توقعات شهر ديسمبر، 2023

[السامر الأسود™]

السلام عليكم ورحمة الله

مسارات مؤشر سوق قطري السعرية لشهر ديسمبر
الاغلب منها ايجابي ويقول بصعودات باذن الله.
بشرط يستمر السوق فوق مستوى ال 9200

وعليه اتوقع السوق بيكون صاعد هذا الشهر

و الله اعلم


توقعاتكم؟

[Abjalsulaiti]

توقعي ارتفاع للسوق بخصوص الشركات الي لها توزيعات وقطاع البنوك

توقعي شخصي

الاسمنت مستثمرين بروه

ومن بداية السنه الجايه الشركات الي بتقدر توزع بشكل ربع سنوي

هي لها نصيب الارتفاعات القويه وتماسك اسعارها بتصير مثل العقار وممكن افضل

[معماري قطري]

الله يجعله شهر خير

إن شاء الله يرجعون أهل قطر يشترون الأحد وتكون بداية شهر جيدة .. صانع السوق مغيب له فترة لكن صناع الأسهم بدوا يكشرون عن أنيابهم وإن شاء الله لإزدان والطبية واستثمار والمستثمرين نصيب

[معماري قطري]

هذي إحصائية وخلاصة الشهر اللي انتهى أنقلها لكم هنا

جزاك الله خير يالسامر

نهاية شهر اليوم وتركيزي على التداول واليوم شراء المحافظ الأجنبية قوي واستثنائي بسبب تفعيل مورغان ما ادري فوتسي .. باركز على نتيجة الشهر أهم وبداية مع الأكثر تداول محافظنا

تداولها 4407.7 مليون بس الشراء منها حول 55.17 مليون ولا شيء كنسبة مئوية يطلع 1.252% هذا المفروض شراء اسبوعي متراكم يعني 220 مليون في الشهر حتى نعتبره شراء وكان بيكون في حدود ال 4% .. الفئات الباقية تتابع هذي الأمور وتعرف إن المحتاج بيبيع بأرخص وتبغي تشتري بأرخص حتى تستفيد استفادة تامة

شفايدة التداول الكبير هذا والسيولة الداخلة فقط 55 مليون والخارجة على مدار 2022 و 2023 توصل ل 13 مليار من محافظنا؟ يعتبر شو بس وتداول عبثي وأعتقد حتى العمولة ما يخسرونها لأن الوسيط بنك تابع لهم ومملوك منهم

الفئة الثانية في الأعلى تداول هي الأفراد القطريين بتداول 3119.654 مليون وببيع 232.804 مليون ونسبة 7.46% نسبة كبيرة تمثل احباط هذي الفئة من التحرك العرضي الطويل مع إنه قرب وقت الحصاد .. شكلهم متوقعين الحصاد قليل والهبوط وراه تكملة

الفئة الثالثة هي المحافظ الأجنبية بتداول 2105.349 مليون منها شراء قوي 230.249 مليون وبنسبة 10.936% هذي النسبة اللي تعتبر شراء يبيض الوجه منها شراء لليوم يساوي 90.9 مليون ريال وتعتبر قيمة تعادل حول 40% من ما تم شراؤه خلال الشهر لا واليوم باعت محافظنا كثير كأنها كانت تشتري طول الشهر

الأفراد العرب يجون رابعاً بتداول 1110.116 مليون منها شراء بسيط 4.8 مليون لا يعتبر شيء كنسبة حول 0.432%

المحافظ الخليجية خامساً 401.105 مليون تداول منها بيع كبير يقدر ب 36.917 مليون ونسبة 9.2% صحيح نسبة أفرادنا أعلى في البيع

الأفراد الأجانب سادسا بتداول 290.969 منها بيع بسيط بحدود 8.7 مليون ونسبة 2.99%

سابعاً يجون الأفراد الخليجيين بتداول 54.168 مليون منها بيع 11.756 مليون ونسبة بيع 21.696% والنسبة تعتبر الأكبر تليها أفرادنا ثم محافظ الخليج

ثامناً المحافظ العربية بتداول طفيف ليس له تأثير حول 0.102 مليون ومنها بيع حول 69000 ريال ونسبة بيع 67.647% هي الأكبر بس ما لها تأثير الرقم صغير وتعادل 0.001% من سيولة السوق

إجمالي السيولة الشرائية للسوق الداخلة 290.219 مليون النصيب الأكبر منها للمحافظ الأجنبية بنسبة 79.336% ونسبة محافظنا فيها الثانية تجي بنسبة 19.0097% والنسبة الباقية للأفراد العرب

المؤشرات كلها مرتفعة عن الشهر الفائت كما ذكر عتيق بس النقل والتأمين هبوط بسيط

https://i.imgur.com/RFcWfD2.png



الأسهم المرتفعة من أسهم البنوك أعلاها الريان ب 18.381% وثاني سهم يجي المصرف ب 9.195% وثالث سهم يجي الدولي ب 8.432% والرابع بنك دخان 6.509% .. والخامس الإجارة بحول 6.2% .. خمس شركات مالية اسلامية ولله الحمد والمنة

الأكثر هبوط إنماء 6.316% وثلاث اسهم آخرين بنسب بسيطة

قطاع الخدمات الأعلى ارتفاع فيه السلام 10.738% ثم بلادنا 8.921% ثم ميزة اللزيزة 8.582% سهم وقود سهم ثقيل وقوي يجي رابعاً 7.205% البقية كلهم مرتفعين الا زاد هبوط بسيط -2.889%

قطاع الصناعة

أعلى سهم مرتفع فيه المستثمرين 6.429% وبدأ متأخر ومسيعيد رقم 2 ب 5.597% والاسمنت 5.292% الهابط فقط سهم واحد هو التحويلية بحدود -0.167%

قطاع التأمين

ما فيه الا سهمين مرتفعين ارتفاع بسيط أولهم بيمة 2.576% والثاني الإسلامية 0.917% وأعلى هبوط لكيو ال ام 3.7% والخليج للتأمين فوق 3%

قطاع العقارات

كله ارتفاعات أكثرها عزايا 10.167% والثاني سهم بروة 6.719% والقادم الكبير ازدان الملقب بزيزو 5.048% وأخيراً المتحدة بحدود 1.5%

قطاع الاتصالات

اوريدو تفصله 1.41 ريال عن أعلى سعر ستوي وبسهولة يخترقه ومرتفع 4.044% وفودافون 3.371% تفصله بس 0.10 ريال .. طبعاً 0.10 على سعر 1.84 تعطينا نسبة 5.434 % وبالنسبة لاوريدو النسبة تطلع 13.7%

قطاع النقل

ملاحة 5.427% وملاحة إغلاق السهم 9.500 ووصل السهم 10.290 واعلى سعر سنوي 10.870 .. أتوقع فيه شدة يتعدى 10.5 ريال بإذن الله .. مخازن فوق 2% مرتفع وناقلات هبوط معتبر حول -7.955% مع ابتعاد عن اعلى سعر خلال سنة من 4.29 ل 3.240 بحدود 25%

سيولة التداول 11,198,963,202.856 والسيولة الشرائية أو التداول الفعال 290.219 مليون تعادل نسبة 2.591% نسبة ضئيلة كلش نسبة الشهر اللي راح أكبر

[معماري قطري]

شركات ممكن تكون جاهزة والله أعلم

شركة المحار القابضة .. حققت هبوط خلال شهر 11 يعادل -9.297% إضافة لهبوط خلال 10 يعادل -17.054% والإغلاق على سعر 1.522ريال مبتعد السهم عن سعر 2.6 ريال .. هل كان مبالغ في سعر إدراجه وسووا تخفيضات كبيرة هشكل؟ مع العلم إن إجمالي عدد الأسهم 207,000,000 فرق عن الطبية السهم المضاربي بإمتياز 115,500,000 لين وين يوصل ووشو السعر العادل والمناسب للدخول فيه تتوقعون؟



الفالح سهم القيصر .. عدد الأسهم القابلة للتداول 236,400,000 وسعر إغلاق الخميس 0.808 ريال نازل من أعلى سعر حيث وصل 1.362 ريال حول 0.554 ريال وما زال قريب من أدنى سعر .. تم توزيع أرباح 0.03125 ريال والتوزيع على آخر سعر يعادل 3.866% والله أعلم السهم له رأي يزور أرقام تحت وإلا فوق

بكمل بعدين مع كم سهم الإثنين ما اشوفهم واضحين خصوصاً المحار ادراجه حديث وأسهمه وايد مقارنة مع شركات الأسهم القليلة مثل الطبية واللي تعودنا لها قفزات مضاربية لكن وراه صانع قوي وأي وقت ممكن يرفعه

[ahmed saleh]

الداوجونز هاي سنوي جديد
باقي يضرب الهاي التاريخي له

[alkaldi]

الداوجونز هاي سنوي جديد
باقي يضرب الهاي التاريخي له

الداو مولعها مولعها مشعللها شعلله
امس واليوم مبدع
ان شاء الله ديسمبر نشوف 11000 باذن الله وبتكون سنة خير

[alkaldi]

الداوجونز هاي سنوي جديد
باقي يضرب الهاي التاريخي له

كم اعلى ارتفاع تاريخي له

[ahmed saleh]

الداو مولعها مولعها مشعللها شعلله
امس واليوم مبدع
ان شاء الله ديسمبر نشوف 11000 باذن الله وبتكون سنة خير

لامفيش 11000 ولاحاجه المحافظ القطريه مش هتقصر معانا


كم اعلى ارتفاع تاريخي له

تقريبا 37000 الهاي التاريخي
يعني علي بعد 2% منه

[مسافر1]

امس الدو جونز اكثر من 500نقطة اليوم قريب 300
فوق 36الف
ومؤشرنا وين

[معماري قطري]

الداوجونز هاي سنوي جديد
باقي يضرب الهاي التاريخي له

هو كثير قريب كنت أحسب القياسي 38000 بس شكله ما وصل ال 37000 من الشارت واضح لي

حالياً أغلق على 36,245.50 +294.61 +0.82%

[معماري قطري]

لامفيش 11000 ولاحاجه المحافظ القطريه مش هتقصر معانا



تقريبا 37000 الهاي التاريخي
يعني علي بعد 2% منه

اش رأيك يا باشا في صانع السوق عندنا يدفع لرفع السوق والا يبيع لكبح ارتفاعه؟

[ahmed saleh]

اش رأيك يا باشا في صانع السوق عندنا يدفع لرفع السوق والا يبيع لكبح ارتفاعه؟

ياريته بس بيكبح الجماح
دا بيقصف السوق قصف
اسهم جياله ببلاش بقي مش غرمان حاجه

[معماري قطري]

ياريته بس بيكبح الجماح
دا بيقصف السوق قصف
اسهم جياله ببلاش بقي مش غرمان حاجه

إيه والله مثل العيل الصغير ياخد سيارة أبوه شاريها له يكسرها

[معماري قطري]

شركات ممكن تكون جاهزة والله أعلم

شركة المحار القابضة .. حققت هبوط خلال شهر 11 يعادل -9.297% إضافة لهبوط خلال 10 يعادل -17.054% والإغلاق على سعر 1.522ريال مبتعد السهم عن سعر 2.6 ريال .. هل كان مبالغ في سعر إدراجه وسووا تخفيضات كبيرة هشكل؟ مع العلم إن إجمالي عدد الأسهم 207,000,000 فرق عن الطبية السهم المضاربي بإمتياز 115,500,000 لين وين يوصل ووشو السعر العادل والمناسب للدخول فيه تتوقعون؟



الفالح سهم القيصر .. عدد الأسهم القابلة للتداول 236,400,000 وسعر إغلاق الخميس 0.808 ريال نازل من أعلى سعر حيث وصل 1.362 ريال حول 0.554 ريال وما زال قريب من أدنى سعر .. تم توزيع أرباح 0.03125 ريال والتوزيع على آخر سعر يعادل 3.866% والله أعلم السهم له رأي يزور أرقام تحت وإلا فوق

بكمل بعدين مع كم سهم الإثنين ما اشوفهم واضحين خصوصاً المحار ادراجه حديث وأسهمه وايد مقارنة مع شركات الأسهم القليلة مثل الطبية واللي تعودنا لها قفزات مضاربية لكن وراه صانع قوي وأي وقت ممكن يرفعه

متابعة مع بعض الشركات اللي قرب قاعها السنوي

حتى ما يصير تشتيت باتابع من بداية الشركات بأسهم البنوك حسب وجودها في الجدول .. الوطني أغلق على 15.700 وأدنى سعر كان 14.480 والفرق 1.22 ريال والفرق بين أعلى سعر وسعره الحالي 3.9 .. والسهم محقق نمو وقريب لقاع السنة وكان العام 19.6 وقبل وصل لحدود 22 حسب ما أذكر يعني مجال الإرتفاع مفتوح بشكل كبيرله ومسئلة وقت .. ربحية السهم 1.19 لسعره تعادل 7.58% .. حقق 25.940 خلال سنة الطبعة 2022

مصرف قطر الإسلامي سعر إغلاقه لشهر نوفمبر 19.000 ووصل أدنى سعر17.220 خلال الشهر واللي صاده على أدنى سعر رابح فيه ربح كبير 10.33% ووراه تألق بإذن الله صوب أعلى سعر سنوي 24.280 وحتى لو وصل ال 20 أو 22 بيكون أعطى كثير الفرق بين سعره الحالي وأعلى سعر سنوي هو 5.28 تعادل 27.78% .. محقق نمو كبير ووراه صانع قوي .. ربحية السهم 1.29 لسعره 6.789% .. ارتفع خلال الشهر 9.195% وهذي بداية الإرتفاعات له وقد ينزل عنها ويعطي فرصة لكن بيواصل بإذن الله لفوق العشرين .. حقق 27.500 خلال 2022

التجاري سعر إغلاقه 5.330 وأعلى سعر سنوي 6.380 والفرق حول ريال وخمس دراهم .. بعد متوقع يجيبها ويعديها بسهولة وقت التوزيع ومحقق نمو جيد .. ربحية السهم 0.56 لسعره 10.506% .. إرتفع خلال الشهر 3.980% .. حقق 8.150 خلال 2022

بنك الدوحة أغلق على 1.610 وأعلى سعر سنوي 2.148 وأدنى سهر سنوي 1.431 والفرق بين السعر الحالي والأعلى 0.538 وتعادل نسبة 33.4% .. وفيه قابلية يعطي هذي النسبة لو صار عليه تجميع من المحافظ خصوصاً الأجنبية وربحية السهم 0.20 لسعره 12.422% هذي مغرية للدخول فيه والتجميع خلال ما قبل التوزيع .. ارتفع خلال الشهر 6.271% حقق 3.083 خلال 2022 ونزل فوق 50% خلال 2023

البنك الأهلي .. سعر الإغلاق 3.750 وما تغير عن بداية الشهر يعتبر ثابت لكن كان أعلى سعر سنوي له 4.250 وتفصله 0.5 ريال عن سعره السنوي وبسهولة يجيبها وتطلع بحدود 13.33% وهي قابلية للإرتفاع قليلة مقارنة بالمصرف وبالوطني والدوحة .. ربحه المحقق 0.224 لسعره يعادل 5.973% حقق 4.500 خلال 2022

الدولي

أغلق على 10.030 وسعره الأعلى للسنة 11.06 والفارق 1.03 وأدنى سعر 9 .. ثباته قوي وقابليته للإرتفاع كذلك قوية بسبب نسبة توزيعاته العالية من الربح والربح المحقق 0.65 ريال بنسبة 6.48% .. يمكن من أقرب الأسهم لسعره الأعلى سنوياً واللي فيه لو يطلع قبل التوزيع لو تعدى ال 11 يكون رابح أكثر من نسبة التوزيع .. نسبة الفارق بين أعلى سعر والسعر الحالي 10.269% .. السهم حقق 13.200 خلال 2022

مصرف الريان

سعر اغلاقه 2.486 وأعلى سعر خلال 2023 كان 3.591 يبتعد عنه بنسبة 44.44% وبقيمة 1.105 والريان هابط هبوط كبير من قمته في 2022 حيث وصل ل 5.815 .. مرجح على الأقل يوصل قمته لسنة 2023 أو قريب منها ونسبة 30% وحولها شبه مضمونة مرتبطة بنتائجه لآخر السنة وتوزيعه الفعلي .. نسبة الربح المحقق 0.133 لسعره الحالي 5.35%

بنك لشا الملقب بليش لا

سعره 1.345 وأعلى سعر سنوي 1.625 وأعلى سعر للعام 1.831 .. الفرق بين سعره الحالي والهاي السنوي 0.28 يجيبها بسهولة خصوصاً محقق ربح 0.060 .. ربحه لسعره يعادل 4.46% .. قليل يعتبر والخوف ما يوزع .. انا خذت فيه كمية اضافية بحدود ريال وناوي ابيع حول 1.45

بنك دخان

إغلاقه 3.862 وأعلى سعر 2023 كان 4.350 والعام ما كان موجود فارق السعر 0.488 يجيبها بسهولة والبنك قوي وربحيته للتسع شهور 0.203 بنسبة 5.256% المشكلة قد يوزع قليل بحدود 0.1 أو 0.15 آخر السنة والريان يحرجه احراج كبير بتوزيع مقارب مع فارق السعر الكبير بين السهمين

الإجارة

سعرها 0.728 والأعلى السنة 0.9 والأعلى العام 1 .. هذا السهم متأمل له خير فرق سعره عن الأعلى للسنة 0.172 وأتوقع يعدي هذا السعر قبل التوزيع ونسبة الفارق 23.62% نسبة جيدة .. ربحية السهم 0.024 وتعادل 3.296% شوي تخوف بس السهم له حركات مضاربية

دلالة سعرها 1.321 ووصلت 1.74 والفارق 0.419 فارق عالي على سهم مضاربي .. نتوقع أقل شيء ممكن يقفز 0.2 تعادل نسبة ربح جيدة توصل 15% .. السهم محقق خساير وقمته العام 1.925

قطر وعمان

سعرالسهم 0.879 واعلى سعر السنة 1.010 والعام 0.950 وربحية السهم خساير بسيطة جداً .. قد يكون بيعه بخسارة غنيمة

إنماء

السعر 3.786 وفرق عن الأعلى 6.316 والأدنى كذلك 2.858 وللعام الأعلى كان 6.455 .. شكله وايد عليه خانة ال 6 لو جابها وربحيته 0.107 وربحيته لسعره 2.82% وشكل بيعته بعد غنيمة حتى بخسارة

[mubarak2006]

على هذا المحافص فالاخير اغلاق احمر …….وسيوله جدا تعبانه .

