نداء الا اصحاب الخبره جزاكم الله خير

[مرحوم قطر]

السلام عليكم

يالربع انا ابغيكم تفيدوني ابشي

وابيه بسرعه و ما اقدر اروح اسال في الشركات لان عندي طواري

يالربع اذا بغيت ابنيلي بيت في الوقت الحالي وكل شي برتفع

وش الخطوات الي اسويها هذا اول سؤال

وثاني سؤال انا ناوي اسويلي شي صغير على قد الحال

يعني نقول مساحة الارض 400 الى 500 متر مربع

في منطقع يكون سعر الفوت فيها رخيص مثل ام عبيريه على سبيل المثال

و اسوي بيت صغير يعني مثلاً غرفة نوم رئيسيه مع الحمام تكرمون وغرفة ملابس

و غرفه ثانيه عاديه و صاله عاديه و حمام تكرمون بين الغرفه و الصاله ومطبخ داخلي

و مخزن صغير و مجلس بسيط مع حمام يعني بيت بسيط حق واحد توه بادي حياته وكل شي بيكون

على حسابه و ابي اسوي في البيت قراج حق سياره ولا سيارتين

بستثناء التشطيب و العفش وهلؤمور ابي من اصحاب الخبره و الله يجزيكم عني الخير

لو تفيدوني في التكلفه انا عطيتكم المواصفات بس بغيت منكم تفيدوني لو ابشكل تقريبي

كم تسوه التكلفه و كم بيطلع على البيت بدون الارض و بدون التشطيب يعني بس البنيان

مع الصبغ و غيره من الامور الاساسيه و مثل الحمامات تكرمون المطبخ وللعلم انا سمعت اني اذا بسوي نفس بعض الناس

الصقف كيربي على ما اعتقد الاسم الي ايجيك جينكو و عازل

فياليت اذا حد عنده امكانيه يفيدني انكم ماتقصرون مع اخوكم

انتظر الردود

[مرحوم قطر]

شدعوه يالربع حد يفيدني ولا خلاص خلص الخير الي في الدنيه

[كاسبر]

والله اخوي لو اعرف جان فتدك ..
بس علمي علمك ..
انا بعد ناوي ان شاء الله ابني ..
اذا حد يقدر يفيدنا جزاه الله خير ..

[مرحوم قطر]

جزاك الله خير يا الغالي على الاقل طيبت خاطري ابردك

[تركي الشهراني]

يا اهل الخبره افيدو الرجال


ما يصير ما فيه احد غير ملم بــ ها الامور




والله لو عندي شي كان قلته لك يا الغالي

السموحه

[راعي النيسان]

والله يالغالي ما ادري اذا اقدر افيدك .. بس واحد من الربع باني له ملحق كامل بحوش بيتهم من غرفتين وصالة وحمام ومطبخ ويعني تشطيب حلو طلعت عليه السالفة تقريبا بـ 85 الف ريال قطري ... هذه اللي اعرفه .. عاد خذ هذه المثال وضبط حسبتك ..

أما بخصوص البنيان فيالغالي السالفة طويلة من ناحية الرخص ،، يعني لو عندك واسطة تخلص في شهر او في شهرين ..

طبعا اول شي تشتري الارض ، وبعدها تروح مكتب استشاري يخطط لك البناء وذيه كلفته مال 3000 لين 5000 ريال تقريبا والاسعار تختلف حسب مواصفاتك بيت شعبي او فيلا دور ارضي او فيلا دورين ..
وبعدها تروح البلدية وتقدم على رخصة البناء .. وعقبها تتعاقد مع مقاول ، او ممكن من المقاول تقوله طلع لي الرخصة حقة البناء لو انت مالك في الركضة والحنة وتتفاهم انت وياه على التكاليف .. وسالفة تسليك الكهرباء والماي والتفلون كل هذه الامور عند المقاول اهو يسوي لك هذه السوالف ,, بس ما اتذكر كم الكلفة بالضبط ..

المهم الغالي انا ادري يمكن ما فدتك إفادة شافية بس يوم شفت محد رد عليك قلت يالله خلني اقول كلمة فيها خير يمكن ان شاء الله تكون ترجع عليك بفايدة ..

