جلسة تداول الاربعاء 24/5/2023

[بوجبر]

السلام عليكم ورحمة الله وبركاته

يوم استثنائي لقناصين الفرص

[LiverC00L]

و عليكم السلام ورحمة الله وبركاته

صباح الخير و يعطيك العافيه اخوي بو جبر

بنشوف تداول انماء ، ودام ، طبية ، دلاله

و ان شاء الله المؤشر يرتد و اتمنى كم شركة ليمت اب و الناس تعوض او تربح

الله كريم

[بوجبر]

و عليكم السلام ورحمة الله وبركاته

صباح الخير و يعطيك العافيه اخوي بو جبر

بنشوف تداول انماء ، ودام ، طبية ، دلاله

و ان شاء الله المؤشر يرتد و اتمنى كم شركة ليمت اب و الناس تعوض او تربح

الله كريم

صبحك الله بالخير والرضا


عشان نقول السوق وضعة ممتاز ضروري الاستقرار للأسهم القيادية مثل الوطني صناعات وقود

إي إنزلاق لتلك الأسهم الانتظار احسن وابرك

كلامي موجة للمضارب والمستثمر

[LiverC00L]

صحيح كلامك بو جبر

صار لهم فترة تداول عرضي

ان شاء الله يتحركون و يودون السوق فوق 10820

[بوجبر]

قطر وعمان

المستثمرين


بلدنا

خلال الشهرين القادمين ستكون تحت المجهر ومحط انظار قناصين القرص


هذا الرأي ليس للشراء او البيع

[ابومبارك]

السلام عليكم
صباح الخير ياوطن

[بوجبر]

السلام عليكم
صباح الخير ياوطن

صبحك الله بالخير بومبارك

هاااا كيف المعنويات اليوم وتوقعك لإداء الاسهم

[فيصل99]

السلام عليكم ورحمة الله وبركاته
صباح الخير على الجميع

[بلادي قطر]

السلام عليكم ورحمة الله وبركاته

صباح الخير جميعاً
ان شاءالله التداول اليوم يسر الكل موفقين

[مضارب متعور]

ما معنى تمييز الحكم ؟
في قضية الرعاية ضد صحة قضت محكمة التمييز بتمييز الحكم المطعون فيه.
ايش يعني ؟

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[رمــــــاح]

ما معنى تمييز الحكم ؟
في قضية الرعاية ضد صحة قضت محكمة التمييز بتمييز الحكم المطعون فيه.
ايش يعني ؟

اعادة القضية من جديد حسب علمي

[ابومبارك]

صبحك الله بالخير بومبارك

هاااا كيف المعنويات اليوم وتوقعك لإداء الاسهم

هلا يا ابوجبر
انا متفائل صراحه في الطبيه
ولا راح اتسرع في البيع مثل اخر الاسبوع الي طاف
تسرعت وبعت وراحت علي ارباح اقوى
لكن التعويض ان شاء الله في الاسهم الي شريتها امس
والتوفيق من عند الله
ان شاء الله رايح 2.8 ان شاء الله
انا ابغي اوصل لراس المال عقبها نفكر في الربح

[tomtom]

اعادة القضية من جديد حسب علمي

ترجع الاستئناف صحيح بس تتغير الدائرة


أرسلت بواسطة iPhone بإستخدام Tapatalk

[ابومبارك]

اتوقع سهم الطبيه بيرتفع ارتفاع قوي وبيصير عليه مضاربه قويه وبينزل وبيستقر عند سعر
حلو يأهله الايام الجايه للارتفاع
هذا استنتاج من عندي ممكن يصيب وممكن يخيب والله اعلم

[alkaldi]

السلام عليكم ورحمة الله وبركاته
بالتوفيق للجميع ورب يرزق الجميع ان شاء الله

[tomtom]

حد يعطينا علوم مزايا من يومين عليها تداول قوي انا قلت بتروح فوق بس شكلها غرزت

[رمــــــاح]

ترجع الاستئناف صحيح بس تتغير الدائرة


أرسلت بواسطة iPhone بإستخدام Tapatalk

نعم صحيح تغيير الدائرة

[بوجبر]

بااااال وقود س س عرض

[بوجبر]

نبي اليوم حتى لو فزة عراوي حق مزايا والاجارة

[alkaldi]

