اللي ناوي عل كورفت يدخل.. [الأرشيف] - منتديات شبكة الأسهم القطرية

مشاهدة النسخة كاملة : اللي ناوي عل كورفت يدخل..

ولد الديره

13-10-2006, 09:08 PM

شباب اخوي توه شاري كورفت 2006 العاديه( مبz06) و حبيت اقولكم عيوبه و مميزاتها

نبدا بالعيوب : 1-السياره بالكامل فيبر ال البيبان حديد
2-لما تمشي بالسياره اقل هزه يوقف الملاحه(GPS) لازم تشغله مره ثانيه
3-السياره واااايد واطيه ( يمكن يكون هاذا عيب عند بعض الناس)
4-حجم الصدام اللي ورا و اللي جدام وايد عود يعني لو سويت حادث تحت بتظطر انك تغير الصام بالكامل.
5-مافيها حساسات و مثل ماتعرفون ان بوزها وايد طويل و يحتاج حساسات

ثانيا المميزات:1-السياره قمه في الروعه من ناحية الديزاين
2-من داخل المصنع حطلك روح السبورت و في نفس الوكت الكشخه
3-(1-شاشه لمس 2-نضام السرعه عل الجامه 3-نضام الملاحه 4-زينون 5-تحكم بالقير العادي من السكان:nice: 6-تشتغل بالزر 7- كرت )
4-في شغله انا اول اشوفها اذا بغيت تبطل الباب من داخل بضغطة زر ينفتح الباب يعني بدون مسكه او مثل ما تفتح باب اي سياره
5-واااااااااااااااااااااااااااااااايد قويه اضن المفروض ماذكر هاي 400 حصان

اضن هاي اللي عندي و اهم نقطه بغيت اذكرها انت قاعد في كورفت يعني ام السبورت يعني شي مب صاحي ( طبعا اللي عندهم كورفت 2005 و فوق يحسون عدل:D

تحيات ولد الديره ..

Bin Hood

14-10-2006, 12:43 AM

تسلم على المعلومات بخصوص الكرفت

@ بوفيصل@

14-10-2006, 01:08 AM

مشكووور على المعلومات الي ان شاء الله
يستفيد منها عشاق السبورت

qtr5555

14-10-2006, 01:26 AM

مشكور اخوي على المعلومات
ومنكم نستفيد

hamoor4ever

14-10-2006, 03:10 AM

كانت عندي وحده بعتها .. صج موتر قوي . انا جربت سيارات سبور .. بس
بصراحه سواقه الكورفت غير ..

بس عيبه تخاف عليه اذا صادته دعمه بتقعد تصيح ..

هاهااه
وخبرك شوارع الدوحه كل واحد يدش على الثاني

الله يبارك له ف الموتر يشوف خيره ويكفيه شره ..

انا بصراحه ماشفت بالكورفت اي عيب .. الا طبعا اللي يحب يسوق فور ويل مابيحب يركب شي نازل وايد

ولد الديره

14-10-2006, 04:14 PM

العفو شباب و اخوي الهامور الله يسلمك شتقول في شهر اندعمت 3 مرات بس دعمات خفيفه تروح بالباليس بس صج قلبك يعورك خخخخخ وحاضرين حق اي سؤال..

تحيات ولد الديره

أكتتاب

14-10-2006, 04:54 PM

أكتتاب

16-10-2006, 12:53 AM

ووووووووووووووووينك طولت علينا :(

يالربع ترى الموتر 2007 ماتغير اليوم جاي من الوكاله واسف لو عطيتكم معلومات خطأ .

2007 .. بس غيرو الرنجات

وشكرا لكم

hamoor4ever

17-10-2006, 12:35 AM

ماعتقد بيتغير ال 2007 الا يمكن شغلات خفيفه جدا والموتر يبي له فتره لين يتغير لانه جديد ماصار له شي وماانتشر .. ومستحيل الشركه تغيره بسرعه لان هاذه اسمه كورفت ..

الايل تروح عند التيسير يبدلونه لك .. لان نوع الفلتر متوفر عندهم
ولازم تحط له موبل ون احسن نوع

اما السفايف مادري عنها .. بس طبعا انت ماراح تغيرها كل يوم ..
بس اعتقد انها شوي غاليه يعني بحدود ال 2000 ريال يمكن انا مب متأكد بس سمعت جذيه

لان اعتقد ان نوع البريك هو بريكات برمبو ... وهاذي افضل انواع المكابح تتحمل الحراره والضغط

بس قلت لك ان اندعم بتصيح ... وثاني شي مافيه كراسي وره .. ومسجله ساعات يشير
اما غير الاشياء هاذي فالموتر فوق الزين .. كل شي فيه تحسه كشخه
ومشاء الله طياره

VAIO

17-10-2006, 01:58 AM

اشكرك على الرد اخوي

والــ 2007 ماغيرووها نفس الشي بالضبط ماعدى الرنجات

انا كنت بالوكاله اول امس .. واقالو لي هالكلام

يعطيكم العافيه

لمت داون111

17-10-2006, 02:58 AM

ولد الديره

30-10-2006, 12:11 AM

السلام عليكم .. مرحبا اخوي ولد الديره اشكرك على هالموضوع الرائع لان بصراحه انا ناوي اخذ لي وحده من الوكاله ان شاء الله لو قدرت .

