توقعاتكم لشهر يوليو 2024

[مضارب دوسري]

السلام عليكم ورحمة الله وبركاته

بعد تداولات طيبه في يونيو وارتفاعات هااادئه وجيده وتماسك السوق

ان شاء الله يكون شهر يوليو اكمالا للطريق ونشوف السوق يواصل

من بكره الرقم المهم 9963 اللي احتا فوقه حاليا بس الاغلاق فوقه بكره يفتح الطريق ان شاء الله الى 10200_10300
وبعدها ممكن جني ارباح طبيعي وصحي ماراح يطول ان شاء الله

وممكن ايضا يستمر التحفيز للاقتصاد مثل ما حصل من وزارة التجارة والصناعة ولحقتها البلديه يمكن يستمر هالتحفيز واذا استمر بيكون دافع قوووي للاقتصاد

[معتز الكويت]

ان شاءالله يكون افضل للسوق

[صاحي ضميره]

نبي نشتري وين تنصحوني حاليا

[معماري قطري]

نبي نشتري وين تنصحوني حاليا

إذا بتشتري ولك نية تبيع ركز على الشركات البترولية خبر توزيعات نصفية لها بيحركها زود حتى لو تبي تبيع ربحك بإذن الله مضمون ولو تبي تبقى تستثمر لآخر السنة أتوقع بيكون مضمون

[معماري قطري]

السلام عليكم ورحمة الله وبركاته

بعد تداولات طيبه في يونيو وارتفاعات هااادئه وجيده وتماسك السوق

ان شاء الله يكون شهر يوليو اكمالا للطريق ونشوف السوق يواصل

من بكره الرقم المهم 9963 اللي احتا فوقه حاليا بس الاغلاق فوقه بكره يفتح الطريق ان شاء الله الى 10200_10300
وبعدها ممكن جني ارباح طبيعي وصحي ماراح يطول ان شاء الله

وممكن ايضا يستمر التحفيز للاقتصاد مثل ما حصل من وزارة التجارة والصناعة ولحقتها البلديه يمكن يستمر هالتحفيز واذا استمر بيكون دافع قوووي للاقتصاد

عليكم السلام ورحمة الله وبركاته

السوق نووا يرفعونه وما يرفعه الا ضخ الكاش اللي طلعوه من السوق خلال الفترة اللي راحت

اليوم محافظنا قريب ال 30 مليون شراء والمحافظ الأجنبية معاهم قريب ال 21 من تداول 404 مليون 12.62% نسبة السيولة الداخلة وشوفة عينك المؤشر في ارتفاع متواصل له حول شهر واللي يتابع محفظته لازم بيشوف فرق حسب محتوياتها .. انا خسارتي تدور حول 17% وألحين تقلصت لين 15.2427% يمكن عند المؤشر 12000 توصل صفر والله أعلم بس على مدار سنتين طلعت حول 10% مقبول ولله الحمد وربح 30% للمحفظة ككل بيكون زين للخروج المؤقت من السوق والتصفية والتحول للكاش .. أو التصفية والدخول السريع على أسهم العوائد المجزية مثل وقود وصناعات والخليج الدولية ثلاثي لا يرحم وحتى قامكو وغيرهم كثير

[style]

السوق مرفوع من المصرف وصناعات وناقلات فقط ..ينزلون هذول بتلقى السوق يرجع تحت وبقوه بعد.. لان هذي السيوله مش سيوله ارتفاع سوق

[][ الوحيد ][]

السوق مرفوع من المصرف وصناعات وناقلات فقط ..ينزلون هذول بتلقى السوق يرجع تحت وبقوه بعد.. لان هذي السيوله مش سيوله ارتفاع سوق

اي والله الاسهم الباقيه في مكانها و تحت

[معماري قطري]

السوق مرفوع من المصرف وصناعات وناقلات فقط ..ينزلون هذول بتلقى السوق يرجع تحت وبقوه بعد.. لان هذي السيوله مش سيوله ارتفاع سوق

صحيح كلامك بس هذا ما يعني هذي الشركات المرتفعة فقط

طالع نتيجة الأُسبوع ككل أو الشهر اللي راح بتعرف أي سهم ارتفع وأي سهم نزل احصائيات السوق ما فيها لعب

https://i.imgur.com/UE9R8AC.png

3 شركات من الخمس عندي ولله الحمد وبتعطيني بإذن الله ربح نصفي بعد .. هذي الشركات الأكثر ارتفاع والشركات الأكثر انخفاض بعضها كانت أكثر ارتفاع الشهر اللي راح .. المهم في المجمل السوق كله يتغير حسب رغبة واضحة وقوية .. وبعدين شوف نسب الهبوط كم ونسب الإرتفاع كم لتقرأ عنوان الكتاب وتترك الباقي

هذي المؤشرات خلال شهر وما بقي أفضل .. كان توقعي نقضي على سلبية السنة اللي وصلت حول 17% قبل نهاية السنة ألحين أعدل توقعي لبإذن الله قبل توزيعات نصف السنة

https://i.imgur.com/yOKfiAK.png

قطاع البنوك غير التجاري اللي هو فوق 10% مرتفع عندنا كل القطاع مرتفع بمعدل قريب 7% الوطني فوق 8.5% وهذا في شهر الشهر اللي راح بعد اضافة تعتبر .. المصرف 8.14% شوي أقل .. كل القطاع مرتفع ما عدا لشا والإجارة وقطر وعمان .. الفاشل يفشل والثلاث عندي فيهم ما مجموعه يقارب المليونين سهم كمجمل وكذلك عندي في المرتفعين في النهاية فيه توازن مرتفع

هذا مثال وفي كل القطاعات شركات مرتفعة حول ال 8% بعضها

[مضارب دوسري]

السوق مرفوع من المصرف وصناعات وناقلات فقط ..ينزلون هذول بتلقى السوق يرجع تحت وبقوه بعد.. لان هذي السيوله مش سيوله ارتفاع سوق

صحيح وهذا الواقع فيه شركات كثير فالسوق وشعبيه ولكن تتبع انظمة الادارات القديمه او التقليديه مافي تطوير مافي سعي او رغبه في استخدام اساليب او نشاطات تنوع من مصادر الدخل وتزيده.. فتلقاها مره فوق ومرااات تحت وكأن كثير من مجالس ادارات الشركات المساهمه تحتاج الى تغيير جذري
ودخول لفئة جديده بعيد عن العقليات القديمه


وفي بعض الشركات طبعت ومرت بمراحل صعبه والحين بدا يظهر تحسن في نتايجها مثل الدوليه والريان ولشا

النتايج هي اللي تحدد الاتجاه

[معماري قطري]

متوالي شراء محافظنا وشوي شراء للمحافظ الأجنبية وبيع من باقي الفئات .. أمس محافظنا اشترت 18.6 مليون .. صحيح شوي قلت السيولة الداخلة بس نوايا الرفع واضحة خامس اسبوع ارتفاعات قرب ينتهي باقي له تداول اليوم الخميس فقط ونكون أنهينا تداولات أول اسبوع من يوليو .. شراء المحافظ الأجنبية كان بحدود 1.2 مليون يعني السيولة الداخلة فقط 19.8 مليون ورفعت المؤشر والسوق ككل ل 0.47% للمؤشر وللسوق أكيد فيه ارتفاع في المجمل ول 31 شركة وعندنا 17 شركة فاشلة هذي الله يعين أصحابها عليها عندي في 10 شركات منها + الطبية اللي تخلصت منها أمس بربح حليو حول 5% .. الإرتفاع عندي كان 0.377% أقل من السوق بس لله الحمد المهم ارتفاع

[معماري قطري]

صحيح وهذا الواقع فيه شركات كثير فالسوق وشعبيه ولكن تتبع انظمة الادارات القديمه او التقليديه مافي تطوير مافي سعي او رغبه في استخدام اساليب او نشاطات تنوع من مصادر الدخل وتزيده.. فتلقاها مره فوق ومرااات تحت وكأن كثير من مجالس ادارات الشركات المساهمه تحتاج الى تغيير جذري
ودخول لفئة جديده بعيد عن العقليات القديمه


