جلسة تداول يوم الأحد الموافق 07-05-2023

[السيلاوي]

السلام عليكم ورحمة الله وبركاته

تداول موفق للجميع

اليوم نتائج شركات كثيرة

ونسأل الله ان تكون نتائجها مبشرة

زاد - صناعات قطر - الطبية - العامة - الخليج الدولية - مسيعيد - قامكو - بلدنا - كيو إل إم - دلالة

[معماري قطري]

عليكم السلام ورحمة الله وبركاته

موفقين خير ونتمنى كل الشركات محققة نمو

[q6ri_]

هرمنا يالدولية

[q6ri_]

من سنين وانا اعدل متوسط في الخليج الدولية ووصلت راس المال وعليه ربح بسيط بس مابعت متفائل بالاعلان
وان شاء الله يكون تفائلي في محله وينطلق السهم
بالتوفيق للجميع وان شاء الله الاعلانات اليوم كلها طيبة وتفوق التوقعات

[عبدالعزيز 9]

السلام عليكم ورحمة الله وبركاته
اصبحنا واصبح الملك لله ولا اله الا الله

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[فيصل99]

السلام عليكم ورحمة الله وبركاته
صباح الخير على الجميع

[ابومبارك]

السلام عليكم

صباح الخير ياعرب

[ابومبارك]

هرمنا يالدولية


حاليا ماقصرت الدوليه لها فتره ماسكه سعرها

الله يوفق الجميع

[alkaldi]

السلام عليكم ورحمة الله وبركاته
بالتوفيق ورب يرزق الجميع ان شاء الله
ارتفاع طيب للموشر وللاسهم باذن الله

[معماري قطري]

من سنين وانا اعدل متوسط في الخليج الدولية ووصلت راس المال وعليه ربح بسيط بس مابعت متفائل بالاعلان
وان شاء الله يكون تفائلي في محله وينطلق السهم
بالتوفيق للجميع وان شاء الله الاعلانات اليوم كلها طيبة وتفوق التوقعات

الله يوفقك

نفس الحال عندي بس ما وصلت لراسالمال باقي قليل .. أكثر سهم صبرت فيه هو والقابضة والإثنين الحمد لله ما سجلت فيهم خسارة ربح جيد بس قديم .. ما ادري شكثر صبرت يمكن 10 سنين

[معماري قطري]

مشكلة الخليج الدولية عليها شراء زين خلال الاسبوع اللي راح من الأفراد وبيع من المحافظ القطرية فوق 6 مليون ومن الخليجية فوق مليون ومن الأجنبية شراء بسيط فوق 400000 ومن الأفراد الأجانب شراء فوق 700 الف .. والمتوقع مهما كان الإعلان ممكن يصير جني ارباح .. ننتظر ونشوف والله يوفق

[ابومبارك]

اليوم انا حاس ان الدوليه لها حركه حلوه

[.:: القيصر ::.]

السلام عليكم


صباح الخير

[السيلاوي]

صباح الخير

[معماري قطري]

تو السوق يصخن

[معماري قطري]

تعدينا بشوي اغلاق 2022

[ابومبارك]

بنشوف من اعلانه احسن الدوليه ولا قامكو اليوم
وش تتوقعون

[.:: القيصر ::.]

بنشوف من اعلانه احسن الدوليه ولا قامكو اليوم
وش تتوقعون

الدولية


لا تقول ليش بس جذي انا احب اعاندك هههههه

[.:: القيصر ::.]

جميل يالاجارة



الاجمل مزايا لين الحين ما تحركت



بالعربي اللحق على مزايا يا متفرج

[.:: القيصر ::.]

جميل يالاجارة



الاجمل مزايا لين الحين ما تحركت



بالعربي اللحق على مزايا يا متفرج

شكل الهجمة بتسبق المشاركة

[Qtr37]

التكافلي شفيه طار :)

[مستثمر درويش]

عرض مخفي في الخليج التكافلي على 2.55 والشيول بشيل

[معماري قطري]

الدولية


لا تقول ليش بس جذي انا احب اعاندك هههههه

معاك شكي كبير في قامكو وصناعات

[مستثمر درويش]

عرض مخفي في الخليج التكافلي على 2.55 والشيول بشيل

صراع دببة وثيران لمن الغلبة

[ابومبارك]

الدولية


لا تقول ليش بس جذي انا احب اعاندك هههههه

ههههههههههههههههه

[شبيب]

الطبية ارتفاع 70 % من بعد ما ارتد من مناطق الطلب

[مستثمر درويش]

صراع دببة وثيران لمن الغلبة

الشعب يريد لمت آب ههههههه

[مستثمر درويش]

عرض مخفي في الخليج التكافلي على 2.55 والشيول بشيل

الله الله يا الصانع

[.:: القيصر ::.]

