اذا عندك كاش .. هل تسدد ديونك ؟

[ماجستك]

السلام عليكم

اذا عندك كاش يسدد بعض او كامل ديونك

هل الافضل تخلي الكاش في يدك وتنتظر تسدد اقساط القروض ؟

او تسكر الي تقدر من الديون ؟

اتمنى المشاركه وشكرا

[Rider]

اذا بيشلون عني الفوائد بسدد واذا كان عندي اكثر من دين بسدد البعض لي ماباقي شي على الاقل افتك
وطبعا نبغي نسمع رايك فالموضوع

[سعود.]

سؤال صعب متشعب … يفرق من شخص لشخص كل واحد له ضروفه والتزماته واحتياجاته

انت الوحيد الي يقرر

[وحيد-الشوق]

وعليكم السلام

لا، إلا اذا الدين في بنك ربوي لأن عمره ما بيخلص مع هالفوايد الي يزيدها البنك الفيدرالي اليهودي كل فتره، شغل فلوسك الكاش وعقب تقدر تسدد إذا حاب والله ييسر لك أمرك ويقضي عنك وعن الجميع ديونهم.

[مواقف النجادة]

مثل ما قالوا الاخوان
اذا التسديد المبكر بيشيل جزء يسوى من ارباح البنك .. بسدد
اما اذا كان البنك بيتشدد او يشيل جزء غير مجز من الارباح..بيضل الوضع على ما هو عليه

[سالم الزهران]

اذا عندك شغلة تسويها بالكاش (بتشتري شقه، عرس مثلاََ) ويغطيها سوها بالكاش وخل البنك على ما هو عليه يسحب أقساطه.

أما اذا ما عندك شغلة فسدد البنك و افتك ولا عاد تاخذ قرض لو يقولون بدون فوايد.

[ماجستك]

جزاكم الله خير عالمشاركه وابداء الراي

انا الي صار معاي ان سكرت قرض .. لكن الفلوس الي كنت ادفعها كاقساط ماقمت اوفرها !!

قبل كنت استقطع هالمبلغ من راتبي لانه يندفع كقسط

الان سكرت القرض ولم استطيع ان اوفر هالمبلغ ولا حتى لشهر واحد

لذلك سالت هالسؤال وتمنيت اشوف اجابات

لذلك قد يكون رايي ان تخلي الاقساط ماشيه افضل

جزاكم الله خير

[الغالي!]

دامك سكرت القسط نصيحه افتح حساب في بنك ثاني وسوى تحويل شهري كل شهر قيمة القسط اللي كنت تدفعه والبنك الثاني حتى بطاقة صراف لا تاخذ وحط في بالك ان هذا القسط عليك الى السنه الفلانيه ولكن حط في بالك مبدا لايمكن تغير رايك يوم الايام وعسى الله يوفقك

[ماجستك]

جزاك الله خير يالغالي

[سالم الزهران]

شد حيلك اخونا ما جستك، ومثل ما قال اخونا الغالي،، اعتبر نفسك مديون وخلك مديون لنفسك مب لأحد.. وكنصيحة لكل من يقرأ (ما في عسر يدوم ولا رخاء يدوم) فشيل من ساعة الرخاء لساعة الشدة

[ماجستك]

كلام طيب ومنطقي ياسالم
جزاك الله خير

[ابو عبدالله.]

