دراسة جول أرباح الربع الثالث 2025 وتوقعاتها

[معماري قطري]

انا تركيزي على ربحية السهم وعلى توزيعه السابق وإحتمال ربحية الربع الرابع كم بتكون والتوزيع كم أي ظروف خارجة بعد هذا الربع في علم الغيب وبابداها سهم سهم حسب الإعلانات

بدايةً بالوطني

نسبة الزيادة في الربح 0.93% لكن مستغرب من ربحية السهم من 1.28 الى 1.31 الزود 3 دراهم لكل سهم وربحية السهم تطلع زادت 2.344% معناها فيه أسهم نقصت هل تحولت لأسهم خزينة وما تدخل في المجموع ما ادري شالقصة

العام تم توزيع 0.7 ريال على دفعتين وهذا مجمل التوزيع والسنة وزعوا للمنتصف 0.35 ريال بزيادة درهمين عن العام والسنة أتوقع الزيادة بين 3 الى 5 دراهم عن العام يعني توزيع 0.75 وممكن يوصل ل 0.8 لو بحبحوا يدهم

السهم الثاني بنك دخان

نسبة الزيادة في الربح 4.4% وربحية السهم في الرابع 24 كانت 0.206 والسنة 0.215 والفرقية 0.09 ريال تغطي ال 0.08 اللي توزعت لنصف السنة العام والسنة هذي .. انا ما أتوقع على النمو ذيه يوزعون بعد نفس العام لآخر السنة وأتوقع بين 0.1 الى 0.12 ريال وحتى لا يعتبر عادل المفروض يغيرون سياسة التوزيع للبنوك كلها 70% من المحقق توزيع عادل ألحين تحت ال 50% للبنكين ذيلا

[معماري قطري]

اليوم أعمال هابط 7 أجزاء من الدرهم وسعره 0.82 ريال ربحه لسعره 6.341% وممكن من هذا السعر يحقق 8% آخر السنة بالراجة ولو وزع 6% زين وفوق الزين المشكلة الحسابات صعبة .. العام موزع 6 دراهم هل ممكن يوزع 5 السنة وبتكون فوق ال 6.097% بشوي نسبة لسعره اغلاق اليوم بس مشكلته يخيب الظن ولا يوزع .. الحلو فيه ضغط من إدارة السوق وممكن يوزع نفس العام والله أعلم وممكن زود شوي وممكن 5 دراهم وكلها لسعره مجدية لكن ممكن ما فيه توزيع كلش

[معماري قطري]

سهم آخر أعلن عندنا ازدان .. العام ما وزع وله سنين ما يوزع في النصف الأول محقق ارتفاع طفيف جزء من الدرهم ووصل ل 0.007 كلش ما يسوى وهذا الربع حقق قفزة هائلة بين العام 0.022 ونفس الوقت العام محقق 0.008 يعني ارتفع العام بس جزئين من الدرهم والسنة ارتفع 1 درهم و 4 أجزاء والظاهر بإذن الله يحقق مفاجأة وتوزيع ممكن 2 أو 3 دراهم ما لم يحقق مفاجأة سلبية وسعره اليوم 1.121 ربحه ما يساعد الا لو استمر في نمو جيد مقارب للربع الثالث وأعلن توزيع معقول

توقعي للسهم قفزة سعرية بإذن الله بس توزيع ما أشوف فيه أكثر من 3 وإحتمال 2 إحتمال يسويها ويوزع

[معماري قطري]

خلصت الإعلانات أو شبه خلصت باقي شركة الفالح على راسها ريشة وسنتها تنتهي هذا الربع ليش ما تعلن وليش ما توزع

عندنا إعلان الريان وسعره الحالي 2.339 وعليه نتوقع توزيع آخر السنة.. بلغت ربحية السهم 0.142 ريال قطري في للربع الثالث من العام ‏30 سبتمبر‎ 2025 مقابل ربحية السهم 0.139 ريال قطري لنفس الفترة من العام الذي سبقه .. العام ربحيته 0.157 والسنة لو مشى على نفس الربحية ممكن يوصل 17 الى 18 درهم وحتى 19 درهم ممكنة .. المهم باقي له يحقق 1.5 درهم زود الربع الأخير ونتمنى يجيب بين 3 و 5 درهم للرابع .... العام وزع السهم 10 دراهم والسنة بسهولة ممكن يوزع 12 وحتى أكثر و 12 على السعر الحالي بتكون حول 5.13% بنك ويعطي أعلى من الودائع ومحقق نمو قريب 2.5%

