تبريد الحمامات (أعزكم الله) أو تلطيف جوها في الصيف

[asulaiti]

تحية طيبة الأخوة والأخوات أعضاء المنتدى

من تجربتي لتلطيف جو الحمام في عز الصيف .. تشغيل مروحة الشفط بشكل دوري (خاصة منتصف النهار) .. والنتيجة لا بأس بها .. لكن أحياناً النتيجة ليست مرضية .. خصوصاً أنني ألبس نظارة طبية .. وكثيراً ما تضبب النظارة عند دخول الحمام (أعزكم الله) .. وكان الحل أمامي هو تركيب مساحات للنظارة لكنني لم أجد حجم صغير في السوق ! 😁

عموماً .. الفكرة عندي هو أن الفيلا كلها سقف جبس بورد .. بما فيهم الحمامات .. وأفكر في وضع مروحة شفط في السقف .. ترسل هواء مكيف الغرفة إلى الحمامات .. وكذلك لبعض غرف الملابس المفتوحة غير المواجهة لمكيف الغرفة.

رأيكم في الفكرة؟

[معماري قطري]

يا هلا اخوي السليطي

انا تجربتي تختلف شوي مسوي فتحة لدخول الهواء ومروحة الشفط تسحب الهواء للخارج ويدخل هواء بارد من الغرفة والجو وايد زين ومريح بس المراوح شوي مزعجة قررت في البيت الجديد أخليها كلها فوق السطح وبايبات مرتفعة فوق تشفط الهواء وباخليها تشتغل تماتيك بحساس حركة

[asulaiti]

هلا بو عبدالله

يعني انت مسوي مجرد فتحة تهوية .. ومروحة شفط الحمام لما تشتغل تسحب هواء الحمام للخارج وتدخل الهواء البارد من خلال الفتحات ..
أنا فكرت بهذه الفكرة .. لكن ما أعرف .. طالما أن هناك مروحة شفط شغالة تسحب الهواء لخارج، وفي نفس الوقت يدخل هواء بارد من الغرفة .. لكن ما اعرف .. احس العملية كأني ما سويت شي .. ادخل الهواء واطلعه في نفس الوقت !
لكن أنا فكرت في إن يكون هناك مروحة أخرى .. ونخليها داخل في وسط سقف الحمام مخفية، ونمد لها بايب لخارج الحمام صوب الغرفة مع فتحة في السقف ..

هذه فكرتي بو عبدالله وأبغي تعليقك عليها.

[asulaiti]

بس المراوح شوي مزعجة
الإزعاج تقصد في الصوت؟
هل النوعية اللي مركبها نوع قوي؟ علشان جذي يطلع صوت؟
أو أن النوعية نفسها مش كوالتي؟

[asulaiti]

قررت في البيت الجديد أخليها كلها فوق السطح وبايبات مرتفعة فوق تشفط الهواء وباخليها تشتغل تماتيك بحساس حركة

هذه فكرة وايد حلوه .. لكن تحتاج لشرح أكثر منك بو عبدالله .. خاصة سالفة تماتيك بحساس حركة !

[سعود.]

فكرت ابو عبدالله ( ممتازه ) بس راحت علينا . حاليا الحل عندك انه لازم تفتح الباب بعد استخدام الحمام خصوصا لما تاخذ ( شور ) مراوح الشفط سواء حمام ولا مطبخ ( دكت ) لازم هواء بديل

https://b.top4top.io/p_2971z52e40.jpeg (https://top4top.io/)

[سعود.]

وحل اخر القرل ( الشبك ) الي في باب الحمام . بس عيبه اقل خصوصيه الا للغرف الفرديه ممكن حل ممتاز

[معماري قطري]

هلا بو عبدالله

يعني انت مسوي مجرد فتحة تهوية .. ومروحة شفط الحمام لما تشتغل تسحب هواء الحمام للخارج وتدخل الهواء البارد من خلال الفتحات ..
أنا فكرت بهذه الفكرة .. لكن ما أعرف .. طالما أن هناك مروحة شفط شغالة تسحب الهواء لخارج، وفي نفس الوقت يدخل هواء بارد من الغرفة .. لكن ما اعرف .. احس العملية كأني ما سويت شي .. ادخل الهواء واطلعه في نفس الوقت !
لكن أنا فكرت في إن يكون هناك مروحة أخرى .. ونخليها داخل في وسط سقف الحمام مخفية، ونمد لها بايب لخارج الحمام صوب الغرفة مع فتحة في السقف ..

هذه فكرتي بو عبدالله وأبغي تعليقك عليها.