[معماري قطري]

سبحان الله الأيام تركض أول يوم تداول في الشهر يصادف 3 وباقي 4 اسابيع بالضبط ناقص هذا اليوم عن نهاية الشهر والسنة .. للأسف كان يوم تداول عادي وشيء طبيعي بعد ارتفاعات الخميس وسيولة الخميس ويركد السوق شوي وممكن يزيد ركود بكرة في الأسهم اللي ارتفعت الخميس

أواصل نقاش تقرير التداول للشهر الفائت لقطاع الخدمات بداية مع زاد القابضة

السهم أغلق شهري على 13.110 ومؤكد اليوم تغير السعر سلبي أو ايجابي .. وكان السهم الوحيد المغلق على انخفاض شهري حول 2% سعره الأعلى في سنة 16.300 والأدنى 13.000 وخلال العام الماضي 20.700 .. يعني نتأمل السعر يرجع لحدود 16 قبل التوزيع والسهم معروف عنه تماسك سعره لكن ما مر به خلال السنتين هبوط كبير من قمة 20.7 لين 13 وللحين قريب مستوى ال 13 .. ما حققه من ربح خلال 9 شهور هو 0.46 وبنسبة لسعره تعادل 3.5% هبوطه كبير يشفع له ان يكون له ارتداد ونسبة ربحه ضعيفة ممكن توديه تحت .. اليوم أغلق على 13.50 تحرك ايجابي من 13.11

الطبية

أعلى هاي سنوي 2.609 وأدنى سعر 0.799 نسبة تذبذب عالية .. وللعام الفائت 3.349 و 1.226 واغلاق شهر 11 كان 1.509 قريب من وسط الطريق بين الأعلى والأدنى .. اليوم وصل 1.500 والله اتمناه تحت ال 1 كدخول أولي هذا سهم الخير ومحقق سلبية كبيرة في الربح للثلاث ارباع اللي فاتت حيث بلغ ربح السهم 0.0015 ما يعادل 0.1% لسعره لليوم .. رأيي تحت ال 1 ينصاد مضاربي لكن ممكن ما يوصلها كلش

سهم السلام

إغلاق 11 كان 0.660 وخلال السنة كان بين 0.793 و 0.500 والعام بين 1.139 و 0.614 .. اليوم أغلق على 0.665 وربحية السهم المحققة 0.011 بنسبة 1.65% .. سهم من شلة الأسهم الفاسدة لو دخل خانة النص ريال نعدل المتوسط فيه

الرعاية

إغلاق 11 كان 5.550 واليوم 5.483 وخلال السنة كان بين سعر 7.469 وسعر 5.177 والعام كان 8.698 و 6.057 وما حققه من ربح للتسع شهور كان 0.18 وربحه لسعره لليوم يعطي 3.2% والله أعلم شكله متجه لقاع سنوي جديد ماشي في انحدار

السينما

أغلق الشهر اللي راح 3.020 وسعره اليوم نفسه .. وتذبذبه السنة بين 3.708 و 2.851 والعام بين 3.790 و 3.115 وما حققه من ربح 0.065 وربحه لسعره 2.15% بعد شكله فاشل بكل المقاييس

وقود

إغلاق 11 كان 15.920 وسعر اليوم 15.81 تذبذب السنة 18.920 و 14.750 والعام 19.970 و 16.800 .. السهم أحبه وأشوفه فرصة عمري ما فكرت ابيعه .. بإذن الله رايح صوب ال 17 على الأقل قبل التوزيع وما حققه من ربح 0.72 لسعره 4.554%

ودام

اليوم سعره 2.283 بإرتفاع عن اغلاق 11 والسهم بين 2.961 و 1.231 للسنة وللعام بين 3.740 و 2.032 وأشوف قاع السنة صعب يرجع له خصوصاً بعد التعويض الحكومي السخي .. إبتعد عن قمة السنة حول 0.7 ريال وبسهولة يرجع لها ويتعداها .. ما حققه من خسارة -0.33 يجعله يخوف نشوف الربع الرابع شيكون بس متوقع له خير بإذن الله

المناعي

إغلاق الشهر 3.837 واليوم 3.902 وتذبذب السنة 8.643 و3.522 والعام 13.580 و 4.710 وربحية السهم 0.094 بهبوط كبير جداً عن العام وربحيته لسعر اليوم 2.409% .. السهم مضاربي بامتياز وقد يحقق 1% ربح اضافي آخر السنة وممكن له قفزات مضاربية

الميرة

أغلق شهر 11 على 13.140 واليوم 13.03 وتذبذب السنة 17.000 و 12.700 والعام 20.800 و 15.630 .. من زمان ما وصل لهذي الأسعار .. حقق ربح 0.56 وربحه لسعره 4.298%

مشكلة هذي النسب مقارنة مع الوديعة الوديعة أفضل وتعطي توزيع كل شهر حالياً ناوين يرقعون السوق بتوزيعات ربعية بتكون بإذن الله مغرية للدخول بس ما بيترقع عدل الا تقل الوديعة عن التوزيعات

بلدنا

إغلاق شهري 1.221 ولليوم 1.229 وتذبذب السنة 1.691 و 1.063 .. بدت تفيق من قاع السنة .. والعام 1.859 و 1.430 وربحية السهم 0.034 وبنسبة 2.766% يعتمد على آخر السنة كم الربح والسهم شكله ما يستحق المغامرة واحتمال ينضم لنادي تحت الريال واحتمال العكس وارد

مقدام

5.150 واغلاق اليوم 5.162 وتذبذب السنة 8.300 و 4.850 والعام لا يوجد وربحية السهم 0.297 بنسبة 5.7545% وآخر السنة متوقع الزود ومتوقع توزيع أسهم مجانية والسهم ناجح بإذن الله وفيه لين 6 هذا الشهر كتوقع

ميزة

2.834 وسعر اليوم 2.822 والتذبذب 2.939 و 2.3 والسهم قريب أعلى مستوياته ربحه للثلاث ارباع 0.07 ونسبة ربحه لسعره الحالي 2.48% ما اشوفه يسوى وفرص أحلى في السوق

من رأيي أفضل سهم في قطاع الخدمات هو مقدام حسب هذي المعطيات

[معماري قطري]

والثاني وقود والثالث الميرة .. يعني اللي حاط فلوسه في وديعة وحال عليها الحول يطلعها ويشتري في الثلاث أسهم يصير ربحه مضاعف بدال سنة كاملة يكتفي بالوديعة ياخذ الوديعة وربحها ويحطها في الأسهم ذي بياخذ فرق السعر والتوزيع الجيد وبيقدر يلحق على الوديعة

[معماري قطري]

اليوم الشراء بسيط من الكل مثل محافظنا حول 5 مليون .. والأجنبية 2.5 مليون والافراد الأجانب 1.6 مليون .. والأفراد العرب أقل من 4 مليون .. البقية بيع وأكثرهم محافظ الخليج .. يعني الشراء أقل من 13 مليون والسوق خامل اليوم

[معماري قطري]

قطاع الصناعات

التحويلية

سعرها نهاية شهر 11 كان 2.995 وحققت هبوط بسيط خلال الشهر هي الشركة الوحيدة اللي محققة هبوط شهري .. حالياً أثناء التداول سعر السهم 2.941 بعد محقق هبوط اضافي حلو للي يبي ياخذ السهم .. سعره في هذي السنة بين 3.350 و 2.6 وخلال العام كان 3.800 و 2.948 وواضح هو وسط بين أدنى وأعلى سعر للسنة لكنه صوب أدنى سعر للعام .. ربحية السهم للثلاث ارباع كانت 0.30 وبالنسبة لسعره الحالي تعطي 10.2%

الإسمنت

3.701 وسعره اليوم 3.746 وسعره السنة بين 5.299 و 3.420 والعام بين 6.749 و 4.351 .. مسوي تخفيضات حول 50% من أعلى سعر في سنتين .. وربحية السهم 0.23 ونسبة الربح للسعر 6.13988% وفي الربع الرابع بتكون نسبة الربح وايد أعلى وأعلى من الودائع والسهم حلال وتوزيعه دوم عالي

صناعات قطر

12.500 اغلاق نوفمبر وسعر ألحين 12.45 سعرها خلال السنة 15.460 و 10.800 والعام 20.200 و 12.810 وصناعات معروفة بتوزيعاتها السخية والسهم سعره متوسط للسنة لكن تحت أدنى سعر العام .. ربحه المحقق 0.54 والسنة انخفاض كبير في الربح .. نسبة الربح للسعر 4.337% أشوف فوق ال 4 تعتبر جيدة والربع الرابع قد يضيف الكثير والله أعلم

المستثمرين

1.639 والآن 1.615 والسنة سعره بين 2.035 و 1.486 والعام بين 2.685 و 1.678 .. السعر الحالي تحت الأدنى للعام وإحنا آخر السنة والعام السهم موزع 0.15 ريال توزيع خرافي لسعره والسنة للآن محقق ربح 0.10 وقد يصل ربحه في الرابع ل 0.12 أو 0.13 في أسوأ الأحوال وتوزيعه جيد ما أتوقعه يقل عن 0.12 .. المهم ربحه المحقق 0.1 لسعره الحالي 6.192% ولو خذناه ألحين ووزع 0.12 بيكون معطي نسبة 7.43% وكله طبعاً يعتمد على تحقيق ربح جيد في الرابع

كهرماء

16.880 والحالي 16.87 والسنة كان بين 18.500 و 16.300 سهم متماسك .. والعام بين 20 و 16.500 ومحقق ربح 1.01 وربحه لسعره الحالي 5.987%

ولي تكملة مع الباقي في قطاع الصناعة

[معماري قطري]

أعمال

إغلاق الشهر 0.834 وسعر الحين 0.835 وتذبذب السنة 1.040 و 0.800 والسهم قريب من القاع .. العام 1.325 و 0.931 وما حققه من ربح 0.042 وهذا نسبة لسعره الحالي يعادل 5.0299% والنسبة جيدة لو حقق فوق 5 دراهم وكان التوزيع 5 بيعطينا نسبة جيدة ودافع للسهم يروح أقل شيء لأدنى سعر العام

الخليج الدولية

2.740 وسعر الآن 2.654 أكثر جاذبية .. نطاق السنة 2.997 و 1.459 كان صيدة أدنى سعر والسهم في اتجاه صاعد وبإذن الله متواصل .. العام كان بين 2.319 و 1.459 سبحان الله الأدنى نفس سعر السنة والأعلى السعر الحالي أعلى منه وهذا يؤكد الإتجاه الصاعد .. ربحية السهم 0.223 ولسعره تعادل 8.402% رقم سوبر والقادم بإذن الله أجمل وما اظن يبقى تحت ال 3 ريال الا لو حقق خسارة في الربع الرابع

مسيعيد

1.679 والسعر الحالي 1.620 وتذبذب السنة 2.340 و 1.502 والعام 3.080 و 2.117 وربحية السهم للآن 0.068 ومحقق نسبة 4.1975% .. ممكن يوصل توزيعه ل 5% من سعره الحالي والله أعلم يعتمد على شيحقق وسياسة التوزيع

استثمار القابضة

2.040 والسعر الحالي 2.028 ونطاق السنة 2.382 و 1.477 والعام 2.730 و 1.199 نطاق وسطي وسعره شبه ثابت له فترة .. ما حققه من ربح 0.089 أعلى من مسيعيد وبنسبة لسعره يعادل 4.388%

قامكو سهم بو مبارك ليميتد

1.263 وسعر اليوم 1.257 ونطاق السنة 1.815 و 1.190 والعام 2.709 و 1.468 .. العام شدخوا بها محافظنا وسعره الحالي قريب لأدنى سنتين يفصله 6.7 درهم بس .. ربحيته 0.063 وبالنسبة لسعره 5.012% نسبة جيدة بس تغير عندهم التوزيع واستووا شحيحين لو مثل العام ما يسوى كلش وشكله رايح أنزل لو وزع كامل الربح مثل ما سوى قبل سنتين بيغرد مرة ثانية فوق

[معماري قطري]

ربحية التحويلية هي الأعلى 10.2% لكن عيبها توزيعها قليل ممكن يوصل 5% مضمون نسبة لسعرها الحالي + أي ربح يتم في الرابع وبإذن الله السنة الشركات مجبورة توزع توزيع عادل ونشوف نسبة أعلى

رقم 2 تجي الخليج الدولية بنسبة 8.402% وطبعاً كلما نزل السعر عن السعر المذكور زادت النسبة

رقم 3 تجي شركة المستثمرين حبي انا وكلهم حبي 6.192%

[معماري قطري]

عاد تطلع أشياء مخفية علي مثل تكاليف القروض ما يدخلونها الا آخر السنة والمفروض دوم تكون داخلة ولها حسبتها والربح يكون الصافي القابل للتوزيع.

اليوم كان التداول سيء ويزيد سوء كلما طال وقت التداول وضعف السوق مستمر مع زيادة ملحوظة للسيولة عن أمس .. إستثمار القابضة جاتها سيولة بزود في منتصف الجلسة تقريباً رفعت تداول السهم لفوق ال 7 ملايين سهم والسعر لقريب 1% .. شكل فيه خبر بيطلع أو طلع

من الأسهم الهابطة والأعلى سيولة حسب السيولة أولاً الريان ثم الوطني ثم صناعات ثم الملاحة وثم الخليج الدولية وكلها أسهم واعدة أكثرها الدولية والريان

ما شاء الله اليوم شراء جيد لمحافظنا .. تداول 184.8 مليون وشراء 21.77 مليون بنسبة شراء للتداول 11.78% وأتمنى الإستمرارية لبقية الأُسبوع

تداول افرادنا 96.57 مليون منها بيع شوي اقل من 3 مليون

تداول المحافظ الأجنبية 59.5 مليون منها شراء 16 مليون تقريباً وبنسبة شراء للتداول 26.89% شكلهم دخول قوي ممنهج

تداول افراد العرب 43.698 مليون منها بيع 4.867 مليون وبنسبة واضحة تتعدى ال 10%

تداول المحافظ الخليجية قريب جداً لأفراد العرب وصل ل 43.633 مليون وغالبه بيع حيث باعوا ما قيمته 28.591 مليون وبنسبة بيع 65.526%

البقية تداولات بسيطة ومتعادلة .. مجموع الشراء من قبل المحافظ الأجنبية والقطرية والبقية بيع كان 37.77 مليون والنصيب الأكبر لمحافظنا وأتمنى تستمر باعت كثير ولازم تشتري كثير هذي سنة الأسواق وغالب بيعها في العالي

نسبة التداولات الشرائية لإجمالي التداول 9.35% وهي نسبة جيدة

[معماري قطري]

خسارة محفظتي الحالية حسب يوم أمس وأكيد اليوم زادت حول 16% ولله الحمد كنت متخيلها 30 وفوق الخوف كله من صدمة التوزيع بس وأتوقع كل السوق خايف ومتوجس من هالشيء

[mubarak2006]

السلام عليكم ورحمة الله

مسارات مؤشر سوق قطري السعرية لشهر ديسمبر
الاغلب منها ايجابي ويقول بصعودات باذن الله.
بشرط يستمر السوق فوق مستوى ال 9200

وعليه اتوقع السوق بيكون صاعد هذا الشهر

و الله اعلم


توقعاتكم؟
اخونا السامر على بدايه فتحه الجلسه نووه ان السوق ضروري يغلق فوق 9200 حتى نسمي هذا السوق صعود .. غير ذلك احنا في دوامه الهبوط …

شكرا

[معماري قطري]

دراسة سعرية لقطاع التأمين وبأسعار اليوم 5/ 12/ 2023

قطر للتأمين

بنهاية شهر 11 وصل 2.420 واليوم سعره 2.370 مستمر في السلبية ونطاق سعره السنة 2.670 و 1.503 مبتعد كثير عن قاعه والعام كان بين 2.688 و 1.920 .. وربحية السهم المحققة 0.096 ونسبة لسعره 4.0506% تعتبر متوسطة والله يعلم شيهبب آخر السنة

الدوحة للتأمين

2.280 وسعر اليوم 2.279 .. خلال سنة 2.411 و 1.900 فيه ربح كبير من قاع السنة .. وخلال العام 2.465 و 1.863 أرقام مقاربة وما حققه من ربح 0.27 لسعره الحالي يعادل 11.847% وايد نسبة عالية والعام وزع 0.15 ريال والسنة مغطي ضعفها تقريباً واحتمال يوزع 0.2 نسبة لسعره 8.776%

القطرية العامة للتأمين

1.156 وسعر اليوم 1.151 ونطاق السنة 1.848 و 0.760 والعام 2.199 و 1.468 والعام وزع السهم حفنة غبار أو لا شيء وما حققه السنة من ربح للآن 0.014 ونسبة لسعره 1.216%

الخليج للتأمين

2.930 وإغلاق اليوم 2.888 ونطاق السنة 3.560 و 1.800 والعام 4.070 و 2.054 وما حققه من ربح للآن 0.206 وربحه لسعره 7.133% وايد جيد .. بس العام وزع 0.1 ريال والتوزيع شحيح السنة مغطيه مرتين وأتمنى يوزع 0.2 حتى يستحق ارقام أعلى

الإسلامية

8.800 وسعر اليوم 8.800 وتذبذب السنة 9.290 و8.227 سهم على درجة عالية من الثبات .. العام 9.399 و 7.910 وما حقق من ربح للآن 0.69 قفزة كبيرة عن العام والعام موزع 0.45 ريال وغالب ربحه يعني السنة غطاها وزود ومتوقع الأفضل ممكن بين 0.5 و 0.6 ريال والسهم فيه روح يروح للعشرة بإذن الله قبل التوزيع

كيو ال ام

2.600 وسعر اليوم 2.600 ونطاق السنة 4.990 و 2.580 لعبت به الظروف وقريب أدنى سعره .. والعام 6.250 و 4.490 في انحدار كبير كم حقق للآن؟ 0.15 ريال وكم وزع العام 0.125 .. ما حققه لسعره 5.769% نسبة جيدة بس عيبه توزيعاته شحيحة يمكن ما توصل نسبة 2.5% لسعره ولا يسوى كلش وهذا اللي نزله

بيمة

3.663 والحالي 3.700 وللسنة 4.295 و 3.505 والعام لا يوجد .. وما حققه السهم من ربح 0.26 وبنسبة 7.027% نسبة جيدة بس سهم غامض وتاريخ التوزيعات لا يوجد وأتوقعها سيئة بتكون

[معماري قطري]

تقارير التداول لليوم .. رجعت محافظنا تبيع بس بشكل بسيط اليوم حول 1.1 مليون بيع والتداول 133 مليون تقريباً .. المفروض شراء بحدود 13 مليون بس ما ادري ليش ما يعجبهم السوق

أفرادنا الثانيين أعلى تداول بتداول 92 مليون تقريباً واليوم شراء 14.7 مليون وشراءهم ممتاز فوق ال 16%

المحافظ الأجنبية شرائها أعلى 15.7 مليون وتداولها حول 55.4 مليون نسبتهم 28.34% والنسبة في الشراء لإجمالي التداول 4.6%

الخليجية تداولها 46.6 مليون وبيعها كبير بعد 27.4 مليون ونسبة البيع للسوق ككل فوق 8%

العرب تداولهم 34.4 مليون وبيعهم يقارب ال 14.4 مليون

مجموع الشراء 32.9 مساهمين فيه أفرادنا والمحافظ الأجنبية شوي أكثر والأفراد الأجانب بحول 2.5 مليون والبقية كلهم بيع ما عدا المحافظ العربية شراء لا يذكر 61000 فقط .. نسبة الشراء للإجمالي 9.69% نسبة جيدة ولله الحمد وهذا دليل إن كثيرين شافوا الأسعار مناسبة للدخول

[معماري قطري]

يوم تداول دامي توقعته أخضر

السوق معاكس التوقعات والتحليلات وحتى أسواق العالم اللي غالبها خضراء وماشي مع النفط بس اللي وصل خانة ال 76 دولار

