جلسة تداول الخميس 24 أكتوبر, 2024

[السامر الأسود™]

السلام عليكم ورحمة الله
صبحكم الله بالخير ,,,

جاري اعداد ,, مسارات السوق المتوقعة
لجلسة تداول اليوم,, راجع لكم ان شا ء الله

نسال الله التوفيق والسداد

[فيصل99]

السلام عليكم ورحمة الله وبركاته
صباح الخير ،،،

[ابومبارك]

السلام عليكم

صباح الخير ياعرب

يعطيك العافيه يالسامر الطيب

[بوثاني الريان]

صبح خير نفرات نفر نفر

الجلسة الصابونية :pardon:

[MBY98]

السلام عليكم، صباح الخير

[السامر الأسود™]

https://b.top4top.io/p_321904dac0.jpg (https://top4top.io/)

معليش.. مازلت خارج المنصة..استعمل الجوال

لجلسة اليوم لدينا هذا التصور السعري. مسار احمر
ثم ارتداد .. قوي.. مسار ازرق ثم ثبات.. وتماسك.

السوق باخر جلسة امس انكشف مساره الاكبر.
وهو مسار صاعد ولكن فيه هبطة قوية..ثم تماسك.


مستوى الغاء ايجابية السوق هو بكسر ال 10333
و وقف خسارة.. هي هذا المستوى لان لو وصل له بيتغير
كامل المسار الصاعد الى شي ثاني.. اخر

ثبات اليوم في حدود ال 30 نقطة +- فوق او تحت
اعتبروه ايجابي.. وزين لو سوى كذا .باذن الله

المنطقة اللي ذكروها الشباب مضارب دوسري و كلمة طيبة
ال 10390 الى ال 10410
هي هي نفسها اغلاق امس .. مع تذبذب اليوم. وهي اخر
ما اجد من الايجابيات..


نتابع اليوم والله كريم.
ثم نجدد مع كل جديد

[MBY98]

مناطق الارتداد حسب المتوسطات 50 يوم و 100 يوم
الترند الصاعد اليومي مكسور
https://imgvb.com/images/2024/10/24/d1d3723f656bfa6dba95ddfe600aa406.png

[السامر الأسود™]

السلام عليكم ورحمة الله وبركاته
صباح الخير ،،،


السلام عليكم

صباح الخير ياعرب

يعطيك العافيه يالسامر الطيب


صبح خير نفرات نفر نفر

الجلسة الصابونية :pardon:


السلام عليكم، صباح الخير

وعليكم السلام. جميعا وصبحكم الله بالخير

نسال الله عز وجل لي ولكم التوفيق والسداد..

[][ الوحيد ][]

السلام عليكم
بالتوفيق للجميع ان شاءالله
السوق اسعاره حلوه لكن الاوضاع ماتساعد للاسف

[][ الوحيد ][]

اليوم عندنا اعلان

- مزايا الللي ابد مايبشر بخير
- مستثمرين

[alkaldi]

السلام عليكم ورحمة الله وبركاته
بالتوفيق رب يرزق الجميع باذن الله
السوق نتمنى ما يسوي فينا حركة امس

[السامر الأسود™]

ارتداد الساعة هذة عاللحظي ..واضح وهمي.
بيع المراكز اللي شروها امس..

بس يعتبر تماسك.. حتى الساعة

حده اقصى شي 10490

و الله اعلم

[alkaldi]

باذن الله نغلق على ارتفاع حلو
عشان الاحد يكون القفزه اكبر وأكبر

[][ الوحيد ][]

مع اني ما اطييق الطبيه لكن دخلت عالخفيف تجربه فقط

[alkaldi]

نبي ازدان اقل شي 5% باذن الله

[السامر الأسود™]

[ الوحيد ][;10946521']مع اني ما اطييق الطبيه لكن دخلت عالخفيف تجربه فقط

موفق يال وحيد.. وشكرا لك على متابعة اعلانات الشركات
متابعة هامة .. وضرورية تقوم بها..

