مشاكل اشغال لا تنتهي

[معماري قطري]

طريق جديد توهم خالصين منه حق فشخرة كاس العالم الآن بدت منهولاته ترتفع وتسبب اهتزاز في السيارة وصوت الا وهو طريق الريان الجميل والحديث واللي خذوا فيه سنين يبنونه .. ذكرت سابقاً هذي الخرسانات الرفيعة للمنهولات المحفور حولها والمدفون مهما دكينا تبقى تربة ضعيفة وتحتاج لتثبت في الارض صب خرسانة حولها وعمل مراسي تثبت جسم المنهول في هذي الكتل الخرسانية.. هي نفس مبدأ الشوكة في الجلد تضغط حولها تطلع.

يساهم في هذا طبعاً دخول المياه لطبقات الدك السفلية أما مياه الأمطار أو الرطوبة الجوفية وفي المستقبل ستزيد المشكلة وقد تحصل تعرجات في طبقات الإسفلت أو هبوطات قوية كما حصل في طريق الفروسية وتم اصلاحه سريعاً ( بسبب قرب كاس العالم والا القطريين والمقيمين ما لهم أهمية قصوى ).

شيء إستغربت منه وكنت على طريق السيلية الجديد وهو امتداد لشارع الوعب وتصميم رائع وواسع لكن وصلت لتقاطع وقفت عند الإشارة وانتبهت لوجود حفر عينات لطبقات الاسفلت وكانت حول 10 عينات في هذا التقاطع فقط .. هذي العينات تحفر لين آخر طبقات الدفان والدك والاسفلت وتؤخذ للمختبر والمشكلة تبقى الفتحات هذي بقطر 15 سم سنين طويلة بدون سد وصحيح ما تأثر في السيارات الا الرياضية تسمع لها صوت بسيط .. تسمى Bore Holes .. وتوجد في منطقتنا لها عمر طويل يتعدى ال 15 سنة الآن لم يتم سدها.

هذا شارع رئيسي وفي تقاطع واحد منه لكن بعد التقاطع كل شوي أشوف كم حفرة ولا قدرت أصور كل الحفر والحفر واضحة حتى للي نظره ضعيف .. الغريبة تكلفة هذي الحفر عالية وعمل الاختبارات عليها غالية كثير ولمصلحة مختبرات التربة ولو عدينا اللي على الطريق ممكن نوصل لرقم كبير جداً .. والمشكلة الأكبر تبقى مفتوحة سنين وتسرب مياه بدرجة كبيرة للبنية التحتية للطريق وتخرب التربة المدكوكة بعمل فجوات بينها تنزل وتستوي التعرجات والمطبات والتشققات بعد فترة وتتأثر طبقات الاسفلت وكذلك طبقات الدفان وتطلع ملامح الشيخوخة على الطريق سريعاً .. ونرجع لتقارير الاستشاريين اللي ما يركزون على صلب المشاكل هذي ويقولون ارض قطر ضعيفة والمياه الجوفية ارتفعت ويركزون على اسباب ثانية تعتبر جوهرية بس هذا سبب جوهري واضح أكثر.

والسبب الجوهري الثاني هو التصميم يفتقد لحماية الطبقة المدكوكة صح ويفتقد لتقوية التربة المدكوكة بمواد اسمنتية بسيطة وبألياف خاصة تعطي تماسك وقوة وصلابة طول العمر وبسعر معقول وهذي تم تنفيذها في الدفنة من عشرات السنين بسبب وجود شركات عالمية تدفن ذاك الوقت وخبرات صادقة وقوية.

