المساعد الشخصي الرقمي

مشاهدة النسخة كاملة : شباب ايش رايكم في الكهرباء ..؟



حمد
23-02-2005, 12:05 PM
شباب ايش رايكم في الكهرباء .... اسباب الهبوط ... والعرض الكبير ...

ورايكم فيها السعر زين للشراء او لا ..؟ ... وكم السعر الامثل للشراء ...؟؟

وايش نتائج السنه الماضيه ..؟

والارباح المتوقعه ...؟

تحياتي لكم ولمجهودكم

حمد

سوبر سهم
23-02-2005, 12:21 PM
هلا اخوي

اسباب الهبوط مثل ماصار في قطر الوطني كانوا متوقعين الناس توزيع عدل
وانصدموا

وخبرك صدمة اهل قطر ايقطون السهم من سابع دور

يعني انطر لين لمت داون رقم سبعه;)

الارباح المتوقعه وقعوها :)
راجع هذا اللنك

http://www.qatarshares.com/vb/showthread.php?t=528

انت كاتب نفس الموضوع في قسم الارباح او انا غلطان؟

سلام :)

حمد
23-02-2005, 12:33 PM
اشكرك اخوي على تجاوبك ...

بس ممكن رايك يعني على كم اشتري السهم ( افضل سعر شراء ) ؟

وايش رايك بالنسبه لمستقبل السهم .... سعنس متى بيرد يرتفع مره ثانيه ... واذا ارتفع كم تتوقع يوصل ... ؟

... بالنسبه اني نزلت الموضوع مرتين .... اي والله لاني نزلته في ارباح الشركات .... بعدين شفت ان

مكانه النقاش الاقتصادي ... فنزلته مره ثانيه ...

حمد

قطري
23-02-2005, 01:41 PM
يعني انطر لين لمت داون رقم سبعه
والله ان قاسي سبعة لمت داون :o
المشكلة لو نزلت تحت 92 الله يستر
تحياتي

سهم عتيج
23-02-2005, 01:57 PM
بالنسبة لشركة الكهرباء,, فيمكن سبب نزولها الكبير هو أن المستثمرين انصدموا من التوزيعات التي أقرها مجلس الادارة وهي 18%,, حيث أظهرت نتائج السنة المالية للشركة أن أرباحها الصافية كانت 75.1% أو 7.5 ريال لكل سهم,, في حين كانت صافي أرباحها للعام الماضي 385 مليون ريال او 3.85 ريال لكل سهم..
ونظرا لأن الكثير توقع أن تكون التوزيعات أكبر بكثير سواء في صورة أرباح نقدية أو أسهم مجانية فان التوزيعات التي أقرها مجلس الادارة لم يتوقعها الكثير,, واذا قسنا أرباح الكهرباء مع أرباح الصناعات لهذه السنة مثلا فاننا سنجد أن الصناعات قد حققت 5 ريالات للسهم وتم توزيع 3.5 ريال لكل سهم,, أما الكهرباء فقد حققت 7.5 ريال لكل سهم وستقوم بتوزيع فقط 1.8 ريال لكل سهم

تعقيب...أعتقد أن سهم الكهرباء هو سهم استثماري طويل الأجل,, حيث أن الشركة في طريقها لعمل توسعات كبيرة جدا لمحطاتها سواء لتحلية المياه أو زيادة انتاج الكهرباء,, لذلك فان عوائد السهم ستكون متدرجة الى الأعلى ,, وتحتاج الى نفس طويل من جانب صاحب السهم..

ملاحظة::: ترجع نسبة الزيادة الأكبر في أرباح الكهرباء والماء الى ان الدولة قامت في بداية عام 2004 بدفع فارق التسعيرة بين القديمة والجديدة لصالح شركة الكهرباء,, هذه الفرقية تقدر بحوالي 310 مليون ريال قطري,, لذلك فاننا شهدنا ان أرباح الكهرباء نمت بمقدار أكثر من 100% لهذه السنة,, ولكن السؤال,, هل مقدار هذا التعويض كان عن سنة واحدة فقط أم عن سنوات سابقة؟؟ وهل ستقوم الدولة بتعويض الشركة أيضا لهذه السنة أم لا,,

في كل الأحوال فان هذه الأموال والأرباح التي حققتها الشركة ستقوم بضخها مرة اخرى في توسيع استثماراتها ومحطاتها مما سيجعل أرباح شركة الكهرباء والماء أكثر بكثير من التي تحققه الآن,, ولكن مثل ما قلت تحتاج الى بعض الوقت لا أكثر,,

