عندي مبلغ أيش تنصحون

[sya]

عندي 400 ألف ومن زمان ناسين البورصة ولا ندري باخبارها
المتابعين إيش تنصحون آخذ وأنسى لمدة سنة
وهل الوقت مناسب للشراء الحين
جزاكم الله خير

[بوثاني الريان]

انماء ، فودافون ، بلدنا ، المحار . 100 الف في كل سهم وبالتوفيق ان شاء الله

[مهندس]

انماء ، فودافون ، بلدنا ، المحار . 100 الف في كل سهم وبالتوفيق ان شاء الله

بوثاني …. ڤودافون ارتفعت اكثر من 30٪ من وقت قصير … ما تشوف انه هناك أسهم قيعان و مقبلة على ارتفاعات قوية ؟ في أسهم ضربت اسعارها الي بالأزمة العالمية ب 2009 و اقل من أسعار كورونا !

[معماري قطري]

بوثاني …. ع¤ودافون ارتفعت اكثر من 30ظھ من وقت قصير … ما تشوف انه هناك أسهم قيعان و مقبلة على ارتفاعات قوية ؟ في أسهم ضربت اسعارها الي بالأزمة العالمية ب 2009 و اقل من أسعار كورونا !

السؤال صعب وجواب بو ثاني توزيع المخاطر .. خصوصاً الرجال دخوله لسنة

انا آخر دخول لي كان في الطبية ب 200000 ريال دخلت بسعر حول 1.47 وعادي أصبر حتى سنين ولو هبط السهم عن ريال ممكن أزيد فيه ولو ارتفع عطاني ربح زين بابيع .. أوقات أفكر في المضاربة بالهامش وعمري ما جربته وأوقات أقول حط فلوس البنيان في السوق التعبان وأتعوذ من ابليس

[ابومبارك]

عندي 400 ألف ومن زمان ناسين البورصة ولا ندري باخبارها
المتابعين إيش تنصحون آخذ وأنسى لمدة سنة
وهل الوقت مناسب للشراء الحين
جزاكم الله خير

قامكو وأنساه سنه وان شاء الله تحصل من وراه التوزيع الزين
سهم نزوله صعب اكثر من كذا والأيام القادمه ان شاء الله فوق
ولك الحريه والاختبار مجرد فكره

والله يوفقك

[مهندس]

السؤال صعب وجواب بو ثاني توزيع المخاطر .. خصوصاً الرجال دخوله لسنة

انا آخر دخول لي كان في الطبية ب 200000 ريال دخلت بسعر حول 1.47 وعادي أصبر حتى سنين ولو هبط السهم عن ريال ممكن أزيد فيه ولو ارتفع عطاني ربح زين بابيع .. أوقات أفكر في المضاربة بالهامش وعمري ما جربته وأوقات أقول حط فلوس البنيان في السوق التعبان وأتعوذ من ابليس



اخوي الغالي معماري

اولا اشكرك على ردك و أنا أتشرف بمناقشتك لانك انت من الاشخاص الي معطين هذا المنتدى رونق خاص و لا قصور بالإخوان كلهم …
اولا … شخصيا مستحيل اشتري سهم ب 200000 ريال بجلسة او جلستين تدوال و خاصة بسوقنا مع ان محفظتي تفوق هذا الرقم بكثير و لله الحمد ، الرسول عليه الصلاة و السلام يقول لا يؤمن أحدكم حتى يحب لأخيه ما يحبه لنفسه ، و أنا و الله يشهد علي اني احب لك ما احب لنفسي و النصح شي جميل و أنا مؤمن انه يرجع للشخص الناصح بالخير و التوفيق باذن الله إذا كانت نصيحته مخلصه لوجه الله ، على العموم أنا ودي أشارك سر أعمله أنا لنفسي و يمكن يفيد الأخوة ان شاء الله ، اولا عند الشراء عادة افضل يوم الخميس لانه يكون من اشد الايام ضغطا على الأسهم بشكل عام و هذا أخذته بالخبره بالسوق … ثانيا يفضل الشراء على دفعات متباعده يكون مداها اسابيع اولا ثم اشهر و تكون في فترات غير توزيعية بمعنى تكون فترات ركود عام بالسوق و ملل … اشوف هذا افضل وقت للشراء …

ثانيا : نصيحه من اخ لا تقرب صوب الهامش لو يغرونك بشراء السوق كامل لان الهامش في سلبية غير واضحه للجميع إلا وهي انهم يطلعونك من الصفقة بولا شي 0 zero … يعني out ! و لكن لو تشتري السهم ب مبلغ 1000 ريال كاش و من حر مالك يبقى معاك السهم طول عمرك و تورثه لعيالك لو يوصل نص ريال و لا يرتفع 100 ريال …. بمعنى انت تكون لك الغلبه بالنهاية ! و من طمع طبع … اعرف شباب ببورصات ثانية دبلوا فلوسهم ثلاث مرات من الهامش و بالنهاية خسروا كل فلوسهم و طلعوا 0 zero ! خطر جدا الهامش !


