توقعاتكم لشهر يونيو 2024.... شهر الواهيب

[داود بن شطان]

ودعنا شهر مايو للأسف من اسوء الشهور، خاصة بعد ما اصدرت بلومبيرغ تقريرها الذي يصف بورصة قطر بأنها من اسواء البورصات اداءا على مستوى العالم ....
اول مرة التقارير الدولية تكتب عنا شي سلبي ... كنا متعودين على الأكبر والأول والأفضل والاحسن ... بس هذي اول مرة نصير فيها الاسواء

[معماري قطري]

للأسف الأسوأ وبإستحقاق

بس شوي يلتفتون للإستثمارات الداخلية أبرك من كله صوب برا

خلال الأُسبوع اللي طاف كل المؤشرات حمراء الا مؤشر التأمين إرتفاع بسيط وأتوقعه صوري يمكن شركة مرتفعة بألف سهم

https://i.imgur.com/ixqaIks.png

مع إني خذت في الطبية الا متوقع تنزل وتواصل لتحت بعدين لها كرة أخرى

https://i.imgur.com/am4ks7M.png

[معماري قطري]

الشراء خلال الأسبوع اللي طاف كان من أفرادنا دخول محترم بحدود 168.323 مليون ومن تداول 718.003 مليون وبنسبة 23.44% والله يوفق أفرادنا .. المحافظ القطرية اشترت كذلك بقيمة 228.366 مليون من تداول 965.379 مليون وبنسبة دخول راسمال جديد تساوي 23.655% والنسب متقاربة .. الشراء من أفراد الخليج بحدود 4.349 مليون من تداول 10.726 مليون وبنسبة دخول 40.546% النسبة أعلى .. كذلك شراء من قبل الأفراد العرب 27.085 مليون من تداول 224.509 مليون وبنسبة 12.064% وبعد شراء من المحافظ العربية 1.216 مليون من تداول 1.323 مليون وبنسبة دخول 91.91% النسبة وايد عالية لكن القيمة بسيطة .. وأخيراً الأفراد الأجانب 10.658 مليون شرائهم من تداول 71.602 مليون وبنسبة 14.88%

اللي يبيعون فقط هم المحافظ الأجنبية 351.103 مليون بيع ومن تداول 1407.082 مليون وبنسبة 24.9526% النسبة كبيرة وممكن تستمر بس هشكل محافظنا وادارة السوق اللي روجت له بتفقد هذيلا المستثمرين لفترات طويلة وما بتقوم بالسوق لأن لو قامت به بعد بيشردون المستثمرين المضغوطين في السوق .. صحيح محافظنا ربحت ربح سريع لكن خسرت السوق اللي كان واعد وإستوى أسوأ سوق في العالم

قد ما يحدث من بيع للمحافظ الأجنبية والخليجية له دواعي معاقبة قطر على كونها مع حماس والله أعلم التغلغل الصهيوني حولنا وفي العالم مب بسيط ولن ترضى عنا اليهود والنصارى والقلوص التابعة لهم حتى نتبع ملتهم

بيع المحافظ الخليجية كان وايد أقل 88.892 مليون ومن تداول 162.241 مليون وبنسبة 54.79%

[داود بن شطان]

الشراء خلال الأسبوع اللي طاف كان من أفرادنا دخول محترم بحدود 168.323 مليون ومن تداول 718.003 مليون وبنسبة 23.44% والله يوفق أفرادنا .. المحافظ القطرية اشترت كذلك بقيمة 228.366 مليون من تداول 965.379 مليون وبنسبة دخول راسمال جديد تساوي 23.655% والنسب متقاربة .. الشراء من أفراد الخليج بحدود 4.349 مليون من تداول 10.726 مليون وبنسبة دخول 40.546% النسبة أعلى .. كذلك شراء من قبل الأفراد العرب 27.085 مليون من تداول 224.509 مليون وبنسبة 12.064% وبعد شراء من المحافظ العربية 1.216 مليون من تداول 1.323 مليون وبنسبة دخول 91.91% النسبة وايد عالية لكن القيمة بسيطة .. وأخيراً الأفراد الأجانب 10.658 مليون شرائهم من تداول 71.602 مليون وبنسبة 14.88%

اللي يبيعون فقط هم المحافظ الأجنبية 351.103 مليون بيع ومن تداول 1407.082 مليون وبنسبة 24.9526% النسبة كبيرة وممكن تستمر بس هشكل محافظنا وادارة السوق اللي روجت له بتفقد هذيلا المستثمرين لفترات طويلة وما بتقوم بالسوق لأن لو قامت به بعد بيشردون المستثمرين المضغوطين في السوق .. صحيح محافظنا ربحت ربح سريع لكن خسرت السوق اللي كان واعد وإستوى أسوأ سوق في العالم

قد ما يحدث من بيع للمحافظ الأجنبية والخليجية له دواعي معاقبة قطر على كونها مع حماس والله أعلم التغلغل الصهيوني حولنا وفي العالم مب بسيط ولن ترضى عنا اليهود والنصارى والقلوص التابعة لهم حتى نتبع ملتهم

بيع المحافظ الخليجية كان وايد أقل 88.892 مليون ومن تداول 162.241 مليون وبنسبة 54.79%

انا كنت من الأفراد الي شروا اخوي معماري

[معماري قطري]

الخلاصة لو سوقنا يبي يكون جاذب المفروض يبدأ من محافظنا ولازم بيتبع من أفرادنا وبالتالي الباقي تحصيل حاصل .. المفروض ما نعول على الأجانب كثير .. العرب والخليجيين مع القوي وكلما شافوا السوق يقوى بيزيد دخولهم .. قوة السوق تبدأ من شركاته ومن متابعة هذي الشركات برقابة وبقوانين قوية ما يكون يغطون على تجاوزات ويسمحون أصلاً بتجاوزات وتعديات على أموال المساهمين وبالتالي دمار للشركات مثل اللي صار في الريان وقبله في الدوحة وفي التجاري والأهلي وبدرجات ثانية في قطر وعمان وفي الأول وفي مزايا وفي الإجارة وفي إزدان حتى استثمار انرفع عنها القلم خلاص والمتحدة والطبية شاطرة بس تنط لنا من قمة لقمة وهي خسرانة خساير كبيرة

[معماري قطري]

انا كنت من الأفراد الي شروا اخوي معماري

وانا بعد ومعانا كثيرين السوق استوى مغري ولو راح تحت أكثر إحنا حول القاع

[معماري قطري]

أخبار السوق الأساسية والدقيقة استوينا ناخذها من برا أخبارنا كلها تلميع وتجميل للقبيح

[بوجبر]

المحافظ الأجنبية تواصل البيع بعنف والبعض لا زال يوصي الغلابة بالشراء بحجة أن الاسعار مغرية

[بو هيا88]

المحافظ الأجنبية تواصل البيع بعنف والبعض لا زال يوصي الغلابة بالشراء بحجة أن الاسعار مغرية

مرد اسهمهم تخلص ونخلص منهم

المشكله انه في ناس تلتفت للبورصة بعد ما توصل قمة

[بوجبر]

مرد اسهمهم تخلص ونخلص منهم

المشكله انه في ناس تلتفت للبورصة بعد ما توصل قمة


اللي ينكسر عمرة مايتصلح

[معماري قطري]

اللي ينكسر عمرة مايتصلح

انت مخضرم وتعرف السوق عدل وناس وايد غيرك ما يحتاجون نصيحة مني أو منك انت بس شوف كم يوم يشترون أهل قطر .. بكرة لين شفت السوق يرتفع بتقول عارفين اللعبة .. زين اللي تكسب به العب به خلك مع السوق غلط تعاكسه .. كم مليار وزعوا وكم واحد جاته دفعة جيدة عوضته صبر السنة؟

اللي ينكسر يتصلح والسوق ماشي صج مضغوط بس احسب خسارتك وربحك منه بتحصل نفسك كاسب كثير

ما اقول ادخل بس اقول لك شوف شكثر يستغلون الفرصة غيرك

[معماري قطري]

اللي ينكسر عمرة مايتصلح

بعدين بو جبر عمره تنكتب عمره هز عمر يعني عمرة اللي انت كاتبها العمرة اللي تروح لها مكة المكرمة

[alkaldi]

الدوا مولع وشكله بيرد لين 40

[معماري قطري]

الدوا مولع وشكله بيرد لين 40

مولع شوي عليه ومتدلع ويحق له يتدلع

الفال حق سوقنا يصك ال 3000 ههههههه .. بس شكلهم قاموا يضخون شوي شوي على استحياء كنا نقول من زمان ما فيه عدالة بين سنوات عز كانت بالنسبة لكم بعتوا في 2022 بحدود 11 مليار في حول 6 شهور ودمرتوا السوق وكملتوا بيع طول 2023 بحدود 3 مليار هالسنة متى بتضخون مبلغ يسوى ويرفع السوق ارتفاع مستحق؟

حتى المبالغ البسيطة الحالية على ضعفها وعلى مساهمة الأفراد في ضخ كثير منها ما تسوي شيء

[معماري قطري]

الداو باشا وأخواته

Dow Jones
38,686.32 38,719.43 38,092.27 +574.84 +1.51%
17:21:51
S&P 500
5,277.51 5,280.33 5,191.68 +42.03 +0.80%
17:21:51
Nasdaq
16,735.02 16,789.27 16,445.54 -2.06 -0.01%
16:00:57
Small Cap 2000
2,068.20 2,074.50 2,042.25 +11.60 +0.56%
01:00:00
S&P 500 VIX
12.92 14.87 12.84 -1.55 -10.71%
16:46:03

[ابو عبده]

الداو خلال حوالى 5 او 6 جلسات تداول نزل حوالى 2000 نقطة .. امس عوض حوالى 27% منهم ومنتظر يعوض اليومين الجايين على الاقل 50% كمان فةق ال 27% بتوع امس

واحنا ننزل 400 او 500 نقطة نعوض منهم 50 ويعنى لو فيه شوية محبة نعوض 100 نقطة وبعدين يذلونا بيهم ونزل تانى يوم نصهم او قدهم
لنا الله

[][ الوحيد ][]

يعلن كلّ من شركة أعمال ش.م.ع.ق.، إحدى أبرز الشركات متنوِّعة الأنشطة في المنطقة، ومصرف الريان ش.م.ع.ق.، إحدى المؤسسات المالية الإسلامية الرائدة في قطر، عن توقيعهما لاتفاق شراء شركة أعمال، من خلال شركتها التابعة أعمال ريديمكس، حصة مصرف الريان في شركة سي سان التجارية ذ.م.م.، وهي شركة مملوكة لكل من شركة أعمال ومصرف الريان، وذلك بمبلغ 32 مليون ريال قطري.

ومن الجدير بالذكر أن شركة "سي سان التجارية ذ.م.م." تأسست في عام 2008، وهي عبارة عن مشروع مشترك بنسبة 50:50 بين شركة أعمال ومصرف الريان برأس مال مدفوع قدره 30.6 مليون ريال قطري. تستثمر "سي سان التجارية" في مختلف القطاعات، وتمتلك حالياً شركتين تابعتين، جلف روكس وأعمال لخدمات النقل البحري. أما عن شركة أعمال ريديمكس، والمملوكة بالكامل لشركة أعمال، فهي إحدى أكبر منتجي الخرسانة الجاهزة ذات الجودة العالية في قطر، مع قدرة إنتاجية سنويّة تبلغ 600,000 متر مكعّب.

