توقعاتكم ل شهر أغسطس, 2024

[تـاجر الـذهب]

السلام عليكم ورحمة الله وبركاته

تتوقعون إرتفاعات بهذا الشهر ؟

[ابو عبده]

ايه الموضوع .... شكلنا داخلين ف الحيط
امس الداو 500 نقطة هبوط
اليوم بنقول ياهادى حوالى 700 نقطة هبوط
ربنا يسترها

[ابو عبده]

ايه الموضوع .... شكلنا داخلين ف الحيط
امس الداو 500 نقطة هبوط
اليوم بنقول ياهادى حوالى 700 نقطة هبوط
ربنا يسترها

عمال يعمق
وصل 925
بنا يسهل ويقلص لل 200 ولا حاجة على اخ الجلسة

[مسافر1]

الداو جونز ارتفع ارتفاع قياسي لم يصل الية في تاريخة
وسوقنا تقارن بة لية من اكثر من 5سنين وهو بهذا الحال
الشي الثاني هناك اسباب داخلية لهذا الهبوط منها البطالة
والاعانة والثانية جني أرباح بعد ارتفاع قياسي بتاريخ الاسهم الامريكية

[مسافر1]

مخاوف الركود قد يدفع الفدرالي إلى خفض الفائدة اربع مرات
هذا العام وهو الأهم لاسهم السوق خفض الفائدة بطريقة متسارعة

[brent]

الداو جونز ارتفع ارتفاع قياسي لم يصل الية في تاريخة
وسوقنا تقارن بة لية من اكثر من 5سنين وهو بهذا الحال
الشي الثاني هناك اسباب داخلية لهذا الهبوط منها البطالة
والاعانة والثانية جني أرباح بعد ارتفاع قياسي بتاريخ الاسهم الامريكية

كلامك صحيح
في فبراير 2021 المؤشر كان في حدود 10,000 و المؤشر الأمريكي 30,000 ..
الفرق بينهم 33 %

[ابو عبده]

ايه ... مفيش حد له نفس يكتب او يعلق على حاجة
بنا يفرجها علينا

[Hassoun]

هبوط الاسهم اليابانية اليوم 13.5% وحوالي 6% امس.

أستعدوا...

[مسافر1]

الاسهم الامريكية لو تهبط عشرة الف عادي داو جونز ارتفع الضعف ثاني شي مشكلتهم بالبطالة بينما اقتصاد قطر افضل من اي وقت

[مسافر1]

نيكي مرتفع 10بالمئة

[مسافر1]

ارتفاع الأسهم الآسيوية ومؤشر نيكي الياباني يقفز 10% - مانشيت
الان الصغار من باع من اللهلع بيرد يشتري

[adell]

الظاهر ان اخيرا في اسهم بكره حتلمت

[ابو عبده]

الظاهر ان اخيرا في اسهم بكره حتلمت

مش احنا
:pardon::pardon::pardon:

[مسافر1]

السوق نايم واذا شاف الاسهم الامريكية متأثرة
يخسف بكم نقطة ارتفع
وبعدها يسوي نفسة مالة خص بالارتفاع
داو جونز مرتفع 12الف نقطة عندما كان سوقنا مكانك سر
وهل يومين مسوي نفسهم هبة نزول

[adell]

مش احنا
:pardon::pardon::pardon:
ان شاء الله بتشوف المؤشر اجلاا ام عاجلا فوق 15 الف نئطه لكن مطلوب صبر وتكون مو محتاج االفلوس

[ابو عبده]

ان شاء الله بتشوف المؤشر اجلاا ام عاجلا فوق 15 الف نئطه لكن مطلوب صبر وتكون مو محتاج االفلوس

انا صاير من نص 21 على سمعة كأس العالم وللاسف مضطر اصبر لين ارجع لما كنت عليه نص 21
الله المستعان

[معماري قطري]

سوقنا الشهر الماضي حقق ارتفاعات حلوة لبعض القطاعات خصوصاً المالي وخساير بسيطة في قطاع النقل .. المؤشر ارتفع خلال شهر بحدود 1.900% وهذا مقياس ممتاز لشهر واحد .. طبعاً بدافع قوي من شراء أولاً من المحافظ الأجنبية اللي عادت للشراء بعد ما كانت تبيع برخيص وشراءها بغالي نوعاً ما بحدود 344.056 مليون .. ملاحظة محافظنا في رفع السوق من قاعه الأخير لبداية شهر 7 دفعت 700 مليون وفي شهر 7 دفعت 175.484 مليون وغيرهم محد اشترى الكل بيع .. هذا شيء يطمن ما يخوف

الإرتفاع الفعلي للسوق ككل كقيمة سوقية انتهى شهر 7 بقيمة 586.464 مليار واليوم قيمته تقارب ال 580 مليار معناها نزل سوقنا ككل من بداية شهر 8 للآن حول 7 مليار وبنسبة 1.19% تقريباً ونقدر نقول مسح إرتفاعات شهر 7 في شهر 8 المؤشر كذاب دوم والقيمة السوقية وايد أصدق وهذا بسبب هبوط غالبية الأسهم ذات الحجم الأكبر .. نروح لبداية شهر 7 القيمة السوقية كانت 575,168,541,556.150 وأضاف السوق ما يقارب ال 11.8075 مليار ونسبة 2.05% ارتفاع فعلي للسوق وكان أكبر المساهمين في هذا الإرتفاع هو سهم ودام بنسبة ارتفاع للسهم خلال شهر 7 كانت +17.153% وثم سهم زاد القابضة بنسبة +9.004% ثم سهم بلدنا +8.979% ثم سهم الخليج الدولية +6.306% وأخيراً التحويلية +6.165% وفيه أسهم كثيرة ارتفعت ولها تأثير كبير كوزن وعدد أسهم سحب القيمة السوقية لحدود ال 2.05% زود والمؤشر العام لحدود 1.9% وهذا شيء جيد .. عاد نرجع خلال شهر 8 نمسح هذي القيمة اللي أضفناها خصوصاً ال 2% جايز واحنا ماسحين ما يقارب ال 1.2% منها شوي فوق النص خلال اسبوع تقريباً يعني بالراحة نمسحها ونعمق بعد وكله حسب الظروف العالمية وظروف المنطقة السياسية وأكيد رغبة المحافظ الكبرى سواء قطرية أو أجنبية وحتى الخليجية ما زالت تملك الكثير

شهر 8 خلال أول اسبوع القيمة السوقية أصبحت 585,810,180,409.480 بهبوط بسيط عن نهاية 7 لكن خلال الأسبوع الثاني الهبوط كبير والأسبوع الثاني كله كم يوم وصلت القيمة فيه 580,028,629,060.100 حول 5.8 مليار هبوط

نشوف من يشتري وماسك السوق شوي خلال أول اسبوع وثاني اسبوع .. خلال ثاني اسبوع محافظنا تشتري 227 مليون تقريباً ومعاها بس بشكل بسيط جداً المحافظ العربية والكل يبيع .. سيولة 227 مليون شراء في تداول اسبوعي وصل 1,958,302,461.609 تعادل 11.6% تقريباً والمحافظ القطرية تجاهد لحفظ ارتفاعات السوق الهش .. الأسبوع الأول حول 20 مليون وهو شراء متواضع والمحافظ الأجنبية 88 مليون غير الكل بيع .. فيه جدية من محافظنا لإبقاء السوق فوق 10000 لكن ما فيه جدية في استغلال السوق لصالحها وكاستثمار طويل المدى مع محاولة الرفع أكثر لحدود يكون فيها البيع مربح لها وكذلك الشراء الإستثماري للتأسيس في أسهم كثيرة باعتها فوق وفرصة تشتريها تحت

[معماري قطري]

هشكل محافظنا تعدت المليار وتقريباً 1.1 مليار في الشراء من القاع اللي وصلناه للحين وهذا الشراء رفع السوق والقيمة السوقية للسوق خلوني أرجع لها شهرين أو 3 شهور راحت آخر شهر 5 كانت 541,837,068,324.280 وكان المؤشر عندها 9,319.1 وأعتقد وصلنا شويات تحته بس السوق وصل حول 590 مليار كفيمة سوقية وحول 50 مليار أضاف لقيمته السوقية بفضل ضخ مبلغ 1.1 مليار من محافظنا اللي كانت تقريباً خلال الفترة اللي راحت هي الوحيدة اللي تشتري

السوق كان جاهز وكان محتاج دخول استثماري وأتمنى يستمر ما يرجعون يهدمونه مرة ثانية

بنشوف إن شاء الله إجمالي ربحية شركات السوق وإجمالي توزيعات السوق ونحسب كم كنسبة من القيمة الفعلية للسوق هذي معلومات مهمة لازم تفصل وتكتب كتقرير مالي لكن ما نشوفها للأسف والأهم هو قيمة التوزيعات لسعر السوق هذا يعطي الربحية الفعلية للسوق ككل

[معماري قطري]

ما شاء الله تبارك الرحمن سوقنا اليوم يعطي تفاؤل كبير

إرتفاع 34 شركة وهبوط بس 16 مؤشر جيد وإرتفاع رسملة السوق الى 581.78 مليار
القيمة السوقية
580.03 مليار
القيمة السوقية

بزيادة 1.75 مليار ريال أو ما يعادل 0.301% شيء حلو وفوق ارتفاع المؤشر 0.24% معناها شركاتنا أو غالبية شركات السوق متحركة .. مؤشر الصناعات ومؤشر العقارات هم الأكثر ارتفاع 0.5% هذا وايد أحلى

مؤسساتنا شرائها تحت العشرة مليون حول 9.7 مليون .. والأفراد الأجانب 1.4 مليون الشراء .. والأفراد العرب 0.8 مليون الشراء .. وبس سيولة الشراء كثير قليلة والإرتفاع جيد وأكثر البيع من أفرادنا فوق 5 مليون معناها كثيرين متمسكين بالأسهم وسيولة التداول متواضعة 221,347,622.211 ونسبة الشراء فيها 5.376% نسبة متواضعة تحت ال 10% بوايد وتحت ال 15% اللي كنا نشوفها في السابق

[معماري قطري]

بناءً على اللي صاير انا أشوف هم شيبون ووين يبون السوق قادرين عليه وبسهولة وأشوف سوقنا لازم يرتفع ويمشي لمحطات ثانية منها ال 11000 قريباً بإذن الله

[معماري قطري]