هذي صورة التقطتها على السريع ممكن تبين فيها الحفر

https://i.imgur.com/2MonU2n.jpg

أتمنى توصل القائمين على اشغال من الإدارة العليا لأن مبررات الفشل بعدين كثيرة لكن دراسات أسباب الضعف بواقعية ومهنية مفقودة

[معماري قطري]

نعرف كذلك إن فيه إشراف متواصل من قبل كم جهة واختبارات دائمة ولا أظن هذي الحفر ضرورية لو كل شيء موثق وعارفين شغلهم صح .. ما شفت هالطريقة ذي تعمل في دول ثانية بس عندنا

[معماري قطري]

بسبب ردائة التصوير ممكن ما تبين الحفر أشرت على مكانها وفي هذا التقاطع المتوسط المساحة على الاقل 10 حفر عديتها

https://i.imgur.com/dzMdj19.png

[sara jsm]

يمكن حبة خال بس التبس عليك الموضوع escape

[سالم الزهران]

صباح الخير

اللي حاصل هو اننا نغشم نفوسنا، واكبر المشاريع تجد التركيز على صداها والشو الاعلامي اللي يصاحب الاعلان عنها أكثر من التركيز على جودة المشروع أو المشاكل اللي بيحلها.

لازلنا من الدول النامية، يعني بالضبط فوق الدول الفقيرة بتكه؟ لكننا نشترك مع الدول الفقيرة في الفقر الإداري والإبداعي.. كل معارفنا ودراستنا و خريجينا ما اثمروا منتج وطني (غير منتجات البترول والألبان).

وشلون تصير دولة صناعية؟ هذا السؤال موجه لمن يهمه الأمر

[SouthK]

اخوي معماري انت تأذن في خرابة!

[معماري قطري]

يمكن حبة خال بس التبس عليك الموضوع escape

قلت شيء بس باخليه في قلبي .. فيه زهيوي عاد اعرفي شقلت

[معماري قطري]

اخوي معماري انت تأذن في خرابة!

عارف والله كلمني واحد شغال معاهم ويمدح ويقول من يشتغل كثيراً يخطيء كثيراً .. بس هذي أخطاء ساذجة وغبية محد يفتخر بها وبكثرتها .. إذا هم راضيين احنا راضيين بس خلهم كل سنة يجون يعدلون منهولات فريجنا اللي ترتفع ولا عرفوا لها حل

[معماري قطري]

صباح الخير

اللي حاصل هو اننا نغشم نفوسنا، واكبر المشاريع تجد التركيز على صداها والشو الاعلامي اللي يصاحب الاعلان عنها أكثر من التركيز على جودة المشروع أو المشاكل اللي بيحلها.

لازلنا من الدول النامية، يعني بالضبط فوق الدول الفقيرة بتكه؟ لكننا نشترك مع الدول الفقيرة في الفقر الإداري والإبداعي.. كل معارفنا ودراستنا و خريجينا ما اثمروا منتج وطني (غير منتجات البترول والألبان).

وشلون تصير دولة صناعية؟ هذا السؤال موجه لمن يهمه الأمر

شوية تدقيق بسيط بنكتشف ان قيمة هذي الفحوصات مبلغ دسم وشوية تدقيق بنحصل نتائجها جيدة ونصبر شوي بنشوف الشوارع اللي سووا فيها فتحات تغذي تربتها بالمياه بتستوي فيها هبوطات .. ونصبر بعد شوي بيطلع لنا مسعور ( مسعول أو مسؤول ) فذ يقول أرضية قطر ضعيفة وجات سيارات ثقيلة وتضربون بريكات قوة تسحب طبقات الطريق .. مثل لو جاي تركض على زولية تبي تسلم على المعرس أول واحد ويوم قربت منه ما عجبك عشقت الريوس وتقرفضت الزولية

[سالم الزهران]

اخوي معماري انت تأذن في خرابة!

كلما اقرأ هالعبارة أو اسمعها ابتسم لأني مقتنع أنها كلمة حق

شوية تدقيق بسيط بنكتشف ان قيمة هذي الفحوصات مبلغ دسم وشوية تدقيق بنحصل نتائجها جيدة ونصبر شوي بنشوف الشوارع اللي سووا فيها فتحات تغذي تربتها بالمياه بتستوي فيها هبوطات .. ونصبر بعد شوي بيطلع لنا مسعور ( مسعول أو مسؤول ) فذ يقول أرضية قطر ضعيفة وجات سيارات ثقيلة وتضربون بريكات قوة تسحب طبقات الطريق .. مثل لو جاي تركض على زولية تبي تسلم على المعرس أول واحد ويوم قربت منه ما عجبك عشقت الريوس وتقرفضت الزولية

:funny:

[معماري قطري]

