30 سنه خدمه كفايه لتقاعد

[غير عنهم]

اتمنى من الجهه المسؤوله في هيئة التقاعد بعد الخدمه 30 سنه للموظف ان يكون له الحريه في التقاعد من عدمه لان بعد هذي الفتره يقل عطاء الموظق من كبر سن ومن حاله صحيه وكذلك اعطاء الفرصه لشباب للعمل ورحمة لموظف في ماتبقى له من عمر لتفرغ لمنزله وعائلته

[معماري قطري]

في أمريكا للجيش أحد الضباط يقول لي 15 سنة يحق لك تتقاعد ما ادري صادق أو لا بس تقاعدهم مب مثلنا تحت النص بشوي غير عن الخدمات اللي يدفعونها كبيرة من ضرايب وتكاليف كهرباء وماء وتمويل والحياة هناك تغلى بشكل مجنون وحكومتهم عبدة لإسرائيل تمولها في كل شيء .. حولنا بعض الدول كبار الضباط تقاعدهم حول 15000 ريال يعادل أدنى راتب لخريج الثانوية القطري

الحمد لله على نعمة الأمن والأمان والتقاعد

[sara jsm]

ليش القانون الجديد شيقول !؟
اظن يقدر الواحد يتقاعد تقاعد مبكر على عمر الخمسين سنة وخدمة 25 سنة ..
من فيه شده يشتغل عقب الستين سنة الا اذا مضطر وعليه ديون والتزامات ..
الافضل الواحد يرتب لنفسه عشان يرتاح شوي ويجدد شبابه :oops:

[عايش فرحان]

قانون التقاعد الجديد .. تم تصميمه بعناية .. لجعل اي قرار بالتقاعد قبل الستين مكلف ماليا و خيار غير جذاب .. وذلك بزيادة الخصومات في الراتب التقاعدي لكل سنة تفصل بينك و بين عمر الستين .. بحيث يصبح الراتب التقاعدي غير مجز إلا في حالة التقاعد بعد الستين

[SouthK]

ما ادري وشو الحكمة من التقاعد بعد 60 سنة .. الشخص يفقد طاقته و شغفه مع الوقت و لما يوصل الـ 60 وشو فايدة الراتب و وجوده إذا كانت الصحة منتهية و البال مشغول في امور الدنيا؟

على الاقل يكون في انصاف في التقاعد المبكر أو بلاها شغل و الواحد يتجه للعمل الحر!

[معماري قطري]

ما ادري وشو الحكمة من التقاعد بعد 60 سنة .. الشخص يفقد طاقته و شغفه مع الوقت و لما يوصل الـ 60 وشو فايدة الراتب و وجوده إذا كانت الصحة منتهية و البال مشغول في امور الدنيا؟

على الاقل يكون في انصاف في التقاعد المبكر أو بلاها شغل و الواحد يتجه للعمل الحر!

صادق توني واصل الستين شهر 3 اللي راح وطاقتي منخفضة حتى الأكل صعب آكل بسرعة

الدول الأجنبية اللي فيها ناس يشتغلون لعمر 70 وفوق يكونون ذيلا مؤهلين ومريحينهم يعني دوام حر أكثر .. أذكر مدرسينا في الجامعة يعطون درس ساعتين بعضهم في الأسبوع وكم ساعة مكتبية لأسئلة الطلاب والباقي يسوي أي شيء يبيه حتى لو يشتغل شغل ثاني .. الطيارين العسكريين في أي دولة تقريباً تقاعدهم سريع وقليل منهم ياخذونهم لأعمال إدارية حتى عندنا في قطر فيه سن معين ووضع صحي معين .. أذكر الدكتور عبدالعزيز بن محمد النعمة متخصص طب طيران وبعد تقاعد .. بس الطبيب والمهندس كلما تقدم به العمر زادت خبرته هم بس يريحونه شوي بيستفيدون وايد بدال ما يجيبون سكاريب منتهين من دول عربية بروحها شغلها وخبرتها مالت قبل الحرب العالمية الأولى .. نفس الشيء ينطبق على التدريس المهم نريح مدرسينا بدال المهمات التعذيبية ونسخ المقرر كل سنة يخلونهم بس يضيفون الجديد على القديم ومدرس عنده حصتين يقدمهم ويتوكل على الله يشوف راحته وممكن يجلس ساعة لوظيفة شغل معينة .. من رأيي لازم يصير عندنا فائض في كل تخصص وزيادة عددية بين مجموعة شابة وحديثة ومجموعة قديمة وخبرات

أحد الإخوان شبه متقاعد بس علقوه شوي لأنه يدير مشروع حكومي كبير وهذا شيء زين .. صحيح تعدى الستين .. وأحد الإخوان يمكن وصل السبعين كان طيار وبعده منصب كبير وبعده وزير والله يوفقه منتج في كل هذي الشغلات .. الحين المنصب الأخير مريح له أكثر من الطيران ومن المنصب الإداري المزعج اللي كان فيه

[معماري قطري]

فوق هذا من المهم في أي وزارة أو هيئة نحصل مجلس خبراء قدامى حتى لو متقاعدين ذيلا في يدهم يطورون وينظمون .. كانت عندنا ورشة تكييف وفنيين تكييف يقودهم واحد قطري خبرة من خريجي الثانوية بس يعادل مهندس تكييف واداري ممتاز تمت ترقيته لسنير على وقت الترقيات لازم بشهادة جامعية وقاعدوه ترقية شرفية .. وكنسلوا القسم بالكامل قالوا بيعتمدون على شركات التكييف وبقوا سنوات عندنا آلاف المكيفات وبكافة الأنواع حتى منها ثلاجات مركزية وصارت خرابات وخساير وبلاوي لفترة طويلة مدة سنوات ممكن خمس ورجعوا للي قاعدوه أغروه بمبالغ ثانية بس يرضى ويرجع يشتغل وتقاعده ماشي .. رجعوه خبير ويستاهل الرجال ورجعوا يجمعون قاعدة عمال وفنيين ثانية .. شالصح من هذي السالفة؟ إننا نكون مأسسين ومستمرين في تهيئة هذي الأقسام بالعدة والرجال القادرين على تأدية واجبها

[قطريه ماركه]

بالفعل المفروض 30 سنة ..

[غير عنهم]

بالفعل المفروض 30 سنة ..
نعم 30 سنه كافيه ويستحق الراتب كامل وااتمنى النظر في المده من الجهه المسووله ويكون له الخيار الموظف خدمه 30 سنه او 60 سنه