اليوم 16 شركة خضراء تفوقت على 33 شركة حمراء في المؤشر وكذلك في الإرتفاع الفعلي أو الوزني للسوق .. المؤشر 0.16% والفعلي حسب قيمة السوق حيث أصبحت 583.44 مليار
القيمة السوقية
581.78 مليار
القيمة السوقية وبفرقية 1.66 مليار ريال وبمقدار ارتفاع 0.285% هذا أعلى من المؤشر معناها أسهم كثيرة خارج المؤشر مرتفعة

[معماري قطري]

مؤشرات السوق جميعها مرتفعة وأكثرها مؤشر البنوك 0.590% مع ثلاث مؤشرات هي النقل والاتصالات والعقارات هابطة بحدود تفوق 0.6% وهذا اللي منزل ومعرقل ارتفاع المؤشر العام

اليوم شراء محافظنا بسيط جداً حول 70000 ريال قطري وشراء أفرادنا أعلى لأول مرة من فترة طويلة يقترب من 2.3 مليون .. المحافظ الخليجية اشترت قليل حول 0.24 مليون .. والأفراد العرب 1.8 مليون .. والمحافظ العربية شراء قليل حول 0.12 مليون .. والبقية كلهم بيع والبيع بسيط جداً وهذا يعني السوق وصل مرحلة هدوء طبيعي هذي الأوقات حتى السيولة قليلة 254,992,086.784 منها سيولة داخلة 4.467 مليون بشكل تقريبي تعادل 1.75% .. سيولة داخلة وايد ضعيفة رفعت القيمة السوقية ل 1.66 مليار هذا يعني إن السوق متمسك بالأسهم والبيع لازم يكون بإرتفاع

خلوني أشوف مؤشري هو الأهم بالنسبة لي أمس كان فارق ولله الحمد 0.53% شيكت عليه آخر الليل وكان أعلى مؤشر في السوق 0.5% أعتقد كان للصناعة أمس واليوم البنوك .. لا اليوم مؤشري مسود الوجه 0.43979% نازل يعني 0.44% تقريباً ربح أمس باقي منه 0.09% .. أعلى هبوط جاني من وقود وثاني هبوط من الخليج الدولية والثالث فودافون وقامكو متقاربين .. الظاهر وقود وزعوا

صامدون ولله الحمد .. لو دوم تفتح عمل الشيطان بايع قبل لا اسافر كنت طلعت قيمة السفرة مرتين

[معماري قطري]

هبوط اليوم عندي وصل 0.675% أعلى وايد من هبوط المؤشر 0.22% بسبب هبوط الخليج الدولية أولاً و وقود وصناعات وإنماء

هبوط القيمة السوقية للسوق 582.10 مليار
القيمة السوقية
583.44 مليار
القيمة السوقية

وصل لحدود 1.34 مليار وبنسبة 0.2297% .. صناعات سهم بيوزع 31 درهم وبيعطيني لسعري حول 2.154% نسبة جيدة لمنتصف السنة تضاف لنسبة العام حول 5.42% سهم أشوفه ما ينباع وفيه خير .. والخليج الدولية سهم جيد يمكن وضع السوق والمنطقة هو المؤثر حالياً والخوف واضح .. بس نظرة على أسواق الخليج اليوم وايد منها مرتفعة ارتفاعات جيدة منها البحرين والسعودية وعمان وبوظبي وبعضهم قرب قمة وهم أولى بالبيع هالوقت

[معماري قطري]

محافظنا شراء 3.8 مليون تقريباً .. وأفراد الخليج شراء 1 مليون .. والمحافظ الخليجية 4.3 مليون أكثر من محافظنا حتى .. وأخيراً الأفراد الأجانب شراء 1.6 مليون والبقية كلهم بيع .. مجموع الشراء 10.7 مليون من تداول 303,244,223.003 وبنسبة تعادل 3.528% وهي نسبة ضئيلة جداً

[alkaldi]

إلى متى حال سوقنا بيتم على هالحال
ان قلنا تصحيح وتأسسين شهالتاسيس والتصحيح اللي صار له ثلاث او اربع سنوات

[مسافر1]

لا فايد فية أسواق العالم ارتفاع ولا نتائج جيدة ولا اقتصاد
ممتاز الحل خذ لك سهم وبعد كم سنة شوف يا زين او شين

[معماري قطري]

إلى متى حال سوقنا بيتم على هالحال
ان قلنا تصحيح وتأسسين شهالتاسيس والتصحيح اللي صار له ثلاث او اربع سنوات

للحين ما قدر يخلص من سلبية السنة لا واحنا في وقت توزيعات نصفية تعتبر جيدة وفي وقت محافظنا تدعم السوق وتحاول ما تخليه يغطس أكثر ولو خلوه وقت ال 9000 كان راح بكل سهولة لل 8000 وممكن تحت .. باقي من سلبية السنة 6.67% قلص اليوم من الرقم السابق 0.37% ونسبة التقليص 5.278% هشكل وضع السوق تعبان وبيستمر مكانك سر

شراء المحافظ الأجنبية اليوم كان الأكبر 11.2 مليون .. وشراء محافظنا تعيس أقل شوي من 1 مليون .. المحافظ الخليجية حول 0.5 مليون شراء والأفراد العرب 2.7 مليون شراء شرائهم أعلى من محافظنا ومن محافظ الخليج مع بعض والبقية كلهم بيع على راسهم أفرادنا

نسبة الشراء للتداول تعادل 5.34% نسبة متواضعة بس شكلهم ركزوا على أسهم مؤثرة

مؤشر القيمة السوقية للسوق 0.644% حيث ارتفعت القيمة السوقية ما يقارب 3.75 مليار ريال وهذا دليل أن أسهم كثيرة ارتفعت أكثر من المؤشر العام وأعلى المؤشرات ارتفاع هو الإتصالات 3.510%

دوم أقارن بنسبة ارتفاع أسهمي الفعلية وإن شاء الله اليوم مرتفعة .. النسبة عندي 0.3233% زوينة ولله الحمد

[معماري قطري]

أرفع قطاع نمو وانتهت شركاته من الإعلان هو الخدمات 19.87% وهذا قبل دخول نتائج المناعي اللي مرتفعة ارتفاع يقارب ال 87.5% يعني بيكون حول ال 21% .. ثاني قطاع يجي التأمين 25.10% هو ما خلص اعلاناته وفيه شركات مؤثرة ممكن تنزل النسبة ممكن يطلع الأول وحتى يطلع خسران .. قطاع العقارات انتهى وهابط هبوط معتبر -12.32% .. ومجموع ارتفاع السوق للآن فوق 5% وبإذن الله خير

[معماري قطري]

الحمد لله ختامها مسك بالنسبة لي وهذا الأسبوع كان صراع بين هبوط وارتفاع وآخره ارتفاع معقول يعوض هبوط الثلاثاء اللي كان قوي .. يوم التيوس ينطح نطحات قاتلة .. بس هذا تذبذب السوق متعب ومرهق ومزعج .. قبل لا اسافر كانت محفظتي فيها مبلغ يكفي حق شهر ونص في سويسرا هذا المبلغ اللي نزل يعني لو بايع كنت كسبت أكثر بوايد من التوزيع وهذي ملاحظها عادة في سوقنا مع قرب التوزيعات حتى قبلها تنزل أسعار الأسهم في الغالب

إرتفاع 0.17% كلش ما يشجع والمؤشر صعب يتحرك صح لاحم حول هالحدود 10000 و 10200 يوم حبوا يحركونه حركوه 1000 نقطة تقريباً ولو حبوا يواصلون واصلوا .. اليوم الخليج الدولية أعطت كإرتفاعات 25% من نسبة الربح للسعر اللي وصلت لل 6% والشركة شكلها وقعت اتفاقية مع الأربعة ريال ولو سوقنا عاقل بتوصلها بسرعة خلال 3 شهور قادمة والمفروض أسرع

إنتهت الإعلانات والتوزيعات أعتقد تقررت بس ل 9 شركات تعطي جرعة أمل بسيطة .. عندي فيها ست شركات بس ونعمة لو حصلت ربع توزيعات 2023 وما اظن توصلها .. أعلى شركة نمو هي السلام 488% ونتمناه نمو حقيقي ومستمر بهذي الحدود تليه انماء ب 171.89%
وبعدين بلدنا ب 137.42% وعندنا المناعي ارتفاعه 87% بما مجموعة 3 شركات مضاربية محتمل تقلع الفترة الجاية .. الطبية مخيبة الآمال -44.88% بس ما يمنع يستوي عليها شغل مضاربي وحتى توصل 3 ريال

[معماري قطري]

إرتفاع المؤشر 0.17% وارتفاع أسهمي 0.243% وارتفاع القيمة السوقية من 586.31 مليار
القيمة السوقية
585.85 مليار
القيمة السوقية

فقط 0.46 مليار مبنسبة تقارب ال 0.0785% وايد ضئيلة وهذا واضح بسبب هبوط غالب الشركات

توقعاتي بيع أفرادنا قوي ومحافظنا لا مبالية واحتمال بيع وطلع توقعي صح بس البيع كان قليل للإثنين حول 3 مليون لأفردانا ومحافظنا فوق 2 والشراء كان أكثره من المحافظ الخليجية بحدود 6 مليون + الأفراد الخليجيين بحدود 0.8 مليون + الأفراد العرب شوي تحت 0.4 مليون + المحافظ الأجنبية حول 0.7 مليون بمجموع سيولة داخلة تعادل 7.9 مليون وهي متواضعة جداً وبنسبة 2.83% أشوفه إنجاز إن سوقنا أغلق أخضر

[alkaldi]

بوعبدالله الداو ارتفاعات بأرقام قويه لين يرتفع سوقنا بالعافيه يطلع ووقت النزول تعال شوف
بس خاطري باذن الله تخلص السنه واحنا قريب 11000 بس شكلها صعب كثير
غير مقنع الاداء ومايل للاستمرار هالسنه على نفس المنوال

[معماري قطري]

بوعبدالله الداو ارتفاعات بأرقام قويه لين يرتفع سوقنا بالعافيه يطلع ووقت النزول تعال شوف
بس خاطري باذن الله تخلص السنه واحنا قريب 11000 بس شكلها صعب كثير
غير مقنع الاداء ومايل للاستمرار هالسنه على نفس المنوال

الأيدي اللي رفعته في شهر ونص 1000 نقطة ممكن ترفعه بعد 1000 .. أو ما يعادل 9.8765% بالنسبة المئوية وهشكل بنكون غطينا النسبة الباقية من سلبية بداية السنة للآن اللي هي -6.51% بحدود 3.3% .. السوق محقق نمو ككل 5.5% وأفضل من 2023 وتوزيعات نصفية دافعة وإهتمام بالسوق على مستوى حكومي واضح