وفي سياق الانتهاء من إبرام الصفقة صرّح سعادة الشيخ محمد بن فيصل آل ثاني، نائب رئيس مجلس الإدارة والعضو المنتدب لشركة أعمال، قائلاً: " تعد هذه الصفقة خطوة استراتيجية، وتعزز من الموقع الريادي للشركة في قطاع الإنتاج الصناعي، خاصة وأن "أعمال" تُعدّ من أوائل شركات القطاع الخاص والتي قامت بإنشاء محفظة استثمارية راسخة لها في قطاع الإنتاج الصناعي، الامر الذي سيعود بالفائدة على المساهمين وأصحاب المصلحة."

كما أضاف السيد راشد المنصوري، الرئيس التنفيذي لشركة أعمال:" يسعدني الإعلان عن الاتفاق على شراء حصة مصرف الريان في شركة سي سان للتجارة، وذلك من خلال شركتنا التابعة، أعمال ريديمكس، مما سيعزز من موقعها الريادي في السوق ويرفع من تنافسيتها وقوة مركزها المالي. تعتبر هذه الصفقة خطوة هامة لتحقيق جزء من الخطط المستقبلية التي يتم دراستها حاليا وسيتم الإعلان عنها في الوقت المناسب."

من جهته قال السيد فهد بن عبدالله آل خليفة الرئيس التنفيذي للمجموعة بمصرف الريان:" يسعدنا التوصل إلى الاتفاق لبيع حصتنا في شركة "سي سان التجارية" لصالح شركة أعمال. تأتي هذه الخطوة ضمن استراتيجية البنك الجديدة للخروج من بعض الاستثمارات في القطاعات غير المصرفية والتركيز على الأعمال والأنشطة المصرفية بهدف الارتقاء بخدمات مصرف الريان إلى أعلى المستويات".

[معماري قطري]

اللي فهمته من الخبر إن أعمال ومصرف الريان أنشئوا شركة ردي مكس مشتركة بمبلغ 30.6 مليون وألحين أعمال شرت حصة الريان البالغة 50% بمبلغ 32 مليون كانت حصة الريان 15.3 وباعتها ب 32 مليون يعني ربح فوق 100% بس الشركة متأسسة من 16 سنة وألحين قيمتها السوقية ممكن أعلى بكثير ولا ندري احنا شالربح والا الخسارة من هالصفقة المفروض فيه تفصيل أوضح تعودنا على الأخبار المبهمة

[معماري قطري]

بداية أُسبوع موفقة ولله الحمد وبداية جني ربح حتى ولو قليل للأفراد القطريين اللي شروا أكثر شيء خلال وصول سوقنا لقاعه الأخير حيث باع الأفراد ما يقارب العشرة ونص مليون قيمة أسهم .. وكذلك باع معهم 11.5 مليون .. وأفراد العرب 5 مليون بيع والأفراد الأجانب 0.5 مليون بيع .. البيع كله أفراد ومحفظة الخليج

الشراء مستمر من محافظنا بحدود 16.8 مليون وبنسبة تقل قليلاً عن 4.8% من إجمالي التداول .. كذلك تحولت المحافظ الأجنبية للشراء 11.9 مليون شوي أقل منها وبنسبة 3.3% .. إجمالي نسبة السيولة الداخلة يقارب ال 9% أدت لإرتفاع جيد ومستحق وإن شاء الله استمرار بكرة وشراء أعلى

[معماري قطري]

بالنسبة لي طالع من اسبوع قاسي مسح أرباح أسبوعين جيدين وزاد عليها .. أمس ربحي حول المؤشر 0.7024% والمؤشر 0.71% .. آخر 4 أسهم شريت فيهم ارتفاع بسيط وقريبين من سعر شرائي .. شهر 6 المشكلة شهر التصريف العالمي والمفروض شهر 5 كذلك ولازم أخفف في بعض الأسهم

[معماري قطري]

اليوم محافظنا بيضت الوجه .. One Man Show .. هي الوحيدة اللي تشتري وبقوة وهذا اللي أقوله من زمان متى ما حبوا يرفعون رفعوا كل شيء في يدهم .. إشترت بما 24.65% من سيولة السوق يعني هذي اموال داخلة هالمرة بمبلغ 105.4 مليون مب شوي وبمايعادل 44.38% من سيولتها شراء وأموال جديدة داخلة .. وايد تأخروا والمهم الإستمرارية

الكل يبيع .. أفرادنا قريب ال 11 مليون وأفراد الخليج 0.5 مليون والمحافظ الخليجية 25.1 مليون والافراد العرب 5.4 مليون والأفراد الأجانب 0.5 مليون والمحافظ الأجنبية أعلاهم 63.1 مليون

المهم محافظنا تستمر وبنشوف السوق يستعدل هي مصختها بالبيع فترة 3 سنين هذا ما يصير كلش في سوق من أكبر فئة تتداول فيه وتسمى ( وطنية )

[معماري قطري]

كان أمس يوم جميل ما قدرت أتابعه معاكم .. المؤشر أضاف 0.59 مع إرتفاع ل 35 شركة وهبوط فقط ل 14 ولله الحمد .. بيتعدل السوق في حالة مواصلة الشراء من محافظنا خصوصاً في هذا الوقت .. كان شرائهم بحدود 71.675861 مليون شوي أقل من أول أمس حيث كان فوق 105 مليون .. فيه سيولة شراء وأموال داخلة خصوصاً من محافظنا فيه ارتفاع يبون يبيعون برخيص بيدمرون السوق زود مثل ما كانوا مسوين خلال السنتين الى 3 سنين الماضية .. نسبة الشراء للتداول وصلت ل 27.595% لتداول محافظنا ونسبة لتداول السوق ككل 14.6% وين أيام كنا حول 2%

البقية كلهم بيع لثاني يوم بس محافظنا اللي تشتري لأن السوق وصل مرحلة فشل كبير والسبب هم لأنهم كانوا يبيعون ومصرين على تنزيل السوق

الأعلى في البيع المحافظ الأجنبية بما يقارب 49 مليون ريال وشوي فوق ال 10% من إجمالي تداولات السوق .. ورقم 2 يجون المحافظ الخليجية فوق 9.9 مليون ثم يجون افرادنا تحت 8.9 مليون والبقية وايد أقل بس بيع للكل

في رأيي يبين محافظنا صحت من غفوتها ورجعت تشتري في نية لإصلاح السوق وبإذن الله تكون فيه استمرارية .. هل التوقيت غلط؟ ووين بيوصلونه عرفنا سوقنا خارج التغطية هم كيفهم وفي يدهم يوصلونه لأرقام مستحقة لو حبوا ومب شرط يبيعون السنة بس بيزيد البيع من البقية

كلها 3 أسابيع ونخلص شهر 6 وندخل على الإعلانات النصفية وبإذن الله خير

بالنسبة لي إرتفاع محفظتي بحدود 0.467198% بالضبط مع حول 0.53% ليوم ارتفاع ويوم هبوط تطلع حول 1% هذا الأًسبوع نعمة والباقي كثير

أعلى شركة عطتني ربحية وقود والثانية بنك لشا بعدين صناعات وبروة والمتحدة وكم شركة غير

[معماري قطري]

بدت تتضح الصورة الجديدة للسوق .. قبل كان البيع يطغى على الشراء في المزاد والآن الشراء يطغى على البيع بس للأسف اليوم في مجموعة أسهم أصغر .. بكرة بنشوف شيصير كتداولات اسبوعية بس انا متطمن لصحوة محافظنا لرفع السوق وضحت أمس واليوم بوضوح أكثر يدخلون طلبات ترفع السوق آخر اللحظات .. الأجانب محافظ والخليجيين محافظ مواصلين البيع وبكرة بيع ممكن من أفرادنا بكثرة ولهم كم يوم يبيعون

كان يوم حلو بإغلاق 0.29% بس يعيبه الشركات 20 شركة في مقابل 26 هابطة وقبل الإغلاق أظن كان المؤشر 0.11% وتم رفعه بكل سهولة مع إن الضغط البيعي كان واضح من بداية المزاد .. بالنسبة لي أسهمي ارتفعت 0.2727% شوي تحت المؤشر ولله الحمد .. أكثر الأسهم عطتني اليوم صناعات ثم الخليج الدولية ثم الميرة كلها أعتبرها أسهم وزن ثقيل وبنك لشا ما قصر تعدى الخمس خانات في العطاء .. من بينهم بس الخليج الدولية داخل فيه الربحية بمقدار 40% أما الباقي للحين خسارة

للحين خسارة المؤشر كبيرة من بداية السنة -12.36% وخسارة بعض الأسهم أكيد أعلى .. ما ادري ليش خربوا السوق هل صحيح وطنية والا وثنية؟ هو سوقنا كان ناقص من 2022 الى 2023 حتى يكمل حول 15% هبوط في 2024؟ للأسف ما يعتبر تقليص وافي بدايات والله ييسر مع إن الوقت كلش غير مناسب صيف وإجازات وسفر تفصلنا بس 23 يوم عن نهاية شهر 6 وبداية شهر اعلانات الربع الثاني بالضبط 17 يوم تداول أُمنيتي نقلص فيها 50% من هبوط السنة 6.18% نقسمها على 17 تطلع حصة اليوم الواحد 0.3635% لو حبوا يسوونها تستوي بسهولة

[معماري قطري]

لثالث يوم الكل يبيع وبس محافظنا تشتري هالمرة بمبالغ أكبر قريب 113.5 مليون أعلى رقم اليوم والبقية بيع

أعلاهم بلا منازع المحافظ الأجنبية 73.4 مليون ورقم 2 المحافظ الخليجية 22.6 ورقم 3 يجون أفرادنا أتوقع قريب ال 16 مليون بخردة بسيطة تحتها .. والبقية درجات اقل .. توني الاحظ الأفراد الأجانب شروا اليوم وكسروا قاعدة الوحيدة اللي تشتري محافظنا وبحدود 1.7 مليون

[style]

213 نقطه كسبها المؤشر من اغلاق الخميس السابق .. هل نشوف 10 الاف نقطه خلال الأسبوع القادم قبل اجازه عيد الاضحى المبارك ؟؟؟؟؟؟!!!! أسعارك معظم الأسهم مش مقنعه للشراء .

[معماري قطري]

213 نقطه كسبها المؤشر من اغلاق الخميس السابق .. هل نشوف 10 الاف نقطه خلال الأسبوع القادم قبل اجازه عيد الاضحى المبارك ؟؟؟؟؟؟!!!! أسعارك معظم الأسهم مش مقنعه للشراء .

