تجربتي مع مناقصات السلبيات والايجابيات ونصيحتي..

[صاحي ضميره]

السلام عليكم ورحمة الله وبركاته
كتبت الموضوع للفايده وهذا ما اصبوا اليه.
الايجابيات..
1.. اسعارهم اقل من المعروض وهذا من تجربه وانا اعرف بعضكم يقول بيغشونك في شي ثاني لا ابدا كنت جدا دقيق ع كل شي وحاط فوق الاستشاري اللي عندي 2 غيره من وراه..
2.. كاتصميم للامانه الاخت المصريه هناك مبدعه لاكن لازم تكون معهم في كل خطوه مثلا.. وهذا اعتبره خطا منهم. قلت لهم مابي بنت هاوس قالوا لي اوكي بنسويه ع الاقل في المخطط
وع ارض الواقع بيتي نصه فوقه فيه وارنش ونصه لا
قلت للمقاول ليش قال هذا مناقصات وكانت شركه الخاطر للمقاولات ولما رجعت للمناقصات قالوا احنا تعمدنا مانحط عشان تحط في المخطط جي ار سي.
قلت لهم بس انا اللي بدفع مفروض تسون كامل وارنش يعني بصراحه في تعليقات
3.. للامانه اكثر من مره واقفوا معاي وخاصه استاذ معتز وهو سوداني كان ممتاز ومحترم حتي ظغط ع المقاول واجتمعنا مع بعض وقاله بنسحب منك بند الكهرباء والبلاستر فرد المقاول بتخربون بيتي فسامحته وليتني ما سامحته تعبني بعدين.
فيه مناقصات عقدهم قوي جدا لامانه محد رضى من المقاولين يفرض ع نفسه شروط مناقصات اتكلم من برا مناقصات الكل رفض مثلا تاخير 700 او 1000 او مثلا تقدر انت ياصاحب المشروع تسحب 20 في الميه من قيمه المشروع مثلا. المقاول حاسب علي العازل ب40 الف انا سحبت منه ورحت بنفسي لقيتها ب30الف. وفرت 1000 في مخباي وكنت بسحب منه البلاستر. وطبعا انصح تسحبون من المقاول اذا يتاخر. وهن متاخرين عن مشروعي فوق 6 شهور. والسبب قله اهتمامهم وغلط الفورمن مايتابع.
4.. بصراحه اشوفهم يخافون اكثر من مناقصات اكثر من المالك لااسف واخر شي يمشون ع كلام مناقصات وكالعاده اي مقاول يقرا كلامي راح يحط ع مناقصات وانها تستغل وهذا غير صحيح.
5.. عقد مناقصات جدا قوي. لهذا وقعت معهم.
السلبيات..
1.. استاذ محمد المهندس الكهرباء حط الاضاءات والمكيفات ع كيفه بسرعه بسرعه كل شي بسرعه ماعندهم وقت. كلمته ياشيخ مايصير قالي ماعليك المقاول قبل لا يسوي بيقولك وانت تختار. اللي صار مقاولي سوا ع المخطط وحط مكيفات يمين ويسار عشوائي وكسرت وعدلت اكثر من مره بسببت اهمال مهندس الكهرباء وايضا المقاول.
مناقصات صعب تصيدهم يالله يردون عليك بالتلفون لاكن اذا جيت لمكتبهم وطلبتهم بشكل رسمي للامانه مايقصرون وهم في صفك لا تخاف. من تجربه والله يشهد علي..
انتبه اذا جيت اول مره لمناقصات ولا توقع اي ورقه لان اذا ماعجبك العرض راح تدفع تكاليف 1 في الميه من مشروعك تخيل...

النصايح..//
اتمني من الاخوان في مناقصات يكثرون موظفينهم عشان يردون ع العملاء وقت ماتكون مشاكل. ونقول نحن في صفكم واتمنى ما يوقعون مع شركات تعبانه لان راح يخربون سمعتكم.
في النهايه..
انصحك في مناقصات.. والسبب جشع المقاولين
رغم اني اقارن ودقيق ف كل شي.. ومتابع.كل شي..
وحتى المقاول يوم توقع معاه يحط شروطه هو اللي تحميه وهذا غلط...

[معماري قطري]

عليكم السلام ورحمة الله وبركاته

صحيح الشركات تتغير بسرعة ولأسباب كثيرة .. في السابق شفت لهم تصاميم فيها غباء هندسي كبير وناس وايد اشتكوا منهم .. ممكن تغيروا ألحين

خدماتهم يسويها أي استشاري والاستشاريين كلهم عندهم علاقات حسب طبيعة شغلهم واحتكاكهم .. أشوف مشروع بسيط مثل بيت أو مجلس أو حتى مجمع صغير نديره بطريق الاستشاري أفضل بكثير من وسيط شغله كله بالعمولات .. مشروع مكلف وكبير نحتاج لمكتب ادارة خاص بالمشاريع غير عن مكتب الإشراف وممكن حتى من بدايات التصميم حتى يدير عقد التصميم وعقد الإشراف ومتابعة البنيان

[صاحي ضميره]

تسلم اخوي الغالي معماري ع الاضافه صحيح هم في طور التطوير. بس مخططاتهم لازم تراجع فيها. ومن خلال استفساري ايضا هناك اخطاء من اكبر الشركاء
هم افضل شرط تطيح ع شركه محترمه
واغلب المقاوليين يضربون فيهم لان مناقصات تاخذ منهم 13 ف الميه. والمقاول جشع مايفرط ريال واحد منك يالمالك.

