الشفافية مطلوبه و توضيح أسباب النزاع أمر مهم للشركات المدرجة

[مهندس]

السلام عليكم أخواني الأعزاء


أمور السوق كثيرة و متفرعة و لكن ودي أسمع آرائكم بعض الأمور و منها الشفافة و السبب للأمانة خبر شدني من فترة ، و افصاح التحويلية اللي برأيي يحتاج توضيح أكثر بخصوص المبلغ و غيرة من الأمور و توضيحها.

https://www.thegroup.com.qa/groupdownload/newsreport//NEWS202403050903440871.html?2039215645


للأمانة شدني جدا اسم الشركة الي رافعة قضية و هو جي تي إكس غروبو ، الإسم يوحي لك بشي قوي و مثل ما تدرون GTX إسم يعطي انطباع وزني سمعي قوي و شدني و أثار حيرتي ، لذلك عملت بحث بسيط للشركة و حصلت ان العنوان عام و غير محدد في برج فيه عدة شركات و أماكن للتأجير في ميامي.

و حصلت فقط عدد أشخاص لا يتعدون اليد الواحد يمثلون الشركة و منهم الإخت المحترمة ياسمين فياض ، و قرأت سيرتها الذاتية و حصلت إنها سنة 2008 كانت تشتغل موظفة استقبال و علاقات عامة في فندق الشيراتون في الدوحة و من تقريبا 9 سنوات إمتلكت شركة عقارات لها عسى الله يرزقها و يزيدها من فضله.

بعدها عملت بحث في قوقل ماب عن الشركة و لقيت لها 3 رفيوز و تعليقات مجموعهم 3 تعليقات خمس نجوم و واحد منهم من يوزر بإسم ياسمين فياض طبعا العنوان نفس وضع ميامي :) ، عنوان مكتوب الكورنيش الدوحة و حاطينه بنص الكورنيش ، مافي عنوان محدد.

خبر التحويلية فقط يوضح ان GTX رفقت قضية على الشركة و لكن لا يوجد هناك تحديد لمبلغ المطالبة و لا اسبابها المعلنة و لا حتى علاقتهم بهذي الشركة أو العقد.



رايكم بالموضوع ؟! هل تتفقون من الرأي المطالب بتوضيحات أكثر ؟!؟ أو شايفين إن الافصاح من التحويلية كافي و وافي ؟!


ملاحظة: على فكرة كل الصور موجودة عندي من CV إلى التعليقات و لكن غير قادر على التحميل من التلفون ، أحاول باللابتوب.

[معماري قطري]

عليكم السلام ورحمة الله وبركاته

ما دام ميامي في السالفة عيل فرقة ميامي لها دخل في الموضوع .. هشكل يتركون المجال مفتوح للتأويلات بأخبارهم الناقصة ولا كأنهم يلعبون بفلوس المساهم حتى لو كانت ريال له الحق في المعلومات بوضوح كافي

[مهندس]

عليكم السلام ورحمة الله وبركاته

ما دام ميامي في السالفة عيل فرقة ميامي لها دخل في الموضوع .. هشكل يتركون المجال مفتوح للتأويلات بأخبارهم الناقصة ولا كأنهم يلعبون بفلوس المساهم حتى لو كانت ريال له الحق في المعلومات بوضوح كافي



أخوي الفاضل شركة نفس التحويلية تعتبر أيقونه صناعية متميزة المفروض تكون علاقتها و شراكاتها التجارية مع شركات مرموقة و واضحة ، المتقاعدين فلوسهم فيها 🤣…. !

[MBY98]

هذا الغلط من ادارة بورصة قطر التعبانة
اعلانات غير واضحة + يعلنون انه اجتماعات مجلس ادارة الشركات قد تمت لكن مايعلمون عن اسباب الاجتماع ولا عن النتائج وهذا الامر راضيين عنه ادارة السوق التعبانة
الصراحة يبيله حد يفنشهم ويجيبون ادارة جديدة لانه الافصاحات من ابسط حقوق المساهمين والاعلانات الغير واضحة تسبب ربكة في السوق فما اتوقع بانه شي صعب على ادارة بورصة قطر انها تحاسب الشركات الي ماتفصح بشكل واضح (الا اذا هم مب مفتكرين وهذا الي واضح اصلا هههههههههه).

[معماري قطري]

أخوي الفاضل شركة نفس التحويلية تعتبر أيقونه صناعية متميزة المفروض تكون علاقتها و شراكاتها التجارية مع شركات مرموقة و واضحة ، المتقاعدين فلوسهم فيها ��…. !

كل الشركات مهنية وتخصصية بس تعال شوف الخبراء من وين أما من جنسية عربية شهاداتهم مضروبة والا من جنسية آسيوية يموتون على الفلفل وإدارتهم مضروبة وكلهم كل تفكيرهم يحصلون ثغرة يشفطون منها العسل

[معماري قطري]

هذا الغلط من ادارة بورصة قطر التعبانة
اعلانات غير واضحة + يعلنون انه اجتماعات مجلس ادارة الشركات قد تمت لكن مايعلمون عن اسباب الاجتماع ولا عن النتائج وهذا الامر راضيين عنه ادارة السوق التعبانة
الصراحة يبيله حد يفنشهم ويجيبون ادارة جديدة لانه الافصاحات من ابسط حقوق المساهمين والاعلانات الغير واضحة تسبب ربكة في السوق فما اتوقع بانه شي صعب على ادارة بورصة قطر انها تحاسب الشركات الي ماتفصح بشكل واضح (الا اذا هم مب مفتكرين وهذا الي واضح اصلا هههههههههه).

