جلسة التداول ليوم الخميس 5/ 9/ 2024

[معماري قطري]

بسم الله الرحمن الرحيم

موفقين بأخر جلسات الأُسبوع .. جلسة مفصلية وبإذن الله خضراء .. أسواق آسيا للحين خضراء خفيف الياباني شوي معمق في الأحمر والكوري حول النص نقطة مئوية أحمر .. الداو أحمر خفيف قابل يتحول أخضر والنفط في خانة ال 72 وأخضر خفيف

[القادم افضل]

وعليكم السلام ورحمة الله
يا حي الله معماري وافتتاح جميل ويوم تداول اخضر باذن الله

[معماري قطري]

هذي كانت زبدة تداول أمس

هبوط 0.6% وهبوط القيمة السوقية 3.19 مليار وبنسبة 0.532% واضح الضربة جات في أسهم المؤشر والا أسهم كثيرة تعتبر اقتناص

أفرادنا ومحافظنا أمس هم بس اللي يشترون وبنسبة دخول مجتمعة بسيطة حول 6.2% تحتها بشوي الأفراد 8.5 مليون والمحافظ 9.6 مليون بعد تحتها بقليل

[معماري قطري]

وعليكم السلام ورحمة الله
يا حي الله معماري وافتتاح جميل ويوم تداول اخضر باذن الله

الله يحييك ويبقيك قلت افتتح وعلي وعلى أعدائي من الأسهم .. بس شكلي باتكفخ اليوم صراحة شوي متشائم ماشي مع الداو المستقبلي مع إن سوقنا ما يطالعه كلش .. ألحين شوي راح في الأحمر

us 30 40,927.60 -47.4 -0.12%

[.:: القيصر ::.]

السلام عليكم


صباح الخير

[MBY98]

السلام عليكم، صباح الخير

[معماري قطري]

السلام عليكم


صباح الخير

عليكم السلام ورحمة الله وبركاته لك ولكل من دخل

[السامر الأسود™]

السلام عليكم ورحمة الله
صبحكم الله بالخير

سلمت يدك عالافتتاحية يا بو عبدالله

[.:: القيصر ::.]

الله يبارك لملاك لشا


يستاهلون على هذا الصمود


طوووووول في هالمناطق


و ما استبعد يتحرك بحركة سريعة و مباغته

سواها

مبروك ملاك لشا

[alkaldi]

السلام عليكم ورحمة الله وبركاته
بالتوفيق ورب يرزق الجميع
ياويل السوق من بوعبدالله لو ما خضر اليوم هههه

[معماري قطري]

السلام عليكم ورحمة الله
صبحكم الله بالخير

سلمت يدك عالافتتاحية يا بو عبدالله

عليكم السلام ورحمة الله وبركاته

الله يسلمك ويحفظك ويربح الجميع

[معماري قطري]

السلام عليكم ورحمة الله وبركاته
بالتوفيق ورب يرزق الجميع
ياويل السوق من بوعبدالله لو ما خضر اليوم هههه

عليكم السلام ورحمة الله وبركاته

إخضر شوي من شوي خلاص سوى اللي عليه

[alkaldi]

ياعيني على لشا
البنك المستقبلي

[القادم افضل]

الفالح في الطريق وطول ما سواها

[كلمة طيبة]

السلام عليكم و صباح الخير جميعا

[معماري قطري]

المؤشرات الأمريكية المستقبلية تحول أخضر شوي وترجع حمراء والنفط دخل خانة ال 73 فيه بصيص من التقليص

[معماري قطري]

ياعيني على لشا
البنك المستقبلي

شيب مستقبله ضاع خلاص القبر مصيره .. يذكرني بالشايب اللي طرى عليه الزواج

[.:: القيصر ::.]

المؤشرات الأمريكية المستقبلية تحول أخضر شوي وترجع حمراء والنفط دخل خانة ال 73 فيه بصيص من التقليص

اتوقع يرجع 40500

و بعدها يتخطى 42000

[adell]

اذا الموشر قلب اخضر الفالح بيروح قريب لمت اب

[معماري قطري]

اتوقع يرجع 40500

و بعدها يتخطى 42000

جايز سوق قوي

[شذى الورد]

الارتداد من 10284 ان شاء الله

[بوثاني الريان]

لاخوف ولا وجل :pic:

[.:: القيصر ::.]

