شركة أعمال القابضة : الإفصاح عن البيانات المالية السنوية

[.:: القيصر ::.]

أعلن / أعلنت شركة أعمال القابضة عن البيانات المالية السنوية للفتره المنتهية في ‏31 ديسمبر‎ 2023حيث بلغ صافي الربح 367,498,231 ريال قطري مقابل صافي الربح 347,820,465 ريال قطري لنفس الفترة من العام الذي سبقه.

كما بلغت ربحية السهم 0.058 ريال قطري في السنوية من العام ‏31 ديسمبر‎ 2023 مقابل ربحية السهم 0.055 ريال قطري لنفس الفترة من العام الذي سبقه.

يقترح مجلس الإدارة بتدوير الأرباح النقدية عن السنة المنتهية في 31 ديسمبر 2023



رابط الخبر:

https://www.qe.com.qa/ar/displaynewsdetails?InfoID=39537

[.:: القيصر ::.]

نفس كل سنة



اعتبر نفسي حاط فلوسي في حساب توفير !

[abusultan707]

تدوير ولا ترحيل …. لا يكون يبون يقلدون ازدان ؟��

[][ الوحيد ][]

!!!!!!!

[ابومبارك]

تدوير يعني فلس

[ahmed saleh]

بيحوشو لكم الفلوس معاهم علشان انتم مبذرين

[][ الوحيد ][]

انا اقترح يتراجعون عن هالخيار عشان ماتروح عليهم 10 صفر ..

[معماري قطري]

نفس كل سنة



اعتبر نفسي حاط فلوسي في حساب توفير !

يا ليت توفير استوت تقليص ونقص .. يالله ان شاء الله بكرة ينفك عنه النحس ويعدي الريال سريع

[معماري قطري]

كنت متأمل خير من تاريخ توزيع الشركة

"
سعره نهاية يوم الأثنين 8/1 كان 0.900 حقق إرتفاع جيد من إغلاق شهر 11 الفائت يقدر ب 7.913% هذا الإرتفاع بنفسه كافي استثمارياً وبيجيب أكثر بإذن الله .. ممكن يحقق بين 0.056 ريال و 0.060 ريال للسنة كاملة وتوزيعه العام كان 0.05 ريال من ربح 0.06 ريال بنسبة 83.33% وبإذن الله توزيعه السنة يكون نفس العام أقل شيء وبنسبة لسعره الحالي تصل ل 5.555% وأشوفه بيكون فوق الريال بإذن الله لو السوق بخير "

بس ربحية السهم جات 0.058 ريال سبحان الله متوسط رقم التوقع لكن توقعي للتوزيع يكون نفس العام لا .. وبعدين نزلت ربحية السهم من 60 درهم لين 58 ليش حاطينها مرتفعة .. الحمد لله رب العالمين

[.:: القيصر ::.]

كنت متأمل خير من تاريخ توزيع الشركة

"
سعره نهاية يوم الأثنين 8/1 كان 0.900 حقق إرتفاع جيد من إغلاق شهر 11 الفائت يقدر ب 7.913% هذا الإرتفاع بنفسه كافي استثمارياً وبيجيب أكثر بإذن الله .. ممكن يحقق بين 0.056 ريال و 0.060 ريال للسنة كاملة وتوزيعه العام كان 0.05 ريال من ربح 0.06 ريال بنسبة 83.33% وبإذن الله توزيعه السنة يكون نفس العام أقل شيء وبنسبة لسعره الحالي تصل ل 5.555% وأشوفه بيكون فوق الريال بإذن الله لو السوق بخير "

بس ربحية السهم جات 0.058 ريال سبحان الله متوسط رقم التوقع لكن توقعي للتوزيع يكون نفس العام لا .. وبعدين نزلت ربحية السهم من 60 درهم لين 58 ليش حاطينها مرتفعة .. الحمد لله رب العالمين


الشركة ناجحة

نعم ناجحة ومحد يختلف في هالشي


المشكلة الوحيدة سياسة التوزيع

[معماري قطري]

سعره 0.846 ريال ونزل من سعر 8/ 1 حول 5.4 درهم اللي باع ذاك الوقت خذ التوزيع وممكن ياخذ السهم بسعر تحت بعد .. ولو وزعوا 5 دراهم كان نسبة لسعره 5.9% نسبة جيدة .. الظاهر كبار ملاكه عارفين الخطة وتركوه لهالمصير وبيرجعون يلمون من تحت وبعدين بينطلق انطلاقة ثانية