اتوقع سهم الطبيه بيرتفع ارتفاع قوي وبيصير عليه مضاربه قويه وبينزل وبيستقر عند سعر
حلو يأهله الايام الجايه للارتفاع
هذا استنتاج من عندي ممكن يصيب وممكن يخيب والله اعلم

اتوقعها من اول التداول لمت اب والله اعلم
بالتوفيق بس حط في بالك ابومبارك

[ابومبارك]

اتوقعها من اول التداول لمت اب والله اعلم
بالتوفيق بس حط في بالك ابومبارك


لازم يتضاربون فيه عشان يستفيدون
وعقب اذا يبونها لمت اب بيوصلونها

[mohamed9933]

ارتفاعات ودام الغريبة !! هل هي مضاربات والا راح يرجع لها الدعم الحكومي والا ارباح والا استحواذ والا ايش !!!!!!!!!!!!

[محمد مأمون]

الكل انشغل بالطبية وما انتبهو ل ودام

[احمد77]

المستثمرين اتوقع اليوم لها ارتفاع حلو

[محلل واقعي]

ودام لا رايحه دبل من هني عادي بس التداول عليها بمبالغ بسيطه

[بوجبر]

ليش قاعد تبيع يلي في بالي؟؟؟


اصبر شوي

[.:: القيصر ::.]

السلام عليكم


صباح الخير

[ابومبارك]

صباح النور على البنور

[ابومبارك]

سكنهم مساكنهم

:unsure:

[ابومبارك]

قوووووو قلبك ولا اوت سايد

:taunt:

[Qtr37]

علق عندي تطبيق المجموعة في وقت غلط ><

[Qtr37]

استثمار يا ترى يا هل ترى

[ابومبارك]

استثمار يا ترى يا هل ترى

مب سهل هذا السهم تشوفله

[ابومبارك]

ان سكرت الطبيه فوق 2.4 نقول لها متشكرين

[SOKRAB]

الحمدلله رب العالمين
ودام تتالق

[ابومبارك]

من مزعل قطر 86 اكيد انماء

[ابومبارك]

طلعت مسامير في وجه استثمار لكن بتعديها ان شاء الله

[بوجبر]

بعد بيع وقود


الحين محفظتي ‎%‎30 اسهم الباقي كاااااش حق الصيدات الحلوة

[adell]

مزايا كم مره يحاول يعدي ال 8.30 وينزل ان شاء الله اليوم يعملها

[ابومبارك]

بعد بيع وقود


الحين محفظتي ‎%‎30 اسهم الباقي كاااااش حق الصيدات الحلوة

يعني 70% كاش اهم شي يكون المبلغ ثقيل بالزاف
الله يوفقك

[ابومبارك]

( الهدوء يسبق العاصفه )

:whistling:

[بوجبر]

يعني 70% كاش اهم شي يكون المبلغ ثقيل بالزاف
الله يوفقك

ثقيل من قلب الله يزيد ويبارك

[alkaldi]

ماشاء الله استثمار
هالسهم ماله حل

[بوجبر]

اووووووف بروه

[adell]

نشوف المحاوله الرابعه اليوم لمزايا

[SOKRAB]

تجميع بهدؤ في استثمار وحجم تداول عالي

[Qtr37]

يا حلو استثمار

[Abjalsulaiti]

نكبهم في انماء

[qatar 86]

من مزعل قطر 86 اكيد انماء

:cry2: بعد ماراح أبيع

[ابومبارك]

استثمار له طيره الله يوفق ملاكه

[.:: القيصر ::.]

يا حلو استثمار

حطوا له ارنب على 2.320

اتوقع يفترسه


بس يبي له شوي شاي حمر


الله يبارك لملاكه

[alkaldi]

شكل الموشر رايح مثل ما قال اخونا عتيق 10300

[.:: القيصر ::.]

شكل الموشر رايح مثل ما قال اخونا عتيق 10300

للامانة المفروض يريح شوي

[Qtr37]

حطوا له ارنب على 2.320

اتوقع يفترسه


بس يبي له شوي شاي حمر


الله يبارك لملاكه

بعته على هالسعر الحمدلله
دخلته من فترة
وممكن نرجع ندخل مرة ثانية

[بوجبر]

شكل الموشر رايح مثل ما قال اخونا عتيق 10300

مشكلة كبيرة جدًا اذا راح المؤشر 10300

خصوصًا والصيف قادم والركود سيكون لفترة طويلة

[.:: القيصر ::.]

