ارباح مقدام للربع الرابع 2023 وتوزيع اسهم مجانية

[السيلاوي]

أعلنت مجموعة مقدام القابضة عن البيانات المالية السنوية للفتره المنتهية في ‏31 ديسمبر‎ 2023حيث بلغ صافي الربح 36,272,442 ريال قطري مقابل صافي الربح 34,254,490 ريال قطري لنفس الفترة من العام الذي سبقه.

كما بلغت ربحية السهم 0.430 ريال قطري في السنوية من العام ‏31 ديسمبر‎ 2023 مقابل ربحية السهم 0.457 ريال قطري لنفس الفترة من العام الذي سبقه.

قرر مجلس الادارة التوصية الى الجمعية العامة بتوزيع أرباح على المساهمين على شكل اسهم مجانية. بحيث يوزع أسهم مجانية على المساهمين بنسبة 6 أسهم لكل 21 سهم (أي مايعادل 0.2857 سهم تقريباً لكل سهم).

[معماري قطري]

إخوي السيلاوي الأرباح زادت مليونين لكن الأسهم زادت 50% بسبب الإكتتاب اللي صار ونزلت الأسهم لها مدة في حسابنا .. يعني اللي عنده 100000 سهم استوت عنده 150000 سهم ونفس الشيء أسهم الشركة الإجمالية .. يعني 36 مليون تتوزع على عدد أكبر طبيعي اللي خريج سادس ابتدائي ويحسبها على أصابع يده ورجله يعرف إن ربحية السهم بتقل بمقدار محترم

حاطين ربحية السهم 0.430 ريال والأصح هذي الربحية تنقسم على 1.5 تطلع 0.2866 ريال وانا توقعت 0.3 ريال .. تأكدت طلعت الزيادة 40% يعني نقسم 0.43 على 1.4 تطلع ربحية السهم 0.307 ريال وهي مقاربة كثير للتوقع .. زين التوزيع بس مجاني انا عندي مثلاً 45000 سهم واكتتبت حق 18000سهم المجموع 63000 باستحق أسهم مجانية 17999 سهم وايد حلوين وبينزل سعر السهم وقت التوزيع بنسبة 28.57% ويمكن زود لنفترض 30% بيكون من 5 ريال مثلاً لين 3.5 ريال لو بابيع هذي المجانية بتعطيني ما يقارب 63000 وايد حلوين كأن التوزيع ريال لكل سهم أساسي

طلع مقدام سهم شنب

اللي بيدخل قبل التوزيع على سعر 5 ريال وبيشتري فرضاً 100000 سهم بتكلفه 500000 أفضل ما يبيع الا لو رجع حول ال 4 وفوق وأتوقع هبوط السهم ل 3.5 إحتمال بسيط ممكن يرتفع قبل التوزيع لفوق الخمس ريالات حسب وضع السوق

[السيلاوي]

ما شاء الله عليك مهندسنا تحليلاتك مبدعة
لازم نصير نقول: حلل يا معماري حلل

يعني نحتفظ اخوي معماري
اليوم طلع شوي وعقب نزل
سبحان الله سوقنا مو راضي ينعدل
الله المستعان

[معماري قطري]

جزاك الله خير

هذا مب تحليل يا اخوي دراسة تقريبية وتوقع لمسار السهم .. بس توزيعه هو الأعلى في السوق حالياً مثل ما وضحت وطبعاً للي يملك السهم حتى اللي بيشتري حديث بيعتمد على كم يرجع يرتفع السهم بعدين .. لكن المشكلة لو نزل بنسبة التوزيع وبقى نازل ما تحرك هنا يعتبر التوزيع ما يسوى والتوزيع المجاني أو بعبارة ثانية تقسيم السهم أكثر ما تسمح به إدارة السوق الا الأرباح تدعمه

سيناريو ثاني اللي بياخذ التوزيع المجاني حول 28.57% وبيصبر لين نهاية السنة ولو افترضنا نهاية السنة نمو في الربحية ككل للشركة مثل النمو الحالي عن العام بنسبة 5.89106% معناها السنة هذي بتكون ربحية الشركة 38.409 مليون وهذي الربحية تتوزع على أسهم أكثر منها ال 40% إكتتاب + ال 28.57% مجاني يعني نقسم الربحية للشركة على العدد الجديد للأسهم وأتوقعه بيوصل ووصل حالياً بعد الإكتتاب 105,000,000 + ال 28.57% بيكون العدد 135 مليون سهم تقريباً نقسم عليهم الربحية المتوقعة تعطينا 0.2845 ريال كربح متوقع للسنة الجاية طبيعي يكون هبوط بسيط في ربحية السهم .. بس لو الشركة حققت نمو كبير بدال ال 5.9% تقريباً لنمو 10% أو أكثر ذيك الساعة السهم بيواصل لإرتفاعات أعلى