[MBY98]

مزايا عند دعم حلو
قاع 2023

https://imgvb.com/images/2024/10/24/921838b035a5034ebbe2a63ef605c776.png

[قطر 2030]

صبحكم الله بالخير

[السامر الأسود™]

هلا ومسهلا
صباح الانوار

---------


حتى الساعة لا بوادر ارتداد
يعني اخذو نفس

الايجابي؟ التماسك هذا.
والتاكيد على الاغلاق.

ليش الاغلاق؟ لان زي ماتشوفون وتعرفون,,
هالسوق ما يكشف مساره الا باخر 5 دقائق
وبالمزاد باخر دقيقة,, للاسف.

سوق ثعيليب فعلا :)

[MBY98]

هلا ومسهلا
صباح الانوار

---------


حتى الساعة لا بوادر ارتداد
يعني اخذو نفس

الايجابي؟ التماسك هذا.
والتاكيد على الاغلاق.

ليش الاغلاق؟ لان زي ماتشوفون وتعرفون,,
هالسوق ما يكشف مساره الا باخر 5 دقائق
وبالمزاد باخر دقيقة,, للاسف.

سوق ثعيليب فعلا :)

المؤشر مب لنا السامر لانه عبارة عن الوطني والمصرف.
حاليا الاسهم الصغيرة بعضها على دعوم وجاهزة للانطلاق.
المؤشر مع نفسه

[بوثاني الريان]

:nop::nop::nop:

[السامر الأسود™]

https://c.top4top.io/p_3219daln51.png (https://top4top.io/)

تحديث 0 - صار عندنا تكوين مسار ونتابعه باتجاه ال 10380 ( مستوى كلمة طيبة 2 ) باذن الله
جدا متفائل بهالمسار لانه مبني على اكثر من قياس وموجة باذن الله,, نتابع سويا وش السوق قايل

[ابومبارك]

اهم شي مولع الالمنيوم عالمياً

وبعدها لكل حادثً حديث

[السامر الأسود™]

المؤشر مب لنا السامر لانه عبارة عن الوطني والمصرف.
حاليا الاسهم الصغيرة بعضها على دعوم وجاهزة للانطلاق.
المؤشر مع نفسه

هلا بو يوسف :) ,, اي والله مب لنا وانت صادق

[معماري قطري]

السلام عليكم ورحمة الله وبركاته

موفقين جميع في أسوأ سوق في العالم

[MBY98]

ملاك ازدان اخذو مزايا معاكم

[MBY98]

نبي اسهم الطبقة الكادحة تنفصل عن المؤشر

[][ الوحيد ][]

ملاك ازدان اخذو مزايا معاكم

هاي يبيلها شاي نعناع ..
هني تقدر تفرق بين الصانع البطران و الصانع اللي عايش عالشركه

[معماري قطري]

نبي اسهم الطبقة الكادحة تنفصل عن المؤشر

هي مفصولة وجاهزة ههههه بس تحت بدال فوق

[MBY98]

[ الوحيد ][;10946539']هاي يبيلها شاي نعناع ..
هني تقدر تفرق بين الصانع البطران و الصانع اللي عايش عالشركه
اي والله هههههههههههه

[MBY98]

هي مفصولة وجاهزة ههههه بس تحت بدال فوق

ههههههههه

[aaqatar]

ملاك ازدان اخذو مزايا معاكم

للحين مارد اللي نزله امس escape

[بوثاني الريان]

هي مفصولة وجاهزة ههههه بس تحت بدال فوق

صباح الورود والعود

[بوثاني الريان]

فترة وتمر ان شاء الله تفائلوا خير القادم بيد الله وحده

[معماري قطري]

شرايكم في سوق ما يعرفون يحسبون النمو فيه .. مثال الشركات الخسرانة مثل ودام العام السهم خسران 0.33 ريال والسنة خسران 0.04 وشو الأكثر طبيعي الكل بيعرف انه - 0.33 وألحين بس - 0.04 ولا شيء مقارنة بالسابق شلون محسوبة النسبة اللي نسبة النمو بالسالب .. رياضيات بيسك يا اخوان .. انا صحيح ما وصلت نقطة الصفر التعادل بس انا كنت متأخر 33 خطوة إستويت متأخر 4 خطوات بس التطور في تأخري هو 29 خطوة جدام أو + هذا يعني نقسم 29 ÷ 33 يطلع لنا بعد الضرب في 100 نسبة 87.87% بس المفروض تكون موجب وليست سالب

