الحذر الحذر نصابين وهكر تعديل بيانات البطاقات البنكية

[naklan]

السلام عليكم ورحمة الله وبركاته

هالايام شغالين الهكر المحتالين مسجات يطلبون تحديث
البيانات البنكية على انهم البنك
ويرسلون روابط احذرو الله لا يوفق هالنصابين

بالتوفيق للجميع

[naklan]

يرسلون بطاقتك محضورة
ومرة موقوفة وبعد 15 مسج بعثو لي
على انهم شرطة قطر هههه ويحطون رابط
يهكرون تلفونك على طول

[naklan]

طريقتهم كالتالي
حصلت حق مهندس اجنبي اعرفه
طرشولة على انه فاز 150الف في صرافة
ويبون رقم حسابك يحولون لك المبلغ
وانه واحد من موضفين الصرافة
وطلبو رقم حسابك والايبان والخبل
طرش لهم او تي بي علشان ينزل المبلغ
حولو فلوس من حسابة للخارج
وراحت عليه

[قطريه ماركه]

اتصالاتهم مزعجة جداً

اول ما اسمع الصوت و كلها ثقة اصك الخط
اخر مره قلت لها خلاص انكشفتوا محد يصدقكم

[sara jsm]

وعليكم السلام .. انا سمعت من اكثر من شخص حولي بايقين منهم اللي 16 الف واللي 30 واللي وصل فوق النص مليون وللاسف اغلبهم كبار السن …

عاد انا صار معاي العكس ..
اتصلوا لي وقالوا وقفنا بطاقتج لانج استخدمتيه في موقع مشبوه :shy:
قلت له انزين اوكي اشتبي الحين .. قالي ولاشي بس لازم ابلغج ان وقفنا بطاقتج وبتوصلج بطاقه جديدة خلال عشرة ايام .. قلت له انزين وبعدين … قال خلاص ولاشي وسكر الخط :taunt:

عبالي اني احرجته .. طلعوا صج موقفين البطاقه :taunt: واللي متصل موظف من قسم المكافحة ..
صار ماعندي ثقه حتى لما يتصلون من ارقامهم :(

بس من يومها طلعت لي كرت هميان واحط فيه الف ولا الفين حق مني ومناك ..
وكرتي الرئيسي ماحطيته بالابل بي خير شر ..

[مضارب دوسري]

خاصه الاتصالات
استفزوهم ببرودكم
ولا باتباع اسلوب ماعندي فلوس ممكن تسلفيني لين اخر الشهر :this:
وعادي بعد اذا كان في مجال فضفضوا لهم بعد هههههه
هالاسلوب خفف الازعاج بنسبه توصل اكثر من 90% وصار نادر تجيني اتصالات او مسجات مقارنه بالماضي

[مضارب دوسري]

حاولوا في المواقع ما تستخدمون كردت كارد فيه مبلغ كبير

استخدموا كردت كارد مسبق الدفع للانترنت هو الافضل ومبالغ تكون بسيطه فالبطاقه

[معماري قطري]

وعليكم السلام .. انا سمعت من اكثر من شخص حولي بايقين منهم اللي 16 الف واللي 30 واللي وصل فوق النص مليون وللاسف اغلبهم كبار السن …

عاد انا صار معاي العكس ..
اتصلوا لي وقالوا وقفنا بطاقتج لانج استخدمتيه في موقع مشبوه :shy:
قلت له انزين اوكي اشتبي الحين .. قالي ولاشي بس لازم ابلغج ان وقفنا بطاقتج وبتوصلج بطاقه جديدة خلال عشرة ايام .. قلت له انزين وبعدين … قال خلاص ولاشي وسكر الخط :taunt:

عبالي اني احرجته .. طلعوا صج موقفين البطاقه :taunt: واللي متصل موظف من قسم المكافحة ..
صار ماعندي ثقه حتى لما يتصلون من ارقامهم :(

بس من يومها طلعت لي كرت هميان واحط فيه الف ولا الفين حق مني ومناك ..
وكرتي الرئيسي ماحطيته بالابل بي خير شر ..

حريصة يمكن انتي الوحيدة في قطر اللي ما بتنباقين

[معماري قطري]

حاولوا في المواقع ما تستخدمون كردت كارد فيه مبلغ كبير

استخدموا كردت كارد مسبق الدفع للانترنت هو الافضل ومبالغ تكون بسيطه فالبطاقه

هذا أفضل شيء