جلسة التداول ليوم الخميس 18/07/2024

[MBY98]

السلام عليكم، صباح الخير
بالتوفيق للجميع

اللّهم رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

[فيصل99]

صباح الخير على الجميع

[A7med]

السلام عليكم ورحمة الله وبركاته

صبحكم الله بالخير

هل الريان بيوزع ارباح نص سنويه عن النصف الاول هالسنه ؟

[MBY98]

يا سلام يالطبية مب قادرة تنزل عن ال 60
ركزو على الاسهم الثابتة

[MBY98]

مصرف الريان للمراقبة
عند دعم قوي والسهم لم يتاثر بهبوط السوق

[معماري قطري]

يا سلام يالطبية مب قادرة تنزل عن ال 60
ركزو على الاسهم الثابتة

طيري بينا يالطبية ريحينا يالطبية

السلام عليكم ورحمة الله وبركاته

بإذن الله الى لمت أب

[معماري قطري]

انا عندي إحساس إن اليوم مب يومي هو يوم الخسارة الكبرى اللي جمعته خلال اسبوع ( إفتراضياً ) طاير اليوم بعد افتراضياً لا بعت ولا شريت كلها قيمة سوقية

[معماري قطري]

المشكلة أسهم لها وزن كبير كلها حمراء أو غالبها

[معماري قطري]

عندي الخليج الدولية وقطر وعمان بس يدافعون شوي أما الباقي بعضهم زايدين الأحمر والمحصلة لا قيمة مضافة ولا قيمة ناقصة هذا الاسبوع للآن لكن شيصير باقي الوقت الله أعلم

[][ الوحيد ][]

شكلنا راجعين تحت 10,000

[.:: القيصر ::.]

السلام عليكم



صباح الخير

[معماري قطري]

القيمة السوقية للسوق 8 مليار هبوط اليوم للحين

[داود بن شطان]

واضح التاثير السلبي لمقترح التوزيعات النصف سنوية
كان من المفترض ان يساهم هذا المقترح في ضخ المزيد من السيولة للبورصة
لكن للاسف مجالس الادارات اعتبرت هذا القرار فرصة للاستفراد بقرار نسبة التوزيع دون الرجوع لرأي المساهمين

والنتيجة توزيع الفتات عليهم

اي شركة حاليا تفصح عن تائجها حتى لوكانت تلك النتائج فيها نمو فهي لن تكون ذات جدوى اذا كان هناك بخس في نسبة التوزيعات

[الاسطوره]

السلام عليكم ورحمة الله وبركاته


شصاير في السوق ياشباب امس واليوم نزول قوي


الله المستعان

[معماري قطري]

واضح التاثير السلبي لمقترح التوزيعات النصف سنوية
كان من المفترض ان يساهم هذا المقترح في ضخ المزيد من السيولة للبورصة
لكن للاسف مجالس الادارات اعتبرت هذا القرار فرصة للاستفراد بقرار نسبة التوزيع دون الرجوع لرأي المساهمين

والنتيجة توزيع الفتات عليهم

اي شركة حاليا تفصح عن تائجها حتى لوكانت تلك النتائج فيها نمو فهي لن تكون ذات جدوى اذا كان هناك بخس في نسبة التوزيعات

في الصميم إخوي داوود .. أي أداة لتجميل السوق لازم مدروسة ومنفذة صح .. تفكيرهم ساذج للأسف إستفزتهم التقارير الدولية بأن بورصتنا أسوأ بورصة في العالم وهي كذلك ل 2022 و 2023 كتداول وقيمة سوقية لكن كتوزيعات وايد زينة .. وقالوا نعدل قوم يا شمشون شيل من المخزون قام يشيل مسكين ورفع لفترة ست أسابيع وطلعوا بفكرة ثانية أو قالوا له بس اشتر لين قرب الإعلانات وبنعلن عن توزيعات وبنسوي تلميع للبورصة وبولش وبنحصل الناس تشتريها دوليين ومحليين لكن تركوا مجالس الإدارات يلعبون ويصدمونا بهذي التوزيعات الشحيحة اللي شرى السهم وعنده فيه 10% قال ابيع أفضل لي ولا آخذ 1% وينزل بعدها 20% وشمشون أول من طبق هذي النظرية هم لو أصروا عليه يستمر في الشراء ويرفع أكثر كان زين

[جفى الجوارح]

حتى اخبار خفض الفايدة ماحسنت البورصه

يبدو مافي فايدة

[معماري قطري]

حتى اخبار خفض الفايدة ماحسنت البورصه

يبدو مافي فايدة

دوم الله يسلمك الأسواق تشتغل بمحفزات ومحركات منها وأهمها النمو في الأرباح وكذلك العدل والنمو في التوزيع وتقدير المساهمين .. عندنا يحسبون التوزيع حسبة غريبة أوقات سهم محقق ربح جيد لكن ما يوزع ربع اللي دخله والسبب إن سعره السوقي طايح .. زين انت شلون تحرك سعره اذا تظلم السهم بالتوزيع