[بوثاني الريان]

اشوري مسوي نفسه طيب ينزل شوي شوي خابرينك عدل هههههههههههههههههههههه

[السامر الأسود™]

https://c.top4top.io/p_3219daln51.png (https://top4top.io/)

تحديث 0 - صار عندنا تكوين مسار ونتابعه باتجاه ال 10380 ( مستوى كلمة طيبة 2 ) باذن الله
جدا متفائل بهالمسار لانه مبني على اكثر من قياس وموجة باذن الله,, نتابع سويا وش السوق قايل

https://e.top4top.io/p_3219p6d4n1.png (https://top4top.io/)

تحديث 1 - هل يتماسك ,, ام يتراقل,,, زي امس؟ ,, للعلم المنطقة هذة هي نفس منطقة امس ,, ضروري يتفاعل معها
فوق,, ويتحرك,, عشان ما يصير نفس امس ,, المنصات هذة للعلم مفصلية ولازم يتحرك عندها فوق باذن الله,, نتابع ونشوف
اذا تماسك عندها ,, مب زين

[.:: القيصر ::.]

السلام عليكم

صباح الخير

[معماري قطري]

متى تكون نسبة النمو سالبة؟ لو شركة خسرانة وعمقت الخسارة أو لو شركة رابحه بس ربح أقل من العام الباقي كله ايجابي

[بوثاني الريان]

شرايكم في سوق ما يعرفون يحسبون النمو فيه .. مثال الشركات الخسرانة مثل ودام العام السهم خسران 0.33 ريال والسنة خسران 0.04 وشو الأكثر طبيعي الكل بيعرف انه - 0.33 وألحين بس - 0.04 ولا شيء مقارنة بالسابق شلون محسوبة النسبة اللي نسبة النمو بالسالب .. رياضيات بيسك يا اخوان .. انا صحيح ما وصلت نقطة الصفر التعادل بس انا كنت متأخر 33 خطوة إستويت متأخر 4 خطوات بس التطور في تأخري هو 29 خطوة جدام أو + هذا يعني نقسم 29 ÷ 33 يطلع لنا بعد الضرب في 100 نسبة 87.87% بس المفروض تكون موجب وليست سالب


انجليزي ده هههههههههههههههههههههههههههههههههههههههههههههههه

[معماري قطري]

صباح الورود والعود

يا هلا بو ثاني منور الجلسات

[بوثاني الريان]

يا هلا بو ثاني منور الجلسات


النور نورك بوعبدالله الغالي خلك متفائل بتعدل الامور ان شاء الله

[معماري قطري]

انجليزي ده هههههههههههههههههههههههههههههههههههههههههههههههه

عاد انا الحسابات شغلتي مع حاسبة تجار سوق واقف أم أزرار كبيرة

[بوثاني الريان]

عاد انا الحسابات شغلتي مع حاسبة تجار سوق واقف أم أزرار كبيرة

ماشاء الله تبارك الرحمن عليك الله يزيدك علم ونور

[معماري قطري]

النور نورك بوعبدالله الغالي خلك متفائل بتعدل الامور ان شاء الله

متفائل والحمد لله الله يسلمك حتى مفكر أخفف من سهم وأدخل في سهم لازم هالحركات

[السامر الأسود™]

السلام عليكم ورحمة الله وبركاته
موفقين جميع


السلام عليكم
صباح الخير

وعليكما السلام ورحمة الله
منورين- بطيتوا العيونا بنوركم

[السامر الأسود™]

ماشاء الله تبارك الرحمن عليك الله يزيدك علم ونور

تهقى يغش بالامتحانات؟ ولا يغشش

[بوثاني الريان]

تهقى يغش بالامتحانات؟ ولا يغشش

يغشش ماعنده مشكلة ههههههههههههههههههه

[السامر الأسود™]

هلا ومسهلا
صباح الانوار

---------


حتى الساعة لا بوادر ارتداد
يعني اخذو نفس

الايجابي؟ التماسك هذا.
والتاكيد على الاغلاق.

