ارباح وتوزيعات قامكو …

[abusultan707]

الارباح 446 مليون وخرده
الاوزيع 70 درهم توزيع ممتاز الف مبروك وزعت الشركة كل ارباحها تقريبا

[.:: القيصر ::.]

أعلن / أعلنت قطر لصناعة الألمنيوم عن البيانات المالية السنوية للفتره المنتهية في ‏31 ديسمبر‎ 2023حيث بلغ صافي الربح 446,009,000 ريال قطري مقابل صافي الربح 919,086,000 ريال قطري لنفس الفترة من العام الذي سبقه.

كما بلغت ربحية السهم 0.080 ريال قطري في السنوية من العام ‏31 ديسمبر‎ مقابل ربحية السهم 0.165 ريال قطري لنفس الفترة من العام الذي سبقه.

يوصي مجلس الإدارة بتوزيع أرباح نقدية بقيمة 0.07 ريال قطري للسهم الواحد، أي ما يعادل نسبة عائد قدرها 88% من صافي الأرباح لعام 2023

[.:: القيصر ::.]

انخفاض



51%

بعد حساب التشغيل و و و و و

[abusultan707]

انخفاض



51%

بعد حساب التشغيل و و و و و

اكيد معروف انخفاض اسعار الامنيوم العالميه من ظ£ظ¨ظ*ظ* الى ظ¢ظ¢ظ¥ظ* وسعر السهم نزل نزول قوي ومع ذلك توزيعاتها تعتبر ممتازه مقارنتا بسعرها

[ابومبارك]

ياسلام بالنسبه لي ممتاز

هذي النسبه كتبتها حق ابوعبدالله قبل كم يوم
قلت إذا 7 بتكون زينه لي
الحمد الله

[.:: القيصر ::.]

ياسلام بالنسبه لي ممتاز

هذي النسبه كتبتها حق ابوعبدالله قبل كم يوم
قلت إذا 7 بتكون زينه لي
الحمد الله

تستاهل

ومن بعدها امسك السهم و انساه


احس يستعيد عافيته و بيبدع باذن الله


وان شاء الله ما يخربها

[رمــــــاح]

نقدر نقول توزيع ممتاز مقارنة بالعائد على السهم شركه كريمه

[معماري قطري]

ياسلام بالنسبه لي ممتاز

هذي النسبه كتبتها حق ابوعبدالله قبل كم يوم
قلت إذا 7 بتكون زينه لي
الحمد الله

الحمد لله أذكر

هذا كان توقعي له

سعره الحالي 1.325 انتعش شوي ورجع ركد .. ممكن توصل ربحيته ل 0.09 ريال أو 0.10 ريال ويعتمد على توزيعه .. العام كان 0.09 ريال وكانت ربحية السهم 0.165 ريال كان توزيعه صدمة وبنسبة توزيع للربح تساوي 54.54% .. ولو السنة اعتمدوا نفس النسبة بيكون توزيعه حول 0.05 ريال

التوزيع جاء فوق المتوقع بفارق حلو والربح تحت المتوقع بفرق درهم والحمد لله بالنسبة لي متوسط تكلفة السهم 1.58553421 ربحي يطلع 4.41% وايد أحسن من الريان كنسبة والسهم بين مفترق طرق أما فوق أو تحت زيادة سوقنا معكوس

[alkaldi]

هالانخفاض ويوزع هالمبلغ والله صراحه كريمين مبروك لملاكه خاصة بومبارك
انشوف السهم ان شاء الله يرد لاسعاره قبل 21

[جعران]

توزي ممتازة
لكن الانخفاض في الأرباح
غير مطمئن ‎%‎51
حتى إذا استقر بسعره الحالي

[ابومبارك]

الله كريم معتبر فلوسي فيه استثمار نزل ولا ارتفع
اهم شي آخر السنه فيه توزيع
:tooth:

[معماري قطري]

توزي ممتازة
لكن الانخفاض في الأرباح
غير مطمئن ‎%‎51
حتى إذا استقر بسعره الحالي

سعري فيه حول 1.58 ومطمئن هذي الشركات اللي تقدر المساهم وتصنع سلعة مطلوبة عالمياً ومتغيرة السعر أفضل وقت تصيدها على سعر ألحين مثل اليوم 1.254 بتكون نسبة ربحك خلال أيام حول 5.58% وايد زينة والسهم قابل يروح تحت ويروح فوق .. جمعت فيه فوق ال 850 الف وناوي أوصل مليون وحتى زود بس أتخلص من الأسهم التعيسة مثل الأول وأبغي اتخلص بربح

خلاص هذا رزقي وما فيه مفر ولو تفتح ابواب كثيرة منها لو طالع في عز السوق ومحول فلوسي وديعة كان مردودها افضل لكن لكل شيء وقت والسهم هذا بالذات راجع والوضع العالمي لازم يتغير مع الألمنيوم والطلب عليه ونسبة 4.4% لي نعمة وأفضل من أسهم كثيرة

