شسالفة الأجانب يبندون ليتات سياراتهم في الطريق وهم يسوقون؟

[معماري قطري]

صبحكم الله بالخير

الظاهرة في إنتشار غريب كلش ولا ليت حتى اللي يسمونها الانارة النهارية ما لها وجود وأظن بسبب قدم السيارات

شفيهم المرور مغمضين هشكل كم مرة أتفاجأ بواحد لاصق فيني ومبند الليتات .. تفسيري إنهم يحسبون السيارة ما تصرف بترول وايد .. شرايكم؟

[عايش فرحان]

في 2009 ركبت تكسي في القاهرة في الليل.

لاحظت ان سواق التكسي اذا و صلنا الى شارع فيه اعمدة انارة طفى ليتات الموتر واذا مشينا في شارع مافيه انارة شغلها.

سالته ليش تطفي و تشغل الليتات كل شوي .. قال لي: علشان العمر الافتراضي لليتات و الاصطابات يزيد و ما احتاج الى تبديلها بسرعة!

اياً كان السبب يجب على المرور توعيتهم و مخالفتهم لانه خطر على الجميع.

[Rider]

صبحكم الله بالخير

الظاهرة في إنتشار غريب كلش ولا ليت حتى اللي يسمونها الانارة النهارية ما لها وجود وأظن بسبب قدم السيارات

شفيهم المرور مغمضين هشكل كم مرة أتفاجأ بواحد لاصق فيني ومبند الليتات .. تفسيري إنهم يحسبون السيارة ما تصرف بترول وايد .. شرايكم؟

الحمد السلامه اخوي معماري غايب من فترة فعلا انا لاحظت هالشي يمشي ومطفي الليتات الظاهر الاخ يفكر بيدفع فاتورة كهرباء وماي هههههههه يارجال البعض مايدري وين الله حاشره مثل سواقتهم التعبانه هو يشوف ليتات الطبلون مولعه يفكر الليت شغل

[SouthK]

سؤالك جوابه من جزئين
الاول هي لعانة السايق و تخلّفه العقلي لأنه ما له رادع و عندنا قوانين ماعطته فوق اللي يستحقه و تضمن له مطلق الحرية حتى لو كانت بكسر القوانين إلا لو شافته الشرطة اللي غالبا ما راح يخالفونه و السبب مجهول!
و الجزء الثاني ان المرور راقدين و أكبر همهم الشباب و صوت السيارات!

الحل إما انك تسوي مثله أو تتكلم عن اللي شفته و في الحالتين ما في شيء بيتغير!

[سعود.]

اتوقع انه فهاوه من السائق

[توشيبا]

من قوه النظر عندهم حتى في الليل يشوفك كانه في النهار

[معماري قطري]

في 2009 ركبت تكسي في القاهرة في الليل.

لاحظت ان سواق التكسي اذا و صلنا الى شارع فيه اعمدة انارة طفى ليتات الموتر واذا مشينا في شارع مافيه انارة شغلها.

سالته ليش تطفي و تشغل الليتات كل شوي .. قال لي: علشان العمر الافتراضي لليتات و الاصطابات يزيد و ما احتاج الى تبديلها بسرعة!

اياً كان السبب يجب على المرور توعيتهم و مخالفتهم لانه خطر على الجميع.

جهل وغباء يا اخوي وسذاجة وبنفس الوقت عندنا قوانين كثيرة ما تطبق وتكون خطرة على المجتمع مب بس خطرة مميتة في حالات كثيرة .. من أيام باطلع من البيت في الليل واحد مار جدام الباب مسرع وسيارته هيلوكس جديدة ولا ليت مولع شيء غريب

[معماري قطري]

من قوه النظر عندهم حتى في الليل يشوفك كانه في النهار

ويمشون كأنهم سلاحف .. ناقصين رقابة جيدة وألحين بالكاميرات يقدرون يطلعون المخالفين طول سنة راحت ويخالفونهم بس مساكين أجانب يسترزقون وإحتمال يقتنعون بوجهة نظرهم ويسمحون لهم يسوونه قانون

[معماري قطري]

اتوقع انه فهاوه من السائق

السائق عليه يلتزم بالقوانين ناسي والا مهمل اهماله ممكن يؤدي لكارثة .. بعضهم يقطع من اليمين لليسار ومن اليسار لليمين بشكل قطري وببلادة هذا لازم يحاسب والكاميرات تسهل كل شيء

[معماري قطري]

سؤالك جوابه من جزئين
الاول هي لعانة السايق و تخلّفه العقلي لأنه ما له رادع و عندنا قوانين ماعطته فوق اللي يستحقه و تضمن له مطلق الحرية حتى لو كانت بكسر القوانين إلا لو شافته الشرطة اللي غالبا ما راح يخالفونه و السبب مجهول!
و الجزء الثاني ان المرور راقدين و أكبر همهم الشباب و صوت السيارات!