المهم عندي وعند غالبية المستثمرين هو احقاق الحقوق ومحاسبة إدارات الشركات المفلسة أو اللي أفلسوها بتصرفاتهم أو بصرفهم على أنفسهم حلال عليهم وحرام علينا .. انا دوم أشوف التوزيعات كم تعطيني ونسبة 4% ترضيني غير عن بعض المضاربات الخفيفة اللي ما توصل عندي 2% سنوياً ولله الحمد راسالمال يزيد والتوزيع يغطي احتياجات كثيرة لي .. صرفت منه نسبة بسيطة ما توصل 10% والباقي موجود لبداية البنيان ممكن يغطي لفترة سنة من شهر 9 أو 10 بإذن الله وبيجي التوزيع ل 2024 وبيغطي أكثر هذا كل همي حالياً

[معماري قطري]

الظروف تتغير عالمياً ومحلياً ممكن تسوء وممكن تنفرج بس البيع والتصفية شيء ما افكر فيه خصوصاً مع اقتراب آخر السنة

الداو مولع حتى مع الهبوط البسيط يبقى حول القمة وشكثر يناطحها


Dow Jones
40,539.33 40,568.32 40,490.65 -23.73 -0.06%
09:36:15
S&P 500
5,531.78 5,532.53 5,524.40 -11.44 -0.21%
09:36:21
Nasdaq
17,549.80 17,552.93 17,502.83 -44.70 -0.25%
09:36:22
Small Cap 2000
2,134.55 2,135.20 2,129.10 -1.60 -0.07%
09:36:24
S&P 500 VIX
15.44 15.76 15.20 +0.21 +1.38%

وتقريباً جميع الأسواق سوقنا بس تعيس ومب تعيس بسبب قلة نمو أو توزيع عمره ما كان يوزع بالنسبة لي كثر 2022 و 2023 شوي نزل بس مقارب و 2024 متوقع توزيع أفضل من 2022 .. تعاسة سوقنا من محافظنا اللي لعبت به وألحين تحاول تصلح ( بالأمر ) ولا تقدر تصلح عدل تحسب 10000 إنجاز القرن

[معماري قطري]

أحس إني ظلمت محافظنا دفعت خلال الأسبوع قبل اللي راح 226.6 مليون هذي بمعدل 45.3 مليون يومياً
ودخول بالنسبة لسيولة الأسبوع كاملة يعادل حيث كانت سيولة الأسبوع 1,958,302,461.609 بنسبة 11.57% وتعتبر نسبة ممتازة ورسملة السوق كانت واطية شوي 580,028,629,060.100 والمؤشرات غالبها هابط .. هذا معناه لولا دخولها في الأسبوع الثاني اللي هو قبل اللي راح لكان السوق مدمر أكثر .. غالب القصف البيعي كان من المحافظ الأجنبية ساهمت ب 68.334 مليون والمحافظ الخليجية ب 87.3 مليون أكثر وبيع واضح وأخيراً أفرادنا حول 38 مليون والبقية بدرجات أقل بس الكل يبيع ما عدا المحافظ العربية شراء لا يذكر

الاسبوع اللي راح السيولة أقل بكثير 1,352,192,194.966 وراسمال السوق ارتفع بعد ارتفاع جيد 586,311,780,223.790 يقدر ب 6.3 مليار وبنسبة 1.086% .. السيولة الشرائية هي المهمة التدويرية مكانك سر وكانت من محافظنا 11.9 مليون هالمرة قبل 226.6 مليون والفرق واضح .. ثم من المحافظ الخليجية 9.5 مليون ثم من الأفراد العرب 4.4 مليون .. الغريب ان السيولة الداخلة مجتمعة ما توصل 25.8 مليون وهي شوي أكثر من 10% من السيولة الداخلة من قبل محافظنا في الأسبوع اللي يسبقه لكن الإرتفاعات وايد أفضل .. هذا يدل على إن محافظنا كانت تأدي واجب فقط ودخول الخليجيين دوم مدروس وعلى أسهم تؤثر في القيمة السوقية ويشترون بقوة أكبر محافظنا تشتري بتحفظ وتركز على إن السهم ما يهبط وايد بس تحبه هابط

ممكن بعد انتهاء التوزيعات نشوف تحركات مضاربية والله أعلم خلال شهر 9

الشركات الأكثر ارتفاع والأكثر هبوط خلال اسبوع

https://i.imgur.com/M2kBz4h.png

أسهم البنوك الدولي قريب جداً من أعلى سعر سنوي 10.980 والمعدل السنوي بين 11.410 و 9 ريال بالضبط واللي قريبين أدنى سعر سنوي دلالة وقطر وعمان والإجارة وقد يتحرك أحدهم مضاربياً والدرهم ينفع معاه 1 ÷ 70 يعطينا نسبة 1.4% ما تسوى نقول درهمين أو 3 تنفع .. المهم ما زال القطاع المالي تحت أعلى سعر سنوي لكل القطاع ولا سهم تجرأ يتعداه وهذا دليل بعد إن السوق جاهز لأرقام أعلى خصوصاً هذا القطاع محقق نمو جيد عيبه توزيعاته كلش ما تسوى وممكن آخر السنة تتغير

حصلت ودام حققت سعر سنوي جديد وهبطت عنه والأميرة الميرة قريبة من الهاي السنوي 14.510 والهاي 14.96 مجموعة مهدام الرابضة ههههه مسرع ما قلبت عليها قريبة من القاع السنوي 3.583 والقاع 3.535 .. والفالح قاع سنوي جديد بإغلاق الخميس 0.614 مبروك يالفالح طايح طايح قم فشلتنا .. بس عندي إحساس السهم بيرتد وفيه خير

قطاع الصياعة وأكيد وايد يحبون هالقطاع وما يشبعون منه ( الصناعة ) الأهم فيه صناعات تفصلها عن الهاي السنوي أقل من 1.3 ريال والمفروض فوقه وفوق بإذن الله 13.050 .. الله يالمستثمرين أفضل توزيع لسنتين متتاليتين وأدنى سعر سنوي 1.477 هل آن لكبوتك أن تصحو .. البطلة الخليج الدولية 3.247 وتفصلها عن الأعلى هذي السنة 0.223 وكان محقق من فترة بسيطة وقد تزور هذا الرقم وتتعداه بإذن الله

قطاع التأمين

الدوحة للتأمين حققت هاي سنوي وهي قريبة منه 2.519 والمحقق من فترة بسيطة 2.599 .. والشركات الباقية قريبة من القاع السنوي ومستغرب من الإسلامية للتأمين 8.030 والقاع السنوي حول 7.8 يعني الدخول فيها آمن أشوفه محققة ربح 0.53 ونمو فوق 23% السهم جاهز يقول خذني بحنانك خذني عن السوق وابعدني

قطاع العقارات فازت فيه مزايا حققت قاع سنوي جديد يوم الخميس 0.560 وبقية الشركات فيه تترنح

قطاع الإتصالات اوريدو قريبة من القمة السنوية المحققة قريباً وفودافون تفصلها عن القاع السنوي 0.017 وسعرها 1.646 وبعد أشوف السهم جاهز للدخول وللإستثمار لنهاية السنة محقق ربح 0.069 ونمو في الربح يقترب من 13% وتوزيعاته جيدة

قطاع النقل مبدع ملاحة قريب من الهاي السنوي المحقق قريباً 11.560 وناقلات كذلك 4.440

هذي النظرة تعطينا فكرة عن السهم الجاهز للدخول لفترة ست شهور

[معماري قطري]

أمس الأخضر طاغي على أسواق العالم .. تعالوا يودوا الياباني استهد وشكله في قمة جديدة


Nikkei 225
38,127.50 38,160.00 37,525.00 +1,425.00 +3.88%
16/08

طلع وراه 4000 لين القمة بس حققها السنة مب بعيدة وهو قربها 4000 على 40000 تساوي 10%

[معماري قطري]

بداية أسبوع كانت شحيحة 0.1% بالغصب طلعوها .. انا الحمد لله عندي ارتفاع حلو 0.25% بس مب مقياس يوم ضارب وأيام مضروب للحين هبوط القيمة السوقية عندي 17.018% بالضبط وكان نازل لحدود خانة ال 14% والله أعلم كم نسبة اللي يطلع من توزيعات نصفية ما اظن توصل 0.5% .. إرتفاع السوق اليوم كقيمة سوقية كان 0.29 مليار على قيمة 586.31 مليار تعطينا 0.0495% وهذي القيمة الحقيقية اللي ارتفعها سوقنا ككل .. مرضية؟ انا اشوفها لا

اليوم اللي اشتروا محافظنا بقيمة 14.4 مليون .. والخليجية تقترب من 6.8 مليون وشكلها تدخل على أسهم معينة شراء محترم وهي اللي تعدل ربحية بعض الأسهم .. البقية كلهم بيع أعلاهم أفرادنا 12 مليون ونسبة بيعهم لتداولهم 13.86% ولا اشوف فيه داعي لبيع الأفراد سوى الإحباط

السيولة الداخلة 21.2 مليون نسبة لسيولة التداول 220,680,306.001 تساوي 9.6% تحت ال 15% تعتبر ضعيفة

[معماري قطري]

يوم تداول شبيه بأمس بس له أفضلية في المزاد والحمد لله

10,034
الصفقات
8,755
الصفقات
95,345,174
الحجم
94,642,307
الحجم
224,773,726.383
القيمة
220,713,705.576
القيمة
587.77 مليار
القيمة السوقية
586.60 مليار
القيمة السوقية
25
مرتفع
20
منخفض
7
ثابت

المؤشر باقي عليه أقل من 45 نقطة لل 10200 اللي شكلنا بنطول تحتها يسويها بكرة وبكرة تيوس داي بيكون ممتاز ويبعث على الأمل

كنت هازم المؤشر لين قبل المزاد وفي المزاد هزمني انا عندي ارتفعت أسهمي 0.166% والمشكلة ارتفاعات كلها بسيطة وتنمحي بسرعة وتتعمق الخساير .. خسرنا كثير في أسهم كانت خسرانة أصلاً وعندنا فيها وايد مثل خزايا وقطر وعمان والإجارة وأعمال والمتحدة وحتى السلام والرعاية والمناعي والمستثمرين .. بعضهم أسهم توزيعهم جيد وممتاز مثل المستثمرين والمناعي والرعاية

صراحة لو بعت كل اللي ذكرت وحطيت فلوسي في أسهم فيها خير كان أفضل بكثير وكنت عوضت كثير من السلبية ممكن من 17% أعوض حتى 7% أقل شيء

[معماري قطري]