بالنهاية الظاهر ان في اختلاف كبير بيننا بطريقة التداول بالأسهم لاني أنا شخصيا مستحيل اشتري الطبية و اخليه عندي ثلاث ايام ورى بعض لانه بكل بساطة مافيه توزيعات و مضاربي بحت ، و لكن ممكن مثلا اشترى الريان و انطر عليه عشر سنين و آخذ ارباحه و أنا مرتاح لو انه نزل ل نص ريال لاني متيقن انه راح يرتفع لو بعد عشر سنين و البنوك عادة تكون فيها زيادات لرأس المال على فترات من الزمن.


على العموم مشكور على الرد و يعطيك العافيه على جهودك الي تقوم فيها بالمنتدى 💐

[جعران]

وقود اذا استثمار جيدة
بسعر يوم الخميس للعائد السنوي
تقريباً يدر عليك 21 الف سنوي
في الوقت الحالي اما اذا عندك صبر
ونفس طويل فخذ بلدنا فيها ارباح
وفيها ارتفاع في المستقبل بين سنة
او سنتين
والمثل يقول كذب المنجمون ولو صدقوا

[معماري قطري]

اخوي الغالي معماري

اولا اشكرك على ردك و أنا أتشرف بمناقشتك لانك انت من الاشخاص الي معطين هذا المنتدى رونق خاص و لا قصور بالإخوان كلهم …
اولا … شخصيا مستحيل اشتري سهم ب 200000 ريال بجلسة او جلستين تدوال و خاصة بسوقنا مع ان محفظتي تفوق هذا الرقم بكثير و لله الحمد ، الرسول عليه الصلاة و السلام يقول لا يؤمن أحدكم حتى يحب لأخيه ما يحبه لنفسه ، و أنا و الله يشهد علي اني احب لك ما احب لنفسي و النصح شي جميل و أنا مؤمن انه يرجع للشخص الناصح بالخير و التوفيق باذن الله إذا كانت نصيحته مخلصه لوجه الله ، على العموم أنا ودي أشارك سر أعمله أنا لنفسي و يمكن يفيد الأخوة ان شاء الله ، اولا عند الشراء عادة افضل يوم الخميس لانه يكون من اشد الايام ضغطا على الأسهم بشكل عام و هذا أخذته بالخبره بالسوق … ثانيا يفضل الشراء على دفعات متباعده يكون مداها اسابيع اولا ثم اشهر و تكون في فترات غير توزيعية بمعنى تكون فترات ركود عام بالسوق و ملل … اشوف هذا افضل وقت للشراء …

ثانيا : نصيحه من اخ لا تقرب صوب الهامش لو يغرونك بشراء السوق كامل لان الهامش في سلبية غير واضحه للجميع إلا وهي انهم يطلعونك من الصفقة بولا شي 0 zero … يعني out ! و لكن لو تشتري السهم ب مبلغ 1000 ريال كاش و من حر مالك يبقى معاك السهم طول عمرك و تورثه لعيالك لو يوصل نص ريال و لا يرتفع 100 ريال …. بمعنى انت تكون لك الغلبه بالنهاية ! و من طمع طبع … اعرف شباب ببورصات ثانية دبلوا فلوسهم ثلاث مرات من الهامش و بالنهاية خسروا كل فلوسهم و طلعوا 0 zero ! خطر جدا الهامش !


بالنهاية الظاهر ان في اختلاف كبير بيننا بطريقة التداول بالأسهم لاني أنا شخصيا مستحيل اشتري الطبية و اخليه عندي ثلاث ايام ورى بعض لانه بكل بساطة مافيه توزيعات و مضاربي بحت ، و لكن ممكن مثلا اشترى الريان و انطر عليه عشر سنين و آخذ ارباحه و أنا مرتاح لو انه نزل ل نص ريال لاني متيقن انه راح يرتفع لو بعد عشر سنين و البنوك عادة تكون فيها زيادات لرأس المال على فترات من الزمن.