دخول سيولة قوية مستمرة ورافعة من محافظنا غير المعادلة .. الأسعار ليش غير مقنعة للشراء؟ خوف والكل اللي يبي يشتري يطمع في الأفضل والأقل بس تأكد إن السوق ما يمشي حسب رغبة المتداول حبوا يرفعونه رفعوه .. قريت تقرير عن مشاريع السودان اللي مقدمة على تنفيذها قطر تصل ل 24 مليار دولار والله أعلم بدقته أو صحته لكن فيه سيولة كبيرة ومليار واحد من ألحين لآخر السنة يكفي لإنتشال السوق .. غلط إننا ننتظر الأجانب يشترون

نصيحة كل واحد يتابع أسهمه واللي رابح فيه ويستحق الإحتفاظ يحتفظ به واللي خسران فيه وما يتحرك يبدل لسهم سريع الحركة ومربح من ناحية تاريخ التوزيع وسعره المناسب .. واللي داخل فيه مغامرة ومضاربة ورابح ربح زين هذا يعرف متى يطلع ويروح لسهم يوزع أفضل له .. مثال حاصل لي اليوم الميرة عطاني تقليص لخسارتي فوق 30% وخسارتي افتراضية لو بعت لكن سهم عايش معاه وتوزيعاته ولا أحلى وصراحة غلطان ما عدلت مع إن الكاش موجود .. يعني يومين بعد مثل اليوم في الميرة أكون دخلت الربحية .. كذلك وقود يبي لي 8 أيام نفس اليوم وهذي ما تحصل بسهولة بس انا قريب في غالب أسهمي وكثير دخلت الربحية وهذا شيء زين

لازم الواحد يدرس محفظته ويفكر شيسوي لكل سهم وفي النهاية المحفظة تعتبر استثمار طويل الأمد وتعتمد على المدخول المضاربي + التوزيعات السنوية + تكون للمساهم مصدر دخل ثابت إضافي + تكون رصيد محفوظ له .. فلوس تتجمع وتشتغل له .. هذا عكس اللي يدخل يبي يربح مبلغ ويطلع يصرفه ولو خسر يستسهل الخسارة ويقول خسرت 10% ولا شيء

[style]

قلت لك الاسعار مش مغريه للشراء .. بتتذكر كلامي الاسبوع القادم.. مافي داعي الكلام الطويل هذا …..

[معماري قطري]

سوقنا استوى غير ولله الحمد

اليوم شراء محافظنا يبيض الويه ويقول إن السوق مقدم على إنتعاش بشراء بقيمة 94.66738 مليون ريال سيولة داخلة من مجموع تداول لمحافظنا يصل ل 226.228 مليون وبنسبة دخول تساوي 41.84596% نسبة وايد عالية ونسبة دخول لإجمالي تداول السوق تساوي 23.4% هذا يعني إن محافظنا بدت تستوعب اللي صار

العجيب البقية كلهم بيع يمكن نسبياً اقلهم أفرادنا توهم بدوا يستوعبون 2.1 مليون بيعهم فقط من تداول كبير 103.3 مليون ولازم بيتحولون للشراء بس تأكدوا دوم الشراء قرب القاع افضل .. أفراد الخليج بيعهم 4.8 ومحافظ الخليج بيعهم 12.65 .. والافراد العرب 5.65 والافراد الأجانب 9.3 مليون والمحافظ الأجنبية أعلاهم بيع 60.2 مليون

[معماري قطري]

قلت لك الاسعار مش مغريه للشراء .. بتتذكر كلامي الاسبوع القادم.. مافي داعي الكلام الطويل هذا …..

مصدق يعتمد

[معماري قطري]

ما حصل من شراء خلال الاسبوع كامل كان فقط من قبل محافظنا 402.1 مليون .. رفع مؤشرات السوق

https://i.imgur.com/TxCNfL8.png

بس ما دام السوق بينزل الأسبوع الجاي ما لنا الا نبيع بكرة بس شلون من يشتري .. أعلى المرتفعين مؤشر الخدمات والسلع 7.680% والمؤشر الوحيد الهابط شركات التأمين وكان الأعلى الأسبوع اللي راح

https://i.imgur.com/by5l7xX.png

شكل الطبية شغالين عليها تصريف على العالي

حلوة الميرة أميرة

الأكثر بيعاً هم المحافظ الأجنبية يتبعهم المحافظ الخليجية ويتبعهم أفرادنا أكيد متأكدين إن السوق بينزل الأسبوع الجاي وبعد هذي طبيعة الأسواق لو هدت محافظنا الشراء بنشوف هبوط وتراجع لو واصلت بقوة قريبة بنشوف ارتفاعات حلوة

[style]

أنا ماقلت ان السوق بيكون نازل الأسبوع القادم ..كل المقصد من مشاركتي ان المحافظ القطريه مش جاده بالشراء بطريقه ملفته ..وممكن تجني ارباح الاسبوع القادم ..ارتفاع ب عدد قليل من المؤشر لايعني ان السوق مقبل على ارتفاع .السوق يخسر اكثر من 300 نقطه في يومين .. وبحاول ركز على يحاول يكسب 200 نقطه خلال 5 ايام .. ولا فيها اي دلائل ان السوق مقبل على ارتفاع

شكرا

[شبيب]

السوق في مرحلة تجميع بهدوء واخبار خفض الفائدة تسبق الفيدرالي من الكندي والاوروبي لاول مره

موجة الارتفعات قادمه تحتاج كم شهر

[style]

السوق في مرحلة تجميع بهدوء واخبار خفض الفائدة تسبق الفيدرالي من الكندي والاوروبي لاول مره

موجة الارتفعات قادمه تحتاج كم شهر
افضل ثلاث كلمات قلتها في مشاركتك هي ،، تحتاج كم شهر .. اي شهر عاد .. انت قولي لي ههههه

[معماري قطري]

أنا ماقلت ان السوق بيكون نازل الأسبوع القادم ..كل المقصد من مشاركتي ان المحافظ القطريه مش جاده بالشراء بطريقه ملفته ..وممكن تجني ارباح الاسبوع القادم ..ارتفاع ب عدد قليل من المؤشر لايعني ان السوق مقبل على ارتفاع .السوق يخسر اكثر من 300 نقطه في يومين .. وبحاول ركز على يحاول يكسب 200 نقطه خلال 5 ايام .. ولا فيها اي دلائل ان السوق مقبل على ارتفاع

شكرا

كل شيء جايز إخوي ستايل لكن الملاحظ إن محافظنا بدت تشتري بقوة الدخول واضح خصوصاً في آخر ثواني المزاد .. بس باقي الإستمرارية رفع السوق ورفع معنويات السوق مثل ما تسوي حكومات مب محافظ وإدارات أسواق

[معماري قطري]

السوق في مرحلة تجميع بهدوء واخبار خفض الفائدة تسبق الفيدرالي من الكندي والاوروبي لاول مره

موجة الارتفعات قادمه تحتاج كم شهر

لازم موجات والموجة مرصودة من كثير من المحللين .. ونترك سالفة الفيدرالي وغيره سوق الفيدرالي أو أسواقه كلهم مع الفائدة والتضخم السوق حول قمته .. مثال على الكندي اليوم واصل قمة جديدة

https://i.imgur.com/RqmjJLq.png

المكسيكي حول القمة

https://i.imgur.com/mB0OVar.png

والأمثلة وايد بدينا نحس إن سوقنا بس ينتظر الأسواق تنزل حتى ينزل معاها

بالنسبة لموجة الإرتفاع هذي الأخيرة أتوقعها بدت من بداية الأحد اللي راح ولازم فيه هبوطات وجني أرباح بس بإذن الله تنسحب لفوق ال 10000 وزود حتى شينقص سوقنا وشينقص إقتصادنا

[معماري قطري]

سوقنا معتمد على سلوك الصانع للسوق ككل اللي هي المحافظ الوطنية وأخص بالذكر الحكومية والبنكية حبت تلم برخيص بعد ما باعت بغالي في يدها ما حبت بيبقى السوق يعاني

[][ الوحيد ][]

العيب الوحيد رفع المؤشر بأسهم معينه ..
السوق مرتفع عالمزاج
في اسهم للحين في قيعان

[شبيب]

افضل ثلاث كلمات قلتها في مشاركتك هي ،، تحتاج كم شهر .. اي شهر عاد .. انت قولي لي ههههه


هل المحافظ شراءها مثل الافراد !!؟ كيف تحصل على الكميات المطلوبه باسعار مناسبه !!؟ في يوم وشهر !! ؟ تجميع المحافظ وشراءها يختلف عن الافراد الناس تشوف 3 شهور بعيده لكن لمن يريد كميات كبيرة جداً يرى ال 3 شهور شوي عشان يجمع المطلوب

[alkaldi]

نقول باذن الله ان بعد العيد بيكون السوق غير
وهالمره في اسهم بيكون إعلانها مساعد لها اكثر في الحركه لفوق
في اسهم كانت الربع الاول بالرقم من نتاىجها الحلوه بس ولا اثر فيها وان كان اثر مب ذاك التأثير
توقعي مع اعلانات الربع الثاني الوضع غير

[معماري قطري]

[ الوحيد ][;10938860']العيب الوحيد رفع المؤشر بأسهم معينه ..
السوق مرتفع عالمزاج
في اسهم للحين في قيعان

وهذا العيب بيستمر فترات طويلة لكن بتتحرك أسهم كثيرة بعضها حتى مضاربي بحت وبعضها بسبب خبر معين .. حتى في عز الهبوط أسهم تشذ .. لازم الواحد يتحوط بين هذا وذاك وينوع .. شفنا حركة وارتفاعات على كهرماء وعلى الميرة

خل ناخذ مثال المصرف أغلق على 17.200 وهو قريب جداً من أدنى سعر خلال سنة 16.980 وأعلى سعر 21.530 وعليه وعلى نتائجه وتوزيعه الأخير تبني قرارك هل الدخول فيه مجدٍ أو لا .. شوف العام وشوف قبل العام بعد لو تحب بس بنك مثل المصرف شبه مضمون

نرجع لكهرماء أغلق على 15.100 وأدنى سعر وصل له خلال سنة 14.510 كان في الأسبوع اللي طاف وأعلى سعر 18.800 وعليه تحكم في بطنه حول 3 ريالات غير التوزيع الجيد المضمون وسعر التأسيس المناسب .. والأميرة الميرة طالع لي محلل يقول عارفين من يشتري فيها المهم فيه مشتري .. اقل سعر لها خلال سنة 12.640 وأعلى سعر كان إغلاق الخميس 14.760 بس كانت فوق ال 18 خلال سنتين أو 3 والسهم توه متحرك وربحه جيد ومضمون بعد فيه 3 ريالات

ناخذ سهم زغنطوطي الفالح 0.695 إغلاق الخميس ويوزع في الربع الثالث قريب يعني وسعره الأدنى 0.675 والأعلى 1.077 عاد الواحد يوزنها هل يستاهل أو لا انا دخلت بكمية بسيطة بسعر 0.71

أشوف السوق حلو وأتهدد على بقايا الكاش عندي اللي مخليه للبنيان أو نقول لبداية البنيان

سالفة المزاج هذي معروفة وذكرتها مرات سوقنا المتحكم فيه محافظنا وخصوصاً الحكومية هي اللي كانت تبيع بقوة ومستمرة سنوات وهي اللي مؤخراً تغيرت للشراء والله أعلم شكثر بتستمر