اخوي ليش اخوك استعجل ؟ قالو لي الوكاله ان الكورفيت
2007 راح تتغير
بعض اللمسات الخفيفه على البدي فقط لا غير .

الله يبارك له ويعطيه خيرها ويكفيه شرها

بكم خذ الموتر بعد الخصم ؟

اشلون قطع الغيار ؟ اشوف الشباب يقولوون قلبك يعورك ؟؟ وكيف معامله الشركه ؟ يعني لو تودي الموتر تفحصه يطول معاهم ؟ واشلون تبديل الايل وهالسوالف .
مركب دبات زوايد ؟ ولا ماركب شي ؟ وبكم .؟

وشكرا لك اخوي واسف لو طولت

ومبروووووووووووووووووك مره ثانيه :)

تأخرت عليك وااايد خخخخخخ
خذ الموتر اب210000 و ماقدرو يعطونه اكثر لان صفره و اللون الاصفر ماعليه خصم مثل ايلون ثاني
و قطع الغيار لين الحين ماصادنا شي منهم
و معاملة الشركه عاديه نفس التيوتا
و عن الدبات او مركب اشياء لاء اخوي ما مركب لان مايحب هالسوالف:d بس ممكن يركب سقف بنوراما جزاز بس وايد غالي 6000 ريال مع العلم ان الحوت اليديد البنوراما 5000 و القطعه عووووده و الكورفت القطعه ماتي متر في متر

و اي سوال انا حاضر تحياتي..

الغـــيور

31-10-2006, 03:29 AM

تسلمون علي المعلومات يا شباب:nice:

والكورفت استخدامه مب شي رفيجي عنده 2006 والله من داخل مب شي ولا عملي:court:

بس شكل وسرعه وقوه مايحتاي

وبالاخير للاسف امريكي سعره يطيح

بس البدي الجديد رووعه:app:
الله يسامحك اخوي حد يقول عن افضل سيارات المسل في امريكا اشتعماله مب شي:confused: اضن هاي رايك مب راي رفيجك!!
وبخصوص السياره من الداخل انا ماأضنك ركبت مواتر اسبورت وايد ركبت الفراري الإنزو
جفته من داخل اضن لو تجوفه بدقول هاي اكسنت هههههه000 عزيزي الإسبورت لازم يكون
معطاك طابع السبورت يعني بدال التيك تلاقي حاطين لك كاربون فايبر الي هو اغلى بوايد من
التيك طبعا!!.
وعلى طاري عملي اولا يكون في علمك انه تقريبا الموتر الإسبورت الوحيد إلي للإستخدام اليومي مش للويكند بس!!
وعلى طاري العزم صدقت حدث ولا حرج عندي افلام لوتبي احطهم يبيلي صفحات مب صفحه وحده000!!
لا الفايبر والا الفراري 430 ولا البورش 911 ولا القلاردو ولا الإم فايف يصفطون عند صدام الـZ06 اليديده!
تسارعها من 0-100 كم 3.7 ثانيه!!

بإختصار ماله حل:strong

والسموحه يالربع
عاشق الكورفت<<< خف عالريس عاد:D

بوراشد 66

31-10-2006, 05:53 AM

بالتوفيق :nice:

ولد الديره

28-11-2006, 01:39 PM

بالتوفيق يالربع بس ادعو انشالله الاسهم توقف عل ريولها مثل قبل و انشالله المشروع الياي مب كورفت اله اصف بنتلي جي تي

تحياتي..

style

28-11-2006, 02:31 PM

الله يسامحك اخوي حد يقول عن افضل سيارات المسل في امريكا اشتعماله مب شي:confused: اضن هاي رايك مب راي رفيجك!!
وبخصوص السياره من الداخل انا ماأضنك ركبت مواتر اسبورت وايد ركبت الفراري الإنزو
جفته من داخل اضن لو تجوفه بدقول هاي اكسنت هههههه000 عزيزي الإسبورت لازم يكون
معطاك طابع السبورت يعني بدال التيك تلاقي حاطين لك كاربون فايبر الي هو اغلى بوايد من
التيك طبعا!!.
وعلى طاري عملي اولا يكون في علمك انه تقريبا الموتر الإسبورت الوحيد إلي للإستخدام اليومي مش للويكند بس!!
وعلى طاري العزم صدقت حدث ولا حرج عندي افلام لوتبي احطهم يبيلي صفحات مب صفحه وحده000!!
لا الفايبر والا الفراري 430 ولا البورش 911 ولا القلاردو ولا الإم فايف يصفطون عند صدام الـZ06 اليديده!
تسارعها من 0-100 كم 3.7 ثانيه!!