الحل إما انك تسوي مثله أو تتكلم عن اللي شفته و في الحالتين ما في شيء بيتغير!

يستحيل اني أسوي مثله وأوصل لهذا الجهل ولو أشوف سواقي يسوي بامنعه .. تحليلك للشرطة عندنا صحيح والمفروض حتى المتقاعدين لهم الحق في توقيف ومخالفة اللي يقدمون على هذا العمل الغير حضاري .. وهذا مطبق في دول كثيرة شرطة وضباط أمن من كل الجهات بالإضافة لشغلهم عندهم دفتر مخالفات ودورات بسيطة وتعليمات لتطبيق القانون .. بعض السيارات ما فيها ليتات صالحة خير شر ولا لها رخصة وسنين طويلة تمشي بالبركة

[معماري قطري]

الحمد السلامه اخوي معماري غايب من فترة فعلا انا لاحظت هالشي يمشي ومطفي الليتات الظاهر الاخ يفكر بيدفع فاتورة كهرباء وماي هههههههه يارجال البعض مايدري وين الله حاشره مثل سواقتهم التعبانه هو يشوف ليتات الطبلون مولعه يفكر الليت شغل

الله يسلمك يالشيخ .. موجود بس ما امر العام الا قليل .. متوقع فكرتهم يوفرون البترول .. تدري في أمريكا كنا في بداية دراستنا في واشنطن الولاية غير عن واشنطن دي سي العاصمة وهذي كانت شمال غرب أمريكا وفيها قانون هو لازم تولع ليتات سيارتك لين تطلع الشمس نص ساعة وقبل لتغيب بنص ساعة بعد .. فترة خطرة الرؤية فيها تضعف .. هذا غير عن الضباب ووقت المطر لازم الليتات مولعة ولو خالفت مشكلتك مشكلة .. بعدين ابتكروا الانارة النهارية اللي كله والعة وهذا ابتكار أمريكي مشى عليه العالم ألحين حتى تبين السيارات

اللي مستغرب منه أكثر حتى الإنارة النهارية في بعض السيارات الجديدة مطفية عند الهنود والفلبينيين وهذي خطرها كبير وتهور كبير في الشارع مثل اللي يستهتر ويسرع بدون سنع ويتلصق في سيارات الناس

[معماري قطري]

توني راجع البيت الا هذا طالع جدامي يمشي بطيء وكان وايد أبطأ ولا ليت مولع ويلفلف يقرب من الرصيف كأنه سكران

صراحة بلادنا استوت شوارعها سيئة للغاية ولا حسيب ولا رقيب

https://i.imgur.com/NRN2Oxy.jpg

صورة أقرب سيارتي تمشي 36 وراه وكنت حول ال 30 أمشي ليطلبوني للتحقيق ليش اصور وانا اسوق ويتناسون هالأشكال .. انا على هالسرعة كنت أقدر انزل اركض أقول له تحرك وارجع لسيارتي

https://i.imgur.com/0HxG3EE.jpg

[Rider]

توني راجع البيت الا هذا طالع جدامي يمشي بطيء وكان وايد أبطأ ولا ليت مولع ويلفلف يقرب من الرصيف كأنه سكران

صراحة بلادنا استوت شوارعها سيئة للغاية ولا حسيب ولا رقيب

https://i.imgur.com/NRN2Oxy.jpg

صورة أقرب سيارتي تمشي 36 وراه وكنت حول ال 30 أمشي ليطلبوني للتحقيق ليش اصور وانا اسوق ويتناسون هالأشكال .. انا على هالسرعة كنت أقدر انزل اركض أقول له تحرك وارجع لسيارتي

https://i.imgur.com/0HxG3EE.jpg



مشكلة ياخوي سلاحف الشوارع مالها حل غير مخالفاتهم الكثيره وعدم فهمهم قوانين المرور مدارس السواقه همهم الكسب المادي غير المدربين لي يعلمون السواقة يعلمونه غلط المرور يفتح عينه على شي ويصكر الثانيه عن الشي الاهم