على العموم مشكور على الرد و يعطيك العافيه على جهودك الي تقوم فيها بالمنتدى ��

جزاك الله خير على النصيحة انا كذلك متخوف من الهامش ولا جربته كلش

خلنا نشوف بو ثاني الفناني اللي يحب نادي الرياني ونفترض دخلت في الأسهم الاربع اللي رشحها ب 100000 لكل سهم .. هو رشح لك الأسهم في 7 من هذا الشهر خل نقول انت خذتها 8 ونفترض خذت إنماء بسعر 3.476 اللي هو سعر إفتتاح يوم 8 .. وخذت فودافون بسعر2.470 وخذت المحار بسعر 2.395 وخذت بلدنا بسعر 1.220 .. بتكون خسرت في انماء ونزلت القيمة السوقية الى 3.433 هبوط 4.3 درهم وكنسبة 1.237% وال 100000 نزلت قيمتها السوقية الى 98763 + بعد نزول العمولة وحسبته بيع وشراء حول 0.55%

فودافون قلنا خذته ب 2.47 وآخر اليوم سعره 2.557 ربحت فيه 8.7 درهم أو نسبة 3.5222% عندك مبلغ ال 100000 إستوى 103522 ريال عوضك وطبعاً ناقص العمولة .. يعني في صفقة انماء خسرت حول 1230 وفي صفقت فودافون ربحت 3500

نروح حق المحار خذته بسعر 2.395 وآخر اليوم وصل 2.420 والفرقية + 0.025 ريال وكنسبة 1.0438% وال 100000 صارت تقريباً 101000

أخيراً عندنا بلدنا بسعر 1.22 وأغلق على سعر 1.218 خسرت حول 0.002 ريال أو نسبة 0.01639% وهذي توصل في ال 100000 لحدود 164 ريال .. يعني عندك صافي مبلغ زائد 3099 ريال على 400000 تعادل 0.77475% هذي طبعاً لو بعت بتشيل منها العمولة لكن عمولة الشراء في 400000 تطلع 1100 يعني تكون مصفي على حول 2000 ريال .. بنتابع وبنشوف آخر هذا الاسبوع كم تطلع

[معماري قطري]

بأذكر لك سالفة مع إزدان مرة .. دخلت بمبلغ بسيط بس بقيت متعلق 3 سنين وارتفع فجأة وصل سعري خليته وزاد لين عطاني تدبيلة بعدين بعت .. هشكل فعلياً طلعت 100% على فترة 3 سنين بمعدل سنوي 33% .. زين والمغامرة الثانية معاه جمعت فيه من فوق وهو ينزل لين وصل نص ريال جمعت كمية مليون ونص المليون سهم وبمعدل سعر مرتفع حول 0.8 ريال وانتظرت بس ارتفع وكان معاي أحد الإخوان نتابعه وقتها كان إقلاع حتى الإمتاع من نص ريال لين 2.4 ريال .. رفيجي ما تحمل وباع وأكيد بيقرأ مشاركتي وبربح زين الله يبارك له ويمكن أثر فيني خلاني ابدأ اخفف من وصل سعري 0.8 هو معدله كان أنزل .. المهم صمدت معاه يمكن آخر جزء بعته بحول القمة 2.4 لكن بعت أجزاء وايد في الطريق .. ألحين عندي فيه حول 180 الف وبسعر مرتفع حول 1.4 ريال وعادي انطر سنتين أو 3 متى ما جاء رزقي بعت

الطبية تعودت على قمم الجبال ولو قعدت سنتين أو 3 بترجع فوق الريالين ذيك الساعة بيحين قطافها .. ولو نزلت تحت الريال ممكن أطمع تنزل أكثر وأزيد فيها

[معماري قطري]

وقود اذا استثمار جيدة
بسعر يوم الخميس للعائد السنوي
تقريباً يدر عليك 21 الف سنوي
في الوقت الحالي اما اذا عندك صبر
ونفس طويل فخذ بلدنا فيها ارباح
وفيها ارتفاع في المستقبل بين سنة
او سنتين
والمثل يقول كذب المنجمون ولو صدقوا