بإختصار ماله حل:strong

والسموحه يالربع
عاشق الكورفت<<< خف عالريس عاد:D
ليش انا ماخذ السيارة بادش فيها drag race...ولا ايش ..من زين شوارع الدوحة ماخذلي كورفت..الامريكي بيظل امريكي لو تسوي وشوا ..مالة قيمة...بعدين كرسيين شاسوي فيهم..انا مش مقتنع بالسيارات اللي من كرسيين فقط ..يعني مش اربع ابواب مش عملية في الدوحة..برة يمكن بس مش في الدوحة ..الامريكي لو تعطيني اياة ببلاش ماخذة

تراب قطر

28-11-2006, 03:01 PM

ليش انا ماخذ السيارة بادش فيها drag race...ولا ايش ..من زين شوارع الدوحة ماخذلي كورفت..الامريكي بيظل امريكي لو تسوي وشوا ..مالة قيمة...بعدين كرسيين شاسوي فيهم..انا مش مقتنع بالسيارات اللي من كرسيين فقط ..يعني مش اربع ابواب مش عملية في الدوحة..برة يمكن بس مش في الدوحة ..الامريكي لو تعطيني اياة ببلاش ماخذة

انا اشوف انه ماعليه كلام

وخصوصا لو كنت عزوبي يازينه وهو شتري ولا تي توب.....وجو الشتا

هداف

09-12-2006, 01:19 AM

الكورفيت موتر جبار ويتميز با لوزن الخفيف والمحرك ذو التكنيك العالي جدا
(( العضلات + المخ الامريكي ))

واحسن موتر اسبورت لسنة 2006 هو الكورفيت Z06 وبا لفعل قلب كل الموازين وفيه عباره مشهوره روجت لها الــ Gm اثناء تدشين هذه السياره التحفه الا وهي

(( صنعت خصيصا لتأكل رأس الافعى )) والمعني بذلك هو الدوج فايبر اللي في توقيعي

حيث ان التنافس على اشده بين الدوج والــ Gm

وانا من محبين السيارات الاسبورت والامريكي على وجه التحديد وانا من سنة 2003 امتلك كورفيت Z06 بقوة 405 حصان والوكيل عندنا ذاك الوقت ماكان يجيبها وانا جايبها وارد من امريكا وكانت مميزه في شوارع قطر وايضا خذت الدوج فايبر وخذت ال C6 كورفيت وحاليا امتلك الاسطوره كورفيت Z06 بقوة 505 حصان
والفايبر مشاكله كثيره وانا شريته وارد امريكا وتعبت من كثرة مشاكله بس ما يمنع انه موتر جبار منظر ومخبر لكن الكورفيت انهى اسطورته بغمضة عين

معا العضلات الامريكيه انت الاول على طول في عالم السبورت :)

يعطيك العافيه اخوي على الموضوع الشيق

أكتتاب

09-12-2006, 01:57 AM

اخوي هداف

وش رايك بالكورفيت العاديه دام انك خبير في الاسبورت ؟

لان للحين افكر في وحده .. ولو تخبر لي وحده نظيفه تسوي خير

وشكرا لك على مشاركتك القيمه

هداف

09-12-2006, 03:16 PM

يا هلا ومسهلا اخوي اكتتاب

من الظلم ان انسميها كورفيت عاديه :) وهذا تقليل من شأن ال كورفيت C6 با لعكس بل سياره جباره بمحرك سعة 6.0 بقوة 400 حصان وذا المحرك هو نفسه محرك ال Z06 القديمه من موديل 2001 الى 2004 واضافوا عليه بعض التعديلات

ولا تقل في التكنيك والرفاهيه والقوه عن ال Z06 لكن كل سياره تعتبر فئه مختلفه عن الاخرى

اختيار موفق اخي الكريم واذا تبيها جديده تقدر اتخلصها من الوكيل بمبلغ 200 الف من غير واسطات واذا كنت امعزم راسلني على الخاص وانا بسنعك في الشركه

مستعمله ما اذكر حاليا ولكن سعر ال 2005 في 180 وانت نازل حسب النظافه فما بالك بموديلات 2006 و 2007

انصحك انك تاخذها جديده لان سعرها وسعر المستعمل قريب من بعض وسوقها ثابت ولها ناسها وعشاقها

تحياتي

alwahesh

09-12-2006, 11:08 PM

تسلم على المعلومات