التداول 360 مليون تحت المتوسط على الوضع الحالي للسنتين الأخيرتين والأكثر هبوط الرعاية سهم محقق 0.18 ريال ربح للثلاث أرباع وصحيح نازل من 0.2 للعام السابق بس مب مبرر يكون سعره 5.390 وقريب من أدنى سعر له السنة 5.177 والعام كان فوق ال 8 ونص واصل

ونقيس على هذا 35 شركة أخرى محققة هبوط وممكن قاع جديد خلال السنتين وعلى الأقل قرب القاع .. حتى الشركات الخضراء غالبيتها قرب القاع الا قليل منها

شراء محافظنا ممتاز اليوم 18.9 مليون تقريباً والمفروض في تزايد ما يقل أو يتحول بيع بكرة .. وتداولهم 154 مليون بنسبة شراء 12.27% وهي نسبة جيدة والأهم الإستمرارية

أفرادنا بعد شراء أقوى 22.1 مليون وتداول 85.4 مليون النسبة 25.878% تمنيت لو هذي نسبة محافظنا ولو تستمر لأنها الأكثر بيع فوق 12000 نقطة

المحافظ الأجنبية اليوم بيع 11.1 مليون من تداول 76.1 مليون ونسبة 14.586%

المحافظ الخليجية بيعها طاغي اليوم 35.85 مليون من تداول 41.631 مليون وبنسبة 86.1137% تقريباً كل تداولهم بيع

الافراد العرب بيع حول 0.9 مليون من تداول 35.1 مليون

الأفراد الأجانب شراء حول 6.5 مليون .. مجموع الشراء حول 47.5 مليون وهذي سيولة داخلة من أطراف مهمة في السوق منهم محافظنا وأفرادنا وأكثر من سيولة أمس وأفراد الخليج نسيتهم شراء بسيط بحدود 0.4 مليون يخلي سيولة الشراء قريب 48 مليون من تداول 360 مليون وبنسبة 13.333% .. ما أظن الأمور تبقى على حالها ولازم بيصير تجميع على أسهم كثيرة

[مساهم متدرب]

النفط زعلان اليوم ، الله يستر ما يزعلنا بكرا

شكله رايح 68 وحواليها

[alkaldi]

اول اسبوع في ي شهر ديسمبر غير متوقع من ناحية الاداء والسيوله مخيبه للامال

[السامر الأسود™]

السلام عليكم ورحمة الله
مسارات مؤشر سوق قطري السعرية لشهر ديسمبر
الاغلب منها ايجابي ويقول بصعودات باذن الله.
بشرط يستمر السوق فوق مستوى ال 9200

وعليه اتوقع السوق بيكون صاعد هذا الشهر

و الله اعلم




اخونا السامر على بدايه فتحه الجلسه نووه ان السوق ضروري يغلق فوق 9200 حتى نسمي هذا السوق صعود .. غير ذلك احنا في دوامه الهبوط …
شكرا

عزيزنا وزميل الشبكة \ مبارك

يمكن شكلك ما انتبهت وانت مستعجل كنت . مادام السوق فوق 9200 والحين ارتقى الى ال9250 ابشرك
الامور للحين والى حتى الساعه وبتاريخ اليوم الامور طيبه وفيه قفزة سميتها الغرافة باذن الله.

السوق كان في وقتها فوق 10,000 لما فتحنا الموضوع ,,, ما نزل تحت ال 9200 للحين اخوي :)

مجرد توضيح و الله يصبحكم بالخير جميع

[mubarak2006]

عزيزنا وزميل الشبكة \ مبارك

يمكن شكلك ما انتبهت وانت مستعجل كنت . مادام السوق فوق 9200 والحين ارتقى الى ال9250 ابشرك
الامور للحين والى حتى الساعه وبتاريخ اليوم الامور طيبه وفيه قفزة سميتها الغرافة باذن الله.

السوق كان في وقتها فوق 10,000 لما فتحنا الموضوع ,,, ما نزل تحت ال 9200 للحين اخوي :)

مجرد توضيح و الله يصبحكم بالخير جميع
هلا وغلا ..صحيح كنت مستعجل ..وكنت اعتقد انك تتكلم عن 10200 ..شكرا على التوضيح.

[معماري قطري]

باقي تسع شركات في السوق ما حطيت ملخصها .. اليوم بكمل مع قطاع العقارات وفيه شركتين محققين نمو إيجابي وشركتين نمو سلبي ولا شركة خسرانة

أولاً المتحدة

إعلاق شهر 11 كان 0.988 والآن من خلال السوق ليوم الخميس 7 / 12 السعر 0.976 والسهم خلال السنة بين 1.400 و 0.91 وما زال يعتبر قريب من قاعه وخلال العام كان بين 1.750 و 1.3 .. وما حققه من ربح والله أعلم اذا متضمن مخصصات الديون أو لا .. 0.065 بالنسبة لسعره يعادل 6.66% والعام وزع 0.055 والسنة مغطيها وجاهز وممكن مع الرابع يوصل ربحه ل 0.085 أو أكثر

بروة

2.700 والحالي 2.713 ونطاق السنة 3.300 و 2.450 والعام 3.901 و 2.873 وما حققه من ربح 0.200 ونسبة لسعره يعادل 7.372% وهي نسبة عالية ومتوقع المزيد .. توزيع العام كان شوي مخيب 0.175 والسنة مغطيه وزود وأتوقع توزيع 0.2 ريال ولسعره يعادل النسبة المذكورة 7.37% وممكن يزيدون التوزيع لو حبوا وتكون مفاجأة وأشوفه أفضل سهم عقاري

إزدان سهم بو عبده وسهمي وصراحة كل الشركات في القطاع هذا عندي فيها

سعر شهر 11 كان 0.832 والآن 0.824 ونطاق السنة 1.244 و 0.785 والعام 1.488 و 0.951 وما حققه من ربح 0.008 وكم سنة ما وزع يفترض السنة يوزع 1 درهم فرضية ما اتوقع ممكنة ولو سواها بتكون النسبة 1.21% نص الزكاة

مزايا للتطوير العقاري

إعلاق شهر 11 كان 0.600 ويعادل 0.6828 بعد التخفيض .. والسعر الآن 0.709 ونطاق العام حسب التخفيض 1.10955 و 0.79091 وما زال السعر سحيق والعام لم يوزع وللثلاث أرباع محقق 0.019 على سعره تعادل 2.6798% وما أعتقد يوزع بيربح فوق 3% نسبة لسعره الحالي وممكن يوزع 0.02 الى 0.025 وتفرق للي عنده كمية كبيرة

[معماري قطري]

إغلاق اسبوعي بنشوف خلاله الأسهم شسوت والمؤشر 15 شركة مرتفعة ضد 27 منخفضة هذا لليوم وبنشوف على مدار الأُسبوع بس يطلعون البيانات اللي خاشينها

باقي ثلاث أسابيع وتنتهي سنة أُخرى صعبة علينا

[alkaldi]

الخير قادم باذن الله ومافي الا الصبر والباقس على الله

[السيلاوي]

إغلاق اسبوعي بنشوف خلاله الأسهم شسوت والمؤشر 15 شركة مرتفعة ضد 27 منخفضة هذا لليوم وبنشوف على مدار الأُسبوع بس يطلعون البيانات اللي خاشينها

باقي ثلاث أسابيع وتنتهي سنة أُخرى صعبة علينا

اخوي معماري
اليوم المحافظ الخليجية بايعة فوق 10% وهذا الاسبوع بيعهم كبير
ما ادري ليش يعملون هذا الشيء واكيد ما منهم أمان
الله يفكنا من شرهم

[معماري قطري]

نشوف الأسبوعي أول لأنه أهم

القطريين محافظ وافراد تداولهم يوصل قريب 70% من السوق ككل والمحافظ هي الأعلى بتداول 837.334 مليون منها شراء حول 63.213 مليون ريال وهو رقم صغير مقارنة بالتداول وبنسبة 7.55% إرتفعت كثير عن قبل تقريباً تضاعفت

الأفراد القطريين تداولهم 424.464 مليون منها شراء 40.011 مليون ونسبة 9.426% نسبة جيدة بس المبلغ قليل لأن التداول ضعيف

المحافظ الأجنبية تداولها 257.478 مليون وشراءها 30.34 مليون وبنسبة 11.7835% وأتوقعها الأعلى كنسبة للشراء

المحافظ الخليجية تداولها 199.099 مليون وبيعها كبير هالمرة 143.015 مليون وبنسبة 71.831% أعلى نسبة ورقم بيع

الافراد العرب غريب تداولهم 179.581 وتقريباً بيعهم بس 0.4 مليون ونسبتهم كلش بسيطة ما لها تأثير

الأفراد الأجانب 54.607 وشراءهم 9.911 مليون وبنسبة شراء 18.15% وهم الأعلى كنسبة شراء

الافراد الخليجيين تداول شوي فوق ال 4 مليون ونسبة بيع بسيطة والمحافظ العربية شراء بسيط حول 60 الف ريال

مجموع سيولة الشراء 143.475 مليون ساهمت في غالبه المحافظ الخليجية من تداول اجمالي اسبوعي 1,813,369,136.333 سيولة وايد اقل من الاسبوع السابق حول النص تقريباً وبنسبة .. 7.9 لإجمالي التداول

القطاعات شسوت خلال الأسبوع

أولاً قطاع البنوك كله سالب الا الوطني الإبن البار أخضر خفيف كلش 0.446%

الأعلى هبوط كان الريان -4.183% والثاني الأهلي - 4.00% والثالث المصرف -3.947% وأتوقع ذيلا لهم الايجابية الاسبوع القادم

ثانياً قطاع الخدمات

زاد بس اللي زاد وصل 3.738%

الأعلى هبوط الطبية -5.235% ثم بلدنا -3.440% ثم ودام -3.126% وقد يكون لهم نصيب من ارتفاعات الاسبوع القادم

قطاع الصناعة واعد أكثر أعمال أعلى المرتفعين 0.480% مع إن الإرتفاع بسيط .. ثم الكهرباء 0.415% ثم التحويلية وشركة ثابتة 0% هي الاسمنت

الهابطين أعلى شيء مسيعيد -6.671% ثم الدولية -6.168% ثم قامكو -3.325% ثم صناعات -3.280%

أكتفي بهذا القدر المهم لكن أكثر شركة ارتفاع على الإطلاق العامة للتأمين 7.958% عاد سيولة تحت ال 10000 لحد يغتش به .. والسهم الثاني أعلى ارتفاع زاد القابضة وسيولة تحت 300000 ريال

الأعلى هبوط مزايا -7.059% ثم مسيعيد -6.671% ثم الخليج الدولية -6.168% .. هذي الثلاث شركات أتوقع لهم تحرك ايجابي بإذن الله خصوصاً الثنتين الأخيرين خزايا عادي تواصل تحت

السوق ككل طبعاً نزل -1.930% والريان الإسلامي كمؤشر نزل أكثر -2.410% ومؤشر أسهم الصناعة كان الأعلى هبوط - 2.9%

[معماري قطري]

اخوي معماري
اليوم المحافظ الخليجية بايعة فوق 10% وهذا الاسبوع بيعهم كبير
ما ادري ليش يعملون هذا الشيء واكيد ما منهم أمان
الله يفكنا من شرهم

والله يا اخوي شرهم جايز وخيرهم جايز ما قصروا رفعوا السوق بكل قوة خلال الفترة اللي راحت كله دخول وربعنا يبيعون .. المشكلة في ربعنا بس اللي تداولهم كبير وقوتهم وايد أكبر ومستانسين على وضع السوق ما تحس إن فيه شراء لرفع السوق يدورون تثبيته والا تنزيله تنزيل ممل

[معماري قطري]

هم شروا بنسبة 3% تقريباً وباعوا بنسبة 11% من سيولة السوق ككل صافي بيعهم يطلع حول 8% ومعاها خردة ما ركزت عليها .. بس قبل يشترون بنسب وايد أفضل .. ولين وصل سوقنا لحدود بدايات ال 9000 ورجعوا يشترون بنقول عرفوا شيسوون وسووا الصح

[معماري قطري]

أكيد بيعهم مؤثر ومؤثر كثير بس بعد الشراء تأدية واجب والواجب تنزيل السوق هم لو يبون يرفعونه رفعوه

[السيلاوي]

جزاك الله خير اخوي معماري على التوضيح

[alkaldi]

السعودي محافظ على ال 11 الداو على 36
بس سوقنا يقعد يوم فوق ال 10 وعلى طول ينزل الله المستعان

[معماري قطري]

جزاك الله خير اخوي معماري على التوضيح

العفو يا اخوي وجزاك الله بما دعيت

من 1/1/ 2022 لين نهاية شهر 11 اللي راح محافظنا بايعة ما قيمته 13 مليار من أسهم مب شوي على 23 شهر هذي اللي بيعها مؤثر .. وأكيد أعطت روح في بدايات 2022 للسوق واشترت ورفعت السوق والبيع زاد في قمة السوق وبخبث حتى السوق كان وقتها فيه همة كبيرة وشراء عليه من الأجانب وصل 6 مليارات ريال على ما اذكر أو 7 والسوق كان ينزل نزول متعمد وببيع جائر من محافظنا .. يعني غالب البيع بعد شهر 4 من العام 22 .. ولو تشوف نسب تملك الأسهم من بدايات 2022 ولتاريخ اليوم بتحصل فرق كبير وبيع في أسهم قوية ولها وزن في السوق وما زال عند محافظنا الكثير

لو تشوف نسب التملك في الوطني ليوم الخميس اللي راح بتحصل المؤسسات القطرية تملك 66.854% وعددها 132 مؤسسة وأكبرها أكيد جهاز قطر للإستثمار .. وتشوف نسب التملك للمؤسسات القطرية في نفس البنك في 1/ 1 / 2022 بتحصلها تختلف ممكن وممكن باعوا فوق ورجعوا يشترون تحت .. حاولت أحصل النسبة في بداية 2022 ما طلعت لي لكن من بداية 2023 باشوف طلعت 64.5932 %

في بداية 2022 طلع لازم احط تاريخ الأحد 2 - 1 يصادف نسبة تملك المؤسسات القطرية 65.708% وكان عددها 121 مؤسسة .. زاد العدد وقلت النسبة يعني باعوا ما يقارب 1.2% سهم من ملكيتهم خلال 2022 من إجمالي عدد الأسهم البالغ 9,236,428,570 ما يعادل حول 110.8 مليون سهم بمعدل 16.5 ريال للسهم معدل تقريبي بيكونون طلعوا مبلغ مليار و800 مليون كقيمة تقريبية .. في سنة 2023 في 11 شهر رجعوا شروا غالبية اللي باعوه وزادوا عليه بأرخص كثير مما باعوه وزاد عدد هذي المؤسسات من 121 الى 132 مؤسسة نسبتهم الحالية في الوطني 66.854% قفزة من بداية 2023 حيث كانت 64.5932 % وبحدود 240 مليون سهم من الوزن الثقيل .. مع العلم محافظنا في 2023 باعت ما يقارب 2 مليار ريال طلعتها من السوق بس الحب سعره نازل ومناسب ياخذونه شوراهم .. عاد تحليل ومتابعة كل سهم قصة وأكيد باعوا أسهم غير والا من وين طلعوا 2 مليار

أعتقد فيه طرق حسابية أسهل للجداول يحطون فيها التغير الشهري والسنوي في النسب لكل الفئات انا صراحة ما اعرف وين أحصلها والمفروض تكون موجودة في السوق وسهل الوصول لها مب معقد بهالطريقة

[mubarak2006]

ماهي التوقعات غدا الاحد تاريخ 10 ديسمبر .. هل هناك حد عنده اي معلومات ؟؟؟

[معماري قطري]

محد يقدر يتوقع صح ولا حد عنده علم الا مطلع مثلاً وعارف بشكل أكيد بدخول سيولة شرائية كبيرة بدونها السوق بيواصل عرضي مايل للهبوط .. في السنوات الماضية قبل 2022 ويمكن قبل 2017 كان يستوي تجميع واضح في الربع الأخير وشراء بقصد الصبر للتوزيعات ألحين السوق كلش ما فيه همة الغالبية يبون يخلصون حتى بخسارة

[مساهم متدرب]

يوم عن يوم يصير النزول إلى مستويات 8000 نقطة أقرب .. الله المستعان

السوق نازل من 15 ألف ، ولا زال ما فيه أي قوة تشجع على الاستثمار والاستمرار

[معماري قطري]

اليوم صج تداول باهت طابوق أي كلام بدون بلاستر تعال واسكن

تداولات محافظنا 110.68 مليون ما تضاعف تداولها وتستقوي الا في وجود الأجانب .. بس زين اليوم شراء بحدود 12.1 مليون وبنسبة 10.932% نسبة جيدة تجميعية لو استمرت بس تجميع بهدوء

تداولات افرادنا بعد قليلة وايد 51.421 مليون منها شراء بحدود 3 ملايين وبنسبة 5.95%

تداولات الأفراد العرب 30.64 مليون منها شراء بحدود 2.6 مليون وبنسبة 8.4% .. الثلاث الأعلى تداول كلهم شراء

المحافظ الخليجية 20.66 مليون منها بيع مستمر وقوي حول 15.9 مليون وبنسبة تتعدى ال 75%

المحافظ الأجنبية شوي فوق 19 مليون تداول وبيع حول 7.7 مليون

الأفراد الأجانب 12.1 مليون منها شراء جيد حول 6 مليون

إجمالي السيولة الداخلة من المشترين هي 23.7 مليون .. هذي سيولة مستثمر واحد أيام الدخول الحقيقي واحنا يفترض في وقت دخول حقيقي لكن شكله لم يحن بالأكيد بعد

[معماري قطري]

أشوف الإنعكاس الحقيقي للإقتصاد اللي ما فيه لف ولا دوران هو شراء المحافظ الوطنية بقوة والتجميع الواضح لكن الواضح لي إنه عندنا للآن شراء بسيط تأدية أقل الواجب وياليته يستمر .. سوقنا ما وراه صانع واستوى صايع وصايع من قلب

[alkaldi]

سوقنا هالسنه واللي طافت للنسيان
اداء السوق السنه الجايه يعتمد على النتائج
يعني هل انشوف نفس كل سنه
الاسهم اللي نتائجها حلوه نزول واللي نتائجها خساره طلوع
او اللي نتائجها حلوه طلوع لين بعد التوزيع او قبل ويبدا النزول
نتمنى انشوف هالسنه السوق يتفاعل وكنت النتائج وكل سهم يروح مع نتائجه لارقام حلوه لان اغلب الاسهم اوصلت لقيعان زمان او قيعان عشر سنين تقريبا والله اعلم
ورب يرزق الجميع قريب كل خير باذن الله

[معماري قطري]

يستمر شراء محافظنا بنفس النسبة تقريباً .. اليوم 11.15 مليون تقريباً من تداول 141 مليون وبنسبة 7.907% نسبة اللامبالاة .. وأفرادنا اليوم كذلك شراء بحدود 1.8 مليون من تداول 66.7 مليون والنسبة 2.699% بعد ضئيلة النسبة

المحافظ الأجنبية بيع 3.715 مليون من تداول 71.136 وبنسبة 5.222% المفروض هم يجون في المرتبة الثانية أعلى تداولهم من أفرادنا

العرب 29.7 تداولهم وشرائهم يقل عن 0.6 مليون

المحافظ الخليجية 23.2 تداولها وبيعها 15.5 مليون ونسبتها 66.8%

الافراد الأجانب 5.5 مليون شرائهم والخليجيين شراء بسيط يقل عن 10000 ريال

إجمالي السيولة الشرائية تقريباً 19.05 مليون وهي سيولة ضعيفة وبنسبة لإجمالي التداول تعادل 5.88%