[معماري قطري]

مشكلة ياخوي سلاحف الشوارع مالها حل غير مخالفاتهم الكثيره وعدم فهمهم قوانين المرور مدارس السواقه همهم الكسب المادي غير المدربين لي يعلمون السواقة يعلمونه غلط المرور يفتح عينه على شي ويصكر الثانيه عن الشي الاهم

والله نتمنى رسالتنا توصلهم .. أحد عيال عمي ضابط مرور بس مخه يبي له تبديل ما يشتغل مروري ولا قانوني كلش .. إذا ركبت معاه يلف لفة كبيرة ومسرع يعني عادي يدخل مسار اللي مقابله .. ما يتحزم يقول الحزام يقص الرقبة وقت الحادث .. على طريق سلوى جاي انا مسرع وهو معاي وبندخل شارع فرعي اللي فيه لازم يوقف وجدامه مطب واشارة قف قال لي وقف ليدعمك والحق عليك يطلع .. شلون فسر لي ترجم لي حتى ربعه يوم قلت لهم السالفة عارضوه لا وهذا يختبر سواقة الناس وكله يسقط يطلعون عنه ينجحون

هذيلا اللي في الفرجان عادي يطلعون الشارع العام ولا يهمهم بس صعب أصور في الشارع العام وبسرعة أعلى

[sara jsm]

.. أحد عيال عمي ضابط مرور بس مخه يبي له تبديل ما يشتغل مروري ولا قانوني كلش .. إذا ركبت معاه يلف لفة كبيرة ومسرع يعني عادي يدخل مسار اللي مقابله .. ما يتحزم يقول الحزام يقص الرقبة وقت الحادث .. على طريق سلوى جاي انا مسرع وهو معاي وبندخل شارع فرعي اللي فيه لازم يوقف وجدامه مطب واشارة قف قال لي وقف ليدعمك والحق عليك يطلع .. شلون فسر لي ترجم لي حتى ربعه يوم قلت لهم السالفة عارضوه لا وهذا يختبر سواقة الناس وكله يسقط يطلعون عنه ينجحون


شيء يفشل والله .. ان شاءالله يشلونه من مكانه ولا يتقاعد اذا محد يحاسبه ..
هذا قاعد ينشر سفاحين في الشوارع ب اهماله .. شنو هالبشر !!!!!
اشلون محلل معاشه !! لاحول ولاقوة الا بالله ..

:

مخالفه السير بدون تشغل الليتات عليها غرامة 500 ريال
يبي له يتطبق القانون ويتفعل لان السالفه امصخت ..

[سالم الزهران]

صباح الخير خيو حمد
مره علقت الهرن على واحد لين احترق واحد من الهرنات
والحل يبو عبد الله تشتري لك سييرا غمارة و تتركب دعامية أمامية. هرن قوي حده.. واستمتع استمتع.. دفهم دف و اذا ركبته الرصيف روح وخل الربع يباشرون ذيج الحزة.

[معماري قطري]

شيء يفشل والله .. ان شاءالله يشلونه من مكانه ولا يتقاعد اذا محد يحاسبه ..
هذا قاعد ينشر سفاحين في الشوارع ب اهماله .. شنو هالبشر !!!!!
اشلون محلل معاشه !! لاحول ولاقوة الا بالله ..

:

مخالفه السير بدون تشغل الليتات عليها غرامة 500 ريال
يبي له يتطبق القانون ويتفعل لان السالفه امصخت ..

زين غيروا مكانه بالكامل بس شعقبه سنين وهو في المرور

[معماري قطري]

صباح الخير خيو حمد
مره علقت الهرن على واحد لين احترق واحد من الهرنات
والحل يبو عبد الله تشتري لك سييرا غمارة و تتركب دعامية أمامية. هرن قوي حده.. واستمتع استمتع.. دفهم دف و اذا ركبته الرصيف روح وخل الربع يباشرون ذيج الحزة.