إرتفاع القيمة السوقية مؤشر مهم نسيته 1.17 مليار وبنسبة 0.19945% سبحان الله نفس المؤشر تقريباً

[معماري قطري]

الشراء والسيولة الداخلة تفشل شكلهم بس يشتغلون في المزاد وبشوية فلوس من اللي يطلعونها في البيع قبل ويرقعون اللي يقدرون عليه .. محافظنا اشترت ب 1.35 مليون .. وأفراد الخليج شروا اليوم ب 0.2 مليون .. ومحافظ الخليج ب 0.5 مليون شوي تحتها .. وأخيراً أفراد العرب 4 مليون وأعلاهم .. مجموع 6.05 مليون بس من تداول 224,761,892.383 وبنسبة ضيئلة حول 2.69% صراحة إنجاز إن السوق أخضر ولو استمر الحال على هشكل بكرة ممكن يكون هبوط واحتمال يمسح الإرتفاعات البسيطة في يومين صراحة ارتفاعات هامشية

[القادم افضل]

ايش قصة السلام الي لاع امس 16 مليون رجع واشتراها اليوم

[alkaldi]

هل في نهايه لهالنفق المظلم اللي احنا ماشيين فيه
سوقنا يستاهل وضع احسن
على الاقل يكون عند 11000 نقطه نتمنى ترد له العافيه وتتحرك كل الأسهم اللي طال انتظارها
باقي عند سوقنا الكثير لان أنا متاكد قريب راح يفاجانا بطلعه محترمه تعوض السنوات اللي طافت
بس متى الله اعلم مافي إلا الصبر وبعده الفرج

[معماري قطري]

أمس أسواق اوروبا كلها مرتفعة ما عدا روسيا وأسواق أمريكا نفس الشيء وارتفاعات تسر الداو قرب ال 41000 وبيتعداها وقمة جديدة وقمته كانت من أيام حول ال 41200 سوق قطر كما له ويجيب القهر والفقر

[Abjalsulaiti]

أمس أسواق اوروبا كلها مرتفعة ما عدا روسيا وأسواق أمريكا نفس الشيء وارتفاعات تسر الداو قرب ال 41000 وبيتعداها وقمة جديدة وقمته كانت من أيام حول ال 41200 سوق قطر كما له ويجيب القهر والفقر

السوق صاير غير مرغوب من المحافظ الضخمه

المحافظ الاجنبيه تتخارج وتتوجه صوب الامارات والسعوديه

السبب الاكبر انكشاف البنوك على قروض معدومه بمبالغ ضخمه

الله المستعان

[معماري قطري]

السوق صاير غير مرغوب من المحافظ الضخمه

المحافظ الاجنبيه تتخارج وتتوجه صوب الامارات والسعوديه

السبب الاكبر انكشاف البنوك على قروض معدومه بمبالغ ضخمه

الله المستعان

عيل كل اللي يقولونه في النشرات الإقتصادية كلام .. قبل يقولون البنوك مضمونة من الدولة

[معماري قطري]

بقيمة تداول 272,087,180.452 زيادة عن قبل وغالبها هبوط غير في المزاد رقعوا الوضع شوي .. واضح استمرار محافظنا في السياسة العقيمة واللي هي بس المحافظة على الأخضر حتى لو بسيط .. شرت محافظنا ب 17.8 مليون وشروا معاهم المحافظ الخليجية ب 3.4 مليون والأفراد الأجانب ب 1.87 مليون بمجموع 23.07 مليون وبنسبة 8.479% نسبة أفضل من أمس بس ما حركت السوق

[معماري قطري]

الألمنيوم يسلم عليكم

2,479.00
+33.50
(+1.37%)


مدى يومي
2,420.00
2,507.00
مدى 52 أسبوع
2,124.00
2,740.00
عام

فيه حركة عليه ويتجه للهاي السنوي المسجل في 2018 والبالغ 2740 دولار وهو الأعلى على الإطلاق

الأسواق العالمية غالبيتها حمراء خفيف بعد ارتفاعات أمس القوية يشذ عنها الياباني اللي قريب من 2% إرتفاع والسعودي اللي 0.67% أخضر

[معماري قطري]

آسف الهاي السنوي مسجل هذي السنة لكن قمة أسعار الألمنيوم تسجلت في 2022 وصلت حدود فوق 3600 دولار بشوي .. 2400 على 3600 هابط للآن - 0.33 أو 33% هبوط من قمة سعره وهو هابط سوقياً من قمته 2.709 المسجلة في 2022 وباشوف لو سجل أعلى منها مع سعره الحالي 1.243 هبوطه 54% .. ما ندور قمته ندور الريالين وهي ممكنة ومعقولة

[مضارب جديد]

بورصة السعودية تداولات قربت ثمانية مليار
بورصة مصر تداولاتها اكثر من قطر


فيه شيء غلط كبير

[معماري قطري]

بورصة السعودية تداولات قربت ثمانية مليار
بورصة مصر تداولاتها اكثر من قطر


فيه شيء غلط كبير

إرتفاعات حلوة في السعودية

[معماري قطري]

اليوم تقريباً كل الفئات ساهمت في الشراء .. أفرادنا 7.7 مليون تحتها بشوي .. ومحافظنا 10.6 مليون والأفراد العرب 1 مليون .. والأفراد الأجانب 0.9 مليون .. بيع الخليجيين والمحافظ الأجنبية كان مؤثر مع إنه كقيمة بسيط جداً .. كله 20.2 مليون كان بسهولة ممكن يغلق السوق أخضر

نسبة السيولة الداخلة 20.2 لإجمالي التداول 277,189,082.871 يعادل 7.287% مضاعفتها كانت سهلة جداً

[alkaldi]

ورجع سوقنا لوضعه السابق وضع الثلاث سنين اللي طافت
اتوقع خلاص بنودع هالسنه نفس هالحال على امل باذن الله يكون الوضع احسن
2025

[معماري قطري]

ورجع سوقنا لوضعه السابق وضع الثلاث سنين اللي طافت
اتوقع خلاص بنودع هالسنه نفس هالحال على امل باذن الله يكون الوضع احسن
2025

لا تهتم طول ما انت مستعد ومتمركز صح في مجموعة أسهم تنفعك ومنها أسهم لها قفزات الحياة حلوة

طالع تاريخ تداولك وكل سهم شيطلع لك وشستفدت منه .. صحيح فيه أسهم في انحدار من زمان وتحت سعرنا بس هي تكميل وممكن نتقبل الخسارة في 1 منها وعندنا 3 أو 4 غيره يغطون .. مثل اللي عندك عدة بضائع مستحيل تبيعها كلها بربح شيء بتربح فيه وشيء بيخلص حتى ممكن قبل لينعرض وشيء بيروح وطره وبيبقى مخزن .. الأرباح النصفية غطت عندي ما يقارب 18% من ربحية العام ومتأمل هذي السنة أطلع ب 10% زود عن العام .. وكل اللي يهمني التدفق المالي السنوي يغطي احتياج واحد اللي هو البنيان على 3 سنين أو 5

[بوثاني الريان]

لا تهتم طول ما انت مستعد ومتمركز صح في مجموعة أسهم تنفعك ومنها أسهم لها قفزات الحياة حلوة

طالع تاريخ تداولك وكل سهم شيطلع لك وشستفدت منه .. صحيح فيه أسهم في انحدار من زمان وتحت سعرنا بس هي تكميل وممكن نتقبل الخسارة في 1 منها وعندنا 3 أو 4 غيره يغطون .. مثل اللي عندك عدة بضائع مستحيل تبيعها كلها بربح شيء بتربح فيه وشيء بيخلص حتى ممكن قبل لينعرض وشيء بيروح وطره وبيبقى مخزن .. الأرباح النصفية غطت عندي ما يقارب 18% من ربحية العام ومتأمل هذي السنة أطلع ب 10% زود عن العام .. وكل اللي يهمني التدفق المالي السنوي يغطي احتياج واحد اللي هو البنيان على 3 سنين أو 5

:ok::strong:victory:

[بوثاني الريان]

السوق بشكل عام مثل ماهو لاجديد مافي مصباح سحري بيقلب الاسعار فوق في الوقت الحالي ان شاء الله تتعدل الامور في الربع الاخير من 2024 او في الربع الاول 2025 ، الاستثمار في الشركات ذات العوائد شي طيب .

والله يوفقنا وياكمـ


نشوفكمـــ عشيه :pic:

[معماري قطري]

السوق بشكل عام مثل ماهو لاجديد مافي مصباح سحري بيقلب الاسعار فوق في الوقت الحالي ان شاء الله تتعدل الامور في الربع الاخير من 2024 او في الربع الاول 2025 ، الاستثمار في الشركات ذات العوائد شي طيب .

والله يوفقنا وياكمـ


نشوفكمـــ عشيه :pic:

بإذن الله الخير قادم إخوي بو ثاني وكله خير

المشي عرضي حلو بعد وإن شاء الله نشوف الصغار يتحركون اليوم الفالح فالح والله أعلم وين رايح وعندنا مزايا سعرها مغري وبإذن الله يستمر عليها الدخول والسلام متحرك والطبية رجعت تقول أنا هنا .. المؤشر حركته ولا شيء والقيمة السوقية هبوط 130 مليون يعني فعلياً ثبات أحمر خفيف

محافظنا شراء متواضع 4.3 مليون .. والأفراد الأجانب 1.2 مليون والأعلى شراء المحافظ الأجنبية 15.4 مليون .. كلها 20.9 مليون وبعد تحت ال 10% سيولة داخلة

[معماري قطري]

عندي ارتفاع 0.05918% بعد يعتبر ثبات

بعدين بنشوف التداول الأسبوعي شلون كان

[معماري قطري]

الشركات الأكثر ارتفاع اسبوعي أعلاها الفالح وما شفت حد متوقع لها ارتفاع هشكل قوي مع إنه كل الشركات متوقع لها ارتفاعات خصوصاً الهابطة ولو مضاربياً

https://i.imgur.com/s2sfHGj.png

عندي في الفالح كمية قليلة 20000 بس قلت بداية دخول ودخلت بسعر 0.71 وألحين حول 10 دراهم ربح .. ما اتوقع يواصل لكن كل شيء ممكن أتوقع يرسلون كتاب شعندهم غير الكتب والله أعلم وشو تحت الطاولة من تحذيرات .. ما يعرفون إن لكل شركة شلة تقتنيها وتساهم في رفع سهمها