[alkaldi]

يابوعبدالله سوقنا فيه شي
ياخوي اغلب الاسواق ارتفاع من الاسبوع اللي طاف واذا نزلت نزول بسيط
الا سوقنا من بداية هالشهر نزول ولا شفنا يوم ارتفاع
الله المستعان

[معماري قطري]

يابوعبدالله سوقنا فيه شي
ياخوي اغلب الاسواق ارتفاع من الاسبوع اللي طاف واذا نزلت نزول بسيط
الا سوقنا من بداية هالشهر نزول ولا شفنا يوم ارتفاع
الله المستعان

ميهود وحيله مهدود

يبي له صرف أما يقولون مليار مرصود للي يبيعون بالهامش وهم كبار المتداولين لو خسروا فهذا فعلياً يسوونه سوق قمار

[معماري قطري]

شوف اخوي الخالدي السيولة الداخلة كشراء غير عن التدوير اللي هو سهم ينباع ينشرى سهم بداله وايد قليلة 19 مليون ولا شيء .. ودك اللي باع بحدود 13 مليار يرجع يشتري بمعدل 50 مليون يومياً ويرفع السوق يخم اليابس والخضر والعملية سهلة تحتاج بس أمر

[معماري قطري]

لو بنركز على الأفراد القطريين في بعض الأسهم صحيح هم فعالين مثل المستثمرين وازدان وإنماء بس بعد ذيلا الأسهم قيدتهم ادارة السوق وغرمتهم غرامات عالية ومحاكم وسوالف ما تسوى .. دمار السوق من عدة عوامل وجهات .. كثير استوت أسهم فاشلة خسرانة فعلياً ولو عندها ربح ربحها قليل كلش لازم سعرها ينزل حتى يتناسب مع ربحها وبعد ما تسوى الا مضاربياً تشتري متوقع للسهم قفزة

[معماري قطري]

السوق الأمريكي يشجع حق بكرة ارتداد لسوقنا والنفط كذلك لو واصل في الأخضر وزاد

Dow Jones

36,404.93 36,416.18 36,231.19 +157.06 +0.43% 16:20:01
S&P 500

4,622.44 4,623.71 4,593.39 +18.07 +0.39% 16:20:00
Nasdaq

14,432.49 14,436.08 14,324.57 +28.51 +0.20% 16:47:46
Small Cap 2000

1,884.30 1,887.60 1,870.70 +3.48 +0.19% 15:59:57
S&P 500 VIX

12.63 13.14 12.61 +0.28 +2.27% 16:15:01

[السيلاوي]

اخوي معماري
اليوم زاد الخروج من المحافظ الخليجية
الله لا يردهم للسوق مرة ثانية
خربوا السوق مع انهم كانوا يشتروا في الفترة السابقة واكيد مع خروجهم هذا خسرانين يستاهلون الخسارة
وفيه شراء قوي من المحافظ الأجنبية وشراء جيد من المحافظ المحلية

اتوقع انه ستفرج ان شاء الله قريبا

[معماري قطري]

سوق ما عنده ضمير ولا احساس حس شوي بس في المزاد

إن شاء الله بكرة الوضع غير وللأفضل .. كان إجمالي سيولة الأسهم الخضراء = 82.796638 مليون بالضبط من تداول 456,532,490.637 كإحمالي .. 18.136% سيولة ايجابية نقدر نقول خضراء والباقي قريب 82% حمراء

اليوم محافظنا تحمل الراية على مضض وتتمايل بها شراء حول 15.546 مليون من تداول 195.223 مليون وبنسبة 7.963%

المجافظ الأجنبية دخولها حلو وبشراء يبيض الويه وهذا يفسر ارتفاع السوق في المزاد بحدود 37.379 مليون من تداول 114.426 وبنسبة 32.6665% نسبة عالية مب نسبة محافظنا

افرادنا تداولهم 89.911 مليون وبيعهم اليوم 14.654 مليون وبنسبة بيع 16.298% .. حد يبيع برخيص انا خالفتهم اليوم وشريت

المحافظ الخليجية تجي رابع الأعلى تداول وب 64.911 مليون ريال منها بيع جائر بحدود 47.587 مليون وبنسبة 73.311% لو ما استغلت الفرصة وتصدت المحافظ الأجنبية اليوم كان كنا مغلقين بنسبة انخفاض كبيرة تزيد عن 1% وما أعتقد المحافظ الأجنبية يهمها رفع السوق لكن يهمها التقاط الأسهم برخيص وأعتفد هذي سياسة محافظنا وفي نهاية السنة المحصلة بيع كبير يضاف للبيع الأكبر في 2022 ويعتبرونه انجاز

الأفراد العرب 33.881 مليون تداولهم منها شراء بحدود 5.06 مليون وبنسبة 14.934% بعد نسبة جيدة

الافراد الأجانب شراء 4.5 مليون ريال من 10 مليون تداولهم ونسبتهم 45% تعتبر الأكبر لليوم

مجموع سيولة الشراء 62.485 مليون وين أمس أعتقد 19 مليون .. هذا ما يسمى موني توك .. تضاعفت سيولة الشراء ثلاث أضعاف وهذا ما توقعه إخوي السامر بو محمد توقع سيولة داخلة قوية وتوقعتها معاه في المزاد وفي آخر لحظات السوق وكان نازف حول 0.8% قلص منها ل 0.1% هبوط مقبول وقد يحصل ارتفاع جيد بكرة لو حبوا يضخون مبالغ ويرفعون السوق ما اتوقع السوق يبقى على حاله

نسبة السيولة الشرائية لإجمالي التداول 13.68688%

[معماري قطري]

اخوي معماري
اليوم زاد الخروج من المحافظ الخليجية
الله لا يردهم للسوق مرة ثانية
خربوا السوق مع انهم كانوا يشتروا في الفترة السابقة واكيد مع خروجهم هذا خسرانين يستاهلون الخسارة
وفيه شراء قوي من المحافظ الأجنبية وشراء جيد من المحافظ المحلية

اتوقع انه ستفرج ان شاء الله قريبا

فيه غباء أو نحاسة في تداولهم والله أعلم ممكن نواياهم تخريبية بس تاثيرهم ولا شيء خصوصاً مع الموج الداخل من المحافظ الأجنبية .. اللي ما يعجبني بس تداول الباردين محافظنا شكلهم مدراء هنود اللي أتعسوا سهم بنك الدوحة انتدبوهم للسوق

الله يوفق كل من ينوي يدخل والسوق فرصة ولو نزل لل 8000 فرصة أحلى ولو نزل أكثر أحلى وأحلى بس ما بقى وقت وكثير أسهم إستوى معدل ربحها لسعرها يستاهل ومغري

[معماري قطري]

استكمال للدراسة حول الاسهم وما حققته من ارباح عندنا قطاع الإتصالات

اولاً اوريدو

كان إغلاق شهر 11 ب 10.290 وسعر اليوم 10.09 نزل بسخاء .. وكان نطاق سعره للسنة 11.700 و 8.710 وللعام 8.700 و 6.730 نلاحظ انه قرب اعلى مستوياته في سنتين وفيه قابلية يروح أعلى .. ما حققه من ربح 0.83 وقابل يتجاوز الريال وممكن فوقها 10 دراهم وربحه لسعره الحالي 8.226% والعام موزع 0.43 غطاها بالضعف .. يمكن عيبه قلة نسبة توزيعه من الربح ويكون توزيعه السنة 0.5 الى 0.6 ريال يخليه معقول لسعره ولا يرتفع سعره بل ممكن ينزل .. العام ربحه كان آخر السنة 0.74 والسنة مغطيه بزود في 3 ارباع وباقي يوصل حول الريال وفوق .. توزيعه المتوقع لو وزع نفس النسبة من الربح حول 0.58 الى 0.65 ريال

فودافون

فودافون غير في سياسة التوزيع ويوزع غالب ربحه .. محقق في آخر شهر 11 سعر 1.780 وسعره الحالي 1.795 تغير بسيط .. ونطاق سعره للسنة 1.940 و 1.582 وللعام 1.862 و 1.343 وهو قريب لسعر العام وفيه شوية فرق لسعر السنة الأعلى وبإذن الله قبل التوزيعات يخترق سعره الأعلى .. ما حققه من ربح 0.093 ونسبة لسعره 5.181% لكن يشفع له توزيعه الأكثر عدلاً من اوريدو والله أعلم شتكون سياسة التوزيع السنة .. العام وزع 0.1 ريال والسنة مقارب يغطيها .. العام كان ربحه 0.119 يعني موزع غالب الربح والسنة متوقع لو مشى على نفس المستوى يوصل ربحه 0.124 ريال

ممكن يوزع 0.11 الى 0.12 حسب نتائج آخر السنة

[مساهم متدرب]

اليوم شراء جيد من المحافظ القطرية والأجنبية وبيع جائر من الخليجية، إن شاء الله تتعدل الأمور

[معماري قطري]

الداو يقترب كل يوم من قمته ومؤشر الخطورة منخفض يعني السوق الأمريكي بيواصل بكرة من إرتفاع الى ارتفاع وسوقنا فاهم غلط

Dow Jones

36,588.00 36,596.11 36,373.22 +183.07 +0.50% 15:28:12
S&P 500

4,642.85 4,643.34 4,607.91 +20.41 +0.44% 15:28:34
Nasdaq

14,525.34 14,527.02 14,385.39 +92.86 +0.64% 15:28:33
Small Cap 2000

1,890.65 1,890.75 1,865.15 +6.97 +0.37% 15:28:32
S&P 500 VIX

11.99 12.74 11.81 -0.64 -5.07% 15:27:46

السلع مرتفعة الا النفط والغاز منخفضين ويمكن يكونون سبب لإنخفاض القطاع الصناعي


Crude Oil WTI
68.76 -2.56 -3.59%
Brent Oil
73.40 -2.63 -3.46%
Natural Gas
2.295 -0.136 -5.59%
Gold
1,995.45 +1.75 +0.09%
Silver
23.082 +0.024 +0.10%
Copper
3.7962 +0.0157 +0.42%
US Soybeans
1,323.62 -12.38 -0.93%

[ابو عبده]

الداو يقترب كل يوم من قمته ومؤشر الخطورة منخفض يعني السوق الأمريكي بيواصل بكرة من إرتفاع الى ارتفاع وسوقنا فاهم غلط

Dow Jones

36,588.00 36,596.11 36,373.22 +183.07 +0.50% 15:28:12
S&P 500

4,642.85 4,643.34 4,607.91 +20.41 +0.44% 15:28:34
Nasdaq

14,525.34 14,527.02 14,385.39 +92.86 +0.64% 15:28:33
Small Cap 2000

1,890.65 1,890.75 1,865.15 +6.97 +0.37% 15:28:32
S&P 500 VIX

11.99 12.74 11.81 -0.64 -5.07% 15:27:46

السلع مرتفعة الا النفط والغاز منخفضين ويمكن يكونون سبب لإنخفاض القطاع الصناعي


Crude Oil WTI
68.76 -2.56 -3.59%
Brent Oil
73.40 -2.63 -3.46%
Natural Gas
2.295 -0.136 -5.59%
Gold
1,995.45 +1.75 +0.09%
Silver
23.082 +0.024 +0.10%
Copper
3.7962 +0.0157 +0.42%
US Soybeans
1,323.62 -12.38 -0.93%




ده مش فاهم خالص
crazycrazycrazy

[alkaldi]

الداو يقترب كل يوم من قمته ومؤشر الخطورة منخفض يعني السوق الأمريكي بيواصل بكرة من إرتفاع الى ارتفاع وسوقنا فاهم غلط

Dow Jones

36,588.00 36,596.11 36,373.22 +183.07 +0.50% 15:28:12
S&P 500

4,642.85 4,643.34 4,607.91 +20.41 +0.44% 15:28:34
Nasdaq

14,525.34 14,527.02 14,385.39 +92.86 +0.64% 15:28:33
Small Cap 2000

1,890.65 1,890.75 1,865.15 +6.97 +0.37% 15:28:32
S&P 500 VIX

11.99 12.74 11.81 -0.64 -5.07% 15:27:46

السلع مرتفعة الا النفط والغاز منخفضين ويمكن يكونون سبب لإنخفاض القطاع الصناعي


Crude Oil WTI
68.76 -2.56 -3.59%
Brent Oil
73.40 -2.63 -3.46%
Natural Gas
2.295 -0.136 -5.59%
Gold
1,995.45 +1.75 +0.09%
Silver
23.082 +0.024 +0.10%
Copper
3.7962 +0.0157 +0.42%
US Soybeans
1,323.62 -12.38 -0.93%




الغريب بوعبدالله سوقنا مع نزول الداو نزول
ومع الارتفاع نزول
والداو عند قمه وسوقنا رايح لتحت
الله المستعان

[mubarak2006]

سوق تعبان .. ولا يشجع .. بكره احمر ….

[السيلاوي]

عندي سوال من يقدر يفيدني ؟ صديق عندي يبغي يشتري اسهم في الاسمنت وصناعات بس بكميه كبيره سالني عن حد معين لعدد الاسهم هل في حد معين من العدد ما يقدر يتجاوزه؟

الافراد اتوقع يقدرون يشترون 5% وهذي النسبة في هذه الشركات يعني ملايين الاسهم يقدر يشتري اخ روما

[معماري قطري]

عندي سوال من يقدر يفيدني ؟ صديق عندي يبغي يشتري اسهم في الاسمنت وصناعات بس بكميه كبيره سالني عن حد معين لعدد الاسهم هل في حد معين من العدد ما يقدر يتجاوزه؟

العملية سهلة من شاشة السوق تدخل أول قائمة بعد اسم الشركة شكل الورقة تبين ومنها تشوف قوائم فرعية ادخل معلومات السهم يعطيك كل اللي تبيه .. مثلاً الإسمنت أقصى عدد أسهم للفرد يساوي 653,528,940 أعتقد ست مئة وثلاثة وخمسين مليون سهم وتعادل 1% .. https://www.qe.com.qa/ar/company-profile?InformationCategory=Company&InformationType=News&CompanyCode=QNCD&FromLocalSite=N&MoreNewsTitle=1

وصناعات بعد نفس الطريقة بس النسبة 2% لتملك الشخص وبعدد 121,000,000 سهم .. بس يسلموني مليون سهم وبس

[معماري قطري]

الغريب بوعبدالله سوقنا مع نزول الداو نزول
ومع الارتفاع نزول
والداو عند قمه وسوقنا رايح لتحت
الله المستعان

قبل كان يتبع ألحين يبي يسوي نفسه له شخصية ههههه يبي الداو يتبعه شكله

الداو الله يسلمك استرشادي ولجميع الأسواق تقريباً ويأثر عليها لكن سوق الصين مثلاً وأسواق آسيا وايد تبتعد عن تأثيراته لأن لها عوامل ثانية سوقنا المفروض يتأثر وفي السلبية صحيح يتأثر ألحين غريب والله السوق .. انا شبه متأكد إن اللعبة كلها من محافظنا لأنها صاحبة القوة والكمية الأعلى من الأسهم وحتى من الكاش

شوف اليوم تداول سوقنا 419,005,738.080 ولمحافظنا من هذا التداول 179.9 مليون تقريباً 43% من قيمة تداول اليوم .. شرائها كان بحدود 5% أو بقيمة 21.5 مليون وهي نسبة تزيد على 10% نسبة لإجمالي التداول .. كانت تقدر تزيد بكل سهولة لحدود 50 مليون وهو رقم بسيط مقارنة بالبيع الكبير خلال العام والسنة فوق 13 مليار

المحافظ الأجنبية تداولها اليوم 86.139 مليون تقارب نص تداول محافظنا وأمس شرت بقوة كبيرة وازنت السوق وقت الإغلاق وقلصت الهبوط كثير .. اليوم لا بيع بسيط بحدود 0.45 مليون أو 450 ألف شوي تحتها وأتوقعها بكرة تضرب ضربتها خصوصاً في المزاد وأكيد يهمها تشتري برخيص

أفرادنا 82.425 مليون تداولهم وبيع بسيط بعد بحدود 0.75 مليون أو 750 الف ريال

الخليجية 42.297 مليون غالبها بيع بحدود 29 مليون محافظنا تصدت لأكثر بيعها بس ودك تشيله شيل وتشيل فوقه زود من اللي يبي يبيع

الافراد العرب شرائهم زين 4.5 مليون وتداولهم يقارب 38.5 مليون والافراد الأجانب شرائهم 3.75 مليون بعد جيد مقارنة بتداولهم اللي بحدود 18.7 مليون والخليجيين حول 0.2 مليون شراء .. وهذا يعطينا مجموع سيولة الشراء لليوم تساوي تقريباً 29.95 مليون وأمس فوق 62.5 مليون فرق كبير وغالبية سيولة أمس من المحافظ الأجنبية

ممكن على هذا الوضع ربعنا نحيسين وتستمر نحاستهم وما لنا الا أحد المنقذين أو إثنينهم مع بعض الخليجية والأجنبية تشتغل على رفع السوق في اتجاه شهر 4 وبعدين يبيعون ويصرفون بغالي .. أو ربعنا يخلون محافظنا تشتغل صح وتستغل هذي الفرصة وتجمع أكثر للتوزيعات وتستفيد من الجهتين .. بس اللي يخوف ويقلل من هالشيء إن كمية الأسهم عند محافظنا كبيرة وايد حتى مع البيع هذا

[roma27]

اشكركم يا اخوان اخ سيلاوي ومعماري قطر ما قصرتوا جزاكم الله خير

[ahmed saleh]

الداوجونز هاي سنوي جديد
باقي يضرب الهاي التاريخي له

هاي سنوي جديد اخر للسوق الامريكي
صحتين وعافيه علي اصحاب العيون الزرقاء

[ahmed saleh]

الداوجونز هاي سنوي جديد
باقي يضرب الهاي التاريخي له


هاي سنوي جديد اخر للسوق الامريكي
صحتين وعافيه علي اصحاب العيون الزرقاء

تم ضرب الهاي التاريخي ايضا
الامريكي يسجل اعلي رقم في تاريخه

[معماري قطري]

تم ضرب الهاي التاريخي ايضا
الامريكي يسجل اعلي رقم في تاريخه

صادق كان متوقع بس ما توقعت بهالسرعة .. ما شاء الله مشعلل

Dow Jones

37,010.40 +3.31% 36,523.59 +432.46 +1.18% 15:52:59
S&P 500

4,696.77 4,710.09 4,642.83 +53.07 +1.14% 15:53:32
Nasdaq

14,690.43 14,743.56 14,517.52 +157.03 +1.08% 15:53:29
Small Cap 2000

1,943.45 1,949.65 1,868.55 +62.18 +3.31% 15:53:32
S&P 500 VIX

12.22 12.46 11.82 +0.15 +1.24% 15:53:16

كل الأسواق والشركات الصغيرة فوق +3.31% والداو تعدى ال 37000 خلال التداول 37050

[السيلاوي]

عقبال لسوقنا وان شاء الله قربنا
غدا مع تفعيل فوتسي تكون نهاية الاحزان ان شاء الله

[معماري قطري]

السوق بإذن الله جاهز وخسران اللي يبيع بخسارة خصوصاً هذا الوقت والتوزيعات قريبة والإرتداد متوقع