وفي بعض الشركات طبعت ومرت بمراحل صعبه والحين بدا يظهر تحسن في نتايجها مثل الدوليه والريان ولشا

النتايج هي اللي تحدد الاتجاه

السلام بعد بدت تتغير ووزعت العام والله أعلم ممكن السنة نتائجها جيدة .. الشركات تحتاج متابعة وتوجيهات ومحاسبة من السوق بدون هذي الأمور المستفيدين بيواصلون الغرف

[مضارب دوسري]

بوعبدالله مادام بدت تتوالى الاخبار عن ارباح مرحليه للشركات التابعه لقطر للطاقه + الوطني
وممكن ينضم لهم بنوك اخرى مثل المصرف والتجاري وربما الريان (يعني نقدر نقول ممكن شركات المؤشر الكبيره توزع)

خاصه ان هالشي يحصل لاول مره في سوقنا
ان شاء الله السوق كمؤشر عام بيقدر يعدي المقاومات ويكون جني الارباح على حسب التوزيعات اذا مغريه او لا

[مضارب دوسري]

السلام بعد بدت تتغير ووزعت العام والله أعلم ممكن السنة نتائجها جيدة .. الشركات تحتاج متابعة وتوجيهات ومحاسبة من السوق بدون هذي الأمور المستفيدين بيواصلون الغرف

بحاجه يا بوعبدالله ان يكون هناك جهه تتابع كل عقد اعمال او صيانه من الشركات المساهمه
وان يكون هناك اجبار ان يتم طرح مناقصه لأي عقد يتجاوز قيمته حد معين يحددونه

ذيك الساعه بيوقف الغرف او على الاقل بيقل الى حد كبير

[معماري قطري]

صحيح متفق معاك في كل ما قلته وهذا ننادي به من زمان .. بخصوص التوزيعات النصفية كانت قبل فيه من زمان لحقت عليها انا ألحين أسهل وأحلى والفلوس تتحول في حسابك سهالات .. تصدق حتى الشركات اللي ربحها قليل مثل 5 دراهم لنص السنة المفروض يلتزمون بتوزيع منصف مثل 3 دراهم اللي عنده مليون سهم في هذي الشركات التعيسة بيحصل 30000 ريال تشتري ربع جيتور

[معماري قطري]

ختام الأُسبوع كان مسك .. محافظنا اشترت بقوة جيدة بحدود 42.2 مليون ونسبة دخول شوي تحت ال 10% من تداول السوق ونسبة دخولهم لتداولهم وايد أعلى توصل ل 31.92% يعني ما يقارب كل ريالين تدوير يدخل معاهم ريال جديد من خارج السوق .. الأفراد العرب شراء 3.7 مليون .. الأفراد الأجانب شراء 16.3 مليون .. البقية كلهم بيع ونسبة الشراء للتداول ككل 42.2 + 16.3 + 3.7 كلهم مقسومين على 427,673,918.207 يعطونا نسبة 14.54%

اللي باعوا طبعاً أكثرهم أفرادنا نسبة بيعهم 5.5%

[معماري قطري]

يهمني في الأسهم ملخص الأُسبوع اللي راح

https://i.imgur.com/c1IOP6v.png

عندنا من الرسم البياني 25 شركة مرتفعة و 25 شركة هابطة وشركتين ثابتات .. المرتفعة أعلاهم ودام حول ال 2% يومياً .. عندي فيها ولله الحمد وثاني شركة زاد بعد عندي قليل بس ما توقعت هالربح السريع وصامد لين التوزيعات آخر السنة .. الدولي كذلك صديق العمر وبربح سوقي كبير مخليه ذخر وذخيرة .. إنماء بعد يالله بالعطاء .. وآخر شيء الصديق القديم اللي بعته المصرف .. الشركات الهابطة عندي بس في مزايا وقطر وعمان وكمية محترمة يعني نزولها مؤثر لي بس زين لحقت أبيع الطبية الطيبة بربح معقول

هذا دليل ان سوقنا في مسار صاعد وتغير

المؤشرات كلها مرتفعة الا أربع هي النقل والاتصالات والعقارات والتأمين وغالبها هبوط بسيط والمرتفعة ارتفاعها أكبر

هذا الأُسبوع السوق هدأ شوي بس الأُسبوع الجاي مع بداية الإعلانات بيتحرك أكثر وبيواصل لأن فيه رغبة لرفعه بس

[معماري قطري]

اليوم تداول محافظنا متواضع وسيولتها الداخلة بعد متواضعة بس المهم هي الإرادة لرفع السوق .. الشراء كان 13.7 مليون والتداول 89.4 مليون وما يقارب نسبة ال 15% وشوي زود .. المستغرب هو دخول المحافظ الخليجية بحدود 8.4 مليون مع إن تداولها متواضع غالب تداولها شراء نسبة الشراء للتداول الخاص بها تعادل 73% .. الأفراد الأجانب شراء 2.4 مليون .. والبقية كلهم بيع أكثرهم أفرادنا بحدود 10 مليون والمحافظ الأجنبية بحدود 9 مليون ريال

مجموع السيولة الداخلة يقارب 24.5 مليون من تداول اجمالي 305,873,446.206 وبنسبة 8%

[مضارب جديد]

اليوم تداول محافظنا متواضع وسيولتها الداخلة بعد متواضعة بس المهم هي الإرادة لرفع السوق .. الشراء كان 13.7 مليون والتداول 89.4 مليون وما يقارب نسبة ال 15% وشوي زود .. المستغرب هو دخول المحافظ الخليجية بحدود 8.4 مليون مع إن تداولها متواضع غالب تداولها شراء نسبة الشراء للتداول الخاص بها تعادل 73% .. الأفراد الأجانب شراء 2.4 مليون .. والبقية كلهم بيع أكثرهم أفرادنا بحدود 10 مليون والمحافظ الأجنبية بحدود 9 مليون ريال

مجموع السيولة الداخلة يقارب 24.5 مليون من تداول اجمالي 305,873,446.206 وبنسبة 8%
المهم عودة الثقة

[معماري قطري]

المهم عودة الثقة

صحيح هذا سادس اسبوع والسوق تحرك من حدود ال 9200 الى 10,123.05 .. إرتفع حول 900 نقطة وبنسبة 10% وشوي .. بعض الأسهم تحركت حركة أحلى وبعضها لا استمرت تتراجع وتوها مستوعبة إن السوق تحرك مثل مزايا اليوم والإسمنت ومسيعيد مواصل لتحرك أمس .. انا انسان ما تهمني الثقة واثق ومستفيد وغيري كثيرين أكيد

الحلو الحركة بلا استراحة على ما اذكر يوم واحد كان سلبي قليل كلش لكن في تقدم مستمر .. أفرادنا بيع اليوم مستمرين وايد عندهم الثقة معدومة ووايد محتاجين لأمور ثانية المهم المحافظ اللي خربت السوق قبل ببيعها المستمر ترجع تشتري وبنية رفع السوق .. أكيد اللي طلع عند ال 9000 كان يفكر في الدخول عند 8000 بس السوق ما يرحم ألحين بيقعد يفكر في ال 9000 مرة ثانية والله أعلم متى تحصل وإحتمال يغريه السوق في ال 11000 القادمة بإذن الله

[aaqatar]

بعد غياب شهرين طلعت ورجعت والأسهم مكانك راوح , يالله زين ماخسفوها بعد

[style]

بعد غياب شهرين طلعت ورجعت والأسهم مكانك راوح , يالله زين ماخسفوها بعد
هذي كلمه حق وإنقالت .. على الاقل انت واقعي …..اما تطبيل هنا وهناك ماينفع

[معماري قطري]

وبنفس الوقت السوق مب محتاج ترويع ومتروعين الواقع يوضح إن السوق في ارتفاع واذا شهرين مرت منها 5 أسابيع ارتفاع متواصل لأسهم كثيرة وللمؤشر وهذا لا يسمى ارتفاع عيل وشو تعريف الإرتفاع .. صحيح ما نال السوق حقه في الإرتفاع ولا خلص سلبية السنة بس من 15% بقت حول 6.5% قطع السوق شوط كبير

[style]