إن شاء الله سوقنا كله فيه خير

[معماري قطري]

الشركة ناجحة

نعم ناجحة ومحد يختلف في هالشي


المشكلة الوحيدة سياسة التوزيع

الحين بس اخوي القيصر فاجئوني والا كل سنة يوزعون نسبة جيدة من الربح العام موزعين فوق 80% والمبلغ اللي بيدورونه كبير 367.5 مليون هذي كفيلة تسدد قروض لو على الشركة وتبني مصانع والمفروض مراعاة هالجانب في إعلانهم .. انا خذت حقي منه مضاربياً من زمان وبأول تدبيلة وما عندي فيه كثير ألحين تحت ال 1% من راسالمال

[][ الوحيد ][]

الحين بس اخوي القيصر فاجئوني والا كل سنة يوزعون نسبة جيدة من الربح العام موزعين فوق 80% والمبلغ اللي بيدورونه كبير 367.5 مليون هذي كفيلة تسدد قروض لو على الشركة وتبني مصانع والمفروض مراعاة هالجانب في إعلانهم .. انا خذت حقي منه مضاربياً من زمان وبأول تدبيلة وما عندي فيه كثير ألحين تحت ال 1% من راسالمال


اتوقع قروضهم بسيطه المتبقيه لان اكبر تسويه صارت لهم كانت مع التجاري و ماخذين فوقها زياده البنك بعد

[abusultan707]

عندهم 607 مليون ريال احتياطي قانوني وموقعين عقود بالمليارات ….

[.:: القيصر ::.]

الحين بس اخوي القيصر فاجئوني والا كل سنة يوزعون نسبة جيدة من الربح العام موزعين فوق 80% والمبلغ اللي بيدورونه كبير 367.5 مليون هذي كفيلة تسدد قروض لو على الشركة وتبني مصانع والمفروض مراعاة هالجانب في إعلانهم .. انا خذت حقي منه مضاربياً من زمان وبأول تدبيلة وما عندي فيه كثير ألحين تحت ال 1% من راسالمال

هذا اللي مستغرب منه


مبلغ التدوير مب صغير ان ما يطلع منه توزيع !

[abusultan707]

لا والمصيبه فيه بند في الجمعيه العموميه يقترح توزيع مكافآت للاعضاء من الارباح الي حرموا الملاك منها …

[adell]

اتمني بس يعوضو الملاك بارتفاع السهم ع الاقل شوي ويتعلمومن الطبيه ع الاقل يثبتو السهم ويرفعوه الله يستر بكره شو يصير

[.:: القيصر ::.]

اتمني بس يعوضو الملاك بارتفاع السهم ع الاقل شوي ويتعلمومن الطبيه ع الاقل يثبتو السهم ويرفعوه الله يستر بكره شو يصير

ولا بيصير شي


اموره في الروب


دعم قوي اقوى من ارباحه عند 0.800


اضعف الايمان 0.700


وبعده بيرجع فوق كما كان

و في المستقبل الى اسعاره المستحقة ان شاء الله اللي فوق الريال

[abusultan707]

ممكن يشترون اسهم ب 100 مليون وياخذون 267 مليون حلال بلال عليهم

معلنين نمو في الارباح ومعلنين عن عقود بحدود 90 مليون من كم يوم وبعدها عقد ب 1.2 مليار معلنين عنه من 3 ايام ليش ما تم الاعلان بعد قرارهم التدويري ï؟½ï؟½
ا

[مسافر1]

المساهمين تدوير يقصدون مكافأت لهم
طيب المساهمين تدوير وانتو ترقية

[مسافر1]

يا أخوان أسهم من 15سنة وأكثر ومجالس الإدارة عيشيين وموظفين ورواتب والمساهمين
3ريال ماعطوهم

[][ الوحيد ][]

حتى لو تكلمنا وقت الجمعيات العموميه محد يسمع للمساهمين ويفتكر فيهم

[abusultan707]

ولا نستبعد تغيير رايهم في الجمعيه من موضوع التدوير …. لان ما فيه شي يمنعهم عندهم احتياط قانوني 607 مليون

