احلام الفقراء !!!!!!!!!!

[العقيد]

حمد.. موضف في اداره حكوميه قضى فيها 5 سنوات وحوش 200000 ريال بطلوع الروح وحلمه انه يتزوج ويفرش بيت الزوجيه الي مأجره.. سمع حمد عن البورصه وعن الارباح الكبيره وقرر انه يستثمر هالمبلغ لمدة 6شهور ويزيد هالمبلغ حتى يقدر يغطي كامل المصاريف بدون مايحتاج الى الاستدانه من احد

بومحمد... طلعله القرض الحكومي وبلش في بناء البيت بس المبلغ مايكفي تشطيب البيت والفرش وقرر انه يحط تحويشة العمر 350الف ريال في البورصه ممكن يربح عليه مبلغ بسيط يساعده في اتمام البناء ..


خالد ..طالب جامعي خذ من ابوه 50الف ريال لشراء سياره بس هالمبلغ مايجيب له الموتر الي بخاطره قرر يستثمر هالمبلغ في البورصه كم شهر ممكن يطلع من وراه فايده ويشتري الموتر الي يبيه..

ام ناصر.. عندها اربعة يتاما وهي الي تصرف عليهم وبطلوع الروح الثلاثة الاف ريال الي اطلعهم من اجار البيت الي تركه لهم المرحوم بوناصر يالله تكفي مصاريف الاكل والشرب واللبس ..بس كل شي يغلى ومافي مجال قدام ام ناصر الا الفكره الي سمعتها من صديقتها -بيعي البيت ودخلي فلوسه في الاسهم وان شالله بتدبلين المبلغ وتشترين بيت اكبر ودخله احسن من الي عندج-..




هذي امثله واقعيه من فئات ارادت ان تحقق احلامها وطموحاتها وان تحسن من اوضاعها واوضاع ابناءها ولكن كل تلك الاحلام تحطمت وانقلبت الاحلام الجميله الى كوابيس مخيفه وديون واستحقاقات وووو ومن السبب ياترى هل هم السبب لانهم ارادوا ان يحسنوا من مستواهم المعيشي ام انها قاعده تقول ( الفقير ليس من حقه حتى ان يحلم بما يتمتع به الغني )

[Qa6ar]

يعطيك العافيه ومشاركه حلوه

بس اتهقى الغني بيفكر بالفقير ولا اليتامى والا رامل

الحمدالله على ماجاء من الله وربما تكرهوا شيئا وهو خير لكم

[الجزيرة]

.............. اسمحلي .... السوق ربح وخساره .... ولا يتحمل اخطاء سوء التخطيط

الله ايعوض عليهم وبالى احسن منها

[al5of]

وش لك بالبحر وأهواله ورزق الله على السيف

[الولهان]

.............. اسمحلي .... السوق ربح وخساره .... ولا يتحمل اخطاء سوء التخطيط

الله ايعوض عليهم وبالى احسن منها
ردودك غريبه

شكلك من الجماعة اياهم !!!!!!!!!!!!
ما تشوف قدامك ايش اللي صاير .... أي تخطيط وأي خرابيط ......... حتى المحللين ما عاد صاروا يفهمون تقول لي بعدها تخطيط
يا أخي التخطيط يبنى لما تكون هناك شفافية ووضوح وصراحة وليست مجاملات كما تفعل أنت

[حمد911]

.............. اسمحلي .... السوق ربح وخساره .... ولا يتحمل اخطاء سوء التخطيط

الله ايعوض عليهم وبالى احسن منها
السوق نازل بنسبة كبيرة ولاخ ايقول ربح وخسارة:eek2: :eek2:

[نمر بن عدوان]

.............. اسمحلي .... السوق ربح وخساره .... ولا يتحمل اخطاء سوء التخطيط

الله ايعوض عليهم وبالى احسن منها

الي يسمعك مايشوف كلامك ونت تشتكي وخاطرك :( في هالموضوع

http://www.qatarshares.com/vb/showthread.php?t=51839:deal:

[سفير الأسهم الحسنة]

والله اخوي في قصص كتير واكتر مما قلت بس شو نقول الا يا رب تعوضنا خير

[الجزيرة]

... الله كريم

[ابوعلي اليافعي]

اخواني الاعضاء الكرام اتمنى الالتزام بحدود الموضوع وعدم الخروج عنه واتمنى ان تتسع الصدور للنقد وأن نتحاور ونتناقش باسلوب يعكس نوعية اعضاء هذا المنتدى الاقتصادي وجزاكم الله خير ..