قيمة التداول الاسبوعية 1,309,973,499.560 وكانت الأسبوع السابق 1,352,192,194.966 بنزول يزيد شوي عن ال 40 مليون .. ورسملة السوق كانت 586,311,780,223.790 واغلاق اليوم 585,179,575,408.770 بهبوط حول مليار و 200 مليون وبنسبة 0.193% وهذا يعتبر الهبوط الحقيقي ومؤشرات السوق غالبيتها خضراء وكذابة لا وبعضها مرتفعة 1%

https://i.imgur.com/OJjQUR9.png

شراء محافظنا يقترب من 48.5 مليون .. والأفراد العرب 0.45 مليون .. والأفراد الأجانب 1.4 مليون .. والمحموع 50.35 مليون من هذا التداول يعطينا نسبة دخول 8.6% تعتبر نسبة ضعيفة أتمنى توصل فوق 20% حتى نشوف تحرك حقيقي للسوق

أسهم حول أدنى سعر سنوي .. بنك لشا 1.294 تفصله أقل من 9 دراهم .. الإجارة 0.705 تفصلها ست دراهم وشوي .. دلالة 1.176 تفصلها 3.6 درهم .. قطر وعمان 0.730 تفصلها 2.1 درهم .. مهدام الرابضة 3.550 تفصلها درهم ونص .. التحويلية 2.532 تفصلها 5.4 درهم .. البطلة المستثمرين ما يفصلها شيء حققت قاع سنوي جديد 1.474 .. إهمال 0.777 تفصلها 4.3 درهم .. إستهتار الرابضة 1.862 تفصلها 4.3 درهم .. قامكو 1.251 وتفصلها 6.1 درهم .. العامة للتأمين 0.992 تفصلها 9.2 درهم .. إزدان 0.713 تفصلها 1.7 درهم .. مزايا 0.575 تفصلها 1.5 درهم

سبحان الله عندنا 13 شركة قرب قاع سنوي ووحدة حققت القاع

[alkaldi]

لا تهتم طول ما انت مستعد ومتمركز صح في مجموعة أسهم تنفعك ومنها أسهم لها قفزات الحياة حلوة

طالع تاريخ تداولك وكل سهم شيطلع لك وشستفدت منه .. صحيح فيه أسهم في انحدار من زمان وتحت سعرنا بس هي تكميل وممكن نتقبل الخسارة في 1 منها وعندنا 3 أو 4 غيره يغطون .. مثل اللي عندك عدة بضائع مستحيل تبيعها كلها بربح شيء بتربح فيه وشيء بيخلص حتى ممكن قبل لينعرض وشيء بيروح وطره وبيبقى مخزن .. الأرباح النصفية غطت عندي ما يقارب 18% من ربحية العام ومتأمل هذي السنة أطلع ب 10% زود عن العام .. وكل اللي يهمني التدفق المالي السنوي يغطي احتياج واحد اللي هو البنيان على 3 سنين أو 5

صحيح فنان بوعبدالله
بس المشكله في أسهم لا ارتفاع لا ارباح لا نتائج
بذمتك شنو وضعها هالاسهم

[معماري قطري]

صحيح فنان بوعبدالله
بس المشكله في أسهم لا ارتفاع لا ارباح لا نتائج
بذمتك شنو وضعها هالاسهم

صحيح طال عمرك

لو بنحط 2022 سنة مرجعية للإرتفاعات ونشوف أعلى سعر وصل له السهم ذيك السنة بنشوف فرق كبير رسملة السوق تسجل في نهاية السنة وكانت 608,215,903,282.990 وإحنا ألحين 585,179,575,408.770 وهذا مع زيادة عدد شركات السوق وأسهم الشركات .. دخلت مقدام وميزة والفالح والمحار وشركة ما اذكرها .. وسنة 2022 شهر 4 كانت رسملة السوق 760,719,761,719.600 يعني فقد بنهاية السنة 152 مليار ريال بسبب بيع محافظنا المستمر والقوي وقتها حيث بيعها وصل على ما اذكر فوق 10 مليار .. 10 مليار نزلت قيمة السوق 152 مليار هذا استهتار ونحاسة .. نهاية شهر 5 كانت قيمة السوق 732,870,757,494.090 في هبوط ومع الزيادات المفروض سوقنا يستحق قيمة سوقية أكبر بكثير من 700 مليار .. 115 مليار لحين سوقنا تحت خل نقول القيمة المستحقة التقريبية وبنسبة هبوط بعد تقريبية 16.428%

نرجع للأسهم ال 13 اللي قرب القاع السنوي لهذي السنة ونشوف قمتها السنوية في 2022 كم كانت .. مزايا بداية لأنها الأقل سعر في السوق كانت قمتها 0.975 وقاعها 0.695 .. ومزايا سهم مدمر مقصوف قصف داخلي بعدم إدارة الشركة إدارة مهنية مع إنهم عقاريين ومهندسين ومدراء مشاريع سعرها الحالي 0.575 ووصلت من أيام 0.56 ولو نشوف أدنى 2020 عز كورونا 0.510 وإحنا قريبين من السعر بس في نفس سنة كورونا وصل السهم 1.336 وكان إغلاق السنة 1.263 سعر زين وسوالفهم ذي خاشينها ما علموا بها حد قضايا جارية لها سنين

ثاني سهم عندنا السلام نزل سعره وايد في 2020 لين 0.21 وإرتفع ل 0.715 وإغلاق السنة كان قريب من السعر المرتفع بس وقتها 2020 دخلت ال 10 مليار سوت جو رومنسي للسوق .. في 2022 وصل السلام 1.139 كان سعر ولا في الأحلام .. وفي هذي السنة شوفة عيونك فاقد كثير مع إنه يوزع ويربح

الغريب سهم المستثمرين .. كان في 2022 واصل 2.685 ونازل لخانة 1.6 الخميس حقق قاع جديد خلال الخمس سنين اللي فاتت مع إن توزيعه سنتين وراء بعض 15 درهم ويعتبر الأعلى كنسبة

وشي أوجه الشبه في هذي الأسهم ال 13 .. تقريباً كلها شعبية ومضاربية أكثر منها استثمارية .. مقدام سهم غريب وجديد وزاد راسماله بتوزيع مجاني كم مرة بس بعد يعتبر شعبي

بإذن الله تستوي حركة على السوق ونصيحتي للمستثمر تمركز عدل وللمضارب انسى المضاربة شوي ولا تضارب بخسارة

[معماري قطري]

اللي خذ السلام حط فيه مليون ريال بسعر 0.21 وأذكره قبع فترة حول هذا السعر يقول أرجوكم تبنوني .. وباعه في قمة 2022 إستثمار سنتين بيكون طلع قريب من 5.4 مليون

[alkaldi]

كل شي مولع بالعالم
إلا سوقنا باذن الله نتمنى قريب يلحق بالعالم

[معماري قطري]

تذكر في عز التشاؤم يحلو اقتناص الفرص

إيران وسوالفها معروفة وأمريكا الجلاد الكبير وقصاب الأطفال مستعد هم لازم يحسبونها بحذر وأي عملية لازم تكون مدروسة صح وما توصل لضربة أمريكية قوية .. ممكن لو بيسوون شيء عملية خاطفة في دولة عربية أو في دولة فيها تواجد صهيوني واحتمال سفارة أو قنصلية يفجرونها وإحتمال يطردون اليهود اللي في ايران .. هذا يعتبر الهاجس الأكبر ألحين بس نفكر فيها صح حتى لو الحرب قايمة صدقوني الفلوس ما بتسوي شيء والأصول بتكون فرصة .. نخلي شوية فلوس للفرصة والا نشتري السهم اللي متأملين فيه خير بعد هدوء الرياح

[MBY98]

انتهت فترة الاعلانات والتوزيعات و المفروض يكون وقت الاسهم المضاربية

شفنا دخول مضاربي قوي في الفالح وشكله هامور خطير، حتى مع البيع المطلع علق السهم لمت اب على الاغلاق.

[معماري قطري]

انتهت فترة الاعلانات والتوزيعات و المفروض يكون وقت الاسهم المضاربية

شفنا دخول مضاربي قوي في الفالح وشكله هامور خطير، حتى مع البيع المطلع علق السهم لمت اب على الاغلاق.

من يشتري فيه ما يبين؟

طلع ميه من تحت تبن مثل ما يقولون المصريين

عندي فيه شويونة والحين ربح 25% .. شيء حلو والله يغفر للوالد فالح بن ناصر كان من أطيب شيابنا وصديق كبير لوالدي رحمة الله عليه مع إن والدي كان صديق مقرب حق ناصر بن فالح الله يرحمه كذلك

[معماري قطري]

اليوم يوم حلو بالنسبة لي وربحية أسهمي 0.50285% أكيد بفضل مجهود الولد البار الخليج الدولية كقيمة سوقية ثم فودافون ثم مزايا ( سبحان مغير الأحوال ) ثم الرعاية .. الفالح يجي مرتبة متأخرة بسبب قلة أسهمه عندي بس محلي المحفظة هو والمحار اللي دخلت فيه بزود مؤخراً ووصل عندي ربحه +24.55% نشوف من اللي يسبق لل 50% المحار والا الفالح

أعمال اشتغلت بس على خفيف .. السلام اللي في حبه ما انلام ما له نية يتحرك للأمام .. هشكل السوق ونيس وفيه أكشن وأكسيون مثل بعض اللهجات

المؤشر هذا شغله محكور بين 10000 و 10200 لهم نظرة أصحاب الكرفتات .. اليوم محافظنا شارين بس ب 13000 تحتها بشوي بعد .. وأفرادنا شكلهم يلحقون الفالح ألحين استوى رخيص عندهم .. هبة مثل الجيتور .. اليوم شارين بحدود 6.2 مليون .. الأفراد الخليجيين 0.14 مليون شراء على الأقل عشر أضعاف محافظنا اللي تفشل .. والمحافظ الخليجية 1.4 مليون شراءها والأفراد العرب 1.1 مليون شرائهم .. والأجانب 1.3 مليون شرائهم .. الكل يشتري الا المحافظ الأجنبية بيع 9.75 مليون تقريبا الشراء من تداول 252 مليون والنسبة للدخول 3.87% وايد ضعيفة

[alkaldi]

تذكر في عز التشاؤم يحلو اقتناص الفرص

إيران وسوالفها معروفة وأمريكا الجلاد الكبير وقصاب الأطفال مستعد هم لازم يحسبونها بحذر وأي عملية لازم تكون مدروسة صح وما توصل لضربة أمريكية قوية .. ممكن لو بيسوون شيء عملية خاطفة في دولة عربية أو في دولة فيها تواجد صهيوني واحتمال سفارة أو قنصلية يفجرونها وإحتمال يطردون اليهود اللي في ايران .. هذا يعتبر الهاجس الأكبر ألحين بس نفكر فيها صح حتى لو الحرب قايمة صدقوني الفلوس ما بتسوي شيء والأصول بتكون فرصة .. نخلي شوية فلوس للفرصة والا نشتري السهم اللي متأملين فيه خير بعد هدوء الرياح

