واحد فشل يعطى فرصة ثانية وفرصتين وثلاث ويدرسون الحالات دراسة أبوية

وعمرك وياك ان شاء الله يالغالي
كلام ماشاء الله من شخص خبره وعارف الحياه وخابزته وعارف وين الصح والخطا
ومنك نستفيد ورب يعطيك الصحه والعافيه وتربي اجيال ان شاء الله

[alkaldi]

.

فنان ما شاء الله.. مشروع محلل

ولاشي من الله عندك محللنا العزيز ومنك نستفيد
كل اموري وتوقعاتي حظ هههه

[alkaldi]

استثمار يروح فوق 2.08 اتوقع له كلمه والله اعلم

[معماري قطري]

استثمار يروح فوق 2.08 اتوقع له كلمه والله اعلم

تداوله قوي ومطلوب ووين ما تكون السيولة يحصل الارتفاع وأسهمه بعد متوسطة وبسعر معقول

إن شاء الله الباقي من الأسهم يحسون

[السامر الأسود™]

يبدو السوق الاحد بينزل. باقي تصحيح.
واليوم يبدو عندهم تخليص مراكز. اغلبها يبدو مضاربجية بس كبيرة حجم

مسامحه اليوم خارج المنصة ماقدر احط رسم مسار

[ابومبارك]

تم زيادة ربح استثمار في قامكو
والتوفيق من الله

[ابومبارك]

يبدو السوق الاحد بينزل. باقي تصحيح.
واليوم يبدو عندهم تخليص مراكز. اغلبها يبدو مضاربجية بس كبيرة حجم

مسامحه اليوم خارج المنصة ماقدر احط رسم مسار

يعطيك العافيه يا السامر الطيب

[معماري قطري]

تم زيادة ربح استثمار في قامكو
والتوفيق من الله

بالمبارك يا بو مبارك

[معماري قطري]

يبدو السوق الاحد بينزل. باقي تصحيح.
واليوم يبدو عندهم تخليص مراكز. اغلبها يبدو مضاربجية بس كبيرة حجم

مسامحه اليوم خارج المنصة ماقدر احط رسم مسار

شكله بيسويها اليوم

[السيلاوي]

شكله بيسويها اليوم

اخوي معماري
اذا عندك مقدام
هل نزلت لك الاسهم المجانية؟

[ابومبارك]

بالمبارك يا بو مبارك

تسلم يامعماري بارك الله فيك
مابغينا نطمع

[معماري قطري]

سواها وارتاح عكس أسواق العالم كلها

[معماري قطري]

اخوي معماري
اذا عندك مقدام
هل نزلت لك الاسهم المجانية؟

عندي يا اخوي ونزلت الأرباح بس عن الأسهم ما دخلت محفظتي لي فترة خايف من الصدمة للحين

[السيلاوي]

عندي يا اخوي ونزلت الأرباح بس عن الأسهم ما دخلت محفظتي لي فترة خايف من الصدمة للحين
ان شاء الله خير وتشوف محفظتك اضعاف مضاعفة