السؤال هل السوق المصرف او المصرف هو السوق من ناحيه الارتفاع اللي تتكلم عنه.. أنا إنسان واقعي واللي أشوفه ان السوق ليس واقعي وكل واحد ورايه

[معماري قطري]

هبوط الخليج الدولية اليوم أكبر مؤثر سلبي عندي وبعده إنماء

[معماري قطري]

السؤال هل السوق المصرف او المصرف هو السوق من ناحيه الارتفاع اللي تتكلم عنه.. أنا إنسان واقعي واللي أشوفه ان السوق ليس واقعي وكل واحد ورايه

الأكثر ارتفاع خلال ست شهور ناقلات .. ثم الطبية ثم كم سهم معاهم الخليج الدولية .. اللي عارف شياخذ أكيد مستفيد من الإرتفاعات ولله الحمد .. بنفس الوقت هبطت أسهم فاشلة أكثرها وقليل هبوطها غير مبرر مثل المستثمرين .. اللي طلع وينطر السوق عند 8000 احتمال يوصل لل 8000 بشره خله ينطر

[معماري قطري]

كانت رسملة السوق 560 مليار وتحت يمكن وصلت خلال فترة بسيطة الآن 584.78 مليار
القيمة السوقية يعني 24 أو 25 مليار ارتفاع في القيمة السوقية لشركات السوق ككل هذي تعادل 4.46% خلال خمس أسابيع نعمة ولله الحمد .. وكذلك بيتم توزيع مبلغ من الارباح بنشوف كم مليار في النهاية بعد نعمة ولله الحمد للي موجودين في السوق أكيد

[style]

ماشي كلامك ……

[معماري قطري]

ماشي كلامك ……

يا اخوي ستايل ما يهمني يمشي والا ما يمشي ولا قلت لحد اشتر انا متابع وبس أمس ولله الحمد ربح اضافي لمحفظتي مبلغ فوق راتبي التقاعدي الممتاز ولله الحمد واليوم هبوط بسيط يعني في المجمل رابح .. بعدين سالفة التطبيل هذا استفزاز ما تعودنا عليه كقطريين وانا واقعي كنت متشائم فترات طويلة وألحين متفائل طبعاً ولي أسبابي السوق يبني ويدخل ولله الحمد

اليوم تواصل للشراء من محافظنا بحدود 42 مليون شوي تحتها وبنسبة أكبر من أمس بحدود أعلى من 9% لمحافظنا بس أمس مجموع الدخول من جميع المشترين 8% .. دخول المحافظ الأجنبية ب 5.5 مليون بعد بحدود 1.2% يرفع نسبة السيولة الداخلة ل 10.2% وهذا أقل بوايد من الفترات اللي راحت بس مقبول وأثر في السوق تأثير جيد بين في الإغلاق

البقية كلهم بيع على راسهم أفرادنا وثانيهم المحافظ الخليجية ولكل ناس حساباتهم واختياراتهم

إعلان الوطني توزيع 0.33 ريال أرباح مرحلية شيء جيد والعام موزع عن كامل السنة 0.65 ريال هنا وزع أكثر شوي من النص .. وكم ربحيته للسهم بنشوفها بس محقق نمو عن العام 7% مثل ما فهمت .. 0.33 لسعره الحالي 14.94 تعادل 2.2088% نسبة حلوة لنص سنة تعادل 4.4 للسنة كاملة وأكيد آخر السنة بيزيدون 0.33 ممكن 0.4 .. مع إني عارف توزيعات البنوك دوم شحيحة وليست بالمقياس بس هذي تعني التوزيعات المرحلية بتكون جيدة

[aaqatar]

أخوي بوعبدالله أنا تكلمت عن نفسي أن أسهمي والأسهم الشعبية كلها فمكانها ماتغيرت , يعني اذا السوق بس مصرف ووطني هذا كلام ثاني

[معماري قطري]

أخوي بوعبدالله أنا تكلمت عن نفسي أن أسهمي والأسهم الشعبية كلها فمكانها ماتغيرت , يعني اذا السوق بس مصرف ووطني هذا كلام ثاني

جزاك الله خير والله يعوضك ومعاكم حق ياللي ما توفقتوا في اختيار أسهم ترفع إجمالي محفظتكم .. أتخيل لو أسهمي كلها في المتحدة ومزايا والإجارة وعلى سعري اللي فيها صج باعيش وضع تعبان لا توزيع يستاهل ولا سعر سوقي يسوى

أكيد يعلم الله إني عاذركم ودوم نصيحتي لكم ولنفسي نوعوا وركزوا على الأسهم اللي وراها خير والقوية .. خسارتي وصلت 14.4% مستانس اني قلصت كثير بس انا معاكم للحين خسران .. هذي ال 14.4% راصدها حق بنيان بيت ولدي ومضطر أطلعها من السوق من التوزيعات على فترة 3 سنين ويمكن أكثر

[مضارب دوسري]

السلام عليكم ورحمة الله وبركاته

بعد تداولات طيبه في يونيو وارتفاعات هااادئه وجيده وتماسك السوق

ان شاء الله يكون شهر يوليو اكمالا للطريق ونشوف السوق يواصل

من بكره الرقم المهم 9963 اللي احتا فوقه حاليا بس الاغلاق فوقه بكره يفتح الطريق ان شاء الله الى 10200_10300
وبعدها ممكن جني ارباح طبيعي وصحي ماراح يطول ان شاء الله

وممكن ايضا يستمر التحفيز للاقتصاد مثل ما حصل من وزارة التجارة والصناعة ولحقتها البلديه يمكن يستمر هالتحفيز واذا استمر بيكون دافع قوووي للاقتصاد

وصل السوق اليوم الى 10165
وبدت تظهر عليه ملامح ضعف ورغبه في جني ارباح

نشوف اذا بيبدا بالتصحيح الطبيعي فالوقت الحالي
ولا ممكن تتاجل شوي لين مع التوزيعات النصف سنويه (وهذا المرجح)

[معماري قطري]

صادق هذي بوادر ضعف في المؤشر لكن في رسملة السوق اليوم زادت 1.14 مليار معناها إن غالبية الشركات ترتفع قيمتها السوقية .. عندك 27 شركة مرتفعة و 21 هابطة .. انا واحد من المتداولين أكثر أسهمي في الهابطين اليوم وهذي ثاني خسارة أو نزول قيمة سوقية لمحفظتي هذا الأسبوع بس يغطيها ربح الأحد ويغطي خسارة الأثنين كذلك في المحصلة + للحين والسوق كذلك المؤشر ارتفاعه بسيط وما تابعته للنهاية طلعت قبل المزاد

الشراء كان من محافظنا حول 20 مليون على تداول 121 مليون حول 16.5% سيولة داخلة من محافظنا والمحافظ الأجنبية ساعدت ب 18.6 مليون من تداول 108.8 مليون وبنسبة دخول لتداولهم تعادل 17.096% حتى نسبتهم أعلى منا ونسبة الشراء لإجمالي التداول 5.08 للأجنبية + 5.4% للقطرية وحول 10.5% كسيولة داخلة لإجمالي التداول في السابق نصفي أوقات على 2% انا اشوف السوق فيه دخول استثماري رافع ومحرك للحين بس مخففين الدوس شوي أو البيع طاغي من البقية .. شوف كم فئة تبيع

[معماري قطري]

اليوم الشنب الوحيد اللي يشتري هو محافظنا والبقية كلهم بيع كان الشراء بنسبة 9.6% بالنسبة لإجمالي التداول .. متوسط ضعيف فوق ال 15% هذا جيد ويرفع السوق .. بس كان السوق قبل المزاد مرتفع 0.12% نزل لين 0.04% يعتبر مقارب للثبات

بالنسبة لي الخليج الدولية وصناعات وبنك لشا وفودافون والمستثمرين بدرجة أقل والرعاية والميرة رفعوا المحفظة آخر السوق وعندي يومين ايجابيين الأحد واليوم ولله الحمد كمعدل عندي ارتفاع زين

أضاف السوق اليوم كحصيلة ارتفاعات لكل الأسهم قيمة سوقية 350 مليون تقريباً لو بنحسبها كنسبة لرسملة السوق تطلع بسيطة جداً 350 على 587.31 مليار تطلع 0.05959%