بوعبدالله التشاؤم وصل حده احاول اسوي نفسي متشائم اكثر من اللازم بس ماضبطت الامور
هو صحيح بناء وتأسيس وعمل قيعان بس طول الوضع واحنا مالنا إلا الصبر
مرحلة السوق في البناء والتأسيس يمكن والله اعلم على وشك خلاص اعتقاد
عند امل في الله ثم في سوقنا بيفاجانا وراح نندم على هالاسعار مثل ايام كورونا
وبعدها نرد على هالحال القفزه الجايه للسوق لازم الواحد يستعد لها ويستغلها لان بعدها سنوات بنرد على نفس هالحال والله اعلم عاد متى تكون القفزه الله كريم

[معماري قطري]

بوعبدالله التشاؤم وصل حده احاول اسوي نفسي متشائم اكثر من اللازم بس ماضبطت الامور
هو صحيح بناء وتأسيس وعمل قيعان بس طول الوضع واحنا مالنا إلا الصبر
مرحلة السوق في البناء والتأسيس يمكن والله اعلم على وشك خلاص اعتقاد
عند امل في الله ثم في سوقنا بيفاجانا وراح نندم على هالاسعار مثل ايام كورونا
وبعدها نرد على هالحال القفزه الجايه للسوق لازم الواحد يستعد لها ويستغلها لان بعدها سنوات بنرد على نفس هالحال والله اعلم عاد متى تكون القفزه الله كريم

والله شقول لك انا الكاش اللي عندي يعادل 5% تقريباً من الموجود في السوق ومخليه للبنيان وبيجي التوزيع بعد بيساعد للإستكمال والا كان ما تأخرت دخلت غالبيته في السوق وخليت شوي احتياط وبعد للسوق .. هشكل مكتفي أفضل لي بس السوق صج صج مغري .. أوقات أقول بادخل سهم وباطلع سرعة بس عارف نفسي من ادخل فلوس خلاص من سهم لين سهم

[MBY98]

من يشتري فيه ما يبين؟

طلع ميه من تحت تبن مثل ما يقولون المصريين

عندي فيه شويونة والحين ربح 25% .. شيء حلو والله يغفر للوالد فالح بن ناصر كان من أطيب شيابنا وصديق كبير لوالدي رحمة الله عليه مع إن والدي كان صديق مقرب حق ناصر بن فالح الله يرحمه كذلك

الله يرحمهم ويغفرلهم،

اتوقع فيه هامور يا معماري لكن مب طالع شي في النشرات، لانه 40٪ في 4 ايام مايسوونها افراد
لكن شكله حتى بيع المطلعين مب هامه
الله يوفق الملاك

[معماري قطري]

بوعبدالله التشاؤم وصل حده احاول اسوي نفسي متشائم اكثر من اللازم بس ماضبطت الامور
هو صحيح بناء وتأسيس وعمل قيعان بس طول الوضع واحنا مالنا إلا الصبر
مرحلة السوق في البناء والتأسيس يمكن والله اعلم على وشك خلاص اعتقاد
عند امل في الله ثم في سوقنا بيفاجانا وراح نندم على هالاسعار مثل ايام كورونا
وبعدها نرد على هالحال القفزه الجايه للسوق لازم الواحد يستعد لها ويستغلها لان بعدها سنوات بنرد على نفس هالحال والله اعلم عاد متى تكون القفزه الله كريم

شلون التفاؤل اليوم؟ انا فل تفاؤليشن من شفت محافظنا تضخ فلوس من 9200 لين 10000 وخردة وانا متوقع لهم استراحة أو يجي غيرهم ويستلم لازم يعتدل السوق .. هم كانوا علة السوق ببيعهم الجائر والمستمر وألحين هم دواء السوق .. تأكد سوقنا يمشي بالأمر وأوقات قليلة تشيله تداولاته واستحقاقاته

[معماري قطري]

الله يرحمهم ويغفرلهم،

اتوقع فيه هامور يا معماري لكن مب طالع شي في النشرات، لانه 40ظھ في 4 ايام مايسوونها افراد
لكن شكله حتى بيع المطلعين مب هامه
الله يوفق الملاك

الله يرحم والديك .. لو يبين ممكن اليوم في نسبة ال 5% شيكت ما فيه تغيير في نسب كبار الملاك يوم أمس وما ادري من يقول جهاز الإستثمار النرويجي داخل فيه هذا في الجلسة والله أعلم من وين عارف المعلومة

[معماري قطري]

اليوم الفالح هدأ اللعب شوي .. الغريبة الأكثر هبوط مقدام وشكلها بيجيها الدور والا بعد وراها شيء تعودنا على هالسوالف ولله الحمد عندي مناعة ورابح فيها كثير توزيعات وأسهم مجانية واكتتاب حتى للحين ما دخلت الأسهم الباقية في المحفظة ما ادري شكثر عندي بالضبط ولا ادري كم المعدل بس حول الريالين أتوقعه

[مضارب دوسري]

بوعبدالله ركز على لشا
وباذن الله مع الصبر بتجيب همجه حلوه

[معماري قطري]

التداولات اليوم غريبة .. الكل يبيع وبشكل قليل الا المحافظ الأجنبية شراء بنسبة فوق 13.5% ودخول جيد بحدود 49 مليون ريال .. الأكثر تداول أفرادنا وهم أتوقعهم الأكثر بيع 30.4 مليون ونسبة 8.4% .. محافظنا مهديين التداول والبيع بحدود 2.9 مليون .. والخليجية تقترب من 8 مليون والافراد الأجانب 4 مليون والعرب شوي تحت 2 مليون والخليجيين حول مليون و 600 ألف

الأسواق المرتفعة في العالم .. الصيني
Hang Seng
17,798.73 17,826.05 17,709.27 +186.63 +1.06%


والروسي مبدع


MOEX
2,776.96 2,779.93 2,726.98 +114.49 +4.30%
07:46:15
RTSI
955.01 956.03 937.82 +39.37 +4.30%

ما تلاحظون السوق الروسي ينقلون معلوماته للحين مع الحرب القائمة وبورصة قطر أزالوها بسبب لغوة وكلام فاضي أيام حصار العار

[معماري قطري]

بوعبدالله ركز على لشا
وباذن الله مع الصبر بتجيب همجه حلوه

جزاك الله خير

متمركز فيه وبكمية حول 500000 وسعري عالي فيه 2.1 ما علي من المكتوب ألحين حاسبها قبل الخساير اللي وزعوها علينا .. الفلوس فيه وقف لعبوا فيها مجالس الادارات ولا خذنا شيء

[alkaldi]

شلون التفاؤل اليوم؟ انا فل تفاؤليشن من شفت محافظنا تضخ فلوس من 9200 لين 10000 وخردة وانا متوقع لهم استراحة أو يجي غيرهم ويستلم لازم يعتدل السوق .. هم كانوا علة السوق ببيعهم الجائر والمستمر وألحين هم دواء السوق .. تأكد سوقنا يمشي بالأمر وأوقات قليلة تشيله تداولاته واستحقاقاته
اليوم لا التفاؤل شوي قصدي التشاؤم لحد يسمع عشان مايخترب الوضع
خلنا نكون متشائمين عشان يكون العكس
اليوم الحركه للأسهم الصغير عطت امل انه ممكن تبدا تتحرك والا اول متا تتحرك او تفكر تتحرك يصير العكس
بس باذن الله القادم حلو وممتع للجميع

[بوجبر]

السلام عليكم ورحمة الله وبركاته

[بوجبر]

امسكو اسهمكم


هناك طوفان قادم إلى الأعلى ان شاء الله بقيادة الطبقة المتوسطة والكادحة بمناسبة اول الشهر ههههههه

[ابو عبده]

اليوم لا التفاؤل شوي قصدي التشاؤم لحد يسمع عشان مايخترب الوضع
خلنا نكون متشائمين عشان يكون العكس
اليوم الحركه للأسهم الصغير عطت امل انه ممكن تبدا تتحرك والا اول متا تتحرك او تفكر تتحرك يصير العكس
بس باذن الله القادم حلو وممتع للجميع

والله لو عملت ايه .... هم كدة كدة ..(انت فاهم)

[معماري قطري]

امسكو اسهمكم


هناك طوفان قادم إلى الأعلى ان شاء الله بقيادة الطبقة المتوسطة والكادحة بمناسبة اول الشهر ههههههه

يا حلو طلتك يا بو جبر مع أول الشهر

[بوجبر]

يا حلو طلتك يا بو جبر مع أول الشهر


حبيب قلب الجميع بوعبدالله

[معماري قطري]

اليوم لا التفاؤل شوي قصدي التشاؤم لحد يسمع عشان مايخترب الوضع
خلنا نكون متشائمين عشان يكون العكس
اليوم الحركه للأسهم الصغير عطت امل انه ممكن تبدا تتحرك والا اول متا تتحرك او تفكر تتحرك يصير العكس
بس باذن الله القادم حلو وممتع للجميع

السوق لين حب يرتفع ما بيسمع كلام حد والا راي حد ما تدري ممكن المحافظ الأجنبية اللي كانت تبيع وشرت فجأة هي نفسها المحافظ الوطنية بس تشتغل من برا كله تبادل أدوار واضح .. اليوم الأسواق العالمية كلها مهدية الا سوق موسكو والهانغ سنغ مرتفع 1.06% .. خل نشوف مؤشرات سوقنا المهمة كلها كم

العام 1.160% وهذا يعني سوقنا رقم 2 في الإرتفاعات عالمياً الله يزيد ويبارك .. المؤشر الأعلى البنوك 1.520% وكم بنك موزع بس ارتدوا سرعة للأعلى .. والأقل الإتصالات 0.500% .. أما مؤشرات سوقنا العالمية
QE General 10,222.81 10,222.81 10,103.80 +117.48 +1.16% 06:59:59
FTSE NASDAQ Qatar 10 6,030.42 6,030.42 6,030.42 +77.07 +1.29% 06:59:59
QE All Shares 3,629.80 3,629.80 3,585.86 +43.53 +1.21% 06:59:59

الأعلى أسهم فوتسي العشرة والله أعلم هبوط واضح في الأسواق العربية في غالبيتها .. هل معناه سوقنا مغري أكثر ورايح لفوق أكثر هذا المتوقع والمتأمل بإذن الله نخلص أقل شيء سلبية السنة لازقة وكأنها وصمة عار باقي منها 5.61% بعدين معليش ريحوا شوي عرضي لين بعد اعلانات الربع الثالث ونبغيها اعلانات مغرية ومهنية وفيها استطلاع ووعود لكيفية التوزيعات .. التوزيعات هي وقود السوق والمصداقية والوضوح

