جلسات التداول ليوم الاحد 23/7/2023

[لـبـيـه]

السلام عليكم ورحمة الله وبركاته

[alkaldi]

السلام عليكم ورحمة الله وبركاته
بالتوفيق ورب يرزق الجميع ان شاء الله
يوم اخضر باذن الله
نتمنى نشوف اسعار حلوه لكل الاسهم

[فيصل99]

السلام عليكم ورحمة الله
صبحكم الله بالخير جميعاً

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[Abjalsulaiti]

البترول اغلاق فوق 80$

خبر بروه ممتاز وممكن توزع ريالين 0.20 بسهوله هذه السنه والعلم عند الله

مخازن، ازدان، الرعايا، بروه

اسعار مناسبه للاستثمار والمضاربه

فالكم التوفيق

[Mohammed MM]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

[.:: القيصر ::.]

السلام عليكم


صباح الخير

[.:: القيصر ::.]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

الله يشفيها ما عليها شر ان شاء الله

[qatar 86]

الله يقومها لكم بالسلامة

[ابو موسى]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

وعليكم السلام ورحمة الله وبركاته. اسال الله العظيم رب العرش العظيم ان يشفيها

[احمد77]

صباح الخير على الجميع نتمنى اليوم مخازن تولع

[احمد77]

صباح الخير على الجميع وان شاء الله سوقنا اخضر برعايه بروة والمخــًـــــــازن

[عبدالعزيز 9]

يستاهلون ملاك بروك
الله يرزق الجميع من واسع فضله

[دينالي]

بروه لمت اب

[احمد77]

عقبال المخازن

[qatar.1995]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

يارب تشفيه وتعافيه وان شاء الله تفرحون بشوفته سالمه يارب

[Abjalsulaiti]

القطاع العقاري مهم جدا للدوله

وثاني اكبر قطاع بعد الغاز والنفط

بروه لمت اب

الدور جاي على ازدان باذن الله

ومعروف ارض المليون الي فالوكير حق ازدان من الي اجرها بشكل كامل

الخير مقبل

[Abjalsulaiti]

مخازن ماتحتاج خبر

الشركة ضخمه وقويه والعائد مالها من اقوى العوايد بالسوق لسعرها

قريب ترجع فوق 5 ريال كالعاده

[Abu-khalid]

السلام عليكم

مبروووك ملاك بروه

الله يرزقكم
للاعلى باذن الله

[Abu-khalid]

الحمدالله باذن الله تفس ماذكرت في الجلسه السابقه

بروه يستاهل فوق 3 اذا وزع نفس العام على الاقل وارباحه كانت جيده

ان شاء الله يستمرررر

[رمــــــاح]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

الله يشفيها ويعافيها

[Abjalsulaiti]

تخيلوا ازدان لمت اب من بيلحقه عقب هههههه

يارب ارزقنا من حلالك

[.:: القيصر ::.]

شكله قطر و عمان

اللهم لك الحمد

متكي
!

[Abjalsulaiti]

الصفقه العقاريه الي صارت مع بروه 6.30 مليار

هذا دليل قوة القطاع العقاري والطلب القوي عليه من الشركات الضخمه والمطورين

بنشوف عمليات فتح للاجانب وادخل رؤس اموال قويه لهذا القطاع المهم

[qatar.1995]

شكله قطر و عمان

اللهم لك الحمد

متكي
!

لكل زمان دولة ورجال يالقيصر

[alkaldi]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

ماعليها شر واجر وعافيه الله يبلغكم سلامتها

[Abjalsulaiti]

مخازن 3.40 غالي

قريبا 5 الشركة رخيصه وتستاهل 8

[alkaldi]

تخيلوا ازدان لمت اب من بيلحقه عقب هههههه

يارب ارزقنا من حلالك

صعبه يمكن لين الحين
وين ازدان زمان وين الحين كانت حصان
بس ان شاء الله الله كريم

[.:: القيصر ::.]