الله الله يا الصانع

تستاهل تستاهل

[مستثمر درويش]

تستاهل تستاهل

أول سهم منذ دخولي للبورصة بتزبط معي ههههههه
عقبال اسهمك كلها يا القيصر

[مستثمر درويش]

الشعب يريد لمت آب ههههههه

الشعب يعيد ويكرر يريد لمت آب انت كفو يا الصانع

[.:: القيصر ::.]

أول سهم منذ دخولي للبورصة بتزبط معي ههههههه
عقبال اسهمك كلها يا القيصر

اللهم امين اجمعين

[معماري قطري]

الطبية ارتفاع 70 % من بعد ما ارتد من مناطق الطلب

وهي كانت تحت الريال وبادية ترتفع بكميات بسيطة وترجع تنزل واحد من الشباب ما اذكره يضحك يقول واحد يشتري ويرجع يبيع

المشكلة أسهم توزيع وتحقق نمو ما نشوفها فوق الريال والطبية وازدان بسهولة يطلعون من خانة تحت الريال

[مستثمر درويش]

مطلع الاجارة يلي بعت اليوم بهذا السعر ما تستحي على وجهك تبيع بسعر أقل من قيمته الدفترية

[.:: القيصر ::.]

انا اقول الاجارة لمت اب ان شاء الله و ختامها مسك

[مستثمر درويش]

انا اقول الاجارة لمت اب ان شاء الله و ختامها مسك

بيع المطلعين 800 الف سهم يخوفني

[.:: القيصر ::.]

بيع المطلعين 800 الف سهم يخوفني

مش مهم بيع المطلعين في ناس اذا حبت تشتري مستعدة تخلي عدد اسهم المطلعين 0 وبعدها بتخلي المطلعين يشترون مرة ثانية :ok2:


:app2:

[.:: القيصر ::.]

مقدام شكله !

[بوخميس]

مش مهم بيع المطلعين في ناس اذا حبت تشتري مستعدة تخلي عدد اسهم المطلعين 0 وبعدها بتخلي المطلعين يشترون مرة ثانية :ok2:


:app2:

الخوف ان الهامورة اللي باعت الطبية وشرت الاجارة يوم الخميس قاعدة تبيع اليوم

نفس الحركة سواها واحد من جماعتهم، باع الطبية وشرى الاجارة خلاه لمت على 1 ريال عقب باع ورجع الطبية

[معماري قطري]

الشركات الصناعية اللي بتعلن اليوم خيبتها تبين ما عدا الدولية

[مستثمر درويش]

الشعب يعيد ويكرر يريد لمت آب انت كفو يا الصانع

انذار آخير للصانع ههههههه

[معماري قطري]

انا اقول الاجارة لمت اب ان شاء الله و ختامها مسك

عليها شراء جيد من المحافظ الخليجية ممكن لو مب اليوم بكرة لمت أب أو مجموع اليومين لمت أب

[.:: القيصر ::.]

الخوف ان الهامورة اللي باعت الطبية وشرت الاجارة يوم الخميس قاعدة تبيع اليوم

نفس الحركة سواها واحد من جماعتهم، باع الطبية وشرى الاجارة خلاه لمت على 1 ريال عقب باع ورجع الطبية

السهم مرده يرتفع مب هذي اسعاره ولا تهتم للي يدخل و يطلع

[.:: القيصر ::.]

ياخي سهم استثمار شيسوي ههههههههههه

[][ الوحيد ][]

الخوف ان الهامورة اللي باعت الطبية وشرت الاجارة يوم الخميس قاعدة تبيع اليوم

نفس الحركة سواها واحد من جماعتهم، باع الطبية وشرى الاجارة خلاه لمت على 1 ريال عقب باع ورجع الطبية

انا اتوقع جذي بعد
و شكله الفريق القديم تقريباً راجع

[.:: القيصر ::.]

مقدام شكله !