بعته على هالسعر الحمدلله
دخلته من فترة
وممكن نرجع ندخل مرة ثانية

تستاهل ربي يبارك لك

اذا تم صامل على 2.3 اتوقع له مشوار فوق بعد


سيولته لحد الان حلوة على هالصمود

[معماري قطري]

السلام عليكم ورحمة الله وبركاته

يوم استثنائي لقناصين الفرص

عليكم السلام ورحمة الله وبركاته

إخترب السوق يا بو جبر شكله هروب وبيرجع ريوس من قلب

[][ الوحيد ][]

مزايا لايكسر ال.8

[بوجبر]

عليكم السلام ورحمة الله وبركاته

إخترب السوق يا بو جبر شكله هروب وبيرجع ريوس من قلب


الصبر جميل بوعبدالله

[ابومبارك]

نخي نخي بعد ياقامكو عشان نرجع لك ونخمك من تحت

:tease:

[معماري قطري]

متى يطلع شمشون الجبار من الغار

كلما له يحفر زيادة ويطلع ذهب للي يبي يشتري

[Abjalsulaiti]

الفريق منقرص من انماء قبل

ازدان فتحت المحفظة قبل سنتين عند هذه الاسعار وصرفت عليهم

[معماري قطري]

الصبر جميل بوعبدالله

صابرين ( الله يذكرها بالخير )

المهم فلوس السفر موجودة وفلوس البنيان نعتبرها أقساط من التوزيعات توزيع العام كله راح 800000 وشوي زيادة ولله الحمد

[alkaldi]

مشكلة كبيرة جدًا اذا راح المؤشر 10300

خصوصًا والصيف قادم والركود سيكون لفترة طويلة

ان شاء الله يكون ارتداد حلو من عند هالمكان
اسعار الصيف قبل سنتين لبعض الاسهم كانت حلوه خاصة في شهر ثمانيه وتسعه
الله كريم ان شاء الله وتتعدل الاسعر والاسهم الى الاعلى

[معماري قطري]

ان شاء الله يكون ارتداد حلو من عند هالمكان
اسعار الصيف قبل سنتين لبعض الاسهم كانت حلوه خاصة في شهر ثمانيه وتسعه
الله كريم ان شاء الله وتتعدل الاسعر والاسهم الى الاعلى

أسباب الركود كثيرة منها رفع الفايدة اللي أثرت حتى على البنوك .. من وين تدفع فوائد الودائع ووايد تعثر في سداد القروض والصيف شهر ركود لغالبية الأسواق .. الشيء الثاني عدم الإستقرار من نوايا مبيتة لضرب منشآءات ايران النووية .. الشيء الثالث يتكلمون عن دعم السوق وهم يبيعون كل يوم ويبيعونا كلام ووعود

[بوجبر]

ان شاء الله يكون ارتداد حلو من عند هالمكان
اسعار الصيف قبل سنتين لبعض الاسهم كانت حلوه خاصة في شهر ثمانيه وتسعه
الله كريم ان شاء الله وتتعدل الاسعر والاسهم الى الاعلى

دام هشكل الوضع يفضل تفعيل ايقاف الخسارة وانتظار المؤشر للرقم اللي ذكروة المحللين الافاضل

[بحر شرق]

تدبست في ازدان لكن متفائل خير فيها

[داود بن شطان]

وين اثر خبر دخول جهاز قطر للاستثمار الي نشروه امس !!!!!!!!!!!!