مساكم بالخير

ليش سددت. خله يقسط و خل الكاش عندك

اذا اسلامي طبعا

انا ما اعرف حد ما عليه اقساط و يفر صح من الراتب. الا شخص واحد و وضعه استثنائي. هذا راتبه فوق الثمانين ما شاء الله

الغالبيه اقساط لكن يعتمد خق ايش متسلف

قالوها الشباب كلن و وضعه. يعني راتبه كم. عنده حسن اداره للمال يعرف يتاجر او لا. يعرف يوفر ولا شلون وضعه

اخوي ماجستك. يمكن تستغرب. لكن انا محول فوق 60% من الراتب للاقساط. وماخذ السلف قبل لا يزيدون المرابحة. يعني 2% و 2.6%. جذي يعني

ماشي على جدول مثل ما تقول كل كم سنه اشوي شغله كبيره عشان مدخول اضافي

ما اتكلم عن منطق الي يقول ان الادخار او الاستثمار يكون 30 الى 40 % من الراتب. هذا ببدايه مشوار العمل. لكن بعد فتره هالاستثمار يحقق مدخول اضافي بعدها تقدر تحول نسبه اكبر من الراتب للاستثمار. سواء ادخار او سلف باقساط اكبر بمساعده المدخول الاضافي طبعا

انت شنو وضعك

هل انت ببدايه حياتك المهنيه او المنتصف او تجاوزت المنتصف

اهني تحدد ايش بتسوي. تقدر تدخر و تستثمر كم من الراتب

هل الكاش يكفي لاستثمار هذا يختلف من شخص لاخر ايضا
في الي يتاجر بصغير او بالمواتر و غيرها و في الي المبلغ يقدر يدخل العقار بانواعه. شقق فلل الخ

ليش الغالبيه يقولون لا تسدد. لان لو فكرت تتسلف الحين النسبه مرتفعه جدا فتتردد عن اي استثمار حتى لو مضمون. و المرابحة بتاكل وايد من المبلغ المستلف


ان شاء الله قصدي واضح اخوي

بالتوفيق

[معماري قطري]

إذا تسكير الدين بيطلعك من الربا وهو الواقع سواء بنكك اسلامي أو غيره أفضل تسكرها وإذا قرض حسن من الدولة خله ماشي

ما لجأت للدين الا لأثاث البيت وبعض الأثاث خمسين ألف بس من الأولى للتمويل وسددت بسرعة خلال سنة على ما اذكر .. ومرتين حق سيارات وبعد التسديد بسرعة على سنتين بالكثير مرة 1995 ومرة في 2014 أما باقي السيارات كاش ولله الحمد واللي خذتهم مستعملين الله وفقني فيهم وعمروا معاي

في رأيي البعض يحب ويستسهل الدين ويستصعب التوفير

علي قرض حسن مال الاسكان بقايا من ال 600000 باقي حول 8 سنين 2000 ريال بسيطة

[ابو عبدالله.]

صباح الخير

وين الربا و الاسلامي اخوي معماري يمكن تقصد الدين و السلف مش الربا

خل الناس تتسلف و تتدين ههههه.

اولا ما يصير ان نبغي الناس تقفز من صغر السن الى عقليه الخمسيني بدون ما يجرب و يعرف و يفهم و ينضج في الامور الماليه
كلنا تسلفنا و جربنا و وصلنا لمفاهيم هي سبب نضجنا المالي

ثانيا الرواتب تعتبر طفره بنظري وحتى لو الراتب في العشرينات ايضا يعتبر جيد. و البعض يعتقد اني ابالغ

حتى لو شاب ما عنده درايه ماليه و الاب ينصحه بالتوفير او الاستثمار بيقدر يتزوج و موتر مقبول و امور اخرى. صاحب الراتب الاعلى ما يقدر يسويها

و عندي امثله كثيره لشباب برواتب العشرينيات تزوجو و جابوا عيال و الحين يبنون بيوت الاسكان بدون ضغط مالي كبير

فما بالك برواتب الثلاثينات و الاربعينات و فوق

شباب غيرهم برواتب الستينات و اعرفهم شخصيا الحين متعصرين بالسلف عشان يخلصون بيوتهم

ليش. لان بدايه المشوار كانت رفاهيه و سيارات المانيه و قله وعي مالي مع ان رواتبهم كانت بالاربعينات و الخمسينات لكن سوء اداره للراتب و قله التخطيط السليم ضيعت فرصه الادخار الجيد او الاستثمار

و مع العيال و المصاريف صار الراتب يمشي و يمكن شوي ادخار. الله اعلم

[معماري قطري]

صباح الخير

وين الربا و الاسلامي اخوي معماري يمكن تقصد الدين و السلف مش الربا

خل الناس تتسلف و تتدين ههههه.