بنك لشا محقق نمو 45.01% وربحية للسهم 0.125 وسعره 1.805 والعام وزع 5 دراهم من ربح صافي 0.114 وهو مغطيه حالياً وإحتمال يوصل 0.16667 ريال ربحه ونسبة الموزع من المحقق العام 43.86% يعني لو مشى على نفس سياسة التوزيع ممكن يوزع 0.07 الى 0.075

تحقيق بنك لشا للنمو في كل ربع كان في الأول 40.63% والثاني 52.29% والثالث فوق 45% مسجل فوق .. يعني متوقع يحقق نمو زين بالراحة وقد يحقق 50% زود في الأخير ويجيب 17.1 درهم ويوزع منها 7 دراهم الى 7 ونص وفي حال هذا التوزيع بتكون نسبة ربح البنك لسعره الحالي 3.878% الى حول 4.155% وأتمنى يبحبحون يدهم شوي في النهاية بنك استثماري وربحه زين

[معماري قطري]

السلام خطير وممكن يكون تفجير

السلام وتوزيعه زين العام كان 0.04 ومحقق 0.045 ريال وزع نسبة 88.88% من المحقق والربع هذا حقق 0.065 والعام محقق مثل هذا الوقت 0.028 حقق فوقها 0.037 ريال السنة لو فرضنا بيحقق حول العام بيكون 0.0866 ممكن وممكن لا والله أعلم لكن الممكن مرجح أكثر محقق لسعره الحالي بيكون 0.755 ريال حالياً محقق 8.609 % وآخر السنة ممكن يحقق 11.479% والله أعلم ممكن زود ولو وزع نفس العام بيكون 0.077 ريال توزيع ديمقراطي فاخر على سعره الحالي يعادل ما يقارب 10.199%

العام محقق 0.74 وموزع منها على دفعتين 0.74 صراحة سهم فاخر وزع كامل الربح .. والربع هذا حقق 0.56 ولو مشى على نفس العام ممكن بشق الأنفس يحقق 0.72 حيث حقق العام 0.58 في الربع الثالث والسنة نازل بس درهمين قياساً ممكن يحقق نفس العام وممكن حول 0.7 بسبب هبوط النفط وهو عامل سلبي .. خلونا بين 0.68 كتوزيع إجمالي ووزع نص السنة جزء منه ما اذكر كم و 0.75 كتفاؤل زود شوي في الربع الأخير على سعره الحالي 12.70 ريال بيعطينا بين 5.33% و 5.88% مستغرب من بيبي تي هذا شلون حساباته بعدين ما ننسى استثمارنا الحالي بيكون مخصوم منه توزيع نص السنة .. كان العام لصناعات 0.31 ريال والسنة 0.26 ريال يعني نتوقع توزيع آخر السنة ينزل ممكن 5 أو 10 درهم عن العام ويكون حول 0.7 ناقص منها 0.26 الى 0.65 ناقص منها 26 درهم اللي توزعت أما السلام بيعطي ربح وايد أعلى بإذن الله والسلام تحت سعر الإكتتاب وطالع من إكتئاب الظاهر إدارة السوق ركزت على الشركات اللي تدعي الخسارة

هل تسوى أستثمر استثمار جديد 12.7 ريال وأحصل 0.44 الى 0.39 وما بين 3.07% الى 3.465% .. أتوقع لصناعات هبوط أكبر وممكن تزور العشرة الا تصير ظروف وايد ايجابية وربح يخالف التوقعات وكل شيء جايز

[معماري قطري]

نسيت أذكر اسم السهم الثاني في البداية وهو صناعات .. وزين جاو مع بعض فيه ناس ما تحب هذي المقارنات بس المقارنة لو بنقارن توقع ربحية الشركة ومقارنة النمو المتواصل على 3 أرباع وسنة سابقة كذلك حصل فيها توزيع زين للشركتين

انا يمكن أخفف من صناعات واتجه للسلام وممكن لمزايا بعد بزود في السهمين .. أشوف متابعة السوق للشركات ومحاسبته لهم فيه خير للمساهمين والله يوفق وأتوقع صناعات تدخل مرحلة صياعات مع إن عندي في السهم كمية وبسعر حول 15 بس شفطت رحيق السهم ولو بعت شوي ما يضر إن شاء الله وممكن أستفيد من توزيع السلام ومزايا أكثر من استفادتي من صناعات

[معماري قطري]

