أفضل باقات اوريدو وفودافون ..؟

[نووون]

السلام عليكم ورحمة الله وبركاته


أتوقع فيه ناس محتارة مثلي في أي الباقات الهاتفية نشترك سواء فودافون أو اوريدو

بحيث تكون الباقات اقتصادية وعلى قد استخدامنا ..

عندي اكثر من رقم مع فودافون .. واحتاج الارقام كلها لكن مع استخدام بسيط للجميع عدا الرقم الرئيسي

في المحل العاملين يشوفونا قطريين فما يعطيني كل الخيارات الاقتصادية وما يذكر ان فيه باقة ب 120 ريال مثلاً

ولي جينا للموقع .. بعد العروض مش واضحة


فهل ممكن تفيدونا من تجربتكم شنو افضل الباقات الاقتصادية اللي اشتركتوا فيها ؟




وشكرا لكم

[limited]

خلك مع فودافون فاتوره ثابته وخدمه ممتازه …. اوريدو فاتوره غير ثابته وخدمه لك عليها …. اذا سألتهم ليش الفاتوره كذا … قالوا لك مشترك في الخدمه الفلانيه والخدمه العلانيه وتدفع وانت ساكت وغير مقتنع

[sara jsm]

فودافون احسن ..
رغم اني اوريدو لكن كرتي ( هلا ) يعني انا اتحكم فيهم مب هم ..

[Rider]

مافيه فرق بين الاثنين وماحد جابر احد على شي هو يرجع لاستخدام الشخص ترى كلهم شبكة وحده

[SouthK]

فودافون احسن ..
رغم اني اوريدو لكن كرتي ( هلا ) يعني انا اتحكم فيهم مب هم ..

تمثليني شخصيا ..

[مرتبش]

مراجعة الفاتورة الشهرية التطبيق لتحديد الاستخدام الفعلي وبعدها تشترك بالباقة المناسبة .. حاليا ارشح هلا فلكسي

[ابو عبدالله.]

صباح الخير

انا مع اوريدو لسببين
الشبكه و النت افضل

الفاتوره ثابته و بس والله
باقه الشهري ما تطلع ريال واحد. الا اذا حد من عيالي اشترى شي في البلاي ستيشن ع حساب فاتوره اوريدو مثلا. يصير تدفع اون لاين و تجيك ع فاتوره اوريدو

فودافون مع احترامي لخدماتهم. الشبكه ضعيفه في عزب الخريب للنت وانا عندي قطعه الواي فاي و مهمه جدا بالعزبه و برع العزبه ايضا

اوريدو عندي فوق العشر ارقام. للعيله خمس جوالات و الارضي و الانترنت بالبيت
و الباقي للخدامات و السائقين و العمال بالعزبه

اذا عندك اكثر من عشر ارقام تتحول لعميل النخبه في اي بي. يعني نقاط نجوم اكثر و اتصالك باوريدو بمعامله ارقى. و افضل

[S.T.Y.L.E]

ولو اني مب مقتنع اقولها لكن اوريدو افضل ك سعر وخدمه
الخدمه: النت والشبكه افضل بشكل عام
السعر: يختلف حسب الباقة لكن التنوع في اوريدو اكبر

فودافون الربح الوحيد اللي شفته ان عملاء qnb first يدفعون 250 ريال لباقة مفتوح فيها كل شي
اما حق العملاء العاديين ، اوريدو تتفوق نوعا ما ، وخاصة ان اوريدو عندها عروض لكروت الهلا حتى حق الاجانب
يعني مثلا الخدامه الفلبينيه ، 20 ريال تعطيها 200 دقيقه دولي لدولتها ، حسب الجنسية يعني