الأسهم الهابطة كثيرة أهمها الوطني ما شفعت له التوزيعات النصفية مع إنها تعتبر زينة .. ولا شركة جدولت اعلانها اليوم أو بكرة والأُسبوع القادم بإذن الله خير عندنا شلة بنوك المصرف والتجاري والأهلي ودخان والريان ووقود بعد وبإذن الله حول ال 0.45 ريال تكون كفخت الوطني وتوزيعه

أشوف السوق في خير ومحافظنا قايمة بالدور اللي عليها واللي كان المفروض تقوم به من زمان

[معماري قطري]

اليوم الخميس شراء محافظنا بسيط جداً حول 0.5 مليون وأقوى شراء جاء من المحافظ الأجنبية كان بحدود شوي أقل من 26 مليون والأفراد الأجانب 5.1 مليون تقريباً والبقية كلهم بيع .. حول 32 مليون وشوي سيولة شرائية داخلة ومن ثلاث فئات مهمة من تداول إجمالي بقيمة 432,653,460.418 حول 7.4% صحيح نسبة متواضعة بس زين رفعت السوق

على المستوى الأُسبوعي وهو الأهم هذي أعلى الشركات ارتفاع وأعلاها هبوط

https://i.imgur.com/ymsZ7rz.png

عندي في الأربع أعلى ارتفاع ما عدا اوريدو بعتها من زمان .. وعندي في انماء ومحصلة محفظتي اضافة حلوة 6 أسابيع ارتفاع للآن ولله الحمد

مؤشرات السوق كلها مرتفعة أعلاها الإتصالات 3.450%

محافظنا ضخت حول 125 مليون ريال في السوق وأفرادنا باعوا حول 87 مليون .. والأفراد الخليجيين بيع 6.7 مليون .. والمحافظ الخليجية بيع 31 مليون .. الأفراد العرب بيع حول 13 مليون وشوي والمحافظ بيع قريب 0.6 مليون .. والأفراد الأجانب بيع شوي أقل من 1 مليون .. المحافظ الأجنبية شراء بسيط حول 14.2 مليون

ما قصر شمشون الطيب

[معماري قطري]

حاجة مهمة نسيتها قيمة التداول الأسبوعية 2,072,493,506.470 الشراء منها 125 لمحافظنا و 14.2 للأجنبية .. معدل السيولة الأسبوعية الداخلة 6.7165% معدل أقل من قبل بوايد بس يرفع السوق بثبات وزين كل المؤشرات مرتفعة أهم مؤشر هو العام 1.030% الرفع بسيط جداً ومؤشر جميع الأسهم 1.120% رسملة السوق بعد مؤشرها مهم بس لازم أشوف الأسبوع اللي راح كم وهذا الأسبوع كم

الخلاصة للآن سوقنا ماشي صح ولله الحمد

[معماري قطري]

حسبت الرسملة طلعت القيمة المضافة 7.695 مليار وهذا يعني سوقنا في ارتفاع

[معماري قطري]

الأسواق الصينية مبدعة خصوصاً الهانغ سنغ وسوق تايوان والنفط رجع فوق 86 دولار

الداو مواصل ويقترب من 40000 وغالب أسواق اوروبا خضراء وكثير أسواق في قمم .. متوقع لسوقنا بمشيئة الله اسبوع أخضر قادم في المجمل وما اتوقع ارتفاع قوي لا تدريجي وبسيط

[معماري قطري]

يوم أول في هذا الأُسبوع مع هبوط بسيط 0.05% باشوف كم عندي من هبوط .. لله الحمد طلع ارتفاع حلو 0.135668% ولو صفيت هذا الأُسبوع على 0.5% نعمة المهم نقاط خضراء

زاد المبلغ اللي حطيته فيه من أيام بسيط 12,634.65 وألحين القيمة السوقية ارتفعت ل 14,420.00 مقارب على 2000 ريال ربح في 12000 وشوي النسبة +13.82% .. هذا مثال بسيط على ان السوق مربح والتنويع ضروري لتقليل المخاطر

فودافون معطيني أعلى ربح سوقي لليوم كقيمة لأن أسهمي فيه أكثر والثاني الإجارة .. الأعلى هبوط كقيمة الخليج الدولية وهي هي بين مد وجزر لكن لله الحمد ربح سوقي وايد ممتاز لو ابيع

[معماري قطري]

الأسواق الصينية مبدعة خصوصاً الهانغ سنغ وسوق تايوان والنفط رجع فوق 86 دولار

الداو مواصل ويقترب من 40000 وغالب أسواق اوروبا خضراء وكثير أسواق في قمم .. متوقع لسوقنا بمشيئة الله اسبوع أخضر قادم في المجمل وما اتوقع ارتفاع قوي لا تدريجي وبسيط

الداو أمس اخترق ال 40000 وأغلق فوقها يمكن لثالث أو رابع مرة

[معماري قطري]

اليوم رجعت حليمة لعادتها القديمة .. باعت محافظنا بحدود 6 ملايين وشوي زود .. وباعوا أفرادنا بحدود 12.9 مليون .. هذي الست ملايين كانت كفيلة بتحريك المؤشر صح في المزاد .. البقية الكل باع بس بيع بسيط رؤوس البيع القطريين شبعانين فلوس


المحافظ الوحيدة اللي تشتري الأجنبية اشترت بحدود 24.4 مليون .. وهذا يعني سيولة داخلة بنسبة 7.83% وهي نسبة متدنية وكان المفروض تواصل محافظنا الشراء والرفع مستغرب ليش ما واصلت هل فلست؟

شراء غالب المحافظ الأجنبية مبرمج ومحدد كطلبات مسبقة بس واجب محافظنا بعد ترفع السوق وتكمل الشراء

[معماري قطري]

يوم أول في هذا الأُسبوع مع هبوط بسيط 0.05% باشوف كم عندي من هبوط .. لله الحمد طلع ارتفاع حلو 0.135668% ولو صفيت هذا الأُسبوع على 0.5% نعمة المهم نقاط خضراء

زاد المبلغ اللي حطيته فيه من أيام بسيط 12,634.65 وألحين القيمة السوقية ارتفعت ل 14,420.00 مقارب على 2000 ريال ربح في 12000 وشوي النسبة +13.82% .. هذا مثال بسيط على ان السوق مربح والتنويع ضروري لتقليل المخاطر

فودافون معطيني أعلى ربح سوقي لليوم كقيمة لأن أسهمي فيه أكثر والثاني الإجارة .. الأعلى هبوط كقيمة الخليج الدولية وهي هي بين مد وجزر لكن لله الحمد ربح سوقي وايد ممتاز لو ابيع

ملخبط بين ودام وفودافون .. فودافون أحمر اليوم ودام الأعلى ربحية

[معماري قطري]

رسملة السوق في إرتفاع جيد رغم هبوط المؤشر دليل على إن الإرتفاع غالب وأكثر من الهبوط

589.59 مليار
القيمة السوقية
588.77 مليار
القيمة السوقية

[مسافر1]

السوق انشاء الله طيب هناك توزيعات قادمة من وقود والمصرف وباقي قطاع البنوك والطاقة وقود وزعت 90%السنة المنقضية
وأعتقد لن يقل التوزيع هذة السنة الربع الأول الأرباح ارتفاع 9%

[معماري قطري]

اليوم السوق راكد شوي بس إشتغل في المزاد زين .. اللي اشتروا اليوم أكثرهم المحافظ الأجنبية استلمت راية الشراء من أمس واليوم بحدود قريبة من 66 مليون والافراد الأجانب حول 1.1 مليون .. المحافظ الخليجية شراء بسيط جداً حول 10000 ريال ما له تأثير

البقية كلهم بيع على راسهم محافظنا هالمرة رجعوا لعادتهم باعوا ما قيمته 37 مليون تقريباً شوي أقل منها .. وأفرادنا صامدين في البيع 22.3 مليون .. والبقية أقل

