المساعد الشخصي الرقمي

مشاهدة النسخة كاملة : استشارة عقارية .. ابيع والا ااجر ؟


ماجستك
03-05-2023, 12:03 AM
السلام عليكم
عندي فيلا صغيرة عارضها للايجار

صديقي يقول بيعها واشتر ارض وابنها وبيع واستمر بالطريقه هذي
لان الايجار فيه مشاكل مثل الصيانه وعدم التزام المستاجر بالسداد

اتمنى اسمع رايكم
وجزاكم الله خير
عبدالعزيز 9
03-05-2023, 12:15 AM
اجرها على الاسكان الحكومي بمبلغ تقريباً 12 الف الى 13 الف
ماجستك
03-05-2023, 07:24 AM
مشكور اخوي بوسعود على الرد
عرضتها على الاسكان وشافوها اكثر من شخص ولا حد خذها .. يقولون صغيرة
هي نفس الفلل التجاريه تقريبا مساحه 400 متر
عبدالعزيز 9
03-05-2023, 04:32 PM
خلها فتره معروضه عندهم يمكن شخص حاب المنطقه اشوف الافضل والاضمن حالياً الاسكان الله يبارك لك ويوفقك في حلالك
ماجستك
04-05-2023, 10:22 AM
جزاك الله خير يابوسعود
ابو عبدالله.
04-05-2023, 11:19 AM
سلام عليكم

بعطيك تجربه شخصيه يمكن تفيدك اخوي
شريت فيلا مليونين و مئه و خمسين الف و اجرت بسعر فوق الممتاز خمس سنوات سكرت اقساط البنك و لله الحمد. بعد الخمس سنوات نزل الاجار للنص لكن مقبول
في الي يسكن سنه و يطلع و في الي بقى كم سنه
اي عيوب بالبيت لازم تصلحها مثل تسريب المياه. الخ فيها تكاليف مش عاليه لكن تخصم من الايجار السنوي

بعدها شريت و اجرت على شركه خمس سنوات ولا مره اتصلوا يبون صيانه. حلو

شريت ارض و قريب ببنيها قيمتها مليون و اربعميه. قلت ابني و اجر

شفت اثنين من الجماعه بدآوا بعدي بسوالف العقار لكن يبنون و يبيعون. شغل حلو و تشطيب في اي بي
الحين انا على الايجار و احيانا سندار لكن مقبوله

و هم كل واحد تجاوز اربعين مليون كاش الله يبارك لهم و لنا. ربلا سنداته مستاجرين ولا سالفه صيانه

بخلي لنفسي خيار. ان اذا خلصت البناء. اشوف قيمه الفيلا. اذا الربح فوق نص مليون الى 800 الف ببيعها و ببني غيرها و بيستمر بالبيع ان شا=ء الله

خل ببالك شي مهم
اذا بتبني لارم مواصفات حلوه سواء تاجير او بيع
الموقع مناسب و التشطيب زين و عدد الغرف و مجلس خارجي و البنت هاوس شيء يجذب الزبون

لا تسوي شغل تجاري لانه تارس السوق و فلتك ضدها منافسه شديده عند البيع

بكم الف ركب كاميرات و نظام انترنت و سماعات. الخ لانها مهمه للشاري و بيشوفها افضل من باقي الفلل

سو تصميم الحمامات اعزكم الله مودرن. مش بلاط نفي باقي الفلل. سو فيها حفر بالطوفه و ليت ال اي دي و الشاور منفصل عن البقيه. الخ

الي اعرفه يسوي الحمامات رخام اسور بعروق بيضاء. و البيت شي عجيب. الفلل عنده تنباع بعد اتمام البناء مباشره

بدأ بفلل صغيره و الحين فلل من عشره مليون و طالع. لها زبائنها هالفئه من الفلل. وحده انباعت ب 14 مليون بروضه الحمام
و فيلا شراها عظم بالدفنه و شطبها رخام و مصعد ، شغلات حلوه راحت ب 10 مليون. مع انها بين فلل التركيب القديمه مش ناحيه الفلل كبار الموظفين

بالتوفيق
ماجستك
11-05-2023, 07:46 AM
عليكم السلام
جزاك الله خير يابوعبدالله على الشرح الوافي