اولا ما يصير ان نبغي الناس تقفز من صغر السن الى عقليه الخمسيني بدون ما يجرب و يعرف و يفهم و ينضج في الامور الماليه
كلنا تسلفنا و جربنا و وصلنا لمفاهيم هي سبب نضجنا المالي

ثانيا الرواتب تعتبر طفره بنظري وحتى لو الراتب في العشرينات ايضا يعتبر جيد. و البعض يعتقد اني ابالغ

حتى لو شاب ما عنده درايه ماليه و الاب ينصحه بالتوفير او الاستثمار بيقدر يتزوج و موتر مقبول و امور اخرى. صاحب الراتب الاعلى ما يقدر يسويها

و عندي امثله كثيره لشباب برواتب العشرينيات تزوجو و جابوا عيال و الحين يبنون بيوت الاسكان بدون ضغط مالي كبير

فما بالك برواتب الثلاثينات و الاربعينات و فوق

شباب غيرهم برواتب الستينات و اعرفهم شخصيا الحين متعصرين بالسلف عشان يخلصون بيوتهم

ليش. لان بدايه المشوار كانت رفاهيه و سيارات المانيه و قله وعي مالي مع ان رواتبهم كانت بالاربعينات و الخمسينات لكن سوء اداره للراتب و قله التخطيط السليم ضيعت فرصه الادخار الجيد او الاستثمار

و مع العيال و المصاريف صار الراتب يمشي و يمكن شوي ادخار. الله اعلم

انا أشوف الاسلامي اخو الربوي كلهم ماشين وراء الفدرالي وعندهم تلاعب بالنسب

[عازف]

اذا دين البنك عالطول اسدد لانه دين البنك بلوى سوى قرض شخصي او سيارة او عقار، اذا دين العمل لا اخلي مثل ما هو لانها بدون ارباح،

[ابو عبدالله.]

انا أشوف الاسلامي اخو الربوي كلهم ماشين وراء الفدرالي وعندهم تلاعب بالنسب

يضطر اختلف معاك ياخوي

كلهم مربوطين بسياسه المركزي لكن عقود السلف تختلف لانها ثابته لا تتغير و انت ادرى بهذا اخوي

السلف مب عيب اذا حلال خصوصا اذا الشخص يعرف ايش يبي بالضبط و حذر او فاهم على الاقل

لولا السلف محد شرى بيت و ضل بالايجار سنين طويله. اقلها 8 سنوات و اكثر لين يحصل بيت و يسكن عبر الاسكان

[ابو عبدالله.]

كلن و له وضع يحدد حاجته

يعني واحد ابوه عنده ارض و قال له تسلف و ابنيها و نبيعها و نستفيد ما يتسلف و يضل سنوات يحوش المبلغ للبناء

و الي بيبني بعد سنه و يدري ان القرض للاسكان ما يكفي. هل يسدد سلفته الحين و يتسلف بعد سنه و يدفع مرابحة اعلى من سلفته الحاليه ولا يحطها بالتوفير و الاقساط تقل سنه كامله

اعتقد وضحت الفكره

كلن و وضعه

[ماجستك]

نقاش مفيد جدا
جزاكم الله خير

[ابو عبدالله.]

صباح الخير

اخوي ماجستك. موضوعك يمكن يحدد نقطه معينه لكن يفتح موضوع مهم وهو حسن اداره المال و منها السلف و الاسباب و المحاذير

و مثل مجتمعنا الصغير فيه تاثيرات مثل الغلاء و الرفاهيه الزايده و ثقافه الاستلاف حتى للامور الغير مهمه