[alkaldi]

أسباب الركود كثيرة منها رفع الفايدة اللي أثرت حتى على البنوك .. من وين تدفع فوائد الودائع ووايد تعثر في سداد القروض والصيف شهر ركود لغالبية الأسواق .. الشيء الثاني عدم الإستقرار من نوايا مبيتة لضرب منشآءات ايران النووية .. الشيء الثالث يتكلمون عن دعم السوق وهم يبيعون كل يوم ويبيعونا كلام ووعود

وازيدك كل شوي ناط لنا مال الصحه العالميه استعدوا واستعدوا
بس هالامور كلها حفظناها والله الحافظ من كل شر وكيد يكيدونه
امور سوقنا متقلبه ووضعه غريب عجيب لين يرتفع يحسسك خلاص لا رجعه للنزول والسوق كسر مقاومه وتوقعوا محللينا يروح لرقم حلو
بس عاود النزول الله المستعان

[داود بن شطان]

سبحان الله كان قلبي قارصني من صعود الاسهم الايام الي طافت

الحمدلله بعت جزء لتأمين سفرة الصيف وتغطية التزامات مستحقة الدفع لخمس شهور قادمة

[alkaldi]

دام هشكل الوضع يفضل تفعيل ايقاف الخسارة وانتظار المؤشر للرقم اللي ذكروة المحللين الافاضل

الله كريم اخوي بوجبر
هم حددوا رقم ان شاء الله نوصله وما يخذلنا الموشر وكلها امور مكتوبه وعلمها عند الله
ان شاء الله يتعدل الوضع في الاشهر الجايه

[مضارب متعور]

السيولة اليوم شاردة من أغلب الأسهم

[داود بن شطان]

صانع الطبية وودام توهقوا لان اغلب الاسهم احمرت وهم يغردون خارج السرب

[بحر شرق]

يلا يا انماء ارجعي خضرا

[.:: القيصر ::.]

تستاهل ربي يبارك لك

اذا تم صامل على 2.3 اتوقع له مشوار فوق بعد


سيولته لحد الان حلوة على هالصمود

مبروك اللمت اب مقدما يا ملاك استثمار

[ابومبارك]

صانع الطبية وودام توهقوا لان اغلب الاسهم احمرت وهم يغردون خارج السرب

خايفين من الكتاب

[.:: القيصر ::.]

يلا يا انماء ارجعي خضرا

افكر ادخل مرة ثانية بين 5.6 - 5.7


بين هالسعرين


ننتظر مب خسرانيين شي

[بحر شرق]

افكر ادخل مرة ثانية بين 5.6 - 5.7


بين هالسعرين


ننتظر مب خسرانيين شي

تتوقع ينزل اكثر:rolleyes2:

[ابومبارك]

هناك تحدي في الارقام
بين استثمار والطبيه
من الفائز

[قطر 2030]

خايفين من الكتاب

ليه اش بيسوي الكتاب يعني

كله سلام على بعض وكيف حالكم حن بخير وسلامه ونعمة

[قطر 2030]

هناك تحدي في الارقام
بين استثمار والطبيه
من الفائز

ودام بعد

[alkaldi]

هناك تحدي في الارقام
بين استثمار والطبيه
من الفائز

تنافس من يطوف اول

[.:: القيصر ::.]

تتوقع ينزل اكثر:rolleyes2:

اكثر اكثر

ان شاء الله لا


بس لازم شوي استراحة محارب

[بحر شرق]

اكثر اكثر

ان شاء الله لا


بس لازم شوي استراحة محارب

ما عليه خوف انماء

[بحر شرق]

الطبيه اهلها ما بيرتاحون لين يوصلونها 2.5

[ابومبارك]

انزلي انزلي بعد يا قامكو خلنا عقب نتفرق لك عدل

:tease:

[ابومبارك]

الطبيه اهلها ما بيرتاحون لين يوصلونها 2.5

ماظن تكفيهم

escape

[قطر 2030]

اعمال هل زين للشراء

[ابومبارك]

لقد خرج لكم مسمار في استثمار
:waiting:

[داود بن شطان]

لقد خرج لكم مسمار في استثمار
:waiting:

الله يوفقك يابومبارك
بس دير بالك من السوق

[قطر 2030]

راحت ودام ما شاء الله اسبقت استثمار والطبيه

وشكله الطبيه بتلحقها ههههههههههههه

[قطر 2030]

لاحظوا دخول طلبات الطبيه والعلم عند الله بيروح السهم فوق بعد

[داود بن شطان]

ماشاء الله
صانع ودام
شنب ولا هامه السوق

[Hanan]

السلام عليكم ,
ممكن تحليل اجارة وهل ممكن يطلع مرة ثانية

[رشودي]