روحي يا مخازن

نبي فوق 3.55 هدف السامر

[بحر شرق]

صباح الخير
بروه عسل

[alkaldi]

قامكو صباح الخير

[Abjalsulaiti]

صعبه يمكن لين الحين
وين ازدان زمان وين الحين كانت حصان
بس ان شاء الله الله كريم

والله مش صعب على شركة دخلها السنوي 2 مليار وعندها عقارات بكميات ضخمه

ارباح مدوره فوق 5 مليار

نزول الدين بنسبة 32% خلال خمس سنوات

[بحر شرق]

انماء الثبات فوق 5. ممتاز والهدف فوق5,5

[alkaldi]

والله مش صعب على شركة دخلها السنوي 2 مليار وعندها عقارات بكميات ضخمه

ارباح مدوره فوق 5 مليار

نزول الدين بنسبة 32% خلال خمس سنوات

الله كريم
ناطرينها بفارق الصبر صانعها كريم وما راح يقصر

[Abjalsulaiti]

قريبا ازدان فوق 1.20 ويحدث الانفجار المدوي للاعلى باذن الله

للعلم شراء محافظ من فتره نفس ماكانوا يجمعون في بروه

[alkaldi]

بروه ماشاء الله
من بدايه التداول
قال السلام عليكم
سوى لمت اب وسكر
وقال مع السلامه

[alkaldi]

ازدان لمت اب اليوم

ان شاء الله باذن الله

[Abjalsulaiti]

ازدان تقولكم الوعد بعد الساعه 11

[alkaldi]

اكثر سهمين اتمنى يردون
قامكو الريان

[بحر شرق]

بروه ماشاء الله
من بدايه التداول
قال السلام عليكم
سوى لمت اب وسكر
وقال مع السلامه
قالت السلام عليكم وصفقت الباب وراها

[Ahmed Eweida]

اعمااال :playball:

[دينالي]

ازدان تقولكم الوعد بعد الساعه 11

اعتقد ازدان فيها تجميع من فتره بس الله العالم الهامور جمع كل الكمية ولا باقي

[الـخـور]

شباب بروه تتوقعون ين يستقر السعر .. تحسفت ماشريت :(

[Abu-khalid]

شباب بروه تتوقعون ين يستقر السعر .. تحسفت ماشريت :(

راح صوتي وانا اقول النداء الاخيرررر النداء الاخير في بروووه اركبووو

[Abu-khalid]

اتمنى استقرار فوق 3

برووه تستاهل سعر سوقي 3 وفوق

لكن بانتظار اعلانها يوم الاربعا 26/7

ان شاء الله نتايجها تساعد في اهداف اعلى واعلى

[كلمة طيبة]

راح صوتي وانا اقول النداء الاخيرررر النداء الاخير في بروووه اركبووو

قول الحمد لله وهذا توفيق من الله.

[Abu-khalid]

قول الحمد لله وهذا توفيق من الله.

الحمدالله دائماً وابداً

اكيد لاشك ياخوي

[Abu-khalid]

اتمنى اتمنى

المؤشر اليوم يغلق فوق 10550

ويبتعد عنها

[احمد77]

مخازن يلا شدي بعد تو الناس اقل شي لمت خمسه ايام

[الـخـور]

راح صوتي وانا اقول النداء الاخيرررر النداء الاخير في بروووه اركبووو

بوخالد قامكو شعلومها متى النداء الاخير مالها ؟؟ شرينا فيها وللحين ننتظر الفجر

[Abu-khalid]

بوخالد قامكو شعلومها متى النداء الاخير مالها ؟؟ شرينا فيها وللحين ننتظر الفجر

والله ياخوي ماتابع الاسهم المختلطه

بس ادخل في الاسهم النقيه

لكن تقدر تشوف تحليلها في قسم التحليل الفني اكيد المحللين مب مقصرين

الله يرزقك ولاتنسى نسبة التنقيه

[Abu-khalid]

دايما وقبل نهاية السنه

حاولو اذا دخلتو في اسهم المضاربيه والي مالها اي توزيع ولا ارباح جيده

تدخلون وتطلعون سريع سريع خاصه مع نهاية العام

واذا انشغلت حاول تبيع وتتمركز في اسهم ذات عوائد يعني توزع ارباح

مثل هالاسهم لو نسيت التداول وانشغلت حتى لو هبطت في النهايه في توزيع اخر السنه

اما الاسهم المضاربيه صحيح في منها جيد وتحقق لك ربح اعلى ممكن من انك تكون مستثمر

لكن ممكن تجيبلك خاسره ايضاً كبيره وتتعلق تعليقه قويه

ولاننسى ان العلاقه طرديه بين اي ربح واي مخاطره

كل مارتفعت مخاطرتك ارتفع ربحك

والعكس صحيح

الله يرزقكم

اكيد في موجه مضاربيه لكن اعرف متى تركب ومتى تنزل منها

[Abjalsulaiti]

اتوقع قامكو ينفجر

الالمنيوم مرتفع ومخترق مقاومات

الشركة ماعليها ديون ابدا

[Abjalsulaiti]

الريان قريبا فوق 2.60

اعلانه كان ايجابي بالنسبه لسعره

وتقليل الديون المشكوك فيها شي ممتاز

[Mohammed MM]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

[بحر شرق]