صباح الأنوار يا أطيب الزوار

هذي الطريقة الله يسلمك تضيع مستقبلك .. شرطتنا عاطفيين وخصوصاً مع الأجنبي المسكين المغلوب على أمره بيطلعون كاميرات قريبة وبيحطون الأدلة كلها ضدك وبيحولونك تحقيق وسجن قبل المحاكمة وسالفة طويلة وهو يمكن يكرمونه وأقصى حد المخالفة المعروفة 500 ريال ويدفع نصها لو دفع بسرعة

[معماري قطري]

اليوم في فيلاجيو واحد واقف على الرصيف من صوب رامب نزول العربات وسيارة أجنبي ( مسكين ) وواحد بعد مبند الليتات على نفس الشارع بس كان شكله توه طالع استوعب وولعهم مع إن السيارات ألحين غالبهم ليتاتهم تماتيك تشتغل بروحها

[Rider]

فعلا ياخوي معماري امس شفت ثلاث سيارات مطفين الليتات يادارة المرور شوفوا لنا هالموضوع

[معماري قطري]

فعلا ياخوي معماري امس شفت ثلاث سيارات مطفين الليتات يادارة المرور شوفوا لنا هالموضوع

يومياً الله يسلمك .. وبعضهم ما تشتغل بسبب الاهمال وقلة الصيانة ومحترقة ليتاتها .. هذا لين دعم سيارة ثانية ما يسوون له شيء يقولون سامحوه ولا عندنا سند قانوني .. صارت معانا قبل وخذ السايق رقمه وراح اشتكى قالوا هذا استمارته منتهية وعليه شكاوي وايد ومخالفات .. زين انتوا ششغلكم؟

[مضارب جديد]

كنت استغرب من القرنبعات الي تمشي في الشارع
الى ان تبين وجود فساد بالمرور وشركة سرية للفحص الفني ترخص القرنبعات
في قضية الفساد المشهورة

الحمدلله هذه الظاهرة اختفت الآن

باقي شيء واحد

السيارات الي تلوث الجو بالدخان الاسود
هذي طبعا جريمة قانونية بدون اي التفات من الداخلية

نتمنى من وزيرنا الشاب ان يخلصنا منها مثل ما خلصنا من فساد محلات المساج

[معماري قطري]

كنت استغرب من القرنبعات الي تمشي في الشارع
الى ان تبين وجود فساد بالمرور وشركة سرية للفحص الفني ترخص القرنبعات
في قضية الفساد المشهورة

الحمدلله هذه الظاهرة اختفت الآن

باقي شيء واحد

السيارات الي تلوث الجو بالدخان الاسود
هذي طبعا جريمة قانونية بدون اي التفات من الداخلية

نتمنى من وزيرنا الشاب ان يخلصنا منها مثل ما خلصنا من فساد محلات المساج

السيارات للحين ما يبون يتعبون وراها هم المهملة ركزوا عليها بس علشان كاس العالم .. أمس والله على شارع الوعب أشوف واحد مبند ليتاته سيارته هوندا نظيفة وتقريباً ما لها سنتين المفروض ليتاتها شغالة .. أظن حتى النهارية فاصلينها .. متأكد عندهم قناعة إنهم يوفرون البترول والمشكلة الأمسي كانت سواقته غريبة صج يمشي بالعدال بس يقترب وايد من السيارة اللي جدامه شوي بيحتك فيها

الشارع كله كاميرات يوم بلغت على اللي يحفص فيه وهو شايل الأرقام طلعوه خلال يومين يمكن لأنه قطري مستمتع بعرس رفيجه وربعه اللي مسوين عليه دائرة مغلقة مفضين الساحة له مع التحقيقات علموا عنه .. بس ذيلا بسهولة يشوفونهم بالكاميرات وضروري الكاميرات الأمنية حتى تتواجد في فرجاننا .. ثرى قطر صغيرة وسهلة السيطرة الأمنية عليها .. باشوف بكرة لو حصلت فرصة باحاول أكلم المرور الصبح الموضوع ماصخ استوى

[النهار]

من قوه النظر عندهم حتى في الليل يشوفك كانه في النهار

:sorry::sorry::sorry:

راحوا قيها الي يطفون الليتات :nice: وحده على الطاير :court:

[معماري قطري]

:sorry::sorry::sorry:

راحوا قيها الي يطفون الليتات :nice: وحده على الطاير :court:

توشيبا عينه باردة بس صج كله حوادث بسبب هالسواقة التعيسة .. انت شفت كاتب في النهار حسيت إنه يناديك

[معماري قطري]

من شوي عامل التوصيلات على دراجة نارية محترق الليت الجدامي كلش ما يبين زين ما طلعت جدامه كان بيكون حادث مميت

[Rider]

من شوي عامل التوصيلات على دراجة نارية محترق الليت الجدامي كلش ما يبين زين ما طلعت جدامه كان بيكون حادث مميت

اخوي معماري الحين شوف بعد تطبيق الرادار الخاص بالحزم والجوال بتشوف شي جديد بيطلع لك بتحصل عيونهم فوق يدورن على الرادار

[سعود.]