بس يالغالي انا انصحك لو تسوي بيت بورت كابين من مجامعية بيطلع عليك ارخص من بيع السوق ولا تقدر تحط داخل البيت الديكور اللي تبيه وانته مغمض .. وهذا انا قاعد ادور لي على ارض الحين واول ما احصل الارض ان شاء الله راح اسوي هذه الحركة .. واتوكل على الله ،،
ولا تاخذك المظاهر مد رجولك على قد لحافك ابني الحين هشكل وبعدين لو صارت معاك فلوس والله يسر امورك ذاك الوقت ابني البيت اللي يعجبك .. على فكرة اخوي تخطيط رخص الكابين اسهل واسرع بوايد ،، لانه البيت يجيك جاهز والبلدية تتساهل في مثل هذه الرخص خصوصا لو قلت لهم بانك محتاج ومضطر وصايدتك مشكلة الايجارات مب مثل اللي يبي يبني بيت وفيلا ..

وان شاءالله يرزقك ويوفقك ويسهل امرك .. omen

[مرحوم قطر]

اخوي الشهراني تسلملي يا الغالي على ردك و ماقصرت

اخوي راعي النيسان

تسلم يا الغالي على الرد و ماقصرت وبخصوص البورتاكابين

اخوي انا تخبرني شاركت معك في موضوعك الي حطيته ورحت سالت شركة ال عمران

تحطمت نفسياً يوم قالولي المتر مربع من 700 ريال الى 1700 ريال

يعني مافي فايده اذا بسوي غرفه 4 × 4 شوف كم بيطلع علي

عشان كذا قلت بسويلي بيت عادي صغير و بسوي الصقف كيربي لان بيطلع على ارخص

ابوايد وايد و بيعيش معاي فتره طويل والديكورات بقدر اسوي الي ابيه لان كل شي بيكون صغير

وبسيط وبقدر اسوي فيه الي يعجبني عرفت كيف وغير كذا بيكون طابوق مابيكون خشب

يمر علي نيسان هدرز فلتر وانا راقد يخلي مخي يفتر 180 درجه



اوكي يبا يعطيك العافيه و اشكر كل الي ردو على الموضوع وجزاكم الله خير

[مرحوم قطر]

للرفع

[aminasalam]

السلام عليكم

يالربع انا ابغيكم تفيدوني ابشي

وابيه بسرعه و ما اقدر اروح اسال في الشركات لان عندي طواري

يالربع اذا بغيت ابنيلي بيت في الوقت الحالي وكل شي برتفع

وش الخطوات الي اسويها هذا اول سؤال

وثاني سؤال انا ناوي اسويلي شي صغير على قد الحال

يعني نقول مساحة الارض 400 الى 500 متر مربع

في منطقع يكون سعر الفوت فيها رخيص مثل ام عبيريه على سبيل المثال

و اسوي بيت صغير يعني مثلاً غرفة نوم رئيسيه مع الحمام تكرمون وغرفة ملابس

و غرفه ثانيه عاديه و صاله عاديه و حمام تكرمون بين الغرفه و الصاله ومطبخ داخلي

و مخزن صغير و مجلس بسيط مع حمام يعني بيت بسيط حق واحد توه بادي حياته وكل شي بيكون

على حسابه و ابي اسوي في البيت قراج حق سياره ولا سيارتين

بستثناء التشطيب و العفش وهلؤمور ابي من اصحاب الخبره و الله يجزيكم عني الخير

لو تفيدوني في التكلفه انا عطيتكم المواصفات بس بغيت منكم تفيدوني لو ابشكل تقريبي

كم تسوه التكلفه و كم بيطلع على البيت بدون الارض و بدون التشطيب يعني بس البنيان

مع الصبغ و غيره من الامور الاساسيه و مثل الحمامات تكرمون المطبخ وللعلم انا سمعت اني اذا بسوي نفس بعض الناس

الصقف كيربي على ما اعتقد الاسم الي ايجيك جينكو و عازل

فياليت اذا حد عنده امكانيه يفيدني انكم ماتقصرون مع اخوكم

انتظر الردود
اخوي انا عندي الشخص اللي بيساعدك وهو مهندس ممتاز ويخاف الله ايش رايك واذا تبي ممكن اعطيك جواله وهو ممكن يقعد معاك وتقوله اللي تبيه