راح صوتي وانا اقول النداء الاخيرررر النداء الاخير في بروووه اركبووو

جزاك الله خير نصحيه من ذهب:app2:

[Abu-khalid]

جزاك الله خير نصحيه من ذهب:app2:

وياك الله يرزقك من واسع فضله انت والجميع

[Abu-khalid]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

حمدالله على السلامه ياخوي
اجر وعافيه ان شاء الله

[كلمة طيبة]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

الحمد لله اجر وعافيه وما عقلبها شر . الله يحفظها

[Mohammed MM]

الله يجزيكم كل خير ويبعد الشر عن احبابكم

[Abjalsulaiti]

ازدان بعد ماخلوا الي عارض فوق يبيع تحت

طلعت الطلبات الضخمه المليونيه

[Abjalsulaiti]

اي 3.50 مليون سهم طلب في ازدان

من زمان ماشفنا شيوخ ازدان يفجرون السهم

[معماري قطري]

السلام عليكم ورحمة الله وبركاته

صبحكم الله بالخير

[QatarOnlines]

السلام عليكم...دعواتكم للوالدة يا اخوان دخلت غرفه العمليات والله يجزيكم كل خير

الله يشفيها يارب ويردها لكم سالمة معافاة ان شاء الله
استودعناها الله

[بو هيا88]

ازدان بعد ماخلوا الي عارض فوق يبيع تحت

طلعت الطلبات الضخمه المليونيه

تهقا السهم فيه خير ؟

[بحر شرق]

الله يجزيكم كل خير ويبعد الشر عن احبابكم

امين يا رب ويخلي ويحفظ الوالده

[معماري قطري]

بروة حركت الأسهم الراكدة بس بعضها حركتها وراها جني أرباح سريع خلال نفس الجلسة مثل السلام ارتفع ورجع يتراجع ومزايا البيع طغى

[Abjalsulaiti]

جني ارباح بنفس الجلسه اتوقع 11.30 وبعد الاسهم ترجع تولع زياده

[Abjalsulaiti]

ركزوا على بنك الريان

اختراق 2.50 بيولع

[Abu-khalid]

بروة حركت الأسهم الراكدة بس بعضها حركتها وراها جني أرباح سريع خلال نفس الجلسة مثل السلام ارتفع ورجع يتراجع ومزايا البيع طغى


عن نفسي اشوف كثير اسهم فتحت على فجوات

وطبعا اشوف قدامنا 10550 حولها منطقه قويه في المؤشر لو اخترقها حلو

لكن لو صححت الاسهم قبل اختراقها واغلقت فجوات وعقب اخترقنا 10550

بيكووون شي اطيب واطيب

لكن يعتمد ع الشاري والبايع شنو يتفقون

[Abjalsulaiti]

شيخ ازدان صااامل

[SOKRAB]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

حمد لله على سلامة الوالدة وربنا يواليها بالعافية ويتتم لها الشفاء التام.

[Abjalsulaiti]

عن نفسي اشوف كثير اسهم فتحت على فجوات

وطبعا اشوف قدامنا 10550 حولها منطقه قويه في المؤشر لو اخترقها حلو

لكن لو صححت الاسهم قبل اختراقها واغلقت فجوات وعقب اخترقنا 10550

بيكووون شي اطيب واطيب

لكن يعتمد ع الشاري والبايع شنو يتفقون

مافي اسهم فتحت على فجوات غير بروه بسبب الخبر الخشن

[qatar.1995]

الوالده طلعت من العمليات ...شكرا جزيلا لدعائكم وكلماتم الطيبه يا اخوان


الله يخليه لكم

[معماري قطري]

عن نفسي اشوف كثير اسهم فتحت على فجوات

وطبعا اشوف قدامنا 10550 حولها منطقه قويه في المؤشر لو اخترقها حلو

لكن لو صححت الاسهم قبل اختراقها واغلقت فجوات وعقب اخترقنا 10550

بيكووون شي اطيب واطيب

لكن يعتمد ع الشاري والبايع شنو يتفقون

بإذن الله خير ونصف سنة ثاني يكون غير صامدين ومعبين في الأسهم استثماري ومضاربي ما خلينا شيء

[دينالي]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

الحمدلله على سلامتها

[معماري قطري]

الوالده طلعت من العمليات ...شكرا جزيلا لدعائكم وكلماتم الطيبه يا اخوان

الله يشافيها ويعافيها ويتمم عليها الصحة ويا رب كل مرضانا ومرضى المسلمين

[بو هيا88]

يا خوان
في اي سهم ترشحونه الحين للدخول

[بحر شرق]

ازدان الى1.2

[Abu-khalid]

مافي اسهم فتحت على فجوات غير بروه بسبب الخبر الخشن

قطر وعمان
الاسلاميه للتامين
الاجاره
اعمال
السلام
مزايا

وخليج التكافلي

واكيد بروه مع الخبر

[.:: القيصر ::.]