لاخوف ولا وجل :pic:

ابدا و مطلقا

[MBY98]

شكله وقت اسهم الطبقة الكادحة

[adell]

الظاهر الطبيه بيسخن لقفزه الله اعلم لوين لفوق والا لتحت

[.:: القيصر ::.]

الظاهر الطبيه بيسخن لقفزه الله اعلم لوين لفوق والا لتحت

كيف يقفز تحت !

كيف حالك يا عادل :sorry:

[Abu-khalid]

صباح الخير

الله يرزقكم من واسع فضله

[معماري قطري]

شيء حلو عندي ارتفاع بسيط قريب من 0.08%

[adell]

كيف يقفز تحت !

كيف حالك يا عادل :sorry:

بيقفز في حفره او من فوق السطوح ههههه ان شاء الله لفوق

[القادم افضل]

شيء حلو عندي ارتفاع بسيط قريب من 0.08%

ذاك من بركات الاسهم الكادحه

[.:: القيصر ::.]

ازدان


انتهى

[معماري قطري]

كيف يقفز تحت !

كيف حالك يا عادل :sorry:

هو له من اسمه نصيب لازم يعدل حتى في القفزة

[.:: القيصر ::.]

هو له من اسمه نصيب لازم يعدل حتى في القفزة

:nice:

[.:: القيصر ::.]

بيقفز في حفره او من فوق السطوح ههههه ان شاء الله لفوق

:strong

[السامر الأسود™]

ازدان


انتهى

ما فهمت

[معماري قطري]

الداو المستقبلي ألحين عمق في الأخضر وأسواق أوروبا غالبها خضراء

[.:: القيصر ::.]

ما فهمت

شفرة شفرة

بتعرفها قريب ان شاء الله

:whistling:

[Abu-khalid]

طلعت من لشا

وعدلت متوسطي في الاجاره بكامل راس المال

ووسعت المخده وهذاني متكي لنهاية العام نشوف اخرتها مع الاجاررره

الله يوفقنا

[.:: القيصر ::.]

طلعت من لشا

وعدلت متوسطي في الاجاره بكامل راس المال

ووسعت المخده وهذاني متكي لنهاية العام نشوف اخرتها مع الاجاررره

الله يوفقنا

بركة بركة تستاهل

والله يكتب لك الربح الوفير ان شاء الله

[السامر الأسود™]

شفرة شفرة

بتعرفها قريب ان شاء الله

:whistling:

عسى الله يوفقكم للخير جميع. ويكسبكم ولا يخسركم

وللعلم ترى انا للحين ما قلت عن السوق ولا ولا اي اي شي للحين
نشوف خواطركم وش تبي ونشوف الواقع وش بيختم به
جلسة اليوم مفصلية لاخر الشهر للعلم

نتابع بصمت ونشوف النتيجة عسى خير يا رب

[معماري قطري]

ما فهمت

القيصر ثقافته أمريكية انتهى يعني Done يعني استوى خلاص رايح فوق رايح

[السامر الأسود™]

باذن الله - موفقين خير يا ملاكه.
نجدد مساره بالويكند ان شاء الله
وسلمت يا بو عبدالله عالترجمة


قاعد اطق طق على سهم - مضاربة اثناء متابعة السوق.
فعلا اكشن قوي صار اليوم

احد لاحظه يا شباب؟الاكشن اللي صار.؟
تضارب بين الصناعه و والبنوك

هو شي زين ان يكون طبيعي ولكن بالاخير لازم احدهم يفصل ويغلب
الايجابي بنوك والسلبي صناعة للعلم

[كلمة طيبة]

يا السامر الحبيب ، خواطرنا يوصل المؤشر 16000 ، دوزنه على كده رحم الله والديك

[Abu-khalid]

بركة بركة تستاهل

والله يكتب لك الربح الوفير ان شاء الله

اللهم امييين وياك ان شاء الله

[السامر الأسود™]

يا السامر الحبيب ، خواطرنا يوصل المؤشر 16000 ، دوزنه على كده رحم الله والديك

ههههههههههههه
هلا بالكلمة الطيبة.

ابشر. جاري التواصل مع خالدي وابو مبارك وابو هيا

[.:: القيصر ::.]