مجموع السيولة الداخلة حول 67.1 مليون من إجمالي تداول 465.173 مليون وبنسبة 14.42% النسبة وايد أفضل من نسبة أمس حيث كانت حول 8% وتأثيرها بسيط في رفع المؤشر اليوم التأثير واضح من 0.03% لين 0.24% .. وأهم الأسهم اللي عليها السيولة الوطني والمصرف والوطني بنفسه 0.46% إرتفاع وتأثيره قوي وواضح .. من التسعة الأوائل في السيولة بنوك 7 منها خضراء و 2 حمراء والأعلى كنسبة ارتفاع 25 شركة غالبها مؤثرة في المؤشر مع إن الإرتفاع هاديء وبسيط

[معماري قطري]

هبوط للسوق كمؤشر بحدود 0.02% وكسعر سوقي بحدود 700 مليون

590.07 مليار
القيمة السوقية
590.76 مليار
القيمة السوقية

اليوم أفرادنا ركبوا الموجة شكلهم في قمتها كانوا وايد يبيعون والسوق يرتفع .. شرائهم بحدود 8.5 مليون .. وما اشترى معاهم الا المحافظ الأجنبية بحدود 18.9 مليون .. مجموع الشراء بحدود 27.4 مليون من تداول 324,354,279.183 بنسبة 8.448% .. النسبة ضعيفة ومحافظنا شكلها تبي السوق يركد بعد ما قامت به باعت اليوم بعد 14.8 مليون .. لو مشترية كان السوق أخضر بوضوح

الارباح النصفية للحين دون المأمول 33 للوطني من ربح محقق 82 تعادل نسبة 40.24% و8 من 14.4 لدخان تعادل 55.55% من الربح المحقق دخان أفضل واليوم عندنا اعلان المصرف والتجاري وبكرة الريان ووقود .. البنوك محققة نمو ومتوقع لكل البنوك وحتى نمو في التوزيع السنوي ككل .. وقود أتوقع خير العام محقق 0.99 للسنة ككل يعني المتوقع حول ال 0.50 ريال لهذا النصف والمتوقع توزيع جيد نصفي انا طموح لحدود 0.35 الى 0.4

[معماري قطري]

نسبة الإرتفاع لأسهمي اليوم زادت ل 0.322706% وأمس 0.135668% يستوي المجموع 0.458374% قربت على الهدف 0.5% بس الله يستر ليجي هبوط يمسح كل الإرتفاع ذيه

[مسافر1]

التجاري ماوزع

[Abjalsulaiti]

التجاري ماوزع

العايد للنصف الاول 4 ريال تخيل

يقدرون يوزعون شي قوي بسهوله

[alkaldi]

الداو مولع اليوم وقمه جديده والمستقبلي ارتفاع جنوني

[مسافر1]

اخر السنة يوزع ابرك اذا التوزيع فتات مثل المصرف سهم قيمتة قريب 200ريال ويوزع هذا التوزيع
أسهم الطاقة من توزع كامل الأرباح والميرة

[style]

لاتعليق .. إمسك المصرف ولا ………..هذا اللي يسمى نزول حقيقي .. أما ارتفاع حقيقي 30 او 50 نقطه هذا تمثيل الله يسلمك

[معماري قطري]

توقعت محافظنا شرت اليوم تبي تعدل السوق شوي طلعت تبيع ومواصلة قريب ال 21 مليون ريال بيع شوي أقل من أمس بس شكلها حالها ناشف .. وبيع أفرادنا حول 0.8 مليون .. وبيع المحافظ الخليجية 8 مليون .. وبيع الأفراد العرب 6 مليون .. وبيع الأفراد الأجانب 10.4 مليون .. الكل يبيع شكلهم محبطين من التوزيعات الفاشلة

الشراء من المحافظ الأجنبية أكثره هي وازنت السوق مع إنها باعت كثير تحت .. اليوم شراءها ب 45.4 مليون هي اللي تصدت وصراحة سوقنا على الشفافية اللي فيه ما اصدق شيء .. شاللي يمنع محفظة قطرية مسجلة برا تشتري وعلى انها أجنبية؟ وشروا معاها الأفراد الخليجيين بحدود 0.6 مليون نقدر نقول مجموع الشراء 46 مليون من تداول 478,504,712.154 وبنسبة 9.61% ليش ما وصلوها 12 او 15% كانت كفيلة تحرك السوق للأخضر ما ادري

المحصلة 9 شركات مرتفعة بس وازنت السوق في الإغلاق ولا أظن الأجانب همهم سوق قطر وتوازنه شبه متأكد إن ربعنا يشترون من برا بس هذا شيء مطمئن للغرقان في السوق مثلي .. من اللي ارتفعوا وعدلوا هبوط أسهمي الخليج الدولية عندي فيها كمية كبيرة والمستثمرين ودلالة والريان على الأقل ربح أمس يغطي هبوط اليوم ويزيد قده بس اليوم هبوط وهما المشكلة .. اليوم الهبوط عندي 0.1687% وإرتفاع أمس 0.3227% يعني تقليص طيب في المزاد

المصرف مخيب توزيعه وشكله فيه إن وتحوطات قوية والناس توها تفيق من سهم الريان وخايفين من المصرف ويشوفون آثار .. سوقنا مصعبينه إدارته أكثر

[مسافر1]

الداو جونز 700نقطة وسوقنا نزول عيل لية نتابع أسواق العالم دام السوق بعالم اخر

[معماري قطري]

الداو جونز 700نقطة وسوقنا نزول عيل لية نتابع أسواق العالم دام السوق بعالم اخر

هذا أمس ومواصل اليوم .. ألحين رقم قياسي جديد Dow Jones
41,185.56
+231.08
(+0.56%)

ممكن يغلق حوله وممكن يزيد بس سوق كافر سوقنا مسلم متواضع ملتصق بالأرض

[مسافر1]

المشكلة إذا الداو هابط خوفونا وكأنهم مربوطين بالسوق الامريكي
واذا ارتفاع وحقق رقم قياسي لم يكن اكثر المتفائل يحلم بذالك
بعد خوفوك وكأن هناك شي خفي بيحدث

[مضارب دوسري]

وصل السوق اليوم الى 10165
وبدت تظهر عليه ملامح ضعف ورغبه في جني ارباح

نشوف اذا بيبدا بالتصحيح الطبيعي فالوقت الحالي
ولا ممكن تتاجل شوي لين مع التوزيعات النصف سنويه (وهذا المرجح)

وصل الى 10205
وبعدها بدا النزول

نحاول نشوف له دعم يكون ربما قوي 9878
وعنده مجال الى 9700
هذي حدود التصحيح الطبيعي بعد موجة ارتفع السوق خلالها 1000 نقطه

يتحول الوضع نحو الايجابيه اذا عطانا اغلاق فوق ال10200 يومين متتاليين

[معماري قطري]

وصل الى 10205
وبعدها بدا النزول

نحاول نشوف له دعم يكون ربما قوي 9878
وعنده مجال الى 9700
هذي حدود التصحيح الطبيعي بعد موجة ارتفع السوق خلالها 1000 نقطه

يتحول الوضع نحو الايجابيه اذا عطانا اغلاق فوق ال10200 يومين متتاليين

تشوف الإرتفاع اللي صار من طرف واحد محافظنا فقط اللي تشتري شيء صحي؟

لا وفجأة قررت تبيع كأن السوق وصل بر الأمان

اليوم الكل متواضع في الشراء من اللي اشتروا عندك محافظنا رجعت بعد كامل أيام الأسبوع بيع اليوم شرائهم بس 8 مليون .. والمحافظ الأجنبية بعد شراء متواضع 7.2 مليون والافراد الخليجيين 0.3 مليون .. والافراد العرب 3.4 مليون .. والافراد الأجانب 0.3 مليون .. كل الشراء كان 19.2 مليون من تداول 472,172,159.168 وبنسبة 4.066% رجعنا على نسب تحت ال 5%

البائعين بس فئتين أفرادنا والمحافظ الخليجية .. هبوط السوق اليوم هبوط يساوي 1.38% في القيمة السوقية وهبوط المؤشر 1.16% هبوط القيمة السوقية أكثر صدقاً

وأكيد كل واحد محفظته لو يحسب نسبة هبوطها أو ارتفاعها بيحصل نسبة تختلف .. اللي محفظته الخليج الدولية فقط بيكون عنده ارتفاع 0.88% واللي بس بنك الدوحة بيكون عنده 2.3% ارتفاع

