بخصوص الكهرباء واتمام البناء

[صاحي ضميره]

السلام عليكم ورحمة الله وبركاته
اخواني بخصوص اتمام البناء
خلصت تفتيش الكهرباء والحمدلله
والبلديه رفعت معاملتي الي الصرف الصحي
السؤال متي يخلصوني وهل افضا اجيهم هناك عشان اخلص الموضوع.
والسؤال الثاني متي تدش الكهرباء عندي.
الله يعينه اللي مستاجر وقرب ع انتهاء عقده مثلي.

[سعود.]

تستاهل المخلاص ومنزلا مبارك
بعد التفتيش كمن يوم تروح تدفع فلوس حق طبلون الكهرباء والماء .

[sara jsm]

هم كلهم ورى بعض .. الكهرباء والصرف الصحي والامن والسلامة وكيوتل ..
وعقبها يعطونك اتمام البناء .. كل مفتش بيجيك على صوب مب شرط تكون موجود معاهم ..
وبيوصلك مسج من كهرماء عشان الرسوم وامورك خالصه ..

:

اذا انت قطري محد كفو يطلعك من البيت ..
والناس فيهم خير للحين تقدر تدفع نص ايجار حق اسبوعين او شهر ..
الله يخلصك على خير

[صاحي ضميره]

الله يبارك فيك ياخوي.. دفعتها وخلصت تفتيش الكهرباء

[صاحي ضميره]

موضوعي في اشغال ومتخوف من موضوع البياره الله يكرمكم جميع. لان سويت بس مالت الصرف الصحي. ممددين كل شي لاكن ماعرف متي يفعلون الصرف الصحي. واخاف ما يعطوني اتمام بناء يمكن يقولون بما انك ماعندك بياره رئيسيه بحكم موب مفعل الصرف الصحي

[معماري قطري]

لازم تسوي هشكل والا تنتظر يسوون هم ويشبكون نسق معاهم افضل

[سعود.]

المقاول الشاطر يجهز بيب 6 انش من المنهول الرئيسي للخارج ويسكره جاهز للشبكة بأى وقت

[صاحي ضميره]

لازم تسوي هشكل والا تنتظر يسوون هم ويشبكون نسق معاهم افضل

بس معماري انا مسوي بس غرفه التفتيش رغم انها موب جاهزه المنطقه للصرف الصحي. وهذا كلام الاستشاري اللي كان ماسك منطقتي قال ما يحتاج تسوي البالوعه الكبيره للبيت بس اكتفي بغرفه التفتيش. ع كلامه حتي لو ماشبكوه معاي. تسحبها سحب لين توصلك الخدمه.

[صاحي ضميره]

المقاول الشاطر يجهز بيب 6 انش من المنهول الرئيسي للخارج ويسكره جاهز للشبكة بأى وقت

ايه الغالي مسويلي وتمام.. بس البياره الكبيره للبيت ماسويتها وللحين المنطقه موب جاهزه للصرف الصحس رغم التمديدات جاهزه هل اذا ماجهزت اقدر اعتمد عليها لين ماينتهي تبع الصرف

[معماري قطري]

بس معماري انا مسوي بس غرفه التفتيش رغم انها موب جاهزه المنطقه للصرف الصحي. وهذا كلام الاستشاري اللي كان ماسك منطقتي قال ما يحتاج تسوي البالوعه الكبيره للبيت بس اكتفي بغرفه التفتيش. ع كلامه حتي لو ماشبكوه معاي. تسحبها سحب لين توصلك الخدمه.

من ذيه المهندز عرفني عليه هذا فذ .. شتقول المخططات لازم تنفذه ومثل ما قال لك سعود يسوون وصلة جاهزة لمنهول الحكومة بس خزان الصرف الصحي ضروري