يا جماعة اليوم في بيانات من اميركا كثيره و هو يوم مفصلي
ربنا يستر بكره على البورصة خصوصا القطاع البنكي الي ماسك المؤشر

[داود بن شطان]

ودام

الحق صانع ولا تلحق ارنب جائع

[معماري قطري]

النفط مرتفع لكن باقي اأسواق هبوط قوي فوق ال 1% أغلبها

[داود بن شطان]

النفط مرتفع لكن باقي اأسواق هبوط قوي فوق ال 1% أغلبها

الخوف من البيانات الامريكية مثل ماقال الاخ رشوي

[معماري قطري]

ودام

الحق صانع ولا تلحق ارنب جائع

ما ارسلوا لهم كتاب للحين شكلهم مقدرين ظروف السهم .. المفروض لو ارسلوا يقولون ولا سئلتوا فينا واحنا نازلين من العشرة لقريب الواحد

[بحر شرق]

الطبيه فيها شراء

[معماري قطري]

الخوف من البيانات الامريكية مثل ماقال الاخ رشوي

من هشكل سوقنا يرتعد وبيعمق مع الإغلاق .. عيل وين اللي بيمسك السوق شاطر بس يشتري كور موقع عليها

[محلل استثمار]

من يشاهد المستثمرين نازلة 2.5% يفتكر انها ارتفعت 200%

[.:: القيصر ::.]

الطبية في الوقت بدل الضايع

[معماري قطري]

جهاز قطر للاستثمار يذكرني ببنتي يوم كانت حول ال 4 سنين في الأردن كنا وهي تشوف بعض العيال اللي يبيعون مناديل وحلويات على الطريق .. قامت تسوي مهفات ورقية وتطلب مساعدتنا وسوت كمية يوم مرينا على التقاطع وشافت اليهال قالت نزلوني بابيع معاهم

[داود بن شطان]

من هشكل سوقنا يرتعد وبيعمق مع الإغلاق .. عيل وين اللي بيمسك السوق شاطر بس يشتري كور موقع عليها

دام الفايدة طالعة ما اتوقع ارتفاعات مستقبلية
اتوقع بيانات الربع الثاني وايد شركات بتتاثر خاصة الي عليها ديون كبيرة

[alkaldi]

مبررووووووك ملاك الطبيه شكله حد داعي لكم وراضين عنكم

[.:: القيصر ::.]

الطبية في الوقت بدل الضايع

بوووووم والله


ههههههههههه


ما شاء الله

[معماري قطري]

من يشاهد المستثمرين نازلة 2.5% يفتكر انها ارتفعت 200%

تصدق دورته شوي ونسيته

[السيلاوي]

جهاز قطر للاستثمار يذكرني ببنتي يوم كانت حول ال 4 سنين في الأردن كنا وهي تشوف بعض العيال اللي يبيعون مناديل وحلويات على الطريق .. قامت تسوي مهفات ورقية وتطلب مساعدتنا وسوت كمية يوم مرينا على التقاطع وشافت اليهال قالت نزلوني بابيع معاهم

هههههه
ما شاء الله عليها
شاطرة مثل ابوها الله يحفظها

[داود بن شطان]

صانع الطبية ارفع لك القبعة والغترة والعقال

واسحب كل كلامي

[alkaldi]

اسهم تفرح وتربح ملاكها
واسهم تموتك قهر وتخسرك

[معماري قطري]

حلوة ودام مع إن عندي كمية بسيطة فيها أمس واليوم ضايفة فوق العشرين الف ريال لكن وين تحت سعري بكثير

[بحر شرق]

هههههه
ما شاء الله عليها
شاطرة مثل ابوها الله يحفظها
الله يحفظها ويبارك فيها

[السيلاوي]

أسباب الركود كثيرة منها رفع الفايدة اللي أثرت حتى على البنوك .. من وين تدفع فوائد الودائع ووايد تعثر في سداد القروض والصيف شهر ركود لغالبية الأسواق .. الشيء الثاني عدم الإستقرار من نوايا مبيتة لضرب منشآءات ايران النووية .. الشيء الثالث يتكلمون عن دعم السوق وهم يبيعون كل يوم ويبيعونا كلام ووعود

هاي الزبدة اخوي معماري للاسف

[بحر شرق]

الطبيه شي ما يصدقه عقل

[alkaldi]

صانع الطبية ارفع لك القبعة والغترة والعقال

واسحب كل كلامي

الموشر طالع او نازل ماعنده مشكله اللمت اب في الطريق

[ابومبارك]

يسسسسس الطبيه
ربنا لك الحمد

[.:: القيصر ::.]