وقود عنده توزيع بعد 3 شهور ممكن 40 درهم على سعره الحالي بيكون عطاك في ربع سنة على 14.94 ما يعادل 2.677% وآخر السنة ممكن بين 50 و 60 وقد يسويها حتى 65 بيكون في 9 شهور عطاك ما مجموعه 7.028% العام موزع 1 ريال انا رفعت التوزيع بس 1.05 ريال .. حسابياً تذبذب وقود خلال سنة من 13.45 الى 15.53 وسعره الحالي على مشارف ال 15

[معماري قطري]

اليوم تيوسداي خلونا نلقي نظرة شصار مع مزيج بو ثاني بعد أقل من اسبوع قلنا يوم الشراء كان الخميس بداية اليوم

وصلنا الى سعر 3.472 لإنماء وكان الأحد 3.433 .. التغيير ايجابي وكان سعر شراءنا 3.476 رجعنا قريب من سعر الشراء بس للحين خسرانين 0.55% + ما يقارب 4 أعشار الدرهم .. خسارتنا في ال 100000 الأولى حول 665 بشكل تقريبي

ووصلنا لسعر 2.506 لفودافون وكان الأحد 2.557 نزل عن سعر الأحد وإقترب من سعر شرائنا البالغ 2.470 وما زال عندنا ربح حالي حول 1500 لو شلنا تكلفة العمولة

ووصلنا لسعر 2.431 للمحار وكان سعره الأحد 2.420 وللحين معطينا ربح من سعر شرائنا 2.395 حول 950 ريال

ووصلنا لسعر 1.248 لبلدنا وكان سعر الأحد 1.218 وسعر شرائنا حول 1.22 نلاحظ ارتفع عن سعر شرائنا وعطانا ربح زين حول 2200 ناقص العمولة 550 ريال نطلع محققين حول 1650 + 950 + 1500 - 665 = 3435 على المبلغ المستثمر 400000 تعطينا 0.85875% ولو فرضنا هذي المبالغ كانت 4 ملايين بتعطينا 34350 في خلال أقل من اسبوع على فرض اننا دخلنا بالهامش

نقدر نقول توفقنا في 3 اسهم للآن وخسرنا في سهم دوم 4x4 أفضل عاد ما تضبط دوم بنواصل إن شاء الله بنهاية الخميس

[معماري قطري]

وقود اذا استثمار جيدة
بسعر يوم الخميس للعائد السنوي
تقريباً يدر عليك 21 الف سنوي
في الوقت الحالي اما اذا عندك صبر
ونفس طويل فخذ بلدنا فيها ارباح
وفيها ارتفاع في المستقبل بين سنة
او سنتين
والمثل يقول كذب المنجمون ولو صدقوا

باحسبها حق مزيجك إخوي جعران المكون من سهم واحد وقلنا تاريخ الدخول يوم الخميس اللي راح حيث كان سعر وقود اللي دوم هو Very Good كان سعره قلنا نشتري في الإفتتاح مع انه نزل شوي عن هذا السعر 15.010 و مبلغ 400000 عليها عمولة شراء 1100 وعمولة بيع نفس القيمة بتبقى لنا للشراء نفس المبلغ ناقص 1100بنحصل 26575 سهم وبيزيد مبلغ بسيط هذي سعرها اليوم 15.11 تطلع عندنا قيمة أسهمنا 401548.25 ولو بنبيع بنخسر عمولة شوي أقل من 1100 ريال بنصفي على حول 450 ريال ربح للحين الفور باي فور مال بوثاني يفوز

بس استثمارياً وقود بيعطينا خلال 3 شهور حول 10630 لو وزع نصفي نفس العام وهذا بيكون دافع للسهم أتوقع يوصل 16 ريال بالراحة وخلال هالرحلة بنتابع معاه وبيكون عطانا ربح سوقي في حال وصل ريال حول 26000 هذي على 400000 تعادل 6.5% نبيع متى ما عطانا ريال ونرجع نشتري بعد التوزيع النصفي يكون رجع لحدود 15 ريال وممكن أقل ونكرر العملية مع النصف الثاني .. هذا سيناريو جايز وممكن نتابع ونشوفه

[جعران]

باحسبها حق مزيجك إخوي جعران المكون من سهم واحد وقلنا تاريخ الدخول يوم الخميس اللي راح حيث كان سعر وقود اللي دوم هو Very Good كان سعره قلنا نشتري في الإفتتاح مع انه نزل شوي عن هذا السعر 15.010 و مبلغ 400000 عليها عمولة شراء 1100 وعمولة بيع نفس القيمة بتبقى لنا للشراء نفس المبلغ ناقص 1100بنحصل 26575 سهم وبيزيد مبلغ بسيط هذي سعرها اليوم 15.11 تطلع عندنا قيمة أسهمنا 401548.25 ولو بنبيع بنخسر عمولة شوي أقل من 1100 ريال بنصفي على حول 450 ريال ربح للحين الفور باي فور مال بوثاني يفوز