ليش الاغلاق؟ لان زي ماتشوفون وتعرفون,,
هالسوق ما يكشف مساره الا باخر 5 دقائق
وبالمزاد باخر دقيقة,, للاسف.

سوق ثعيليب فعلا :)

الحين لدينا باذن الله بوادر ارتداد صاعد,, وتقليص

[معماري قطري]

ماشاء الله تبارك الرحمن عليك الله يزيدك علم ونور

الحمد لله خذت كورسات شكثر منها احصاء واحتمالات مدرسي كان اسمه بيرك وواحد بلاغي .. بالإنجليزي نطقها يختلف بو البرك هذا كان يعطينا امتحان مفتوح من 8 الصبح لين 8 الليل وإحنا نتعذر ونطلب تأجيل ويوم التأجيل يحط كل واحد بروحه في صف ويتابعه عاد لو حصله مبرشم خلاص رسوب ما فيه تفاهم والمشكلة القوانين وايد وصعبة تحفظها كنت أسوي براشيم صغيرة وأخشها في جلد الحاسبة يجي يسوي نفسه يبي يشرح لي ويفل الأوراق يطالع بينها يمكن يطيح شيء ولا يحصل وفي النهاية خلصت ولله الحمد أأما الثاني كان يدرسني خاص ومساكين هناك طيبين ما ياخذ شيء يمرني السبت أو الأحد ويعطيني زبدة الإمتحان جبت في كورساته a وقصتها قصة كنت متولع بالطبخ وسويت له برياني عاد ريحة الشقة تفتح النفس كل وقلت له كم تعطيني على الطبخة قال a وما قصر

[alkaldi]

دائما عند 95. مقاومة عند ازدان

[السامر الأسود™]

الحين السيولة 204 مليون

الهدف 408 او 702 مليون بالاغلاق

توقعاتكم؟

هذة يبي لها بو خالد خبير سيولة

[معماري قطري]

وعليكما السلام ورحمة الله
منورين- بطيتوا العيونا بنوركم

سلامة عيونك وعنونك يالسامر .. انا المياه البيضاء تعبتني والعملية موعدها شهر 6

[السامر الأسود™]

ما تشوف شر ولا باس عليك يا بو عبدالله

[معماري قطري]

تهقى يغش بالامتحانات؟ ولا يغشش

لازم التعاون يا بو محمد

عاد تصدق مشكلتك ما تجمع قوانين كثيرة وكتاب دسم حول 1000 صفحة عندي كتبي القديمة .. بعض الكورسات مسموح الكتاب وبعضها لا وانت بس تحتاج المعادلات والمهم التطبيق .. عاد تطبيق هذي الحسابات بسيط كلش نسبة نمو تعني انت متحرك جدام أو ورا أو محقق ثبات نسبي قريب من الصفر

[السامر الأسود™]

الحين لدينا باذن الله بوادر ارتداد صاعد,, وتقليص

شكله بدا - متابعين؟

هل يستمر ؟

[معماري قطري]

ما تشوف شر ولا باس عليك يا بو عبدالله

الله ياجركم جميع ويجيركم من كل مكروه

[MBY98]

سلامة عيونك وعنونك يالسامر .. انا المياه البيضاء تعبتني والعملية موعدها شهر 6

ماعليك شر معماري ومأجور ان شاء الله

[السامر الأسود™]

https://e.top4top.io/p_3219p6d4n1.png (https://top4top.io/)

تحديث 1 - هل يتماسك ,, ام يتراقل,,, زي امس؟ ,, للعلم المنطقة هذة هي نفس منطقة امس ,, ضروري يتفاعل معها
فوق,, ويتحرك,, عشان ما يصير نفس امس ,, المنصات هذة للعلم مفصلية ولازم يتحرك عندها فوق باذن الله,, نتابع ونشوف
اذا تماسك عندها ,, مب زين

https://c.top4top.io/p_32191jsq51.png (https://top4top.io/)