[alkaldi]

اليوم اسعار الذهب نزوووول قوي
هل إذا نزل الذهب الأسهم ترتفع
أتوقع ان عندهم اخبار ان الفيدرالي ناوي يبتدي في خفض الفائده
وهل إذا نزلت الفائده البنوك عندنا بتطير

[معماري قطري]

اليوم اسعار الذهب نزوووول قوي
هل إذا نزل الذهب الأسهم ترتفع
أتوقع ان عندهم اخبار ان الفيدرالي ناوي يبتدي في خفض الفائده
وهل إذا نزلت الفائده البنوك عندنا بتطير

الواضح والشبه مؤكد إننا مقبلين على طفرة ما يصير أسهم العالم من ارتفاع لإرتفاع وإحنا من قاع لقاع وشكلهم بدوا يعدلون السوق نتابع ونشوف المهم معبين وجاهزين .. الفائدة سلاح ذو حدين ولازم ينزلونها والبنوك ما عندها تدفع ودائع بدون قروض تعطيها مدخول جيد نزلت عندنا القروض الجديدة كثير خصوصاً للمشاريع الكبيرة وهي نازلة أصلاً في العالم والقروض الموجودة فيها تعثر وعدم سداد وضبابية كبيرة وأقاويل كثيرة

اللي يخوف بيع المحافظ الأجنبية بهذي الطريقة وهم توصلهم تقارير وأخبار غير عن أخبارنا اللي للإستهلاك المحلي .. مع إن توزيع بنوكنا زين لكن صارت مشكلة في الريان والمشكلة موجودة ومتواصلة في بنك الدوحة ويمكن بشكل أكبر ونفس الحال في التجاري وأتوقع ما خفي أعظم وما ننسى البنك الاستثماري بنك لشا

أشوف الشركات الأفضل هي الخدمات والصناعية وممكن الإتصالات والتأمين بعد والنقل بس البنوك مهما ينفخون فيها يبقى نفخ لكن اللي عنده مب معناها يبيع كلها شكوك بسبب عدم الشفافية ووكالة يقولون للأنباء العالمية

[معماري قطري]

اليوم اسعار الذهب نزوووول قوي
هل إذا نزل الذهب الأسهم ترتفع
أتوقع ان عندهم اخبار ان الفيدرالي ناوي يبتدي في خفض الفائده
وهل إذا نزلت الفائده البنوك عندنا بتطير

على طاري نزول الذهب من أيام ملتمين علي في المجلس بع بع بع واشتر ذهب كم واحد أكدوا لي الذهب ما ينزل .. طالعين تجار الذهب يروجون لبيعه .. ممكن يتضاعف لأسباب كثيرة منها الحروب وكلها أرزاق بس شالمضمون؟

[معماري قطري]

السلع كلها هابطة الا الغاز والأكثر هبوط كنسبة الذهب

Crude Oil WTI 75.38 -0.17 -0.23%
Brent Oil 79.44 -0.43 -0.54%
Natural Gas 2.937 +0.116 +4.11%
Gold 2,311.20 -79.70 -3.33%
Silver 29.273 -2.094 -6.68%
Copper 4.447 -0.2310 -4.94%
US Soybeans 1,177.50 -22.50 -1.88%

وأكثر منه الفضة والنحاس

القصدير بعد ما قصر هبوط

2,580.00
-67.50
(-2.55%)

بكرة قامكو يرقل عاد المفروض محافظنا اللي اتجهت للشراء ورفع السوق بعد تلتفت لقامكو وتشتري شراء استثماري ما تركز على أسهم المؤشر وبس والباقي خس

[معماري قطري]

حلو السوق اليوم عطاني 0.255187% ولثاني أُسبوع المؤشر مواصل وأكيد محافظنا قرأ عليها مطوع والله هداها ورجعت تشتري وأتوقع اليوم أفرادنا شروا بعد .. المؤشر 0.4% وأكيد ضخوا مبالغ في الإغلاق وهذا الصحيح والمهم الإستمرار كرة الثلج تكبر وعبيلوا واستمر في التعبئة تو الناس على تديلوا

[معماري قطري]

محافظنا يشتغلون بالمليمتر خطوة خطوة بعد ما دمروا السوق رجعوا يعمرونه .. زين بنمشيها بس يستمرون .. اليوم شراء ممتاز 38.4 مليون وبكرة بإذن الله بيزيدون الجيلة .. شروا معاهم إخواننا الخليجيين الأفراد 0.4 مليون .. واشتروا كذلك الإخوان العرب الأفراد 1.35 مليون .. والمحافظ الخليجية 0.5 مليون شراء

اللي يبيعون أكثرهم المحافظ الأجنبية 10.3 مليون وشكلي نسيت افرادنا وايد أكثر منهم اليوم بيع 16 مليون والأفراد الأجانب 3.6 مليون

[style]

اليوم اسعار الذهب نزوووول قوي
هل إذا نزل الذهب الأسهم ترتفع
أتوقع ان عندهم اخبار ان الفيدرالي ناوي يبتدي في خفض الفائده
وهل إذا نزلت الفائده البنوك عندنا بتطير
تنزيل الفايده من بدايه سبتمبر مش الان ..باقي وقت كثير ..واحتمال تتغير الاراء .

[alkaldi]

تنزيل الفايده من بدايه سبتمبر مش الان ..باقي وقت كثير ..واحتمال تتغير الاراء .

اجتماعهم يوم الأربعاء اعتقد والله اعلم

[معماري قطري]

فيه شيبة مخابيه متروسة فلوس بيشتري سوقنا بيرتفع ما فيه بيتم يبيع فوق ال 14 مليار اللي باعها السوق بيسود ويهه سوقنا ما يحتاج تفكير وايد .. اليوم عطاني شوي ما ادري شفيه بخيل علي والمؤشر زين 0.28% لكن عطاني 0.04355% ولا شيء مقارنة مع المؤشر .. وكما هو متوقع استمرار شراء محافظنا ل 28.3 مليون ريال من مجموع 150 مليون تداول لهم وبنسبة 18.866% شوي تعبوا من تعديل السوق اللي هم خربوه

الافراد العرب بعد شراء 3.2 مليون .. البقية كلهم بيع على راسهم افرادنا فوق 14 مليون ثم المحافظ الأجنبية أقل 12 مليون ثم الخليجة 5 مليون والبقية أقيام قليلة

[معماري قطري]

حول 20% من السيولة سيولة داخلة ورافعة للسوق من محافظنا غالبها ومن الأفراد العرب اليوم وأفرادنا مستعيلين على البيع تحت 10000

[معماري قطري]

تنزيل الفايده من بدايه سبتمبر مش الان ..باقي وقت كثير ..واحتمال تتغير الاراء .

وتوقعاتك السوق بينطر لين بداية سبتمبر مثل ما انت شايف حبوا يرفعونه ورفعوه صحيح شوي شوي وممل لكن لا تنسى قرب نص السنة على الإنتهاء والمستثمر يحسب ربحه على أساس إنه السوق قريب من القاع وممكن ينزل والله أعلم بس شكثر بينزل .. إذا نووا يرفعونه مثل ما احنا شايفين دخول سيولة ورفع واللي بيبيع في المزاد حر .. بعد المستثمر يحسبها على ست شهور أسهم كثيرة بتعطيني قريب من ال 10% هذي تعادل 20% على سنة مثل المستثمرين كمثال لو مشى صح ووزع 0.15 ولو في أسوأ الأحوال وزع 0.1 على 1.5 ريال بيعطيني 6.66% تعادل ضعفها في سنة وين الوديعة ووين السوق السوق أفضل بس نختار السهم المناسب

[معماري قطري]

الأجانب حساباتهم تختلف والمحافظ الكبيرة تطالع العالم وسوقنا سيء باللي فيه وأهله وهذا اللي يشردهم إحنا اللي جبناه لأنفسنا

هذا سوقنا اليوم تقريباً افضل سوق خليجي ومحافظنا تبتلع ما ترميه المحافظ الأجنبية وترفع في المزاد ما تنزل وهذا الصح حتى يكون سوقنا جاذب وصدقوني باقل سيولة هم باعوا وايد في الفترة الماضية بعد القمة اللحظية في 2022 وخربوا السوق اللي يشترونه الحين ولا شيء

QE General 9,631.60 9,635.77 9,603.36 +27.15 +0.28% 06:10:00
FTSE NASDAQ Qatar 10 5,626.41 5,626.41 5,595.59 +30.82 +0.55% 06:14:00
QE All Shares 3,380.16 3,380.16 3,368.58 +12.11 +0.36% 06:10:00

نلاحظ اسهم نازداك العشرة هي الأكثر إرتفاعاً 0.55%

[style]

وتوقعاتك السوق بينطر لين بداية سبتمبر مثل ما انت شايف حبوا يرفعونه ورفعوه صحيح شوي شوي وممل لكن لا تنسى قرب نص السنة على الإنتهاء والمستثمر يحسب ربحه على أساس إنه السوق قريب من القاع وممكن ينزل والله أعلم بس شكثر بينزل .. إذا نووا يرفعونه مثل ما احنا شايفين دخول سيولة ورفع واللي بيبيع في المزاد حر .. بعد المستثمر يحسبها على ست شهور أسهم كثيرة بتعطيني قريب من ال 10% هذي تعادل 20% على سنة مثل المستثمرين كمثال لو مشى صح ووزع 0.15 ولو في أسوأ الأحوال وزع 0.1 على 1.5 ريال بيعطيني 6.66% تعادل ضعفها في سنة وين الوديعة ووين السوق السوق أفضل بس نختار السهم المناسب
هذا سوق مثل الفخ طبعا للي مايفهم ..حركات ارتفاع 10 و 20 نقطه .. والسوق يستوى على نار هاديه .. هذا الكلام مايمشي على اللي متابع السوق .. ارتفاع حقيقي عطني من 250 إلى 300 نقطه ارتفاع على مدى 5 ايام متواصله وبسيوله محترمه ..مش اللي قاعدين تشوفه هذا لعب جهال صراحه ..يمكن اقول لك السوق بدى يعدل وبعد مش مضمون … هذا رايي

[معماري قطري]

هذا سوق مثل الفخ طبعا للي مايفهم ..حركات ارتفاع 10 و 20 نقطه .. والسوق يستوى على نار هاديه .. هذا الكلام مايمشي على اللي متابع السوق .. ارتفاع حقيقي عطني من 250 إلى 300 نقطه ارتفاع على مدى 5 ايام متواصله وبسيوله محترمه ..مش اللي قاعدين تشوفه هذا لعب جهال صراحه ..يمكن اقول لك السوق بدى يعدل وبعد مش مضمون … هذا رايي

ما دام وصلت للفهم وعدم الفهم سلاماً

[معماري قطري]

هبوط قاسي لكثير من الأسواق منها الداو ويعتبر أبسطها مع ارتفاع معتبر في بعض الأسواق الأمريكية