[معماري قطري]

حبيب قلب الجميع بوعبدالله

وإنت كذلك وجميع الإخوان :nice:

[معماري قطري]

تيوس داي معروف ما مر أخضر لازم يترك بصمة .. بالنسبة لي الهبوط 0.195% الحمد لله أقل من المؤشر وغالب الهبوط من الدولية .. بعدين صناعات وبعدين وقود وبعدين مزايا .. الأكثر ارتفاع اليوم كقيمة سوقية عندي بالترتيب لشا وقامكو والمستثمرين وبروة والمتحدة .. هبوط القيمة السوقية الإجمالية كان 1.47 مليار ريال وبنسبة 0.248% وهبوط المؤشر كان 0.33% هبوط أعلى من الجميع

الفالح اليوم طايح ولا لحقت أبيعه بس سهل يرجع وسهل يواصل حتى للأرقام السابقة له .. باقي فيه نسبة ربح +19.62% .. شكلي بابيعه وبتجه حق الحب القديم الطبية شكلها ناوية تسعفنا

[معماري قطري]

خلونا نبدأ بأكثر الفئات بيع اليوم .. كانت المحافظ الأجنبية 21.7 مليون ريال .. بعدها أتوقعهم أفرادنا 9.3 مليون .. البقية كلهم شراء منهم محافظنا 4.4 مليون متحفظين شوي .. ومنهم أفراد الخليج 0.2 مليون .. وبعد المحافظ الخليجية 5.1 مليون على الأقل دخولهم أفضل من محافظنا .. ومنهم الأفراد العرب 8.8 مليون .. وأخيراً الأفراد الأجانب 2.6 مليون .. نسبة الدخول للسيولة للتداول حول ال 7.5% وايد أقل من أمس

[بوجبر]

تداول يجيب اللوعة


القروش جاهزة عبارة عن ثلاث أرانب بس وين القلب الجامد

[mubarak2006]

السوق حلو زين .. بس انت بوجبر يبي لك تشرب شاي وتدوخ جيكاره عشان سوق يصير زين

[معماري قطري]

تداول يجيب اللوعة


القروش جاهزة عبارة عن ثلاث أرانب بس وين القلب الجامد

من ايام كانت الخليج الدولية 3.1 ريال وشكلها وصلت تحت لو حاط فيها الثلاث أرانب بتطلع لك أقل شيء بمكسب 5% لو تسعى للمكسب السريع 5 في ثلاث ارانب 150000 ريال تشتري بها جزرات للأرنبات

[معماري قطري]

والا تشتري لك جي تور وبتروله بعد لسنة في المخبى وبعد بيزيد الكاش

[alyahri]

إذا حجم السيوله والتداول بهذه الطريقه الحذر واجب للمظارب اما المستثمر لفترات طويله بيعيد

[معماري قطري]

إذا حجم السيوله والتداول بهذه الطريقه الحذر واجب للمظارب اما المستثمر لفترات طويله بيعيد

اليوم زود سيولة وزود ضغط بيعي .. أمس الكل يشتري بس المحافظ الأجنبية تبيع اليوم أتوقع أبطال البيع كثيرين أولهم أفرادنا .. أي سهم يرتفع يوم ينباع ثاني يوم ويجني ربح الا الفالح بقى فترة وقبله الطبية وبعد ودام ونوعاً ما ميزة .. هذي أسهم مضاربية تكره الأحمر وتحب تتوغل في الأدغال الخضراء .. أشوف بلدنا بدت تنضم لهم

[معماري قطري]

سبحان الله كلش ما توقعت هذا التداول اليوم .. الشراء غالبيته من محافظنا جاهدت .. 29.6 مليون .. ثم يجون أفرادنا 17.2 مليون تقريباً .. وبعدين الافراد العرب 4 مليون .. والأفراد الأجانب شراء حول 2.1 مليون والأفراد الخليجيين نفس القيمة شرائهم كذلك.. نسبة الشراء قرب ال 10% وهذا شيء زين واستغلال للي مسوين مزاد بيعي


اللي باعوا أكثر شيء المحافظ الأجنبية 54 مليون تحتها بشيء بسيط .. والمحافظ الخليجية 1.1 مليون .. المحافظ العربية بيعها تحت 0.1 مليون 88 ألف حولها .. يعني قيمة السيولة الداخلة حول 55.1 أو 55.2 تحتها بشوي .. ونسبة السيولة للتداول 12.79% ولو مشينا على هذي النسبة بكرة والبيع شوي خف من الأجانب ممكن نشوف أخضر غامق بكرة .. السوق فيه رغبة في الشراء وهذا يوضح في المزاد بس نتمناه يوضح خلال التداول

[معماري قطري]

السيولة اللي رفعت السوق من قاعه الأخير 9200 الى 10200 وكان مخترقها من أيام كانت 700 مليون ومن محافظنا في الغالب تقريباً 95% يشاركونها أوقات قليلة ناس ثانيين .. جات على ما يقارب الشهرين 8 أسابيع و 40 يوم عمل وبمعدل 17.5 مليون يومياً .. ألحين اليوم سيولة مجتمعة 55 مليون ما قدرت تحرك السوق صح .. فيه خلل وخلل غريب

[بوجبر]

تدبس معتبر بسبب بيع الأجانب


وايد يكسرون خاطري المحافظ

[بوثاني الريان]

لا جديد السوق مثل ماهو وبيتم مثل ماهو إلى إشعار آخر .


:playball:

[بوثاني الريان]

وضع الداو جونز حاليا مرتبط بالانتخابات القادمة احتمال يوصل 44 الف وبعدها ... ياليل ماطولك

يتبع شهر 11

[معماري قطري]

تدبس معتبر بسبب بيع الأجانب


وايد يكسرون خاطري المحافظ

لتنسى غالب شرائهم فوق 11 و 12 الف نقطة ووايد كان بين 13000 والقمة .. وهم شغلهم صفقات تحصلهم يوم يبيعون وبيع كبير تقول ذيلا أمس شارين بغالي وهم تحصلهم بايعين صفقات قديمة طالعة عليهم برخيص والغالي للحين ما جاء وقته .. كنك رايح دكان غلوم تبي تشتري شبس عمان خاش الجديد اللي شاريه توه ويحاول يبيعك القديم .. نفس الخطة يسوونها كارفور وإخوانهم يخشون الجديد وراء ويحطون القديم جدام

بدال ما عندك 10 أسهم لكل سهم معدل شراء فوقه تربح وتحته تخسر لو مسجل الصفقة اللي شريت فيها بسعر مثلاً 1.02 ريال لسهم وبعدين نفس الوقت حصلت السهم ب 0.7 ريال وشريت ورحت بعت الصفقة اللي شريتها قبل يكون عندك من السهم سهمين ( تجاوزاً ) بعت المخزن ورابح فيه وخذت الجديد برخيص وبتنتظر دوره .. من العشر أسهم تقدر تسوي مئات الصفقات ولكل صفقة سعرها الخاص وكميتها الخاصة

[معماري قطري]

وضع الداو جونز حاليا مرتبط بالانتخابات القادمة احتمال يوصل 44 الف وبعدها ... ياليل ماطولك

يتبع شهر 11

هي ما جات على الداو وبس أسواق وايد قرب قمتها وسوقنا وايد بعيد وله فترة يقاتل على البقاء عرضي

[بوجبر]

اللي مايبيع ويشرد مع المحافظ الأجنبية متى راح يبيع؟؟؟

[Abjalsulaiti]

اللي مايبيع ويشرد مع المحافظ الأجنبية متى راح يبيع؟؟؟

المحافظ الاجنبيه كانت تشرد من الوطني على 13 والمصرف 17

كان شردت معاهم ههههههههه

[alyahri]

اتوقع اسم المرحله جنت على نفسها براقش

[معماري قطري]

سبحان الله كلش ما توقعت هذا التداول اليوم .. الشراء غالبيته من محافظنا جاهدت .. 29.6 مليون .. ثم يجون أفرادنا 17.2 مليون تقريباً .. وبعدين الافراد العرب 4 مليون .. والأفراد الأجانب شراء حول 2.1 مليون والأفراد الخليجيين نفس القيمة شرائهم كذلك.. نسبة الشراء قرب ال 10% وهذا شيء زين واستغلال للي مسوين مزاد بيعي


اللي باعوا أكثر شيء المحافظ الأجنبية 54 مليون تحتها بشيء بسيط .. والمحافظ الخليجية 1.1 مليون .. المحافظ العربية بيعها تحت 0.1 مليون 88 ألف حولها .. يعني قيمة السيولة الداخلة حول 55.1 أو 55.2 تحتها بشوي .. ونسبة السيولة للتداول 12.79% ولو مشينا على هذي النسبة بكرة والبيع شوي خف من الأجانب ممكن نشوف أخضر غامق بكرة .. السوق فيه رغبة في الشراء وهذا يوضح في المزاد بس نتمناه يوضح خلال التداول

توقعي جاء في محله وكانت فيه رغبة لرفع السوق والسوق بإذن الله مواصل ما لم تحدث مؤثرات خارجية وهذا آخر يوم في الأسبوع والشهر والنوايا واضحة

16,058
الصفقات
15,867
الصفقات
153,069,185
الحجم
181,361,878
الحجم
586,103,068.882
القيمة
431,530,270.014
القيمة
591.64 مليار
القيمة السوقية
587.39 مليار
القيمة السوقية
35
مرتفع
14
منخفض
5

الغريب الشركات المنخفضة غالبها شركات جيدة وارتفعت شوي قبل وكأن لازم يصير جني أرباح وشيء مفروض خصوصاً وقود .. حتى تحليلات السهم ايجابية .. والفالح ما ندري وين رايح زين بعته وتوجد نوايا للشراء أو شراء الطبية .. المستثمرين وكأنها في قمة وهبوطها مستمر ومريب وغريب شالمخشوش عنا الله أعلم يذكرني بسهم الخليج الدولية أيام الهبوط الكبير ولا كنا ندري شسالفته وسهم الريان كذلك .. باقي 5 أسابيع في آخرها قد تبدأ إعلانات الربع الثالث سبحان الله تقارب الزمان عجيب وسريع