هذا الأسبوع

محافظنا بيعها قريب 71 مليون .. سبحان الله 10% من اللي اشترته .. وأفرادنا بيعهم 35.4 مليون تقريباً .. أفراد الخليج 2.6 مليون بيعهم .. ومحافظ الخليج 28.8 تقريباً .. والأفراد العرب 12.7 مليون بيع .. والأفراد الأجانب 12.5 مليون بيع

الكل يبيع الا المحافظ الأجنبية شراء ب 161.744 مليون وهذي سيولة السوق الداخلة من مجموع تداول 2,051,732,506.837 وتعادل 7.883% نسبة متواضعة وتواضعت أكثر اليوم

[معماري قطري]

ملخص التداول

https://i.imgur.com/k0K7Qf3.png

عندي في 3 في الخمس المرتفعين و3 في الخمس الهابطين

هذي مؤشرات السوق خلال اسبوع الهبوط معقول والله أعلم دقيقة أو لا

https://i.imgur.com/Ck5JFXV.png



رسملة السوق لنهاية هذا الأسبوع 580,259,472,341.000 ورسملة السوق لنهاية الأسبوع السابق 588,773,721,610.000 .. يعطينا هبوط يقارب 8.514249 مليار ريال هبوط خلال الاسبوع كامل من ضمنها هبوط اليوم بس اللي كان 8.14 مليار وكأن الأسبوع كله يختصر في اليوم

لازم الأسبوع القادم تكون لهم خطة من بداية الأسبوع ولازم تتزامن مع خطة أكبر للشفافية ولزيادة التوزيعات لتكون عادلة .. حرام بنك يوزع بس 28% من ربحه ويخش الباقي

[معماري قطري]

مؤشر هبوط السوق ككل 8.514249 مليار ÷ رسملة السوق كامل بداية الأسبوع ضرب 100 يعطينا 1.446% أشوفه هبوط معقول بس دليل عدم ثقة وهروب من السوق خصوصاً السوق توه بادي يتنفس

[مضارب دوسري]

هو الاهم يا بو عبدالله ان التصحيح يكون في حدود الطبيعي
اذا صار فهذا شي طيب ويفتح لاهداف جديده بعدها ان شاء الله

[مضارب جديد]

توقعت محافظنا شرت اليوم تبي تعدل السوق شوي طلعت تبيع ومواصلة قريب ال 21 مليون ريال بيع شوي أقل من أمس بس شكلها حالها ناشف .. وبيع أفرادنا حول 0.8 مليون .. وبيع المحافظ الخليجية 8 مليون .. وبيع الأفراد العرب 6 مليون .. وبيع الأفراد الأجانب 10.4 مليون .. الكل يبيع شكلهم محبطين من التوزيعات الفاشلة

الشراء من المحافظ الأجنبية أكثره هي وازنت السوق مع إنها باعت كثير تحت .. اليوم شراءها ب 45.4 مليون هي اللي تصدت وصراحة سوقنا على الشفافية اللي فيه ما اصدق شيء .. شاللي يمنع محفظة قطرية مسجلة برا تشتري وعلى انها أجنبية؟ وشروا معاها الأفراد الخليجيين بحدود 0.6 مليون نقدر نقول مجموع الشراء 46 مليون من تداول 478,504,712.154 وبنسبة 9.61% ليش ما وصلوها 12 او 15% كانت كفيلة تحرك السوق للأخضر ما ادري

المحصلة 9 شركات مرتفعة بس وازنت السوق في الإغلاق ولا أظن الأجانب همهم سوق قطر وتوازنه شبه متأكد إن ربعنا يشترون من برا بس هذا شيء مطمئن للغرقان في السوق مثلي .. من اللي ارتفعوا وعدلوا هبوط أسهمي الخليج الدولية عندي فيها كمية كبيرة والمستثمرين ودلالة والريان على الأقل ربح أمس يغطي هبوط اليوم ويزيد قده بس اليوم هبوط وهما المشكلة .. اليوم الهبوط عندي 0.1687% وإرتفاع أمس 0.3227% يعني تقليص طيب في المزاد

المصرف مخيب توزيعه وشكله فيه إن وتحوطات قوية والناس توها تفيق من سهم الريان وخايفين من المصرف ويشوفون آثار .. سوقنا مصعبينه إدارته أكثر


انت رجل خبير
ومثل ما قلت : محافظ قطرية مسجلة بالخارج

شالهدف من هالمردويسة ؟ الله اعلم


هذي التصرفات تقيد السوق وتربكه
سوقنا يستحق عشرين الف نقطة كمؤشر

لكن شنقول : الله يصلح الحال

[معماري قطري]

هو الاهم يا بو عبدالله ان التصحيح يكون في حدود الطبيعي
اذا صار فهذا شي طيب ويفتح لاهداف جديده بعدها ان شاء الله

متفق معاك طال عمرك بس سؤالي عن اللعب في السوق لعب بجعله سلبي وبيع بقوة في المزاد ولعب بترقيع السوق ومحاولة تعديل بعد في المزاد

[معماري قطري]

انت رجل خبير
ومثل ما قلت : محافظ قطرية مسجلة بالخارج

شالهدف من هالمردويسة ؟ الله اعلم


هذي التصرفات تقيد السوق وتربكه
سوقنا يستحق عشرين الف نقطة كمؤشر

لكن شنقول : الله يصلح الحال

والله يا اخوي ضايعة عندي البوصلة ولا عندي علم أكيد وكله توقعات من مسار الأمور وأكيد الله أعلم وشي الحقيقة .. ربعنا ما قرصتهم الا التقارير اللي طلعت وقرروا يرفعون السوق والا السوق كله بيع من 2022 نصها الثاني على الأقل والكل يشتكي من الخسارة محد إهتم .. البيع هذا وبهذي الطريقة من محافظنا اللي نعرف غالبيتها حكومية واستثمارية وتستثمر برا أكثر من الداخل وتربح دوم لكن مخسرة سوقنا ومخسرتنا

ما أنكر يمكن 90% من الأفراد دخلوا على أمل وقت كاس العالم نوصل لل 20000 نقطة ودخلوا وايد بغالي وتعلقوا .. وكذلك المحافظ الباقية خليجية وأجنبية .. بس المحافظ شغلها غير شغلها على الصفقات مب على المعدل يعني عادي تشوفها تشتري صفقات جديدة في سهم مناسب أو حتى غير مناسب بس توجه لرفعه صفقة عندهم برامج خاصة تتسجل بسعر الشراء والتكلفة بالكامل كم ويشوفون كم تصير خسارة أو ربح وأي دفعة شراء حتى في نفس السهم تتسجل صفقة غير .. يعني بين نفس السهم ممكن 1000 صفقة بعضها رابح ربح زين وبعضها خاسر يقدرون يبيعون الرابح ويتجهون لسهم ثاني وهشكل

من هذا تحصل المحافظ تداولهم عالي وكله ربح في الغالب شوف كمياتهم بعضهم يملكون في السهم مليارات وبعضهم عندهم صفقات استراتيجية شارينها من زمان مثل جهاز قطر للإستثمار شاري 20% من سهم بنك معين من أيام 2008 ونذكر سعر مثلاً الريان كان 70 درهم أو 0.7 ريال ولو وزع 0.1 على هذي الصفقة يكون الجهاز محقق ربح 14.286% وهذا دخل جاري

[معماري قطري]

إصلاح السوق لو يبون يصلحونه يكون بإعطاء المساهم حقه وبإصلاح الشركات وميالس ادارتها وبعقاب رادع لها .. عندنا شركات المفروض على سعرها الحالي تنتج حول ال 10% ربح سنوي للمساهم بصعوبة توصل 3% وبعضها ربح سلبي من أول ما انشئت وتقلص لراسالمال نعرف أسبابه ولا احنا بجهلاء بس اغتشينا في هالشركات ولحى من يديرونها ودخلناها

[معماري قطري]

