المساعد الشخصي الرقمي

مشاهدة النسخة كاملة : كل واحد يعطيني رايه؟


المزن الرياني
07-10-2006, 03:38 PM
شباب والله تلتهت ...
مب عاارف شاااااخذ من سيارة...
الكروزر بيتغير واللكزس فورويل وصالون بيتغيرون بعد ...
المرسدس تغير وسعره ضووو
الرنج مافي حد الا وحذرني منه تقول رايح العراق مب شاري سياره :funny: :funny:
البي ام الفئه السابعه مادري شي عنه ... لغز كبير أوي :con2:


عطوني رايكم ؟ شاااخذ ؟؟؟
ترى لحد يروح بباله بعيد ويحسب اني باخذ من الوكاله :eek3: :eek3:
انا بتاع المستعمل :funny: :funny:
متسبب
07-10-2006, 03:44 PM
لكزس فورويل وتوكل على الله
الا اذا انك ناوي تاخذ موتر ب340 الف ويطيح في جبدك بعد 6 شهور محد يبيه ب260 الف فخذ لك رنج سبورت:o
أبا خطاب الهلالي
07-10-2006, 03:56 PM
الشيخ أنا رايي وفر فلوسك اذا انك بطران وتبي بي أم ورنج ولكزس
وخذلك موتر للمهمات الصعبة مثل العديد وشوارع الدوحة وحق الزحمة
والأرصفة والباركات ويمكن يحك موترك واحد مضيع مفهي مايدري وين الله حاطه
وتكده 5 أو عشر سنين وانت شغال استثمار حق مستقبلك

( جي ستاندر ) لاغيــــــــــــــــــــــر
الأختصاصي
07-10-2006, 05:00 PM
انصحك اخوي لاتبعد عن الاند كروزر والكزس
لانك بالنهايه راح تكون الخسران
وحتى لو تغير الموديل راح يظل سعر الموتر فيه
مثل ماقال المثل التويوتا شيك بالمخبى
بالتوفيق اخوي
ANONYMOUS
08-10-2006, 10:12 AM
انت ماحاط بجت معين...

يعني قول انا فيني شده بين سعر كذا وكذا.. عشان نقرر شنو الموتر المطلوب.. :)

عالعموم.. انا اقترح لك لكزز مش اقل من 2003..

ليجيت من ناحية الكشخه.. كشخه..

ليجيت من صوب الاسم.. فهو اسم..

ليجيت من ناحية البر.. فهو ابو البر..

ليجيت من ناحية السفر.. فهو قمة المتعه في السفر..

تبي تشقح رصيف.. تبي تروح تطعس.. تبي تسحب طرادك.. يقول لك هل من مزيد..

وليجيت تبيعه عقب.. محتاج ولا تبي تاخذ 2009.. تلاقيه مرغووب..

عالعموم هذا رايي.. ويحتمل الخطا.. :)
سهم خسران
08-10-2006, 10:57 AM
انا اوافق اخواني اللي اسبقوني الراي بس المفروض تحدد كم المبلغ اللي تقدر تشتري فيه سياره وبعدين ممكن انقول لك ايش السياره
انا برايي انك تاخذ رولز :) اذا تقدر عليه سياره ماعليها كلام بس لازم تكون مليونير على الاقل عندك 40 مليون في البنك
المهم اذا بغيت رأيي الشخصي والمتواضع اذا في سيارة عاجبتك خذها ياريال بس اسال عنها وعن خرابها واذا اقتنعت فيها توكل على الله وخذها اما بتقول ايش اخذ؟؟؟؟؟؟؟؟
هاي سالفه وقصه طويله مالها اخر وكل واحد له راي وكل سياره لها مزايا وعيوب واذا جبت اي سياره بيطلعون لك فيها الف عيب
مثل ماقلت انت في البدايه الكروزر زين بس بيتغير والرنج كشخه بس سعره يطيح والمرسدس سعره غااااااالي والبي ام كشخه بس يمكن قطع غياره غاليه وما بتخلص
بوحمد1
08-10-2006, 11:00 AM
الله يوفق الجميع