انماء تقترب من سعر الدخول


:shy:


يلا الطلبات جاهزة

[عبدالعزيز 9]

يستاهلون ملاك الطبيه

[.:: القيصر ::.]

شنو انت ياللي في الطبية


ربي يبارك لكم على هالصانع الاقشر

[داود بن شطان]

هذا الصانع الي ينشد عليه الظهر قول وفعل

مب تصريحات وخرابيط

[alkaldi]

حلوة ودام مع إن عندي كمية بسيطة فيها أمس واليوم ضايفة فوق العشرين الف ريال لكن وين تحت سعري بكثير

الحين سوال بوعبدالله ومحيرني
ليش بعض الاسهم تكون في موجه صاعده وماهمها شي حتى لو كانت نتائجها سيئه وتجيب اسعار حلوه
والاسهم الثانيه ماتقدر تسوي مثلها شنو اللي يمنعها انا مستغرب صراحه

[.:: القيصر ::.]

بديت عملية الشراء في انماء والله يكتب لنا اللي فيه الخير


بسم الله توكلنا على الله

[محلل استثمار]

ما شاء الله تبارك الله
في صناع يعرفون كيف يجزبون السيولة والمضاربين
وصناع بارعين في التطفيش

[معماري قطري]

صانع الطبية ارفع لك القبعة والغترة والعقال

واسحب كل كلامي

خليت ولدي يدخل المرة اللي راحت ب 2.2 ريال ونزلت وكان غالبية التحليلات وقتها تقول رايحة 3 ريالات .. ألحين قلت له حط أمر بيع على ريالين ونص بس شكله هالمرة رايح 3 .. الحمد لله 30 درهم على 220 تعطيه حول 13.6% نعمة

[بحر شرق]

هدف الطبيه 3

[.:: القيصر ::.]

اتمام الصفقة الاولى على 5.752


باقي الثانية تحت 5.7



في الانتظار



و نراكم غدا ان شاء الله


مع السلامة :ok:

[معماري قطري]

الحين سوال بوعبدالله ومحيرني
ليش بعض الاسهم تكون في موجه صاعده وماهمها شي حتى لو كانت نتائجها سيئه وتجيب اسعار حلوه
والاسهم الثانيه ماتقدر تسوي مثلها شنو اللي يمنعها انا مستغرب صراحه

افترض إحنا كمجموعة من المنتدى قررنا ندخل سهم كئيب ونرفعه وأسهمه قليلة أقل راسمال يأثر فيه .. وبيننا اتفاق نشتري بسعر كذا ونبيع على سعر كذا .. شوف الطبية أمس واحد باع كمية ورجع شرى كمية أعلى كله مضاربات وناوين يوصلون السهم لسعر معين ويبدون يبيعون من عنده

[معماري قطري]

بعض الأسهم مثل قامكو وضعها غير وصلت سعر مغري والشركة وراها قوة وانتبهوا لها ناس كثيرين ودخلوا دخول استثماري واستمرت المحافظ الأجنبية في الشراء لين وصلوا السهم فوق الريالين ونص على ما اذكر .. تضاعف سعره 5 مرات وألحين رجع ركد شوي بس عادي يرجع لسابق سعره وزود لو حبوا يجمعون فيه ويرفعونه

سوقنا كله سهل بس المهم هو السيولة والدخول بنية الرفع

[أبو الطيب 4]

افترض إحنا كمجموعة من المنتدى قررنا ندخل سهم كئيب ونرفعه وأسهمه قليلة أقل راسمال يأثر فيه .. وبيننا اتفاق نشتري بسعر كذا ونبيع على سعر كذا .. شوف الطبية أمس واحد باع كمية ورجع شرى كمية أعلى كله مضاربات وناوين يوصلون السهم لسعر معين ويبدون يبيعون من عنده

حصلت أيضا في أمريكا مع سهم gamestop كانت شركة خاسرة على وشك الإفلاس واتفقوا يرفعونها وارتفع بشكل جنوني