انت رجل خبير
ومثل ما قلت : محافظ قطرية مسجلة بالخارج

شالهدف من هالمردويسة ؟ الله اعلم


هذي التصرفات تقيد السوق وتربكه
سوقنا يستحق عشرين الف نقطة كمؤشر

لكن شنقول : الله يصلح الحال

بعد يا اخوي ممكن سؤالك ليش يسوون هذا الشيء يكون القصد منه تحفيز المستثمرين للدخول للسوق سواء خارجيين أو داخليين .. انا نظرتي ايجابية وادخل بس هالوقت خايف على الكاش اللي عندي واللي اقدر اخليه ست شهور انا دوم تركيزي على فلوس البورصة تتكدس عمر في البورصة لكن فلوس أي مشروع حتى لو بسيط خلها برا وخطتي خلال 3 سنين ويمكن 4 أبني بيت لولدي والفلوس اخليها جاهزة للبنيان .. شوف مع إن السوق مغري ودخلت مبلغ فيه من فترة وربحت بس الخوف خلاني امسك المبلغ الأكبر حق بداية البنيان .. حتى فلوس السفر مفصولة وغالبها مدفوع وأقول أتابع وأبيع بحذر بعض الأسهم المضاربية وادخل على غيرها اللي ما خذت حقها

هم يسوون هالشيء منها يزيدون التداول ومنها يسوون سمعة للسوق ومنها يربحون ربح مضاربي جيد في الطالع والنازل

[بو هيا88]

بعد يا اخوي ممكن سؤالك ليش يسوون هذا الشيء يكون القصد منه تحفيز المستثمرين للدخول للسوق سواء خارجيين أو داخليين .. انا نظرتي ايجابية وادخل بس هالوقت خايف على الكاش اللي عندي واللي اقدر اخليه ست شهور انا دوم تركيزي على فلوس البورصة تتكدس عمر في البورصة لكن فلوس أي مشروع حتى لو بسيط خلها برا وخطتي خلال 3 سنين ويمكن 4 أبني بيت لولدي والفلوس اخليها جاهزة للبنيان .. شوف مع إن السوق مغري ودخلت مبلغ فيه من فترة وربحت بس الخوف خلاني امسك المبلغ الأكبر حق بداية البنيان .. حتى فلوس السفر مفصولة وغالبها مدفوع وأقول أتابع وأبيع بحذر بعض الأسهم المضاربية وادخل على غيرها اللي ما خذت حقها

هم يسوون هالشيء منها يزيدون التداول ومنها يسوون سمعة للسوق ومنها يربحون ربح مضاربي جيد في الطالع والنازل

مافي اي حلول للأسهم الي تحت سعر الاكتتاب
شلون سمحوا لهم تنزل لهذه الاسعار دامها تشتغل وتطلع فلوس آخر السنة

[مسافر1]

يا أخوان ودام لماذا لم تعلن عن التعويض من الدولة 115مليون
عن السنوات السابقة وهناك تعويض إضافي عن سنة 2024
عادي يعلنو

[معماري قطري]

مافي اي حلول للأسهم الي تحت سعر الاكتتاب
شلون سمحوا لهم تنزل لهذه الاسعار دامها تشتغل وتطلع فلوس آخر السنة

بعضها تطلع خساير قليل اللي يطلعون ويطلعون ربح يتناسب مع سعرهم ولا يوزعون أوقات مثل أعمال مطلعين 10 دراهم ووزعوا الهواء 0 حتى ما وضحوا شبيسوون في الكاش الموجود

[معماري قطري]

يا أخوان ودام لماذا لم تعلن عن التعويض من الدولة 115مليون
عن السنوات السابقة وهناك تعويض إضافي عن سنة 2024
عادي يعلنو

المفروض يا اخوي إحنا في عصر النت والحسابات السريعة والمفروض شركة مساهمة عامة ما تكون تعاملاتها سرية وبالخش فيه مساهمين يعتبرون شركاء كلهم ومن حقهم يعرفون .. موقع الشركة يفترض يحط كل الخطط والتحركات المالية من مصروفات ومداخيل وربح وبوصف واضح كله اونلاين ما نقول يومي تحديث اسبوعي أقل شيء

[معماري قطري]

الأسواق العالمية اليوم دايخة حتى الأمريكية والله أعلم جبابرة بورصتنا الأحد شبيسوون بيوقفون تدهور السوق والا خلاص أدوا الواجب برفعه فوق 10000 وخلاص بيخلونه يرجع تحت

[مسافر1]

ومن قال سوقنا مرتبط بالأسواق عندما حقق داو جونز 1200نقطة بيومين جلستين سوقنا هبط بقرب 2%
انا اقلك سوقنا عكس كل شي رغم ان كلشي بقتصاد البلد اكثر من رائع

[مسافر1]

كلام سليم أخي وكأن الشريكة ملكية خاصة
لاحس ولا خبر يأخي اقل شي دعايا لشريكة أنها موجودة

[alkaldi]

يمكن سوقنا باقي له هبطه لين قريب 10000 والله اعلم وبعدين صعود
مثل ما تحليل الاخوان باذن الله الاسبوع الجاي نرد للصعود

[ابو عبده]

يمكن سوقنا باقي له هبطه لين قريب 10000 والله اعلم وبعدين صعود
مثل ما تحليل الاخوان باذن الله الاسبوع الجاي نرد للصعود

نمنى القلب بوصل ليلى ... وقلب ليلى لاناس سوانا

[معماري قطري]

ومن قال سوقنا مرتبط بالأسواق عندما حقق داو جونز 1200نقطة بيومين جلستين سوقنا هبط بقرب 2%
انا اقلك سوقنا عكس كل شي رغم ان كلشي بقتصاد البلد اكثر من رائع

انا اقول والوضع العالمي مؤثر بس مب القصد سوقنا مربوط بالضبط لكن يعتبر وضع مؤثر .. سوقنا تأثر بالفائدة وتأثر بكورونا وتأثر بالأزمة العالمية .. يمكن التأثيرات السلبية أكثر والإيجابية ما يستجيب لها الا لو حبوا كبار المتداولين الي تداولهم يوصل 200 مليون وفوق في اليوم

[معماري قطري]

يوم جميل لعودة الإرتفاعات العامة للسوق .. أضاف 1.76 مليار كقيمة سوقية وارتفاع ما يقارب نص الشركات .. انا حظي تبعان هبوط 0.13% عندي والهبوط الأكبر في المستثمرين ثم وقود ثم الخليج الدولية أشوفه هبوط غير مبرر وهذي أسهم فيها خير

[معماري قطري]

نمنى القلب بوصل ليلى ... وقلب ليلى لاناس سوانا

ليلى وصلت اليوم وإن شاء الله تواصل لين ال 11000 الخالدي عارف مواعيدها

[معماري قطري]

اليوم عندنا اعلانات بنك الدوحة والدولي والرعاية نتمنى تكون واضحة ومحددة ما يقولون نفكر في توزيعات يحددون كم بيوزعون

[معماري قطري]

طلع اللي معدل السوق شمشون الأشقر مع إن اليوم أحد ما يشتغل يروح الكنيسة بس هو الوحيد اللي يشتري مع الأفراد العرب .. هو داخل بنسبة 12.4% تقريباً شوي أقل منها وبمبلغ 32 مليون والأفراد العرب بحدود 1.3% وبقيمة 3.6 مليون مجموع السيولة الداخلة تعادل 13.7% لسيولة التداول وهي قريبة من ال 15% وقدرت ترفع السوق قليل .. محافظنا تداولها ضعيف 68.36 مليون وحتى الأجنبية أقل 54.28 مليون بس غالب تداولها شراء

البيع أكثره جاء من أفرادنا 8.8 مليون ثم من المحافظ الخليجية 7.8 مليون ثم من محافظنا حول 3.2 مليون محتاجينها يشترون علوج وديودرانت حق موظفيهم .. تقريباً الأفراد الأجانب متعادلين مع محافظنا .. بس شسبب البيع البسيط ذيه وليش ما يساهمون في رفع السوق مثل ما كانوا يسوون على مدار ست أسابيع؟

[ابو عبده]

ليلى وصلت اليوم وإن شاء الله تواصل لين ال 11000 الخالدي عارف مواعيدها
نمنى القلب بوصل ليلى ... وقلب ليلى لاناس سوانا
نأمل الخير ربنا لنرى ... وجهنا بالبشر قد ازدانا

[alkaldi]