نشوف سهم مزايا شكله ناوي يحلو والله أعلم

السهم محقق العام خسارة قوية بعد ربح زين في الثلاث ارباع -0.07 خسارة السهم .. والربع الأول 25 حقق 0.027 بنسبة ارتفاع عالية 278.74% يعتبر الثاني في نسبة النمو بعد قطر وعمان .. الربع الثاني حقق 0.037 بإرتفاع درهم عن الأول .. والثالث حقق 0.048 بإرتفاع 1.1 درهم .. والمتوقع لو شمر عن ساعديه يوصل 6 دراهم بس التوزيع مشكوك فيه لذلك أشوف السلام أفضل وهذا لو ما فاجئنا بخسارة .. كنت مفكر أزيد فيه بس غيرت رايي

سعره الحالي 0.614 وربحه لسعره 7.818% نسبة جيدة بس وضعه يخوف

[ابو سعيدناصر]

نشوف سهم مزايا شكله ناوي يحلو والله أعلم

السهم محقق العام خسارة قوية بعد ربح زين في الثلاث ارباع -0.07 خسارة السهم .. والربع الأول 25 حقق 0.027 بنسبة ارتفاع عالية 278.74% يعتبر الثاني في نسبة النمو بعد قطر وعمان .. الربع الثاني حقق 0.037 بإرتفاع درهم عن الأول .. والثالث حقق 0.048 بإرتفاع 1.1 درهم .. والمتوقع لو شمر عن ساعديه يوصل 6 دراهم بس التوزيع مشكوك فيه لذلك أشوف السلام أفضل وهذا لو ما فاجئنا بخسارة .. كنت مفكر أزيد فيه بس غيرت رايي

سعره الحالي 0.614 وربحه لسعره 7.818% نسبة جيدة بس وضعه يخوف
اخوي معماري ما دام عائد السهم قد يصل الى 6 دراهم ان شاء الله ما المانع في التوزيع في هذه العام

[معماري قطري]

اخوي معماري ما دام عائد السهم قد يصل الى 6 دراهم ان شاء الله ما المانع في التوزيع في هذه العام

المشكلة يا اخوي هذي الشركات لدغتها تجي في الربع الأخير يطلعون لك إعادة تقييم وسوالف ومشاريع الفلوس اللي ربحوها واللي هي حق للمساهمين تروح في مغامرات غير مدروسة وتمويل لشركات عزيزة عليهم .. مجلس الإدارة يوقع مشاريع مع شركات يموت عليها يعطيها اليابس والخضر من فلوسنا وإحنا يعطينا الأحلام ومن حقنا نقول هالكلام شفناه في شركات عقارية كثيرة وانا أعرف من أين تنهب الريالات .. إن شاء الله إدارة السوق تكون واعية وتحاسب هالشركات وما نبي توزيع حسب سعر السهم نبي توزيع حسب ربحيته ونبغي كامل الربحية شبعنا بنيان وبعد البنيان شبعنا صرف على الصيانة اللي المفروض يدفعونها الملاك للعقار وهم يدفعون بس دوم توجد زيادات خارجية تعمل على أساس عنصر جذب وتحت بند الصيانة .. مثل اللؤلؤة مشروع مصان جيد وممتاز ورمز المفروض يطلع ربح لا يقل عن 10% لقيمته الإسمية بس اللي نشوفه فتات وبشق الأنفس وبعد هذي السنين وأموال ترحل من الربح ومن مخابي المساهمين للصيانة وللمشاريع الجديدة .. بقدرة قادر تحولت الشركة من مساهمة عامة لشركة مساهمة خيرية غير ربحية الأموال فيها وقف .. كان قالوا لنا كذا وقت الإكتتاب

[معماري قطري]

ما ادري شيتعب ادارة السوق وعندها البرمجيات اللي تحدد سعر السهم ونسبة ربحيته لسعره حسب كل نهاية ربع ونسبة التوزيع المتوقع للسهم حتى المستثمر يعرف شاللي يناسبه .. كذلك الأخبار المؤثرة في توزيع السهم هذي لازم تكون سهلة ومتوفرة في موقع الكتروني سهل .. صراحة طلاسم ودهاليز السوق صعبة لكن متأمل خير هالسنة وزود بحدود زينة عن العام