[alkaldi]

افترض إحنا كمجموعة من المنتدى قررنا ندخل سهم كئيب ونرفعه وأسهمه قليلة أقل راسمال يأثر فيه .. وبيننا اتفاق نشتري بسعر كذا ونبيع على سعر كذا .. شوف الطبية أمس واحد باع كمية ورجع شرى كمية أعلى كله مضاربات وناوين يوصلون السهم لسعر معين ويبدون يبيعون من عنده

اهااا ويمكن بعد لان اسهمها قليل يقدرون يتحكمون فيها والاسهم الثانيه كثيره
الله يرزقنا خير في اللي نملك ان شاء الله

[كلمة طيبة]

مستثمريين تقول مرتفع 50% الاكثر نزولا

[q6ri_]

فيه واحد الساعة 11 قال الطبية بتروح لمت اب وضيعت مشاركته
احب اشكره لاني شريت بعد ماشفت كلامه

[alkaldi]

ابومبارك وينه يمكن من صدمة اللمت اب اغمى عليه شوفوا لنا الرجال ههههه
تستاهل ابومبارك الله يبارك لك ويبارك للجميع ان شاء الله

[ابومبارك]

مانبي لمت اب اليوم الطبيه عشان الكتاب
بكره الخميس نبيه لمت اب من القلب
عشان يكون خميسنا فله

[ابومبارك]

مساعه كنت بقول حق ابوجبر
ادخل الطبيه بالكاش الي عندك كانت سعرها
2.303
بس قلت سهم مغامره

[ابومبارك]

ابومبارك وينه يمكن من صدمة اللمت اب اغمى عليه شوفوا لنا الرجال ههههه
تستاهل ابومبارك الله يبارك لك ويبارك للجميع ان شاء الله

هههههههههههه الحمد الله قرب راس المال
يبي له شوي
كنت خسران من راس المال تقريبا 50%
الان فقط 15%
الحمد الله

[معماري قطري]

اهااا ويمكن بعد لان اسهمها قليل يقدرون يتحكمون فيها والاسهم الثانيه كثيره
الله يرزقنا خير في اللي نملك ان شاء الله

إزدان والمستثمرين أسهم في يد كبار ملاكها متى ما حبوا يرفعونها رفعوها وانضمت لهم شركة المناعي الأسهم نوعاً ما كثيرة بس بسهولة يرفعونها والتحكم عندهم

[معماري قطري]

هههههههههههه الحمد الله قرب راس المال
يبي له شوي
كنت خسران من راس المال تقريبا 50%
الان فقط 15%
الحمد الله

تستاهل يا بو مبارك الله يوفقك زود نفرح لك

[qatar 86]

مطلعين الطبية دخلوا فوق 2.480

[القادم افضل]

مطلعين الطبية دخلوا فوق 2.480

وين اخبار انماء

[qatar 86]

وين اخبار انماء

القيصر أستلم القيادة وبيردها لكم فوق 6

أنا مابعتها للحين ماسكها وماتابعتها اليوم معطي نفسي راحة يومين منها

[alkaldi]

هههههههههههه الحمد الله قرب راس المال
يبي له شوي
كنت خسران من راس المال تقريبا 50%
الان فقط 15%
الحمد الله

تستاهل الله يوفقك ان شاء الله ويكتب لك ولنا الخير ان شاء الله

[ابومبارك]

تستاهل يا بو مبارك الله يوفقك زود نفرح لك


تستاهل الخير يامعماري عقبال الجميع

[ابومبارك]

تستاهل الله يوفقك ان شاء الله ويكتب لك ولنا الخير ان شاء الله

تسلم يالخالدي عقبال الجميع

[alkaldi]

إزدان والمستثمرين أسهم في يد كبار ملاكها متى ما حبوا يرفعونها رفعوها وانضمت لهم شركة المناعي الأسهم نوعاً ما كثيرة بس بسهولة يرفعونها والتحكم عندهم

الله كريم ورب يبلغنا فيها الخير قريب
ان شاء الله عندي امل في الله انه في الايام الجايه او الاشهر الجايه باذن الله
الحمدلله على كل حال
سبحانك الله وبحمدك نشهد أن لا إله إلا أنت نستغفرك ونتوب إليك