لا شكله من قلب بعد

[كلمة طيبة]

وهي كانت تحت الريال وبادية ترتفع بكميات بسيطة وترجع تنزل واحد من الشباب ما اذكره يضحك يقول واحد يشتري ويرجع يبيع

المشكلة أسهم توزيع وتحقق نمو ما نشوفها فوق الريال والطبية وازدان بسهولة يطلعون من خانة تحت الريال

الطبية رايحة ما توصل سهم المستثمرين وقامكو ، ارحمو عقولنا ، يبدو الامور لا تدار بالعقل ، وانما بالقلب القوي

[مستثمر درويش]

الخوف ان الهامورة اللي باعت الطبية وشرت الاجارة يوم الخميس قاعدة تبيع اليوم

نفس الحركة سواها واحد من جماعتهم، باع الطبية وشرى الاجارة خلاه لمت على 1 ريال عقب باع ورجع الطبية

يمكن اتفاق بين محفظتين الطبية والاجارة أذكر محفظة الاجارة من سنة و أكثر اشتريت الطبية وخسرت بهالسهم

[ابومبارك]

حركات ان قامكو طالبينه بالملايين
هذي حركات شو

[مستثمر درويش]

الطبية رايحة ما توصل سهم المستثمرين وقامكو ، ارحمو عقولنا ، يبدو الامور لا تدار بالعقل ، وانما بالقلب القوي

للأسف هذا اللي حاصل صدق المثل القائل اشترى صانع ولا تشتري سهم

[ابومبارك]

الشركات الصناعية اللي بتعلن اليوم خيبتها تبين ما عدا الدولية

الظاهر طلع شي لهم

[ابومبارك]

الطبية رايحة ما توصل سهم المستثمرين وقامكو ، ارحمو عقولنا ، يبدو الامور لا تدار بالعقل ، وانما بالقلب القوي


تدار بالقروبات والمزاج

[][ الوحيد ][]

تدار بالقروبات والمزاج

البورصه كلها تدار بالقروبات و المزاج escape

[القادم افضل]

وين اقروب مضارب صعب مال المناعي خليه يرفعه

[معماري قطري]

الطبية رايحة ما توصل سهم المستثمرين وقامكو ، ارحمو عقولنا ، يبدو الامور لا تدار بالعقل ، وانما بالقلب القوي

هذا الواقع .. أي سهم ساقط خذ فيه وانسى فترة وتوقع تدبيلة بس الدخول من قاع مناسب

[معماري قطري]

وين اقروب مضارب صعب مال المناعي خليه يرفعه

الله يذكره بالخير كان مسوي جو

[مضارب متعور]

لا شكله من قلب بعد

قل أعوذ برب الفلق :swoon:

[بوخميس]

يمكن اتفاق بين محفظتين الطبية والاجارة أذكر محفظة الاجارة من سنة و أكثر اشتريت الطبية وخسرت بهالسهم

لا لا الاسامي واضحة في تقرير التداول

الاجارة للحين تمتلك في الطبية وان شاءالله مع ارتفاع الطبية يبيعون وترجع الفلوس

[كلمة طيبة]

مستثمرين سهم اعلن ووزع وبعدها ما شاف النور ، وقت التوزيع كان سعره 1.86 نازل من سعره وقت التوزيع حتى اللحظة 13% ، طبعا توزيعه لا يتعدى ال 8% يعني فعليا اللي ببيع خسران ، وتلاقي الاسهم الاخرى الخسران واللي ارباحه تعبانه ارتفع ولعلع

[محلل واقعي]

الشركات الصناعية اللي بتعلن اليوم خيبتها تبين ما عدا الدولية

السلام عليكم اخوي ,, سوقنا مب سوق توزيع ارباح ومن وزع اكثر او اقل اكبر دليل قدامك شركات خسرانه وسهم يدبل قدامك عاااادي . تقبل مروري 🌹

[مضارب متعور]

مزايا محتاجة اغلاق فوق 0.65 عشان يكون هناك حديث آخر

[qatar 86]

لا لا الاسامي واضحة في تقرير التداول

الاجارة للحين تمتلك في الطبية وان شاءالله مع ارتفاع الطبية يبيعون وترجع الفلوس

أكيد باعت اليوم

[بحر شرق]

الخليج الدوليه مبروك للملاك

[alkaldi]

ماشاء الله ان شاء الله في اسهم كثير سوف تعود بقوه للوضع الاول باذن الله

[Qtr37]

هل ممكن اعلان الخيج الدولية يكون جيد واعلان مسيعيد سيء؟

[ابومبارك]