انت تحس لكن انا اعيش الواقع ونقلته لك .. أكيد مكمل عليه العزل الحراري للجدران ومدخل الهواء من داخل الغرفة وغرفة الملابس للحمام .. شوف الله يسلمك انا عندي مكيف في الغرفة أعتقد 2 طن وغرفة النوم مقاسها 6 في سبعة أو 8 متر بس صغرت منها شوي حول 70 سم من ال 6 متر سويت كبتات وسويت كسرة للتلفزيون وكبت بعد وسويت جدار يوسع ممر غرفة الملابس .. كانت الخطة أحط مكيفين في الغرفة بس ألغيت واحد وركبت بداله في الممر المؤدي لغرفة الملابس المغلقة ومنها لدورة المياه من فوق من خلال الجدار وتقدر تسويها مخفية في الجبس .. في الممر حاولت احصل مكيف طن واحد أعتقد اضطريت حق 1.5 لكن ما انشغله الا نادر مكيف الغرفة يكفي وأوقات برودة الحمام زايدة حتى في الصيف ابند مكيف الممر وقت السباحة

أكيد اللي بيسوي يسوي منظومة متكاملة

[معماري قطري]

حتى تشفيل المكيفات كلهم للغرفة أو الممر ما ينزل تحت 21 درجة وللممر 23 في العادة وفي عز الحر

الحين أكيد الخطة للبيت الجديد تغيرت .. بتدخل فيها رئة البيت ( الحديقة الداخلية ) ومنها بيكون الهواء محسن ومبرد بنسبة معقولة ولازم باركب جهاز سحب وتدوير الرطوبة المسحوبة في الحديقة الداخلية والهواء المسحوب منها بيكون برطوبة خفيفة .. السحب بيكون من خلال دورة للهواء إحتمال تكون مغلقة يعني الهواء المسحوب يرجع للحديقة ويدخل بطريقة الفلترة وازالة الرطوبة للبيت وينسحب أخيراً عن طريق شفط المراوح للحمامات والمطبخ .. المطبخ للخارج ونسبة دخول لهواء منقى من أعلى سقف الحديقة الداخلية بعد بيكون لتجديد الهواء بحدود نسبة 50% يومياً

هذي خطتي وكلها متماشية مع العزل الحراري الجيد والتهوئة وجودة الهواء .. بالنسبة لإعادة التدوير للهواء ممكن لو ما نجحت نحول الهواء الخارج للخارج بدون الرجوع للحديقة

[معماري قطري]

فكرت ابو عبدالله ( ممتازه ) بس راحت علينا . حاليا الحل عندك انه لازم تفتح الباب بعد استخدام الحمام خصوصا لما تاخذ ( شور ) مراوح الشفط سواء حمام ولا مطبخ ( دكت ) لازم هواء بديل

https://b.top4top.io/p_2971z52e40.jpeg (https://top4top.io/)

جزاك الله خير على التوضيح واحنا هشكل حالياً للمطبخ الخارجي بس تعلمنا أكثر خلال العشرين سنة الأخيرة

[معماري قطري]

هذه فكرة وايد حلوه .. لكن تحتاج لشرح أكثر منك بو عبدالله .. خاصة سالفة تماتيك بحساس حركة !

عندنا فطاحل في قروب الوتس اب كل شيء سهل وتوضيح بصور ومقاطع وشرح مستفيض

[معماري قطري]

وحل اخر القرل ( الشبك ) الي في باب الحمام . بس عيبه اقل خصوصيه الا للغرف الفرديه ممكن حل ممتاز

في بيتي الحالي مسوي وحطيت فيديو للطريقة البسيطة بحاول اشوفه مرة ثانية بس ألحين باطور عليها مراوح الشفط فوق السطح كلها بلا استثناء يمكن اللي تحت تكون مفتوحة على البيسمنت الخدمي المهوى .. والهواء البديل بيكون من الحديقة الداخلية تجديد لهواء الحديقة وسحب هواء ملطف لباقي البيت وفيه اوكسيجين

صدقوني الحديقة الداخلية مب شرط تكون كبيرة ممكن 2 في 2 فيها نباتات متسلقة وسقفها زجاجي بسيط كمنور ومنها دكتات فلكسبل لسيطة توصل لغرف البيت ومنها للحمامات لأن غرف البيت لو كانت مغلقة بتسبب بعد حكرة في شفط الشفاطات وتخترب سرعة

[asulaiti]

عندنا فطاحل في قروب الوتس اب كل شيء سهل وتوضيح بصور ومقاطع وشرح مستفيض

تمام .. نحاول نطلع عليه .. عيب قروبات الواتساب صعب البحث فيه .. لأن المحادثات متواصلة أفقية .. وهذا غير قطع الموضوع والدخول في مواضيع ثانية وعقب ترجع لنفس الموضوع .. وهكذا دواليك .. وتصير عشوائية ..

[سعود.]