خلونا ناخذ بنك لشا اللي أغلق على 1.798 وصل 1.922 خلال السنة وكان التوقع له فوق ال 2 ريال والمفروض السهم مستحق محقق نمو متواصل هذي السنة في الربع الثالث جايب 0.125 ريال ونسبة نمو 45.01% .. حقق لمنتصف السنة نسبة نمو 52.29% وللربع الأول نسبة نمو 40.63% وفي هذي الأرباع ما تفوق عليه الا سهم قطر وعمان بس الغريب سهم قطر وعمان محقق في الأول نمو خرافي 554.09% وفي الثاني كذلك وفي الثالث كذلك كله هو السهم الأعلى في النمو وفي خانة المئات لكن ما حققه من ربح في الأول 0.012 درهم ونتفتين من الدرهم وفي الثالث 0.012 نفس الرقم هل يعقل؟ أو فيه خلل في حساباتهم اللي أعرفه هذي الأرباح تراكمية

خلونا من الدخيل قطر وعمان ما دام فيه شك في حساباته خلونا صوب لشا بس 0.125 ريال ربحية وسعر 1.798 ربجيته لسعره تطلع 6.952% والعام رابح السهم 0.114 موزع منها بس 5 دراهم يعني وزع 43.86% من الربح بس ولو السنة مشى على نفس المستوى بيربح 0.1666 ريال وممكن يوزع 0.075 ريال شوي يبحبح يده ومن الممكن والمفترض توصل 10 دراهم لأن كان توزيع العالم ظالم كثير .. 10 دراهم لسعره الحالي بيكون يعطي ربح 5.56% الى حول 4.17% لو أعطى 0.075 هذا لو ما فاجئنا بخساير

[معماري قطري]

طلعت بنك لشا كاتب عنه مرتين شكله ماخذ القلب

نروح صوب مقدام العام محقق 0.288 ونسبة نمو 7.27% للسنة كلها وسعره الحالي 2.543 والأعلى خلال سنة كان 3.649 ومحقق السهم حالياً في الثالث 0.174 وبارتفاع فوق 8% وممكن لو مشى على نفس المسار يحقق 0.232 ريال ويكون فيه نزول في الربحية للسهم طبعاً السبب هو توزيع مجاني العام 18.5% يعتبر كثير ويضغط ربحية السهم لكن ممكن يحقق مفاجأة ويعطي ربح أعلى من العام وهو المفروض ويوقف توزيع المجاني اللي أضر بالسهم نزله بحدود كبيرة نازل من قمة السنة حول 1.106 ريال وبنسبة 30% شالفايدة ناخذ 18.5% وتنزل قيمة اسهمنا 30%

[معماري قطري]

شركات السوق غامضة ويخوف وضع الغالبية ولا نقدر نجزم شاللي يسوى

أشوف قطاع الخدمات شوي جيد خصوصاً ميزة ومقدام والمحار .. هذا الثلاثي ممكن يتحرك والغريب إن مقدام سعره السوقي تحت وربحية السهم جيدة وميزة نفس النشاط بس السهم ربحيته تحت نص مقدام لكن أعلى منه بكثير .. شالفرق بينهم خلوا نشوف عدد الأسهم ميزه سعره اليوم 3.350 وعدد أسهمه 648.98 مليون سهم ومحقق 0.07 ريال ما قد يحققه آخر السنة 0.10 ريال أو 0.11 ممكن ونسبة ربحه لسعره بتكون بين 2.985% و 3.284% شكثر بيوزع منها هو المهم

مقدام 2.516 سعر اليوم .. وربح السهم 0.175 وممكن يحقق 0.23 الى 0.24 بشكل تقديري وأتوقع توزيعه هالمرة يكون كاش ويكون متحفظ بحدود 60% من المحقق 15 درهم وهي لسعره تعادل 5.96% والسهم استثمارياً المفروض جيد بس ما ادري شصار مع سعره السوقي .. عدد الأسهم 159.98 مليون سهم حول ربع عدد أسهم ميزة والمفروض سهل رفعه

المحار 2.230 وربحية السهم 0.17 وعدد أسهمه 207 ملايين توزيعه العام كان 12 درهم والمحقق 18 والسنة حقق 17 وممكن يحقق 22 لو مشى على نفس النمو ولنفترض نفس التوزيع العام 66% بيعطينا توزيع حول 0.15 ريال ولسعره تعادل 6.726% أشوف السهمين الأخيرين فيهم خير لكن المحار أقوى وأتوقع له خير بإذن الله مقدام خربوه ما ادري ليش

[مضارب ولهان]

صباح الخير بوعبدالله شلونك يبه سوقنا غريب وعجبب وخربطه من الاخر ،، المهم امس رجال من برى يسالني يبي يعرف ضروري ارباح بنك الدوحه للنص السنوي والربع الثالث والصراحه عجزت مالقيت حد منزل اي خبر اعلان عن البنك ممكن تفيدني ولاتهون

[جعران]

بنك الدوحة : الإفصاح عن البيانات المالية للربع الثالث للعام 2025
أعلن / أعلنت بنك الدوحة عن البيانات المالية الربعية للفتره المنتهية في ‏30 سبتمبر‎ 2025 حيث بلغ صافي الربح 745,292,000 ريال قطري مقابل صافي الربح 690,410,000 ريال قطري لنفس الفترة من العام الذي سبقه.
كما بلغت ربحية السهم 0.24 ريال قطري في للربع الثالث من العام ‏30 سبتمبر‎ 2025 مقابل ربحية السهم 0.22 ريال قطري لنفس الفترة من العام الذي سبقه.