[السيلاوي]

المفروض الكل يتكلم في اجتماع الجمعية العمومية واقل شي ينحرموا اعضاء مجلس الادارة من المكافآت
هذي الشركات العائلية اعضائها مستفيدين من الشركة اكبر استفادة عن طريق شركاتهم الخاصة ويشترون ويبيعون عن طريق الشركة الأم اعمال
لازم نتفق في اجتماع الجمعية العمومية ونتكلم في هذا الموضوع ولا تنسوا راح يكون رمضان واحلى بوفيه :tooth:

[معماري قطري]

المفروض الكل يتكلم في اجتماع الجمعية العمومية واقل شي ينحرموا اعضاء مجلس الادارة من المكافآت
هذي الشركات العائلية اعضائها مستفيدين من الشركة اكبر استفادة عن طريق شركاتهم الخاصة ويشترون ويبيعون عن طريق الشركة الأم اعمال
لازم نتفق في اجتماع الجمعية العمومية ونتكلم في هذا الموضوع ولا تنسوا راح يكون رمضان واحلى بوفيه :tooth:

لتاكل عندهم تحصلهم بياخذون سندويشات رخيصة من مطاعم الصناعية بيض وجبن وكيما وسمبوسة محزرة

[رمــــــاح]

كمساهم لماذا أشتري السهم نظرا لارباحه وتوزيعه السنوي اما شركة تربح ملايين ونهاية صبر عام تحرمني من الربح هذا هو التطفيش الممنهج للمستثمرين ولا يهمنا استثمار بها على الأقل لو خسرانه كان شفناها لمت اب يكره لكن ارباح ومافيه توزيع عجيبين اصحاب القرار

[][ الوحيد ][]

السلام اللي ماكله هوااا وزعت :) ..

[adell]

الغريب عملين عقود جيده وارباح ومدورين مبلغ محترم للشركه وما وزعو حتي ربع ريال نفس السلام ال خسران وتاركين السهم ينزل شي مزهل صراحه

[مسافر1]

يا أخي المسيطرين على السهم مايهمهم نزول السهم هم بيجمعو ويستغلو كل مشاريع الشريكة ومكافاتهم وغير ذالك رواتب
وباقي الأرباح من يشغلها ويحق لة صرفها

[السيف5]

كمساهم لماذا أشتري السهم نظرا لارباحه وتوزيعه السنوي اما شركة تربح ملايين ونهاية صبر عام تحرمني من الربح هذا هو التطفيش الممنهج للمستثمرين ولا يهمنا استثمار بها على الأقل لو خسرانه كان شفناها لمت اب يكره لكن ارباح ومافيه توزيع عجيبين اصحاب القرار

هذا الرد يمثلني ,,,اي والله قهر

[adell]

ع الاقل يرفعو السهم ريالين او شي يعوضو المساهمين واذا رفعوه ريالين مثلا بيكون افضل من توزيعهم لكن ماخذين الارباح وبعد منزلين السهم

[Abjalsulaiti]

على الاقل تبرير لتدوير الارباح؟؟

[][ الوحيد ][]

على الاقل تبرير لتدوير الارباح؟؟

لايوجد تبرير ولا حق صراحه

[abusultan707]

ع الاقل يرفعو السهم ريالين او شي يعوضو المساهمين واذا رفعوه ريالين مثلا بيكون افضل من توزيعهم لكن ماخذين الارباح وبعد منزلين السهم

ريالين مره واحده خله يجيب سعر اكتتابه بالاول ….اعلانهم كان مفاجئة وصدمة للاملاك موقعين عقود وكل ربع يعلنون نمو في الارباح وفي الاخير صادروها …. شركات خسرانه وعليها ديون وزعت واعمال لديها احتياط قانوني كبير جدا وعقود كبيره وتحت سعر اكتتابها ب 20%

[adell]

ريالين مره واحده خله يجيب سعر اكتتابه بالاول ….اعلانهم كان مفاجئة وصدمة للاملاك موقعين عقود وكل ربع يعلنون نمو في الارباح وفي الاخير صادروها …. شركات خسرانه وعليها ديون وزعت واعمال لديها احتياط قانوني كبير جدا وعقود كبيره وتحت سعر اكتتابها ب 20

اقصد يرفعوه ل 10.50 ع الاقل