[السيلاوي]

السوق بإذن الله جاهز وخسران اللي يبيع بخسارة خصوصاً هذا الوقت والتوزيعات قريبة والإرتداد متوقع

ان شاء الله اخوي معماري
اليوم رجعوا محافظنا للبيع لانهم ربحانين ما شاء الله
المحافظ الخليجية كذلك بيع جائر
المفروض سوقنا يكون في مسار صاعد إلا إذا المخرج عاوز غير كدة:pilot:

[معماري قطري]

ان شاء الله اخوي معماري
اليوم رجعوا محافظنا للبيع لانهم ربحانين ما شاء الله
المحافظ الخليجية كذلك بيع جائر
المفروض سوقنا يكون في مسار صاعد إلا إذا المخرج عاوز غير كدة:pilot:

هذا يوم خارج الحسبة ولازم يبيعون لازم يوفرون أسهم .. 50.2 مليون مبيعاتهم وكانوا يقدرون يرفعون السوق أكثر ويبيعون بربح أعلى في مثل هذا اليوم اللي يقهر مب هامهم رفع السوق بس .. أفرادنا شراء اليوم حول 6.7 مليون .. والمحافظ الأجنبية شراء خول 80.3 مليون .. الأفراد الأجانب 9.2 مليون شراء يعتبر قوي

مجموع الشراء أو السيولة الداخلة 96.6 مليون تعادل نسبة 8.21% من مجموع سيولة التداول

للأُسبوع كامل

على المستوى الاسبوعي محافظنا محققة شراء ب 11.3 مليون بس وباركز على الشراء فقط من اشترى لأن السوق مرتفع .. أفراد العرب شراء 8.1 مليون .. الأفراد الأجانب 29 مليون .. 105.852 مليون للمحافظ الأجنبية

بس عندنا 4 فئات تشتري ليس منهم افرادنا ولا الخليجيين بقئتيهم .. واضح إن شراء محافظنا ما زال متواضع والا المفروض السوق فوق ال 10000 بمراحل لو حبوا ويحق لهم يبيعون في يوم التفعيل بس يرفعون السوق قبل

أكثر سهم مرتفع خلال الاسبوع هو نبدأ بقطاع البنوك بنك الأهلي رقم 1 بنسبة 5.528% ثم بنك دخان رقم 2 بنسبة 4.178% ثم المصرف رقم 3 بنسبة 4.055% .. الهابطين فقط الوطني -3.868% ثم قطر وعمان -0.233% ثم دلالة -0.079%

أتوقع الأسبوع القادم يشتغل الوطني وممكن الريان أكثر

الخدمات 12 شركة منهم 3 مرتفعين فقط أعلاهم السلام 1.994% والثانية ودام 1.591% والثالثة بلدنا 0.933%

الأعلى هبوط زاد -2.206% ثم مقدام -2.100% ثم وقود -2.075%

الصناعة

10 شركات أعلاهم ارتفاع الاسمنت 4.701% ثم قامكو 3.194% وأتوقع لها كرة ثانية من موجة الإرتفاعات العالية .. ثم تجي الخليج الدولية 2.995% ثم عندنا صناعات بحدود 2.6%

الهابطين فقط 3 شركات أعلاهم التحويلية -1.202% ثم كهرماء -0.885% ثم استثمار -0.049%

التأمين أعلاهم بيمة 9.589% ثم الدوحة 1.234% والبقية ارتفاعات ضعيفة ما عدا العامة هبوط -9.936%

قطاع العقارات

كله مرتفع واعلاه المتحدة 1.502% والبقية اقل من 1% الا ازدان 1.446%

الاتصالات

اوريدو هبوط -0.860% وفودافون 0.056%

النقل

ملاحة 4.599% ثم مخازن 0.132% والخسران ناقلات -1.356%

أعلى سهم ونجم الأسبوع كان بيمة 9.589%

[معماري قطري]

إغلاق قياسي للداو 37,248.35 وارتفاع أعلى خلال الجلسة والمستقبلي واعد بإستمرار الإرتفاع وأسواق العالم غالبيتها مرتفعة .. النفط 77.00 بالضبط وأخضر ارتد من 73 تقريباً وبإذن الله خير للأسهم الصناعية والخليج الدولية .. الباقي بس محافظنا تشتغل صح

[معماري قطري]

السلام عليكم ورحمة الله وبركاته

يوم وطني جميل لقطر والله يجعل البورصة ترتقي لهذا الجمال وتتجمل أقل شيء بخانة ال 12000 خلال الفترة القصيرة القادمة

النفط فوق 77 والمفروض يروح فوق الثمانين سريعاً بسبب المناوشات الحوثية للسفن .. والداو على موعد مع قمة جديدة اليوم متوقع وكلي ثقة بيسويها مع إمكانية الهبوط كل شيء جايز .. بكرة تيوس داي وأظن فيه تداول ما دام فيه دوامات والله يعين اللي يداومون

[alkaldi]

الامور ان شاء الله طيبه وان شاء الله الخير قادم
بس سوال شنو ناقص سوقنا عشان يحلق

[معماري قطري]

الامور ان شاء الله طيبه وان شاء الله الخير قادم
بس سوال شنو ناقص سوقنا عشان يحلق

السوق اللاعبين فيه وايد بس أهمهم مجموعة محافظنا وأهم مجموعة محافظنا كم لاعب عندهم حتى حسابات خارجية عادي يوهمونك إنهم يشترون أو يبيعون هناك وهم إنهم هنا يشترون والحقيقة هم اللي يبيعون .. هذي ممنوعة على الأفراد مهما يكون وزنهم لكن مسموحة على البنوك اللي لها فروع والمحافظ القوية اللي لها مراكز معروفة حول العالم

[مساهم متدرب]

ليش بيمة والإسلامية للتأمين تداولاتهم ضعيفة وما يستجيبون لحركة المؤشر؟ مع إن السهمين عدد أسهمهم قليل والمفروض تكون حركتهم خفيفة

[معماري قطري]

ليش بيمة والإسلامية للتأمين تداولاتهم ضعيفة وما يستجيبون لحركة المؤشر؟ مع إن السهمين عدد أسهمهم قليل والمفروض تكون حركتهم خفيفة

ومحققين ارباح زينة والتأمين أقوى قطاع ربحية في السوق .. الشركتين لكل شركة كبار ملاك ماسكين السهم متى ما بغوا يرفعونه رفعوه

[معماري قطري]

اليوم طلعوا البياعين أفرادنا والمحافظ الخليجية

خلونا نركز على الأكثر شراء اليوم .. كانوا المحافظ الأجنبية بحدود 98.869 مليون ريال .. ومن تداول 252.255 مليون بنسبة دخول سيولة جديدة للتداول تعادل39.194% مب لعبة مثل محافظنا اللي كان شرائها بحدود 11.668 مليون ومن تداول 247.85 مليون بما يعادل نسبة دخول تساوي 4.7% .. الأجنبية أقوى تداول وأقوى شراء بس زين محافظنا ما خربت المزاد هذا أهم شيء

تصدقون محد اشترى بعد كل الفئات بيع الربع يبون يكرمسون خلاص .. الأعلى تداول وبيع أفرادنا ببيع 57.078 مليون قيمته من أسهم .. وكان تداولهم 193.62 مليون ريال ونسبة بيعهم لتداولهم تساوي 29.479% تعتبر نسبة عالية وشكلهم ما صدقوا تخلص الإجازة .. زين نهاية السنة على الأبواب والتوزيعات

ثاني أعلى فئة تداول وبيع أتوقعها المحافظ الخليجية بيعهم وصلت قيمته 40.062 مليون وتداولهم 56.416 مليون ونسبة بيعهم 71.011% إنتحاريين هروب واضح

الافراد العرب مبيعاتهم 12.7 مليون .. والأجانب حول نص مليون بيعهم .. والخليجيين تحت ال 0.2 مليون

مجموع السيولة الداخلة شراء 110.537 مليون ومن زمان ما شفنا هالرقم .. من إجمالي سيولة تداول 719,767,047.410 وبنسبة 15.357% نسبة تبيض الوجه بعد النسب التعيسة وشكراً للمحافظ اللي تقتنص

الأعلى سيولة شرائية كان بنك قطر الوطني بعده المصرف ثم الريان ثم صناعات والخليج الدولية وناقلات وكلهم ارتفاع وبنك دخان هبوط بسيط جداً بعده تجي قامكو بارتفاع جيد وأوريدو والتجاري .. شرايكم تحركوا القياديات والا لا؟ 10 أسهم مستولين على غالب السيولة ما يقارب 504 ملايين ريال من مجموع 719 مليون

[معماري قطري]

الداو اليوم هاي جديد ومبدع وأسواق العالم الكبرى غالبها خضراء متشجعة وبإذن الله سوقنا يواصل بكرة لإنهاء سلبية السنة


Dow Jones
37,506.30 37,534.60 37,311.82 +200.28 +0.54%
14:28:18
S&P 500
4,761.94 4,764.27 4,744.79 +21.38 +0.45%
14:28:16
Nasdaq
14,979.33 14,986.87 14,921.60 +74.14 +0.50%
14:28:29
Small Cap 2000
2,018.50 2,022.10 1,993.80 +36.08 +1.82%
14:28:31
S&P 500 VIX
12.36 12.60 12.35 -0.20 -1.59%
14:27:31

سوق الأسهم الصغيرة بعد ارتفاعه جيد والفرص فيه كثيرة 2000 شركة مب شوي صغيرة أصغرهم أكبر من بعض شركاتنا الكبرى .. ومؤشر المخاطر سلبي

برنت قريب 80 وبيوصلها بإذن الله

[.:: القيصر ::.]

https://uploads.tapatalk-cdn.com/20231220/3c77fbb5d737e5b86061082d7d8c5a2c.jpg


الحمدلله شفنا 10200

اختراق 10300

باذن الله نشوف السوق يسبح في بحر 11000 و اعلى


موفقين الجميع ان شاء الله

[معماري قطري]

يوم تداول مرضي أتوقعه للجميع خصوصاً للمؤشر .. بالنسبة لي عطاني 0.2665% إرتفاع بالضبط للمؤشر وايد أكثر ولكل واحد حسب أسهمه وصل المؤشر 10,204.50 ولله الحمد بإرتفاع بنسبة +0.61% و +61.79 نفطة .. الملاحظ أسهم المؤشر صار عليها شغل قوي في المزاد وبإذن الله تروح أعلى بس بعد نتمنى أسهمنا ترتفع زيادة

أنصح كل واحد يتابع محفظته حتى يقدر يقرر شيسوي يبدل مراكز حسب ربحية بعض الأسهم لو تهمه التوزيعات أو يراقب سهم مضاربي هابط كفاية ومقرب يرتد يدخل فيه .. بس واضحة تحركات أسهم العوائد بدت تزيد وخصوصاً أسهم المؤشر القوية وبإذن الله نطلع من سلبية السنة اللي باقي منها -4.46% والباقي ست أيام تداول ونحتاج معدل 0.7433333% يومياً حتى نوصل الصفر% .. يسويها والا لا الله أعلم

أكثر 10 أسهم مرتفعين اليوم بينهم 6 أسهم مضاربية أعلاهم الطبية وقطر وعمان وأتمنى يواصلون ما يوقفون .. وإن شاء الله بكرة ينضمون أكثر للشلة

[معماري قطري]

https://uploads.tapatalk-cdn.com/20231220/3c77fbb5d737e5b86061082d7d8c5a2c.jpg


الحمدلله شفنا 10200

اختراق 10300

باذن الله نشوف السوق يسبح في بحر 11000 و اعلى


موفقين الجميع ان شاء الله

مشغل ميامي الحمد لله وشفناكم

[معماري قطري]

توقعاتك القيصر للفترة الجاية لين الربع الأول بيكون فيه أكشن زين وتداولات عالية وشراء قوي على بعض الأسهم .. انا متوقع خير وارتفاعات مجزية إن شاء الله والأهم توزيعات جيدة وما تفصلنا عن بداية الإعلانات الا حول اسبوعين أو ثلاثة بالكثير

[.:: القيصر ::.]

توقعاتك القيصر للفترة الجاية لين الربع الأول بيكون فيه أكشن زين وتداولات عالية وشراء قوي على بعض الأسهم .. انا متوقع خير وارتفاعات مجزية إن شاء الله والأهم توزيعات جيدة وما تفصلنا عن بداية الإعلانات الا حول اسبوعين أو ثلاثة بالكثير

للامانة كتوقعات اتوقع من 11300 الى 11500


لكن خلنا حبة حبة مبدئيا مهم نروح فوق 10300

ولكن الاغلب متفق ان بيكون ركود في 2024


خل نشوف شنو اللي يصير خاصة الاوضاع السياسية ما زالت مستمرة

[معماري قطري]

الله يجيب الخير يا اخوي

اليوم الشراء بس من فئتين .. المحافظ الأجنبية شراء جيد 31.8 مليون ريال .. والأفراد العرب قريب من مليون و900 الف .. غير الكل متفق على البيع أكثرهم أفرادنا حول 20 مليون ومحافظنا حول 5.1 مليون

[alkaldi]

للامانة كتوقعات اتوقع من 11300 الى 11500


لكن خلنا حبة حبة مبدئيا مهم نروح فوق 10300

ولكن الاغلب متفق ان بيكون ركود في 2024


خل نشوف شنو اللي يصير خاصة الاوضاع السياسية ما زالت مستمرة

ان شاء الله انشوف هالرقم قبل بداية السنه
عشان الموشر يتفرق لما بعد هالرقم
بكره نهاية اسبوع هل نواصل طلوع مثل اخر يومين او تداول خفيف

[معماري قطري]

ألحين بيحصلون سبب لهبوط السوق العجز البسيط في الميزانية اللي كما العادة بيتحول الى فائض من أول ربع

[معماري قطري]

السوق الأمريكي محقق هبوط معتبر ومغلق في بدايات ال 37000 والمؤشر المستقبلي أحمر والمخاطر عالية قليل .. شيتغير بكرة الله أعلم .. النفط 79.16 هبوط بسيط .. وسوقنا معروف توقف السيولة الأجنبية يهبط من قلب ما وراه حد يمسكه وراه صانع يبيع وبس .. بكرة متشائم بإختصار

[معماري قطري]

إنجاز المؤشر في المزاد اليوم كان جيد وتجاوز لكثير من السلبيات منها السلبية العالمية الغالبة على غالب الأسواق خصوصاً الصينية .. سلبية إعلان العجز البسيط للموازنة تعودنا عليها كل سنة ونتفاجأ بفائض كبير ولله الحمد والسوق شبعان هبوط والمفروض يتنفس قليل .. غالب الهبوطات في العالم بسبب قرب موسم الإجازات ونهاية السنة

لله الحمد أسبوع اليوم الوطني كان بحق وطني والله ينصر إخواننا في فلسطين ويرجع وطنهم كما كان وأفضل

نهاية اسبوع حلوة وبإذن الله نقترب من إنهاء سلبية السنة

[معماري قطري]

شراء جيد من محافظنا حول 25 مليون من تداول 178.4 مليون .. وايد زين والنسبة فوق ال 14% وكذلك شراء ممتاز من المحافظ الأجنبية 34.862 مليون من تداول 82.341 مليون وبنسبة 42.3386% نسبتهم أكبر والمبلغ الداخل أكبر

غير لم يشتري أحد وكل الفئات بيع وهذا دليل بالنسبة لي لتوجه المتحكمين بالسوق لرفعه .. باقي من سلبية السنة -3.71% بمعدل 0.742% لكل يوم متبقي من الأُسبوع الأخير القادم لهذي السنة

نتيجة أسبوع كامل كانت وباركز على الأكثر شراء في البداية .. أولاً المحافظ الأجنبية بمحصلة شراء 165.485 مليون من تداول 430.418 مليون وبنسبة 38.4475% .. ثانياً محافظنا شراء 31.252 مليون من تداول 595.728 وبنسبة شراء للتداول تساوي 5.2460% والفرق واضح .. البقية كلهم بيع باركز على أقلهم بيع في البداية .. وقبل مجموع الشراء 196.737 مليون من تداول 1,597,106,442.738 كقيمة سعرية للأسهم خلال اسبوع وبنسبة دخول اسبوعية 12.318% والنسبة وايد جيدة طول ما هي فوق ال 10% كان ممكن توصيلها بسهولة لل 15% بشراء قوي من محافظنا تعطي مزيد من الثقة للسوق

أقلهم بيع المحافظ العربية حول 21400 .. مبلغ ضئيل كلش .. الثاني اقل بيع هم افراد الخليج مبيعاتهم ما توصل 1.5 مليون شوي أقل .. والثالث عندنا أفراد العرب 13.532 مليون والرابع يجي الأفراد الأجانب 15.1 مليون .. الفئة الخامسة يجون المحافظ الخليجية بمبيعات بقيمة 73.3613 مليون .. وأبطال البيع والسوق نازل هم افرادنا بحدود 93.321 مليون وإن شاء الله السوق يواصل ارتفاع وما يرحم من يبيع والسوق نازل

[معماري قطري]

المؤشرات كلها مرتفعة أعلاها العام 3.6% وانا دوم أقارن بأسهمي ارتفاعها بالضبط 1.865% حول النص .. وأقل مؤشر هو مؤشر أسهم التأمين 0.720% والعقارت كذلك ارتفاع بسيط وأعتقد هذا سبب هبوط ربحية مجموعة أسهمي عندي فيه وايد والأعلى طلع مؤشر البنوك 4.470% هذا اللي حرك السوق عدل

أعلى أسهم القطاع المالي هو سهم المصرف 6.530% بعده التجاري 5.838% بعده دلالة 5.425% بعدين يجي سهم قطر وعمان 4.895% وبعدين يجي الوطني 4.485% .. السهم الوحيد المحقق هبوط هو سهم دخان -0.175%

السلع التجارية كلهم مرتفعين وأكثرهم بطلهم الطيب الطبية 11.372% .. والثاني السلام 4.060% والبقية بعضهم ارتفاع متواضع

قطاع الصناعة أعلاه سهم بو مبارك وسهمي بعد قامكو 6.190% والثاني كهرماء 4.048% والبقية تحت الا أعمال مسود الوجه ومسجل خسارة حول -0.471%

التأمين غالبيته هبوط وأكثرهم بيمة -6.200% الثاني أكثر هبوط كيو ال ام -3.846% ويجون سهمين مرتفعين شوي الخليج وقطر للتأمين وسهم ثابت العامة

قطاع العقارات بروة أعلاه 2.941% والمتحدة هبوط بسيط حول 0.1% سالب والباقي ارتفاع بسيط

الاتصالات أوريدو مغرد تغريدو 4.945% وفودافون يمشي بالهون 1.667%

قطاع النقل

ناقلات سهم سمين 5.938% ومخازن في ال 2% وملاحة هبوط بسيط 1.17%

سهم الموسم لهذا الاسبوع الطبية .. والسهم الواعد بإذن الله قامكو

[معماري قطري]