في بيتي الحالي مسوي وحطيت فيديو للطريقة البسيطة بحاول اشوفه مرة ثانية بس ألحين باطور عليها مراوح الشفط فوق السطح كلها بلا استثناء يمكن اللي تحت تكون مفتوحة على البيسمنت الخدمي المهوى .. والهواء البديل بيكون من الحديقة الداخلية تجديد لهواء الحديقة وسحب هواء ملطف لباقي البيت وفيه اوكسيجين

صدقوني الحديقة الداخلية مب شرط تكون كبيرة ممكن 2 في 2 فيها نباتات متسلقة وسقفها زجاجي بسيط كمنور ومنها دكتات فلكسبل لسيطة توصل لغرف البيت ومنها للحمامات لأن غرف البيت لو كانت مغلقة بتسبب بعد حكرة في شفط الشفاطات وتخترب سرعة

كلام جميل

[معماري قطري]

كلام جميل

انت أجمل وزين ذكرتني هذا الفيديو يوضح دخول الهواء من الفتحة اللي من غرفة الملابس مخفية فوق الكبت وتنفتح لداخل الحمام .. يعني طبقتها كحل بدائي وبسيط وغير مكلف



https://www.youtube.com/shorts/lloGZJdvRCE

[معماري قطري]

مع إغلاق الباب ينفتح اللوفر وكنت ماخذ لون أبيض السباك ركب أسود لا ولصقه بغراء

[sara jsm]

صباحك خير اخوي السليطي .. يااخوي بالصيف المروحة ممنوع تتسكر :telephone:
شوف يمكن مشكلتك بحجم الشفاط او قوته على مساحة دورة المياه ..

في بيتي مسويه هالشكل لان الدريشه ماافتحها كللش ..
عندي مروحة سقف .. مع فتحات تهويه بالباب نفسه ..

https://j.top4top.io/p_2972xo6rm2.jpeg (https://top4top.io/)

فيسحب الهوا من الغرف ويدخل بالحمام ( تكرمون ) ويبرده وينشفه اسرع بعد ..
خاصه هالايام اليهال عقب الشاور مع البراد يخلون المكان ساونا :nea:

[معماري قطري]

صباحك خير اخوي السليطي .. يااخوي بالصيف المروحة ممنوع تتسكر :telephone:
شوف يمكن مشكلتك بحجم الشفاط او قوته على مساحة دورة المياه ..

في بيتي مسويه هالشكل لان الدريشه ماافتحها كللش ..
عندي مروحة سقف .. مع فتحات تهويه بالباب نفسه ..

https://j.top4top.io/p_2972xo6rm2.jpeg (https://top4top.io/)

فيسحب الهوا من الغرف ويدخل بالحمام ( تكرمون ) ويبرده وينشفه اسرع بعد ..
خاصه هالايام اليهال عقب الشاور مع البراد يخلون المكان ساونا :nea:

هذا الحل المعتاد بس لو باب الغرفة مغلق وما فيه فتحات تسرب هواء تخترب المروحة سرعة ضروري نسوي حل لدخول الهواء للبيت ومنه للغرف .. الأبواب ممكن نعزلها عدل عن الصوت والإزعاج ومدخل للهواء نسويه فوق الجبس وممكن فتحته مخفية في جانب مرتفع غيه الجبس

[sara jsm]

اشدعوه هو اكيد مب عايش تحت الارض اشهالغرفه اللي مايدخلها هوا ؟
وبعدين المرواح مب كلها فيها صوت .. واللي عندي بالبيت صارلهم سنين شغاليين ماعليهم شر :nice:

[معماري قطري]

انا كلامي عن البيوت اللي مستخدمين نظام درايش جيد ما يسرب هواء من برا وكذلك ابواب .. إحنا اضطرينا نركب باب بشبك في ممر الملحق كله مفتوح جزئي لدخول الهواء من الخارج والشبك لمنع الحشرات أما الدرايش عازلة للهواء والغبار والأصوات

من هشكل لو بنسوي نظام عزل قوي ضروري نخطط لفتحات دخول هواء مفلتر بدال المسحوب

[سعود.]

انت أجمل وزين ذكرتني هذا الفيديو يوضح دخول الهواء من الفتحة اللي من غرفة الملابس مخفية فوق الكبت وتنفتح لداخل الحمام .. يعني طبقتها كحل بدائي وبسيط وغير مكلف



https://www.youtube.com/shorts/lloGZJdvRCE

خوش حل

[سعود.]

صباحك خير اخوي السليطي .. يااخوي بالصيف المروحة ممنوع تتسكر :telephone:
شوف يمكن مشكلتك بحجم الشفاط او قوته على مساحة دورة المياه ..