اخوي معماري الحين شوف بعد تطبيق الرادار الخاص بالحزم والجوال بتشوف شي جديد بيطلع لك بتحصل عيونهم فوق يدورن على الرادار

الحين الي جنب السائق ( العبري ) هل عليه مخالفه حزام ؟؟؟

من يعرف !!!

[توشيبا]

:sorry::sorry::sorry:

راحوا قيها الي يطفون الليتات :nice: وحده على الطاير :court:

يدور حرش :whistling:

[توشيبا]

توشيبا عينه باردة بس صج كله حوادث بسبب هالسواقة التعيسة .. انت شفت كاتب في النهار حسيت إنه يناديك

على باله اني بنافسه في سبايك الذهب اللي يحوش عليها كل اسبوع

مايعرف نظام مزيون ومديون :sorry:

[توشيبا]

الحين الي جنب السائق ( العبري ) هل عليه مخالفه حزام ؟؟؟

من يعرف !!!

اكيد عليه مخالفه اذا السائق يعطونه مخالفه عشان سلامته

[معماري قطري]

اخوي معماري الحين شوف بعد تطبيق الرادار الخاص بالحزم والجوال بتشوف شي جديد بيطلع لك بتحصل عيونهم فوق يدورن على الرادار

وبيكون ما له خص في الليتات وفي حالة السيارة ورخصتها .. بعضهم ماشين بالبركة حتى بريك ما تمسك سياراتهم

[معماري قطري]

الحين الي جنب السائق ( العبري ) هل عليه مخالفه حزام ؟؟؟

من يعرف !!!

في ألمانيا حتى اللي قاعدين وراء ويا ليت يتطبق عندنا .. انا مستحيل يصيدوني بدون حزام يمكن بارجع ريوس في البيت اتحزم مع إني مب سواق مثالي كلش سواقتي فيها اجرام سرعة أوقات

[سعود.]

اكيد عليه مخالفه اذا السائق يعطونه مخالفه عشان سلامته


في ألمانيا حتى اللي قاعدين وراء ويا ليت يتطبق عندنا .. انا مستحيل يصيدوني بدون حزام يمكن بارجع ريوس في البيت اتحزم مع إني مب سواق مثالي كلش سواقتي فيها اجرام سرعة أوقات


شكرا لكم .

[معماري قطري]

شكرا لكم .

العفو .. الغريب الكاميرات حاطينها زينة لها سنين .. المفروض تفعيلها أول بأول والمفروض قائمة مخالفاتها شاملة مب بس الحزام والتلفون .. زين ربعنا اللي يبندون الليتات هذيلا شبتسوون فيهم واللي ليتاتهم محروقة وخربانة ولها سنين على هالحال والسيارات اللي ما مرت على الفحص ولا ترخصت .. والمفروض قائمة بالسيارات المطلوبة لعدم ترخيصها ولأسباب ثانية وثبوت جدام عارفين السيارة ببلاغ بعد مرورها على الكاميرا يمسكونها هي بنفسها وباص يسحبون فيه المخالفين للتوقيف والعرض على المحكمة لازم صرامة في هالأمور

[sara jsm]

في ألمانيا حتى اللي قاعدين وراء ويا ليت يتطبق عندنا .. انا مستحيل يصيدوني بدون حزام يمكن بارجع ريوس في البيت اتحزم مع إني مب سواق مثالي كلش سواقتي فيها اجرام سرعة أوقات


في المانيا حتى الاطفال لازم يكون لهم كرسي ورى ولا بتتخالف ..
بس زين ذكرتوا موضوع مخالفه العبري .. مشكورين عالتنبيه ..

[معماري قطري]

في المانيا حتى الاطفال لازم يكون لهم كرسي ورى ولا بتتخالف ..
بس زين ذكرتوا موضوع مخالفه العبري .. مشكورين عالتنبيه ..