[معماري قطري]

تسلم اخوي الغالي معماري ع الاضافه صحيح هم في طور التطوير. بس مخططاتهم لازم تراجع فيها. ومن خلال استفساري ايضا هناك اخطاء من اكبر الشركاء
هم افضل شرط تطيح ع شركه محترمه
واغلب المقاوليين يضربون فيهم لان مناقصات تاخذ منهم 13 ف الميه. والمقاول جشع مايفرط ريال واحد منك يالمالك.

أووف اووف اف .. 13% هذي ضريبة عالية توقعت 2 الى 5% وهذي كلها عليك يالمالك فوق ربحية المقاول .. وهذا غير عن المخططات ومن واقع تجربة شفت مخططات حق أحد الإخوان تعبانة للغاية ومبالغ فيها .. مسوين بيسمنت محفور كامل للحوش ما عدا جهة مدخل حوش البيت .. مسوين الملحق دورين دور تحت الأرض نازل معاه الحوش .. صج كان بيطلع البيسمنت بحوش نازل ملاصق للسور من 3 جهات .. بس ما فيه حلول واضحة لتصريف المياه وفوق هذا مخلين الصرف الصحي ينزل كله تحت لكل الأدوار وبعدين مضخات تطلعه فوق .. انا قلت للمالك ليش ما يسوون صرفين واحد خاص بالبيسمنت وواحد خاص بباقي الأدوار قال تعبت معاهم ما يفهمون .. وبعد هو فوق هذا يحتاج تصريف مطر للحوش النازل وتصريف مياه جوفية لو طلعت وتصريف ثاني للحوش المرتفع

الطامة الكبرى موهمينه إن كل هذا بيكون بنيانه بحدود القرض .. قلت له جهز أقل شيء مليونين فوق القرض إن كنت متوفق وباني بحدود بسيطة بدون تشطيبات تستاهل غير ضاعف المبلغ زيادة .. رجع لهم وغير عنهم ولا ادري شصار معاه بس خسروه وايد

ما انكر التصميم مميز وممكن بس يحتاج ترتيب ويحتاج مبلغ كبير ومستغرب شلون خلصوا الموافقات وقتها بعدين صار تعقيد في موافقات البيسمنت النازل

[sara jsm]

كل هالسلبيات واخر شي تنصح فيه !!؟
ترى المقاولين اللي برع والشركات التعبانه اغلهم موقعين مع مناقصات يعني ماسويت شي ..
وانت بنفسك قبل كم شهر منزل موضوع انهم متاخرين عليك وعندك اشكاليه معاهم وال18 الف ..
غريب امرك وايد .. كان من الاول خذتلك اي شركة وحطيت لك اللي حاطه الحين :rolleyes2:

[معماري قطري]

كل هالسلبيات واخر شي تنصح فيه !!؟
ترى المقاولين اللي برع والشركات التعبانه اغلهم موقعين مع مناقصات يعني ماسويت شي ..
وانت بنفسك قبل كم شهر منزل موضوع انهم متاخرين عليك وعندك اشكاليه معاهم وال18 الف ..
غريب امرك وايد .. كان من الاول خذتلك اي شركة وحطيت لك اللي حاطه الحين :rolleyes2:

دوم العميل يتوقع الشغل اللي يستاهل وغالب الشركات يوهمونه إن شغلهم هو الأفضل لكن بعد الدفع يبدأ الوضع يبين ويتعب المالك ويبذل مجهود .. الا قلة من الشركات .. سمسرة وتدفع عمولات كبيرة ما تسوى إدفع لاستشاري هو يرتب الشغل كله وعنده كافة التخصصات للمتابعة

شفت شغل لمكتب تصميم داخلي يملكه صديق لي فاتح من حول 3 سنين .. شغل زين ومتابعة للتنفيذ والعقود كلها عن طريق المكتب حتى عقد التصميم الاساسي ويتماشى معاه الداخلي بس دوم هذي المكاتب تشتغل بطاقم كبير وعليها أتعاب كبيرة رواتب وايجارات ولازم تاخذ حقها بسعر يتناسب مع التكاليف .. البيت لأحد الدبلوماسيين الله يبارك له فيه ومشغول في الخارج وعنده هذا المكتب الموثوق يتابع معاه أول بأول اونلاين وبسهولة ألحين بس يمثل المالك .. أعرف المالك وصاحب المكتب والمهندس المسؤول وصج هذا بزنس يحتاج صراع وتعب وسمعة