[ابومبارك]

سعري فيه حول 1.58 ومطمئن هذي الشركات اللي تقدر المساهم وتصنع سلعة مطلوبة عالمياً ومتغيرة السعر أفضل وقت تصيدها على سعر ألحين مثل اليوم 1.254 بتكون نسبة ربحك خلال أيام حول 5.58% وايد زينة والسهم قابل يروح تحت ويروح فوق .. جمعت فيه فوق ال 850 الف وناوي أوصل مليون وحتى زود بس أتخلص من الأسهم التعيسة مثل الأول وأبغي اتخلص بربح

خلاص هذا رزقي وما فيه مفر ولو تفتح ابواب كثيرة منها لو طالع في عز السوق ومحول فلوسي وديعة كان مردودها افضل لكن لكل شيء وقت والسهم هذا بالذات راجع والوضع العالمي لازم يتغير مع الألمنيوم والطلب عليه ونسبة 4.4% لي نعمة وأفضل من أسهم كثيرة

الاهم يا ابوعبدالله انه آخر آلسنه يوزع حتى لو نزل
افضل ما اجلس في سهم ينزل واخر السنه مافيه توزيع
اكون خسرت من قيمة السهم ومافيه توزيع

[ابو ملك]

الاهم يا ابوعبدالله انه آخر آلسنه يوزع حتى لو نزل
افضل ما اجلس في سهم ينزل واخر السنه مافيه توزيع
اكون خسرت من قيمة السهم ومافيه توزيع

اتفق معك بخصوص سهم يوزع افضل عن سهم ما يوزع.

[معماري قطري]

الاهم يا ابوعبدالله انه آخر آلسنه يوزع حتى لو نزل
افضل ما اجلس في سهم ينزل واخر السنه مافيه توزيع
اكون خسرت من قيمة السهم ومافيه توزيع

شيء أكيد بعد قيمته السوقية السابقة والحالية مهمة ومهم تعرف الشركة قوية وعادي ترجع لما كانت عليه .. مع سوقنا دوم توقع اللامتوقع ممكن يروح حتى 80 درهم هناك تدخل بزود وتعدل متوسطك

[مسافر1]

سهم قيمة 12ريال ويوزع 70درهم الصراحة كريمين زيادة

[ابومبارك]

سهم قيمة 12ريال ويوزع 70درهم الصراحة كريمين زيادة

اي الحمد الله ماقصروا في توزيعه

هذا السهم ان شاء الله بتشوفه فوق 2

[بورصاوى]

متى توزيع الارباح؟

[alkaldi]

اجتماعهم كان يوم 27 المفروض تقريبا يكون في البنوك اليوم الثاني
بس هالمره تأخروا لين اليوم مانزل

[mubarak2006]

هل سجلت بياناتك مع الايبان مع مركز الإيداع المركزي؟؟ .. ايداع .. إذا لا… ماتنزل …تغير النظام الان
اولا مركز ايداع بعد ذلك ايداع توزع على البنوك للمستحقين .

[معماري قطري]

اجتماعهم كان يوم 27 المفروض تقريبا يكون في البنوك اليوم الثاني
بس هالمره تأخروا لين اليوم مانزل

صحيح توه ما وصل ما ادري ليش مع إن كل توزيع ينزل سرعة لي مسجل ومخلص من زمان

[بورصاوى]

رجاء اللي تنزل له الارباح في حسابه البنكي يبلغنا

[ابو يهر]

ما نزلت الارباح

[معماري قطري]

ما نزلت للحين المهم أقروها وبتنزل قريب بإذن الله

[بورصاوى]

السلام عليكم ورحمة الله وبركاته
تواصلت تليفونيا اليوم مع شركة ايداع
ارسلو لي رسالة على المحمول بها ايميل خاص بتوزيع الارباح.
ارسلت لهم ايميل للإستفسار عن ارباح قامكو و كتبت اسمي و رقم المساهم.
خلال اقل من نصف ساعة وصلني رسالة من البنك بنزول ارباح قامكو في حسابي.
الحمد لله.

[alkaldi]

السلام عليكم ورحمة الله وبركاته
تواصلت تليفونيا اليوم مع شركة ايداع
ارسلو لي رسالة على المحمول بها ايميل خاص بتوزيع الارباح.
ارسلت لهم ايميل للإستفسار عن ارباح قامكو و كتبت اسمي و رقم المساهم.
خلال اقل من نصف ساعة وصلني رسالة من البنك بنزول ارباح قامكو في حسابي.
الحمد لله.

سويت نفس اللي قلت
الحمدلله تم الإيداع
يعطيك العافيه اخوي