شكلج كله حزاملس هههههه

كراسي الأطفال حتى هنا القانون يحاسب عليها بس عرقلوه عادي رجعنا نشوف يهال يطلون من فتحة السيارة

[سالم الزهران]

صباح الخير
مشاكل الشوارع الخصها في سوء تخطيط الشارع نفسه و بالنسبة للمواطنين السرعة وبالنسبة للأجانب بالذات الهنود والاسيويين قلة المعرفة بقيادة السيارة وبالأنظمة.

[معماري قطري]

صباح الخير
مشاكل الشوارع الخصها في سوء تخطيط الشارع نفسه و بالنسبة للمواطنين السرعة وبالنسبة للأجانب بالذات الهنود والاسيويين قلة المعرفة بقيادة السيارة وبالأنظمة.

يا اخوي فيهم ربكة غريبة يلفون غلط وتحصله يمشي 50 في شارع 80 وفجأة يصرب بريك ويلفلف كأن فيه تردد .. أمس على طريق دخان أشوف سيارة مبندة الليتات يوم طفته ليتات جدام شغالة وهذا سهل كشفه وإرسال رسالة حتى لو تحذيرية له على جواله وإن كرر يتخالف

[معماري قطري]

في المانيا حتى الاطفال لازم يكون لهم كرسي ورى ولا بتتخالف ..
بس زين ذكرتوا موضوع مخالفه العبري .. مشكورين عالتنبيه ..

انا سمعت عن المعلومة ونقلتها بس مستغرب هالمرة ركبنا تكسي وراء ولا تحزمنا سئلت السواق لو ضروري قال لا .. ومرة ركبنا تكسي ثاني صاح الانذار في سيارته لازم نتحزم وقال تحزموا .. بس قبل سامع عن شرطي خالف ناس قاعدين وراء بدون حزام لكن هالمرة كم تكسي قالوا لنا عادي ولا يشتغل عندهم انذار عدم استعمال الحزام وراء لكن حسب السيارة أوقات يشتغل

[kuwari]

ماشين على البركة ولا يدري وين الله قاطة

[معماري قطري]

ماشين على البركة ولا يدري وين الله قاطة

صادق أمس أشوف كم واحد والله بسهولة تعدهم من كثرتهم كل شوي مر عليك واحد كأنه شبح

[مواقف النجادة]

السؤال الذي يسدح نفسه .. اين ادارة المرور ؟
حسب علمي ان الرادارات الجديدة اللي تخالف عالحزام و استعمال الجوال تستطيع بسهولة مخالفة السواقة بدون انارة لانها تشتمل على مراجعة بشرية من موظف المرور قبل اصدار المخالفة .. فلما لا يتم اضافة هذه المخالفة معهم بالمرة ؟

[سعود.]

السؤال الذي يسدح نفسه .. اين ادارة المرور ؟
حسب علمي ان الرادارات الجديدة اللي تخالف عالحزام و استعمال الجوال تستطيع بسهولة مخالفة السواقة بدون انارة لانها تشتمل على مراجعة بشرية من موظف المرور قبل اصدار المخالفة .. فلما لا يتم اضافة هذه المخالفة معهم بالمرة ؟


بالضبط

[SouthK]

السؤال الذي يسدح نفسه .. اين ادارة المرور ؟
حسب علمي ان الرادارات الجديدة اللي تخالف عالحزام و استعمال الجوال تستطيع بسهولة مخالفة السواقة بدون انارة لانها تشتمل على مراجعة بشرية من موظف المرور قبل اصدار المخالفة .. فلما لا يتم اضافة هذه المخالفة معهم بالمرة ؟

المخرج مش عايز كده!

[معماري قطري]

الخطورة أعلى في حال الليتات مبندة السيارة جنها شبح .. إذا الليتات النهارية اشترطوها للأمان في السيارات الحديثة أستغرب بعض الهنود حتى ذي مبندينها مع إنها ما تبند فاصلينها عينك عينك

[إعلامي قطر]

الخطورة أعلى في حال الليتات مبندة السيارة جنها شبح .. إذا الليتات النهارية اشترطوها للأمان في السيارات الحديثة أستغرب بعض الهنود حتى ذي مبندينها مع إنها ما تبند فاصلينها عينك عينك

معروفين أكثر ناس تسكر الليتات طوال تاريخ البشريه ��
حبايبنا واللهي بس فيه قناعات ماتتغير بسهوله !!