متخيل الوضع بو زيد .. انا استعرضت ردود وتبريرات بعض المسؤولين القديمة ألحين استووا دبلوماسيين أكثر ما يردون وكله يقولون من يعمل أكثر يخطيء أكثر

أمس مريت شرق استاد خليفة وهم لهم حفريات لها فترة هناك ماشي في سبحانيتي اسمع هالطقطقة الخفيفة من الراديو وصوت v 8 مع الدوسات ما خذت الا قرقعة صمت اذني طلعت بورش دايسة برويلاتها على قطعة حديد اللي يقطونها على حفرة ويقولون اقعدي لا يثبتونها بقار ولا يحطون لحدها القاطع لبعض التواير شوية قار ورمل جدام تخفف الحد القوي .. شغلة دقايق وأشغال تقدر تحاسب اللي يشتغلون ليش ما يسوونها .. مع إني شفتها معمولة مرة في فريج عادي

[معماري قطري]

تكررت قطع الحديد المنثورة على الشوارع في شارع الوعب مثلاً وهو مصان حديثاً .. السوق الجديد صوب الوعب قرب تقاطع السوق المركزي سابقاً هذا شارع الخدمات فيه مطبات وخفقات عميقة بشكل خطير وتوه جديد .. وينكم يا أشغال شاطرين بس تشتغلون وايد وتخربون وايد ولا تصينون يالله شوفوا شغلكم صينوا والا الميزانية خلصت؟ زين الضمان وينه؟

[مواقف النجادة]

السيستم عندهم تعبان

يمكن ببساطة وضع نظام متابعة Check List بحيث اي حفرة اختبارات تطلع نتائجها لا يغلق ملفها ولا تستلم الجهة المختبرة كامل اتعابها الا بعد معاينة مفتش اشغال لاغلاق الحفر و توقيعه علي ذلك
و لا يضر ان يكون هناك - بشكل عشوائي - تشيك على توقيع المفتش حتى نتاكد انه ذهب الى الموقع قبل التوقيع و لم يذهب عوضا عن ذلك الى مطعم بيروت مثلا!

[بوNasser]

السلام عليكم ورحمة الله

ومن باب الإنصاف وكما نذكر السلبيات نذكر الايجابيات.

يوجد في منطقتنا عمود انارة والجزء العلوي منه آيل للسقوط، كما هو في الصورة، كنت اراه يوميا وانتظر ان يتم اصلاحه لكن ذلك لم يحصل.

https://qtr50.com/files/light1.jpg

قبل كم يوم اتصلت في حوالي الثامنة صباحا بمركز الاتصال التابع لأشغال وابلغت عن عمود الانارة، وعند الظهر كان الفريق المختص ازال الجزء الآيل للسقوط وبانتظار اصلاحه، وهذا تجاوب يشكرون عليه.

كنت اتمنى ان يكون هناك واتساب يمكن من خلاله ارسال الصور لأشغال، بدلا من الاتصال الهاتفي.

دمتم سالمين

[معماري قطري]

السلام عليكم ورحمة الله

ومن باب الإنصاف وكما نذكر السلبيات نذكر الايجابيات.

يوجد في منطقتنا عمود انارة والجزء العلوي منه آيل للسقوط، كما هو في الصورة، كنت اراه يوميا وانتظر ان يتم اصلاحه لكن ذلك لم يحصل.

https://qtr50.com/files/light1.jpg

قبل كم يوم اتصلت في حوالي الثامنة صباحا بمركز الاتصال التابع لأشغال وابلغت عن عمود الانارة، وعند الظهر كان الفريق المختص ازال الجزء الآيل للسقوط وبانتظار اصلاحه، وهذا تجاوب يشكرون عليه.

كنت اتمنى ان يكون هناك واتساب يمكن من خلاله ارسال الصور لأشغال، بدلا من الاتصال الهاتفي.