Dow Jones
38,747.42 38,795.71 38,446.24 -120.62 -0.31%
16:20:01
S&P 500
5,375.32 5,375.95 5,327.25 +14.53 +0.27%
16:20:00
Nasdaq
17,343.84 17,345.05 17,107.99 +151.32 +0.88%
15:59:58
Small Cap 2000
2,021.65 2,025.90 1,999.70 -9.96 -0.49%
01:00:00
S&P 500 VIX
12.85 13.47 12.78 +0.11 +0.86%
16:46:04

لكن الهبوط الأكبر كان في أسواق أوروبا


DAX
18,372.39 18,543.04 18,281.56 -122.50 -0.66%
11:38:59
FTSE 100
8,147.81 8,261.74 8,114.84 -80.67 -0.98%
11:35:00
CAC 40
7,789.21 7,931.72 7,759.84 -104.77 -1.33%
11:35:45
Euro Stoxx 50
4,964.25 5,034.45 4,940.55 -52.23 -1.04%
11:34:57
AEX
921.25 927.79 916.81 -3.45 -0.37%
11:35:45
IBEX 35
11,175.50 11,378.20 11,113.60 -181.70 -1.60%
11:35:01
FTSE MIB
33,874.48 34,638.61 33,722.50 -667.53 -1.93%
11:35:01
SMI
12,068.82 12,181.69 12,031.82 -68.92 -0.57%
11:35:01
PSI
6,634.71 6,747.38 6,621.14 -94.71 -1.41%
11:35:45
BEL 20
3,861.80 3,924.40 3,841.10 -26.00 -0.67%
11:30:00
ATX
3,612.89 3,661.40 3,608.62 -39.44 -1.08%
11:50:00
OMXS30
2,586.96 2,614.76 2,574.42 -13.75 -0.53%
11:30:59
OMXC25
1,991.44 2,013.53 1,985.22 -17.25 -0.86%
10:59:59
MOEX
3,173.05 3,191.27 3,148.22 -7.89 -0.25%
11:40:00
RTSI
1,120.07 1,129.66 1,114.21 -10.84 -0.96%
11:40:00
WIG20
2,402.91 2,439.66 2,401.00 -25.67 -1.06%
11:15:00

أسواق آسيا فيها ارتفاعات بسيطة والغالب هو الهبوط

برنت 82.1 دولار مستقر والألمنيوم 2,542.00
-30.00
(-1.17%)

شكله بيواصل هبوط بكرة سهمنا قامكو

[معماري قطري]

سوقنا عادي بكرة يريح شوي وممكن يواصل لو كملوا شغلهم بمسك السوق مثل ما شفنا الأسبوعين اللي طافوا بس بعد فيه ميل للبيع من كل الفئات ولا فيه ثقة خصوصاً في كثير من الأسهم

[معماري قطري]

سيولة جيدة 538,693,551.662 وملاحظ استباق للبيع في غالب الأسهم تصريف أفراد وتصريف بعض المحافظ بس جاهم الرد بالرفع قبل الإغلاق ومع الإغلاق كان فيه شراء جيد حيث كانت السيولة 473,500,103.411 وارتفاع 0.16% وأغلقنا على ارتفاع 0.15% وكان ممكن أعلى محافظنا تتصدى ومستمرة في ضخ سيولة واللي يبيع حر

السوق ما زال هابط -10.94% من بداية السنة والمفروض يغطيها لو يبي يعطي انطباع إن سوقنا فيه خير وحساب اليوم لأسهمي هبوط مجمل 15.66% ممكن يتغطى بسهولة والله المستعان كنت مسجل ربحية بسيطة قبل بداية السنة وفي نهاية السنة للعام آخر يوم رفعوا سوقنا 1.4% من السلبية .. متوقع يسوونها السنة ومتوقع بنتجه للإيجابية قبل آخر السنة وبإذن الله بقوة هذا لو استمروا على هذا الوضع

[معماري قطري]

اليوم إنضموا لمحافظنا في الشراء الأفراد العرب مثل أمس والأفراد الأجانب بس واضح محافظنا قائدة إرتفاعات السوق بعد ما كانت قائدة هبوطات السوق .. ضخت 79.466 مليون للشراء غير عن الباقي اللي شراء وبيع حيث بلغ تداولها 263.986 مليون وبنسبة شراء لتداولها 30.1% اليوم النسبة أعلى .. العرب شرائهم 1.5 مليون والأجانب 3 مليون .. يعني عندنا حول 84 مليون سيولة داخلة من مجموع تداول 538.693 مليون وبنسبة 15.59%

البيع كبير من المحافظ الأجنبية ومستمر له فوق اسبوعين 50.3 مليون اليوم .. ومن أفرادنا 12.4 مليون ومن المحافظ الخليجية 23 مليون والبقية قليل

أسواق العالم رجعت للإرتفاعات خصوصاً أوروبا وتايوان في آسيا

[alkaldi]

لاول مره من ثلاث سنيين يكون سوقنا ارتفاع متواصل بس ارتفاع بنسبه قليله والسيوله حلوه ومقبوله
بس على نهاية اسبوع قبل اجازة العيد وتقريبا بنرد باذن الله الاربعاء القادم هل يواصل الارتفاع توقع لان لين الحين مااعلنوا اجازة البنوك
الفيدرالي اليوم اعلانه على ما سمعت مادري صح او لا هل اعلنوا

[style]

لاول مره من ثلاث سنيين يكون سوقنا ارتفاع متواصل بس ارتفاع بنسبه قليله والسيوله حلوه ومقبوله
بس على نهاية اسبوع قبل اجازة العيد وتقريبا بنرد باذن الله الاربعاء القادم هل يواصل الارتفاع توقع لان لين الحين مااعلنوا اجازة البنوك
الفيدرالي اليوم اعلانه على ما سمعت مادري صح او لا هل اعلنوا
إسأل جيروم باول

[alkaldi]

إسأل جيروم باول

سالته قال خلاص ثبتناها

[معماري قطري]

لاول مره من ثلاث سنيين يكون سوقنا ارتفاع متواصل بس ارتفاع بنسبه قليله والسيوله حلوه ومقبوله
بس على نهاية اسبوع قبل اجازة العيد وتقريبا بنرد باذن الله الاربعاء القادم هل يواصل الارتفاع توقع لان لين الحين مااعلنوا اجازة البنوك
الفيدرالي اليوم اعلانه على ما سمعت مادري صح او لا هل اعلنوا

تابع سيولة محافظنا هي المتحكمة في السوق وهي اللي تقرر ترفع والا تنزل

اليوم دخول قوي ب 108.554 مليون وهذي نسبة لتداول السوق تقارب ال 21.755% مب بسيطة كلش لو السوق طبيعي يكون مرتفع وايد .. البيع يحاول يطغى بس شكلهم جاهم القرار إنهم يشترون ويرفعون السوق تدريجي وأكيد لمصلحتهم ولمصلحة من هم في السوق .. نشوف من دخل معاهم بعد .. لم يدخل أحد كله بيع وفي المجمل اسبوعين كله بيع واللي تشتري محافظنا ما عدا كم يوم بس دخول بسيط من العرب والأجانب أفراد

الأُسبوعي أهم والشهري أهم بس واضح محافظنا غيروا نغمة البيع اللي كانت مستمرة قبل

على الأُسبوعي ضخوا 300 مليون ريال ناقصة قليل والاسبوع اللي راح 409 ملايين هذي كلها شراء اسبوعين 0.7 مليار سوت خبر

الإرتفاعات هذا الأُسبوع طالت شركات مهمة وشعبية عندي في 4 منها والهبوطات بنسب اقل طالت بعد شركات بعضها مهمة مثل بروة وقامكو عندي في 3 منها والإرتفاعات وايد زينة كانت هذا الأُسبوع ولله الحمد

https://i.imgur.com/v8yI5Eg.png

أشوف المستثمرين حب يتحرك والخليج الدولية حركة بثبات ولها وقت ماشية صح ولله الحمد .. اللي متمركز صح مثل القيصر وبعض الربع تحصله سعيد واللي باع وينطر السوق تحت الله يسعده .. معروف إن سوقنا شللي وأكبر شلة فيه شلة محافظنا هي اللي خربته وهي اللي بدت تعدله

[ابو ملك]

عيدكم مبارك

كل عام والجميع بخير

[معماري قطري]

وإنت بخير يا بو ملك

عيدنا بيستوي حلو لو تحررت فلسطين أو نالوا جزء من الحرية اللي يطالبون بها الله يدمر الصهاينة واليهود

[معماري قطري]

إغلاقات الأُسبوع اللي راح العالمية تعبانة

الألمنيوم هابط ودخل خانة مئوية جديدة


2,496.00
-25.00
(-0.99%)

والنفط هبوط بسيط بس الأسواق المغلقة متعطشة للتداول بإذن الله نشوف حركة جيدة ولأعلى ( هم حابين يرفعون ) ولين حبوا ما نقول لهم لا

[بو هيا88]

إغلاقات الأُسبوع اللي راح العالمية تعبانة

الألمنيوم هابط ودخل خانة مئوية جديدة


2,496.00
-25.00
(-0.99%)

والنفط هبوط بسيط بس الأسواق المغلقة متعطشة للتداول بإذن الله نشوف حركة جيدة ولأعلى ( هم حابين يرفعون ) ولين حبوا ما نقول لهم لا


مع اني ما انتظر شي من سوقنا بسبب تداوله آخر سنتين
لكن هذه المرة المحافظ المحليه غيرت الاستراتيجية
نشوف ايش يصير بعد العيد

وعيدك مبارك بو عبدالله

[ابو ملك]

وإنت بخير يا بو ملك

عيدنا بيستوي حلو لو تحررت فلسطين أو نالوا جزء من الحرية اللي يطالبون بها الله يدمر الصهاينة واليهود

حياك الله يا بو عبدالله

الله يكون في عون اخواننا في فلسطين ؛ و يحررهم قريبا باذن الله.