واضح وضوح الشمس يفترض ينقلون الجلسة كلها اونلاين ويوضحون كل شيء حتى إستقسارات المساهمين وشالرد عليها

[مهندس]

كل الشركات مهنية وتخصصية بس تعال شوف الخبراء من وين أما من جنسية عربية شهاداتهم مضروبة والا من جنسية آسيوية يموتون على الفلفل وإدارتهم مضروبة وكلهم كل تفكيرهم يحصلون ثغرة يشفطون منها العسل



يعني العسل بس للدببه الصغار ؟!! تتوقع الدب الكبير يتركهم ياكلون العسل بروحهم ! ؟!

[معماري قطري]

يعني العسل بس للدببه الصغار ؟!! تتوقع الدب الكبير يتركهم ياكلون العسل بروحهم ! ؟!

صدقني المقاولات كلها نهب وعلى واسع وأوسع باب لها التطوير العقاري لأسباب كثيرة .. الدب الكبير هو اللي له حصة الأسد بس فيه منهم ناس مساكين انتهوا في السجون بسبب سرقة ما لهم دخل فيها .. الموضوع كبير وكبير وايد وصعب واللي مصعبينه اللي يسلكون واللي يسلكون هم المهندسين والإدارة الوسطى وألحين حتى العامل استوى همه يشتغل أي كلام وياخذ فوق حقه .. القاعدة تبدأ من القوانين وتطبيقها والرقابة عليها

[معماري قطري]

للأسف حتى مهندسين قطريين موجودين في مناصبهم ما يحبون يسمعون كلامي وحابين الحال يمشي هشكل .. ما عليهم مسؤولية ولا يدخلون مشاكل ووجع راس .. لكن اللي برا المنظومة يعرف ويحس ويتجاوب وبعدين هذي إجراءات موجودة في العالم غالبه القصد العالم اللي ماشي صح أو عنده شيء من الصح وألحين السعودية ماشية في هالطريق بهمة والإمارات وصلت بعيد باقين في الخليج إحنا والكويت والبحرين وايد أقل منا وعمان أفضل بعد السعودية

[CH Engineer]

اخوي معماري رشح نفسك انت وربعك اعضاء في شركة قطر والمريخ للمأكولات الصناعيه وانا عندي ابنو لعمي في نيويورك بكلمه يفتح سجل تجاري لشركة استشاريه في نيويورك ويرسل لنا عقود وقعها وبعدها نرفع قضيه عليك .

بس خل الموضوع بدون إعلانات عشان نعيدها كل سنه

[معماري قطري]

اخوي معماري رشح نفسك انت وربعك اعضاء في شركة قطر والمريخ للمأكولات الصناعيه وانا عندي ابنو لعمي في نيويورك بكلمه يفتح سجل تجاري لشركة استشاريه في نيويورك ويرسل لنا عقود وقعها وبعدها نرفع قضيه عليك .

بس خل الموضوع بدون إعلانات عشان نعيدها كل سنه

الله لا يجعلنا انا معاك ومن يقرأ من هذي الفئة

اللي يشوف الحرايق اللي كلت بيوت وأملاك أقوى قوة في العالم والله قادر يهلكهم جميع بأقل جند من جنده يعرف إن الرزق مكتوب والله الوهاب والله يراوينا فيمن قال سيقلب الشرق الأوسط جحيم يوم عاجل ويذيقه الجحيم

[مهندس]

اخوي معماري رشح نفسك انت وربعك اعضاء في شركة قطر والمريخ للمأكولات الصناعيه وانا عندي ابنو لعمي في نيويورك بكلمه يفتح سجل تجاري لشركة استشاريه في نيويورك ويرسل لنا عقود وقعها وبعدها نرفع قضيه عليك .

بس خل الموضوع بدون إعلانات عشان نعيدها كل سنه



بس هذا غباء منه ! المفروض يضبط شركته من كل الأمور عشان أصلا سعرها و مكانتها بالسوق و البلد تكبر باقتدار !



بس تجيني هواجيس و تساؤلات في بعض الأحيان هل تتم هذي الأمور بعلم كبار ملاك الشركة؟ طيب إذا عندهم علم ليش هذا الغباء ؟ ممكن أطور الشركة و بنفس الوقت أستفيد دبلات !؟ هل ممكن كبار الملاك تدبسوا بأمور بدون علمهم و بعدين يلعبونها عليهم الشلة ؟!

للأمانة المفروض الشركات الصناعية تبقى صناعية ولا تدخل مجال العقار مثلا ! لو أرادوا استثمار أرباحهم أو غيرة بالعقار ، يجب عليهم تأسيس شركة عقارية مساهمة و لها مجلس إدارة و إدارة مستقلة.