هل ممكن اعلان الخيج الدولية يكون جيد واعلان مسيعيد سيء؟

هل كيف ممكن ومتوقع ايضا
ارتفاعها ليس عبثا

[Qtr37]

هل كيف ممكن ومتوقع ايضا
ارتفاعها ليس عبثا

بعت الدولية وللحين ما بعت مسيعيد

[qatar 86]

تسجيل دخول فالطبية

طريقة التداول والطلبات فيها ريحة المايسترو

[qatar 86]

تسجيل دخول فالطبية

طريقة التداول والطلبات فيها ريحة المايسترو

لو سكرت لمت أب بالراحة بيكون هو

[qatar 86]

هووووووووووووووووووو

بزاتووووووووووووووووووووووووووووووووووو

[بحر شرق]

لو سكرت لمت أب بالراحة بيكون هو
:app2:

[ابومبارك]

بعت الدولية وللحين ما بعت مسيعيد

بعت الزين وخليت الشين حاليا

[معماري قطري]

السلام عليكم اخوي ,, سوقنا مب سوق توزيع ارباح ومن وزع اكثر او اقل اكبر دليل قدامك شركات خسرانه وسهم يدبل قدامك عاااادي . تقبل مروري 🌹

عليكم السلام ورحمة الله وبركاته

التوزيع محرك قبل التوزيع لو السوق بشكل عام مرتفع يعطي ارتفاع وبعد التوزيع عادي يطيح السهم خصوصاً لبعض الأسهم وبعضها لا ترتد في نفس الجلسة

الإعلانات الربعية نفس الشيء محرك للسهم اللي يبونه مضاربيه وملاكه يتفاعل خصوصاً توجه سوقنا من أيام ايجابي .. لين متى يبقى وممكن يوقف الله أعلم

الخليج الدولية لو محققة ربح زين بيزيد التفاؤل في السهم وبيواصل ارتفاع بإذن الله لكن لو العكس بتكون فرصة لجني الربح للي دخلوا على أسعار متدنية

لو السوق تصريف وبيع مهما يكون الخبر حلو بعد تشوف السهم ينزل

[معماري قطري]

تسجيل دخول فالطبية

طريقة التداول والطلبات فيها ريحة المايسترو

موفق .. سهم يبي له قوة قلب

[qatar 86]

موفق .. سهم يبي له قوة قلب

حبيبك شكلة كيش من الطبية وبيرفع إنماء الحين

[عبدالعزيز 9]

شراء مطلعين استثمار

[ابومبارك]

ماعلي من السوالف الدوليه تسير بخطى ثابته
الله يبارك لملاكه

[ابومبارك]

قامكو كنها الناقه الي تربع تربع بس مكانها ههههههههه

[بو نواف 2003]

المصرف قرب وشوفه في خانة 20 ان شاء الله

[ابومبارك]

اليوم انا حاس ان الدوليه لها حركه حلوه




escape

[عبدالعزيز 9]

تم دخول استثمار بسعر 2.115 والله الموفق

[alkaldi]

استثمار عاد وعاد بقوه
الله يبارك

[alkaldi]

تم دخول استثمار بسعر 2.115 والله الموفق

بالتوفيق اخوي

[alkaldi]

كفو الدوليه

[عبدالعزيز 9]

بالتوفيق اخوي


وياك ياخوي جزاك الله خير

[.:: القيصر ::.]

سهمي اذا طاف 2.3 عنده ان شاء الله 2.6 واذا طاف 2.6 نقول مرحبا 3 ريال



بومبارك ركز سهمي هههههه

[ابومبارك]

يستاهل القيصر

[القادم افضل]

اراد اكحلها عماها المناعي

[بحر شرق]

ماعلي من السوالف الدوليه تسير بخطى ثابته
الله يبارك لملاكه
ممكن تروح2:3

[.:: القيصر ::.]