تحديث 2- اضفت خطوط ,, ومسارات توضيحيه وقللت بعض الخطوط لاتضاح الصورة
وحاليا متماسك حولها - التماسك مش كويس,, الارتداد مطلوب صعودا باذن الله ومتوقع,, باذن الله

[السامر الأسود™]

الاغلاق على هذة المنطقة مش زين
الاغلاق عند اغلاق امس ممتاز
الاغلاق تحت هالمنطقة مش زين
الهبوط بقوة ممتاز

باذن الله

اعلاه مختصر المسارات بدون رسم

[كلمة طيبة]

اكثر المتفائلين ما كان يتوقع يشتري سهم مثل قامكو بهالسعر ، معقول ما شايفينه ام عملية تجميع قوية بدراسة ، سهم محقق ارتفاع معتبر ، اسعار الالمنيوم عند قمة ، نورسك هايدرو ارتفع قريب ال 30% من قاعه ، وما يزال قامكو عند قاع هل هذا طبيعي

[بوثاني الريان]

سلامة عيونك وعنونك يالسامر .. انا المياه البيضاء تعبتني والعملية موعدها شهر 6

في لها علاج استخدم زيت الخروع العضوي وامس فوق الجفن وتحته كل ليله في بعد فيتامينات b1 بصيغة بن فوتمين يذوب الدهون الي في العين باذن الله تعالى

[roma27]

السلام عليكم ورحمه الله وبركاته سهم الخليج الدوليه اعلانه اخر الشهر واعلان النصف السنوي كان ممتاز مش عارف ليش هذا الهبوط

[السامر الأسود™]

ااايشروا بالخير


شكلها باذن الله ضبطت

نتابع الخوجة حتى الاغلاق
ويالله يا كريم اجعلها تخترق

[كلمة طيبة]

ااايشروا بالخير


شكلها باذن الله ضبطت

نتابع الخوجة حتى الاغلاق
ويالله يا كريم اجعلها تخترق

بإذن الله ابو محمد بوركت الجهود ، بس محتاجين السيولة تتحسن

[السامر الأسود™]

الحين السيولة 204 مليون

الهدف 408 او 702 مليون بالاغلاق

توقعاتكم؟

هذة يبي لها بو خالد خبير سيولة

كلمة طيبة.. اعلاه ؟ تعليقك

[السامر الأسود™]

بإذن الله ابو محمد بوركت الجهود ، بس محتاجين السيولة تتحسن

واياك عزيزي... نريدها باذن الله ولادة موجة. :) هالمرة

[معماري قطري]

في لها علاج استخدم زيت الخروع العضوي وامس فوق الجفن وتحته كل ليله في بعد فيتامينات b1 بصيغة بن فوتمين يذوب الدهون الي في العين باذن الله تعالى

مياه بيضاء لازم تنسحب وركبون عدسة عملية صغرى بس ضرورية .. المشكلة النظر يضعف والنور القوي يكون مزعج وزحمة مواعيد خصوصاً الدكاترة الجيدين

[كلمة طيبة]

كلمة طببة.. اعلاه ؟ تعليقك

ما انتبهت لها يا رب يكون اغلاق اخضر ناصع ، فوق ال 500 مليون

[معماري قطري]

مؤشر القيمة السوقية سابق المؤشر أكيد بمجهود زيزو

[بوثاني الريان]

مياه بيضاء لازم تنسحب وركبون عدسة عملية صغرى بس ضرورية .. المشكلة النظر يضعف والنور القوي يكون مزعج وزحمة مواعيد خصوصاً الدكاترة الجيدين

الله يشفيك ويعافيك عاجلا غير اجل ويشفي جميع مرضى المسلمين

[السامر الأسود™]

https://c.top4top.io/p_32191jsq51.png (https://top4top.io/)
تحديث 2- اضفت خطوط ,, ومسارات توضيحيه وقللت بعض الخطوط لاتضاح الصورة
وحاليا متماسك حولها - التماسك مش كويس,, الارتداد مطلوب صعودا باذن الله ومتوقع,, باذن الله
https://g.top4top.io/p_3219zkd591.png (https://top4top.io/)