عسى الله يوفقكم للخير جميع. ويكسبكم ولا يخسركم

وللعلم ترى انا للحين ما قلت عن السوق ولا ولا اي اي شي للحين
نشوف خواطركم وش تبي ونشوف الواقع وش بيختم به
جلسة اليوم مفصلية لاخر الشهر للعلم

نتابع بصمت ونشوف النتيجة عسى خير يا رب

ان شاء الله النتيجة تكون طيبة

ونتمنى الربح للجميع

[كلمة طيبة]

والله لو الامور بالتمني كان الواحد تمنى كثير ، ولكن الواقع شو يقول ، للحين اشوف السيولة ضعيفة جدا والارتداد لون بدون نكهة

[Abu-khalid]

برتاح اكثررر لما الاجاره يغلق فوق 0.740 مرتين ثلاثه

ممكن نشوفه يتحرك اسرع شوي

نبي نشوفه حول ال 0.8

عاد كنت متردد قبل ماعدل فيه المتوسط لان احيانا الصانع تحسه مسافر وناسي السهم

لكن شريت لان شفت استقرار في ارباحه

ومعتمد على اساس الربع الثالث ان شاء الله يحقق ارباح ويستمر الى نهاية السنه

طبعا متوقع توزيع 0.03 لكن اتمنى يشششد حيله ويوزع 0.04 او 0.05 ولو اني ماتوقع بصراحه لكن مافي شي مستحيل

[مضارب دوسري]

السلام عليكم

الجمدلله الامور هاديه ف تداولات اليوم

يبيله قفزززه لل10392_10400

[كلمة طيبة]

السلام عليكم

الجمدلله الامور هاديه ف تداولات اليوم

يبيله قفزززه لل10392_10400

بنشوفها عالاغلاق ، لازم نتداول طول اليوم بهامش 10 نقاط طلوع ونزول ، وبالاغلاق برتقع بالوطني وصناعات والمصرف

[alkaldi]

ههههههههههههه
هلا بالكلمة الطيبة.

ابشر. جاري التواصل مع خالدي وابو مبارك وابو هيا

ان الشخص الذي تريد الاتصال به زعلان لين الحين
باذن الله قريب يفرح والكل يفرح

[السامر الأسود™]

https://c.top4top.io/p_3170f2ygn1.png (https://top4top.io/)

تحديث 0 - السلام عليكم - عدنا. الان صار ضروري نتابعه السوق بعد الاكشن اللي صار اليوم
ولدي هذا المدرج السعري المتوقع له. و الله اعلم.. نهايتة ايجابيه للعلم,, سواء هبط او اخترق فوق

اتصور انه لازم يهبط,, عشان ياخذ نفس اقوى حق الاسبوع الجاي. ارتفاعه اليوم واسترجاع فوق يعني اغلاق
موجة,, يعني مب زين,, وبنرجع مرة ثانيه ننتظر تصحيح ,, والله اعلم بعد,, تضبط ولا ما تضبط

باقي اكشن بالسوق ونفس وقوة للعلم. نتابع و الله كريم

[alkaldi]

القيصر ثقافته أمريكية انتهى يعني Done يعني استوى خلاص رايح فوق رايح
رايح فوق الشجره
وقاعد هناك

[السامر الأسود™]

لو احد سال وش قاعد يصير الحين بالسوق؟ اي مرحلة

بقول له ,, السوق يعمل تصفيات واغلاقات سعرية ,, لاجل مرحلة جديدة
ما اقدر اقول فوق او تحت ,, لان مش اكيد للحين,, ولكن الاكيد الاكيد
ان التصفيات والتفاهمات والاغلاقات تصير قبيل قرار ومسار هام ومفصلي.

وعساها خير للسوق

[السامر الأسود™]

ان الشخص الذي تريد الاتصال به زعلان لين الحين
باذن الله قريب يفرح والكل يفرح

:) افا خالدي,, وين محزمنا, عسى الله يفرحك قريبا يالذيب.


ان شاء الله النتيجة تكون طيبة
ونتمنى الربح للجميع

امين . موفقين خير


والله لو الامور بالتمني كان الواحد تمنى كثير ، ولكن الواقع شو يقول ، للحين اشوف السيولة ضعيفة جدا والارتداد لون بدون نكهة

خبرة :thumbup1: سلمت يدك افادة هامة


السلام عليكم

الحمدلله الامور هاديه ف تداولات اليوم

يبيله قفزززه لل10392_10400

ارحب. وعليك السلام.سلمت يا بو محمد.
متابعين و الله كريم

[alkaldi]

:) افا خالدي,, وين محزمنا, عسى الله يفرحك قريبا يالذيب.



