عيدكم مبارك مقدما [الأرشيف] - منتديات شبكة الأسهم القطرية

مليونير قادم

15-10-2006, 04:13 AM

السلام عليكم ورحمه الله وبركاته

وعيدكم مبارك مقدما

شباب ابي نصيحه جزاكم الله خير
عندي مرسيدس (حوت) 2002
وابي اشيك عليه من الصدام الى الصدام

وهنا عندنا غالي نااااااار كل شي فيه قطع الغيار

وين تنصحوني اسوي له صيانه

جعل الله نصيحتكم في ميزان حسناتكم

تحيه للجميع

لمت داون111

15-10-2006, 08:00 AM

حق الالماني عندك التخصصيه علي خط الوكالات بتحصله علي اليمين بين شارع 17 و 18 قبل لاتدخل ولا شارع فيهم ..وان شاء الله فهمت علي الوصف اخوي.. فحص من الصدام لين الصدام بالكمبيوتر ويدوي ويتم الموتر عنده يومين ولا ثلاثه علي مايفحصه ويخلص .. وأسأل مجرب

بالتوفيق اخوي :)

مليونير قادم

16-10-2006, 02:01 AM

لمت داون111

16-10-2006, 03:14 AM

الله يرحم والديك اخوي لمت داون111

وعساها في ميزان حسناتك

بس اخوي شلون اسعار الصيانه عندهم والقطع اذا محتاج لاسمح الله شنو تنصحني فيه الشركه نار شركه بوش ايضا مب اصليه

والله يكتب اللي فيه خير
ووالديك يالغالي .. تسلم والله

وودي افيدك عن الاسعار بس والله مادري اخوي لانه مالي خبره بالالماني .. بس اعرف كذا واحد الي عندهم مرسيدس وبي ام موديلات جديده 2002 و2003 وتشيكاتهم السنويه بالكراج الي قلت لك عنه ويمدحوونه وايد

وأنت بعد أسأل الشباب اصحاب الخبره عنه وان شاء الله يفيدونك

وبالنسبه للقطع اخوي انا مانصحك الا بالوكاله لانه غير الاصلي مايعيش ولا يعمر .. خاصه لو انك تبي موترك يتم عندك وماراح تبيعه .. مابتتحسف لما تركب اصلي وتريح راسك من اول مره

التجاري ماينفع كلشش وخذها قاعده ولازم بالاخير بترجع تغيره وتركب اصلي .. يعني اختصر الموضوع من اوله وعليك بالاصلي وبس

واذا القطع بتكلفك كثير دق سلف وروح الدمام .. وبتنصدم من فرق الاسعار هناك وشوفت عيني والله القطعه الي بالدوحه علي 3 الاف تحصلها هناك ماتتجاوز الالفين ريال .. هالفرق مب بسيط

والسموحه علي القصور اخوي .. والله يعينك ان شاء الله :)

مليونير قادم

17-10-2006, 03:29 AM

جزاك الله خير اخوي لمت داون111

وعساك ذخر يا الغالي

تحيه لك