تحديث 3- حصل الارتداد باذن الله,, الحين نسال الله الاختراق ,,
عسى يا كريم

[مضارب دوسري]

تبرق وترعد ومطر فالشمال
الله يزيده ويرحم عبيده


المحافظه اليوم فوق ال10413 تحديدا
بيكون امر طيب ويعطي ان الدعم عند هذه المنطقه قوووي

[roma27]

اخي السامر الاسود ماتشوف شر

[مضارب دوسري]

سلامات يا بو محمد
ما تشوووف شر

[السامر الأسود™]

https://g.top4top.io/p_3219zkd591.png (https://top4top.io/)

تحديث 3- حصل الارتداد باذن الله,, الحين نسال الله الاختراق ,,
عسى يا كريم

https://d.top4top.io/p_3219o18ew1.png (https://top4top.io/)

تحديث 4 - لان السيولة مخفية علينا تطلع فجاءة بالمزاد,, وضعت خط اخضر كهدف اختراق وشرط او انعكاس مرة
اخرى تحت لنفس مستوى \ كلمة طيبة 2 ال 10380,, حق الاسبوع الجاي والله اعلم,,, حاليا نتابع المسار الاحمر
الصاعد باتجاه المزاد والاغلاقات,, انا فقط اقول هالكلام احتياطا

[السامر الأسود™]

تبرق وترعد ومطر فالشمال
الله يزيده ويرحم عبيده
المحافظه اليوم فوق ال10413 تحديدا
بيكون امر طيب ويعطي ان الدعم عند هذه المنطقه قوووي

بقدومك بو محمد ,, وال 10413 اهم رقم بالعالم ,, ولا يهمك :)


اخي السامر الاسود ماتشوف شر

سلامات يا بو محمد
ما تشوووف شر

ولا تواجهونه شباب مب انا ,, جزاكم الله خير,, هذا معماري,, الله يشفيه,, يا رب

[مضارب دوسري]

ممكن نشوف ان شاء الله اكشن ايجابي فالمزاد

[معماري قطري]

الله يشفيك ويعافيك عاجلا غير اجل ويشفي جميع مرضى المسلمين

آمين والجميع يا رب

[معماري قطري]

تبرق وترعد ومطر فالشمال
الله يزيده ويرحم عبيده


المحافظه اليوم فوق ال10413 تحديدا
بيكون امر طيب ويعطي ان الدعم عند هذه المنطقه قوووي

الله يجعله غيثاً صيبا

[معماري قطري]

بقدومك بو محمد ,, وال 10413 اهم رقم بالعالم ,, ولا يهمك :)




ولا تواجهونه شباب مب انا ,, جزاكم الله خير,, هذا معماري,, الله يشفيه,, يا رب

ويشافي الجميع يا رب .. هذا وضع عادي يصيب غالبية اللي تعدوا الستين

[معماري قطري]

37 شركة حمراء مب شوي .. السوق تواق للتحت 10000

[كلمة طيبة]

طيب في حال كسر ال 10380 شو المتوقع ؟ نقدر نقول انه رايحين لل 10148 والله أعلم وبقوة .

[معماري قطري]

سوقنا ينتظر تصير حرب حتى يرتفع

[كلمة طيبة]

بعدنا بالسليم اغلاق لا بأس به المهم ما كسر ال 10380 والله اعلم

[معماري قطري]

ارتفاع بسيط في القيمة السوقية حول 90 مليون

[.:: القيصر ::.]

استمتعوا باجازتكم الاسبوعية والقادم جميل باذن الله


ملاك قامكو ناموا وانتوا حاطين في بطنكم بطيخ صيفي و كيوي بعد


اموركم زي الفل

[السامر الأسود™]

بإذن الله

أشكر من شاهد وتابع وساهم وشارك وأثرى الجلسة

تغلق الجلسة,, وبالتوفيق إن شاء الله
وأجازة إسبوعية - شيقة!