نمنى القلب بوصل ليلى ... وقلب ليلى لاناس سوانا


ليلى وصلت اليوم وإن شاء الله تواصل لين ال 11000 الخالدي عارف مواعيدها
الامور طيبه باذن الله
الخير بيجينا طال الزمن او قصر
الصبر مالنا إلا الصبر
راح الكثير باقي القليل سوقنا خلاص باذن الله والله اعلم جاهز
نتمنى ننطلق

[معماري قطري]

نمنى القلب بوصل ليلى ... وقلب ليلى لاناس سوانا
نأمل الخير ربنا لنرى ... وجهنا بالبشر قد ازدانا

صح لسانك والله يستر ليعرفون حريمنا اننا نسولف عن ليلى

[معماري قطري]

الامور طيبه باذن الله
الخير بيجينا طال الزمن او قصر
الصبر مالنا إلا الصبر
راح الكثير باقي القليل سوقنا خلاص باذن الله والله اعلم جاهز
نتمنى ننطلق

السؤال الدائم هو كم متوقع يوصل السوق وشكثر بيعطي؟ وهل لو باع الواحد وصفى بيواصل أو بيرجع تحت؟ كل هذي في علم الغيب .. انا لو يحصل لي أبيع كل أسهمي بربح كان بعت واختصرت أسهمي في أسهم العوائد المضمونة

[معماري قطري]

اليوم عندنا اعلان الإجارة وبكرة لشا والمخازن وفودافون وبلدنا .. كلهم في الحفظ والصون ما عدا بلدنا ما بدنا ما بدنا تنفعش .. للحين البنوك مبدعة كنمو وربح عن العام وكتوزيع أفضل لبعضها من نص آخر السنة

https://i.imgur.com/ttccxyS.png

توزيعات العام .. الوطني 0.65 ريال ونص التوزيع 32.5 درهم هم بيوزعون 33 نقدر نقول زيادة بسيطة جداً .. المصرف موزعين آخر 2023 هذي النسبة 72.5% ونص السنة بيوزعون 25% والمفروض نص توزيع العام يكون 36.25% وايد مقللين في توزيعهم بس البنك ممسوك ورايح للرقم اللي يبونه

الدولي بيوزع 0.23 ريال والعام لكامل السنة موزع 0.45 .. نصها 0.225 بعد بخيل في توزيعه بس موزع فوق 60% من الربح المحقق وتوزيعه فارق درهمين عن المصرف

بنك دخان بيوزع 8 دراهم والعام موزع 16 درهم موزع نصها بالضبط ونسبة توزيعه من الربح المحقق 55.55% الدولي أفضل وأكرم وهذي عادة ماشي عليها من زمان من خلال متابعتي

[معماري قطري]

بخصوص نسب التداول ما أشبه اليوم بالبارحة

بعد الشراء فقط من المحافظ الأجنبية والأفراد العرب .. الأولى اشترت بحدود 54.589 مليون أكثر من أمس وبنسبة 17.845% لاحظوا الشغل هذي نسبتها بروحها تعدت ال 15% المطلوبة وتسببت في رفع السوق 0.4% في المزاد .. الأفراد العرب تأثيرهم أقل حول نسبة 0.6% تضاف لنسبة دخول المحافظ الأجنبية نوصل لحدود قريبة من 18.5% وهي نسبة رافعة وشفنا شسوت والمهم ما خربت محافظنا ببيع قوي ومسكت وازنت البيع على الإغلاق

كان بيعها حول 4.4% والله أعلم شمشون الأشقر وراه شمشون قطري هناك يقول له اشتر ولا عليك وزين يسوون سواء شمشون أشقر والا شمشون أغبر المهم يرفعون السوق

[معماري قطري]

اللي حصلته انا لأسهمي فقط 0.03% وخردة بسيطة فوقها ما تجي شيء عند ارتفاع السوق ولا تعوض شيء من هبوط أمس

[معماري قطري]

مستمر اليوم البيع عند الجميع حتى معاهم الأفراد العرب محد يشتري الا شمشون الأشقر مسكين شرى بحدود 18% وبقيمة 52.5 مليون .. ربعنا أكبر البائعين والمبخسين سوقهم أفرادنا تحت ال 25 مليون بشويات ومحافظنا 33.6

[معماري قطري]

هبوط محترم لمحفظتي اليوم يلغي أي ارتفاع بسيط خلال الأسبوع 0.17255% محتاج أقل شيء 0.2% بكرة حتى اطلع بشوية ايجابية هذا الأسبوع .. هبوط السوق 0.03% ما يمثل الكثيرين أكيد

11,508
الصفقات
12,827
الصفقات
115,165,877
الحجم
118,670,013
الحجم
298,726,114.973
القيمة
290,662,705.113
القيمة
586.13 مليار
القيمة السوقية
586.25 مليار
القيمة السوقية

هبوط القيمة السوقية للسوق 0.12 مليار بسيط نسبياً وبنسبة 0.0204% نسبة ضيئلة لراسمال السوق والمؤشر يمثلها وقريب منها

أكبر المؤثرين سلبياً عندي صناعات وثانياً الإجارة وثالثاً مقدام وأكبر المؤثرين ايجابياً وقود ثم الرعاية ثم قامكو

[معماري قطري]

مستمرين ربعنا في البيع وكأن الهدف السامي كان انتشال السوق من خانة ال 9000 لل 10000 .. هشكل كلش ما سوينا شيء تلاعب محافظنا واضح في حالة الرفع وفي حالة الهبوط .. بيعهم يعني هبوط وشرائهم وتصديهم لبيع البقية يعني ارتفاع وهذا اتضح بقوة خلال الفترة السابقة .. اليوم 11.5 بيع خلاص نيتهم يركدون السوق ويخلونه عرضي قدر المستطاع


أفرادنا بيعهم خف تحت 3.7 مليون بس مستمرين في البيع

الشراء أكثره جاء من المحافظ الأجنبية ب 20 مليون ونص ونسبة أقل من 7% هالمرة .. ومن الأفراد الأجانب 0.3 مليون ونسبة 0.1% ومن الأفراد العرب شوي فوق 3 مليون ونسبة 1% مجموع الشراء بقليل فوق 8% وهي نسبة ملاحظ ما تكون رافعة .. بكرة متوقع بيع وعرضي بعد أو هبوط محترم

[roma27]

اعلان امسعيد والاسمنت احد يعرف التاريخ

[معماري قطري]

اعلان امسعيد والاسمنت احد يعرف التاريخ

شركات وايد ما حددت متى الإعلان منهم مسيعيد والإسمنت والدولية واستثمار

[معماري قطري]

للحين 15 شركة أعلنوا ثنتين منهم سلبيين بس هم الرعاية ومخازن بس في المجمل متوقع كل القطاعات تحقق نمو جيد مقارنة بالعام .. وأتمنى توزيعات جيدة ترتقي للأرباح التي حققت

[roma27]

شركات وايد ما حددت متى الإعلان منهم مسيعيد والإسمنت والدولية واستثمار
اشكرك اخوي معماري

[بوثاني الريان]

الامور طيبة باذن الله تعالى

نشوفكمـــ عشيه

[alkaldi]

باذن الله الأمور طيبه اعتقد والله اعلم لين تنتهي الاعلانات شركات او يمكن اغلب الشركات راح تبدا الصعود
الحين مافي اي احداث او أسباب تاثر وان شاء الله ماراح يكون شي وبعد سوقنا تشبع هبوط الحين والله اعلم السوق متجه إلى 11000 توقع وباذن الله اعلى

[][ الوحيد ][]

تقرير بلومبيرغ مايبشر بخير

[LiL iNVe$ToR]

[ الوحيد ][;10940882']تقرير بلومبيرغ مايبشر بخير

شيقول؟

[][ الوحيد ][]

شيقول؟


https://www6.0zz0.com/2024/07/29/18/827831544.jpeg

ماعرف ليش الصور الباقي ماتطلع

[مسافر1]

غدا اعلان وقود اول أسهم الطاقة انشاء الله اعلان قوي وتوزيع طيب

[alkaldi]

لين الحين مافي اي خبر عن نتائج ازدان
اليوم إعلانهم الله يستر