إغلاقات أمس كانت أغلبها خضراء للعالم وللسوق الأمريكي الا الداو هبوط بسيط 0.05% ولا شيء يعتبر ثبات .. النفط شوي هبوط بس ما زال في خانة ال 79 دولار .. بإذن الله نشوف بكرة تحرك ايجابي واستمرارية خصوصاً لقامكو مع عودة للخليج الدولية .. قامكو الربح المحقق فقط 6 دراهم ما يدعم سعر السهم الا لو كان دخول قوي من الأجانب لرفع السهم كما حصل في السابق .. والخليج الدولية ممكن يجيها هالدخول خصوصاً ربحية السهم فوق 22 درهم كما أذكر وباشوف بالضبط كم 0.223 تعطي ربح يعادل 7.433% على 3 ريالات .. يعني بس السهم ينتظر الربع الرابع + كم يكون التوزيع .. قامكو بالضبط 0.063 ريال على سعر 1.5 ريال بيعطينا نسبة 4.2% بس بدلت شوي من الخليج الدولية لقامكو لأني أشوف فيه فرصة وإحتمال وراه شيء والله أعلم

الله يوفق الجميع وإن شاء الله استمرار للخروج من سلبية السنة الكاملة وبعدين نفكر في سلبية سنة 2022 اللي وصلت ل 8.5% بنهاية السنة

[معماري قطري]

ما شاء الله يوم وايد حلو .. تابعت شوي على التلفزيون وما توقعت يطلع السوق هشكل مرتفع .. ما حصلته من ارتفاع لمحفظتي أكيد أقل طلع 0.62911% والسوق 1.21 % حول النص وشوي زود ولله الحمد تحرك جيد في صناعات وقامكو والخليج الدولية

[معماري قطري]

شراء المحافظ الأجنبية 32.544 مليون من مجموع تداول 38.116 بنسبة شراء كبيرة 85.38% وهذا دخول قوي يفتح النفس وآفاق السوق .. وشراء محافظنا 17.711 مليون من تداول 201.362 مليون بنسبة 8.7956% نسبة بعد تعتبر معقولة لكن تمنيت تساهم في رفع السوق أكثر .. شراء أفراد العرب 8.551 مليون من تداول 51.21 مليون وبنسبة 16.698%

البقية كلهم بيع أعلاهم أفرادنا 29.621 مليون من تداول 146.371 مليون وبنسبة بيع للتداول تعادل 20.2369% .. الثاني في البيع المحافظ الخليجية 22.52 مليون .. من تداول 36.341 مليون وبنسبة بيع للتداول 61.9686% النسبة كبيرة والله يرزقهم في مكان ثاني وإحتمال ربحهم جيد خصوصاً هم شروا كثير وقت نزول السوق .. الثالث أعلى بيع هم الأفراد الأجانب 6.191 مليون من تداول 16.669 مليون وبنسبة 37.1408% .. البقية بيعهم قليل المحافظ العربية وأفراد الخليج

مجموع الشراء 58.806 مليون من إجمالي تداول 434,232,401.032 وهذا يعطينا نسبة دخول شرائي تساوي 13.5425% نسبة جيدة مساهمة الأجانب فيها 7.4946% نسبة محترمة خصوصاً يوم إجازة لهم وقرب نهاية السنة ويوم كرسمس لهم

الأعلى سيولة بعد الوطني قامكو بسيولة 64,657,797.959 وبإرتفاع +2.09% وشكل السيولة عليه ضعف سيولة المحافظ الأجنبية مؤكد من تشتري فيه محافظنا أكثر شيء .. الثالث أعلى سيولة بنك دخان 33,042,151.579 وبإرتفاع بسيط +0.15% بس شكله قادم وبقوة .. والرابع أعلى سيولة المصرف 33,032,637.46 وبارتفاع يسر +3.31% وتوقعت له من فترة بسيطة أيام كان 17 واليوم أغلق على 20.90 بس عمري ما تخيلت يمشي بهالسرعة من 17 لين سعر اليوم بيكون أعطانا 22.94% والسهم سهل التحكم فيه وبأقل سيولة حتى يوصل 30 عادي ولا حد بيرسل له خطاب من ادارة السوق .. موجاته ارتفاع وثبات ثم مواصلة ارتفاع وقليل يرجع تحت في مثل هالوقت ( ما عندي فيه ومتحسف ما صدته )

الحمد لله قلصنا كثير من هبوط المؤشر السنوي باقي -2.63% هذي ممكن نغطيها في يوم والباقي خمس أيام تداول إن شاء الله ما تكون عجاف بمعدل كل يوم 0.526% وكان قبل المعدل أكبر 0.74% على ما اذكر وكسور .. يوم واحد مثل اليوم بنكون غطينا معدل يومين .. الحمد لله وصلنا لرقم 10,399.77 وتعدينا رقم القيصر 10300 والى الأعلى بإذن الله ومن حساب النسبة لازم نوصل إغلاق سنوي حول 10673.28 حتى نتعادل مع المؤشر في بداية 2023

[معماري قطري]

تقلص هبوط راسالمال الى 15.489% ههههه فيه واحد أذكره يحتر يموت قهر لين سمع إن واحد مستانس من البورصة وماشية محفظته صح

[alkaldi]

اغلاق وبداية اسبوع حلو لاخر اسبوع في هالشهر وهالسنه تقريبا
هالشهر احسه غير عن الاشهر اللي طافت
على الاقل في هبوط ونزول اما الاشهر اللي طافت اغلبها هبوط ومحزن وما تعطيك امل
ان شاء الله الخير جاي مع السنه الجديده وتكون بداية انطلاقة السوق لين اهداف اعلى والاسهم تروح لاماكن الكل فيها يكون راح من الخساره للربح باذن الله

[معماري قطري]

اغلاق وبداية اسبوع حلو لاخر اسبوع في هالشهر وهالسنه تقريبا
هالشهر احسه غير عن الاشهر اللي طافت
على الاقل في هبوط ونزول اما الاشهر اللي طافت اغلبها هبوط ومحزن وما تعطيك امل
ان شاء الله الخير جاي مع السنه الجديده وتكون بداية انطلاقة السوق لين اهداف اعلى والاسهم تروح لاماكن الكل فيها يكون راح من الخساره للربح باذن الله

اللهم آمين والحمد لله والله يجعل الكل مرتاح ومخلص من خسايره الافتراضية

ربعنا اللي شجعوا على الدخول في عز هبوط السوق قليلين وهم ما شاء الله صائدي فرص منهم محللين ومنهم مساهمين ومتداولين عاديين .. بعضهم وانا منهم شجعت على عدم البيع وصج للحين السلبية موجودة وممكنة في أي لحظة .. بس من تشوف قادة السوق يشترون وبعضهم يسحبون السوق سحب لفوق ويسحبون أسهم هم متركزين فيها صح وبكميات كبيرة وبعض الأسهم الطايح حضها بدت ترجع مثل قامكو ومسيعيد نسبياً تعرف إن فيه استغلال للفرص وتتمنى يبقى فترات ويرتفع لأعلى

هذي البوادر مرينا بها مرات ومرات واحنا في السوق سنوات وكلها أيام ونسمع أخبار ايجابية وتوزيعات ان شاء الله مناسبة .. وإن شاء الله يصدقون بالتوزيعات الربعية حتى تصير الأسهم الأساسية والقوية مرغوبة أكثر .. الباقي عاد هو الأسهم الفاشلة هذي لازم يشوفون لها حلول مثل مزايا قلصوا راسالمال ونزل السهم واليوم سعره يعادل 0.6608 قبل التقليص مكانك سر .. وبإذن الله بيتحرك السهم لو نفع معاه مسح الخساير أو توزيعها على المساهمين وشفنا الديون صفر ما زادت وبدأ السهم في الربحية ممكن السنة الجاية وراه تحرك وارتفاع جيد يعوضنا الصبر عليه هالفترة مثل ما عوضنا سهم الخليج الدولية وقامكو واستثمار قبل وازدان بعد قبل

[alkaldi]

اللهم آمين والحمد لله والله يجعل الكل مرتاح ومخلص من خسايره الافتراضية

ربعنا اللي شجعوا على الدخول في عز هبوط السوق قليلين وهم ما شاء الله صائدي فرص منهم محللين ومنهم مساهمين ومتداولين عاديين .. بعضهم وانا منهم شجعت على عدم البيع وصج للحين السلبية موجودة وممكنة في أي لحظة .. بس من تشوف قادة السوق يشترون وبعضهم يسحبون السوق سحب لفوق ويسحبون أسهم هم متركزين فيها صح وبكميات كبيرة وبعض الأسهم الطايح حضها بدت ترجع مثل قامكو ومسيعيد نسبياً تعرف إن فيه استغلال للفرص وتتمنى يبقى فترات ويرتفع لأعلى

هذي البوادر مرينا بها مرات ومرات واحنا في السوق سنوات وكلها أيام ونسمع أخبار ايجابية وتوزيعات ان شاء الله مناسبة .. وإن شاء الله يصدقون بالتوزيعات الربعية حتى تصير الأسهم الأساسية والقوية مرغوبة أكثر .. الباقي عاد هو الأسهم الفاشلة هذي لازم يشوفون لها حلول مثل مزايا قلصوا راسالمال ونزل السهم واليوم سعره يعادل 0.6608 قبل التقليص مكانك سر .. وبإذن الله بيتحرك السهم لو نفع معاه مسح الخساير أو توزيعها على المساهمين وشفنا الديون صفر ما زادت وبدأ السهم في الربحية ممكن السنة الجاية وراه تحرك وارتفاع جيد يعوضنا الصبر عليه هالفترة مثل ما عوضنا سهم الخليج الدولية وقامكو واستثمار قبل وازدان بعد قبل

والنعم بالله
مثل ماقلت اخوي بوعبدالله فرص واعتقد لين الحين في فرص وفي اسهم ما خذت نصيبها من الطلوع
مسيعيد من الاسهم المظلومه واللي على نتائجها على الاقل فوق 2 وهي قريب بتروح له والله اعلم
قامكو امسكوها مسكه ما خلوها تتنفس بس اعتقد بعد قريب الانطلاقه ويمكن اللي قاعد يصير فيها مقبلات والله اعلم
في اسهم كثير وصلت لارقام بس والله بوعبدالله مثل ما قلت ماله امان السوق بس ان شاء الله السنه الجديده تكون افضل من السنتين اللي راحوا
تلاحظ ان كل احد كل مره يكون السوق نزول قاسي بس اليوم اختلف الوضوع وان شاء الله يواصل ونوصل لارقام محللينا باذن الله

[معماري قطري]

والنعم بالله
مثل ماقلت اخوي بوعبدالله فرص واعتقد لين الحين في فرص وفي اسهم ما خذت نصيبها من الطلوع
مسيعيد من الاسهم المظلومه واللي على نتائجها على الاقل فوق 2 وهي قريب بتروح له والله اعلم
قامكو امسكوها مسكه ما خلوها تتنفس بس اعتقد بعد قريب الانطلاقه ويمكن اللي قاعد يصير فيها مقبلات والله اعلم
في اسهم كثير وصلت لارقام بس والله بوعبدالله مثل ما قلت ماله امان السوق بس ان شاء الله السنه الجديده تكون افضل من السنتين اللي راحوا
تلاحظ ان كل احد كل مره يكون السوق نزول قاسي بس اليوم اختلف الوضوع وان شاء الله يواصل ونوصل لارقام محللينا باذن الله

صراحة يا اخوي ما اشوف أفضل من وضع السوق صدقني لو عندي 4 مليون فارطة أدخلها ولله الحمد الموجود في السوق خير .. الواحد يسعى والخير بيد الله من كان يتذكر المصرف قبل كم يوم ب 17 والطبية ب 1.4 ويمكن تحت وبنشوف نتيجة شهر ديسمبر كم شركة ارتفعت من بداية الشهر لنهايته وشكثر .. باعطيك أمثلة بسيطة المصرف كان بالضبط في 1/ 12 سعره كان 18.890 في 3/ 12 بالضبط بداية أول اسبوع في 12 وألحين 20.9 .. الفرقية تقريباً ريالين في 18.89 تعادل 10.5876% وهو صحيح توزيعه لك عليه حول النص ريال لكن هنا الربح الكبير وفي حوالي 3 أسابيع

خل نشوف قامكو سهم بو مبارك .. كان في 3 12 سعره 1.264 واليوم سعره 1.366 أضاف 0.102 ريال لسعره الأساسي أول الشهر يعادل نسبة 8.069% .. هذا يعني لو حاط مليون في المصرف بتبيع وتطلع أمس بتكون مطلع 100000 أقل شيء مع حساب العمولة .. وبالنسبة لقامكو بتكون مطلع 80000 اقل شيء .. وبالنسبة للدولية بتطلع 20771 بالضبط شيل منها عمولة الشراء والبيع .. يعني قامكو والمصرف ممكن يكونون الأعلى نسبة ارتفاع وممكن غيرهم بنعرف من التقرير الشهري أفضل وممكن سهم ينزل خلال الخمس أيام تداول الباقية

[معماري قطري]

ما شاء الله إستمرار للإرتفاعات واليوم محافظنا بطلة الشراء بقوة .. كان معدل الوصول للتعادل مع بداية السنة 0.526% واليوم ما جبناه شوي اقل +0.50% .. كم حققت محفظتي خسارة أو ربح لازم أشوف .. سبحان الله 0.505128% حطيت الرقم بالضبط لكم خانة عشرية .. زين اليوم هزمت المؤشر بس وراي كثير حول 15% ويمكن شوي تحتها

شراء محافظنا كان 65.384 مليون ما اذكر شفت هالرقم خلال سنة أقل شيء .. من تداول 265.352 مليون وبنسبة 24.64% هذا اللي ينسمى شراء ويارب يستمر

شراء المحافظ الأجنبية أتوقعه الثاني كان 34.421 من تداول 46.138 مليون وبنسبة دخول تساوي74.604% عالية كثير

شراء افراد العرب 1.258 مليون وبنسبة بسيطة لا تؤثر .. وشراء الأفراد الخليجيين 0.953 مليون ..

البقية كلهم بيع على راسهم المحافظ الخليجية 73.659 مليون .. ثم أفرادنا 27.216 مليون ثم الافراد الأجانب 0.830 مليون ثم المحافظ العربية بيع قليل

مجموع الشراء 102.016 مليون ريال سيولة داخلة تعادل نسبة 16.3034% من تداول 625,734,247.231 .. ما شاء الله نسبة تبشر بالخير بعد ال 3 و 4% الماضية واجتماع المحافظ القطرية والأجنبية على الشراء شيء جيد ويعني رفع للسوق لمستويات مستحقة بإذن الله .. الباقي لنقطة التعادل مع بداية السنة هو -2.14% والباقي من أيام التداول 4 أيام بمعدل كل يوم ارتفاع 0.535% وممكن يكملونها في يوم لو حبوا .. بس شفايدة نطلع من سلبية السنة في آخر يوم فيها ولا نستمر في الإيجابية وتغطية على الأقل خسارة سنة 2022 اللي كانت حول 8.5% .. أتمنى نغطيها خلال أول شهر من 2024 ونزيد عليها لحدود شهر 4 وكل شيء ممكن لو حبوا يعدلون السوق

[معماري قطري]

الأسهم المؤثرة سلباً عندي هي الملاحة والدولي وبنك لشا وأعمال والسلام واستثمار ودلالة ومزايا وإيجاباً والإيجاب تفوق ولله الحمد مجمع المناعي ومقدام وانماء والريان وفودافون وعندي قليل كلش في مخازن ما لها تأثير .. وكثير غير بعد قامكو وصناعات مع إن ارتفاعهم بسيط

سنة تقترب من الإنتهاء ومحافظنا ما قصرت باعت حول 2 مليار هالسنة وبنشوف الرقم الصحيح بنهاية التداول .. اليوم ضخت 65 مليون ولا شيء عند الرقم اللي باعته والمفروض الشراء يتزايد ويستمر .. أما أفرادنا غلطة اللي يبيع ذا الوقت ومع بدايات الإرتفاع وبربح بسيط أو براسالمال

[mubarak2006]

لاأحد يعلم الغيب .. وهذي الارتفاعات لاتعني لي شي من وجهه نظري.. ممكن في جلسه وحده يفقد السوق كل اللي بناه في يومين.. السوق يترنح بين 170 نقطه إلى 50 نقطه ..الوضع لااعتقد انه مستقر .. الزخم لابد يكون بوتيره اقوى .. على هذي الارتفاع المفروض اليوم نشوف 11000 او اكثر … لكن ؟؟؟ هذا لو افترضنا انه ارتفاع حقيقي

[بوجبر]

يا عشقنا على هذه الارتفاعات الكبيرة والجميلة


الف الف مبروك عليكم

[بوجبر]

ماشاءالله كنا فين وبقينا فين


مسيعيد وبس هذا إذا فكرت كثيرا ان اشتري

[معماري قطري]

يا عشقنا على هذه الارتفاعات الكبيرة والجميلة


الف الف مبروك عليكم

الله يبارك فيك ويرزقك ما يكفيك

انا انتحاري ما ادري صح أو غلط زدت محفظتي بلا شعور هالسنة بحدود 7.22% تعتبر مؤثرة وما كنت متابع بس أتذكر كم كان راسالمال وألحين أشوفه كم استوى وفيه خسارة للآن لكن تتقلص شوي ومحد يدري فجأة نشوف سوقنا واصل 12000 والا بعد فجأة نشوفه راجع صوب ال 9000 وكل شيء جايز

[mubarak2006]

لاأحد يعلم الغيب .. وهذي الارتفاعات لاتعني لي شي من وجهه نظري.. ممكن في جلسه وحده يفقد السوق كل اللي بناه في يومين.. السوق يترنح بين 170 نقطه إلى 50 نقطه ..الوضع لااعتقد انه مستقر .. الزخم لابد يكون بوتيره اقوى .. على هذي الارتفاع المفروض اليوم نشوف 11000 او اكثر … لكن ؟؟؟ هذا لو افترضنا انه ارتفاع حقيقي
كنت متوقع هذا اللي بيصير اليوم …سوق لايعطي اي امل للمستثمر..المصرف هو مثبت السوق شوي ولا كان شفت اكثر من 200 نقطه نزول

[شبيب]

المناعي الجديد سهم مقدام السهم راح يعطي عطاء جميل

[.:: القيصر ::.]

https://uploads.tapatalk-cdn.com/20231220/3c77fbb5d737e5b86061082d7d8c5a2c.jpg


الحمدلله شفنا 10200

اختراق 10300

باذن الله نشوف السوق يسبح في بحر 11000 و اعلى


موفقين الجميع ان شاء الله

نبي شوي


استراحة محارب


و بعدها نبي استكمال للمشوار لاعلى

[معماري قطري]

إستراحة بسيطة اليوم تعتبر ثبات مع إخضرار المؤشر قليل .. لفت نظري شراء محافظنا القوم لثاني يوم على التوالي بالتزامن مع المحافظ الأجنبية .. شرائهم اليوم كان 81.686 مليون من تداول يقترب من 247.926 مليون وبنسبة 32.9477% نسبة وايد عالية والمفروض كانوا يشتغلون على السوق قبل شراء ورفع ما يعدلون في الأخير أكثر شيء

شراء المحافظ الأجنبية كان 59.286 مليون من تداول 89.689 مليون وبنسبة 66.102% استمرار الدخول هالوقت وعلى مشارف نهاية السنة دليل ان السوق مناسب جداً للدخول