بس استثمارياً وقود بيعطينا خلال 3 شهور حول 10630 لو وزع نصفي نفس العام وهذا بيكون دافع للسهم أتوقع يوصل 16 ريال بالراحة وخلال هالرحلة بنتابع معاه وبيكون عطانا ربح سوقي في حال وصل ريال حول 26000 هذي على 400000 تعادل 6.5% نبيع متى ما عطانا ريال ونرجع نشتري بعد التوزيع النصفي يكون رجع لحدود 15 ريال وممكن أقل ونكرر العملية مع النصف الثاني .. هذا سيناريو جايز وممكن نتابع ونشوفه
تحليل منطقي
والاستثمار طويل الأجل
يعتمد على الاستغناء عن
عن المبلغ لفترة ما بعد جني الأرباح
ويحافظ على راس المال
والاهم من ذلك هوا متابعة السهم
باستمرار لاقتناص الفرصه في
البيع والشراء
العام الماضي شريته على
14-95 وربحت فيه مبلغ طيب

[معماري قطري]

الله يبارك لك والسهم ما منه خوف ريال على 15 كتوزيع 6.6666% ومربح سوقي زين لأنه ينزل وايد بدون مبررات

[معماري قطري]

إنتهى الأسبوع الأول وما شاء الله سباق الكولكشن واضح فايز فيه بو ثاني كسعر سوقي

سعر شرائنا للأسهم إنماء 3.476 وشرينا حوالي لو شلنا العمولة مالت الشراء 275 بتبقى لنا 99725 ريال نقسمها على سعر السهم يطلع لنا عدد الأسهم الممكن شراءها حوالي 28689 سهم .. وسعر اليوم 3.475 هابط لنا عشر من الدرهم بس خسارتنا في السهم بتكون 28.69 ريال تقريباً + العمولة 275 قيمة بترول حق السيارة ولا شيء بس للحساب الإجمالي على فرض اننا طلعنا آخر اليوم بنخسر بعد عمولة البيع بتكون خسارتنا تحت 600 ريال

فودافون سوى هجوم مضاد وكان سعر شرائنا 2.470 وشرينا تقريباً 40374 سهم وسعر اغلاق اليوم 2.576 ربحنا في الأسهم 0.106 ريال ضرب الأسهم يعطينا 4279 ريال ناقص عمولة البيع لو بعنا بما يقارب ال 275 ريال .. نقول صافي 4000 ونشيل منها ال 600 اللي خسرناها من انماء نصفي على 3600

المحار شريناه ب 2.395 وشرينا منه حول 41638 سهم وسعره اليوم 2.399 وربحنا فيه طفيف حول 166 ريال ناقص العمولة 550 نطلع خسرانين ما يقارب 400 ريال يتقلص ربحنا لحدود 3200 وشوي

رابع سهم والأخير بلدنا ب 1.22 وشرينا منه حوالي 81740 سعره اليوم 1.26 ربحنا فيه حول 3269 ريال ويستوي ربحنا في العملية لو بعنا بلدنا مع بقية الأسهم حوالي 6200 ريال هذي على راسمال 400000 خلال اسبوع عطتنا حول 1.55% شيء حلو والله ولو داخلين بمليون يكون ربحنا 15500 ولو بخمس ملايين من الهامش خلال اسبوع نكون صفينا على 77500 هذي بشكل تقريبي العمولة طبعاً تزيد ويقل الربح ممكن حول 70000 بنوصل خلال اسبوع ولا أحلى .. دافع 50000 حق حديد الأعمدة من التيسير مع التجهيز والتركيب في الموقع

[معماري قطري]

سهم وقود اللي بين شرايين القلب مفقود وصل سعره ل 14.95 لو داخلين فيه خسرنا سوقياً بعد بنتابعه الأسبوع الجاي

الملاحظ الأسهم تستوي عليها تنزيلات وتصفيات الخميس وأوقات نادرة تكمل التصفيات لين الأحد .. اللي يشتري الخميس ويبيع الأحد خصوصاً في همة السوق وبداياته رابح