دمتم سالمين

صحيح استجابتهم سريعة

مرة اشتكيت بخصوص حفرة جاوا وصلحوها وحفرة قريبة منها غضوا البصر عنها .. ما يدورون العورات والعثرات وفقهم الله .. ما ادري يبوني أعد الحفر وأرقمها وأصورها وأرسلها لهم ما فهمت شالقصة .. كفاية نقول الشوارع صعبة عندنا والمنهولات اللي يعدلونهم اليوم بعد كم يوم يرجعون الى عهدهم القديم

[معماري قطري]

السيستم عندهم تعبان

يمكن ببساطة وضع نظام متابعة Check List بحيث اي حفرة اختبارات تطلع نتائجها لا يغلق ملفها ولا تستلم الجهة المختبرة كامل اتعابها الا بعد معاينة مفتش اشغال لاغلاق الحفر و توقيعه علي ذلك
و لا يضر ان يكون هناك - بشكل عشوائي - تشيك على توقيع المفتش حتى نتاكد انه ذهب الى الموقع قبل التوقيع و لم يذهب عوضا عن ذلك الى مطعم بيروت مثلا!

إحنا هذي مشكلتنا الآلية والتنفيذ المتكامل .. يخترب كيبل كهرماء ترسل حد يصلحه بسرعة تشيل الانترلوك وتكومه على جنب وتصلح شركتهم وتروح وما لها علاقة باللي كومته .. وشفت هالشيء سنين طويلة تفكك الانترلوك كله وطلع الدفان وكانوا البتان الصغار يلعبون كورة حصلوا نيشان سهل للقول

[SouthK]

صحيح استجابتهم سريعة

مرة اشتكيت بخصوص حفرة جاوا وصلحوها وحفرة قريبة منها غضوا البصر عنها .. ما يدورون العورات والعثرات وفقهم الله .. ما ادري يبوني أعد الحفر وأرقمها وأصورها وأرسلها لهم ما فهمت شالقصة .. كفاية نقول الشوارع صعبة عندنا والمنهولات اللي يعدلونهم اليوم بعد كم يوم يرجعون الى عهدهم القديم

فكرتك حلوة و بغيت اسويها في فريجنا القديم لكن للاسف اختربت السالفة و صلحوا الشارع قبل ما انشر خرايط بارقام الحفر و اماكنها و اعماقها!

[معماري قطري]

فكرتك حلوة و بغيت اسويها في فريجنا القديم لكن للاسف اختربت السالفة و صلحوا الشارع قبل ما انشر خرايط بارقام الحفر و اماكنها و اعماقها!

هي الله يسلمك مستحيلة مستحيل انت تبلغ على كل الحفر فقط تقول الشارع متهالك وهم يعاينون وينفذون المطلوب .. انا ساخر من اسلوب تفكيرهم اللي تبلغ عنه احنا بنسويه .. هذا واجبهم وواجبهم يفحصون وأي ضعف يقوونه ويحلون مشكلته قبل ليزيد الى دمار أكبر

ازالة الشارع كله بعدين وعمله مرة ثانية شيء مكلف ومزعج للسكان وإعادة لنفس الشغل الرديء اللي بعد سنة تطلع عيوبه ونسمع أعذار واهية

مستغرب دام هم يعرفون إن أرض قطر ضعيفة ليش يحفرون ويدفنون ويدكون بدفان خارجي وشغلة وبدون حمايات من تحت ومن الأطراف والماي من يوصل للدفان المدكوك معروف يخربه ويسوي هبوطات .. ليش ما يجيبون حفارات وخلاطات خاصة تقلب التربة الموجودة في الموقع وتضيف لها ملدنات ومقويات ما يأثر فيها الماء .. خلاطات ما تزعج وسريعة وفوق هذا واجب يحطون حولها مثل الخيمة غطاء عن تطاير الغبار وعازل للصوت بحيث السكان ما يحسون بشيء ويسوون شوارع فرجاننا كلها .. ويصلحون الأخطاء التصميمية بحيث يسوون الشارع في بعض الدواعيس من طوفة لطوفة ويخططون أماكن وقوف السيارات والشرطة بعدين تخالف اللي يوقف عدل .. ونفس الشيء مكان حاوية القمامة ويطوقونه بجدار تجميلي وحتى ممكن مغطى وباب بسهولة تنسحب منه الحاوية وتفرغ ويرجعونها مكانها ويغلقون الباب مع باب صغير لدخول الناس لرمي قمامتهم وهذي بتكون حلول جذرية .. مع عمل ممرات للسياكل لو حبوا ومراقبة كاميرات للتجاوزات والسرعات الخطرة وعدم احترام المشاة وبدون داعي نهائياً لعمل مطبات واللي يسرع في الفرجان يجرم لدرجة السجن لو كرر المخالفة .. مع عدم إهمال الزراعة والتجميل اللي المفروض يكون شيء ضروري في كل فريج