عرض قطر و عمان يخوف

بس على هالعرض و مب راضي ينزل

ممممم


معناته اذا تحول العرض طلب شنو بيكون الهدف للسهم !


:polling:

:playball:

[بوجبر]

الطبية تكسر الخاطر

[adell]

الطبية تكسر الخاطر

اذا السوق استمر بالارتفاع لها جوله اخري ممكن من بكره او بعده لل 31 ل37 والله اعلم المهم ما تكسر 21

[mohamed9933]

اذا السوق استمر بالارتفاع لها جوله اخري ممكن من بكره او بعده لل 31 ل37 والله اعلم المهم ما تكسر 21


تم البيع بخسارة والحمد لله على المكتوب
توقيت دخولي كان غلط

[adell]

مفروض مزايا تغلق اليوم اذا مو لمت اب 8.90

[Abu-khalid]

عن نفسي اشوف كثير اسهم فتحت على فجوات

وطبعا اشوف قدامنا 10550 حولها منطقه قويه في المؤشر لو اخترقها حلو

لكن لو صححت الاسهم قبل اختراقها واغلقت فجوات وعقب اخترقنا 10550

بيكووون شي اطيب واطيب

لكن يعتمد ع الشاري والبايع شنو يتفقون

تصحيح سريع سريع يغلق بعض الفجوات وياخذ سيوله اكبر ومضاربين اكبر

وبعون الله نخترق 10550 حولها وحوليها

ونشوف باذن الله اهداف طيبه

وباذن الله مانشوف اسهم تحت 1 رييييال

لكن الصبر مفتاح الفرج ان شاء الله

واركبو الموجه حبه حبه

[بحر شرق]

تم البيع بخسارة والحمد لله على المكتوب
توقيت دخولي كان غلط

السهم ما كسر الدعم المهم وكان لازم يريح شوي قبل الجوله القادمه راح تشوف السه يحلق عند 3

[Abu-khalid]

باقي ساعه تداول

اتمنى اشوف لين نهاية التداول سيوله اعلى من 500 مليون


اوووو حولها مب مشكله راضي 400 وشوي مليون

ليش ؟ اتمنى السيوله


لان السيوله بتجيب سيوله
وبنخترق ممكن هالاسبوع 10550 باذن الله بسيوله فوق 500 مليوووون

تخلي التداول عسل ويحمس الواحد يشتري ويبيع

[alkaldi]

الطبية تكسر الخاطر
سهم كفى ووفى
بيض الله وجهه الصانع

[alkaldi]

تهقا السهم فيه خير ؟

فيه خير ان شاء الله
بس مازال ما زال ما زال
متى الله اعلم
ان شاء الله نشوف منه الخير قريب

[qatar.1995]

مفروض مزايا تغلق اليوم اذا مو لمت اب 8.90

الواقع شيقول

[Abjalsulaiti]

قامكو اختراق 1.30 انفجار

الريان 2.50 انفجار

ازدان 1.20 انفجار

مخازن 3.50 انفجار

فالكم الانفجارات للاعلى

[adell]

الواقع شيقول

المفروض شي الواقع شي اخر هههه

[بحر شرق]

قامكو اختراق 1.30 انفجار

الريان 2.50 انفجار

ازدان 1.20 انفجار

مخازن 3.50 انفجار

فالكم الانفجارات للاعلى

وبروه رايك تكمل لمت اب بكره

[احمد77]

قامكو اختراق 1.30 انفجار

الريان 2.50 انفجار

ازدان 1.20 انفجار

مخازن 3.50 انفجار

فالكم الانفجارات للاعلى
نبي المخازن هرمنـــ. ـنا

[adell]

السلام المفروض يرجع فوق 8.10

[adell]

الظاهر الطبيه بلشت الجوله الاخري المفروض بكره او بعده

[adell]

اتمني حتي اذا مفروض واحد من المفروضات تحصل

[Abjalsulaiti]

الطبيه محافظ على الترند

اغلاق اخضر اليوم بيشعلل وبيرجعون له المضاربين

واتوقع انهم يجمعون تحت 1%

[Abu-khalid]

اقتربنااا من تداول 400 مليون

مع الاغلاق لو وصلنا 400 وشوي مليون

حلوييين والله

شوي شوي نبي سيوله عالييه تفتح النفس

[mohamed9933]

السهم ما كسر الدعم المهم وكان لازم يريح شوي قبل الجوله القادمه راح تشوف السه يحلق عند 3

الله يوفق ملاكه بس بعتها والله لحاجة والحمدلله

[SOKRAB]

رش كثيف في ودام

[.:: القيصر ::.]