بالنسبة لأسهمي ارتفاعها بسيط لا يقارن بالمؤشر نهائياً 0.1138% والمؤشر 0.65% والسوق أضاف 4.25 مليار للقيمة السوقية بنسبة 0.72% مستغرب ليش ارتفاع أسهمي هشكل متواضع فيه غلط ممكن .. عندي هبوط كبير في وقود والمستثمرين وقامكو وكلها أسهم تعطي اثنين منهم وزعوا نصفي وزين بس أسهم مؤثرين .. المهم المحصلة ارتفاع هذا الأسبوع ولو دون المتأمل والله يجيب الخير

[بوجبر]

المحافظ الاجنبيه كانت تشرد من الوطني على 13 والمصرف 17

كان شردت معاهم ههههههههه

خلاص لاتزعل السوق في احسن حالاته :playball:

[معماري قطري]

خلاص لاتزعل السوق في احسن حالاته :playball:

دوم قارن السوق بقاع وصله هذي السنة 9200 وقاع ظالم انا اعتبره في عز ارتفاعات الأسواق واقتصادنا مبشر وعندنا فائض شهري هذا الشهر 20 مليار ريال ربعها كفيل يطير السوق .. وألحين 10200 1000 على 9200 تعطينا نسبة 10.869% مب شوي .. صحيح من جانب ثاني باقي سلبية للسنة تعادل 5.79% وهذي مقدور عليها بسهولة لتنسى السلبية تعمقت لفوق 16% وتقلص منها الكثير .. لا تنسى فلوسك اللي في الأسهم بداية السنة عطتك بحدود حسب سعر شرائك من 3% لفوق 5% وحتى للبعض عطتهم 100% حسب أسهمهم وسعر الشراء .. انا لي حول 3.5% ككل وعندي بين 3 و 5 نعمة ولله الحمد لأن محفظتي فيها أسهم فاشلة وما توزع كثيرة والناجح يشيل الفاشل

[معماري قطري]

الغريب والمستغرب محافظنا تبيع اليوم 14.7 مليون بيعها .. المفروض يزيدون الشراء ويحركون السوق أفضل .. وأفرادنا 8.8 مليون بيع .. والمحافظ الخليجية 26.6 مليون بيع .. والأفراد الخليجيين 0.8 مليونبيع والافراد العرب 3.8 مليون بيع والافراد الأجانب 5.2 مليون بيع


اللي يشترون بس المحافظ الأجنبية 58.7 مليون .. سيولة داخلة للشراء .. هم رضخوا السوق أمس وهم رفعوه اليوم وبنفس النسبة تقريباً 58.7 لسيولة التداول تعادل 10% وشويات صغيرونة .. شيء مستغرب هم الوحيدين يبيعون أمس وهم الوحيدين يشترون اليوم

[مضارب دوسري]

علمت cnbc عربية أن بورصة قطر ستبدأ بتعديل ألية عمل مزود السيولة اعتباراً من يوم الأحد 1 سبتمبر أيلول القادم



وأوضح مصدر مطّلع أن التعديل الجديد سيصب في مصلحة أطراف العلاقة "الشركات و مزود السيولة و المستثمر على حد سواء"، و بما يضمن تحقيق عدالة التداول.

وأضاف المصدر أن التعديلات ستحل مكان النسخة السابقة من طلب تقديم نشاط مزود السيولة في بورصة قطر، وأنها ستكون أكثر مرونة في الحالة التعاقدية بين الشركات و مزود السيولة، و تنسجم مع متطلبات السوق، على ان يتم مراجعة تلك الالتزامات بشكل نصف سنوي.

[معماري قطري]

زبدة الموضوع بيجربون فينا نص سنة يا تخيب يا تخيب

[ابو عبده]

علمت cnbc عربية أن بورصة قطر ستبدأ بتعديل ألية عمل مزود السيولة اعتباراً من يوم الأحد 1 سبتمبر أيلول القادم



وأوضح مصدر مطّلع أن التعديل الجديد سيصب في مصلحة أطراف العلاقة "الشركات و مزود السيولة و المستثمر على حد سواء"، و بما يضمن تحقيق عدالة التداول.

وأضاف المصدر أن التعديلات ستحل مكان النسخة السابقة من طلب تقديم نشاط مزود السيولة في بورصة قطر، وأنها ستكون أكثر مرونة في الحالة التعاقدية بين الشركات و مزود السيولة، و تنسجم مع متطلبات السوق، على ان يتم مراجعة تلك الالتزامات بشكل نصف سنوي.

وده هيبقى احسن من اللى فات ولا اسوأ

[مضارب دوسري]

زبدة الموضوع بيجربون فينا نص سنة يا تخيب يا تخيب
الخطه كالتالي

اذا ارتفع السوق نمدحهم

واذا عقب رد ينزل بنقول لهم ماعجبتنا الخطه غيروها

[القادم افضل]

الخطه كالتالي

اذا ارتفع السوق نمدحهم

واذا عقب رد ينزل بنقول لهم ماعجبتنا الخطه غيروها

ههههه خطة واضحة تم

[alyahri]

وين الارتفاعات التي يتم التغني بها امثله اجاره / الفالح / قطر عمان / السلام / مسيعيد /اعمال / ازدان / استثمار / مزايا// الريان /قامكو / لشا وغيرها من الاسهم

[معماري قطري]

وين الارتفاعات التي يتم التغني بها امثله اجاره / الفالح / قطر عمان / السلام / مسيعيد /اعمال / ازدان / استثمار / مزايا// الريان /قامكو / لشا وغيرها من الاسهم

الفالح تحرك من 0.614 إلى 0.875 وهو سعر الخميس + 0.261 وبنسبة 42.508% .. الإجارة تحركت من 0.647 كأدنى سعر للسنة الى سعر الخميس اللي وصل ل 0.724 وبقيمة + 0.077 وبنسبة 11.90% .. السلام تحرك من 0.577 الى سعر الخميس 0.700 بارتفاع 0.123 ونسبة ارتفاع + 21.317% .. مسيعيد أغلق 1.650 ومن كم يوم كات 1.502 وإرتفع 0.148 وبنسبة 9.85% ووزع 0.027 ريال هذي تعادل لأدنى سعر 1.7976% يعني مجازاً ربح السهم من أدنى سعر للحين 11.6476% ولشا تحرك من 1.209 الى اغلاق الخميس 1.343 بارتفاع 0.134 ونسبة 11.08%

كل الأسهم اللي ذكرتها تحركت ومتأكد من هذا الشيء .. بس إحساسك وإحساسي وإحساس الكثيرين غيرنا إن السوق مضغوط من أسعار أعلى واللي مثلي ماخذ بأسعار أعلى ومتعلق ما يرضيه أي إرتفاع تحت سعره .. ببساطة ما يحسب الإرتفاع ولو داخل بصفقات جديدة وحاسبها بيحصل ربحه خيالي خصوصاً لو ركز على سهم مثل الفالح

[معماري قطري]

أكيد ما انكر السوق ضعيف وخانق الغالبية والسبب مزود السيولة والكل يبيع ويزيد التنزيلات بنية يخسر الثاني ويصيد السهم من تحت بفرقية حلوة ويبيعه فوق وقت يرتد بربح أعلى .. حولوا سوقنا بسياستهم هذي لمضاربي بإمتياز

من مزودي السيولة وشكثر يربحون؟

هم البنوك ياكلون اليابس والخضر وشركات الوساطة والمحافظ خصوصاً الوطنية اللي تملك سيولة كبيرة وأسهم كثيرة

في النهاية سوقنا مكروه استوى للكثيرين لكن محبوب لهذي الفئات الرابحة فيه .. عندنا من إخواننا السامر والقيصر وغيرهم كثيرين أكيد ذيلا يعرفون يتداولون ويقتنصون السهم في أسوأ حالاته .. السامر وعتيق اللي استوى ما يبين الا قليل غامضين ما يعلمون شخذوا .. يذكروني بوليد ولؤي اللي يدرسون ليل نهار ولا يغششون بعدين يطلعون جايبين 99% ما عندنا الا القيصر يعلم طالب نشيط ويحب يساعد بقية الطلاب .. السامر يعلمنا شلون نعتمد على نفسنا

خلونا ألحين نخمن من السهم اللي طايح حظه وقرب قاع السنة .. مزايا قاع السنة كان 0.56 وإغلاق الخميس 0.6 وارتفع قبل لحدود 0.62 ويمكن أكثر حسب ما اذكر خلال أيام بسيطة مضت .. الشراء عليه أكيد كان قوي من القاع وبعدين صرفوا بربح 6 دراهم ونسبة 10.71% حولها يعني أكثر بشوي أو أقل بشوي

سهم المستثمرين منشدخ حظه على بوزه .. 1.460 الخميس مغلق على أدنى سعر سنوي والسعر هذا ما وصل له خلال 2023 حيث كان أدنى سعر 1.486 وهو قريب كإغلاق لكن خلال التداول وصل تحت الى 1.427 والأعلى فوق 2 .. يعني سهم عالي التذبذب مع إنه مربح وتوزيعاته كانت عالية لسنتين والسنة ذي للآن ربحيته جيدة

في 2022 وصل ل 1.678 وارتفع ل 2.685 كإغلاق وخلال التداول شوي أدنى وشوي أعلى وبعد يعتبر تذبذب عالي .. وكان إغلاق 2022 1.686 وإغلاق 2021 على 2.220 يعني رغم توزيعه 0.15 في 22 و في 23 كان ينزل بنسبة كبيرة بين إغلاق 2022 و 2021 كانت النسبة 24% مع إن توزيعه بسعر إغلاق 2022 يعادل 8.89% ووصل أعلى وقت التوزيع أذكره السهم الوحيد اللي وزع فوق 9% وفي 2023 وزع بعد 0.15 وكان اغلاق 23 على 1.643 يعني سوى تنزيلات أكثر

على سعره الحالي ربحية السهم 0.06 وممكن توصل آخر السنة 0.12 ريال وما استبعد يوزعونها كلها لأنهم عيال حلال .. 0.12 على 1.46 السعر الحالي 8.2% وما ندري ممكن ربحية الثالث يكون فيها نمو والرابع ولازم بيرجع للإرتفاعات سهم مضغوط وايد ومضبوط وايد وولد حلال وايد .. مجتمعه فيه كل الصفات الطيبة بس ما ندري عن الخافي وسوقنا علمنا إن ما خفي أعظم

[adell]

الصراحه يا اخ معماري اريدك انت ال تفتتح توقعات الشهر القادم متفاءل فيك وفيه ان شاء الله

[معماري قطري]

الصراحه يا اخ معماري اريدك انت ال تفتتح توقعات الشهر القادم متفاءل فيك وفيه ان شاء الله

لو محد افتتح مستعد بس عارف افتتاحياتي منحوسة