امين . موفقين خير



خبرة :thumbup1: سلمت يدك افادة هامة



ارحب. وعليك السلام.سلمت يا بو محمد.
متابعين و الله كريم

امزح اخوي الامور طيبه باذن الله
وربك يفرجها قريب مثل ماقلت باذن الله ويفرح الجميع

[Abu-khalid]

قرب يسكر السوق وماوصلنا 200 مليون

كحسبه بسيطه وسريعه

كم نسبة مزود السيوله اليوم من قيمة التداول ؟

وكم السيوله الحقيقه ؟

معقوله احنا للحين ب 2024 ونداول بنفس تداول ايام 70 مليون باليوم سيوله قبل سنين ؟؟

ماينفع

دايماً اقول السيوله اهم شي حتى لو السوق نازل بس ياخي مطلوب سيوله ومحافظ مهمتها تخلق توازن وحركه للسوق تدفع المتفرج انه يحب التداول ويدخل ويجيب راس ماله وراس مال عياله وهله كلهم

بس تداول ممل وبمزود سيوله ابودرهم درهمين

لاتقتل المتعه يامسلممممم

[السامر الأسود™]

https://c.top4top.io/p_3170f2ygn1.png (https://top4top.io/)
تحديث 0 - السلام عليكم - عدنا. الان صار ضروري نتابعه السوق بعد الاكشن اللي صار اليوم
ولدي هذا المدرج السعري المتوقع له. و الله اعلم.. نهايتة ايجابيه للعلم,, سواء هبط او اخترق فوق
اتصور انه لازم يهبط,, عشان ياخذ نفس اقوى حق الاسبوع الجاي. ارتفاعه اليوم واسترجاع فوق يعني اغلاق
موجة,, يعني مب زين,, وبنرجع مرة ثانيه ننتظر تصحيح ,, والله اعلم بعد,, تضبط ولا ما تضبط
باقي اكشن بالسوق ونفس وقوة للعلم. نتابع و الله كريم

https://l.top4top.io/p_317004unh1.png (https://top4top.io/)

تحديث 1 - وصل المؤشر الى صفر الضعف. المتوقع ان يقوم الصانع بعمل دعم. بناء على سلوك الصانع مع السوق خلال الاسابيع
الماضية,, واتصور المسار الازرق بداء وارد وممكن في ضمن المسا رالعام - هذا في حال غلب البنوك قطاع الصناعه,, نتابع ونشوف

[مضارب دوسري]

قرب يسكر السوق وماوصلنا 200 مليون

كحسبه بسيطه وسريعه

كم نسبة مزود السيوله اليوم من قيمة التداول ؟

وكم السيوله الحقيقه ؟

معقوله احنا للحين ب 2024 ونداول بنفس تداول ايام 70 مليون باليوم سيوله قبل سنين ؟؟

ماينفع

دايماً اقول السيوله اهم شي حتى لو السوق نازل بس ياخي مطلوب سيوله ومحافظ مهمتها تخلق توازن وحركه للسوق تدفع المتفرج انه يحب التداول ويدخل ويجيب راس ماله وراس مال عياله وهله كلهم

بس تداول ممل وبمزود سيوله ابودرهم درهمين

لاتقتل المتعه يامسلممممم

هالسيوله تعطي انطباع ان مافي هلع ولا خوف من ناحية العروض

وانطباع حذر من ناحية الطلبات

[Abu-khalid]

هالسيوله تعطي انطباع ان مافي هلع ولا خوف من ناحية العروض

وانطباع حذر من ناحية الطلبات

كلامك صحيح لو كانت السيوله كلها حقيقه بدون مزود

لكن الي اقصده من كلامي اي شي صار الكتروني وطلع منه لمسات البشر صار ماله لذه وطعم

يعني المزود قتل السوق بالبيع والشراء بدراهم وبسيوله هي تقريبا يوميه نشوفها

على عكس لما تشوف تداول اليوم مثلا 600 مليون وبكره 400 وبعده 800 وبعده 300

لا احنا للحين سيولتنا بحدود 200 الى 300 خاصه في اوقات السوق ميت

تحس مافي سيوله اصلا حقيقه ودعم حقيقي

مثلا الحين لو هبطنا من 10200 لين 9100 بتحصل نرجع نداول بعد مره بحدود 200 مليون

نبي سيوله حقيقيه وشكراً

[السامر الأسود™]

علامات توتر عالمؤشر - وألم اخر .وتسليم.
وضعف شديد واصل له الحين.