..

[SouthK]

معروفين أكثر ناس تسكر الليتات طوال تاريخ البشريه ï؟½ï؟½
حبايبنا واللهي بس فيه قناعات ماتتغير بسهوله !!

..

القناعة تتغير مع كم غرامة و شخص عنده ذمة ما يتهاون في رصد المخالفة!

[معماري قطري]

أمس شكثر أشوف حتى على الكورنيش لا ويسرع ويتلزق في السيارات .. عاهات عندنا وعيالنا مساكين يستعرض في بطبطة يبرز مواهبه الفنية يعدمونها له مع إن بعض العلل يبي لهم فرم مع سياراتهم

يتراوى لي لين بغى يبيع يقول للمشتري ليتها كلش ما اشتغل ههههههههه

[معماري قطري]

القناعة تتغير مع كم غرامة و شخص عنده ذمة ما يتهاون في رصد المخالفة!

دور المشرفين على المراقبين مهم .. شكثر ضباط يتقاعدون صغار وشكثر ناس عندهم ذمة يدورون شغل ومثل ما سمعت المراقبين فلبينيين فنيين وأتوقعهم زينين بس يحتاجون رقابة وأُمور يشرفون عليها

[كيلو حديد]

الي يسكرون الليتات اتضايق منهم وما اكذب لو قلت يرفعون ضغطي

ودي المرور يلقى لهم حل لان زاد عددهم وصار الموضوع مبالغ فيه

ما خلصنا من الي يمشون سلحفاه بالخط اليسار يطلعون لنا مسكرين الليتات وعادي تنبهه ولا هو صوبك

[معماري قطري]

الي يسكرون الليتات اتضايق منهم وما اكذب لو قلت يرفعون ضغطي

ودي المرور يلقى لهم حل لان زاد عددهم وصار الموضوع مبالغ فيه

ما خلصنا من الي يمشون سلحفاه بالخط اليسار يطلعون لنا مسكرين الليتات وعادي تنبهه ولا هو صوبك

صحيح بعضهم دراجات نارية من أيام بغيت أعدم واحد وزين شفته يوم قربت كلش وكان ماخذ الطرف اليسار كان ضخم وفي الليل ولابس أسود ما يبين ولا ليت والع في دراجته والله لو داعمه كان بيروح وباتورط

المشكلة أشوف سيارات تمر على الشرطة ولا لهم خص ما ادري شيبون؟ كيمرات ومتوفرة في الشوارع ينطرون أمر من وزير أو وكيل وزارة .. حاولت أكلم مدير المرور مرات يحولوني ولا حد يرد .. عندي رقم وكيل وزارة الداخلية شكلي باكلمه وما بيقصر .. بس الغريب الظاهرة واضحة وبكثرة واحراج نوصل الموضوع لأحد المسؤولين الكبار

[معماري قطري]

لاحظت بعضهم قلة منهم يكون ليت محروق والا اللي وراء محروقين واللي جدام بعضهم واحد والع .. ومن أيام أشوف فراري شبه جديدة سطابها الخلفي محترق عاد الشكل غلط .. لكن سيارات الأجانب وايد منها لها سنوات منتهية الرخصة وتمشي بالبركة .. قلة اللي تحصلونهم مبند الليتات وناسيهم مبندين وهذا بعد عليه مسؤولية ولازم يتخالف

من أيام ولد خالة ولدي ولع ليت حق واحد يمشي بطيء حتى يفتح وعصب ذاك ولحقه مطاردة بغى يدعمه كم مرة يقول بغى يقلبني .. المهم راح وولدي المركز قدموا بلاغ وسجلوه الشرطة حولوه للمحكمة المرورية قال ولدي إنه شيبة مسكين فلسطيني السيارة اللي مسجلة باسمه بس ما يدرون من يسوقها .. عاد يقول خلاص بنروح وبنتنازل .. انا عصبت عليهم وقلت لا تتنازلون لو كل واحد يتنازل بيكرر السالفة هذا مرات ومرات إحنا شكثر يصير لنا واحد يولع ليت لا وبعد يجي مسرع ويلصق في الصدام الخلفي نفتح له متى ما قدرنا ونتركه بهدوء .. الحلو فيه كيمرات مصورة اللي صار