تسجيل الدخول

مشاهدة النسخة كاملة : بغيت مشورتكم في الاسهم ( انا توني في البدايه )


cartier_qa
13-10-2006, 12:22 AM
السلام عليكم اخواني وبارك الله فيكم ولكم انشالله :shy: . .

انا صراحة ماعرف في الاسهم وايد وبغيتكم تشورون علي . .

انا ابي ادش الاسهم بمبلغ بسيط يعني على ما يقولون اجرب حظي . .

فصراحة اتمنى تشورون علي شنهي الاسهم اللي ممكن اشتريها ولو نبذه عنها . .

واتمنى شي بسيط بعد انكم تقولون لي من وين اقدر اروح اسوي الاستماره او آخذها لاني مثل

ما قلت هذي البدايه وما عرف شي . .
:con2:
اتمنى احترف من خبراتكم . .

وشكرا جزيلا . .
AL-QATARE
13-10-2006, 12:53 AM
اخوي ياليت اطالع بريدك الخاص
عتيج الصوف
13-10-2006, 12:57 AM
بالنسبه لي اخوي ,,,,اشوف ان تأخذ الريان وتنساه وتخليه كأستثمار طويل الأجل والله يوفقك
سهم طايش
13-10-2006, 01:04 AM
انا اقولك خل فليساتك عندك و لا تدخل السوق هالايام

نصيحة لوجة الله
cartier_qa
13-10-2006, 01:07 AM
شكرا لك القطري . .

وشكرا يا عتيج الصوف . .

اوكي باخذ في الريان من وين اخوي آخذ الاستماره للتعبئه ؟؟

ومن اي مكان ؟؟
Orbit
13-10-2006, 01:11 AM
انا اقولك خل فليساتك عندك و لا تدخل السوق هالايام

نصيحة لوجة الله

وينك مختفي ياسهم طايش
بشر دخلت السوق مرة ثانية ولا لحين تنتظر رجوع
السيولة بمعدل 400 مليون
الــجــزيــرة
13-10-2006, 01:26 AM
حبيب قلبي

روح سوق الدوحة وقولهم ابي اشتري لأول مرة

بيعطونك رقم مساهم وبيشترون لك

انا عن نفسي اقولك مثل ماقال اخونا عتيج الصوف

خذ فالريان وخلهم للأجل الطويل

بس اذا تبي عائد لاتاخذ بمبلغ بسيط مثل 20 الف مثلا

حاول تاخذ كمية قد ماتقدر ولكن ان شاء الله ماتكون سلفة

ادخل بالكاش اللي عندك وتوكل على الله

ارقد وآمن وان شاء الله كلها كم شهر ولا سنة ولا هم دبل وفوق الدبل

باذن الله

(( وجهة نظر ))
سهم طايش
13-10-2006, 01:52 AM
وينك مختفي ياسهم طايش
بشر دخلت السوق مرة ثانية ولا لحين تنتظر رجوع
السيولة بمعدل 400 مليون

لا و الله يا خوي لين اللحين ما دخلت السوق

انتظر قاع السوق و كل يوم اقرا تحاليل الاخوان في قسم التحليل الفني الكل متفق ان السوق ممكن ينزل اكثر 0

اذا شفت الارتداد الحقيقي بدخل السوق

:nice:
cartier_qa
13-10-2006, 06:56 PM
الجزيره تسلم اخوي على ردك وانشالله اسوي اللي قلته . .

يعطيك العافيه . .