أخيراً في الشراء اليوم الأفراد الأجانب شوي أقل من 2.9 مليون

البيع أكثره كان من المحافظ الخليجية 104.519 مليون .. ومن تداول 111.411 مليون بنسبة 93.8139% نسبة وايد عالية تعتبر خروج بس ما قصروا هم كانوا يضخون والسوق حول 9000 وشوي تحت ال 10000 وألحين فرصتهم يطلعون بربح حتى لو 10% .. الدور علينا احنا اللي معدل شراءنا فوق ال 12000 وغالب أسهمنا ميتة طبياً

بيع افرادنا كان 33.879 مليون من تداول 137.51 مليون وبنسبة 24.6374% الله يكون في عونهم ويرزقهم

مجموع الشراء كان 143.872 مليون هذي سيولة داخلة فلوس توها طالعة جديدة من تداول كلي قيمته 502,998,066.743 وبنسبة دخول مؤسسي غير عادي تعادل 28.6% ولله الحمد وين كنا ووين أصبحنا .. انا ما اتوقع محافظنا بتصبر شوي وبتبيع بسرعة وأتوقع خلاص بدت تشتغل وبترفع السوق لحدود جيدة ومعاها المحافظ الأجنبية .. شيء مبشر بالخير ولله الحمد

نظرة حول أسهم اليوم

مقدام تداول بسيط وإرتفاع جيد وإن شاء الله نشوف أرقام حلوة للسهم قبل التوزيع وإن شاء الله فيه مجاني .. المصرف يمشي مشية ملوك .. كهرماء كذلك ما عليها خوف وشكلها رايحة صوب العشرين .. فودافون ناوي له على نية واللي يبي يبيع حر

الهابطين أشوفهم كلهم بيجي دورهم ممكن بكرة اللي ما لهم حد يحميهم أسهم تحت الريال ذيلا مشكوك في موضوعهم

[معماري قطري]

إستراحة بسيطة اليوم تعتبر ثبات مع إخضرار المؤشر قليل .. لفت نظري شراء محافظنا القوم لثاني يوم على التوالي بالتزامن مع المحافظ الأجنبية .. شرائهم اليوم كان 81.686 مليون من تداول يقترب من 247.926 مليون وبنسبة 32.9477% نسبة وايد عالية والمفروض كانوا يشتغلون على السوق قبل شراء ورفع ما يعدلون في الأخير أكثر شيء

شراء المحافظ الأجنبية كان 59.286 مليون من تداول 89.689 مليون وبنسبة 66.102% استمرار الدخول هالوقت وعلى مشارف نهاية السنة دليل ان السوق مناسب جداً للدخول

أخيراً في الشراء اليوم الأفراد الأجانب شوي أقل من 2.9 مليون

البيع أكثره كان من المحافظ الخليجية 104.519 مليون .. ومن تداول 111.411 مليون بنسبة 93.8139% نسبة وايد عالية تعتبر خروج بس ما قصروا هم كانوا يضخون والسوق حول 9000 وشوي تحت ال 10000 وألحين فرصتهم يطلعون بربح حتى لو 10% .. الدور علينا احنا اللي معدل شراءنا فوق ال 12000 وغالب أسهمنا ميتة طبياً

بيع افرادنا كان 33.879 مليون من تداول 137.51 مليون وبنسبة 24.6374% الله يكون في عونهم ويرزقهم

مجموع الشراء كان 143.872 مليون هذي سيولة داخلة فلوس توها طالعة جديدة من تداول كلي قيمته 502,998,066.743 وبنسبة دخول مؤسسي غير عادي تعادل 28.6% ولله الحمد وين كنا ووين أصبحنا .. انا ما اتوقع محافظنا بتصبر شوي وبتبيع بسرعة وأتوقع خلاص بدت تشتغل وبترفع السوق لحدود جيدة ومعاها المحافظ الأجنبية .. شيء مبشر بالخير ولله الحمد

نظرة حول أسهم اليوم

مقدام تداول بسيط وإرتفاع جيد وإن شاء الله نشوف أرقام حلوة للسهم قبل التوزيع وإن شاء الله فيه مجاني .. المصرف يمشي مشية ملوك .. كهرماء كذلك ما عليها خوف وشكلها رايحة صوب العشرين .. فودافون ناوي له على نية واللي يبي يبيع حر

الهابطين أشوفهم كلهم بيجي دورهم ممكن بكرة اللي ما لهم حد يحميهم أسهم تحت الريال ذيلا مشكوك في موضوعهم

[alkaldi]

اليوم السوق اعطى نوع من الطمانينه حسب اعتقادي
سيلوه قويه واغلاق اخضر وارتداد بعد نزول
المصرف اليوم كان متسيد الوضع مع توازن باقي القيادات
يمكن والله اعلم الحين المصرف بيصحح والباقي بيردون الموشر لاعلى اولهم الريان
هذا توقعي يمكن يصيب ويمكن لا. الله اعلم انا مب محلل

[معماري قطري]

اليوم السوق اعطى نوع من الطمانينه حسب اعتقادي
سيلوه قويه واغلاق اخضر وارتداد بعد نزول
المصرف اليوم كان متسيد الوضع مع توازن باقي القيادات
يمكن والله اعلم الحين المصرف بيصحح والباقي بيردون الموشر لاعلى اولهم الريان
هذا توقعي يمكن يصيب ويمكن لا. الله اعلم انا مب محلل

بعيد عن التحليل أي سوق فيه شراء قوي ودخول بيرتفع هي رغبة من قيادات السوق .. في السنتين اللي مرت خصوصاً 2022 صارت نحاسة كبيرة وبيع قوي من محافظنا في تقريباً 8 شهور ما يزيد على 11 مليار ريال معدل 45 مليون في اليوم وعلى فرض فيه تداول في آخر الأسبوع يعني أكثر لو افترضنا وقت التداول بس 5 أيام في الأسبوع تطلع ما يقارب ال 64 مليون كل يوم تداول .. لكن محافظنا أتوقعها في سنة 2022 تبيع من بداية السنة لنهايتها مع شراء بسيط أوقات .. يعني 52 أسبوع ناقص يومين من كل اسبوع اجازات غير عن بعض الأعياد نصفي على حول 260 يوم ناقص عيدين حول 8 أيام أو نقول 10 أيام مع باقي الإجازات الرسمية نصفي هلى 250 يوم تداول كل سنة 11 مليار نقسمها على 250 تعطينا 44 مليون كل يوم خارجة وهي في الواقع أيام أكثر بوايد لأن بعض الأيام يدخل فيها شراء والكلام كمعدل تقريبي وركعوا السوق غصب خصوصاً بعد بدايات 2023 وجرعات الأمل في التوزيعات

لو السنة غيروا أُسلوبهم الوضع بيكون غير مثل اليوم شراء بهالمبلغ 81.686 مليون وأمس شراء جيد كان بمبلغ 65.384 مليون واليوم اللي هو أمس على أساس اليوم الأربعاء وأمس الثلاثاء اللي نذكر نتيجته 81 مليون شراء من محافظنا هذا رقم قياسي للشراء هذي السنة

[alkaldi]

الوضع ان شاء الله غير بوعبدالله السنه الجديده
باذن الله الخير معاها

[alkaldi]

اليوم ماشاء الله سيلوه رائعه واغلاق اجمل
وضع السوق والحركه ما شفناها من زمان من بداية الاسبوع اخضر
وحتى لو نزل الارتداد يكون حاضر نهاية التداول
باقي يومين على اغلاق الاسبوع والشهر والسنه
ان شاء الله نواصل ونروح لقريب 10800
والسنه الجايه تكون احلى والمؤشر يروح لين 11000
والاسهم تروح للارقام اللي تستاهلها

[معماري قطري]

بإذن الله واضح إنهم بدوا خلال الفترة اللي راحت نشوف اليوم شصار

انا مركز على أسهمي أمس هبوط خفيف أول مرة في اسبوعين من بعد اليوم الوطني واليوم غطيت الهبوط بزود ولله الحمد كبير النسبة 0.2436% وايد أقل من المؤشر بس حلوة للآن 7 إرتفاعات وهبوط واحد خلال الفترة اللي راحت وإحتمالية بكرة ارتفاع جيد كبيرة بإذن الله

إرتفاع المؤشر +0.64% والباقي 1.4% عن سلبية السنة هذي على يومين ممكن يجيبونها 0.7% لكل يوم

اليوم الأعلى شراء كأنها المحافظ الأجنبية .. بحدود 80.845 مليون من تداول 208.639 مليون وبنسبة 38.749% النسبة دخول من قلب .. محافظنا تجي ثاني في الشراء 75.525 مليون بعد شراء جيد ومقارب للأجنبية وتداولهم عالي اليوم 349.091 مليون وبنسبة 21.6348% بعد النسبة تفتح النفس .. المشكلة أفرادنا بيفيقون متأخرين وبيشترون بغالي بعد ما فقدوا الثقة في السوق بسبب تصرفات المستر شين وشركاه والسوق استوى مغري لهم وقرروا الشراء بنهم وهذا اللي رفع السوق .. شراء الأفراد الأجانب 3.5 مليون ريال .. والمحافظ العربية شراء بسيط جداً بحدود 9000 ريال ما له تأثير .. الفئات كلها فقط محافظ اللي شرت اليوم + الأفراد الأجانب

أبطال البيع المحافظ الخليجية 104.147 مليون من تداول 140.281 مليون وبنسبة بيع تعادل 74.242% .. ثانيهم أفرادنا رافعين شعار الخسارة خسارة الروح ونلحق نحتفل براس السنة في دبي والا لندن بيعهم كان 54.027 مليون من تداول 137.841 مليون وبنسبة 39.195% .. البقية بيعهم بسيط حول مليون أو 2

مجموع الشراء كان 159.9 مليون تقريباً يعادل نسبة 21.65% من إجمالي التداول البالغ 738,440,725.097

يا اخوان نسبة السيولة الداخلة قوية ومن محافظ تقود السوق لإرتفاعات مرضية بإذن الله .. كلش ما شفت اتفاق بين محافظنا والمحافظ الأجنبية هشكل خلال السنتين الأخيرتين وهذيلا ما يشترون اليوم حتى يبيعون بكرة كلها صفقات جديدة لو بيبيعون بيبيعون القديمة اللي خذوها من تحت وهذي بيجي وقتها بعدين بعد ال 11000 أو 12000 .. شغل المحافظ غير عن شغلنا إحنا غالبنا معدل وهم شغلهم صفقات الفرص أكثر ودائمة

[معماري قطري]

اليوم ماشاء الله سيلوه رائعه واغلاق اجمل
وضع السوق والحركه ما شفناها من زمان من بداية الاسبوع اخضر
وحتى لو نزل الارتداد يكون حاضر نهاية التداول
باقي يومين على اغلاق الاسبوع والشهر والسنه
ان شاء الله نواصل ونروح لقريب 10800
والسنه الجايه تكون احلى والمؤشر يروح لين 11000
والاسهم تروح للارقام اللي تستاهلها

كيفهم طال عمرك هم الخيط والمخيط في يدهم ولو تشوفهم يبيعون بعدين ويركدون السوق تحصلهم يبيعون صفقات شارينها قبل بأسعار سحيقة وربحهم فيها مضمون 100% .. بينهم بنوك تشتري اسهم بنوك مثل الدوحة بعضهم شارين فيه ب 1.5 وألحين لو باعوا ب 1.8 وصلوا فيه ربح 20% .. المشكلة أسهم الطبقة العادية هذي ما يلتفتون لها وربعنا كله بيع بفرقية درهم وينزل السهم درهمين

كنا نشتكي من قلة الشراء والسيولة ونشتكي من الهبوط المتواصل ألحين عندنا ارتفاعات انا اشوفها تو الناس عليها ولازم بيحصل هبوط لفترة بس الوقت كلش مب وقت بيع وبهذي الأسعار .. اللي خذ المصرف ب 17 ومكتفي بربحه وضعه غير اليوم وصل 21.65 وأغلق على 21.20 هدأ شوي بس شكله مواصل بكرة والطمع محمود معاه 23 تعطيك 6 ريالات فوق سعر شرائك لو 17 تعادل 35.29% وتوزيعه لو حصل ممكن ستين درهم على 17 تعادل 3.529%

[معماري قطري]

اليوم ماشاء الله سيلوه رائعه واغلاق اجمل
وضع السوق والحركه ما شفناها من زمان من بداية الاسبوع اخضر
وحتى لو نزل الارتداد يكون حاضر نهاية التداول
باقي يومين على اغلاق الاسبوع والشهر والسنه
ان شاء الله نواصل ونروح لقريب 10800
والسنه الجايه تكون احلى والمؤشر يروح لين 11000
والاسهم تروح للارقام اللي تستاهلها



الخالدي منهي سيلوه .. كانت عندنا وحدة اسمها سيل ههههه

[معماري قطري]

تتوقعون أي مجموعة أسهم ممكن تفاجئنا الفترة الجاية بأسعار مضاربية عالية أو حتى استثمارية كل واحد يحط خمس أسهم كخيارات هو يتوقعها؟

انا للحين واثق في الخليج الدولية صحيح بعت منه قليل كلش وبربح جيد بس باقي الكمية عندي كبيرة ومخليها لإستلام التوزيع وما بعده .. قامكو بعد أشوف فيه نبض قوي .. بنك الدوحة توقعت له ارتفاعات من فترة وأتوقع تستمر بسبب دخول الأجانب بقوة عليه .. السلام والإجارة خصوصاً الأخيرة فيهم بعد روح لفوق العشر دراهم كتوقع وعندي فيهم كمية معتبرة

[شبيب]

تتوقعون أي مجموعة أسهم ممكن تفاجئنا الفترة الجاية بأسعار مضاربية عالية أو حتى استثمارية كل واحد يحط خمس أسهم كخيارات هو يتوقعها؟

انا للحين واثق في الخليج الدولية صحيح بعت منه قليل كلش وبربح جيد بس باقي الكمية عندي كبيرة ومخليها لإستلام التوزيع وما بعده .. قامكو بعد أشوف فيه نبض قوي .. بنك الدوحة توقعت له ارتفاعات من فترة وأتوقع تستمر بسبب دخول الأجانب بقوة عليه .. السلام والإجارة خصوصاً الأخيرة فيهم بعد روح لفوق العشر دراهم كتوقع وعندي فيهم كمية معتبرة

الريان مقدام استثمار والدولية ، وقطر وعمان مضاربياً

[alkaldi]

الخالدي منهي سيلوه .. كانت عندنا وحدة اسمها سيل ههههه


ههههههههه اقصد سيوله جات اختها
الجوال شكله اختار هالكلمه اتوماتيك

[alkaldi]

تتوقعون أي مجموعة أسهم ممكن تفاجئنا الفترة الجاية بأسعار مضاربية عالية أو حتى استثمارية كل واحد يحط خمس أسهم كخيارات هو يتوقعها؟

انا للحين واثق في الخليج الدولية صحيح بعت منه قليل كلش وبربح جيد بس باقي الكمية عندي كبيرة ومخليها لإستلام التوزيع وما بعده .. قامكو بعد أشوف فيه نبض قوي .. بنك الدوحة توقعت له ارتفاعات من فترة وأتوقع تستمر بسبب دخول الأجانب بقوة عليه .. السلام والإجارة خصوصاً الأخيرة فيهم بعد روح لفوق العشر دراهم كتوقع وعندي فيهم كمية معتبرة

الريان من البنوك اتوقع الى 3 والله اعلى بس ان شاء الله يفاجئنا باعلانه ويكون حلو
مسيعيد بتكون خطواته بعيده ان شاء الله يروح 2
فودافون شركه قويه تمشي شوي شوي لاهداف اعلى سهم مخيف
ازداااان لو بس صانعها المحترف بس يركب التيربو بدري شوي يكون اهدافه حلو بس اعتقد يمشي بروااااق وتجميع خفيف خفيف وبتطلق ان شاء الله بس يبي لها وقت توقعي الربع الثاني والعلم عند الله
الخليج التكافلي عنده استحقاقات قادمه اولها التامين
ذي توقع مني فقط الله اعلم
وكل واحد رب يرزقه اللي ينتظره باذن الله

[بوجبر]

من بكرة ان شاءالله اتوقع نفضة قوية على بعض الشركات الحكومية


بقية الاسهم روح جاي هههه

[معماري قطري]

الريان مقدام استثمار والدولية ، وقطر وعمان مضاربياً

إختياراتك بعد جيدة وما استبعدها

[معماري قطري]

ههههههههه اقصد سيوله جات اختها
الجوال شكله اختار هالكلمه اتوماتيك

متأكد من هالشيء انا لو ما اشوف الأحرف شكبر على شاشة التلفزيون جدامي والأزرة كي بورد شكبره كان شكثر لي هفوات .. شفت الغلطة تكررت مرتين بس تذكرت سيل ما ادري هي عندنا والا في بيت ابوي والله الذاكرة يبي لها سيل

[معماري قطري]

الريان من البنوك اتوقع الى 3 والله اعلى بس ان شاء الله يفاجئنا باعلانه ويكون حلو
مسيعيد بتكون خطواته بعيده ان شاء الله يروح 2
فودافون شركه قويه تمشي شوي شوي لاهداف اعلى سهم مخيف
ازداااان لو بس صانعها المحترف بس يركب التيربو بدري شوي يكون اهدافه حلو بس اعتقد يمشي بروااااق وتجميع خفيف خفيف وبتطلق ان شاء الله بس يبي لها وقت توقعي الربع الثاني والعلم عند الله
الخليج التكافلي عنده استحقاقات قادمه اولها التامين
ذي توقع مني فقط الله اعلم
وكل واحد رب يرزقه اللي ينتظره باذن الله

معاك الريان يعتمد على إعلانه ولو أعلن تقليص التزاماته وتوزيع يدعم سعره بيتحرك بسرعة وأتوقع دخول الكثيرين عليه على هذا الأساس .. .. مسيعيد ربحه 0.063 للثلاث أرباع وبيوزعون بقية أسهم المنحة وضعه شوي يخوف الا لو جاب نتائج زينة ممكن حده 10 دراهم لو وزعها كلها بيكون دافع بسيط لل 1.8 أو حولها وكله حسب الدخول المؤسسي عليه .. فودافون معاك حق فيه ربحيته جيدة واصل 0.093 وللحين على سعره الحالي يعطيك 4.9468% عادي مع الربع الأخير يجيب 12 درهم وشوي ويوزع زين العام موزع 10 درهم على سعره الحالي لو وزع 11 مثلاً بيعطي 5.85%

بالنسبة حق ازدان خربوا على كبار ملاكه ادارة السوق .. اخوي الخالدي شيجمعون فيه كبار ملاكه يبون يبيعون شكلهم بس يبون السعر العادل للبيع أعلى شوي .. غالب الأسهم عندهم اللي في السوق بس حول مليار سهم وشوي الباقي حول 25 مليار عند كبار الملاك منها 6 مليار وقف

يمكن لإدارة السوق حق وهم أعرف سهم ملياري ولا يوزع شفايدته .. الريان 9 مليار على ما أعتقد ويوزع زين له عمر وأعفانا من دفع بقية قيمة أسهم الإكتتاب .. 26 مليار لو جاب ربح كم بيقدر يوزع خمس دراهم يستفيدون منهم الوقف أقل شيء .. لازم يجيب 1.325 مليار حتى يقدر يوزع 5 دراهم ومجلس الإدارة بعد ما له شيء

[بوجبر]

من بكرة ان شاءالله اتوقع نفضة قوية على بعض الشركات الحكومية


بقية الاسهم روح جاي هههه


مسيعيد واجد زين:nice:

[alkaldi]

اليوم السوق اعطى نوع من الطمانينه حسب اعتقادي
سيلوه قويه واغلاق اخضر وارتداد بعد نزول
المصرف اليوم كان متسيد الوضع مع توازن باقي القيادات
يمكن والله اعلم الحين المصرف بيصحح والباقي بيردون الموشر لاعلى اولهم الريان
هذا توقعي يمكن يصيب ويمكن لا. الله اعلم انا مب محلل

مثل ما توقعت
وتوقعي كان بالحظ هههههه
رب يرزق الجميع ان شاء الله

[alkaldi]

بوعبدالله اليوم ماشاء الله السيوله لاحظ السيوله كتبتها صح
مب تقول بعدين كتبت السيل ههههه
كانت اجمل والارتداد احلى
اول اسبوع تقريبا من زمااااان يكون تقريبا اخضر بالكامل
ماشفنا مثل الوضع لسوقنا يمكن قبل كاس العالم بسنه

[معماري قطري]

من بكرة ان شاءالله اتوقع نفضة قوية على بعض الشركات الحكومية


بقية الاسهم روح جاي هههه

نظرتك في محلها يا بو جبر ونظرتي كذلك في محلها سواق الباص متى ما حب يدوس داس .. عاد شوف بعض الأسهم وراها ناس ما يرضون عليها ومتى ما حبوا يحركونها حركوها والسوق مقبل على حركة جيدة والا شفايدة كل هالتطبيل للإقتصاد القطري والوضع كله رديء في البورصة يوم حلو ويوم مر أقل شيء

[معماري قطري]

بوعبدالله اليوم ماشاء الله السيوله لاحظ السيوله كتبتها صح
مب تقول بعدين كتبت السيل ههههه
كانت اجمل والارتداد احلى
اول اسبوع تقريبا من زمااااان يكون تقريبا اخضر بالكامل
ماشفنا مثل الوضع لسوقنا يمكن قبل كاس العالم بسنه

صادق وانا ذكرت مرات السوق جاهز ينتظر بس دخول رفيجنا مستر شين وشركاه والمحللين ما قصروا نصحونا بالصبر مثل السامر وعتيق من زمان .. السوق كان ناسيه مدير أكبر محفظة توه شارب قهوته ومفتح .. تذكر كنت أتمنى شراء فوق 10% بالنسبة لتداول المحافظ قمت أشوف فوق العشرين .. أفرادنا ما عليك منهم بيبدون يشترون قرب ال 12000 وبيبيعون مع أول هبوط.