وإذا تم بواسطة خبرات ومختصين أكيد النتيجة بتكون مرضية والسعر يسوى

[صاحي ضميره]

السموحه اخوي معماري تاخذ منهم 3 في الميه اقصد

[صاحي ضميره]

... :victory:

[صاحي ضميره]

كل هالسلبيات واخر شي تنصح فيه !!؟
ترى المقاولين اللي برع والشركات التعبانه اغلهم موقعين مع مناقصات يعني ماسويت شي ..
وانت بنفسك قبل كم شهر منزل موضوع انهم متاخرين عليك وعندك اشكاليه معاهم وال18 الف ..
غريب امرك وايد .. كان من الاول خذتلك اي شركة وحطيت لك اللي حاطه الحين :rolleyes2:

انا ذكرت الايجابيات والسلبيات. اكون محايد.
وانا غير مسؤول عن فهمج للموضوع

[معماري قطري]

السموحه اخوي معماري تاخذ منهم 3 في الميه اقصد

غالبية الإستشاريين يسعرون التصميم على إنه نسبة لا تتعدى ال 5% من سعر البنيان المتوسط والمتوقع و 5% شامل الموافقات والإشراف والمتابعة والمناقصة لو تحب .. بعضهم يبيعون وثائق المناقصة بسعر بسيط 200 - 500 ريال حتى يكون من يشتري الوثائق جاد ومجتهد في تسعيرها ويحاول ينافس الآخرين في تنزيل سعره

يعني 3 لو تشمل كل هذا سعر زين بس المهم التصميم يكونون متمكنين منه وعندهم مصممين جيدين

[صاحي ضميره]

غالبية الإستشاريين يسعرون التصميم على إنه نسبة لا تتعدى ال 5% من سعر البنيان المتوسط والمتوقع و 5% شامل الموافقات والإشراف والمتابعة والمناقصة لو تحب .. بعضهم يبيعون وثائق المناقصة بسعر بسيط 200 - 500 ريال حتى يكون من يشتري الوثائق جاد ومجتهد في تسعيرها ويحاول ينافس الآخرين في تنزيل سعره

يعني 3 لو تشمل كل هذا سعر زين بس المهم التصميم يكونون متمكنين منه وعندهم مصممين جيدين

تسلم اخوي معماري. لامانه الاخت شيماء اوصي عليها
ممتازه ف التصميم..
لاكن اخ هناك محترم اسمه محمد للاسف توزيع الكهرباء عندي غلط. مثلا تدخل المجلس تمشي كم خطوه عشان تفتح الليت.. وبعض السويجات وراه الباب. يعني لعبه الغميضه بالضبط

[معماري قطري]

تسلم اخوي معماري. لامانه الاخت شيماء اوصي عليها
ممتازه ف التصميم..
لاكن اخ هناك محترم اسمه محمد للاسف توزيع الكهرباء عندي غلط. مثلا تدخل المجلس تمشي كم خطوه عشان تفتح الليت.. وبعض السويجات وراه الباب. يعني لعبه الغميضه بالضبط

هذا النوع من الأخطاء حله سهل وحتى في الموقع من المهندس المشرف والمهم يكون عارف توزيع الأثاث وعنده شوية حس معماري

الحل ألحين عندك شركات تصميم وتوزيع البيت الذكي بسهولة يركبون لك شاشة في المكان اللي يريحك لليتات وتلغي ذاك أو تخليه يكون لقطع الكهرباء بالكامل وقت الصيانة

[S.T.Y.L.E]

والله اليوم ادور مواضيع عن مناقصات وشفت موضوعك ،
أتوقع مناقصات حق الناس اللي نفسي ماتعرف شي فالبنيان ، بيشيلون عنهم وايد اشياء ، لكن بعد الواحد لازم يثقف عمره شوي

أنت قلت في كلامك ان اذا ما وافقت على التصميم ياخذون مبلغ! يعني يا تنربط معاهم والتصميم بلاش او ياخذون عليك رسوم التصميم اللي توصل لـ ؟

[صاحي ضميره]

والله اليوم ادور مواضيع عن مناقصات وشفت موضوعك ،
أتوقع مناقصات حق الناس اللي نفسي ماتعرف شي فالبنيان ، بيشيلون عنهم وايد اشياء ، لكن بعد الواحد لازم يثقف عمره شوي

أنت قلت في كلامك ان اذا ما وافقت على التصميم ياخذون مبلغ! يعني يا تنربط معاهم والتصميم بلاش او ياخذون عليك رسوم التصميم اللي توصل لـ ؟

هلا اخوي. صحيح..
وغير هاي عقد مناقصات ممتاز
بس من توقع يالله يردون عليك.
تقدر تصمم عندهم بفلوس طبعا
وانتبه ع اول ورقه لا توقعها بيقولك لا هذي بس ع اساس انك شفت التصميم
واول ما تقول تبي تطلع يقولون لك ادفع 1 في الميه من المشروع