في بيتي مسويه هالشكل لان الدريشه ماافتحها كللش ..
عندي مروحة سقف .. مع فتحات تهويه بالباب نفسه ..

https://j.top4top.io/p_2972xo6rm2.jpeg (https://top4top.io/)

فيسحب الهوا من الغرف ويدخل بالحمام ( تكرمون ) ويبرده وينشفه اسرع بعد ..
خاصه هالايام اليهال عقب الشاور مع البراد يخلون المكان ساونا :nea:

خوش باب اول مره اشوف كذا .
بخصوص حجم وقوه المروحه فعلا . بعض المراوح وجودها نفس عدمها .

[معماري قطري]

خوش باب اول مره اشوف كذا .
بخصوص حجم وقوه المروحه فعلا . بعض المراوح وجودها نفس عدمها .

صدقني لو فيه تيار داخل تسحب وتجدد .. هي يحسبونها كل شكثر تجدد حجم الهواء بالكامل وحسب حجم دورة المياه مثلاً 3 في 4 تختلف عن 2 في 3 الثانية نص الأُولى والأُولى ممكن تركب لها مروحتين أو مروحة وحدة قوية

الشيء الثاني ما يسمى بال Cross Ventilation هذا مقصود به نسوي فتحة دخول الهواء يسار تحت وفتحة السحب بشكل قطري يمين فوق لكن إحنا نسوي الفتحتين فوق والمهم هو يكونون بشكل قطري بضم القاف لحد يحسبها منتسب لقطر

[سعود.]

صدقني لو فيه تيار داخل تسحب وتجدد .. هي يحسبونها كل شكثر تجدد حجم الهواء بالكامل وحسب حجم دورة المياه مثلاً 3 في 4 تختلف عن 2 في 3 الثانية نص الأُولى والأُولى ممكن تركب لها مروحتين أو مروحة وحدة قوية

الشيء الثاني ما يسمى بال Cross Ventilation هذا مقصود به نسوي فتحة دخول الهواء يسار تحت وفتحة السحب بشكل قطري يمين فوق لكن إحنا نسوي الفتحتين فوق والمهم هو يكونون بشكل قطري بضم القاف لحد يحسبها منتسب لقطر

اهم شي بضم القاف ههههههههه

بس صدق ليش مايسوون مروحتين في الحمام ؟؟؟؟
احس بيكون سحب الهواء اسرع ؟؟؟؟

[معماري قطري]

اهم شي بضم القاف ههههههههه

بس صدق ليش مايسوون مروحتين في الحمام ؟؟؟؟
احس بيكون سحب الهواء اسرع ؟؟؟؟

انا مركب في الرئيسي وعلى سرعة متوسطة بس المشكلة صوتها قوي من هشكل أخطط أخليهم فوق السطح سهل استبدالهم وتنظيفهم وصيانتهم

[معماري قطري]

اهم شي بضم القاف ههههههههه

بس صدق ليش مايسوون مروحتين في الحمام ؟؟؟؟
احس بيكون سحب الهواء اسرع ؟؟؟؟

انا مركب في الرئيسي وعلى سرعة متوسطة بس المشكلة صوتها قوي من هشكل أخطط أخليهم فوق السطح سهل استبدالهم وتنظيفهم وصيانتهم

[معماري قطري]

كنت ساكن في شقة صغيرة غرفة وحدة في ميامي بس تكييفها عجيب حتى لدورة المياه فتحة وهناك المكيف صيف وشتاء شتاهم أدفى من قطر بوايد

[sara jsm]

خوش باب اول مره اشوف كذا .
بخصوص حجم وقوه المروحه فعلا . بعض المراوح وجودها نفس عدمها .

هذولا سويتهم في الاختيار الالماني ..
تفصيل على طلبي بس ماادري من اللي عطاني هالفكرة يمكن عزيز الله يذكره بالخير ..

:


انا مركب في الرئيسي وعلى سرعة متوسطة بس المشكلة صوتها قوي من هشكل أخطط أخليهم فوق السطح سهل استبدالهم وتنظيفهم وصيانتهم

انت اكيد مركب شفاط المطبخ :nice: اغلب المراوح الحين صوتها خفييييف عالاخر ..
او ان مروحتك من سنة الف وتسعمية وحطبه :funny:

[معماري قطري]

هذولا سويتهم في الاختيار الالماني ..
تفصيل على طلبي بس ماادري من اللي عطاني هالفكرة يمكن عزيز الله يذكره بالخير ..

:



انت اكيد مركب شفاط المطبخ :nice: اغلب المراوح الحين صوتها خفييييف عالاخر ..
او ان مروحتك من سنة الف وتسعمية وحطبه :funny:

تنتجها شركة البنتلي انجليزية اكسبلير .. هههه لتصدقين وتروحين تدورينها وصج تطورت المراوح وايد واللي فوق تتركب أسهل للصيانة والتبديل ومضمون الصوت بعيد