قي أسوأ الأحوال لو حقق ربحية 0.2 للسنة الحالية وتوزيع حول هذا الرقم السهم سعره بيكون حول ال 4 ريال

[معماري قطري]

من جداول السوق السهم محقق عائد يساوي 0.34 ريال وانا حسبته 0.307 ريال وسمحوا له يوزع 0.2857% أسهم مجانية وهذا يعني موزع غالب ربحه والشركة عادلة مع المساهمين للآن

[السيلاوي]

جزاك الله خير اخوي معماري على التوضيحات

[مضارب يائس]

متى نكون مستحقين للاسهم المجانيه؟ متى موعدالجمعيه؟

[السيلاوي]

متى نكون مستحقين للاسهم المجانيه؟ متى موعدالجمعيه؟

للآن ما اعلنوا اخ مضارب

[مضارب دوسري]

إخوي السيلاوي الأرباح زادت مليونين لكن الأسهم زادت 50% بسبب الإكتتاب اللي صار ونزلت الأسهم لها مدة في حسابنا .. يعني اللي عنده 100000 سهم استوت عنده 150000 سهم ونفس الشيء أسهم الشركة الإجمالية .. يعني 36 مليون تتوزع على عدد أكبر طبيعي اللي خريج سادس ابتدائي ويحسبها على أصابع يده ورجله يعرف إن ربحية السهم بتقل بمقدار محترم

حاطين ربحية السهم 0.430 ريال والأصح هذي الربحية تنقسم على 1.5 تطلع 0.2866 ريال وانا توقعت 0.3 ريال .. تأكدت طلعت الزيادة 40% يعني نقسم 0.43 على 1.4 تطلع ربحية السهم 0.307 ريال وهي مقاربة كثير للتوقع .. زين التوزيع بس مجاني انا عندي مثلاً 45000 سهم واكتتبت حق 18000سهم المجموع 63000 باستحق أسهم مجانية 17999 سهم وايد حلوين وبينزل سعر السهم وقت التوزيع بنسبة 28.57% ويمكن زود لنفترض 30% بيكون من 5 ريال مثلاً لين 3.5 ريال لو بابيع هذي المجانية بتعطيني ما يقارب 63000 وايد حلوين كأن التوزيع ريال لكل سهم أساسي

طلع مقدام سهم شنب

اللي بيدخل قبل التوزيع على سعر 5 ريال وبيشتري فرضاً 100000 سهم بتكلفه 500000 أفضل ما يبيع الا لو رجع حول ال 4 وفوق وأتوقع هبوط السهم ل 3.5 إحتمال بسيط ممكن يرتفع قبل التوزيع لفوق الخمس ريالات حسب وضع السوق

وهل بترجع لل 5 لاحقا ؟
هني يختلف الكلام لان راس مال اللي شاري ب 5 كم بيكون؟
اذا كان من الممكن تحقق العام القادم عايد0.250

[معماري قطري]

وهل بترجع لل 5 لاحقا ؟
هني يختلف الكلام لان راس مال اللي شاري ب 5 كم بيكون؟
اذا كان من الممكن تحقق العام القادم عايد0.250

صادق .. إحنا لو بعنا على 11 وفوق وطلعنا كنا رابحين أكثر .. وكله في علم الغيب .. ربح التوزيعات بالنسبة لي فوق الجيد مع هذي الشركة وأعتبر نفسي مأسس فيها على سعر زين مع الإكتتاب ومع كم مجاني وبراسمال بسيط .. يعني اركز على المردود وهذا انا وصلت قريب 100000 سهم فيها يعتبر بالنسبة لي استثمار صغير وبإذن الله الشركة تمشي صح باقي السنوات

إحتمال شركات ثانية تسحب مشاريع منها مثل ميزة بنشوف شيصير معاها ودوم المستقبل مب مضمون خصوصاً في سوقنا العريق يا بو محمد

[معماري قطري]

جزاك الله خير اخوي معماري على التوضيحات

وجزاك الله بمثله ويا رب نتوفق ونسمع أخبار حلوة صراحة هبوط السهم ومواصلته الهبوط شيء سلبي ومغامرة لحد ياخذ كلامي على إنه دعوة للشراء واضح ضعف السوق وضعف كل الشركات