:: جلسة تداول يوم الثلاثاء الموافق 19-03-2024 ::

[.:: القيصر ::.]

السلام عليكم


صباح الخير

[MBY98]

وعليكم السلام، صباح النور.

[MBY98]

فنياً الطبية من هذي المنطقة بتنطلق.

[القادم افضل]

واثق الخطوة يمشي ملكا

[القادم افضل]

نريد الطبيى تطلق الشرارة في الاسهم الخامدة

[سهم القطو]

إنماء

[alkaldi]

السلام عليكم ورحمة وبركاته
بالتوفيق نتمنى الخير للجميع

[alkaldi]

تأجيل جمعية الريان إلى 25/3

[alkaldi]

فنياً الطبية من هذي المنطقة بتنطلق.

فنيا ونفسيا وعمليا وكل شي
بس السوق مايساعدها والا كان انطلقت

[SOKRAB]

اعلان إزدان القابضة يوم الخميس 21/03/2024 توقعاتكم.

[.:: القيصر ::.]

إنماء

خلها بتنبط

[alkaldi]

اعلان إزدان القابضة يوم الخميس 21/03/2024 توقعاتكم.

كل إعلانات اللي تكون يوم خميس يعني غير جيده
مافي أرباح تقريبا نفس كل سنه
إلا إذا فاجأتنا وممكن يوزع 4% لان اعلى شي وزعه 5% وكان من سنين

[مساهم متدرب]

مزايا والإسلامية للتأمين تعبونا، في أطراف مصممة على تركيع بعض الأسهم

الحمد لله الخليج التكافلي تماسك بعد التوزيع وأموره طيبة

[alkaldi]

التكافلي سهم له مستقبل ويمكن نشوفه فوق 3 وقريب
والله اعلم توقع وإحساس فقط
لو عندي مبلغ شويت منه

[القادم افضل]

التكافلي سهم له مستقبل ويمكن نشوفه فوق 3 وقريب
والله اعلم توقع وإحساس فقط
لو عندي مبلغ شويت منه

نفس الاحساس لكن متعلقين في السوق من ارجلنا ما فيه بيزات

[الهاكر]

ايش وضع المحار ؟ هل له ارتفاع قوي؟ هامور ينفضه بيولعه

[مساهم متدرب]

المطلعين شغالين بيع في مزايا

[qatar.1995]

المطلعين شغالين بيع في مزايا


الخروج باقل الخسائر افضل من فقد الرصيد بالانتظار

[القادم افضل]

[quote=الهاكر;10933790]ايش وضع المحار ؟ هل له ارتفاع قوي؟ هامور ينفضه بيولعه[/quote
المحار اخفيته في اسفل الشاشة خشية ان يغريني فاشتريه
تداوله ممل

[معماري قطري]

فنيا ونفسيا وعمليا وكل شي
بس السوق مايساعدها والا كان انطلقت

مساكم الله بالخير

عاد كلش الطبية اللي ما يهمها السوق ولا فنياته انا استسلمت للضغوطات وبعت غالب كميتي خليت بس 20000 ذكرى ههههه وانزلقت في ميزة العزيزة من أمس وخلصت

[القادم افضل]

يوم الثلاثاء لازم يغلق احمر ول ايه

[معماري قطري]

أي شركة يدخلونها السوق أسهمها قليلة هذي وراها ربح زين لأسباب كثيرة أهمها ممكن توزع وتكون ناجحة وأخبارها زينة ولنا في شركات قوية كذلك عبرة مثل قامكو أول ما نزلت .. بس الشركات الحكومية والمضمون نجاحها لازم وراها ناس تلقفها وتستمر في الشراء عليها أما الشركات الزعنطوطة مثل الطبية وميزة والمحار ذيلا بسهولة واحد بس يطيرهم لمت أب كم يوم

[معماري قطري]

عندي ربح بسيط اليوم ما يغطي هبوط أمس للحين بس مع الإغلاق الوضع بيكون لغلاغ

[معماري قطري]

حلو يا المستثمرين نبيك هشكل وانت قدها

[معماري قطري]

تذكرون سوقنا بشكل عام أيام 2017 شلون إهتز وسالفة العشر مليارات اللي تقرر تدخل السوق شسوت فيه وبعدها كان فيه التزام برفع السوق وحتى مع كورونا مشى صح؟ كانت محافظنا وقتها ثقب أسود تبتلع كل ما يلقون .. ألحين محافظنا أيدي بيضاء شاطرة في الرش وتطفئة السوق وقت المزاد تخصصهم .. حتى لو اشتروا طوال الجلسة ويبينون انهم شارين بعد يبيعون في المزاد بقوة ينزلون السوق ببساطة هم المتحكمين

[معماري قطري]

دخلت الماينسيشن قبل الإغلاق بشكل بسيط وشكله بيعمق عارف ما يبونه يرتفع

[معماري قطري]

الحمد لله عندي هبوط بسيط كلش 0.0183%

[معماري قطري]

ضربوا مفاصل السوق والضاربين أتوقعهم منا كانوا بسهولة لو هذي عروض من خارجيين أو صغار مستثمرين يقدرون يشفطونهم ويرفعون السوق لأرقام مستحقة .. ما تعودنا الوطني هشكل ولا صناعات ولا الريان ولا قامكو ولا الدولية مع إنها وايد تعدلت

[MBY98]

دقوا السوق كامل