وأوقات كثيرة يجيك ميلس ادارة وقاصدها ميلس بالعاملية القطرية جلسة ربع وسوالف يتقاسمون الخير بينهم ويعتبرون المساهمين طراروة عندهم ما لهم حقوق بموجب القانون ( المغيب ) وهذي نشوفها في شركات كثيرة بعضها كانت عريقة في التوزيعات ومعروفة استولوا عليه شلة ( كل من ايدوه اله ) مالت بو عنتر واستوى بصعوبة يوزع نص اللي كان يوزعه قبل مع إنه يحقق نمو وسهم لامع وجميل تشتريه تكشخ به بس

طول ما احنا مجاملين ونلمع لو شنسوي ما لنا مصداقية كإدارات وكمساهمين الحق هو في اعطاء كل ذي حق حقه

[داود بن شطان]

دوم الله يسلمك الأسواق تشتغل بمحفزات ومحركات منها وأهمها النمو في الأرباح وكذلك العدل والنمو في التوزيع وتقدير المساهمين .. عندنا يحسبون التوزيع حسبة غريبة أوقات سهم محقق ربح جيد لكن ما يوزع ربع اللي دخله والسبب إن سعره السوقي طايح .. زين انت شلون تحرك سعره اذا تظلم السهم بالتوزيع

وأوقات كثيرة يجيك ميلس ادارة وقاصدها ميلس بالعاملية القطرية جلسة ربع وسوالف يتقاسمون الخير بينهم ويعتبرون المساهمين طراروة عندهم ما لهم حقوق بموجب القانون ( المغيب ) وهذي نشوفها في شركات كثيرة بعضها كانت عريقة في التوزيعات ومعروفة استولوا عليه شلة ( كل من ايدوه اله ) مالت بو عنتر واستوى بصعوبة يوزع نص اللي كان يوزعه قبل مع إنه يحقق نمو وسهم لامع وجميل تشتريه تكشخ به بس

طول ما احنا مجاملين ونلمع لو شنسوي ما لنا مصداقية كإدارات وكمساهمين الحق هو في اعطاء كل ذي حق حقه

اللوم على الوزارة الي تاركه مجالس الادارات هم المتحكمين في الشركات المساهمة للاسف مافي قوانيين وانظمة تحفظ حق المساهمين لهذا السبب سوق قطر غير جاذب ومغيب عن اسواق المنطقة

[معماري قطري]

يقولون ادارة السوق طرشت كتاب حق مدراء المحافظ القطرية ليش السوق نزل شصاير غلط؟

رد كبيرهم اللذي علمهم السحر قال حملت السوق على كتوفي وشليته على راسي .. سبع أسابيع دفعت 700 مليون ورفعته 1000 نقطة ولا قدرتوا احساسي .. وكل هذا وقلت أمرك حاضر أشتغل لأجلك وين نجيب خردة زود واحنا شرينا في أسواق تستاهل

[معماري قطري]

اللوم على الوزارة الي تاركه مجالس الادارات هم المتحكمين في الشركات المساهمة للاسف مافي قوانيين وانظمة تحفظ حق المساهمين لهذا السبب سوق قطر غير جاذب ومغيب عن اسواق المنطقة

والله يا اخوي استوى سوقنا مؤقتاً تحت الوديعة بشوي .. بس مضمون أكثر من الوديعة ليش؟ العام على كثر الشركات عندي اللي ما وزعت مطلع بين 3.5 الى 4% غير عن المضاربات البسيطة هذا توزيع وأول العام شوي أكثر حول نص في المئة أكثر كتوزيع لو باطلع خسران حول 15% ولو باصبر ضامن دخل ثابت وشوية أكشن من وقت لوقت وبعض المضاربات الحذرة والمربحة بنفس الوقت .. من جانب ثاني الوديعة لو مضمونة السنة الوقت الجاي بتنزل وما فيها أكشن ولا أقدر ابيع جزئي لو احتجت

لولا اللعبة ولو فيه توزيعات عادلة والشركات ناجحة المفروض 10% توزيعات كل سنة وفيه أسهم عندي قريبة من هذي النسبة ولله الحمد بس اللي توزيعاتهم 0 مخربين

[معماري قطري]

قلصنا الهبوط قليل والقيمة السوقية هبوطها تقلص حول مليارين

582.09 مليار
القيمة السوقية
588.40 مليار
القيمة السوقية

المزاد شغل جبارين أمس كان المحافظ الأجنبية اليوم نشوف من بعدين

[معماري قطري]

المزاد رد التقليص لتعميق

580.26 مليار
القيمة السوقية
588.40 مليار
القيمة السوقية

8.14 مليار راحت من القيمة السوقية .. هبوط يساوي 1.38% في القيمة السوقية وهبوط المؤشر 1.16% هبوط القيمة السوقية أكثر صدقاً

[معماري قطري]

نزول قيمة المحفظة حول 0.2545% بس ضيع ارتفاع الأسبوع ووايد زين عن المؤشر بسبب ارتفاع الخليج الدولية والمستثمرين وقطر وعمان لله الحمد وما اتوقع بيطول السوق هشكل عندي تفاؤل كبير