يستاهل القيصر

تستاهل خير

وان شاء الله قامكو تكمل الفرحة

[qatar 86]

بالغلط بعت 500 ألف في الطبية

رديت شريتهم بأغلى

اااااااااااااااااااااااااااااااااااااااااااااااااا اااااااااااااااااااه

[معماري قطري]

ألحين الطبية لين طرشوا لهم كتاب شبيقولون؟

أتوقع بيقولون سهم أمه داعية له

[ابومبارك]

ألحين الطبية لين طرشوا لهم كتاب شبيقولون؟

أتوقع بيقولون سهم أمه داعية له


حركة قروبات ارفع ارفع نزل نزل هههههههههه

[معماري قطري]

سهمي اذا طاف 2.3 عنده ان شاء الله 2.6 واذا طاف 2.6 نقول مرحبا 3 ريال



بومبارك ركز سهمي هههههه

كلش ما عرفنا سهمك ههههه

[ابومبارك]

قامكو خلهم ينزلونه عند 1.555 ويفكونا

[معماري قطري]

بالغلط بعت 500 ألف في الطبية

رديت شريتهم بأغلى

اااااااااااااااااااااااااااااااااااااااااااااااااا اااااااااااااااااااه

ركز يا اخوي

الله يرزقك امسك بس شوي شكله وراه بإذن الله تحرك أعلى أحسن من الأسهم الميتة

[بحر شرق]

قامكو مالها نيه ترتفع ارتفاع حقيقي ولا شنو صاير

[بحر شرق]

ألحين الطبية لين طرشوا لهم كتاب شبيقولون؟

أتوقع بيقولون سهم أمه داعية له
احلى سهم يربح الجميع بس كون صاحي له

[ابومبارك]

كلش ما عرفنا سهمك ههههه


يستاهل القيصر صبر على السهم والان النتايج الحلوه

[.:: القيصر ::.]

كلش ما عرفنا سهمك ههههه

ههههههههه اي لا تعلم احد

[qatar 86]

ألحين الطبية لين طرشوا لهم كتاب شبيقولون؟

أتوقع بيقولون سهم أمه داعية له

لايقربون صوبة طول ما أنا فالسهم

مب فاضيلهم والله اللي فيني مكفيني

[ابومبارك]

اتوقع ان الدوليه اليوم اعلامها قوي

[معماري قطري]

لايقربون صوبة طول ما أنا فالسهم

مب فاضيلهم والله اللي فيني مكفيني

انا ورطت ولدي فيه فوق ال 2 كنت متوقع وكثيرين يقولون رايح صوب ال 3 ألحين يطالبني بتعويض مادي ومعنوي

[qatar 86]

إن شاء الله السهم يرجع لزمان لول ونشوف 4 بدال 3

[معماري قطري]

أتمنى السوق يسكر على رقم أخضر لبداية السنة شهر 5 وما سوينا شيء سوقنا غطس غطسه كبيرة وتوه يطلع منها .. والعام فاقدين ما يزيد عن 8% يعني ورانا مشوار طويل حتى نسترجعها ونقول سوقنا محقق مكسب جيد

[معماري قطري]

إن شاء الله السهم يرجع لزمان لول ونشوف 4 بدال 3

بيجن جنون ادارة السوق ذيك الساعة وممكن ناس تتحاكم وتتغرم وايد

[معماري قطري]

خق تحت ومن بداية السنة للحين محققين تراجع يالله إن شاء الله بكرة غير

[ابومبارك]

تم دخول استثمار بسعر 2.115 والله الموفق

وفقك الله ياعبدالعزيز

[أبو الطيب 4]

هل وصلنا لمرحلة الارتداد والصعود الحقيقي رغم كل الوضع العالمي الغير مبشر؟

[عبدالعزيز 9]

وفقك الله ياعبدالعزيز

جزاك الله خير بومبارك الجميع ياخوي

[][ الوحيد ][]

[ الوحيد ][;10903397']انا اتوقع جذي بعد
و شكله الفريق القديم تقريباً راجع

:app: :app:

[alkaldi]

ان شاء الله يواصل سوقنا هالاسبوع والايام والاشهر الجايه وكل واحد سهمه خسران ويوصل اللي في باللي للسعر اللي ابيه باذن الله
ورب يرزق ويفرح ويعوض كل خسران
الحمدلله على كل حال
سبحانك اللهم وبحمدك نشهد أن لا إله إلا انت نستغفرك ونتوب إليك

[السيلاوي]

سيولة عالية والحمد لله

شراء قوي في الطبية من احد الهوامير والله يوفقه

وكذلك شراء في الاجارة

ولا زالت المحافظ الخليجية من جانب الشراء وكذلك المحافظ الاجنبية وربعنا من جانب البيع

شكله المحافظ الخليجية ستكون قائدة للسوق الفترة القادمة

نراكم غدا
موفقين
نغلق الجلسة
سبحانك اللهم وبحمد نستغفرك ونتوب إليك