عرض قطر و عمان يخوف

بس على هالعرض و مب راضي ينزل

ممممم


معناته اذا تحول العرض طلب شنو بيكون الهدف للسهم !


:polling:

:playball:

نتابع

[.:: القيصر ::.]

عرض قطر و عمان يخوف

بس على هالعرض و مب راضي ينزل

ممممم


معناته اذا تحول العرض طلب شنو بيكون الهدف للسهم !


:polling:

:playball:


نتابع

بووووووووووم



الحمدلله

[adell]

مشاء الله قطر وعمان الوحيد ال عمل ال مش مفروض هههه الله يبارك لهم

[الاسطوره]

صارت يالقيصر في قطر وعمان

[بحر شرق]

اغلاق انماء 5 بشرى

[Abu-khalid]

ياخي سهم ودام على كثر مايخوف على كثر ماحبه هالسهم

اتابعه وافكر ارجع له بس للحين خل ينزل شوي بعد

اتمنى يغلق فجواته كان مسوي اكثر من فجوووه

واعود له مع اغلاق الفجوات

لكن شي طيب لو هبط الحين واغلق الفجوات وعقبها اعلنو اعلان طيب في بيانات النصف سنويه

بتدعم السهم على الاقل يأسس دعم قوي

[adell]

السلام بيلحق قطر وعمان ع الاقل يجيب 8.10

[.:: القيصر ::.]

صارت يالقيصر في قطر وعمان

الحمدلله





اللهم زد و بارك

[Abu-khalid]

فنان يالقيصرررر

لو اشتري بالاسهم المختلطه جان طبيت معاكم

الله يرزقكم ولاتنسووون التنقيه

[.:: القيصر ::.]

فنان يالقيصرررر

لو اشتري بالاسهم المختلطه جان طبيت معاكم

الله يرزقكم ولاتنسووون التنقيه

الله يجزاك خير

و يعوضك اضعاف اضعاف

و جزاك الله خير على التذكير

[أبو الطيب 4]

طيب ما تفسير لمت اب قطر وعمان؟

[بوNasser]

فنان يالقيصرررر

لو اشتري بالاسهم المختلطه جان طبيت معاكم

الله يرزقكم ولاتنسووون التنقيه

الله يجزاك خير ويرزقك الحلال الطيب ويبارك في مالك.

[مضارب دوسري]

الحمدلله رب العالمين
كان يوم تداول جميل ولطيف ولله الحمد

واغلاق جميل فوق المقاومه وفتح المجال صوووب ال10800 وما فوقها

[qatar 86]

الحمدلله رب العالمين
كان يوم تداول جميل ولطيف ولله الحمد

واغلاق جميل فوق المقاومه وفتح المجال صوووب ال10800 وما فوقها

أنت شسويت في شنو دخلت

[qatar 86]

أنا هببت والله يستر علي باجر ههههههههههههههه

[مضارب دوسري]

أنت شسويت في شنو دخلت

تنقلات ولعب بو 3 %
انت ما تحب هاللعب تبي لمتات بس

[qatar 86]

تنقلات ولعب بو 3 %
انت ما تحب هاللعب تبي لمتات بس

باجر راضي بلمت واحد مابي أكثر

مب شرط 10 راضي 9 %

[مضارب دوسري]

باجر راضي بلمت واحد مابي أكثر

مب شرط 10 راضي 9 %

انا مع مقولة 3% لكامل المحفظه
افضل من لمت اب لجزء من المحفظه

بس اذا صارت وصار لمت اب لكامل المحفظه هذي يبيلها استراحه بعد الصفقه اسبوع هههه

[الاسطوره]

انا مع مقولة 3% لكامل المحفظه
افضل من لمت اب لجزء من المحفظه

بس اذا صارت وصار لمت اب لكامل المحفظه هذي يبيلها استراحه بعد الصفقه اسبوع هههه

كلام كبير بومحمد عاد خلك متواجد في الجلسة


تواجدك انت والقيصر يشجعنا ولا قصور في باقي الشباب

[مضارب دوسري]

كلام كبير بومحمد عاد خلك متواجد في الجلسة


تواجدك انت والقيصر يشجعنا ولا قصور في باقي الشباب

الامور طيبه ياخوي الاسطوره

وقت الارتفاعات الربح سهل والتنقل سهل