[معماري قطري]

فوق هذا للمنهولات ليش ما يسوون نظام تثبيت وترسية في الأرض مثل المسمار المقلوب وممكن مزدوج من فوق وتحت حافة عريضة نا تكون مثل الشوكة اللي تطلع من الجلد بالضغط على جوانب الجلد .. المشكلة بديهيات العالم يسويها صح وإحنا شغلنا غش في غش .. هذا في اعتقادي سببه اللي موجودين من كبار المسؤولين مب مختصين والاستشاريين شغالين على طريقة نفذ غلط حتى تضمن شغل متواصل

[معماري قطري]

الآليات مختلفة ومتجددة للطرق ولتنظيف الشواطيء وللأرصفة وللزراعة بسهولة وترتيبها ورشها وتنظيفها .. لكن ما نشوفها شغالة في شوارعنا الا متهالكة وصناعات قديمة وبس لشغل الطرق الصيانة عامل كحيان بشيول ودكاكة صغيرة يسوي ورم نافر في الطريق يكسر السيارات .. عنده نظرية مع الدوس بينزل



https://www.youtube.com/watch?v=ZgOEprL0XAg

[رذاذ]

ترا سهل التواصل معهم واعطاء الشكوى او الملاحظات 188
والاستجابه سريعه .. بخصوص الحفر تكون للمختر لمعاينه المواصات والمقايس لجودة الاسفلت .

[معماري قطري]

ترا سهل التواصل معهم واعطاء الشكوى او الملاحظات 188
والاستجابه سريعه .. بخصوص الحفر تكون للمختر لمعاينه المواصات والمقايس لجودة الاسفلت .

عارف سهل التواصل معاهم وتواصلت قبل بسبب منهول وجاوا وعدلوه بس ما طول كلش .. ثرى حتى تعديلهم يبي له تعديل وبعدين يجون حق منهول وقريب منه منهول ثاني ما يشوفونه كلش يشتغلون على الشكوى بس وصارت معاي والله على ما أقول شهيد .. يبون الشعب يستوي شرطي شوارع لهم

بخصوص الحفر لو شاكين ثلاث حفر تكفي فوق العشر في تقاطع صغير وتترك ولا تنسد هذا اللي قاهرني والشارع جديد بعدين نقول ليش تعرج وهبط .. البالون لو سويت فيه فتحة قد النقطة الصغيرة طلع منه الهواء والشارع يدخل الماي ويخربه .. شوف شوارع أوروبا بسبب البرد من يستوي كرام بسيط فيه يصبون فيه قار وتشوفه متعرج مصبوب صب حتى ما يدخل الماي ويثلج ويزيد حجمه 4% ويوسع الكراك البسيط وهناك طبيعي يختلف الوضع عندهم بس في العموم وضع صعب بعد

في أمريكا كل قطعة يمر فيها شارع تندرس دراسة تربتها وقوة الأرض وينعمل التصميم على حسب بعضها تنصب خرسانة تحت القار وبعضها مواد تقوية وحبال فيبر شبكية تتماسك مع الخلطات المقوية ولا يخترقها الماي ولا تهبط يبنون شيء يدوم عندنا بس يشتكون من ضعف الأرض وحججهم واهية .. لا ويشتكون من المنهولات وهم اللي يسوونها .. روح شوف الشوارع الحديثة شلون سووها مرقعة حول المنهول اسمنت ما عرفوا أقلها يصبغونه إيبوكسي مقارب للون الشارع وبعد لو تمشي عليه في سيارة سبورت بتحس بضربات التواير .. شيء مقزز ومزعج ورضاك عليهم تقدير لهم وشهادة لهم

[معماري قطري]