[معماري قطري]

مع اني ما انتظر شي من سوقنا بسبب تداوله آخر سنتين
لكن هذه المرة المحافظ المحليه غيرت الاستراتيجية
نشوف ايش يصير بعد العيد

وعيدك مبارك بو عبدالله

عساك من العايدين الفايزين برضوان رب العالمين

يا اخوي لازم فيه مسؤول كبير في يده كل هذا وأعتقد استغلال ظروف وصراحة كان استغلال خاطيء .. كانت حالة كاس العالم توحي بإرتفاعات وايد أعلى كبحوها وتموا يبيعون لين ركعوا السوق واستمروا في البيع لين شردوا كثيرين .. في 2022 وحدها وبالضبط بعد قمة شهر 4 باعوا لنهايتها حول 9 مليارات ريال قيمة الأسهم ونزل وقتها سوقنا نزول معتبر وكان على مشارف توزيعات هي الأعلى في عمر السوق كإجمالي نزل حول 8% مع نهاية السنة لو نحسبها 8% على 9 مليار تطلع 720 مليون .. هذي ضخوها خلال الأسبوعين اللي راحوا وكانوا يقدرون يبيعون شوي شوي بدون ما يخربون السوق ويخلونه يكمل .. الإشكالية من تبعهم في البيع استفاد ومن تعلق بوهم خياس العالم تورط ما له الا التوزيع .. واصل سوقنا هبوط قاسي في 2023 رفعوه بس في آخر يومين حتى يغلق 1.4% مرتفع ورجع مع بداية 2023 للهبوط والتعميق وهم أبطال البيع .. باعوا كثير بعد العام حول 5 مليار هل هم في حاجة والا بس حاجتهم تركيع السوق للشراء من تحت؟ في رايي هم يبغون يشترون من تحت وبقرار بس وين بيوصلون السوق؟ بعد أتوقع ما وراهم خير خلاص الثقة معدومة عندي وعند الكثيرين هذا اللعب يخلي الغالبية ياخذون ربحهم مع أول ارتفاع مرضي وينتظرون السوق تحت

[معماري قطري]

حالياً السوق هابط -10.74% فوق ال 8% مالت 2022 يعني إحنا تحت بداية 2022 حول 19% لا وتوزيعات السوق في 2022 و 2023 قياسية وممتازة على السنتين عندي انا منها حول 8% توزيعات + 2% مضاربات ومحفظتي ما هي بمقياس بس كمتابعة .. لأن محفظتي فيها كثير أسهم ما وزعت وفاشلة وهذا بعد سبب لفشل السوق

لكن نشوف نص الكوب المليان اللي هو التوزيعات مع الأرباح المضاربية البسيطة لواحد مثلي حول 10% على سنتين و 5% للسنة أفضل أشوفها من مذلة الودائع والبقاء في السوق وايد أفضل .. دوم الخروج يكون في قمة السوق خصوصاً لصغار المستثمرين

[معماري قطري]

حياك الله يا بو عبدالله

الله يكون في عون اخواننا في فلسطين ؛ و يحررهم قريبا باذن الله.

الله يحييك ويبقيك .. آمين يا رب نصر عاجل

[معماري قطري]

إغلاقات الأُسبوع اللي راح العالمية تعبانة

الألمنيوم هابط ودخل خانة مئوية جديدة


2,496.00
-25.00
(-0.99%)

والنفط هبوط بسيط بس الأسواق المغلقة متعطشة للتداول بإذن الله نشوف حركة جيدة ولأعلى ( هم حابين يرفعون ) ولين حبوا ما نقول لهم لا


عمق شوي الألمنيوم ألومنيوم
2,479.50
-22.00
(-0.88%)

لكن قائد الأسواق السوق الأمريكي ارتفاعاته حلوة وكذلك بعض ارتفاعات أوروبا وصلت لفوق ال 1%


Dow Jones
38,778.10 38,839.88 38,431.95 +188.94 +0.49%
17/06
S&P 500
5,473.23 5,488.50 5,420.40 +41.63 +0.77%
17/06
Nasdaq
17,855.06 17,935.99 17,636.36 +166.18 +0.94%
17/06
Small Cap 2000
2,022.01 2,024.91 1,993.23 +15.85 +0.79%
17/06
S&P 500 VIX
12.69 12.75 12.69 -0.06 -0.47%
03:21:31

النفط رجع فوق ال 84 وبإذن الله الظروف مناسبة لإرتفاع سوقنا بكرة كعادة السوق بعد العيد بس أتمنى عودة الشراء من المحافظ الأجنبية والخليجية وقتها السوق بيتحرك صح مع نية محافظنا للرفع والمهم ما يخربون المزاد

[kbs74]

غدا الأربعاء اول يوم تداول بعد اجازة العيد
هل راح نشوف سبات صيفي او تحرك للسوق بالنسبة لأسعاره ..

[معماري قطري]

غدا الأربعاء اول يوم تداول بعد اجازة العيد
هل راح نشوف سبات صيفي او تحرك للسوق بالنسبة لأسعاره ..

مسيرة الرفع توها في بداياتها بسبب تعميق سوقنا لهبوطه الغير مبرر وبسبب إن الهبوط كان بسبب بيع الملاك الأكبر في السوق وهي المحافظ القطرية .. ألحين رجعت تشتري بمعدل 700 مليون على 10 أيام حول 70 مليون سيولة يومية داخلة وأيام تكون وايد أعلى .. مثل ما ذكرت لين نوصل لحدود بداية 2022 نحتاج 19% زود وتونا مشينا حول 4 - 5% ومستغرب ليش محافظنا ما تحركت قبل .. قد تكون خطتهم رفع السوق لحدود بداية السنة هذي حول 10.7% زود بس بعد بعدين واجبهم المحافظة على مستوى السوق يمشي عرضي شوي ما يستوي هبوط عميق ويكونون هم البائع الأكبر فيه

[معماري قطري]

الأمور مبشرة بكرة وبإذن الله 1% نجيبها ونتعداها ( لو حبوا الحبايب ) النفط قريب 84 ونص وصناعات مستعدة للوثب الطويل .. قامكو في هبوط بس ما يمنع يرتد عندنا لأنه شكله تشبع هبوط والله أعلى وأعلم

[معماري قطري]

يوم تداول هاديء ليس كعادة أيام ما بعد العيد بإرتفاع متواضع 0.21% كإغلاق وما تم التصدي للبيع مثل ما توقعت في المزاد بدرجة عالية هبط المؤشر قليل عن ما قبل المزاد .. فارق عن إرتفاع أسهمي كثير حيث وصل 0.08% مستغرب من محافظنا انها المفروض تشتغل بمهنية أكثر .. شلون؟ المفروض تشتري في كل القطاعات خصوصاً الأسهم الواعدة واللي ربحها زين وتوزيعها زين مب بس تركيز على المؤشر .. تشتري شراء استثماري أسهم كثيرة ممكن تكون جاذبة للسوق والهدف يكون المفروض الإستفادة من التوزيع ومن إرجاع جاذبية السوق للمستثمرين واستقراره كفاية اللي سووه على مدى أكثر من سنتين

شراء محافظنا حول 38 مليون من تداول 133.9 مليون وبنسبة 28.38% وبالنسبة لتداول السوق 12.5% تعتبر نسبة دخول محترمة لولاها لرأينا السوق هابط ويخابط .. شراء أفراد العرب شوي تحت ال 3 مليون وبنسبة دخول لإجمالي تداول السوق حول 0.95% يرفع نسبة الدخول والسيولة الداخلة لحدود 13.5%

البقية كلهم بيع على راسهم المحافظ الأجنبية 37.065 مليون كأنهم متفقين يبيعون ومحافظنا تشتري .. الأفراد الأجانب يقتربون من 1.3 مليون بيع والمحافظ الخليجية 0.5 مليون بيع شكلهم بدوا يخففون البيع لهم يومين وراء بعض .. والأفراد الخليجيين تحت 0.3 مليون بيع والقطريين 2.9 مليون بيع شكلهم بيسافرون بانكوك معاي

[MBY98]

بكرة تفعيل فوتسي

[معماري قطري]

بكرة تفعيل فوتسي

الله يعين محافظنا شبتلحق عليه لو زاد البيع من الأجنبية لا ومن بعض أفرادنا اللي لازم يبيعون الخميس ولازم يسيلون لظروف ثانية

[alkaldi]

بوعبدالله خلص العيد وبكره خميس تتوقع البيع بيكون قوي لان الناس تحتاج فلوس بعد العيد والراتب باقي عليه عشره ايام تقريبا يعني الناس مفلسه

[معماري قطري]

الأفراد صعب ينحكمون كل واحد وظروفه واللي يدخل بمبالغ في حاجتها غلطان غلط كبير

كله أعتبر السوق حصالة فلوس للفلوس اللي ما احتاجها وفترة سنين لدرجة السلفيات قبل مالت الشغل آخذها وأحطها في السوق وهو نازل الحمد لله بنيت وتصدق ناسي أسهم البورصة حتى وقتها كانت تتجمع الأرباح لبعض الأسهم كل سهم له بنك توزيع وشغل بدائي .. نجحت ولله الحمد ونصيحتي للشباب اللي ما يدخرون لتقاعدهم يبدون حتى لو بالقليل .. إستوى مدخول البورصة يغطي نزول الراتب بعد التقاعد مع التذاكر ومع حتى السلفيات والمهمات وفوقه زود

[معماري قطري]

بالنسبة لتوقع البيع لو المحافظ الأجنبية باعت بقوة مثل ما كانت تسوي خلال اسبوعين وهذا الثالث ممكن نشوف هبوط والله أعلم وممكن العكس تغير مسارها وتشتري بقوة ويكون الخاسر من يبيع ويراهن على هبوط السوق .. سوقنا للحين ما تنفس ثرى وشكلهم شغالين على اصلاح ما خربوه قبل

[alkaldi]

حالت السوق من ثلاث اسابيع مامرت لاول مره من سنين صعود متواصل وبنسبه قليله وتقريبا بسيوله حلوه
نتمنى يستمر بالصعود ويصلح سلوك غير عن السابق ونبدا صفحه جديده لارتفاعات اعلى باذن الله
والاسهم اللي ما خذت حقها بالارتفاع تبدا بالارتفاع وتعوض ملاكها

[معماري قطري]

حالت السوق من ثلاث اسابيع مامرت لاول مره من سنين صعود متواصل وبنسبه قليله وتقريبا بسيوله حلوه
نتمنى يستمر بالصعود ويصلح سلوك غير عن السابق ونبدا صفحه جديده لارتفاعات اعلى باذن الله
والاسهم اللي ما خذت حقها بالارتفاع تبدا بالارتفاع وتعوض ملاكها

اللي كانوا يبيعون ويلمعون السوق للأجانب وكأن الأجانب ملائكة طاهرين يوم شافوا هجرتهم الواضحة عرفوا إنهم أضعفوا سوقنا والظاهر تحاسبوا بس شعقبه عقب سنتين وزود عجاف وعقب ما ظهرت تقارير وانتشرت الفضائح .. ما ادري ليش أحس مدراء بنك الدوحة هم اللي يديرون محافظنا المحلية ألحين شغلهم بالأمر وواضح يدفعون حتى يشترون بس ما يخسرون صايدين السوق صيدة حلوة واللي يبيعون اشتروا بأسعار أعلى في الغالب .. عاد ذيلا اللي باعوا كميات مهولة قبل مضطرين يشترون حتى إعادة الثقة للسوق

اليوم شراء أفرادنا توه متغير لشراء من فترة طويلة وبإحدى عشر مليون و 400000 ريال تقريباً نسبة تقترب من 1.5% من تداولات السوق .. ومحافظنا واصلت الشراء وبقوة بقيمة 157.414 مليون وفوق نص تداولها دخول وين قبل أوقات 2% ألحين فوق 50% ممكن حتى 55 .. باحسبها مهم .. نعم طلعت 56.1475% .. السؤال اللي محيرني ليش البيع قبل باستهتار والتداول حق تنزيل السوق؟ ووين المسؤولين القطريين عن هذي المحافظ لازم فيه مسؤول كبير يشوف ويتابع .. يمكن كانوا محتاجين سيولة وأكيد الكل محتاج سيولة ودوم بس اللي محتاج يرفع ويبيع على ارتفاع ما يساهم في تركيع السوق

