المساعد الشخصي الرقمي

مشاهدة النسخة كاملة : فزعتكم يالربع متوهق في حادثbmw وابي نصيحتكم


لمت داون111
13-10-2006, 07:23 PM
السلام عليكم

بشرح من البدايه لانه الموضوع طويل :deal:

واحد من الربع عنده بي أم الفئه السابعه موديل 2002 ومسوي حادث (شبه خشن ) علي الجنب ويبي تركيب ايرباغات واغراض مثل درامويلات واكسلات ورنغ .. والحمدلله الشاصي والمكينه ماصادهم شي .. وعلي الفحص يبين كل شي

الوكاله عطونا بالتصليح سعر خيالي جدا جدا .. وديناها لكراج وقاله بجيب لكم اغراض أصليه من دبي والسعوديه بتكلف قيمتها مع شغل يد الكراج تقريبا حول ال65 الف وكل شي اصلي وشغل الكراج نظيف بس هو عافت نفسه من السياره وبنفس الوقت متوهق مب عارف شيسوي

وجابت له 75 الف بدعمتها .. وفي ناس انصحوه يتفق مع سكراب ولا بعض الاشخاص الي يشترون السيارات المدعومه ويبيعونها لانه بتجيب له اكثر وايد ..

للعلم الموتر نظيف واايد ما شاء الله قبل الحادث وممشاه علي ماظن 90 الف وراعيه محافظ عليه جدا وكل تغيير آيل وتشيكات بالوكاله بس الله بلاه بهالحادث هذا:)

الحين بغيت نصيحتكم شيسوي؟؟ .. يصلحها ويستعملها وتعرفون اذا في كراجات في الدوحه ولا دبي يرجعها علي وكالتها .. ولا تعرفون سكراب ولا حد يشتريها منه بدعمتها ويتصرف فيها هو

السموحه طولت عليكم .. وبانتظار نصيحتكم لانه الرجال صج متوهق وانظلم بالدعمه .. بس قدر الله ماشاء وفعل والحمدلله علي كل حال
:nice:
الرصاصي
13-10-2006, 07:53 PM
لمت داون111
حمدالله على سلامة خويك
اما نصيحتي له اذا في امكانيه يشحنه الامارات
احسن له بوايد يصلحه هناك ارخص.
لمت داون111
13-10-2006, 07:56 PM
لمت داون111
حمدالله على سلامة خويك
اما نصيحتي له اذا في امكانيه يشحنه الامارات
احسن له بوايد يصلحه هناك ارخص.
الله يسلمك يالغالي :nice:

وتسلم علي النصيحه والله .. وانا اقترحت عليه نفس الاقتراح

بس ماتعرف شالاجراء لو بيودي الموتر بالبرقدون وماتعرف كراج هناك يضبط الموتر ؟؟

جزاك الله خير علي الرد اخوي :)
الرصاصي
13-10-2006, 08:23 PM
والله يالغالي الاجراء اعتقد انه اورقه الحادث وصوره البطاقه وملكيت السياره بس
ماعتقد يطلبون شىء ثاني.:con2:
اما حق الكراجات عندك المصفح في ابوظبي يقولون ارخص من الشارقه واحسن:court:
:nice:
Mercedes
13-10-2006, 08:40 PM
اخوي وفر مشوارك للأمارات وخصوصا ان المكينه والشاصي ما بهم شي

انصحك بكراج طارق ... اخر شارع 14 على اليمين .. عند برج كيوتل

نفس المشكلة صارت لولد خالي عنده اكس فايف .. دعمه بسيطه على الجنب واخترب كل شي الكهرباء والثلاجه ولوحة التحكم والأير باق ..

دخلها الوكاله ودفعوه 4000 عشان يطلع تقرير الخراب .. تخيل

امامك خيارين لا ثالث لهما:

1- يستحمل تكاليف التصليح وللى اكيد راح تكون اكثر من 60 الف

2- يبيع السيارة بخرابها ..

عالعموم روح كراج طارق وكلم واحد اسمه سمير او اياد ... شغلهم شغل وكالة (وخصوصا للمرسيدس والبي ام) وأهم راح يعطونك افضل حل .. .. انت ادخل الكراج وشف المواتر .. (والأرقام)
.. الله يوفقك

اذا تبي رقمهم كلمني عالخاص

تحياتي
hamoor4ever
14-10-2006, 03:16 AM
اذا على قولتك اخوي جابت له 75000 بخرابها .. خل يبيعها لان مثل ماتقول
تصليحها يبي له 60000

عيل لين تصلحت كم بتجيب له .. الموديل 2002 وهاذي بي ام

يعني اللي بيفكر ياخذ بي ام مابياخذ شي مستعمل ومدعوم
يعني حتى اذا تصلحت .. صعب يلقى لها شراي اخوي