اليوم إغلاق آخر اسبوع وباقي بس يوم وصلنا سيولة تداول خرافية لو كان تداول عادي لكن يمكن فيه تفعيل والا شيء ما ادري به .. 1,256,027,537.883 .. إرتفاع السوق تحت المطلوب بشوي +0.56 % والمتبقي لسلبية السنة -0.85% تتوقعون يجيبها في اليوم المتبقي انا أشوف ممكن ويجيب حتى فوقها لو حب مستر شين ( رفيجنا شمشون الجبار ) .. اليوم كان شراءه وهو له عدة وجوه بس انا ممثله في قائد واحد .. قبل مستر شين طلع مستر جيم شاري أكثر اليوم المحافظ الأجنبية اليوم اشترت بقيمة 254.947 مليون شراء خرافي .. من تداول 397.254 مليون وبنسبة دخول للتداول تساوي 64.177% نسبة عالية

شراء محافظنا اليوم كان 64.484 مليون من تداول 690.249 مليون وبنسبة 9.342%

وغير لم يشتري أحد وعلى رأس البائعين المحافظ الخليجية 227.267 ما قصروا أو ما قصرت المحفظة القطرية اللي كانت تشتري من هناك وألحين تبيع وتشتري من هنيه ترفع السوق أقل شيء .. تداولهم كان عالي 323.347 مليون نسبة بيعهم لتداولهم 70.2858%

أفرادنا بيعهم 84.211 مليون من تداول 233,97 مليون وبنسبة خروج تعادل 35.99222% والله يربحهم السوق مر بظروف صعبة والخوف مسيطر للحين

[معماري قطري]

اللي يتابع بيلاحظ البداية كانت من شراء من محافظنا وهي اللي سحبت السوق

اليوم السيولة الداخلة الشرائية من فئتين بس محافظنا والأجنبية وصلت ل 319.431 مليون والمفروض سوقنا مرتفع وايد أكثر من اللي صار ونسبتها لقيمة التداول تعادل 25.4318% نسبة محترمة كنا نشوف أوقات 1% وحولها نسبة تقهر .. ما اتوقع هذي المحافظ تشتري هالوقت علشان تبيع بعد شهر أو شهرين وما بتبيع الا بعد التوزيعات أقل شيء وبعد ما يرفعون السوق لرقم مستحق ومناسب لهم

[معماري قطري]

أتابع مع الإغلاق الأسبوعي وأهم ما جاء فيه من التداول .. الشراء أولاً .. كان من المحافظ الأجنبية أكثره ب 462.043 مليون وبتداول 779.838 وبنسبة 59.24858% دخول جيد وسيولة داخلة كبيرة

ثاني شيء تجي محافظنا بشراء 304.789 مليون وسيولة تداول 1753.693 مليون وبنسبة 17.3798% وهي نسبة محترمة لأسبوع كامل

الأفراد العرب شراءهم مليون ونص تقريباً

البقية بيع على راسهم معروفين المحافظ الخليجية 532.112 مليون .. ومن تداول 794.627 ونسبة بيع تعادل 66.96% واضح دخولهم لهدف وحققوه والله يوفقهم

أفرادنا بيعهم 228.954 مليون وبنسبة محترمة توصل ل 25% تقديرياً

لله الحمد نسبة الخسارة نزلت من قريب ال 17% لحدود 14.29668% بالنسبة لمحفظتي والله يقلبها لربح جيد

مؤشرات السوق كلها مرتفعة وأعلاها التأمين 7.070% ثم الإتصالات 4.290% واقلها النقل

أسهم القطاع المالي

أعلاها ارتفاع بنك الدوحة 10.942% ثم قطر وعمان 6.333% ثم التجاري 5.872% ثم الريان 4.939% وعندنا كم سهم نازل أكثرهم نزول كان البنك الأهلي -4.659%

اسهم الخدمات

أعلاهم كان المناعي 5.811% والثاني مقدام 4.520% والثالث وقود 3.547% وعندهم كم سهم نازل

الصناعة

مسيعيد مبدع 8.589% توني انتبه مقرب على الربحية فيه أو بالأحرى رابح ما حسبت أسهم الإكتتاب والمنحة .. سهم بو مبارك وشركاه قامكو بعد ارتفاعه جيد 4.709% .. الكهرباء 3.432% .. صناعات 2.300% نلاحظ اللي سقطوا سهواً وشعبيات أكثر عليهم شغل من المحافظ أكيد والقلة من الأفراد

التأمين

القطرية العامة للتأمين بس ارتفاع غير حقيقي لقلة عدد الأسهم 19.484% وبعدين قطر للتأمين 8.563% وبعدين بيمة 4.478% بعد تداول فاشل 41000 وشوي عدد أسهم بسيط وصفقات 12 .. العامة 24 صفقة

العقارات

بروة 2.893% والمتحدة 2.3% وازدان 0% ومزايا شيء بسيط ما يوصل 0.1%

الاتصالات

اوريدو 4.808% وفودافون 2.732%

النقل

ملاحة -2 وشوي % وناقلات فوق 2% ارتفاع ومخازن ارتفاع بسيط جداً

الخلاصة واضح إن مسيعيد وبنك الدوحة عليهم شراء قوي خلال الأسبوع خصوصاٌ مسيعيد تحرك متأخر .. وقامكو بشكل أقل

قطر وعمان ملفت للنظر وممكن يتحرك مضاربياً .. والإجارة محقق هبوط بسيط بس أتوقع له حركة مضاربية قد تكون قوية قريباً

[بوجبر]

دائمآ وابدآ الشركات الحكومية مبدعة مع ايداع ،،،،،،:nice:


كلن يغني على ليلاه؟؟؟

[mubarak2006]

متابع …. Following

[alkaldi]

قامكو ومسيعيد
يمكن الفتره الجايه الابداع عندهم والله اعلم

[مسافر1]

الريان اذا حقق أرباح جيدة بالربع الثالث عكس الخسارة
بيكون بداية انطلاق اسعار جديدة

[معماري قطري]

الريان اذا حقق أرباح جيدة بالربع الثالث عكس الخسارة
بيكون بداية انطلاق اسعار جديدة

الربع الثالث ولى وراح وحقق 0.133 ريال نازل عن العام حيث حقق 0.143 .. أكيد تقصد الرابع والله أعلم شيطلعون لنا به العام محققين 0.140 ريال نزلوا 3 أجزاء من عشرة من الدرهم والسنة لو حققوا ربح متماشي مع ربح الثلاث أرباع اللي راحت ممكن يوصلون 0.1773 ريال وممكن أكثر ووقتها بيكون سعر ال 3 ريال مبدئياً تحصيل حاصل

[معماري قطري]

قامكو ومسيعيد
يمكن الفتره الجايه الابداع عندهم والله اعلم

فيه سيولة وفيه شراء جيد من المحافظ المؤثرة بنشوف خير لكن يرجعون على ماضيهم ونحاستهم بنشوف سوق ممل وهبوطات وهروب من السوق .. للحين أفرادنا كثير منهم ما عندهم ثقة البيع اليوم 35% مقارنة بالتداول

[][ الوحيد ][]

سؤال شلون اعرف اذا عندي اسهم محجوزه من اكتتاب مسيعيد اول مره ؟
راح يكون في اسهم منحه 50% تاريخ 31/12/2023 وهي المنحه الثانيه من حق الناس اللي اكتتبوا وماباعو

[معماري قطري]

[ الوحيد ][;10929344']سؤال شلون اعرف اذا عندي اسهم محجوزه من اكتتاب مسيعيد اول مره ؟
راح يكون في اسهم منحه 50% تاريخ 31/12/2023 وهي المنحه الثانيه من حق الناس اللي اكتتبوا وماباعو

السجل المركزي المفروض يرسلون كشف حساب للجميع أو للي على حسابه تحركات شامل الموجودات كلها .. وأعتقد تقدر تكلمهم وتعرف منهم انا بعد مثل حالتك اللي في محفظتي كلهم شراء سوق .. بس أعرف العدد بخصم مبلغ التوزيع الزائد عن الموجود وأقسمه على قيمة التوزيع ويطلع لي كم سهم اضافي عندي وأقول حق دلالة اسحبوا هذا العدد .. دلالة برسلون لي تقرير كامل مع كل حركة أقوم بها سواء حولت مبلغ مالي أو شريت أو بعت

[مسافر1]

الريان اقصد الربع الرابع كان محقق خسارة
الربع الثالث أرباح الريان طيبة

[مسافر1]

2022

الربع الأول

487.7

0.05

0.05

الربع الثاني

512.2

0.06

0.06

الربع الثالث

331.3

0.04

0.04

الربع الرابع

(15.7)

(0.002)

(0.01)

[بوجبر]

بكرة يمكن بروه تتألق إلى الأعلى

[معماري قطري]

الريان اقصد الربع الرابع كان محقق خسارة
الربع الثالث أرباح الريان طيبة

هم الله يسلمك حسبتهم حسبة خادعة الظاهر الأرباع الثلاث ما يحطون فيها أي تحوطات أو مصاريف تاكل الربح وفي الرابع يضيفون المخفي ويصدمون المساهمين وهذا شغل ما يكون واضح مثل لو يوضحون كل ربع نتيجته والنتائج تكون تراكمية نعرف توجه السهم من بدايته

[معماري قطري]

بكرة يمكن بروه تتألق إلى الأعلى

جايز يا بو جبر ونبغي كل سهم يتألق .. سعري فيها فوق الثلاث ريالات ناسي كم بالضبط وعندي كمية محترمة والحلو سهم يوزع وقوي بإذن الله

[معماري قطري]

2022

الربع الأول

487.7

0.05

0.05

الربع الثاني

512.2

0.06

0.06

الربع الثالث

331.3

0.04

0.04

الربع الرابع

(15.7)

(0.002)

(0.01)

يفاجعونك شوي شوي .. إن شاء الله ما يفجعونا هذا الربع بتحقيق خساير ولا فيه توزيعات ويطلعون لنا باسطوانة تقليص راسالمال

[بوجبر]

240 نقطة ارتفاع ،،، لكن …!!!

ياريت اليوم كل الأسهم نفس ارتفاع فودافون

[style]

نعم .. لكن عليها علامه استفهام ؟؟؟؟؟؟؟!!!!

[alkaldi]

240 نقطة ارتفاع ،،، لكن …!!!

ياريت اليوم كل الأسهم نفس ارتفاع فودافون

فودافون اليوم مبدعه ولها مستقبل اتوقع والله اعلم على هالحركه اكيد ارباحهم ممتازه

[alkaldi]

اليوم نصيب الاسد كان للبنوك ماشاء الله وبسيوله قويه مليار واكثر
لنا الله في ازدان ( روح الروح ) الله يزينها ويزين كل الاسهم الباقيه
بعد اسبوع قوي بارتفاعاته وسيولته
شنو توقعاتكم لاول اسبوع من السنه الجديده هل يبان من اولها او ممكن تصحيح ونرد للاخضر ان شاء الله

[معماري قطري]

240 نقطة ارتفاع ،،، لكن …!!!

ياريت اليوم كل الأسهم نفس ارتفاع فودافون

فودافون بو جبر شوف شكثر طول في خانة ال 1.7 توه متنفس شوي والسبب الدخول الإستثماري القوي عليه سواء من الأفراد والا المحافظ .. كم مرة ذكرت الوقت مب وقت بيع بالعكس شراء وصبر شوي للمستعجل

[معماري قطري]

اليوم نصيب الاسد كان للبنوك ماشاء الله وبسيوله قويه مليار واكثر
لنا الله في ازدان ( روح الروح ) الله يزينها ويزين كل الاسهم الباقيه
بعد اسبوع قوي بارتفاعاته وسيولته
شنو توقعاتكم لاول اسبوع من السنه الجديده هل يبان من اولها او ممكن تصحيح ونرد للاخضر ان شاء الله

تصدق يالخالدي فاتني أكشن اليوم ولله الحمد تفاجأت كنت متوقع ما فيه تداول اليوم واحد أوهمني بهالشيء بس إغلاق سنوي على ارتفاع 1.4% من بداية السنة شيء مبشر .. باقي نعرف وين بيوصلون السوق ومتى بيبيعون كميات كبيرة بيرجعونه تحت

اليوم شراء محافظنا 134.604 مليون من تداول 695.406 مليون وبنسبة 19.356% يعتبر شراء قوي كرقم عمري ما شفته خلال 2023 وكنسبة دخول كذلك .. وتداول محافظنا قريب ال 70% من تداول السوق وهذا اللي دوم أقوله هم اللاعب الرئيسي في السوق وفي يدهم يرفعون وينزلون

وشراء المحافظ الأجنبية وعادتها تبيع آخر كل سنة قبل وصل 70.687 مليون وايد زين وتداولهم 110.779 وبنسبة شراء 63.809%

من شرى بعد؟ بس الأفراد الأجانب شراء بسيط يقل عن 0.2 مليون ومجموع السيولة الداخلة للشراء من الثلاث فئات يقارب ال 181.666 مليون وبنسبة لإحمالي التداول البالغ 1,086,195,448.893 يعادل 16.725%

البيع أعلاه للأفراد القطريين حول 110 ملايين وبنسبة كبيرة .. المحافظ الخليجية 73 مليون وشوي .. افراد الخليج 12.4 مليون .. الافراد العرب 10.4 مليون والمحافظ العربية بيع بسيط جداً

فقدت الأمل في الإغلاق السنوي الإيجابي والحمد لله تحقق .. الباقي بإذن الله يوصل المؤشر 12000 ومتأمل هذا الشيء قريباً بمشيئة الله وبإستمرار شراء المحافظ القوي

[معماري قطري]

مرت سنة وهذي نتائج إرتفاعات وهبوطات بعض الأسهم

https://i.imgur.com/aSyOnBp.png

المؤشرات غالبيتها مرتفعة وأعلاها مؤشر العائد الإجمالي وهذا اللي يهم المستثمر منتظر التوزيعات 6.240% إرتفاع مشجع .. والعام 1.4% طلعت مخطيء فيه وايد أعلى من مؤشر العائد الإجمالي مثل الإتصالات 29.350% والتأمين 20.4%

أعلى الأسهم اللي ارتفعت غير عن الخمس الأوائل .. في قطاع البنوك عندنا قطر وعمان والتجاري في الجدول وبعدهم يجي المصرف 15.841% و بنك لشا 15.546% وأعلاهم هبوط الريان فوق 16% ومتوقع له قفزة لو اعلانه جيد لفوق أو سقطة لتحت لو اعلانه سيء الا يمسكونه المحافظ من هذي السقطة

ولله الحمد بنهاية السنة تقلصت الخساير عندي لحدود 13.32% ولا اعتبرها خساير لأن زيادة راسالمال غالبيتها جاية من البورصة

قطاع الخدمات 3 شركات بس مرتفعة وميزة ثابتة والباقي هبوط بعضه كلش غير مبرر مثل مقدام حول 32% هبوط وشركة بلدنا 20% هبوط

البقية للي يحب يتابع الجدول هنا

https://www.qe.com.qa/ar/interactive-trading-reports

[.:: القيصر ::.]

https://uploads.tapatalk-cdn.com/20231220/3c77fbb5d737e5b86061082d7d8c5a2c.jpg


الحمدلله شفنا 10200

اختراق 10300

باذن الله نشوف السوق يسبح في بحر 11000 و اعلى


موفقين الجميع ان شاء الله

مبروكين الارتفاع الجميل


قربنا من 10900

اختراقه و التأسيس فوقه


نسلم على 11700 ان شاء الله




بس مثل ما اقول حبة حبة و نعد الارباح ان شاء الله



اللي جمع تحت 9700 وما خاف

اهنيك تعال خلك متكي جنبي :thumbup:

[بوجبر]

استفسار


الأسهم المجانية المنحة لشركة مسيعيد متى راح تكون في المحفظة

[ابو عبده]

السلام عليكم
بكرة اجازة ولا فيه تداول

[alkaldi]

استفسار


الأسهم المجانية المنحة لشركة مسيعيد متى راح تكون في المحفظة

اليوم اتوقع الاضافه يمكن عشان بكره اجازه ويمكن الثلاثاء
او اوتماتيك بكره الله اعلم

[alkaldi]

السلام عليكم
بكرة اجازة ولا فيه تداول

عليكم السلام
اي نعم بكره مافي تداول يوم الثلاثاء ان شاء الله

[ابو عبده]

ان شاء الله يكون حب معمارى .... التيوس داى

[معماري قطري]

ان شاء الله يكون حب معمارى .... التيوس داى

:nice: آمين يكون تيوس داي مثل الشمس داي اللي راح

[alkaldi]

ان شاء الله يكون حب معمارى .... التيوس داى

هههههه الله يستر من هاليوم
ان شاء الله يكون يوم خير ومواصلت الارتفاع باذن الله

[مسافر1]

على فكرة الاسهم هي بالأساس من عدد أسهم الشريكة وتحسب بها الارباح