المهم محافظنا اشترت فوق ال 20.5% من سيولة السوق مع أفرادنا 22% كمجموع .. ومن إشترى بعد عندنا الأفراد العرب 5.6 مليون وبنسبة فوق 0.7% والأفراد الأجانب شوي فوق 2 مليون وبنسبة 0.266% .. البقية كلهم بيع ونسبة الشراء بسيولة جديدة غير التدويرية حول 23% هذا شيء وايد جيد ومبشر يحتاج استمرارية وأتوقعها وبإذن الله ما تخلص السنة الا إحنا حول ال 12000 نقطة بس بعد ما أتوقع هذا تصرف صحيح بلادة ما عقبها بلادة من صانع السوق الأقوى .. فيه صناع أفراد محافظين على أسهمهم ورافعينها مثل المصرف وملاحة وبنك دخان شكثر يضخون فيه يومياً

البائع الأكبر المحافظ الأجنبية حول 172.741 مليون شوي أعلى من شراء محافظنا وبنسبة تزيد على 22.5% معناها كل اللي باعوا قليل جداً لأن البيع بيكون معادل للشراء 23%

تفسيري للي يصير ممكن المحافظ الأجنبية تطلع ومقررة طلوع تدريجي بس بربح حتى لو دراهم وهم كل بيعهم صفقات قديمة شارينها من تحت .. أو تبيع لتوفير سيولة لدخول سوق ثاني مثل السعودي

[معماري قطري]

على الفترة الاسبوعية كلها يومين محافظنا اشترت شوي تحت ال 200 مليون والمحافظ الأجنبية باعت شوي فوق ال 200 مليون .. افرادنا شراء فوق ال 8 مليون بشوي .. وافراد الخليج بيع أقل من 1 مليون بشوي ... المحافظ الخليجية تحت 3.6 بيعها .. والأفراد العرب 7 مليون وشوي شراء والافراد الأجانب شراء بسيط تحت المليون بحول 200 ألف

انا اليوم خسارتي حول 0.15% ما اذكر غطيتها أمس أو لا بس كأنه تعادل

[alkaldi]

اللي كانوا يبيعون ويلمعون السوق للأجانب وكأن الأجانب ملائكة طاهرين يوم شافوا هجرتهم الواضحة عرفوا إنهم أضعفوا سوقنا والظاهر تحاسبوا بس شعقبه عقب سنتين وزود عجاف وعقب ما ظهرت تقارير وانتشرت الفضائح .. ما ادري ليش أحس مدراء بنك الدوحة هم اللي يديرون محافظنا المحلية ألحين شغلهم بالأمر وواضح يدفعون حتى يشترون بس ما يخسرون صايدين السوق صيدة حلوة واللي يبيعون اشتروا بأسعار أعلى في الغالب .. عاد ذيلا اللي باعوا كميات مهولة قبل مضطرين يشترون حتى إعادة الثقة للسوق

اليوم شراء أفرادنا توه متغير لشراء من فترة طويلة وبإحدى عشر مليون و 400000 ريال تقريباً نسبة تقترب من 1.5% من تداولات السوق .. ومحافظنا واصلت الشراء وبقوة بقيمة 157.414 مليون وفوق نص تداولها دخول وين قبل أوقات 2% ألحين فوق 50% ممكن حتى 55 .. باحسبها مهم .. نعم طلعت 56.1475% .. السؤال اللي محيرني ليش البيع قبل باستهتار والتداول حق تنزيل السوق؟ ووين المسؤولين القطريين عن هذي المحافظ لازم فيه مسؤول كبير يشوف ويتابع .. يمكن كانوا محتاجين سيولة وأكيد الكل محتاج سيولة ودوم بس اللي محتاج يرفع ويبيع على ارتفاع ما يساهم في تركيع السوق

المهم محافظنا اشترت فوق ال 20.5% من سيولة السوق مع أفرادنا 22% كمجموع .. ومن إشترى بعد عندنا الأفراد العرب 5.6 مليون وبنسبة فوق 0.7% والأفراد الأجانب شوي فوق 2 مليون وبنسبة 0.266% .. البقية كلهم بيع ونسبة الشراء بسيولة جديدة غير التدويرية حول 23% هذا شيء وايد جيد ومبشر يحتاج استمرارية وأتوقعها وبإذن الله ما تخلص السنة الا إحنا حول ال 12000 نقطة بس بعد ما أتوقع هذا تصرف صحيح بلادة ما عقبها بلادة من صانع السوق الأقوى .. فيه صناع أفراد محافظين على أسهمهم ورافعينها مثل المصرف وملاحة وبنك دخان شكثر يضخون فيه يومياً

البائع الأكبر المحافظ الأجنبية حول 172.741 مليون شوي أعلى من شراء محافظنا وبنسبة تزيد على 22.5% معناها كل اللي باعوا قليل جداً لأن البيع بيكون معادل للشراء 23%

تفسيري للي يصير ممكن المحافظ الأجنبية تطلع ومقررة طلوع تدريجي بس بربح حتى لو دراهم وهم كل بيعهم صفقات قديمة شارينها من تحت .. أو تبيع لتوفير سيولة لدخول سوق ثاني مثل السعودي

اليوم الداو قرب يرد يمكن مره رابعه قريب 40000 في خلال شهرين
ولو قلنا بوعبدالله شارينها من تحت بدراهم يااخي انا مستغرب الحين انزين سوقنا في أسهم اسعارها يابلاش إذا ماشرا الواحد الحين ورفع السوق متى يعني
في فرص مرت في السوق تخلي الواحد ملياردير مب مليونير بس سوقنا مر بفتره والله مااحب والكل مايحب يكون على هالحال كلنا نبيه يكون من افضل الاسواق ونتمنى ينافس ويكون في القمه بس يمكن الفتره اللي مر فيها تكون تصحيح وفي صالح السوق والله اعلم أنا مااحلل وماعندي خبره بس ذي توقع فقط والعلم عند الله
بس الحين بدأ السوق يعطينا امل باذن الله انه في تحرك حلو ورايح لارقام فوق وبيتغير وضعه باذن الله ويرد مثل اول واحسن

[معماري قطري]

يمكن إخوي الخالدي ما يبون الأفراد يبيعون بغالي ( اللي محتدين للبيع ) ويشترون جيتور يبونهم أما يبيعون بخسارة أو كله يواصلون إدخار .. انا وصلت لقناعة طول ما السوق هابط لتبيع بالعكس اشتر أو وقف استفيد من فلوس التوزيع ولا ترجع تشتري

من يعرف كم تملك المحافظ الأجنبية وبقية الفئات من الأسهم نسيت وين الجدول حتى نعرف نقارن ونشوف

[معماري قطري]

الملاحظ سيولة الأفراد وتداولهم خلال اليومين اللي راحوا قليلة جداً وأعتقد السبب إحباط الناس من السوق وما زالوا خايفين وصحيح الصيف توه في بدايته وبعده موسم الخريف واعتدال الجو وبدايات الربع الرابع هنا بيبدأ استغلال فرص السوق أكثر بس ما اظن السوق بينزل الا فيه وضع عالمي أو إقليمي عام على الأوضاع هذي السوق ماشي عرضي مع ارتفاع بسيط مستمر بإذن الله

كلها 6 أيام تداول باقية على نص السنة الأول وبتجي إعلانات الربع الثاني ونتمناها جيدة وأتمنى يطبقون ما وعدوا به بتوزيعات ربعية طلع كلام في الهواء بس

[معماري قطري]

الأسواق بشكل عام هبوطات بعضها فوق ال 1% في أوروبا وآسيا ما عدا الداو البارحة ارتفاعه حلو لكن المستقبلي اليوم أحمر

النفط 85.66 دولار مستقر والألمنيوم هبوط متوسط

[معماري قطري]

يوم آخر طيب للسوق وللمؤشر لي سلبي بدرجة بسيطة تحت 0.1% الخميس والأحد وانا في سلبية الله يعوضني بكرة

شراء محافظنا واضح 60.3 مليون مب شوي حول ثلث قيمة تداولهم وحول 16.8% من تداول السوق ككل .. محد ثاني شرى مع محافظنا شكل ما يقولون المصريين كله بيضرب

[style]

يوم آخر طيب للسوق وللمؤشر لي سلبي بدرجة بسيطة تحت 0.1% الخميس والأحد وانا في سلبية الله يعوضني بكرة

شراء محافظنا واضح 60.3 مليون مب شوي حول ثلث قيمة تداولهم وحول 16.8% من تداول السوق ككل .. محد ثاني شرى مع محافظنا شكل ما يقولون المصريين كله بيضرب
اخوي معماري مافي داعي تعزز للسوق بين فتره والثانيه .. ترى السوق تعبان والكل عارف .. ماتشوف مافي حد يشارك ولا مهتم. السوق يبي له سيوله محترمه واللي قاعد يصير ضحك عالناس من المحافظ على قولتك هي اللي تشتري.

[alkaldi]

ومازال سوقنا من ارتفاع إلى ارتفاع
ارتفاع نتمنى من بعده أنشوف الارتفاع اللي يكون الحلقه الليت شي الجميع باذن الله

[معماري قطري]

اخوي معماري مافي داعي تعزز للسوق بين فتره والثانيه .. ترى السوق تعبان والكل عارف .. ماتشوف مافي حد يشارك ولا مهتم. السوق يبي له سيوله محترمه واللي قاعد يصير ضحك عالناس من المحافظ على قولتك هي اللي تشتري.

السوق يعزز لنفسه طال عمرك وشوفة عيونك السوق الكل يبيع فيه واللي تشتري محافظنا وهذي تباديل الأحوال ما يبقى شيء على حال

[معماري قطري]

ومازال سوقنا من ارتفاع إلى ارتفاع
ارتفاع نتمنى من بعده أنشوف الارتفاع اللي يكون الحلقه الليت شي الجميع باذن الله

تقبضوا يا أهل السوق هههههه واللي برا يتابع بس .. 4 أيام وتنتهي فترة نص السنة وتبدأ إعلانات الربع الثاني وبداية حددوا بيمة موعدهم بس مب واضح لي شهر 8 والا 7

أعلن / أعلنت الضمان للتأمين الإسلامي (بيمه) عن العزم على الإفصاح عن البيانات المالية المنتهية في ‏30 يونيو‎ 2024، وذلك في 07/08/2024

[alkaldi]

تقبضوا يا أهل السوق هههههه واللي برا يتابع بس .. 4 أيام وتنتهي فترة نص السنة وتبدأ إعلانات الربع الثاني وبداية حددوا بيمة موعدهم بس مب واضح لي شهر 8 والا 7

أعلن / أعلنت الضمان للتأمين الإسلامي (بيمه) عن العزم على الإفصاح عن البيانات المالية المنتهية في ‏30 يونيو‎ 2024، وذلك في 07/08/2024



عساها باذن الله هالاعلانات تكون بداية خير لسوقنا ومشجعه للأسهم للصعود لأرقام حلوه او على الاقل تروح لأرقام تكون تعويض للخسران

[MBY98]

السوق فنياً جاهز والله اعلم
الثبات فوق 9750
الهدف الاول 10530

[معماري قطري]

اليوم صار تحول في المحافظ الأجنبية من البيع للشراء .. 15.6 مليون حلوين والأحلى شراء محافظنا المستمر لرابع اسبوع وبقيمة 31.3 مليون وبنسبة شراء لتداول السوق = 7.7% وما يقارب نصها شالته الأجنبية 3.85% تقريباً .. وعندنا شراء من المحافظ العربية بسيط جداً

