خبراء قراوت (ترويبة) مابي الإيطالية .. ساعدوني

[أي أسم]

السلام عليكم ورحمة الله وبركاته

ركبنا بورسلان جديد في الصالات والمداخل والممرات ، وإشترينا قراوت (ترويبة) مابي الإيطالية بعد ما قرأت في المنتدى إنها أفضل نوع،
لكن للإسف بعد إنتهاء العمال صارالقراوت يتكسر وصار فيه فراغات ولما نمسح بالماء يسود، جبناهم مرة ثانية لكن حصل نفس الشيء،
كلمنا محل القراوت، قال الأسباب كثيرة ممكن من سرعة خلاط القراوت أو مخلوط مع ماء كثير.... الخ
الحاصل الآن إن حتى الأثاث مش قادرين نرجعه بسبب القراوت شكله بشع مع إن البورسلان غالي وحجمه كبير لكن الخطوط مخربة المنظر.
ساعدوني يا إخوان ، إللي يعرف عامل ثقة وعنده ضمير ومجرب وشغله نظيف جدا يعطيني رقمه ، مع أفضل نوع قراوت مجرب ولا يتغير لونه .

[معماري قطري]

هذي مادة الله يسلمك تنخلط بمقادير ما تزيد عنها ولا تقل ولها طريقة تركيب خاصة تسأل عنها البايع المختص ولازم تودي أي مبلط ياخذ الطريقة والمقادير من عندهم .. وهذا ينطبق على أي مادة

انا مركب باوصل 20 سنة قريب وصلت 18 ولله الحمد بلا مشاكل ولا حتى كراك بسيط في القراوت وحتى ما أشرفت على كل شيء شفت شوي وخلاص

لو تبغي فيه الايبوكسي أغلى ومادة الخلط معاه تجي سائل خاص بس هذا بعد يتركب وبسرعة ينمسح لأن لو لصق ما يقوم جدامك حدود معينة يمكن ربع ساعة .. ولو تسويه بلزقة من الصوبين وفتحة البلاط في الوسط غير يكون أضمن تشيل اللزقة ويبين الخط سيدة .. الإيبوكسي عند شركات وايد منها العمودي بس الوان محدودة ومنها مابي بعد ومنها سيكا

الله يوفقك ويعينك

[معماري قطري]

أحد الإخوان خذ منهم عازل اسمنتي لأحواض سقي الإبل في البر وفي الشمس بس خذ الطريقة صح وسوى الخلطة وإشتغلها بعامل بسيط ومشت معاه وإن شاء الله تكون ماشية للآن ووفر وايد لأن الأحواض كبيرة وتسرب ماي

هذا فيديو للشغل


https://www.youtube.com/shorts/DbyioEFd4mc

[معماري قطري]

وهذا فيديو ثاني .. حتى خلط الإسمنت للمونة الإسمنتية بعضهم ما يعرفون ويزيدون الماي وتضعف وتتكسر كل شيء له أُصول شغل


https://www.youtube.com/shorts/sp-sKHshqxg

[معماري قطري]

بعد لإزاية القديم عندهم قطعة حادة تزيل بسهولة وعندك بعد فيه مواد كيميكل تنصب بحذر على القراوت القديم وتستوي ازالته سهلة في دقايق لو معمول غلط ولازم يزال .. بس مهم الإلتزام بتعليمات مصنع المنتج لكل مادة

[سعود.]

الي اخبره كيس القراوت تجي عليه تعليمات الخلط ( نسبة الماء )

[أي أسم]

الأخوان (معماري قطر) و(سعود) مشكورين على التجاوب والمعلومات القيمة، المشكلة في الشخص إللي ينفذ وأنا مستحيل أوقف مع العمال .
إللي نفذوا عندنا شركة صيانة عندهم موقع ودايما يحطون صور شغلهم وإعلاناتهم كثيرة .. الله يسامحهم.

[معماري قطري]

الأخوان (معماري قطر) و(سعود) مشكورين على التجاوب والمعلومات القيمة، المشكلة في الشخص إللي ينفذ وأنا مستحيل أوقف مع العمال .
إللي نفذوا عندنا شركة صيانة عندهم موقع ودايما يحطون صور شغلهم وإعلاناتهم كثيرة .. الله يسامحهم.

حياك الله وجزاك الله خير ما سوينا شيء انا وسعود اخوان في البنيان .. بس سعود ما استحمل ضغط رسايل قروب البناء والتصميم هههه وشرد 100 - 200 رسالة يومياً

[معماري قطري]

بخصوص الشركات لا تغتر تحصل شغلهم حدهم اسمنت وتعرفوا على الإسمنت الأبيض في قطر والمقصود البعض أكيد

[سعود.]

حياك الله وجزاك الله خير ما سوينا شيء انا وسعود اخوان في البنيان .. بس سعود ما استحمل ضغط رسايل قروب البناء والتصميم هههه وشرد 100 - 200 رسالة يومياً

هههههههههههههه

والله اتشرف فيكم بس اغلبه معلومات هندسية بحته مخي ما يفقها

[معماري قطري]

هههههههههههههه

والله اتشرف فيكم بس اغلبه معلومات هندسية بحته مخي ما يفقها

صادق والله