ويمكن الاخوان يفيدونك اكثر مني

وشكرا
عتيج الصوف
14-10-2006, 03:27 AM
اخوي اشوف يبيع الموتر ,,,,ولا يعور راسه بتصليح وخصوصا انه بعد التصليح مااظن تنباع بأكثر من المبلغ الي بيدفعه بالأضافه لمبلغ البيع,,,,ونقطه هامه اذا نفسه كرهت الموتر خله يخلص ويفتك والله يعوضه كل خير
_QTR_
14-10-2006, 04:26 AM
yebeyeeee3 almoter o allah ye3aw'9aaaaah kel kheyeer
سعادة الوزير
14-10-2006, 05:50 AM
المسألة بسيطة، يحسبها من الصوبين، هو مايبي الموتر خير شر، يعني يا اما يبيع الموتر بخرابة، او يصلحه ويبيعه، معناتها اذا باع السيارة بعد التصليح بيقيمة تعادل أكثر من 75 الف + قيمة التصليح يصلحها ويبيعها، اما اذا كان متوقع انها تنباع بمبلغ اقل، يبيعها على علتها ب 75 الف يكون اوقر له، والعوض على رب العباد.
ولـــد قطـــر
14-10-2006, 11:15 AM
المسألة بسيطة، يحسبها من الصوبين، هو مايبي الموتر خير شر، يعني يا اما يبيع الموتر بخرابة، او يصلحه ويبيعه، معناتها اذا باع السيارة بعد التصليح بيقيمة تعادل أكثر من 75 الف + قيمة التصليح يصلحها ويبيعها، اما اذا كان متوقع انها تنباع بمبلغ اقل، يبيعها على علتها ب 75 الف يكون اوقر له، والعوض على رب العباد.

أنا رائي من رائي اخوي

وكلامه صحيح

نفس سيارت رفيجك موديل 2002م كم ، ومصبوغة كم سعرها بالسوق= على ما أضن 110.000 ريال لأنها مصبوغة

وسيارته جابت 75 الف بدعمتها عملية حسابية
75+65=140الف
75-110=35 الف

إذا اخيرله يبيعها بدعمتها
حمد911
14-10-2006, 01:08 PM
بصراحة مثل ماذكرو الشباب ايبيع السيارة افضل لة واذا كان لة رغبة في البي ام يقدر ياخذ موديل 2003 او 2004 وبيحصل سيارات نظيفة
وبعدين 75 الف سعر زين للان تصلح السيارة 60 الف
BURBERRY
14-10-2006, 01:48 PM
انا رأيي ان يصلح السيارة و يستعملها

أو

يبيعها بدعمتها بـ 75 الف

و الفلوس بتتعوض اهم شي السلامه
Aigner
14-10-2006, 01:57 PM
اول شي الحمد لله على السلامه وقول لرفيقك المال زايل وان شاء الله يعيش ويطق احسن منها هذا من ناحيه اما بخصوص الموتر انا اشوف والله العالم انه لو يبيعها سكراب بيلاقي اللي يشيلها باحسن من ذا السعر لاني اشوفه اقل من حقها والله الموفق
أكتتاب
14-10-2006, 05:08 PM
الله يعوض رفيجك والحمدلله على سلامته

مادري لو تصليح الموتر انت تقصد بس في الوكاله في الستين الف ؟

ان شاء الله تحصل ارخص لو رحت كاراج طارق على مثل ماقالو الاخوان

وانا من رأيي انك تبيع الموتر ..وان شاء الله تحصل سعر حلو ومايخسر فيه صاحبك

وشكرا والله يوفقكم
alwahesh
10-11-2006, 05:12 AM
انا راي من راي هامور4
لان السياره بعد التصليح ما تجيب 115 ولازم ياخذها كويتي ....خل رفيجك يبيعها ويفك عمره من عوار الراس ولا تنسى انهم اذا قالو 60 الف ممكن اتكلف اكثر من 80 الف قطع ما تشوفها الا بعد التصليح وهذا غير البرمجه والكهربا الخ الخ الخ
قطري كشخه
10-11-2006, 06:01 AM
مادري اخوووووي شاقولك ...

بس جيك مع الكرستاااال شغله شغل محترم والكل يعرف هالشي وصبغه مب طبيعي لكن معروف انه غالي انت مب خسران روح وجرب حضك

واذا طلع التصليح حول 50 الف وفوق ف ماله اله انه يبيعه والله يعوضه خير
alwahesh
12-11-2006, 12:51 AM
بيعها سكراب واشتري راحتك
طالع بن نازل
13-11-2006, 07:27 AM
مرحبا اخوي ,, انا عندي ب ام ودايما اتعامل مع كراج طارق ........
نصيحتي لرفيجك انه يبيعها بالدعمة ويفتك منها , و75 الف حلوين والله يعوضه