لازم يعمل المؤشر اكشن وبسرعه. بنفسه

[Abu-khalid]

اضيف على كلامي

اي خوف وهلع يامعوود

سوقنا للحين نقدر نسميه احنا في قاع بالنسبه للاسواق الي ارتفعت وتحركت وتفاعلت مع جميع الاخبار وحققت قمم

اذا الداو للحين يحقق قمم كانو ناس يقولون اذا كسر 28 الف موشكل كبير وراح يستشهدون كل المتداولين وبتنهار الدول


الحين نشوفه 41 الف ولا اذا نزل 500 نقطه سوقنا ينزل دبلهم

انا ماتحلطم انا اقول واقع نبي سيوله تدعم السسسسوق وفقط

[السامر الأسود™]

https://l.top4top.io/p_317004unh1.png (https://top4top.io/)

تحديث 1 - وصل المؤشر الى صفر الضعف. المتوقع ان يقوم الصانع بعمل دعم. بناء على سلوك الصانع مع السوق خلال الاسابيع
الماضية,, واتصور المسار الازرق بداء وارد وممكن في ضمن المسا رالعام - هذا في حال غلب البنوك قطاع الصناعه,, نتابع ونشوف

https://a.top4top.io/p_3170av4vz1.png (https://top4top.io/)

تحديث 2 - مؤقتا استبعد الازرق وارشح الاخضر حاليا. ونجدد مع كل تحديث بالجديد. الوضع كله على بعضه حتى لو اخذ الاخضر
ايجابي بشكل عام - حق الاسبوع الجاي للعلم,, المسا رالاخضرمش سلبي بشكل عام. للعلم والتوضيح فقط

[Abu-khalid]

علامات توتر عالمؤشر - وألم اخر .وتسليم.
وضعف شديد واصل له الحين.

لازم يعمل المؤشر اكشن وبسرعه. بنفسه

ايوووه هاي الي اقصده

نبي اكشن

والاكشن مايجي بدون سيوله

شكرا اخوي السامر كان ناقصني كلمة اكشن من كلامي كله

عشان تكمل الصوره

شكراً

نبي اكشن

[Abu-khalid]

علامات توتر عالمؤشر - وألم اخر .وتسليم.
وضعف شديد واصل له الحين.

لازم يعمل المؤشر اكشن وبسرعه. بنفسه

ايوووه هاي الي اقصده

نبي اكشن

والاكشن مايجي بدون سيوله

شكرا اخوي السامر كان ناقصني كلمة اكشن من كلامي كله

عشان تكمل الصوره

شكراً

نبي اكشن

[السامر الأسود™]

https://a.top4top.io/p_3170av4vz1.png (https://top4top.io/)
تحديث 2 - مؤقتا استبعد الازرق وارشح الاخضر حاليا. ونجدد مع كل تحديث بالجديد. الوضع كله على بعضه حتى لو اخذ الاخضر
ايجابي بشكل عام - حق الاسبوع الجاي للعلم,, المسا رالاخضرمش سلبي بشكل عام. للعلم والتوضيح فقط
https://e.top4top.io/p_31706wqj31.png (https://top4top.io/)

تحديث 3 - قبل المزاد والاغلاق. بناء على تصرف قطاع البنوك باخر 3 دقائق. نرجع المسار الازرق اللي هو اصلا جزء من الاخضر
لان ال 10334 لها موازي اللي هو 10360 هو هو نفسه بس درجه ارفع

نتابع الاغلاقات ونجدد بالليلا ان شاء الله
ونشوفكم لاحقا.

هل السوق عاده بخير؟ اي نعم باذن الله السوق اثبت ذلك
ولكن ولكن تحركاته تاخذ وقت واحنا اشاوس ما نبي ننتظر
نبي بسرعه :)

[مضارب دوسري]

هههههههههههه
الحبتين اللي خذاهم امس فوق ال60
رجعهم اليوم