حمد
23-02-2005, 02:18 PM
والله انك عسل ياسهم عتيج

شكرا للجميع

Spread Trader
23-02-2005, 04:54 PM
بس ممكن رايك يعني على كم اشتري السهم ( افضل سعر شراء ) ؟

مثل ماقالوا الاخوان انطر وانطر شكلها بتوقف على 70 اذا مب اقل كل يوم لمت دون ومحد يبيها . ارباحها اكثر من الملاحه وشركات التأمين ووزعت اقل منها. :mad:

سنووايت
23-02-2005, 05:14 PM
واللي شراها على 102.3 شيسوي :(

سهم عتيج
23-02-2005, 05:50 PM
واللي شراها على 102.3 شيسوي :(

يصبر لين موعد دخول الأجانب:o يمكن يرجع كما كان

ياجماعة خلنا نكون منطقيين
الشركة حققت أرباح على السهم بمقدار7.5 ريال للسهم,, وكان بامكان الشركة توزيع حتى 6.5 ريال على السهم,, وفي هالحالة السهم ممكن يطير لين 150 ريال,, وهذا الكلام يفرح المضاربين أكثر من المساهمين بالتأكيد

لكن الشركة عندها مشاريع كبيرة جدا,, يعني من الأفضل لها أن ترحل هذه الأرباح الضخمة للاحتياطيات التوسعية,, وهذا فيه فائدة كبيرة جدا للمساهمين,, لأن الشركة عندها مشاريع بالمليارات,, فمن الأفضل انها تغذي هذه المشاريع ذاتيا,, أفضل من الاقتراض,, أو أن تكون نسبة الاقتراض في حدود المعقول حتى تستمر الشركة في توسعاتها وفي نفس الوقت تعطي عائدا أكبر للمساهمين سنة عن أخرى

Spread Trader
23-02-2005, 06:25 PM
سهم عتيج, وجهة نظر احترمها, بس تخيل نفسك مساهم في الكهرباء من 3 سنوات
وتقعد اتقارن نفسك مع الشركات الثانيه مثل النقل, الملاحه, المصرف, بنك الدوحه. كل هذي الشركات حولت مساهميها الى فئة هوامير ومساهمين الكهرباء ياخذون من 0.7 -0.8 في السنه على السهم

مشاريع جديده للكهرباء :confused: ? ترى المحطات الجديده شركات مساهمه بين شركات اجنبيه و QP والكهرباء ونسبتهم ماتتعدى 15% ماني متأكد من النسبه بس في هذي الحدود.

يعني بعد هذي السنه انكشف المقلب الي اخذوه المساهمين :( .والله ربطت نفسي مع شركه فاشله لو اني حطيت فلوسها في اي شركه ثانيه كان انا بخير. بس مقيوله لو جريت جري الوحوش غير رزقك ماتحوش.

سوبر سهم
23-02-2005, 06:45 PM
تعقيب...أعتقد أن سهم الكهرباء هو سهم استثماري طويل الأجل,, حيث أن الشركة في طريقها لعمل توسعات كبيرة جدا لمحطاتها سواء لتحلية المياه أو زيادة انتاج الكهرباء,, لذلك فان عوائد السهم ستكون متدرجة الى الأعلى ,, وتحتاج الى نفس طويل من جانب صاحب السهم..

كلامك 100% صح والله (((شكرا اخوي سهم عتيج )))

اخوي قطري :)
مب قوية اليوم خامس لمت داون
باقي يومين هانت

اخوي حمد
والله اقولك هو استثمار طويل واذا شريته انساه لاتقول نزل زياده كان ممكن انتظر
لانه بيرجع يرتفع باذن الله
لكن اذا انت شاري وشفت لك فرصة تعويض خساره بمكان ثاني توكل على الله وبيع.


اخوي سهم عتيج .... بس الاجانب داخلين في كهرماء صح؟
يعني اعتقد ماراح ايأثر عليها دخول الاجانب من جديد

ممكن رأيك ونظرتك بهذا الخصوص؟


:)


وتسلمون

مساهم صغير
23-02-2005, 07:07 PM
الحين صارت 95 ريال

سوبر سهم
24-02-2005, 10:13 AM
عساها ترتفع:)