هـابس !! [الأرشيف] - منتديات شبكة الأسهم القطرية

poor

11-10-2006, 05:28 AM

معنى على معنى .. و طرق .. و تراكيب
همـي و تفكيـري و صوتـي و قافـي
عزله عن العالم .. و حزن .. و مصاليب
دمع و سكوت و قطع وصـل و تجافـي
ليلة قصيـد .. يِـرّد عنهـا الأصاحيـب
و على إنفراد .. اِتبـاح فيهـا الخوافـي
يـا هابـس .. الدنيـا متاهـة سراديـب
ماهي على ظنّـك .. سحـاب و فيافـي
شف رجفة كفوفي علـى طـارة الجيـب
تنبيك عـن رجـف الضلـوع الروافـي
شايب ولو ما بان فـي راسـي الشيـب
الشيـب فـي جـوف المعاليـق ضافـي
في كل مره تشـرق الشمـس و تغيـب
و انا على وضعـي .. جفافـي جفافـي
إن شفت بوجيه العـرب لـي تراحيـب
ما شفت بقلـوب العـرب لـي مصافـي
بعيونهـم كلـي عـيـوب و عـذاريـب
و أصدق عذاريبي .. سبـب لاختلافـي
هذا زمـان الكـذب و الغـدر و العيـب
مـا هـو زمـان يعيـش فيـه السنافـي
إن جيت أغنّي يقصر القاف .. و يشيـب
و ان جيت انام الليل .. يقصـر لحافـي
و ان جيت أسولف للجـروح المعاطيـب
أعطبـت فينـي كـل جـرح متعـافـي
ضاق الحشا .. و الصمت يحتاج ترتيـب
و انـا علـى صمتـي كتبـت إعترافـي
الأرض مالت .. و الفضا وضعه مريـب
و أربع جهات الكون .. سجن و منافـي
أكتب و لا ادري ويـن أودي المكاتيـب
المـوت قدامـي .. و عمـري خلافـي
يارجـل سجّـي فـوق روس المراقيـب
مـن قبـل أسوقـك للبحـر و المرافـي
ويـا راس و ان دارت عليـك الدواليـب
عن طيحتـك .. تفـداك روس الهرافـي
مـا طوعـنّـي زاهـيـات الجلالـيـب
و لا أكسـرونـي لابسـيـن القحـافـي
إن متّ .. موتي مـن كبـار المكاسيـب
و ان عشت ..( ُحرّ ) بوقفتي و أنصرافي

عبد الله ذويبان

Qa6ar

11-10-2006, 11:56 PM

مرحبا بعودتك بور

وشرفنا مرورك بعد انقطاعك

وشاكر لك اجمل الاختيار:)

وصح لسانه

{راشد}

12-10-2006, 02:19 AM

من احلى قصائد عبدالله الصراحه,,

تسلم ع الاختيار المميز

poor

13-10-2006, 02:41 AM

Qa6ar
كل عام وانت طيب لو انها متأخره :shy:
الله لايحرمني عطر مرورك
تحيتي لك

poor

13-10-2006, 02:42 AM

راشد
الأحلى والأجمل مرور شخصك الكريم
تحيتي لك