CH Engineer
03-02-2025, 07:01 AM
نفهم أن الإنسان لازم يكون متفائل في حياته، لكن اللي قاعد أشوفه هنا تفاؤل من نوع جديد… تفاؤل بدون سبب! تفاؤل بدون منطق! تفاؤل لمجرد التفاؤل!
كيف تتوقعون السوق يرتفع؟ بالمشاعر؟ بالتصفيق؟ ترى هذي بورصة، مب منتخب وطني نشجعه عشان يفوز! السوق محتاج نمو، محتاج مشاريع، محتاج ضخ سيولة، مو محتاج كلمات تحفيزية من اللي حياتهم كلها “السوق إيجابي.. السوق بخير” بينما المحافظ تذوب قدامنا!
خلونا نكون واقعيين: النمو ضعيف، الأرباح بالكاد تتحرك، المشاريع الجديدة شبه معدومة، السيولة نايمة، وكل سنة الأداء أسوأ من اللي قبلها… ومع ذلك، نلقى ناس طايرة في العجة و”السوق ممتاز والمستقبل مشرق”! مشرق على اي أساس ؟!
إذا فيه أسباب حقيقية للتفاؤل، عطونا ياها بالأرقام، بالوقائع، مو بالكلام العاطفي اللي ما يسمن ولا يغني من خسارة! أما اللي يبي يضحك على نفسه ويعيش في وهم، فهذا حر.. بس لا يجرّ معاه الناس الطيبين اللي تدور فرصة حقيقية للاستثمار.
البورصة مب ملعب حظ، ولا مكان نمارس فيه تمارين الأمل العشوائي. إما عندك سبب منطقي للاستثمار أو لا تدخل وتضيع وقتك وجهدك ومالك على السراب. أما التفاؤل العشوائي، فهو أكبر طريق للخسارة!
واسمحولنا على الاطالة
كيف تتوقعون السوق يرتفع؟ بالمشاعر؟ بالتصفيق؟ ترى هذي بورصة، مب منتخب وطني نشجعه عشان يفوز! السوق محتاج نمو، محتاج مشاريع، محتاج ضخ سيولة، مو محتاج كلمات تحفيزية من اللي حياتهم كلها “السوق إيجابي.. السوق بخير” بينما المحافظ تذوب قدامنا!
خلونا نكون واقعيين: النمو ضعيف، الأرباح بالكاد تتحرك، المشاريع الجديدة شبه معدومة، السيولة نايمة، وكل سنة الأداء أسوأ من اللي قبلها… ومع ذلك، نلقى ناس طايرة في العجة و”السوق ممتاز والمستقبل مشرق”! مشرق على اي أساس ؟!
إذا فيه أسباب حقيقية للتفاؤل، عطونا ياها بالأرقام، بالوقائع، مو بالكلام العاطفي اللي ما يسمن ولا يغني من خسارة! أما اللي يبي يضحك على نفسه ويعيش في وهم، فهذا حر.. بس لا يجرّ معاه الناس الطيبين اللي تدور فرصة حقيقية للاستثمار.
البورصة مب ملعب حظ، ولا مكان نمارس فيه تمارين الأمل العشوائي. إما عندك سبب منطقي للاستثمار أو لا تدخل وتضيع وقتك وجهدك ومالك على السراب. أما التفاؤل العشوائي، فهو أكبر طريق للخسارة!
واسمحولنا على الاطالة