بعدين طفنا العالم حولنا ولا شفنا شوارع مخرمة للفحص والفحوصات تتم على كل طبقة وفيه مختبرات دائمة للإستشاري التابع لهم الفحص بعد الإنتهاء كلش ما له مبرر

[بوNasser]

السلام عليكم ورحمة الله
هذي ليست شكوى على اشغال لكنها ملاحظة صادفتها في شارع احمد بن حنبل وأحببت ان انقلها هنا.
كثرة الأعمدة في الجزيرة الوسطى هل اضافت للطريق اي حماية او شكل جمالي ام انها تبذير دون داعي.
عندك المايك يا معماري.

https://qtr50.com/files/street-1.png

https://qtr50.com/files/street-2.png

المعذرة على رداءة الصور ودمتم سالمين

[sara jsm]

لو ماشفت هالاعمدة كان شفت سيايير متكدسه فوق بعض ..
واضح انه عزل بين الشارعين ..

[معماري قطري]

السلام عليكم ورحمة الله
هذي ليست شكوى على اشغال لكنها ملاحظة صادفتها في شارع احمد بن حنبل وأحببت ان انقلها هنا.
كثرة الأعمدة في الجزيرة الوسطى هل اضافت للطريق اي حماية او شكل جمالي ام انها تبذير دون داعي.
عندك المايك يا معماري.

https://qtr50.com/files/street-1.png

https://qtr50.com/files/street-2.png

المعذرة على رداءة الصور ودمتم سالمين

مشكور بو ناصر على الصور اللي توضح ان الشغل ارتجالي وبدون معايير حقيقية .. هذي مشكلة تسبب حوادث وتسبب سقوط المشاة عليها أو التعرقل بها .. بعدين إحنا ليش مصرين نكون وراء الدول في تقدمها وليش ما ناخذ أحدث ما وصلت له والموضوع سهل .. كاميرات رقابة تكفي عن الأرصفة وشارع مخطط خطوط واضحة .. تكفي كذلك عن المطبات المزعجة في طرق كثيرة سرعة محددة وواضح اللي يمشي بطيء يتحاسب واللي يسرع بوضوح بيبين ويتحاسب .. ولازم تحديد السرعة بشكل عقلاني ومدروس .. بعد واضح من اللي يمشي بسيارة متهالكة ومن اللي مبند الليتات كلها والا ما تشتغل

المفروض القانون في الفرجان غير القانون في شارع عام في الشارع العام عبور المشاة من مكان محدد وآمن والسرعات فوق 80 وعادي شارع عام يمر في فريج بس قصدي بين البيوت وفي الطرق الضيقة والسيارات قليلة والمشاة أكثر ولفات 90 درجة هذي المفروض الكل يمشي في مساره ما يلف لفة كبيرة يدخل مسار غيره بطريقة غبية واستهتارية هذا بعد يتحاسب .. لو شخص يمشي بسرعة 50 بين بيوت وشاف ناس يمشون قريب الشارع وما فيه طريق لهم ما يمر من عندهم 50 لازم يخفف وينتبه خصوصاً لو رجال كبير سن أو ياهل .. حتى أخلاقيات ما فيه والمفروض تفرض فرض وقانون واضح

[معماري قطري]

لو تلاحظ الرصيف أصلاً معمول حق حد يركب عليه ويغير مساره واحتمال يوقف مثل عندنا طريق معمول بهالطريقة وسرعته 80 عاد عيبه طويل ومسار في كل اتجاه شغل زطاطوة

[معماري قطري]

لو ماشفت هالاعمدة كان شفت سيايير متكدسه فوق بعض ..
واضح انه عزل بين الشارعين ..

شوفي المواقف جانبية وكثيرة والرصيف مسوينه نازل للي بيغير اتجاهه يقدر يركب عليه ويغير بسهولة بس الظاهر صارت زحمة وحوادث وقرروا يسكرونه هشكل .. شغل ترقيع سيء .. أمر مركز السد الطبي اللي افتتحوه للقطريين فقط لكن الطرق له ضيقة وايد والارصفة مزعجة أشوف شكثر ضربات فيها وهذا توه طريق جديد .. تصميم فاشل في بيتي ما اسويه هشكل