إن شاء الله ما ترجع محافظنا تبيع وتواصل شراء بوتيرة مقاربة

[alkaldi]

الداو مولعها مشعللها وراجع ياحبيبي راجع لل 40 راجع
ويمكن يسلم عليها ويروح بعد

[style]

هدئ أعصابك ..على مشاركتك يعني نشتري هههههه

[alkaldi]

هدئ أعصابك ..على مشاركتك يعني نشتري هههههه

لا ياخوي كل واحد قرار الشراء بهواه
ولو كل ماارتفع الداو شرينا كان احنا وين وأسهمنا وين
بس انا نقلت عن حركة الداو

[معماري قطري]

يا حلو الداو يالخالدي ويا حلو سوقنا مع إنه خذلني الأحد والأثنين بس المهم ربحني 3 أسابيع قبل

شوف الداكس الألماني وحولهم حرب طاحنة في قمته .. البريطاني قمته 8,474.41 وهو اليوم قريب منها ftse 100
8,281.55
+43.83
(+0.53%)

وسوقنا ما زال حول قاع هذي السنة وكم سنة سابقة

[معماري قطري]

الأسباني يختلف في 2006 متأكد كان عندهم حدث وسوقهم وصل 15000 الحين حول ال 11000 القصد هذي أسواق طبيعية سوقنا مب طبيعي خلال فترة ما قبل كاس العالم للآن وما يعني هالشيء نطلع بخسارة حتى لو بسيطة .. البعض يعتبر يصفي على نص راسماله غنيمة انا خسارتي السوقية حول ال 16% بس مستحيل اطلع

https://i.imgur.com/nhbv3aX.png

[alkaldi]

يا حلو الداو يالخالدي ويا حلو سوقنا مع إنه خذلني الأحد والأثنين بس المهم ربحني 3 أسابيع قبل

شوف الداكس الألماني وحولهم حرب طاحنة في قمته .. البريطاني قمته 8,474.41 وهو اليوم قريب منها ftse 100
8,281.55
+43.83
(+0.53%)

وسوقنا ما زال حول قاع هذي السنة وكم سنة سابقة

اي والله ياخوي ياشحلاته
بيجينا الخير باذن الله وبننسى هالايام

[بوثاني الريان]

الخير مقبل ان شاء الله واخبار طيبة بالطريق للسوق

[بوثاني الريان]

نشوفكمـ عشية omen

[معماري قطري]

أمس أفرادنا تحولوا للشراء مع قرب المعاش بس بعشرين ألف و200 ريال وشوية خردة .. ومحافظنا مستمرة وهذا الوضع الطبيعي 47 مليون حلوين .. معاهم المحافظ الأجنبية بحدود شراء 11.5 مليون .. الأفراد الخليجيين والمحافظ العربية بعد شراء وايد قليل تحت 10000 ريال .. البيع أكثره من المحافظ الخليجية والأفراد العرب والأفراد الأجانب قليل بيعهم

المهم أغلقنا بإرتفاع حلو وسيولة قريب النص مليار وقلصنا سلبية السنة الى -8.86% والباقي عن ال 10000 نقطة تحت ال 130 نقطة 9,870.99 لو حبوا يجيبونها بكرة بكل سهولة

بالنسبة لي اليوم محقق سلبية بسيطة حول 0.06% هالأسبوع للحين 3 أيام حمر مقابل يوم واحد أخضر الهبوط الأعلى كان من الريان بعدين وقود بعدين قامكو والإرتفاع الأعلى من صناعات

[معماري قطري]

نشوفكمـ عشية omen

صبحك الله بالخير

إلسعنا بالأخبار الحلوة يا بو ثاني

[بوثاني الريان]

صبحك الله بالخير

إلسعنا بالأخبار الحلوة يا بو ثاني

:victory:

[SOKRAB]

مزايا: محكمة الاستئناف تلزم الشركة بدفع مبلغ مالي لصالح الشركة المدعية ساينوهايدرو كوربريشن لمتد

أعلنت مزايا للتطوير العقاري ، وفقاً لمكتب المحاماة الخارجي ، عن الحكم في الدعوى 2024700027.



تفصح شركة مزايا للتطوير العقاري ش.م.ع.ق عن صدور حكم محكمة الاستئناف رقم 700027/2024 المرفوع من شركة ساينوهايدرو كوربريشن لمتد ("ساينوهايدرو") ضد شركة مزايا، بتاريخ 25/6/2024.


وهذه القضية متعلقة بأحد مشاريع الشركة التي قامت الشركة بتطويرها عام 2012 والذي انتهى في عام 2018، وبدأ النزاع مع المقاول الرئيسي للمشروع أمام المحاكم عام 2019، حيث قضت محكمة الاستئناف بالزام شركة مزايا بأن تؤدي الى شركة ساينوهايدرو مبلغ إضافي قيمته 85،871،005.6 ريال قطري.



وحيث أن هذا الحكم غير بات لجواز الطعن عليه بالتمييز فقد طلبت الشـركة من مكتب المحاماة الخارجي الاستمرار بالطعن بالتمييز.


كما نود أن ننوه أنه في حال صدر حكم محكمة التمييز مؤيدا لحكم الاستئناف سيترتب على ذلك تأثير سلبي على النتائج المالية لهذا العام، ولكن الشركة قد قامت بأخذ احتياطات نقدية تسمح لها بالاستمرار في جميع مشاريعها المستقبلية والوفاء بجميع التزاماتها المالية.

[معماري قطري]

عيل بيع مزايا لهذا السبب اليوم تصريف وانا احسبه تجميع .. ما علينا ما طاح الا انسدح شفيه سقوط بعد بعد هذا السقوط جيبوه خلوا نعدل المتوسط

اليوم شراء محافظنا قل شوي مب بذيك القوة والبطولة للأجنبية مثل ما توقعت أثناء التداول اشترت بحدود 38.85 مليون ومحافظنا بحدود 16.15 مليون .. والأفراد العرب 0.7 مليون .. البقية كلهم بيع وعلى راسهم أفرادنا 37.7 مليون

نسبة السيولة الداخلة من الثلاث فئات المشترية أولاً محافظنا 3.354% قبل كانت فوق ال 10% ريحت شوي .. ونسبة المحافظ الأجنبية 7.602% فوق ضعف نسبتنا وكان لشرائها دافع كبير تشتري بنهم .. ونسبة الأفراد العرب متواضعة 0.143% كلهم مجتمعين يوصلون 11.099%

[معماري قطري]

الحمد لله أنهينا اسبوع تداول رابع رائع من ابرز ملامحه عودة المحافظ الأجنبية للشراء حيث اشترت بصافي شوي أقل من 47 مليون ريال وإن شاء الله محافظنا ما لها عودة لتخريب المزاد كما كانت تفعل .. محافظنا شرائها أكثر وأتمنى تستمر يقرب من 159 مليون ريال ما يزيد عن 30 مليون ريال يومياً سوت خبر .. البقية كلهم بيع ولا يهموني على راسهم المحافظ الخليجية وأفرادنا بحدود 85 مليون ريال ما صدقوا السوق يتنفس شوي وأكيد أفرادنا يبيعون أسهم استثمارية لأن هذي اللي خذت حقها في الإرتفاع

كل هذا أدى لإرتفاع مؤشر السوق بحدود 2.670% وإرتفاع أسهم البنوك كان أعلى 3.210% .. اللي يتابع أسهمه مثلي بيحصل ارتفاع يتفاوت أو هبوط انا تقديراتي حول 0.5% وأكيد الأسباب وصول أسهم كثيرة لقمة وهبوطها خلال الأُسبوع مثل عندي شركتين في الأكثر هبوط وعدد أسهم أكثر وشركة وحدة في الأعلى ارتفاع وعدد أسهم قليل

من البنوك الأكثر ارتفاع التجاري 7.899% والثاني المصرف 4.202% والثالث بنك الدوحة 3.478% وفيه 4 شركات هابطة قليل لكن شكله توه بادي يتحرك وفيه الكثير للحين شركات كثيرة قرب أدنى سعر سنوي .. الملاحظ رجوع قطر وعمان وهو سهم خفيف للإرتفاعات فوق 2%

قطاع الخدمات البطلة فيه فاتنة الجماهير السينما 6.539% وثاني شيء فاتنتي الطبية 3.983% وثالث شيء قلبي وقودي 3.619% وفيه خمس شركات مسجلة هبوط غالبيها بسيط أعلاها هبوط -3.473% لشركة ودام

قطاع الصناعات الاعلى فيه كهرماء 4.682%والثاني سهم صناعات 3.226% والغالبية هبوط بسيط

[alkaldi]

شهر 6 كانت بدايته سيئة ونهايته رائعه عادت الحياة للسوق ولو ان كثير من الاسهم لم تاخذ حقها في الارتفاع
باقي يوم واحد على اغلاق الشهر وندخل في شهر 7
نتمنى يواصل السوق ادائه الجميل ونصل إلى ارقام حلوه والاسهم الباقي تتحرك باذن الله
شهر 7 اعلانات باذن الله تكون حافز لكل الاسهم

[][ الوحيد ][]

مزايا: محكمة الاستئناف تلزم الشركة بدفع مبلغ مالي لصالح الشركة المدعية ساينوهايدرو كوربريشن لمتد

أعلنت مزايا للتطوير العقاري ، وفقاً لمكتب المحاماة الخارجي ، عن الحكم في الدعوى 2024700027.



تفصح شركة مزايا للتطوير العقاري ش.م.ع.ق عن صدور حكم محكمة الاستئناف رقم 700027/2024 المرفوع من شركة ساينوهايدرو كوربريشن لمتد ("ساينوهايدرو") ضد شركة مزايا، بتاريخ 25/6/2024.


وهذه القضية متعلقة بأحد مشاريع الشركة التي قامت الشركة بتطويرها عام 2012 والذي انتهى في عام 2018، وبدأ النزاع مع المقاول الرئيسي للمشروع أمام المحاكم عام 2019، حيث قضت محكمة الاستئناف بالزام شركة مزايا بأن تؤدي الى شركة ساينوهايدرو مبلغ إضافي قيمته 85،871،005.6 ريال قطري.



وحيث أن هذا الحكم غير بات لجواز الطعن عليه بالتمييز فقد طلبت الشـركة من مكتب المحاماة الخارجي الاستمرار بالطعن بالتمييز.


كما نود أن ننوه أنه في حال صدر حكم محكمة التمييز مؤيدا لحكم الاستئناف سيترتب على ذلك تأثير سلبي على النتائج المالية لهذا العام، ولكن الشركة قد قامت بأخذ احتياطات نقدية تسمح لها بالاستمرار في جميع مشاريعها المستقبلية والوفاء بجميع التزاماتها المالية.
:playball:

ياخوفي بس على ظهر المساهمين

[معماري قطري]

يوم الجمعة الأسواق غالبها حمراء والداو والنفط على خفيف .. إن شاء الله سوقنا يشيل نفسه باقي من سلبية السنة هذي الكثير