[جعران]

صباح الخير بوعبدالله شلونك يبه سوقنا غريب وعجبب وخربطه من الاخر ،، المهم امس رجال من برى يسالني يبي يعرف ضروري ارباح بنك الدوحه للنص السنوي والربع الثالث والصراحه عجزت مالقيت حد منزل اي خبر اعلان عن البنك ممكن تفيدني ولاتهون
تم البحث ولم
يحديد توزيع الارباح

[معماري قطري]

صباح الخير بوعبدالله شلونك يبه سوقنا غريب وعجبب وخربطه من الاخر ،، المهم امس رجال من برى يسالني يبي يعرف ضروري ارباح بنك الدوحه للنص السنوي والربع الثالث والصراحه عجزت مالقيت حد منزل اي خبر اعلان عن البنك ممكن تفيدني ولاتهون

صباح الأنوار ما قصر إخونا جعران .. بنك الدوحة طبعاً مرفوع عنه القلم من ناحية التوزيعات كيفه ويمكن آخر السنة يقط 10 دراهم على المساهمين من اللي بيحققه وأتوقع له تحقيق ربح زين صوري على الأقل وين يودونه وشيسوون به إدارة السوق والمصرف المركزي يعرفون .. ومتى بتصير فيه ضربة ثانية وهزة جديدة الله أعلم وشصار في هزة الريان وشتطوراتها إحنا مغيبين

ممكن يحقق 32 درهم وممكن زود لحدود 35 بيكون ربحه المحقق لسعره وايد زين بس التوزيع كم هنا المشكلة العام وزعوا 10 دراهم ومحققين 27 وقبل العام بعد 10 الهنود يسمونه بنك بو عشرة

[مضارب ولهان]

معليش بوعبدالله ولا تهون يعني كم محقق هو في الربع الثالث كم درهم محقق كعائد اقصد او كم ريال

[معماري قطري]

معليش بوعبدالله ولا تهون يعني كم محقق هو في الربع الثالث كم درهم محقق كعائد اقصد او كم ريال

كما بلغت ربحية السهم 0.24 ريال قطري في للربع الثالث من العام ‏30 سبتمبر .. هذا حسب الخبر وهذا أكيد تراكمي لو تقصد الربع الثالث لوحدة بدون الثاني والأول بيكون 9 دراهم لأن الثاني محقق 15 والأول محقق 8 .. يعني تدرج من 8 الى 7 الى 9 وممكن الرابع يكون أحد هذي الأرقام

[معماري قطري]

الأسهم اللي انذكرت الوطني + دخان + أعمال + إزدان + الريان + لشا + السلام + صناعات + مزايا + ميزة + مقدام + المحار + بنك الدوحة = 13 شركة وإن قدرت باشوف بعد شوي من الشركات

خلني أقارن بين اوريدو وفودافون

أوريدو شركة تحب التغريدو شكلها .. اليوم السهم واصل 14.35 وممكن يتعدى بس نعتبره سعر مرجعي .. وهو أعلى سعر سنوي وتقريباً أعلى سعر بشكل مطلق والسهم العام وزع 65 درهم ولسعره الحالي تعادل 4.53% وحقق للآن السهم 0.96 والعام محقق 1.07 ومن أعلى الربحيات وممكن السنة يجيب بالراحة 1.28 ويوزع بالراحة منها 70 الى 75 درهم تعادل توزيع 4.88% الى 5.226%

سهم فودافون .. سعره الحالي 2.45 والعام موزع 12 درهم تعادل تقريباً 5% .. السنة محقق 0.117 قريب جداً من اللي وزعه وسهم فودافون سخي في توزيعاته العام حقق 0.142 ووزع ما نسبته 84.5% والسنةممكن يحقق 0.156 ويوزع 13 درهم بالراحة ومتوقع سعره عندها 2.6 بالراحة

السهمين خطيرين مع إني أميل لأوريدو لأني بعته ولا عندي فيه