[ابو الاسهم]

يعطيك العافيه

ما كسر خاطري الا ام ناصر واولادها

[الجني]

حمد.. موضف في اداره حكوميه قضى فيها 5 سنوات وحوش 200000 ريال بطلوع الروح وحلمه انه يتزوج ويفرش بيت الزوجيه الي مأجره.. سمع حمد عن البورصه وعن الارباح الكبيره وقرر انه يستثمر هالمبلغ لمدة 6شهور ويزيد هالمبلغ حتى يقدر يغطي كامل المصاريف بدون مايحتاج الى الاستدانه من احد
السؤال: ليش يحط تحويشة العمر وراء شيء سمع عنه

بومحمد... طلعله القرض الحكومي وبلش في بناء البيت بس المبلغ مايكفي تشطيب البيت والفرش وقرر انه يحط تحويشة العمر 350الف ريال في البورصه ممكن يربح عليه مبلغ بسيط يساعده في اتمام البناء ..
السؤال: ممكن تشطيب البيت بـ 200 الف و هوم سنتر مسوي تنزيلات , بس الزبو شنسوي فيه

خالد ..طالب جامعي خذ من ابوه 50الف ريال لشراء سياره بس هالمبلغ مايجيب له الموتر الي بخاطره قرر يستثمر هالمبلغ في البورصه كم شهر ممكن يطلع من وراه فايده ويشتري الموتر الي يبيه..
الولد يستحي يركب كامري , يبي كروزر مثل باقي الشباب

ام ناصر.. عندها اربعة يتاما وهي الي تصرف عليهم وبطلوع الروح الثلاثة الاف ريال الي اطلعهم من اجار البيت الي تركه لهم المرحوم بوناصر يالله تكفي مصاريف الاكل والشرب واللبس ..بس كل شي يغلى ومافي مجال قدام ام ناصر الا الفكره الي سمعتها من صديقتها -بيعي البيت ودخلي فلوسه في الاسهم وان شالله بتدبلين المبلغ وتشترين بيت اكبر ودخله احسن من الي عندج-..
بو ناصر ترك لهم بيت مؤجر بـ ثلاث الاف (وين البيت اللي اجاره ثلاث الآف) , ام ناصر تبي تشتري سيارة مرسيدس مثل صديقتها و تسافر لندن مع الأيتام درجة اولى



هذي امثله واقعيه من فئات ارادت ان تحقق احلامها وطموحاتها وان تحسن من اوضاعها واوضاع ابناءها ولكن كل تلك الاحلام تحطمت وانقلبت الاحلام الجميله الى كوابيس مخيفه وديون واستحقاقات وووو ومن السبب ياترى هل هم السبب لانهم ارادوا ان يحسنوا من مستواهم المعيشي ام انها قاعده تقول ( الفقير ليس من حقه حتى ان يحلم بما يتمتع به الغني )
الفئات التي ذكرت هل هم فقراء ؟ ؟ ؟



مثل قديم: الفقر ما يعيل على احد

[ابو الاسهم]

بسم الله الرحمن الرحيم
وَهُوَ الَّذِي يُنَزِّلُ الْغَيْثَ مِنْ بَعْدِ مَا قَنَطُوا وَيَنْشُرُ رَحْمَتَهُ وَهُوَ الْوَلِيُّ الْحَمِيدُ
صدق الله العظيم

اللهم اسقنا الغيث ولا تجعلنا من القانطين

[العقيد]

مثل قديم: الفقر ما يعيل على احد

الطموح وتحسين المستوى المعيشي مب جريمه .. وانت اخوي الجني طبقت بكلامك الي يردده الاغنياء لازم الفقير يعيش طول عمره فقير

[العقيد]

بسم الله الرحمن الرحيم
وَهُوَ الَّذِي يُنَزِّلُ الْغَيْثَ مِنْ بَعْدِ مَا قَنَطُوا وَيَنْشُرُ رَحْمَتَهُ وَهُوَ الْوَلِيُّ الْحَمِيدُ
صدق الله العظيم

اللهم اسقنا الغيث ولا تجعلنا من القانطين

جزاك الله خير اخوي ابوالاسهم والامل في الله كبير ان شالله

[الجني]

الطموح وتحسين المستوى المعيشي مب جريمه .. وانت اخوي الجني طبقت بكلامك الي يردده الاغنياء لازم الفقير يعيش طول عمره فقير

أخي العقيد معاذ الله ان اكون كذلك

الطموح شيء مطلوب و لا بد من التشجيع و لكن بقياس

اين نحن من احاديث المصطفى صلى الله عليه و سلم

"لا تكن امعه . . . الخ"
" كلكم راع و كلكم مسئول عن رعيته"
"لا يدخل الجنة من في قلبة مثقال ذرة من كبر"
و احاديث اخرى كثيرة

التقليد الأعمى , و الضغوط الإجتماعية , هي التي ودتنا في داهيه

[الغفير]

ردودك غريبه

شكلك من الجماعة اياهم !!!!!!!!!!!!
ما تشوف قدامك ايش اللي صاير .... أي تخطيط وأي خرابيط ......... حتى المحللين ما عاد صاروا يفهمون تقول لي بعدها تخطيط
يا أخي التخطيط يبنى لما تكون هناك شفافية ووضوح وصراحة وليست مجاملات كما تفعل أنت


انا معاك 100 % و يعطيك العافية - اللة يكون بالعون