التسول

[Rider]

السلام عليكم ورحمة الله وبركاته الموضوع باختصار عودة التسول بشكل كبير في بلادنا للأسف موضوع التأشيرات لي تم الاتفاق بينا وبين السعودية لم يأتي بخير لنا تدفع 300 ريال حق تأشيرة لمدة سنة هذا مما دفع بعض الجنسيات المقيمة في السعودية ومابغي اذكر الجنسية للدخول لقطر والتسول تجدهم في كل مكان لازم وقفه من الجهات المسؤوله بصراحة شي صاير يضيق اذا ماعطتيته قال اي شي حتى لو تطلب لي عشى

[sara jsm]

وعليكم السلام ..

قبل كنا نشوف هالناس قبل رمضان :unsure:
الحين طول السنة وبشكل مخيف ..ما في حل الا من الداخليه ..

[سالم الزهران]

صباح الخير
اذا المجتمع ما يمسك يده عن بعض افعال (الخير) اللي ما من وراها الا انتشار المظاهر السلبية.. فالظاهرة بتزيد.. لكن خل فبالك ان المتسول يشوفك مدمغ يا فاعل الخير.. ونهارك سعيد

[Rider]

وعليكم السلام ..

قبل كنا نشوف هالناس قبل رمضان :unsure:
الحين طول السنة وبشكل مخيف ..ما في حل الا من الداخليه ..

صحيح كلامج اختي بس اتمنى فعلا الداخلية يشوفون حل حق موضوع التأشيرات لي مالها داعي حط تأشيرات لكن حط لها شروط

[Rider]

صباح الخير
اذا المجتمع ما يمسك يده عن بعض افعال (الخير) اللي ما من وراها الا انتشار المظاهر السلبية.. فالظاهرة بتزيد.. لكن خل فبالك ان المتسول يشوفك مدمغ يا فاعل الخير.. ونهارك سعيد

هلا وغلا اخوي سالم فعلا بعض الناس تساعد على انتشار الظاهره

[معماري قطري]

كم مرة أحذر من مد اليد لمن يأتون للمجلس وبعضهم حتى ما يطلبون يجون يتقهون وأشوف البعض يعطيهم ثاني يوم يجي فوج جديد وتستوي عادة وبعدين يجون ناس كاشخين ويطلبون مساعدة .. لا وأوقات الوجوه تتكرر وحتى الحاجة وحدة وورقة بالية .. أسهل شيء تحويلهم للجمعيات الخيرية تعطيهم وسمعت يغطون ديون القطري بس بشروط ما يعود للديون مرة ثانية

سمعت عن شخص في وكالة يكلم الموظف يقول له ليش مزعجيني اتصالات قدموا الشيك للمحكمة وعطوني الحكم أوديه للجمعية الخيرية هي تتفاهم معاكم .. قوة وجه واستوت المساعدة حق من حقوقه لا وحق سيارة عليها شيكات .. ووقت الشراء يحب خشم مالك الشركة حتى يمشيه

[Rider]

كم مرة أحذر من مد اليد لمن يأتون للمجلس وبعضهم حتى ما يطلبون يجون يتقهون وأشوف البعض يعطيهم ثاني يوم يجي فوج جديد وتستوي عادة وبعدين يجون ناس كاشخين ويطلبون مساعدة .. لا وأوقات الوجوه تتكرر وحتى الحاجة وحدة وورقة بالية .. أسهل شيء تحويلهم للجمعيات الخيرية تعطيهم وسمعت يغطون ديون القطري بس بشروط ما يعود للديون مرة ثانية

سمعت عن شخص في وكالة يكلم الموظف يقول له ليش مزعجيني اتصالات قدموا الشيك للمحكمة وعطوني الحكم أوديه للجمعية الخيرية هي تتفاهم معاكم .. قوة وجه واستوت المساعدة حق من حقوقه لا وحق سيارة عليها شيكات .. ووقت الشراء يحب خشم مالك الشركة حتى يمشيه

اخوي معماري لازم وزارة الداخلية تتدخل في الموضوع هذول الناس كيف ادخلوا البلاد

[BoFahed]

اخوي معماري لازم وزارة الداخلية تتدخل في الموضوع هذول الناس كيف ادخلوا البلاد

للاسف هم يستغلون طيبةاهل قطر وفي السنه النبوية انك ما ترد السائل حتى لو جاي فوق خيل ،بس لو تكررت الوجوه وتبين انه ماخذينها بزنس وتجاره ومروا على اكثر من واحد اعرفهم ووصفهم بالشكل ابلغ عليهم وساعات انصحهم واهددهم

[توشيبا]

كم مرة أحذر من مد اليد لمن يأتون للمجلس وبعضهم حتى ما يطلبون يجون يتقهون وأشوف البعض يعطيهم ثاني يوم يجي فوج جديد وتستوي عادة وبعدين يجون ناس كاشخين ويطلبون مساعدة .. لا وأوقات الوجوه تتكرر وحتى الحاجة وحدة وورقة بالية .. أسهل شيء تحويلهم للجمعيات الخيرية تعطيهم وسمعت يغطون ديون القطري بس بشروط ما يعود للديون مرة ثانية

سمعت عن شخص في وكالة يكلم الموظف يقول له ليش مزعجيني اتصالات قدموا الشيك للمحكمة وعطوني الحكم أوديه للجمعية الخيرية هي تتفاهم معاكم .. قوة وجه واستوت المساعدة حق من حقوقه لا وحق سيارة عليها شيكات .. ووقت الشراء يحب خشم مالك الشركة حتى يمشيه

ذكرتني في العيد شافو عندي ضيوف جوني مدرعمين والمشكله كبار عطيتهم المقسوم

بعدها بربع ساعه كل شوي توقف سياره عند باب المجلس وينزلون عوائل حريم كبار وشباب اكبر مني

انحرحت عند ضيوفي والله كل شوي مدرعمين حريم في نص المجلس تطر عيديه وكل حرمه في يدها طفل
عندي كميرات المجلس فوق 5 سيارات

تحرك وتجي الثانيه على هالموال وماخذين الموضوع عيديه مب طراره

[توشيبا]

وواضح الموضوع انه شغل قروب ولوكيشن للموقع كلهم من نفس الجنسيه